رواية تحدي حبك الفصل السابع 7 بقلم مريم علي

رواية تحدي حبك الفصل السابع 7 بقلم مريم علي

البارت السابع

الحلقة السابعة …………………

خرج عمرو من مكتب خيال وهو يحدث نفسه (يارب اعمل ايه يعنى بحبها وبموووووووووووت فيها ومش قادر اصارحها واقول لها وبعدين عيونها دى اللى سحرتنى وبهدلتنى اكتر ماانا متبهدل )
ثم رفع وجهه للسماء (يارب يافريدة تحسى بيا بقى ياااارب تبقى من نصيبى ياااااااارب
من قبل اثناء وجود فريدة بالشركة كانت خيال تشعر ان بداخل كل منهم حب للاخر ولكن يحاول الا يظهره
ولكن اثناء وجود عمرو بمكتبها تاكدت من ذلك
خيال بخبث وهى تنظر لفريدة :خلاص خرج على فكرة يافوفة
فريدة بلخبطة ولكن تحاول ان تبدو عادية :
مش فاهمة قاصدك
خيال وهى تتطلع بالورق امامها :
لما نخرج انا وانتى هبقى اقولك قصدى ايه
……..سبينى بقى دلوقتى اشتغل

انهت خيال عملها فى وجود فريدة ولكن كانت هذه المرة مختلفة
كانت فريدة سارحة مبتسمة طوال الوقت وكانت تتهرب من نظرات خيال
خرجت خيال مع فريدة من الشركة الى احد المطاعم الراقية والشهيرة
طلبوا الطعام وجلسوا يتحدثوا…..
خيال :هاااا بقى يافريدة احكيلى ومن غير لف ودوران
فريدة بتلعثم فى الكلام :
احكيلك ايه انا بجد مش فاهمة مالك من الصبح
خيال بدون مقدمات :بتحبى عمرو من امتى
فريدة بخضة وارتباك :ايه اللى انتى بتقوليه دا انتى …انتى على فكرة فاهمة غلط خالص ……
#ميما_تحكى

خيال بخبث :انا مفهمتش يافريدة انا شوفت بعيونى
فريدة وهى تتهرب من نظرات خيال :هو ايه اللى شوفتيه
خيال وهى تتنهد :شوفت تغير ملامحك وطريقة كلامك لما دخل المكتب
وشوفت لمعة عيونه لما بص لعيونك
وشوفت التوهان اللى كان فيه وهو باصص لك
دااحتى ماكنش سامعنى وانا بنادى عليه
وشوفت الابتسامة اللى مافرقتش وشكم وانتو بصين لبعض
وشوفت سرحانك لما مشى من المكتب حتى واحنا جايين فى العربية
ثم اقتربت من فريدة ونظرت لعيونها مباشرة :
وشوفت ارتباكك اول ماجبت سيرته
فريدة بضحك :ياااااه كل دا شوفتيه من موقف واحد
خيال :ااه الحب اللى بجد مش محتاج مجهود عشان يبان
فريدة وهى تتنهد بحب :
عاوزة تعرفى ايه ياخيال
خيال وهى تتكا على الطاولة وتضع خدها على يدها :
عاوزة اعرف اللى انتى نفسك تحكيهولى من زمان ومكسوفة
فريدة وهى تنظر لخيال باستغراب :
انتى بتفهمينى كده ازاى انا عمر مافى حد قرانى زيك كدا قبل كدا
ابتسمت خيال ونظرت لفريدة ولم ترد (بمعنى احكى )…….
فريدة :ماشى ياستى هحكيلك …. وبدات فريدة تحكى لخيال كل شى
فريدة بسرحان :عمرو ياستى جارنا من زمااااان
هو وعلى اصحاب من زمان واكتر من الاخوات
باباه كان صاحب شركة استيراد وتصدير كبيرة جدااا
بس للاسف خسر كل فلوسه ومات
ومفضلش غير عمرو ووالدته عايشين فى البيت بتاعهم واخته متجوزة وعايشة فى امريكا مع جوزها
دخل عمرو وعلى نفس المدرسة وبعدين نفس الجامعة
واول مااتخرجوا اشتغلوا فى شركة بابا
ثم تنهدت بشدة :عمرو طول عمره بتاع بنات وسهر وماخفى كان اعظم رغم كل دا بس بابا بيحبه جداااا ومش عاوزه يبعد عن على مع انى متاكدة انه هو اللى خلى على زيه ولما اجى اسال بابا انت بتحبه كدا ليه
يقولى عشان راجل بجد ويعتمد عليه
خيال تقاطعها :بس بس انا مالى انا بكل دا انا عاوزة اسمع حاجة تانية
فريدة بضحك :داانتى مش سهلة ابدااااا
خيال بغرور مصطنع :عارفة …. انا اللى مابحبش اتكلم عن نفسى كتيير
فريدة بضحك :ماشى ياستى اسكتى بقى عشان احكيلك …….
فريدة بهيااااام:حبيته من زماااااان اوى مش عارفة امتى وازاى
بس لقيت نفسى بحبه كل اما اشوفه قلبى بيدق بعنف
لما كان بيجى عندنا البيت ببقى فرحانة ومبسوطة وببقى مش عاوزاه يمشى
وببقى نفسى اجرى عليه واحكيله كل اللى جوايا
ثم ادمعت عيونها :ولما ببقى لوحدى بفتكر كل عيوبه دى والوم نفسى على حبى ليه لانى مش عاوزة ارتبط بواحد بتاع بنات وكل يومين مع واحدة
بس اول مابشوفه بنسى كل حاجة فى الدنيا حتى اسمى بنساه
والاقى قلبى ابتدا يدق بعنف وببقى مش على بعضى عيونه بتسحرنى بتخلينى انسى العالم ومافيه
…..
ثم تنهدت بشدة :داانا حتى بقيت بتهرب منه فى اى مكان بشوفه
خيال وهى مازالت على وضعها :هو كمان زيك ولا انتى بس
مع انى متاكدة بعد اللى شوفته النهاردة هو شكله دايب اكتر منك
فريدة :مش عارفة ياخيال … كل اللى اعرفه ان مفيش حد دخل ولا
هيدخل قلبى غيره….هو الوحيد فى العالم اللى احتل قلبى
خيال بحب :هيييييييح بقى بقى هو فى كدا فى الدنيا
ضحكت فريدة بشدة على طريقة خيال ….
خيال :هو انا ممكن اسالك فى سؤال
فريدة بضحك :داانتى مسخرة اسالينى فى سؤال
خيال :هو انا لماشوفتك يوم ما وصلتينى وكنتى منهارة من العياط جنب العربية كان بسببه….
فريدة بعيون دامعة :ايووووة بسببه
خيال :ليه يافريدة
فريدة واوشكت على البكاء :
وانا جاية لبابا الشركة فى اليوم دا وقبل ماانزل من العربية
شوفته وهو ماسك ايد بنت وبيضحكوا اوى وبعدين ركبوا عربيته ومشيوا
سكتت خيال بعض الوقت وهى تنظر لفريدة التى تحاول جاهدة
ان تمنع دموعها من النزول ……. ثم تحدثت خيال …….
خيال وهى تتنهد :عارفة يافريدةالحساب فى الحب حاجة وحشة اوووووى
فريدة بعدم فهم :مش فاهمة ياخيال
خيال :يعنى انتى بتنامى كل يوم دمعتك على خدك عشان بتحبيه وحاسة انه ميستاهلش الحب اللى فى قلبك ليه عشان بيعرف بنات كتييييير ومش حاسس بيكى
ويمكن هو مابيجلوش نوم كل يوم بسبب تفكيره فيكى انك مش حاسة بيه وهو مابيحبش غيرك ودا باين فى عينه اوووى
من الاخر هو بيحبك يافريدة بس جبان لاقادر يصراحك ولا يكلم ابوكى
ولو كان عنده نية يجى يتقدم بسببك انتى مش هيعمل كداا
فريدة باستغراب :ليه بقى ان شاء الله
خيال :انتى يابنتى مابتشوفيش بتعامليه ازاى داانتى ناقص تقوليله اكنس سلالم الشركة …. مش كدا يعنى مش اسلوب
فريدة بضحك :ايه دا هو انا بعمل كدا بجد … هو اساسا يستاهل
…… وبعدين تعالى هنا انتى يعنى عايزانى اروح اقوله بحبك
خيال :لا طبعاااا ايه اللى انتى بتقوليه داا
هو لا كدا لا كدا خليكى وسطية اوعى تعامليه وحش وما تخليهوش يحس انك بتحبيه
فريدة ببلاهة :عروستى
خيال بضحك : داانتى اللى مسخرة
يعنى خليكى عادية يافريدة بلاش تبينى انك بتكرهيه وانتى من جواكى بتعشقيه عامليه كويس زيه زي اى حد فى الشركة انتى بتعاملى الشركة كلها كانهم اصحابك وهو ابن البواب يافريدة
بس ماتتخطيش حدودك عشان تعرفى اذا كان فى نية يتقدم لك ولا لا وتريحى قلبك ونفسك من التعب اللى عايشة فيه داااا واوعى تسمحى لنفسك انك تعترفى ليه باى حاجة قبل مايتقدم لك رسمى هتندمى يافريدة وهتقلى فى نظره
سكتت فريدة وبدات تفكر بكلام خيال ……

• لقراءة باقي فصول الرواية أضغط على (رواية تحدي حبك)