رواية تحدي حبك الفصل الثاني 2 بقلم مريم علي

رواية تحدي حبك الفصل الثاني 2 بقلم مريم علي

البارت الثاني

الحلقة الثانية

#مريم_على

فتحت عمة خيال الباب وهى لاتعرف الطارق
___:السلام عليكم الانسة خيال موجودة
ناهد:وعليكم السلام ايوة موجودة مين حضرتك
___:انا مراد عزمى صديق والدها وصاحب (عزمى جروب)
ناهد بتذكير:ااااااااااااااه اهلا وسهلا اتفضل ثانية واحدة
ناهد:خيال حبيبتى البسى واطلعى قابلى مراد بيه صاحب بابا واللى بابا كان شغال فى شركته
خيال باستغراب:عمو مراد ايه اللى جابه ماهو خلاص عزانى
ناهد:ياحبيبتى البسى واطلعيه اكيد عاوزك فى حاجة بخصوص بابا يللا عقبال مااعمل له قهوة
ارتدت خيال عباءة وحجاب اسود وخرجت لمقابلة مراد
مراد:البقاء الله مرة تانية ياانسة خيال
خيال بحزن وعيون باكية :البقاء والدوام لله ياعمو
مراد:بصى يابنتى انتى عارفة ان والدك ماكنش بس شغال فى شركتى ودراعى اليمين دا كان صديق عمرى ووصانى فيكى وعليكى قبل مايموت
خيال بحزن ودموع بعيونها :ربنا يرحمه
مراد:ربنا يرحمه يابنتى المهم انا سبتك كام يوم تهدى وحالتك النفسية تتحسن عشان عاوزك فى موضوع مهم وابوكى لو كان عايش كان هيوافق من قبل ماتقولى رايك
خيال بقلق واستغراب:خير ياعمو موضوع ايه

مراد:بصى ياخيال انتى ماينفعش تعيشى هنا لوحدك
خصوصا بعد وفاة والدك وبعدين محمد كان قالى انك متخرجة بتقدير
امتياز وانا عاوزك معايا فى شركتى
خيال:بس انا ماينفعش اسيب هنا وامشى وبعدين بابا كان رافض موضوع شغلى من الاساس
مراد:بس دلوقتى الوضع اختلف وانتى مالكيش حد هنا ابوكى وصانى عليكى قبل مايموت يعنى ماينفعش اسيبك تعيشى لوحدك
خيال:حتى لو سبت هنا هعيش فين فى مصر
مراد:ياسلام دا اللى شاغل تفكيرك هتعيشى فى بيتى مع زوجتى واولادى ولو ماارتحتيش اجيبلك شقة لوحدك
صمتت خيال ونظرت ارضا ولم ترد
مراد وهو يقوم من مكانه:
انا هسيبك تفكرى وتحضرى نفسك عشان تسافرى وياريت تفكرى صح يابنتى
خرج مراد وترك خيال فى شرودها حتى دخلت عليها عمتها
ناهد:ايه دا هو مشى ياخيال
خيال بشرود:ايوة مشى ياعمتى
ناهد:امال مالك هو كان عاوزك فى ايه
حكت لها خيال الحوار الذى دار بينهم
ناهد:بصراحة الراجل عنده حق شوفتى مش انا لوحدى اللى شايفة انك ماينفعش تعيشى لوحدك
صمتت خيال ولم ترد
ناهد:وناوية تعملى ايه ياحبيبتى
خيال:مش عارفة ياعمتو انا اساسا ماكنتش بفكر فى الحاجات دى قبل كدا
ناهد:بصى ياخيال انا هاخدك تعيشى معايا فى مصر ولو عاوزة تشتغلى براحتك يابنتى
خيال:مش عارفة ياعمتى مش عارفة افكر
انا طول عمرى بحلم انى اتخرج واشتغل واثبت نفسى واوصل لمكانة كبيرة بس بابا كان رافض موضوع شغلى خالص ولما مراد بيه عرض على الموضوع حسيت ان الفرصة جتلى اخيراااااا
ناهد بحنان:بصى ياخيال فكرى براحتك وانا هفضل جنبك ومعاكى فى اى حاجة تعمليها
ظلت خيال عدة ايام تفكر فى مستقبلها وايامها القادمة كيف ستعيشها بعيد عن بيتها وذكرياتها وحياتها
حتى جاء ميعاد سفر عمتها
ناهد:ها ياخيال استقريتى على ايه ياحبيبتى
خيال:بصى ياعمتى انا فكرت ان انا هوافق على الشغل فى شركة مراد بيه وانا ممكن اعيش عندك فترة بس لحد مااستقر فى الشغل دا وبعدين ادور على شقة اعيش فيها
ناهد بزعل :وتعيشى لوحدك ليه وبيتى مفتوح لك يابنتى انتى هتفضلى فى بيتى لغاية مااسلمك لعريسك
خيال:ياعمتو ماانا هبقى ادور على شقة قريبة منك اعيش فيها بس الاول اشوف هعمل ايه فى موضوع الشغل دا
ناهد:ماشى ياحبيبتى وانا هستناكى
ودعت خيال عمتها على وعد ان تنهى كل مالديها هنا وتسافر لها لتبدا حياتها الجديدة
اتصلت خيال بمراد بيه واخبرته بردها وارتاحت بعدما سمعت ترحابه وسعادته بقرارها
___________________________

#ميما_تحكى

على الجانب الاخر فى احد القصور الفخمة فى غرفة مظلمة
يوجد شاب يغوص فى نوم عميق لايسمع صوت هاتفه
الذى لم يتوقف عن الاتصال حتى تدخل عليه والدته
وهى تفتح ستائر غرفته لتدخل الشمس
امال:ياعلى قوم يابنى احنا بقينا الضهر وابوك قالب الدنيا عليك
وعمال يرن عليك من الصبح
على بتافف وهو ينزع الغطاء من عليه:
فيه ايه ياماما بس على الصبح بيتصل بيا ليه هو شغله هيقف عليا
لم يكمل على كلامه حتى بدا هاتفه فى الاتصال مجددا
على:ايوة يابا حضرتك بتتصل ليه
مراد بصوت عالى :انت لسه نايم يازفت والله لاخرب بيتك
على وهو يعتدل فى فراشه:
فى ايه يابابا مالك
مراد وهو فى قمة غضبه :
فين ورق الصفقة الجديدة اللى انت قولت هتجيبه وتيجى والاجتماع مافضلش عليه غير نص ساعة
على وهو يخبط على راسه:
معلش والله نسيت وراحت عليا نومة ثوانى والورق هيبقى على مكتبك
مراد:ماشى ياعلى لو الورق ماجاش فى ميعاده صدقنى هخليك تنام عمرك كله على السرير
ثم اغلق الهاتف فى وجهه
قام على مسرعا وارتدى ملابسه واخذ مفاتيح سيارته وانطلق بها مسرعا تجاه شركة والده
فريدة :ايه دا ماله دا ياماما طاير كده ليه
امال :سبييه فى حاله يافريدة ابوكى لسه متخانق معاه فى التليفون
فريدة :تلاقيه كان سهران طول الليل مع عمرو الصايع ماهما الاتنين شبه بعض
امال:يابت حرام عليكى دااكان فى اجتماع فى الشركة وورق الاجتماع كان مع اخوكى وراحت عليه نومة
فريدة باستهزاء :شوفتى يعنى كلامى صح يااتاخر على ميعاد شغله فى الشركة او بوظ لبابا شغل الشركة
امال :طيب يالمضة وبعدين تعالى هنا انا مش عارفة انتى بتكرهى عمرو كده ليه دا الواد غلبان زى اخوكى
فريدة وقد لمعت عيونها :اه غلبان الصراحة غلبان اووووى
امال :طيب بطلى لماضة ثم تنهدت بصوت عالى :
ربنا يهديك ياعلى ياابنى وترجع زى ماكنت انا مش عارفة هو بقى عامل كده ليه اتغير اوى ربنا يهديه يارب
فريدة :انا بقى عارفة هو اتغير كده ليه

• لقراءة باقي فصول الرواية أضغط على (رواية تحدي حبك)