رواية تحدي حبك الفصل الثالث 3 بقلم مريم علي

رواية تحدي حبك الفصل الثالث 3 بقلم مريم علي

البارت الثالث

نهض على مسرعا وارتدى ملابسه واخذ مفاتيح سيارته وانطلق بها مسرعا تجاه شركة والده
فريدة :ايه دا ماله دا ياماما طاير كده ليه
امال :سبييه فى حاله يافريدة ابوكى لسه متخانق معاه فى التليفون
فريدة :تلاقيه كان سهران طول الليل مع عمرو الصايع ماهما الاتنين شبه بعض
امال:يابت حرام عليكى دااكان فى اجتماع فى الشركة وورق الاجتماع كان مع اخوكى وراحت عليه نومة
فريدة باستهزاء :شوفتى يعنى كلامى صح يااتاخر على ميعاد شغله فى الشركة او بوظ لبابا شغل الشركة
امال :طيب يالمضة وبعدين تعالى هنا انا مش عارفة انتى بتكرهى عمرو كده ليه دا الواد غلبان زى اخوكى
فريدة وقد لمعت عيونها :اه غلبان الصراحة غلبان اووووى
امال :طيب بطلى لماضة ثم تنهدت بصوت عالى :
ربنا يهديك ياعلى ياابنى وترجع زى ماكنت انا مش عارفة هو بقى عامل كده ليه اتغير اوى ربنا يهديه يارب

فريدة :انا بقى عارفة هو اتغير كده ليه
ماعلينا حضرتك عاوزة حاجة منى ياماما انا رايحة الجامعة
امال :شكرا ياحبيبتى بقولك ايه يافريدة ماتاخدى السواق يوصلك جامعتك
وبلاش تسوقى انتى
انتى فاكرة اخر مرة واللى حصل فيها مش ناقصة وجع قلب يابنتى
فريدة وهى تقبل مامتها :
ماتقلقيش ياماما المرة اللى فاتت كنت مخنوقة اوووى وطلعت خنقتى فى السواقة يللا سلام ياحبيبتى

بعد عدة ايام من سفر عمة خيال ودعت خيال اصدقائها وجيرانها الذين حزنوا بشدة على فراقها ولكنها وعدتهم ان تاتى لزيارتهم
وصلت خيال بيت عمتها ووجدت عمتها وجوز عمتها فى انتظارها
ناهد :حمد الله على السلامة ياحبيبتى كل دا داانا فكرتك يومين وهتيجى تقعدى معايا كل دا يابنتى قاعدة فى اسكندرية لوحدك
خيال :معلش ياعمتى كنت بخلص ورقى من الجامعة عشان الشغل
وبودع اصحابى وبحضر شنطى
ثم نظرت لجوز عمتها الذى يغلب على وجهه الطيبة
خيال :ازيك ياعم حسن واحشنى اوى والله
حسن(جوز عمتها):ازيك ياخوخة عاملة ايه
خيال بضحك :ياااااااه انت لسه فاكر لما كنت بتنادينى كده وانا صغيرة
حسن :وهفضل اناديكى بيه انتى مفكرة نفسك كبرتى عليا يابنت محمد ولا ايه
خيال :داانا اكبر على الدنيا كلها الا انت ياعم حسن داانت الحتة الشمال
حسن :ايوة يابكاشة كلى بعقلى حلاوة
ناهد :يللا ادخلى غيرى هدومك عقبال مااحضر الغداء عشان ناكل كلنا سوا
خيال وهى تتلفت حولها :امال فين احمد ياعمتى
احمد وهو يفتح باب الشقة :
انا جيت اهو حمد الله على السلامة
__(احمد 23 سنة شاب وسيم ودمه خفيف اصغر من خيال بسنين بيشتغل من وهو لسه بيدرس)
خيال :الله يسلمك ياحماده
ناهد :مش تباركى لاحمد ياخيال
خيال باستغراب :الف مبروك بس على ايه
ناهد :احمد خطب
خيال بفرحة وهى ترى الدبلة فى ايد احمد :
ايه دا مش معقولة خطبت
احمد :شوفتى بقى عقبالك يارب
خيال بفرحة :ربنا يكملك على خير ياحماده
احمد بضحك :
اهى خطيبتى لو سمعتك وانتى بتقوليلى ياحماده كدا هتقتلنى
خيال :لا خلاص يااستاذ احمد دى شكلها بتغيييير اوى
احمد بهيام :اوى اوى وحياتك
خيال :ايه ياعم الرومانسى داانا كده لازم اتعرف عليها اللى مخلياك هيمان كدا
احمد :قريب ان شاء الله
ناهد :طيب بطلوا كلام وييلا عشان الاكل جاهز

________________________________________

قبل عدة ساعات وصل على الى شركة والده وهو يحمل الملفات وما ان دخل الشركة حتى انتبهت الموطفات الى دخوله وبدا يتهامسوا ويتحدثوا عنه بصوت منخفض يتحدثوا عن وسامته ورجولته وشياكته
احدى الموظفات:(ليلى): هو ماله واخد فى وشه ولا كان حد فى الشركة طيب يقول السلام عليكم حتى
(نهى )موظفة اخرى تتحدث بهيام :
والنبى قمر بردو حتى وهو متعصب هييييييييح يابختها بيه
ليلى :هى مين دى
نهى بنفس الطريقة :اللى هيتجوزها دى هتبقى امها داعية لها
دخل على الشركة وصعد الى مكتب والده وحضر الاجتماع وبدا يشرح بنود وشروط عقد الصفقة الجديدة وانتهى الاجتماع على خير
مراد :عارف انت ربنا بيحبك لو كنت اتاخرت خمس دقايق بس عن الاجتماع
كنت نفذت الكلام اللى قولتهولك فى التليفون
على :خلاص يابابا الاجتماع عدى على خير والصفقة تمت امشى انا بقى
مراد :ياابنى دى شركتك اهتم بيها شوية انت تغيرت كده ليه
بقيت بارد وشغلك بقى اخر حاجة تشغل تفكيرك
على وهو يحاول الا يفكر بكلام والده :
انا ماشى يابابا سلام
مراد وهو ينظر بحزن على حال ابنه :
سلام ياعلى سلام ربنا يهديك يابنى
خرج على من مكتب والده وقابل فى طريقه عمرو صديقه ويعمل ايضا بشركة والده وهو يتطلع باوراق فى يديه
على :انت ايه اللى مخليك هنا لحد دلوقتى يابنى
عمرو :الحقنى ياعلى ابوك بينتقم منى بيقولى ماتمشيش من الشركة النهاردة من غير ماتخلص كل الشغل اللى وراك مدينى ملفات اد كدا اراجعها
شكله بينتقم منك فيا ياصاحبى
وشكلنا كدا مش هنعرف نسهر النهاردة
على :طب وبعدين هنعمل ايه دا حاططنى اليومين دول فى دماغه بزيادة
عمرو :طيب انت ابنه انا مالى ياعم
على :مش صاحبى ياجدع وبعدين متبقاش خفيف كدا
عمرو بسخرية :طيب ياخفيف قابل بقى اللى جايلك
نظر على مكان نظر عمرو فتافف بشدة
على بصوت واطى :وبعدين بقى فى الهبابة دى مش ناوية تحل عنى
عمرو :ياعم انت هتتامر دى صاروخ ارض جو
وبعدين اسكت بقى دى جاية علينا
صمت الاثنان عندما جاءت ندى موظفة بشركة والد على وكانت ترتدى ملابس ضيقة جدا وكعب عالى واسدلت شعرها على ظهرها وتضع الكثير من مساحيق التجميل وتبدو بمظهر مثير وفاتن للغاية
ندى برقة مبالغ فيها :هاى ياعمرو ازيك ياعلى
على بضيق :اهلا
عمرو :هايات عليكى
ندى بمياعة :ايه ياعلى مالك شكلك متضايق فى ايه
على وهو ينظر لها بضيق :
مفيش عن اذنك ….
ثم نظرو لعمرو :سلام ياعمرو
عمرو : سلام ياصاحبى
ندى وهى تنظر لعلى وهو خارج من الشركة :
هو ماله ياعمرو شكله متضايق اوى
عمرو فى باله (ايه الغبية دى بيعاملها ببرود وبردو مفيش دم طبعاااا مالفلوس تعمل اكتر من كدا )
عمرو بعد ان فاق من سرحانه :
لا ابدا ياندى اصله مخنوق شوية بعد اذنك بقى عندى شغل
ترك الاثنان ندى فى قمة غضبها وغيظها من تصرفات على
___________________________

فى صباح اليوم التالى وصلت خيال شركة مراد بيه صديق والدها وايضا التى كان يعمل بها والدها لتبدا اول يوم عمل لها
ماان دخلت خيال الشركة حتى انبهرت بضخامة الشركة وانبهرت ايضا بالديكورات وتصميمات الشركة واعداد الموظفين
وصلت خيال مكتب مراد
خيال للسكرتيرة :لو سمحت ممكن ادخل لمراد بيه
السكرتيرة وهى ترفع وجهها من الورق امامها :فى ميعاد سابق
خيال :ممكن تقوليله خيال
السكرتيرة بانتباه :ااااااااه هو بلغنى يافندم اول ماتوصلى تتدخليله
دخلت خيال مكتب مراد بعدما اخبرته السكرتيرة بوجودها
مراد بفرحة :اهلا وسهلا يابنتى اخيراااا داانا مستنيكى من يوم عزاء والدك
خيال :اهلا بحضرتك
انا لسه واصلة امبارح من الاسكندرية
مراد :بجد امال انتى قاعدة فين يابنتى
خيال :انا نزلت عند عمتى لغاية مااستقر فى شقة لوحدى
مراد: طيب يابنتى على راحتك
المهم لو عاوزة تبداى الشغل من النهاردة على راحتك انا ماعنديش مانع ولو عاوزة تبداى بكرا لم يكمل مراد كلامه حتى
قاطعته خيال بحماس :ابداالنهاردة طبعااااا
مراد :مالك بدائها جد كده ليه عادى مش مهم النهاردة
خيال :لا ياعمو انا بحلم بكدا من زمان بحلم اناشتغل واثبت نفسى
ثم انتبهت لكلامها :انا اسفة قصدى يامراد بيه
مراد :اولا انتى تقوليلى زى ماانتى عايزة
ثانيا بقى انتى مكتبك جاهز وعاوزك ترفعى راس والدك ياخيال
عاوز احس ان محمد لسه عايش ماممتش
خيال بنفس الحماس :ان شاء الله اكون عند حسن ظن حضرتك
خرجت خيال مع سكرتيرة مراد بعد ان طلب مراد من السكرتيرة ان تووصلها الى مكتبها وان تعرفها على طبيعة شغلها
بدات خيال اول يوم عمل لها فى حماس
وظلت منهمكة فى الاوراق امامها حتى اتصلت بها عمتها
ناهد :ايه ياحبيبتى عملتى ايه واتاخرتى ليه
خيال :لا ياعمتو انا مش هاجى دلوقتى النهاردة اول يوم فى شغلى
ناهد بفرحة :بجد … ربنا يوفقك ياحبيبتى يارب
خيال :يارب ….ادعيلى ياعمتو
انهت خيال حديثها مع عمتها ورجعت تغوص مرة اخرى فى الورقة امامها
ولم تنتبه للشخص الذى يقف على باب مكتبها

• لقراءة باقي فصول الرواية أضغط على (رواية تحدي حبك)