رواية تحدي حبك الفصل الثامن 8 بقلم مريم علي

رواية تحدي حبك الفصل الثامن 8 بقلم مريم علي

البارت الثامن

الحلقة الثــــــــــــــامنة ……

خيال وهى تتنهد :عارفة يافريدة الحساب فى الحب حاجة وحشة اوووووى
فريدة بعدم فهم :مش فاهمة ياخيال
خيال :يعنى انتى بتنامى كل يوم دمعتك على خدك عشان بتحبيه وحاسة انه ميستاهلش الحب اللى فى قلبك ليه عشان بيعرف بنات كتييييير ومش حاسس بيكى
ويمكن هو مابيجلوش نوم كل يوم بسبب تفكيره فيكى انك مش حاسة بيه وهو مابيحبش غيرك ودا باين فى عينه اوووى
من الاخر هو بيحبك يافريدة بس جبان لاقادر يصراحك ولا يكلم ابوكى
ولو كان عنده نية يجى يتقدم بسببك انتى مش هيعمل كداا
فريدة باستغراب :ليه بقى ان شاء الله
خيال :انتى يابنتى مابتشوفيش بتعامليه ازاى داانتى ناقص تقوليله اكنس سلالم الشركة …. مش كدا يعنى مش اسلوب
فريدة بضحك :ايه دا هو انا بعمل كدا بجد … هو اساسا يستاهل
…… وبعدين تعالى هنا انتى يعنى عايزانى اروح اقوله بحبك
خيال :لا طبعاااا ايه اللى انتى بتقوليه داا
هو لا كدا لا كدا خليكى وسطية اوعى تعامليه وحش وما تخليهوش يحس انك بتحبيه
فريدة ببلاهة :عروستى
خيال بضحك : داانتى اللى مسخرة
يعنى خليكى عادية يافريدة بلاش تبينى انك بتكرهيه وانتى من جواكى بتعشقيه عامليه كويس زيه زي اى حد فى الشركة انتى بتعاملى الشركة كلها كانهم اصحابك وهو ابن البواب يافريدة
بس ماتتخطيش حدودك عشان تعرفى اذا كان فى نية يتقدم لك ولا لا وتريحى قلبك ونفسك من التعب اللى عايشة فيه داااا واوعى تسمحى لنفسك انك تعترفى ليه باى حاجة قبل مايتقدم لك رسمى هتندمى يافريدة وهتقلى فى نظره
صمتت فريدة وبدات تفكر بكلام خيال ……

#ميما_تحكى

احضر الجرسون الطعام وكانت كل من فريدة وخيال يتحدثوا ويضحكوا وهم يتناولوا الطعام ولم يخلى الحديث من سيرة عمرو
ثم نظرت خيال فى ساعتها فجاة :يانهار ابيض يافريدة احنا اتاخرنا اوى وزمان عمتو قلقانة عليا
وبعدين يابت انتى مش عندك جامعة الصبح
خرجت كل من خيال وفريدة من المطعم واستقلتا سيارة فريدة
_______________________

على الجانب الاخر فى فيلا مراد عزمى
يجلس مراد على كرسى مكتبه شارد الذهن لايشعر حتى بزوجته التى تدخل عليه المكتب تحمل صينية عليها فنجان من القهوة
امال باابتسامة :اتفضل ياحبيبى القهوة
لم تسمع اى رد منه فكان شاردا للغاية
امال :مراد……مراد ….ثم صاحت فجاة :مراااااااااد
مراد بانتباه لوجود امال فى الغرفة :هاااا بتقولى حاجة ياامال
امال باابتسامة :كنت جيبالك القهوة ياحبيبى
مراد :تسلم ايدك…جيباها بنفسك
امال وهى تجلس على احد كراسى المكتب :وانا عندى اعز منك
ثم اردفت :مالك كنت سرحان كده ليه داانت حتى ماحستش بوجودى
مراد :مش عارف ياامال مش عارف اعمل ايه مع على بقى بيسهر كل يوم للفجر وبيصحى الظهر وشغله بقى اخر حاجة تشغل تفكيره ….
امال بحزن :والله يامراد انا تعبت معاه مش عارفة ايه اللى غيره كداااحاولت كتير اساله واعرف منه مش بيرضى يحكي لى انت عارف ابنك كتوم ….
ثم تنهدت :ربنا يهديك ياعلى ياابنى يارب
مراد :طب وبعدين ياامال انا عاوزه يفوق من اللى هو فيه
امال بتلقائية :والله يامراد انا بدعى له كل يوم ربنا يهديه ويوفقه فى شغله ويرزقه ببنت الحلال اللى يكمل حياته معاها ….
مراد وهو ينظر لامال فجاة لمعت عيونه بشدة كانه اخيراااااااااا وجد ماكان يبحث عنه …………
___________________________

#مريم_على

فى صباح اليوم التانى فى الشركة استدعى مراد خيال فى مكتبه
خيال :ايوة يافندم حضرتك طلبتنى
مراد وهو ينظر فى الورق امامه :عاملة ايه فى شغلك ياخيال
خيال باابتسامة :الحمد لله يافندم
مراد ومازال يتطلع فى الورق امامه :
كنت عاوزك يابنتى فى موضوع مهم ومش هينفع اتكلم معاكى فيه فى الشركة تسمحيلى اعزمك على الغدا برا …..
خيال باستغراب :خير يافندم موضوع ايه
مراد :ماانا قولت لك مش هينفع اتكلم فيه فى الشركة
خيال ومازالت مستغربة :اصل انا مش عاوزة اتعب حضرتك وبعدين …
قاطعها مراد بحزم :ساعة الغداء هتعرفى اتفضلى على مكتبك ييلا عشان ماتتاخريش على شغلك
خرجت خيال من مكتب مراد شاردة الذهن تحدث نفسها الى ان وصلت لمكتبها …
فى احد المطاعم الراقية الشهيرة
يجلس كل من مراد وخيال على طاولة مليئة بكل اصناف الطعام
مراد :عاملة ايه فى شغلك ياخيال
خيال باستغراب لانه تانى مرة يسالها نفس السؤال فى نفس اليوم :
الحمد لله ياعمى الشغل تمام بحاول اثبت نفسى فيه
مراد وهو شارد الذهن لايعرف من اين يبداااا فانتبهت له خياال….
خيال :خير ياعمى حضرتك كنت عاوزنى فى موضوع مهم
مراد بكلمة من الغرب وكلمة من الشرق :
عارفة ياخيال كل مااشوفك افتكر محمد الله يرحمه ….
والله انتى من غلاوة فريدة بنتى …..
فريدة بتحبك اوووى مابتبطلش تجيب سرتك فى البيت …..
خيال باابتسامة:والله انا كمان فريدة بقت اكتر من اختى
مراد :بصى يابنتى الكلام اللى هقوله دلوقتى
مش عاوز اسمع ردك عليه دلوقتى
وعاوزك تفكرى فيه بعقلك ماشى
وياريت ماتقطعنيش طول ماانا بتكلم
اومات خيال راسها فى قلق وعدم فهم ….
مراد بدون مقدمات :انا عاوزك تتجوزى على ابنى
صدمت خيال وظهرت اثار الصدمة على وجهها وكادت ان تتكلم ولكن
قاطعها مراد :قولتلك ماتتكلميش لغاية مااخلص كلامى
سكتت خيال فاكمل مراد ……
مراد :على ابنى راجل بمعنى الكلمة ياخيال طول عمره عارف مصلحته وبيعملها ولو حطيت حمل على كتافه هيشيله من غير مايشتكى دايما بيعاندى فى الشغل والبيت بالرغم من ان داااا بيضايقنى بس بيحسسنى انه راجل كلمته من راسه
ثم تنهد:مع انه معذبنى معاه الفترة الاخيرة …..
مراد وهو ينظر لها بشدة :انا عارف ان مفيش بنت هتحبه وتصونه وتحسسه ان الحياة مليانةمسؤليات غيرك انتى ياخيال
انتى ممكن ماتكونيش بتحبيه وهتقابلكوا صعوبات كتير فى بداية حياتكوا
بس بعد كدا عارف انك هتحبيه وهتموتى فيه كماااااان
ثم اكمل وهو ينظر لها واثار الصدمة ظاهرة على وجهها :
انتى كمان محتاجة راجل فى حياتك يحافظ عليكى ويراعيكى
وعارف كمان ان ابنى هيلاقى كل اللى مفتقده فى حياته معاكى
فكرى وماتتسرعيش ياخيال انا عاوزك تاخدى الموضوع دا تحدى كعادتك
وان شاء الله تبقوا احسن زوجين فى العالم
صدقينى يابنتى انتى زى فريدة بالظبظ وعمرى ماهختار لك حاجة وحشة
كانت خيال تنظر لمراد وهو يتحدث وملامح الصدمة على وجهها ولا تستطيع ان تتفوه بحرف فقد الجمتها كلماته
مراد وهو يتفحص ملامح الصدمة البادية على وجهها :
على فكرة شغلك ومرتبك زى ماهما بالعكس انا عاوزك تهتمى بشغلك وحياتك الجديدة مع بعض وتثبتيلى دايما ان نظرتى فيكى ماتخيبش
انهى مراد حديثه وابتدا فى تناول الطعام وكانت خيال تنظر للطبق امامها وهى شاردة الذهن ثم دفع مراد الحساب وخرجا من المطعم الى الشركة مرة اخرى…….
كانت تجلس على مكتبها ولكن كانها لاتشعر باى شى حولها فقد كانت كلمات مراد تتردد فى عقلها الى ان انهت عملها وذهبت الى بيت عمتها وظلت بغرفتها تفكر بعمق فى كلام مراد…..
________________________________

#تحدى_حبك

فى المساء وصل مراد الى الفيلا ولم يجد على كالعادة
فدخل مكتبه وظل منتظره حتى وصل على فى وقت متاخر
مراد :حمد الله على السلامة ياعلى بيه
على وهو يلتفت ورائه :بابا …هو حضرتك صاحى لحد دلوقتى ليه
مراد باستهزاء :مستنى ابنى اللى بيسهر كل يوم ويجى البيت وش الفجر
المهم تعالى ورايا المكتب عاوزك ……
اتجه على خلف مراد الى مكتبه واغلق الباب وجلس مراد على كرسى مكتبه وعلى امامه
مراد :انت عارف انى مبحبش الف وادور كتير صح
على بعد فهم :صح …..بس هو فى ايه
مراد بدون مقدمات :انت هتتجوز ياعلى
على وهو ينهض من مكانه :نعم !!!!
مراد :زى ماسمعت كدا يه مش عاجبك كلامى
على وهو يجلس مرة اخرى :هو فى ايه انا مش فاهم حاجة
مراد بصرامة :قررت اوضع حد لسهرك وقلة مسؤليتك والشركة اللى حضرتك بتجيها زيارات دا غير الفلوس والعربيات اللى حضرتك مستمتع بيها ..كل دااااا قدام جوزك ياعلى بيه
على :وحضرتك شايف ان كل دا هينتهى بجوازى
مراد بحدة :ااااه شايف كده
سكت على ولم يرد وظل ينظر لوالده حتى قال :
ومين بقى العروسة اكيد واحدة من رجال الاعمال اللى ليهم شغل فى شركتنا
مراد ويتحدث بثقة :
لا ….واحدة احسن من كل دول وطول عمرى بتمنالك بنت زيها
على بللا مبلاة :والله …..ومين بقى ربة الصون والعفاف
مراد :خيااااال
على وهو يقوم من مكانه مرة اخرى :نعم !!!!!!

• لقراءة باقي فصول الرواية أضغط على (رواية تحدي حبك)