رواية تزوجت ملتزمه الفصل الخامس 5 بقلم آمنة الصادق

رواية تزوجت ملتزمه الفصل الخامس 5 بقلم آمنة الصادق

البارت الخامس

#تزوجت ملتزمه ✨💗 {5}
#للكاتبه آمنه الصادق {ميمشكة ❤️}
المهم عدينا أيامنا ديك اتعرفنا علي بعض و حبينا بعض ايوااا لازم نحب بعض لانو خلاص بقينا ل بعض ☺️ و اتعودت عليه و عرفت عنو كم حاجه بحب شنو و بكره شنو و بتعامل كيف و من الكلام دا و عدينا الاسبوعين و الليله ماشين ناس امي الزيارات و كدا طبعا بعد صلينا الصبح و قرينا قران طبعا بقي يصلي الصبح حاضر ايوااا بتعذب عشان اصحي بس في النهايه بصلي حاضر ☺️ وهسه انا بتهجز عشان نطلع
استحميت و لبست بنطلون و تشيرت و سرحت شعري وحدة و عملت قلوس في خشمي و وقفت في المرايه
يأمن :- ح تطلعي كدا 😳لا لا م برضي بسحروك لي
يقين :- 😏👀و كملت لبسي العبايه و النقاب و الاسبورت {م تقولو لي انتو كمان فكرتو انو ح اطلع كدا يعني عشان عرست ح اخلي نقابي 😏👀غايتوووو م بعرف بتفكرو كيف }
يأمن :- اووف😮‍💨😅طبعا لما شفتك كدا نسيت انك منقبه و فكرت ح تطلعي كدا 😅
يقين :- 🙂لا طبعا ويلاااا نمشي
#يأمن 🍁🍁🍁🍁🍁
طبعا احترمتها شديد و مبسوط منها يعني شوفتي ليها انو م مظهرة ولا مفتن من مفاتنها رغم انها جميله جمال خرافي بس مافي زول شايف الحاجه دي غيري خلتني مبسوط و اضحك علي تفكيري القديم و كمان حسيت بمكانه عظيم من تصرفها دا و حبيتها و كنت كل م اعين ليها ابتسم لانو مافي زول شايف و عارف جمالها غيري 🙂ااااخ ي الله قدر شنو كنت غبي بتفكيري الحمدلله علي كل حال المهم وصلنا سلمنا عليهم و لقيناهم مجهزين لينا خروف
المهم ضبحو و عملو الفطور فطرنا و قعدنا اتونسنا كدااا
🍁🍁🍁🍁🍁🍁🍁
سميه :- اهااا ي بتي كيفك انتي مبسوطه
يقين :- الحمدلله ي امي كويسه و مبسوطه
سميه :- ان شاء الله ديما ي بتي مبسوطه و عقبال اشوف اولادك ان شاء الله 🙂
يقين:- ان شاء الله ي امي ان شاء الله
ضحي :- ارح غرفتك عايزة احكي ليك
يقين:- خير في شنو
ضحي :- ارح انتى بس
يقين :- ارح🚶‍♀️🚶‍♀️ … اهااا في شنو
ضحي :- انتى عارفه 😭😭😭
يقين :- استغفر الله 🥺اهااا في شنو مالك بتبكي ي بت احكي
ضحي :- ود عمي جاني و قال عايزني و انا م عايزه و م عارفه اعمل شنو انا عارفه زول متعقد و م ح يرضي لي اقرا و انا عايزة اكمل قرايتي 😭😭😭
يقين :- بسم الله كدي اهدي شويه و اسمعيني انتي استخيري اول و كلمي ناس البيت قولي ليهم علي حسب الاستخارة انا بجاوبكم
ضحي :- ولو كانت طبيعيه 🥺
يقين :- اكيد الله م بجيب ليك الا الخير خلي ثقتك في ربنا قويه و وكلي امرك ليهو صدقيني م بتلقي الا كل خير
ضحي :- ان شاء الله ان شاء الله 🥹🥺. …. اهاااا انتي الحصل معاك شنو 😉
يقين :- معليش اللي حصل معاي دا بتقال ل ناس كبار م ليك 😏🙄
ضحي :- عفنة حيوانه خلاص . وضربتها في كتفها
يقين :- ي ستي تعالي احكي ليك م بقدر ادس منك 😅
و حكيت ليها بعض الحاجات و اتونست معاها فترة وبعدها طلعت شويه و جاني احمد قال لي راجلك عايزك لبست توبي و مشيت عليه طبعا في البيت غير اخواني و ابوي و هو مافي رجال عشان كدا مشيت بتوب بس
يأمن :- اهاااا نمشي بعد كدا
يقين :- طيب تمام 🥹
يأمن:- بعد لاحظت انو م عايزة تمشي هسه … اما اذا عايزة تقعدي ف انا ح امشي و اجيك الصباح
يقين:- 😀جد خلاص تعال الصباح اصلا مشتاقه ليهم ناس البيت الصباح ان شاء الله لو من الشاي ح تجيني بكون منتظرك
يأمن :- تمام ي ستي 🙂 الصباح خليك جاهزة ان شاء الله
وقمت حضنتها و بوستها في راسها و اديتها مصاريف و طلعت و دعت ناس البيت مع انو حنسوني ابيت معاهم بس قلت ليهم مرة تانيه و طبعا م مشيت بيتنا من غيرها مشيت ل ياسر العذابي طبعا قاعد براهو
🍁🍁🍁🍁🍁🍁🍁🍁🍁
#يقين:- بعد مشي مشيت قعدت مع ناس البيت و عملنا شاي و اتونسنا و الكلام جاب الكلام قلت ليهم طبعا ضحي جاها عريس
محمد:- شنو😳
يقين :- بسم الله مالك قلت جاها عريس
محمد:- و الجامعه
يقين :- دي حاجه بتخصها و بعدين انت دخلك بيها شنو { و طبعا كنت قاصدة اعمل كدا لانو كنت حاسه انو خاطي عينو عليها و كدا اتاكد}
محمد:- صراحه انا عايزها و كنت منتظرها تكمل علي قولك قلتي م عايزة ترتبط هسه الا بعد تخلص دراسه بس اذا كدا انا لازم اتصرف
و هي عايزهو
يقين :- مع الاسف لا 🙄
محمد:- بس حلو 🙂
و قام طلع 🤭💃💃💃💃💃
🍁🍁🍁🍁🍁🍁🍁🍁🍁
ياسر :- اووووو عريسنا ولا م اقول العريس
يأمن :- لا لا قول ساي
ياسر :- شنو غيرت رايك ولا شنو
يأمن :- لا رضيت ب قسمتي خلاص
ياسر :- لا يعني خليت المزز خلاص
يأمن :- اي خليتهم {وانا ب قلبي بقول هي اللى عندي دي زي الملاك عايز ب البشر شنو 🙄 غايتووو}
ياسر :- لا م تقول ي مان الحالة لقيت ليك عينة نضيفه
يأمن :- هو ي زول انا بقيت راجل متزوج و ملتزم م عايز الحركات دي تاني 🙄
ياسر :- من متين ي مكتب
يأمن :- من عرست حتي انو فرمط تلفوني و جايك نمشي نطلع شرائح جديدة
ياسر :- كدي ي مان عندك حمي …وهبش راسو .. م يكون كتبتك ي مان
يأمن :- عليك الله بطل خرافت انت زول راقي .. و بصوت واطي قال لو في كتابه بكون انا اللي كتبتها دي محتاجة تكتب زول دي تاشر بس تلقي اللي عايزة ..
ياسر :- قلت شنو
يأمن:- ولا شي قوم نمشي نطلع الشرائح و ناكل لانو دي اخر ايام اتحاوم معاك فيها
ياسر :- بروح عليك الشغل النضيف بس 😏
يأمن:- ارح ارح و خليني من الكلام دا
#يأمن 🍁🍁🍁🍁🍁
اي اتغيرت في الفترة دي حتي الزمن اللي كنت بطلع فيهو و اشوف بت م ملتزمه م بعاين ليها بغض البصر و كمان فرمط تلفوني كلو و من الاحسن قلت اغير الشرائح كلها لو عايز ابدا بدايه جديدة معقولة ملاك زي دي يخونها او يعاينو ل غيرها ابدا طبعا و ياهو مشيت غيرت الشريحه حقتي و اكلت و قعدت مع واحد من اصحابي اسمو سامر زول هادي و م عندو فكه للبنات طبعا بعد طلعت مع ياسر و شاف بت مشي يحنك معاها عادتو الله يهدي زي كدا ي رب و اتونست مع سامر كدااا و مشيت شقه ياسر طبعا زمان م كنت بقعد مع سامر كتير لانو زول هادي و م عندو شغلة بالبنات بقول دا زول ممل ساي بس هسه نظرتي ليه اتغيرت ولما رجعت البيت قلت اعمل مقلب في حبيبه قلبي و اشوفها بتعمل شنوو
يأمن :- الووو … المزة يقين حامد 😉
يقين :- ايوااا نعم زوجه المجنون يأمن محمد 😏
يأمن:- عرفتيني كيف
يقين :- مافي وحدة م بتعرف صوت راجلها ي زكي زمانك 😅
يأمن :- طيب اشتقت ليك انا 🥹
يقين:- كلها كم ساعه اشتاق لي حبه 😎
يأمن :- عايني ارح نمشي بيتنا هسه و ناس امي نخليهم بعد كم يوم
يقين :- ولا يمكن ح نمشي بيتنا اصبر شويه
يأمن :- اوووف طيب عملتي شنو في يومك
و اتونسنا كدا و نمت بعديها عشان اصحي بدري اسوق مرتي خلاص
🍁🍁🍁🍁🍁🍁🍁🍁
في الصباح :-
يقين :- خلاص طالعه قلت ليك بس فضل لي كم حاجه اشيلهم معاي ي محمد
محمد:- اسريع طيب الراجل دا منتظر
يقين :- حاضر حاضر بس شيل لي ديل برا و نادي معاك احمد يشيل لي ديل كمان ولو ناديت يأمن كمان يكون م قصرت
محمد :- هسه عربيتكم دي بتشيل كل حاجاتك دي
يقين :- اي تشيل ولا علي كيفها 😏😅
محمد:- غايتوووو الله يهديك خليهم نجيبهم ليك المرة الجايه
يقين :- لا لا ديل مهمات بس خليت الباقي جيبو
محمد :- لا يعني لسه في 🙄👀
يقين :- اي مالك 🙄
شلت حاجاتي و مشينا علي بيت اهلو استقبلونا و طبعا هم كانو عاملين كرامه و نفس جوطه امس حلصت بس مع ناس غير بس كان يوم حلو ونسه و هظار عندو بت عمو اسمها ملاك جميله بس م حبيتها
🍁🍁🍁🍁🍁🍁🍁
ملاك :- شنو ي مرت يأمن او اقول النينجه 😏😈
يقين :- 😏👀 م اشتغلت بيها و اتكلمت مع خالتي قلت م اخرب اليوم دا معاها طبعا هي لابسه توب اخير عدمو خفيف و رافعهو ل الركبه تقريبا و عاملة كيف كيف متزوجه اي بس عايزة مني شنو م عارفه م اشتغلت بيها و كملت يومي عادي
🍁🍁🍁🍁🍁🍁🍁
#يأمن :- جااا الليل و ناس البيت حلفو علينا نبيت و هي وافقت طبعا بعد تحانيس من ناس البيت و انا م قدرت اعترض مع انو كنت عايز امش و الليله كلو لا قدر اتكلم معاها بالتلفون ولا اقعد معاها مع انو عارف هي جنبي بس م قادر اعمل شي وانا الليل كلو اتقلب في السرير و لما الحاج حسي بي قال لي قوم امشي ليها عينت ليه قال لي عارفك بتفكر فيها امشي السطوح انت وهي عينت ليه تاني 👀عشان اتاكد و لقيتو جادي و اتسحبت براحه و فجأة …..

💞_—-{#لم يكن النضج سهل الوصول إليه، تحتاج طريقاً طويلاً من التجارب، وليالٍ من الأرق، وصفعاتٍ من الخذلان، حتى تصل إلى النضج الذي يجعلك في حالة تقبّل ورضا، متسلّحاً بالحكمة التي اكتسبتها من الأيام، و اعتمادك على الله وحده، وثقتك به ولا أحداً سواه، النضج نعمة؛ لكن ثمنها غالياً

• لقراءة باقي فصول الرواية أضغط على (رواية تزوجت ملتزمه)