رواية جبروت المهداوي الفصل التاسع 9 بقلم داليا منصور الفرجاني

رواية جبروت المهداوي الفصل التاسع 9 بقلم داليا منصور الفرجاني

البارت التاسع

تاني يوم كان ايهاب قاعد ومستني حاجه توصله ولم وصلتله وقف وهو بيقول بصدمة:
– معقول الست اللي ربتلي بنتي هي نفسها مراتي افنان مش معقول دي عمرها صغير خالص بس هي ليه مش طايقة اسمي كدا مش فاهم…
لين صحيت وجريت على ايهاب وهي بتقول:
– بوي استنيتك امارح ومرجعتش خالص كنت فين يابوي ومجيتش تشوف لين خالص…
ايهاب بحب:

– لاع انا مقدرش اسيب لين واصل لكن الشغل اللي عمل كده يا لينو وغصب عني غبت عنك..
افنان خرجت من الاوضه وهي بتتاوب وشعرها الناعم متنعكش ولابسة بجامة شبه لين بالظبط لقت اللي بيضحك عليها..
افنان وهي بتفوق لقت ايهاب قدامها صرخت وجريت وهي بتقول:
– انت يا طور انت كيف تيجي كده من غير متخبط مش عارف ان في حرمة هنيه ومتجوزة كيف ما قولت امبارح عاد…
ايهاب سرح في كلامها وقال:
– وانتي معتعرفيش ان جوزك واقف قدامك اهنيه يا افنان..
افنان كانت لبست فستان وخرجت وهي خايفة وتقول..
– ايه اللي عتقوله ده يا ايهاب بيه أنا….
ايهاب وهو بيوقفها ويقول:
– هش كذبتك اتكشفت وابويا بنفسه بعتلي القسيمة بتاعت الجواز وشوفت صورتك ليه بتخبي عليا ها..
وكان بيقرب عليها وهي بترجع لورى بتوتر وتقول:
– انا غصب عني اعملت اكده ابوي هو اللي باعتي مطرح الخالة ريحانة وقالي متقوليش انك جوزي لحسن مترضاش اني اعيش اهنيه مع لين..
ايهاب بهدوء وهو بيحاول يبعد عنها وبيقول:
– بس انتي ليه عملتي كدا طلاما مش بتحبيني وليه ربيتي لين..
افنان بحزن:
-شوفت نفسي في لين علشان كده قلبي متعلق بيها قوي معتخيلش يوم بعيده عنها واصل يا ايهاب بيه…
ايهاب افتكر كلام نرمين قبل مـ افنان تيجي بلحظات وهي بتقوله انها اطمنت على بنتها وانها بعتاله هديه هل كانت تقصد بالهدية دي افنان…
فجأة الباب خبط ايهاب راح فتح ولين راحت لأفنان تغيرلها..
ايهاب فتح الباب لقى سليم استغرب وقال:
-سليم بتعمل ايه هنا وايه جابك..
سليم بتوتر:
– كنت جاي علشان اشوف لين واشوفك..

لين اول مسمعت جريت وسابت افنان وهي بتسرح شعرها وبتقول:
– عمي سليم عامل ايه عاد…
سليم شالها وبيقول:
– كنتي كملي تسريح مش هطير متخافيش..
لين بخوف:
– لاع اصل افنان لو كنت قعدت اكتر من اكده كانت هتسألني عن الواجب بتاع الحضانة وانا مش عارفه حاجه..
سليم بضحك وهو بيقول:
– انا مش مصدق البنت دي عندها خمس سنين ازاي هتجنن والله..
ايهاب بتكبر:
– مش بنتي والا ايه لازم تطلع شبهي كدا..
لين بهزار:
– لع انا بنت افنان وذكية شبها هي قالتلي كده..
سليم ضحك وهو بيفتكر افنان وسأل ايهاب وبيقول:
– امال افنان فين مش شايفها خالص..
ايهاب باستغراب:
– وانت مالك ومال افنان وتعرفها منين مش فاهم..
سليم بتوتر:
– هكون بعرفها منين مش حضرتك بعتني اجبلهم الطلبات فساعتها شفتها خارجة هي ولين واتعرفت عليها..
ايهاب بغيرة:
– وتطلعلك ليه أصلاً مش لين موجودة..
سليم باستغراب:
– في ايه يا ايهاب مالك شايفك مدايق من ايه هي معملتش حاجه البنت طلعت تاخد مني الحاجة وكمان انت مالك بيها مش أنت متجوز..
كان لسه هيقوله بس شاف افنان جاية تجري وتقول:
– لين تعالي اسرحلك..
لين جريت وافنان بتجري وراها وسليم شافها سرح في جمالها وهو ونسى أن صاحبه واقف وقال..
– شعرها شبه اليل..
ايهاب شاف المشهد اتعصب وقال:
– افنان..

افنان وقفت هي ولين بخوف وقال:
– نعم يا ايهاب بيه..
ايهاب بعصبية اكتر:
– اتزفتي ادخلي جوة مش عايز اشوف منظرك قدامي خالص دلوقتي..
افنان زعلت ولين زعلت من ابوها ودخلوا سوى وبعدين بص لسليم اللي بصله باستغراب وقال..
– في ايه يا ايهاب افنان عملت ايه علشان تعمل فيها كدا…
ايهاب بعصبية:
– لم تبقى واقف في بيت احترم حرمته يا صاحبي…
سليم استغرب وقال:
– بس افنان مش حرمتك يا ايهاب وكمان انا معجب بيها و…
مكملش الكلمة كان في بوكس في وش سليم وبيقول بعصبية:
– انت مجنون يالا جاي تقولي انك معجب بمراتي…
سليم بصدمة وخوف وبيقول:
– ايه مراتك انت بتقول ايه ياجدع وازاي افنان مراتك و…
ايهاب بعصبية:
– ده ميخصكش امشي وحسابك بعدين…
مشى سليم ودخل عند افنان متعصب وبيقول…
– عمالة تدلعي قدامه وفرحانة بشعرك ده كمان…
افنان بخوف:
– انا معملتش حاجه واصل كنت بجيب لين علشان اذاكر ليها واسرح شعرها..
ايهاب بص للين وقال..
– لينوا روحي اوضتك والعبي واحنا جاين وراكي..
لين جريت وسابت ايد افنان الخايفة من نظراته وهو بيقرب منها وهي بترجع بيقولها..
– من دلوقتي مشوفش شعراية خارجة من شعرك أبداً
ولو لقيش شعراية واحدة هقصلك شعرك كله…
لين بخوف:
– بس أنا مش..
ايها بعصبية:
– بلا مش محجبه بلا نيلة غوري البسي اي نيلة او استني هنزل اجبلك ومشوفش شعراية منك خارجة..
خرج ايهاب وافنان بصتله وهي بتبتسم وتقول:
– انا قلبي عيدق كده ليه مش عارفه وطلع حلو قوي ورومنسي كومان، شكل الحياة بدأت تلمع في حياتي..
….. عند مرات ابوا افنان الراجل شاور على العمارة الموجودة فيها افنان وقال…
– هي قاعدة اهنيه هي وجوزها ايهاب..
سنية بكره:
– بقى قاعدة اهنيه وانا جوايا نار قايدة يابت جابر مش عهنيكي واصل على فرحتك..
سنية بكرن:

– لازم ننفز قبل مجوزها يرجع بسرعة.
الراجل:
– بس هناخدها كيف والعمدة هيعرف بده..
سنية بتفكير:
– عندي فكرة بس اخدها معاي اهم حاجه علشان اقدر احسبها زين واعرف افكر هعمل ايه فيها…
هز الراجل راسه وطلعوا شقتها…
عند افنان سمعت صوت جرس الباب فتحت وهي فكرته ايهاب واول مفتحت اتصدمت وصرخت وطلت تجري على جوه وهي بتقول:
– لين اتخبي يا قلب امك بسرعة..
سنية بخبث:
– اتخبي انتي يابت جابر اصل معسبكيش واصل..
افنان ببكاء:
– ابوس يدك يامرت ابوي همليني في حالي انا مريداش اروح معاكي واصل..
سنية غمزت للراجل وهي بتقول:
– خدها ويالا بينا بسرعة قبل جوزها ميجي ويحصل مشكلة عاد…
افنان وهي بتصرخ بس الراجل رش حاجة على وشها وقعت وخدوها طلعوا ولين جريت وهي لتصرخ سنية زقتها وقفلت الباب…
وفضلت تصرخ وتاندي بأسم امها وتقول:
– ماما افنان افتحيلي ماما انتي عتروحي فين وتسبيني اهنيه لحالي…
… وفضلت تصرخ فجأة سمعت حد بفتح الباب من بره نادت عليه ايهاب باستغراب دخل ورمى الحاجة اللي معاه وهو بيقول:
– في ايه يالين امال افنان فين يا حببتي علشان تصرخي كدا..
لين وهي بتشهق:
– ماما افنان الست الشريرة جت خدتها من اهنيه ورشت حاجه على وشها والراجل العجوز شالها وخرج هاتلي ماما افنان يابوي…
ايهاب حضن بنته وهو متعصب وبيقول بشر:
– مش هسيبك يا سنيىة وهعرفك ازاي تيجي هنا وتاخدي حاجه مش من حقك…
ورن على ابوه……
# استوووب..
ياترى افنان هيحصل معاها ايه الاحدلث الجاية تهبل الكل يتفاعل ويقول رايه وعاوزة البارت ده يلف الفيس وكله يعمله مشاركة….

• لقراءة باقي فصول الرواية أضغط على (رواية جبروت المهداوي)