رواية تحدي حبك الفصل الحادي عشر 11 بقلم مريم علي

رواية تحدي حبك الفصل الحادي عشر 11 بقلم مريم علي

البارت الحادي عشر

الحلقة الحادية عشر

بعد اسبوع تم الفرح وكان فى قاعة كبيرة وشيك للغاية
ذهب كل من على وعمرو بسيارتهم وبعض من اصدقائهم الى الكوافير وسبقهم عائلتا خيال ومراد وزوجته الى القاعة
اثناء حديثهم وضحكهم امام الكوافير التفت على فجاة واتصنم مكانه
عندما خرجت كل من خيال وفريدة من الكوافير كالاميرات …..
كانت خيال فى قمة الرقة والجمال بالفستان والحجاب اللذان زادها جمالا على جمالها مما جعلها تبهر الناظرين لها
انبهر على بها وحاول ان لا يظهر ذلك ولكن خيال شعرت بذلك مما اشعرهاا بالانتصار
كما هى الاخرى انبهرت بوسامته وشياكته فكان يبدو جذاب للغاية فى بدلته
____على الجانب الاخر العاشق عمرو الذى كان يقف كالتمثال منذ ان خرجت فريدة فقد سحرته بفستانها ورقتها وجمالها
واحست فريدة بنظراته المصوبة عليهااا فشعرت بالخجل الشديد كما انه كان يبدو وسيما هو الاخر ……..
ركبت خيال بجانب على سيارته
وانطلقا بالسيارة وحدهما مما اضطر فريدة ان تركب مع عمرو فى سيارته
طوااااااال الطريق كان على ينظر لخيال بتفحص مما اربكها وجعلها تشعر بالخجل الشديد فكانت تعتقد انه لن ينظر اليها مما جعلها مطمئنة ولكن حدث العكس لم يستطع ان يخفض نظره من عليها ولم يخفى نظرات الاعجاب التى تخرج من عينه تجاهها.
_______________________________
على الجانب الاخر فى سيارة عمرو ..
كان يحاول ان لاينظر لفريدة طوال الطريق وكيف ذلك فحبيبته تجلس بقربه ولايستطيع ان يعترف لها بحبه ولا يبعد نظره عنها
اما عن فريدة فكان قلبها يدق بعنف فهى قريبة من عمرو للغاية ولاتستطيع ابعاد نظراته المصوبة عليها
عمرو بحب :عقبالك ياانسة فريدة
فريدة بخجل تحاول ان تبدو عادية فهى لاتختلف عنه شيئا كان قلبها ينبض بعنف هى الاخرى :ميرسى اوووى عقبالك انت كمان
عمرو :يااااااااااارب بس هى توافق عليا ادعيلى
فريدة وكاد قلبها ان يتوقف فجاة وقالت بهدوء مصطنع :
بجد فى حد .. طب هى مين بقى !
عمرو بخبث : بنت زى القمر بمووووووت فيها , حب عمرى ,
شوفت فى حياتى بنات كتير وقليل بس قلبى محبش غيرها
فريدة وكادت ان تفقد هدؤها :
طب لما انت بتحبها اوى كدا مش هتوافق عليك ليه
عمرو محاولا ان يستغل الفرصة ليعرف رايها :
يعنى تقريبا مش هعرف اعيشها فى نفس المستوى اللى هى عايشة فيه
ثم نظر لها وكانت فى غاية توترها وقال :اصلها غالية اوووى وانا مااحبش اعيشها الا ملكة بموت فيها بقى اعمل ايييه
فريدة والدموع تترقرق فى عيونها :
لو بتحبك بجد مش هيفرق معاها اى حاجة وهتوافق عليك حتى لو هتعيشوا فى عشة …
عمرو بفرحة شديدة :يعنى انتى رايك كدا
اومات له فريدة راسها بالموافقة وهى تنظر من شباك السيارة حاولت ان تخفى دموعها التى اوشكت على النزول
_____ظل الفرح وقت طويل وكان فى غاية البساطة والجمال وكان كل من خيال وعلى فى غاية الجمال مما لفت نظر الجميع
انتهى الفرح واخذ على خيال فى سيارته وانطلقا الى بيتهما
وصلا الاثنان وصعدا الى شقتهما الفخمة ذات الاثاث الجذاب
دخلا الاثنان وكانت خيال لاتعرف هل ستنام فى غرفة نومهما ام فى غرفة خاصة بها فكانت فى قمة الكسوف والخجل
قطع حبل افكارها على :لو سمحت عاوز اتكلم معاكى شوية
خيال وهى تتحاشى النظر له :اتفضل
جلسا الاثنان فى الصالة ذات الاثاث الجذاب وبدا عمره حديثه قائلا :
انتى عارفة ان بابا هو اللى اختار كل حاجة فى علاقتنا
يعنى اختارك ليا واختارنى ليكى ووحدد ميعاد خطوبتنا وميعاد فرحنا
كانت خيال تستمع له ولاتتكلم ..
على :انا بصراحة مش حابب العلاقة دى من الاول وسمعت كلام والدى عشان انا مش عاوز اخسر كل اللى انا عايش فيه بس بصراحة مش عارف ايه اللى يخليكى توافقى على علاقة مفيهاش حب من الطرفيين
ثم نهض من مكانه وقال :على العموم انتى هتنامى فى اوضة النوم وانا هنقل هدومى وكل حاجة ليا فى الاوضة التانية
صدمت خيال بشدة من كلامه لم تتوقع ابدا ان يحدثها بهذه الطريقة ليلة زواجهما فشعرت انه جرح كرامتها ولكنها وقفت وقالت فى تحدى :
لا انا اللى هنقل هدومى فى الاوضة التانية
دلف على الى الغرفة ولم يعطى لكلامها اى اهتمام واخذ ملابسه ووضعها فى الغرفة التانية تحت انظار خيال التى كانت سوف تبكى بشدة من احراجه لها وتقليله من شانها
دلفت خيال غرفة نومهما واوطدت الباب بالمفتاح ثم جلست على الارض واجهشت بالبكاء حتى نامت مكانها بفستانها..
استيقظت خيال من نومها على اثر سماعها لباب المنزل يغلق
فكان على الذى دخل غرفته ابدل ملابسه ونزل للسهر كعادته
قامت من مكانها خلعت فستانها ولبست ملابس نومها وتوضات وصلت فرضها وظلت تبكى فى سجودها وتسال الله ان يزرع حبها فى قلبه
جلست على السرير فى وضع النوم وحدثت نفسهاا بهمس (شكلك هتبقى نصيبى طول العمر ياعلى مش عارفة ليه حاسة بكدا )
ثم غاست فى نووووم عميق…
عاد على قرب الفجر ما ان دلف الى الشقة حتى وجدها هادئة فدلف الى غرفته ونام سريعا.. ولكن كانت خيال مستيقظة تصلى الفجر وشعرت بدخوله .. انهت فرضها وقرات وردها ثم نامت هى الاخرى ..
استيقظت خيال فى الصباح اغتسلت وارتدت فستان فى غاية الرقة والجمال طويل باكمام ولكن يرسم شكل جسمها واسدلت شعرها الطويل الحرير على ظهرها وخرجت لاعداد طعام الفطور ..
ثم اتجهت الى غرفة على ودقت باب حجرته ولكنها لم تسمع اى رد فقد كان غارقا فى نوم عميق فتحت الغرفة ببطى وجدتها مظلمة اضاءت الانوار فوجدته نائم عارى الجسد يرتدى بنطالا فقط احمرت وجنتيها خجلا ولكنها تغلبت على ذلك واقتربت منه لتوقظه فوجدته نائم كالاطفال .. جلست بجانبه على السرير وظلت تتامله ونسيت منظره تماما حتى انها نسيت الكلام الذى قاله امس ..
تملل على فى فراشه فنهضت من جانبه مسرعة
على :انتى بتعملى ايه هنا
خيال بخجل شديييييد وتلعثم فى الكلام :
انا…انا …انا بس كنت بصحيك عشان تفطر معايا
ثم خرجت مسرعة تحت انظار على
على بضحك :ايه المجنونة دى .. وبعدين مالها حلوة كدا
انتظرت خيال على مدة طويلة ثم قالت بعند :
ايه قلة الذوق دى انا غلطانة انى صحيته اساسا ..
خرج على من غرفته وجدها تحدث نفسها ولم تنتبه له
على :انتى مجنونة يابت بتكلمى نفسك
خيال بخضة :ايه دا انت هنا من امتى
على وهو يجلس على السفرة :من ساعة ماكنتى بتقولى انك غلطانة
انا عارف انك غلطانة بس من ايه بقى
صمتت خيال وبدات فى تناول الطعام حتى قاطعها على :
بس ايه دا مانتى زى القمر اهو
ثم بغزل وهو يتفحص جسدها بعينيه :
يالهووووووى دا انا لو اعرف كدا ماكنتش خرجت من البيت امبارح
شرقت خيال فاعطاها على كوب الماء وهو يضحك على منظرها ..
خيال واحمرت وجنتيها خجلا :
ايه اللى انت بتقوله دا
على وهو يتناول الطعاام ويحاول ان ييين ان الامر عاديا حتى يغيظها:
اصلك بتبقى فى الشركة حاجة وفى البيت مزة تانية خالص
ثم غمز بعينه :مزة ماتتسبش
كادت ان تتحدث ولكن اوقفها رن هاتف على ..
على :الو
الفتاة :على مبرووك ياعريس
على وهو يحاول ان يكسب الفرصة :حبى الله يبارك فيكى
سمعت خيال هذا وبدات الغيرة تدب فى قلبها ولكنها اصطنعت الهدوء وبالرغم من ذلك على شعر بغيرتها ..
اكمل على وهو ينظر لخيال التى احمرت بشدة من غيرتها :
بس ايه بقى السهرة بتاعة امبارح دى كان يوووم عالمى
قامت خيال بعصبية وهى تحمل الاطباق وتتجه للمطبخ تحت نظرات على الذى شعر انه اصاب هدفا
________ظل هذا الحال بينهم ايام طويلة كانت تبذل خيال مابوسعها ليميل قلبه لها ورغم ان محاولاتها كانت ناجحة الا انه كان يكابر فى اظهار مشاعره حتى لايشعرها بالانتصار
اما على كان دائما يحسسها انها غير كل الزوجات حتى تتركه بارداتها ويشعر هو بالانتصار رغم شعوره بانها اصبحت جزء قوى من حياته ولكنه كان ينكر هذا الشعور ..
لم يشعر على بان خيال وقعت فى حبه بالفعل اكثر من ذى قبل
وكان تفكيرها ليل نهار ان تجعله يحبها مثلما احبته..
_______ فى احد الايام الاولى من زواج خيال وعلى جاءت فريدة لزيارة خيال .
خيال : كل دا يافريدة وحشتينى اووووى
فريدة :وانتى والله ياخوخة عاملة ايه ياعروسة
ثم غمزت بغيونها :اخبار على ايه معاكى
خيال بحزن:الحمد لله يافوفة انتى اخبارك ايه
فريدة وشعرت بحزن خيال :مالك ياخيال شكلك زعلان
خيال:هااا لاعادى متشغليش بالك
فريدة :يابنتى قولى انا عارفة كل مفاتيح اخويا
صمتت خيال ففهمت فريدة ..
فريدة وهى تنظر بقوة فى عيون خيال :
هو انتى حبتيه اوووى كدا
خيال بدون وعى :والله العظيم بحبه وبموت فيه
فريدة بضحك :خلاص خلاص مصدقة من غير حلفان
خيال بحزن :حبى مالوش لزمة اذا كان هو مش بيحبنى
فريدة :فاكرة ياخيال لما قولتيلى الحساب فى الحب حاجة وحشة اوى
صمتت خيال مرة اخرى فاكملت فريدة …
فريدة : انا اخويا قلبه مش حجر ياخيال مش معقولة هتبقى بتحبيه كل الحب دا وهو مش حاسس اصبرى ياخيال ..
_______ على الجانب الاخر فى الشركة كان على يحلس فى مكتبه شارد الذهن حتى يدخل عليه عمرو
عمرو :خلصت ورق الصفقة الجديدة ياعلى
لم يسمع اى رد من على فكان شارداااااا للغاية..
عمرو بصوت عالى :على انت يابنى
على بانتباه لوجود عمرو :
فى ايه يابنى ادم حد قالك انى اطرش
على :مالك سرحان كده ليه ..
ثم غمز بعيونه :الحب ولع فى الدرة
على بلغبطة :حب ايه
عمرو :والله عليا انا بردو
صمت على ولم يرد فاكمل عمرو :مالك يابنى فى ايه
على وهو يتنهد :شكل قلبى بدا يميل ياصاحبى
كاد عمرو ان يتحدث ولكن الاثنان صمتا عندما دخلت ندى ..

• لقراءة باقي فصول الرواية أضغط على (رواية تحدي حبك)