رواية توبة أبويا خربت بيتي الفصل الأول 1 بقلم حنان محمد

رواية توبة أبويا خربت بيتي الفصل الأول 1 بقلم حنان محمد

البارت الأول

ايه اللي بتقوله ده يا بابا .. انت عاوزني اتجوز رقاصة؟!
– وفيها ايه يابني .. الرقاصة دي مش بني ادمه يعني
– بابا انت بتهزر ولا بتتكلم بجد، أنا لسه متجوز من حُب حياتي من شهرين .. وانت راجل اعمال كبير يرضيك ابنك يتجوز رقاصة

سكت الأب شوية وقاله:
– يعني يرضيك اقابل ربنا وانا ظالم البنت دي؟
= ولا يرضيني انك تظلمني يا حاج .. بس قولي طيب انت ظلمتها ازاي ونحاول نراضيها بقرشين

سكت الأب شوية وقرب على ابنه كريم وقاله:
– وطي صوتك عشان امك متسمعناش ..
= طيب
– زمان البنت دي كانت شغالة عندي سكرتيره .. وحصل مني ..
كريم قاطه والده وقاله:
– ايوه ايوه متخيل القرف ده كنت بترميلها الفايل على الأرض وبتطلب منها تجيبه
= يابني اسكت خليني اكمل
– كمل يا حاج، اتفضل
= هي كانت محترمه وملهاش في حاجه وانا اللي غاويتها
– طبعًا ظلمتها وبعدين هي ملقتش غير انها تشتغل رقاصة
= لأ انا عرفتها في كبارية اصلًا

نفخ كريم في ضيق وقاله:
– اماااال ايه يا بابا انا مش فاهم حاجه ..
= بص يا كريم انا البنت دي غلطت في حقها ولازم تتجوزها، انا توبت من كل حاجه بعملها وعايز اصلح غلطاتي .. ومش هينفع احكيلك غلطنا ازاي
– بابا انا كبرت ومتجوز على فكرة
ضحك الأب وقاله:
– بس لسه مخلفتش يعني لسه صغير

سكت كريم شوية وقال:
– طيب سارة مراتي؟ انا لحد دلوقتي مش مستوعب انك بتتكلم جد أصلًا
= كل حاجه وليها حل، المهم البس هدومك عشان كتب كتابك على داليا النهارده
– ايه ده اسمها داليا؟ ايييه ده كتب كتاب مين! ده انا لسه عارف اسمها حالًا .. هتجوزهالي؟!
بص الأب لكريم بغضب وقاله:
– البس وتعاله يا كريم

على الرغم من من رفض كريم إلا أن نظرة الأب الغاضية لازالت تُخيفه
فقال:
– حاضر يا بابا

وبعد شوية وصلوا الكبارية
ودخل (شرقاوي بيه) والد كريم الكبارية وحياه الجميع بحرارة مما اوحى لكريم أن والده دائم التردد على هذا المكان
فقال كريم لوالده:
– أمي لو عرفت الحوار ده هتنفخك
= ولو نفختني انا هنفخك

دخل شرقاوي بك ومعه كريم إلى (الكواليس) حيث توجد داليا
وما أن دخل الشرقاوي حتى احتضن داليا وقال لها:
-وحشتيني يا بنت الذين، احلويتي ازاي كده
كريم: يا بابا .. يا بابا انا واقف
شرقاوي بك: عادي يا كريم هو انت غريب
كريم: يا بابا انت اللي غريب دلوقتي

وبعد تحية طالت
قال شرقاوي بك لداليا:
– أنا جيبتلك كريم اهوه يا داليا وهنكتب كتبابكو على بعض وبكده اكون عوضتك عن اللي فات
نظرت داليا لكريم بدلال وبعدها قالت:
– بس انا عندي مشكلة صغننه خالص
قال كريم وهو ينفخ في ضيق:
– خير .. مشكلة ايه؟
= أنا حامل
– ايييه!!

يُتبع ..

• لقراءة باقي فصول الرواية أضغط على (رواية توبة أبويا خربت بيتي)