رواية بين العشق والخداع الفصل الأول 1 بقلم عائشة الكيلاني

رواية بين العشق والخداع الفصل الأول 1 بقلم عائشة الكيلاني

 

 

البارت الأول

 

حطت الاطباق على السفرة بصتله بابتسامة:- صباح الخير يا حبيبي
ادم قبل راسها بحب:- صباح النور يا حبيبتي
قعد على كرسي السفرة و تناولوا الفطار خلصوا فطار جميلة دخلت المطبخ ترتبه في تغسل الاطباق
ادم وقف على باب المطبخ بصلها بحب:- بقولك يا جوجو
جميلة و هى مركزة في الى بتعمله:- نعم يا حبيبي
ادم:- ا انا مسافر بالليل علشان الشغل مانتي عارفه ان كل حاجة تقف من غيرى المدير معتمد عليا في كل حاجة
جميلة قفلت صنبور الماية و بصتله بابتسامة :- ولا يهمك يا حبيبي انا مش زعلانة المهم راحتك
ادم قبل جبينها مسك ايديها بصلها بابتسامة:- تعرفي انكي احلي حاجة في حياتي
جميلة بابتسامة:- و انت تعرف انى بحبك اوى فوق ما تتخيل
ادم:- انتي مجنونة من يومك
جميلة بعدت عنه ضربته في كتفه:- تصدق انك رخم
ادم:- و انتي جميلة جدا
ادم خرج من المطبخ راح اوضته غير هدومه و راح على الشغل جميلة خلصت المطبخ و نزلت تجيب طلبات البيت و بعدين بدات ترتب البيت بالليل ادم ودع جميلة الى قعدة و حاسه بقبضت قلب أو عدم ارتياح بعد وقت في مكان تانى
اسيل راحت تفتح الباب كان ادم
اسيل بفرح:- بااابي
ادم شالها:- روح بابي انتي
ادم قفل الباب حنين حضنته بفرح:- حمدالله على سلامتك يا حبيبي
ادم:- الله يسلمك يا حبيبتي
بعدت عنه:- كل دا تاخير لا لو كدا انا هخليكى تستقيل من الشغل دا
ادم قبل ايديها :- مفيش حاجة في الدنيا
تقدر تبعدني عنك
اسيل دخلت اوضتها و خرجت و هى معاها كراسة:- شوفت يا بابي انا رسمت اي
حنين:- يادى الرسمة الى محياركي
ادم اخد الكراسة من اسيل بص لرسمة:- ااي القمر دا انتي الى رسمها لوحدك
اسيل بحماس و سعادة طفولية:- رسمتها كلها لوحدي حلوة صح
ادم:- تجنن يا حبيبتي خدى الشكولاتة و اللعبة دى روحي العبي
اسيل بصت لى اللعبة بفرح:- حلوة اوى يا بابا
ادم:- عجبتك
اسيل:- تحفة انا هروح العب بيها عقبال ما ماما تحضر العشا
اسيل جريت على اوضتها ادم قعد على الركنة حط ايديه على عينيه حنين قعدت جانبه:- مالك يا ادم انت كويس
ادم شال ايديه و بصلها بابتسامة و حب :- انا كويس يا حبيبتي بس مضغوط شوية من كتر الشغل
حنين:- ولا يهمك يا حبيبي.. صحيح اخبار الشغل اي الشركة ماشية كويس
ادم بتوتر و كدب:- اه اه ماشية كويس جدا
حنين:- اكيد مفيش حاجة
ادم بضيقه:- يووه هو في اي قولت مفيش حاجة يبقا مفيش حاجة لازم اعيد و اكرر كلامي انتي ليه مش بتفهمي من اول مرة
حنين بحزن و هدوء:- لا مفيش حاجة هقوم احضر العشا نورت البيت يا ادم
حنين قامت تحضر العشاء و ادم قعد بيفكر في حياته و هيعمل اي معاهم تاني يوم في بيت اهل حنين
الاب:- اخبار مشروع حبيب القلب اي
حنين بهدوء:- كويس يا بابا
الام:- مش باين يا حنين
اسيل بفرح:- تيته شوفتي بابي جيبلي اي
الام:- حلو يا حبيبتي بقولك اي خدى التلفون العبي في اوضك
اسيل اخدت الفون بتاع جدتها و راحت اوضتها تلعب فيه
الاب:- اومال مجاش معاكي ليه
حنين:- عنده شغل كتير ..
الام:- شغل اي الى يخليه يغيب بالشهر
الاب:- شغل اي الى يخليه يغيب كل دا
الام بصتلها بهدوء و حزن مش عارفه سببه لكن مش مطمنة عدا يومين في بيت جميلة
جميلة قامت بصدمة:- اي انت مين و بتقول اي
حضرتك جوزك عمل حادثة على الطريق هو في المستشفى دلوقتي العنوان***
جميلة قفلت بسرعة كانت مش قادرة تقف على رجليها من الصدمة لكن فاقت من صدمتها راحت غيرت هدومها و خرجت من الشقة قفلت الباب و نزلت جري ركبت التاكسي و راحت على العنوان بعدا وقت في المستشفى حنين وصلت المستشفى اتجهت على الاستقبال بلهفة
حنين بقلق:- لو سمحتي ادم الحسيني فين
ادم الحسيني في غرفة العمليات الدور الرابع
حنين اتصدمت دقات قلبها طالعت على السلم و هى بدور عليه زى المجنونة وقفت قدام الغرفة العمليات بعد شوية جت جميلة طبعا سالت الاستقبال و بعدين طالعت جميلة كانت بتبص عليه من الازاز و بتعيط حنين دموعها نزلت بوجع و قهرة زوجها و ابو بنتها بين الحياة والموت من رغم انها متعرفش عنه حاجات كتير بس حبيته
جميلة الإنسان الوحيد الى حبيته و متعرفش غيره و احلي حاجة في حياتها بين الحياة والموت مش قادرة تتخيل انه يموت و يسيبها بعد ما حبيته و اتعلقت بيه بعد وقت اتفتح الباب و خرج الدكتور
جميلة بلهفة:- دكتور طمني ادم هو كويس فيه حاجة ارجوك طمني
قالتها بدموع
الدكتور:- مين حضراتكم
حنين:- انا مراته يا دكتور ا انا مرات ادم الحسيني
جميلة بصتله بصدمة ووووو
يتبع

 

• لقراءة باقي فصول الرواية أضغط على (رواية بين العشق والخداع)