رواية غول الصعيد الفصل السادس 6 بقلم بيري الصياد

رواية غول الصعيد الفصل السادس 6 بقلم بيري الصياد

 

 

البارت السادس

 

 

رواية غول الصعيد الحلقة السادسة
يستغرب عيسى حديثه بشده ويقول. مفهمكش يا واد عمي انت هتفكر في إيه خايف من اللي جاي منك
يبتسم همام وينظر أمامه ويقول.اتفرج وانت ساكت يا عيسى بس
ينفخ عيسى بقوه كبيره ويقول.طب جولي ناوي تعمل ايه وليه القاهره وإحنا ما فضيناش دلوجتي
لا ينظر اليه همام لكن يقول.لا فاضين وده وقتها جوي يا عيسى وبلاش لت حريم كتير ما عايزش صداع
يتنهد عيسى بقوه ويقول:طب يا واد عمي عايزك في موضوع تاني هنتكلم في دلوجتي
ينظر اليه همام ويشير بأنه يتحدث ليقول عيسى بهدوء شديد.انا عايز اتجوز زينه ياخوي عارفها وعارف اخلاجها زين وما هلجيش أحسن منها تكون مرتي
ينظر همام أمامه ويقول بجمود شديد:جفل علي الموضوع ده يا عيسى انا مهجوزش بنات غصب زينه يوم ما تحب تتجوز الف ما اللي ريدها
عيسى بغضب شديد: بت عمي وانا اولى بيها من الغريب يا غول و جلتلك عايزها خبر ايه ياخ
همام بصوت عالي:خبر إيه انت يا عيسى من متى وانت هتعلي حسك عليا جلتلك زينه يوم ما تتجوز هتتجوز برضاها، مش غصب عنيها وهي ما عايزش جواز دلوجتي يبجى سيبها براحتها وسد
ينظر عيسى أمامه ولا يتحدث وينظر إليه همام وينظر أمامه ولا يتحدث هو الآخر وهو يفكر بالذي سوف يفعله بعد ان يصل للقاهره فهل سوف ينجح همام ام ماذا سوف يحدث معه
صاصصصصصصصصصصصصا:كان هذا صوت تمارا العالي بشده يخاف مصطفي بشده ويلف اليها ويقول.يخربيتك يا بنت المجنونه في ايه قطعتي خلفي منك لله
تركض تمارا اليه وتقول:انت مش هتخرجني ولا ايه يا عم لا بقي انا عايزه اخرج وزهقانه اوي من البيت خرجني بليز
ينفخ مصطفي بقوه كبيره ويقول:زهقانه ولسه كانت بره من مكملش عشر ساعات حتى ما ترحميني يا تمارا يا حبيبتي وراعي اني راجل داخل علي جواز حافظي عليا شويه و علي جيبي هشحت كده
تمارا بغيظ شديد:لا بقى ده مش اتفقنا يا صاصا انت وعدتني انك هتخرجني جاي دلوقتي تقولي احافظ عليك بعد ما وعدتني تضحك عليا وتخلى بيا
يضربها مصطفي خلف رأسها ويقول بغضب:خليت بيكي ايه يا كلب البحر وبعدين مش فضلتي ابوكي عليا ايه اللي حصل دلوقتي ما تخلي ابوكي هو يخرجك
تمارا ببراءه.وانت مش هتخرجي يا صاصا ده انت حبيبي وكل ما ليا في الدنيا ديا يا عم
يبتسم مصطفي غصب عنه عليها ويقول:كل ده عشان تخرجي يا تيمو
اومأت له تمارا ليقول مصطفى بغضب وغيظ شديد. واطيه طب خبي ولا حتى اضحكي عليا يا تمارا مش تجيبها خبط لزق كده
تضع تمارا ذراعها علي كتفه وتقول: يعني انا يرضيني ذمتك عايزني اكدب بعد العمر ده كله يا صاصا يا راجل ده عيب حتى
ينفخ مصطفي ويقول.ماشي يا تمارا انا هروح عشان عندي عمليه دلوقتي ولازم اطلع وبعدين نبقى نشوف الموضوع ده
تبتعد تمارا عنه وتقول: طيب يا عم هسيبك دلوقتي وبعد ما تيجي هنخرج عشان انا زهقانه بجد
يقبل مصطفي وجهها ويقول:خليها بكره هخرجك في المكان اللي انتي عايزه مش دلوقتي عشان مش فاضي بجد و عندي شغل كتيير
تمارا بحزن متصنع: ليه يا مصطفي خلينا نخرج مع بعض يا عالم الزمن هيدينا فرصه نخرج ولا نكون مع بعض تاني ولا لا
يضربها مصطفي علي ذراعها بقوه ويقول:بلاش افلام ابيض و اسود دي الله يرحم امك ياختي وخفي شويه في حياة واحد المفروض اعمله عمليه بعد ساعتين والعمليه هتاخد وقت كبير يبقى اصبري لحد ما ارجع وبعدين نبقي نشوف هخرجك فين
تركض تمارا علي الدرج وتقول.امشي يا صاصا من هنا انا غلطانه اني واقفه معاك اصلا انا هروح انام احسن وانت روح يا دكتور يا محترم علي شغلك يلا من هنا هنرش مايه
ينظر خلفها مصطفي وينفي براسه ييأس من هذه الفتاه ويذهب الي الخارج لكي يرى عمله (بكره تندم يا جميل🙂😂)
تدخل الغرفه وتقول: و انتي هتجعدي طول عمرك في اوضة عيالك يا ميره
تنظر اليها اميره وتنظر الي طفلتها وهي تلعب معها وتقول:هنعمل ايه يعني يا زينه معايزاش أبجى مع أخوكي ولا عايزه أشوفه كفايه جوي اللي عمله فيا وأنا معايزاش منيه حاجه تاني عايزه بس اجعد جار عيالي و اعيش و اربيهم
تذهب زينه وتجلس بجانبها وتقول: والحال ده ما يرضاش حد ولا ربنا يا أميره احسن ما تجعدي اهني حطه يدك علي خدك و متنغث عليكي عيشتك وضاحي اللطخ ولا شاغل باله و يستغل الوضع ويجعد مع الحريم والرجاصات طول الليالي روحي وعكنني عليه عشان ما يستغلاش الفرصه يا بت
تنهض اميره وتقول بغضب.عايزاني أروح لأخوكي عشان يبيع ويشتري فيا كيف ما هو عايز يا زينه مش كده
تسحبها زينه وتجلسها مره اخرى وتقول: اجعدي وافهمي كلامي زين يا أميره انا ما جلتش اللي انتي جولتيه ده انا عايزاكي تحافظي على بيتك وجوزك وتحاولي مش من الاول تستسلمي بالطريقه دي عيالك دول هيجوله ليه ما حاولتيش تغيري أبوهم ولا عشان انتي مرتاحه أكده ومعايزش تغيري حاجه
تنظر اليها اميره وتنظر الي اولادها الذين ينامون أمامها وتنظر الي زينه التي قالت: انتي أكيد ما هيهونش عليكي عيالك يا ميره حاولي تغيري ضاحي حاولي بس عشانهم وكمان ضاحي اللي مخليه يتمادى أمه عشان هي ربته على اكده وانتي التانيه تجدري تربي على كيفك بس بطريقه غير اللي بتتعاملي بيها دي
تتنهد اميره بقوه كبيره وتقول:اخوكي مشيفنيش غير خادمه يا زينه هو هيعايرني في كل حاجه وانا معايزش ابجي معاه في مكان واحد والحمدلله انها جات مني عشان ربنا متحاسبنيش عليه
زينه بنفاذ صبر:مهتتحاسبيش علي ضاحي بس هتتحاسبي وربنا هيسالك علي العيال دي يا اميره ولو عيالك كبروا وابوهم بشكل ده هيدعوا عليكي انتي مش علي ضاحي انتي اللي خلتي يعمل ويكون اكده والصراحة وجتها انا هجول ان امكم محولتش تغير طبع ابوكم عشانكم حتى
تنظر اليها اميره وتنظر أمامها وتبقي تفكر قليلاً وتنظر الي زينه مره اخرى وتقول:اخوكي مهيتغريش يا زينه هو مهيجبلش مني كلمه حتى عايزني اروح لي و اتكلم وياه
وهو بشكل ده انا معايزاش يا زينه
تنهض زينه وتقول:خلاص براحتك يا اميره بس لما عيالك يكبروا علي جسوة جلب ضاحي عليهم متزعليش ولا تندبي حظك واعرفي انك السبب الاول في كل ده
أنهت حديثها وتذهب الي الخارج دون كلمه واحده وتنظر خلفها اميره وتنظر امامها وهي تفكر بماذا تفعل الآن وتنظر الي اولادها وتقول في داخلها:هحاول عشانكم انتو يا حبايب جلب اممم وحتي لو عمل زي ما بيعمل علي طول هصبر عليه لحد ما ربنا يصلح حاله
أنهت حديثها وتذهب الي غرفة ضاحي وتدخلها وتنظر الي الغرفه وترى ضاحي يتسطح بإهمال شديد لتذهب وتنظر الي وجهه وتتنهد بقوه كبيره وتراه مازال يرتدي الحذاء ترمي اميره الحذاء ليشعر بها ضاحي ويرفصها بقدمه
(معلش اصل البعيد عجل بعيد عنكم😂🙂🙂 احم نكمل ولا هنقعد نتكلم كتير بطلوا كلام وتقطعوني بقي)
وينظر اليها ضاحي ويقول بغضب شديد.انتي هتعملي ايه يا بت انتي
تنهض اميره بعد ان رفصها ضاحي وجعلها تقع علي الأرض بعنف وتقول.كنت هجلعك الجزمه احسن ما انت نايم بيها اكده
ضاحي بصوت عالي.وانا كنت جولتلك اني عايز اجلعها
اميره بغضب شديد.وانا كنت هجلعهلك عشان السرير ميخربش بيها مش عشان ديبه فيك يا ابو عيالي واعرف اني اهني عشان اربيهم وبس لا انا خادمه ليك ولا حد منيكم
أنهت حديثها وتذهب الي الخارح وهي تعلم ماذا سوف يحدث بها اذا مسكها ضاحي الآن ويقول ضاحي بصوت عالي.انتي مشمتيش رايحة التربيه يا مرا نص كم انا معرفش عجلي كان فين لما اتجوزتك الهي تيجي شوطه وتخلصني منيكي يا بوز الاخص انتي
تغلق اميره عينيها بقوه وتبلع غصتها وهي لم تعد تتحمل حديثه الذي يجرح كرامتها بهذا الشكل وتقول في داخلها.مهيتغرش يا زينه ده مفيش حاجه هتغيروا مهما كانت يا خيتي
أنهت حديثها وتتنهد بقوه كبيره وتذهب الي غرفة أولادها لكي تنام معهم مره اخري وهي تفقد الأمل بهذا الرجل فماذا سوف يفعل ضاحي بهذه المسكينه بعد
تقف السياره في الاستراحه وينزل منها الغول بهيبته وجبروته الذي يدق الرعب في قلوب الجميع ويرفع همام العبايه ويسير بطريقه بخطوات سريعه وثابته يظهر بها جبروت هذا الصعيدي ويدخل همام هذا المطعم ويسحب عيسى كرسي ويجلس همام عليه ويجلس عيسى أمامه ويقول وهو ينظر الي همام.هتاكل ايه يا واد عمي
ينظر إليه همام ويقول ببرود.وانا من ميته هاكل من يد حد يا عيسى كل انت وفض يلا
يفهم عيسى ويقول.كل ايي حاجه يا واد عمي احنا شكلنا هنطول لحد ما نروح
قطع حديثه همام الذي نظر إليه نظره فهمها جيداً ليصمت عيسى ويقول.طب جولي ناوي علي ايه وليه هنروح القاهره في الوجت ده وهنجابل مين
يبتسم همام ويقول بجمود شديد.هنجابل كمال الشناوي يا عيسى
ينظر إليه عيسي قليلاً وهو يستغرب هذا الاسم يعلم بأن استمع إليه لكن لم يتذكر متي ومن هذا لحظات يتذكر من هو هذا الراجل ليصدم عيسى منه بشده وينهض ويقول.ايه اللي جاب سيرة كمال الشناوي دلوج احنا مش كنا نسينا الموضوع ده يا غول
همام ببرود شديد.انت وغيرك تنسوا لكن أنا لاه يا عيسى وانا لا هنام ولا هرتاح غير لما اخد تاري من كمال الشناوي وانهارده هيجي الوجت اللي هاخد مني اعز ما يملك كيف ما عمل زمان
لا يطمئن عيسى الي نبرة همام ويقول.جصدك ايه يا واد عمي انت هتروح لكمال هتعمل ايه انا مش مطمنلك
يضرب همام الطاوله بقوه ويقول.وانا مهنعملش حاجه غير اني اخد حجي وحج ابوي يا عيسى ولو انت نفسك منعتني علي ده يمين بالله لا اجتلك وما اخليك ترجع بلدك تاني
يبلع عيسى ريقه بصعوبه وهو يعلم بأن همام يفعلها وينهض همام ويقول وهو يذهب الي الخارج.وجتك خولص يا عيسى فض عشان نوصل بدري
ينهض عيسى ويذهب خلف همام الذي فتح إليه الحارس الباب ويركب همام السياره ويركب عيسى في الأمام وينظر الي همام وهو يخاف منه ومن ما يريد يفعله الآن
في صباح يوم جديد تفتح هذه البريئه عينيها وتنظر الي سطح الغرفه وقلبها لم يرتاح تشعر بمشاعر غريبه بشده في هذا اليوم وتنهض لكي تنزع هذه المشاعر من دخلها وتذهب الي الحمام وتخرج بعد قليل وتذهب الي غرفة الملابس وتجهز حالها وتنزل الي الأسفل وترى فاطمه تحضر طاولة الفطور لتذهب اليها وتقبلها وتقول.صباح الورد علي احلى فطومه في الدنيا
تبتسم فاطمه وتقول.يسعد صباحك يا حبيبتي يعني لاول مره تصحي الصبح كده طول عمرك بتعذبيني عشان تصحي
تمارا بغيظ.يعني لا ده عاجب ولا ده عاجبك يا داده
تقبلها فاطمه وتقول.لا يا حبيبتي اصحي كده علي طول عاجبني يلا ابدي افطري لحد ما يكون بابا جه
اومأت لها تمارا وتقول.طب خلي حد ينادي عليه يا فاطمه ان
ومتطلعيش تنادي عليه ليه ياختي ولا المسافه بعيده عنك.كان هذا صوت كمال وهو ينزل الي الأسفل وتنظر تمارا الي صاحب الصوت وكانت ان تتحدث لكن تصرخ بأعلى صوتها بعد ان سمعت صوت طلقات ناريه تأتي من الخارج تضمها فاطمه بحمايه وخوف شديد عليها وكان كمال أن يرفع الهاتف لكي يدق الي الشرطه لكن يرى بالذي يدخل وصوت خطوات جزاءه يضرب الأرض بقوه وكأنه يحرقها خلفه ويتصدم كمال بشده ووجهه همام يظهر اليه وينظر اليه كمال بصدمه شديده ليبتسم همام بجمود شديد ويقول:اتصدج اني متوحشك جوي يا شناوي باشا اوعى اكون ما وحشتكش نزعل منيك جوي
ـــــــــــــــــــــــــــــــــــــــــــــــــــــــــــــــــــ
ينظر اليه كمال بصدمه شديده والماضي يمر أمامه وكأن ما حدث كان أمس
يبتسم همام بجمود شديد وينظر الي تمارا نظرته ارعبتها وكانت كافيه ان يدق قلبها بعنف شديد خوفاً منه ومن هذه النظره
يبتسم همام بسخرية وينظر الي كمال الذي نزلت عليه صاعقه قويه ويأتي عيسى ويقول:كله زي ما أمرت يا غول
ينظر همام الي كمال ويقول:مهشربش شاي عندك ولا ايه يا شناوي يا راجل ده انا ضيفك حتى
لا يستطيع كمال ان يتحدث فهو مازالت الصدمه تسيطر عليه يجلس همام على الكرسي بثقه وكأنه صاحب المنزل ليست مجرد شخص عابر وعينيه لا تفارق كمال الذي ينظر إليه ولم يصدق إن الماضي يقف امامه حي بلحم ودم وعلي هيئة هذا الجبروت
تبلع تمارا ريقها بخوف واضح وتقترب من كمال وتقول بصوت منخفض:بابا مين ده
يسحبها كمال خلفه بسرعه لكي يخفيها من همام وهو يحاول ان يخفي ارتباكه وهو يقول بصوت منخفض لكن سمعه هذا الغول:مفيش يا حبيبتي اطلعي اوضتك انتي متخافيش مفيش حاجه
كانت تمارا ان تتحدث لكن يضحك همام ضحكة عالية كسرت صمت المكان ويقول وهو ينظر الي تمارا بنظره بارده بشده:لا خافي مني يا بت الشناوي خافي من اللي شايل جوه جلبه نار عمرها ما هديت ولا هتهدى غير بجتل ابوكي
تفزع تمارا بشده وتنظر الي والدها وهي تخاف عليه بشده فمن الواضح ان همام لم يمزح يقول كمال بصوت عالي يحاول ان يظهر قوته التي شبه معدومه: عايز ايه مني يا همام مش كفاية اللي فات
يبتسم همام بجمود قاتل ويقول ببطي كأن كل كلمة سكين تنغز بقلب كمال: اللي فات خلوص يا شناوي والجاي أصعب بكتير جوي لدرجة انك مهتتحملش مني حاجه ومش بعيد تموت دلوج منه
يحاول كمال أن يتمالك أعصابه يمد يده ليمسك يد تمارا المرتجفه ويخفيها خلف ظهره أكثر فهو يموت رعباً عليها ويقول بصوت متقطع لكنه يحاول أن يظهر قوي قليلا:خلينا نتكلم ونتحاسب بعيد عن البيت ده يا همام خلي بنتي بعيد لو عايزني انا خدني بس بلاش تدخلها في اللي بينا
يرفع همام رأسه للخلف ويضحك ضحكة جعلت جدران البيت ترتجف من قسوتها ثم ينظر اليهم وعينيه تشعل بيهم نار الانتقام ويقول:ليه يا شناوي انت مفكر إن العجاب ليك لحالك لاه العجاب ليك ولكل من دمك كمان يا ابو عمو وحتى بتك دي هيطول ليها نايب وهدوق اللي انت زرعته زمان بيدك
تنظر اليه تمارا وهي لا تفهم شئ وتقوي حالها قليلاً وتذهب تقف امام همام وتضع يدها بخصرها وتقول بغضب شديد.انت بتتكلم كده ليه يا عمو انت بابا زرع ايه وعقاب ايه اللي بتتكلم عليه وبعدين دي طريقه تدخل بيها ولا تتكلم بيها مع اللي اكبر منك اهلك معلموكش ان ده عيب وانك تحترم الكبير
يصدم عيسى من طريقة هذه الفتاه مع الغول وجرأتها الذي صدمته بشده كيف تتحدث معه بهذا الأسلوب وهو الذي ترتجف أمامه اعتق الرجال
ينظر همام الي تمارا من الأسفل لاعلي وينظر الي يدها التي علي خصرها وينظر لوجهها وكأنه يكشفها ويكشف ما بداخلها ويبتسم بسخريه ويقول في داخله.البت دي مش شبه أبوها عندها نار وجراءة في عينيها غير الشناوي بس يا بت الشناوي النار دي يا إما تولع فيكي يا إما انا اللي هولع فيكي دلوج
ثم ينهض الغول ويقترب منها بشده ويقول ببرود شديد.:جرأتك دي عجباني جوي بس أوعاكى تفكري إنك قدي يا بت انا الغول ومهرحمش وانتي لساتك بسكوته ماهتتحمليش
يتدخل كمال بسرعة ويمسك يد تمارا ويسحبها خلفه وهو يقول بغضب:ملكش دعوه بيها يا همام خلي كل الحساب معايا أنا بنتي ملهاش دعوه بحاجه
يبتسم همام بجمود شديد وينظر الي عيسى بغموض شديد وينظر إلى تمارا ويعود نظره الي كمال ويقول بتوعد ونبره اخافت كل الموجودين في المكان:ومن النهارده البت دي بقت جزء من اللعبة دي واللي هيحصل معاها إنت اللي جبتوا لنفسك وليها يا شناوي مش انا
تشتعل عيون تمارا رغم الخوف الذي يسري في جسدها وتغضب من همام وطريقته بشده وتضغط على يد والدها
تتقدم للأمام قليلاً وتقول:إنت فاكر إنك كده هتخوفنى لا يا حبيبي انا مبخافش من حد وحتى لو كنت غول زي ما بتقول عمري ما هسمحلك تلمس بابا ولا تعمل اللي انت عايزو انت مش هتقدر تعمل حاجه يا عمو انت
ينصدم عيسى أكثر من ردود هذه الفتاه وينظر اليها بدهشه فهو لم يرى أحد من قبل يتجرأ على رفع صوته بوجه همام اما هذه الفتاه ترفع وتتحدث بهذه الطريقه معه وهذا لم يحدث من قبل
أما عن هذا الغول فهو تجمد للحظه واحده ثم رفع عينيه إليها من جديد وقال ببطئ وهو يمد يده كأنه يرسم حدود الهواء حولها:لسانك طويل وعايز يتجص ولزمك تربيه من جديد كمال فاشل في كل حاجه حتي التربيه يا بت الشناوي وانا هاتولي تربيتك
ينصدم كمال بشده وينظر الي ابنته برعب شديد ويقول بصراخ:اطلعععععي فوق يا تمارا
يبتسم همام ويقول:ليه بس يا ابو عمو خليها عشان تشهد علي كل كلمه هتتجال اهني دلوج
ينظر اليه كمال ويقول بنفس الصراخ: لا دي ابعد عنها هي ملهاش ذنب في حاجه يا همام عايز تحاسب حد حاسبني انا مش بنتي
يقترب همام فجأه بخطوة سريعة حتى اقترب من وجه كمال ويقول وعينيه تشتعل كالجمر:لا ليها ذنب وذنب كبير جوي يا شناوي يكفي انها بتك واللي طلع من دمك لازم يدفع تمن دم أبوي
ويشير الي عيسى علي تمارا ويقول بصرامه شديده.خد البت دي يا عيسى عشان دلوج هيبدا اللعب على أصوله
تشهق تمارا بقوه وصدمه وهي لم تفهم ولم تستوعب ما يحدث أمامها الآن وتبتعد عن كمال وتقول بصوت عالي وهي تغضب بشده من همام وطريقته الغامضه بالنسبة اليها.وانت مفكر نفسك مين عشان تاخدني ولا تدي اومر هنا انت لو غول فده في بلدك مش عندنا هنا وانا ممكن اتصل واخلي البوليس يجي يلمك وياخذك من هنا و بلاها قرف وقلة ادب م اااااااااااااااه
تصرخ تمارا بأعلى صوتها بعد ان رفع همام يده وصفعها لتقع تمارا بعنف شديد علي الأرض ويصدمون الجميع من فعلته لكن همام لم يعد يتحملها او يتحمل طريقتها وتركض فاطمه التي لم تتحدث ولا كانت تريد تتدخل في شئ من ما يحدث لكن عند الفتاه التي تولت تربيتها منذ الصغر ولم تستطيع ان تصمت وتضمها فاطمه إلي أحضانها بقوه كبيره وتقول بصراخ عالي.ليه تعمل فيها كده حرام عليك اللي غلط واللي ظلمك وظلم ابوك كمال خد حقك منه وملكش دعوه ببنتي
ينظر اليها همام ويقول كمال بغضب اعمى:انت ايه اللي عملته ده انا قولتلك نتحاسب أنا وانت ومدخلش تمارا بينا
همام بصوت أفزعهم جميعاً.بتك متربتش زين يا كمال في عرج وسخ هيجري في دمها وهو عرجك انت عشان اكده بتك معرفاش وجفه جدام مين
وينظر الي هذه المسكينة التي لم تستوعب ماذا حدث بها فهي بحياتها لم يجرؤ احد يرفع يده عليها وهذا الغول فعلها بهذه السهولة
يقول همام:عندك جراه وشجاعة هتجضي عليكي في الآخر يا بت الشناوي والجرأة دي هتخليني اكسر رجبتك قريب جوي
ويقول بصوت هز أركان هذا المنزل:اعمل حسابك يا شناوي ان من النهارده لا في امان ولا في هروب الحساب اتفتح ومهيتجفلش غير بموتك
لم تتحمل تمارا ان تصمت لتنهض وتقول بصوت عالي:انت مستحيل تكون بني ادم طبيعي انت مستحيل تكون بشر زينا
يبتسم همام ويعترف ولاول مره في حياته يعجب بجرأة فتاه فهي برغم الصفعه التي تكاد تجعلها يغشى عليها إلى أنها تصمم علي رأيها وحديثها فتاه بمكانها كانت ركضت بعيد عنه و خافت منه
يقول ببرود شديد.جلتلك انا غول مش بشر يا بت الشناوي وغول من نار كمان و اوعاكي تجربي تمسي النار دي محدش هيزعل غيرك
تدمع تمارا بشده وهي تكاد ان تبكي بالفعل لكن تقوي حالها قليلاً وتقول: والنار دي هتحرقك انت قبل ايي حد يا همام اوعى انت تفكر اني زي ايي واحده شوفتها في حياتك انا عمري ما هكون من ضحاياك والناس اللي بتظلمهم وتيجي عليهم
ساد الصمت للحظة في المكان وينظر عيسى إلى تمارا بعدم تصديق ويقول في داخله:البت دي مجنونة
يضحك همام بخفه وبرود شديد ويقول:الواضح ان بتك عندها جلب جوي اكتر منيك يا شناوي بس حتي الحديد لو اتعرض للنار كتير في الآخر بيسيح وانا اللي هكسرلك رجبتها واعيدلك تربيتها مش جديد وهحرجها بالنار اللي كنت انت سبب فيها
ترفع تمارا رأسها وهي تحاول ان تمثل القوي وتقول:لو النار اللي جواك هتولع فيا يبقى خليني أتحرق عادي بس عمري ما هسمحلك تهدد بابا ولا تغلط في وأنا واقفة
تترسم ابتسامه غريبه علي وجه همام الذي نظر اليها بنظره لا يستطيع احد ان يفسرها
ينظر اليه كمال ويسحب تمارا بقوه ويقول بغضب شديد وهو يرتعب عليها:اطلعي فوق واوعي تنزلي هنا يا تمارا يلا مش عايز اشوفك تحت يلااااااااااااااااا
يقرر همام في اقل من ثانيه واحده ان يغير خطته تماماً ويغير مصير هذه الفتاه ويسحب تمارا بقوه كبيره وينظر اليها بجمود شديد وترتعب تمارا من نظرته وقربه منها بهذه الطريقه ويقول بصوت عالي وهو ينظر الي كمال:من انهارده دي مش بس بتك يا شناوي دي بجت مفتاح حسابك معايا كل صرخه هتصرخها البت دي هتكون نار في جلبك أنت هاخدها وهاخد منيك حجي وحج ابوي
يصدم كمال بشده من حديث هذا الغول الآن ويسحب ابنته بحمايه اليه ويقول بصراخ عالي:لاااااا يااا هماااااام الا دي ابعد عنها و سيبها في حالها واوعى تقرب منها تاني عشان لو لمستها هقتلك فيها يا غول فاههههههههههم
ولا يعلم هذا كمال ان همام يعشق التحدي ويعشق أن يكسر ما يتظاهر بالقوي ويقول همام بسخريه:اخيرًا ظهر الراجل اللي جواك يا شناوي بس صوتك ده مهينقذش مني بتك هي فضت وانا هاخد بتك دي وهتفضل جدام عيني كل يوم عشان تبقى أداة انتجمام بيها وهتكون أوجع من العيار بنسبالك
تمارا بغضب شديد: اوعى انت تفتكر إنك ممكن تكسرني او تكسر ابويا بيا أنا لو هكون حاجه هكون لعنتك يا همام
يبتسم همام بجمود شديد ويقول: ده اللي هيحلي اللعبه اكتر يا بت الشناوي
وكعاده تنصدم تمارا من ردود هذا الغول فهي لم تتوقعها وتنظر اليه وقلبها يرجف خوفا ورعباً منه وكادت ان تتحدث لكن يرون بالذي يدخل وهو يقول بصوت عالي:عمي ايه اللي حصل للحرا
قطع حديثه وهو ينظر الي همام وهو يستغرب بشده وتركض تمارا بسرعه كبيره وتترمي بين احضانه وهي ترتعب بشده ولا تستطيع ان تصمد اكثر من ذلك
ينظر اليها همام ويميل برأسه قليلاً ويبتسم ببرود شديد ويقول مصطفي بغضب شديد وهو ينظر الي همام:انت مين وايه اللي جابك هنا
لا يرد عليه همام ولا يعطي أهمية وتقول تمارا ودموعها تنزل غصب عنها:ده ضربني وعايز ينتقم من بابا وقاعد يقول كلام كتير يا مصطفي انا معرفش مين هو وايه اللي جابه خلي يطلع بره ارجوك انا خايفه منه اوي خلي يسيبونا في حالنا ويطلع من هنا يا مصطفي
يضمها مصطفي الي احضانه بقوه كبيره ويقول بصراخ عالي وهو ينظر الي همام:انت ازاي تتجرأ وتمد ايدك عليها انت مش عارف دي مرات مين ولا ايه
يذهب همام ويقف أمامه وبينهما تمارا ويقول: انا عارف زين هي مرت مين شكلك انت اللي متعرفيش ده
مصطفي بغضب شديد: معرفش ايه دي مراتي ي
قطع حديثه الغول الذي صفعه بقوه كبيره وقال بصوت عالي:مش جولتلك متعرفش دي مرت الغول ياد انت

يتبع….

 

 

• لقراءة باقي فصول الرواية اضغط على (رواية غول الصعيد)