رواية بنات البادية كاملة – جميع الفصول في مكان واحد | بقلم جمان الزياني

رواية بنات البادية كاملة – جميع الفصول في مكان واحد | بقلم جمان الزياني

رواية بنات البادية هي واحدة من الروايات الليبية الحقيقية وتعد من الروايات القوية جدًا التي نُشرت في الفترة الأخيرة في عالم الروايات الإلكترونية الليبية، وبالطبع نُرشحها لك جدًا، ونرى بأنها واحدة من أقوى روايات مواقع التواصل الإجتماعي للفترة الأخيرة.

اقرأ ايضًا:

• رواية لكل قلب حكاية كاملة – جميع الفصول في مكان واحد | بقلم remo

رواية بنات البادية الفصل الأول

بنات البادية
رواية ليبية حقيقية 100%
الحلقة الأولى ( 1 )
فاتن: خليك ياباتي والله ماتطلع في المطر تو تمرض
فاطمة: توا نمشي انا ع السريع انسكر الترعة ( بوابة المزرعة ) ونجي نجري
الحاج سعد: يابنيتي ليل ومطر وطراقيع ساع نمشي نا بروحي ونجيكن ماتحركنش
عائشة: خليني نمشي انونسك
فاتن: باتي عشان خاطري تريح توا نمشي ع السريع ونجيكم
طلعت فاتن للمزرعة والدنيا ظلاااام ومطر البست استوالي وحطت جاكه عليها وتجري
المطر اتصب في صب غريب
والحاج سعد ايولع في الكانون ومعاه البنات ايساعدن فيه
فاطمة: الحاوية اللي برا فيها شوية قاز نمشي نجيب بيش يولع بسرعه توا ايتعبنه الفحم شكله امحصل امياه
الحاج سعد: لالا كان امحصل امياه مايولع بكل عدي جيبيلي القاز وتعالي بسرعه انقطعنا من الصقع
عائشة: ان شاء الله ربي يرزقنا بمتوري لمعيشة هك قعدت صعبة
الحاج سعد: الماتوري هو الساهل بكرا ساع نسأل علي سريب الضي نكان يبي يقعد لشتاء كله هك نديرو راي في ماتوري كبير وسمح
عائشة: ربي مايحرمنا منك ياغالي
فاتن وصلت لنهاية المزرعة وتبي اتسكر الترعة وسيارة اتشيرلها بالضي معش شافت شي
فاتن حاطه ايديها علي عيونها ومغمضتهن خافت معش عرفت شن قصتها السيارة هذي في الليل والدنيا مطر وصقع
نزل منها شاب بالشماسيه متاعه
فهد: السلام عليكم ياشاب
فاتن رقالها وتغطي في شعرها: تفضل شن تبي في الليل والمطر
فهد: اه انتِ بنت اسف سامحيني ياخيتي سيارتي كملت عليها البنزينه دورت كم شيل لقيتهن مسكرات حاولت اندفها نين جبتها قدام مزرعتكم
فاتن: توا نكلملك باتي
فهد: تمام ماطوليش لو سمحتي
فاتن: تم ماعليك وطلعت تجري لعند وصلت للحوش
الحاج سعد: تعالي بنيتي ادفي ولعت كانون
فاتن: في شاب قالي طفت علي السيارة قتله توا نكلملك باتي
الحاج سعد: وين قاعد توا
فاتن: ع الطريق برا من المزرعة
الحاج فرج: سبحان الله ع النصيب حتى بعد سكرتي الترعة تبي تريحيني فيها فيها الطلعه
فاتن: كان هضا فوته
الحاج سعد: لا عيب الراجل حسبة امصبي عليا والله مانردا
طلع الحاج سعد ماشي شور الشاب
فهد: السلام عليكم ياعمي سامحني طلعتك في المطر لكن والله ماعندي غير هالراي سيارتي وقفت علي تبي بنزينه وانا من بعيد لقيت الشيول فاضيات
الحاج سعد: خش خش ياباتي تفضل عندنا بنزينه تو انصبولك منها في سيارتك
فهد: بارك فيك ياعمي توا نجي معاك نطلعوها
الحاج سعد ايعيط لفاتن
فاتن: باتي مش من جدا يبي ايطلعني قدام الراجل
فاطمة: عارفك ثلبه مش متاعة حركات
فاتن حطت علي راسها وطلعت: انعم ياباتي
فهد مستغرب شخصية فاتن زي الراجل
الحاج سعد: طلعيلي قلوني بنزينه من الحاوية وجيبيلي معاك توبو نشفطو بيه
فاتن: حاضر هي
فهد: ماعندكش شباب ي حاج
الحاج سعد: لا والله ياباتي ربي رزقني بثلاث ابينات لكن تقول تريس الحمدلله
فهد: ماشاء الله ربي يحفظكم ان شاء الله
فاتن اتقربع في الظلام
فهد بصوت عالي: نعطيك تلفوني اتولعي لفلاش
فاتن: محاشن معاك تلفون كنك ماتحكي
فهد: محاشن ????
فاتن: تعال ضويلي هنا كنك مصبي اقول صنم
الحاج سعد: بشوي ساع تلقيه راني حطيته ورا عجل الماكينة
فهد: ياربي ع الزغد
فاتن: عفواً ؟؟؟
فهد: قلت ياربي ع البرد جو اليوم صقع بكل
فاتن ضحكت: أهو لقيته واخيرا
فهد حط لفلاش علي وجها وانصدم بجمالها
لكن شخصيتها زي العيل
فاتن خشت جوا وتراقب فيهم من روشن الدار
فهد والحاج سعد شفطو بنزينه وعبو السيارة
فهد: بارك الله فيك ياعمي وربي ايطول في عمرك سامحني تعبتك في الليل والمطر وبإذن الله توا نديرلك برمه شي يوم انهدرز عليك
الحاج سعد: لا ياباتي هضا واجبنا ومرحبا بيك في اي وقت وتعال توا نعطيك لبن وزبدة
فهد: اووووو ماشاء الله لبن اخرى لا معناتها توا نبرم عليك رسمي
الحاج سعد: مرحبا بيك في اي وقت
فهد: تصبح علي خير وديما طيب
الحاج سعد: تلاقي الخير
البنات كلهن ع الكانون
الحاج سعد: الحمدلله ربي سترني معاه الراجل
فاتن: ديما صاحب واجب ياغالي ربي ايطول في عمرك
فاطمة: جبتلكم بكرج القهوة
الحاج سعد: انتن اشربن نا نريد نخش نرقد
عائشة: فاتن وين ذاهبه كنك مش معانا بكل
فاتن: لا معاكن فكيني منا الجو هضا
فاطمة: بالك اتفكر في الطرف اللي كان عندنا
فاتن: تحشمي علي وجك يابنيه
عائشة: معقدة هذ ????
فاتن: الحياء والحشم عندكن تعقيد ربي يشفيكن
ثاني يوم ع الفجر
الحاج سعد ايواعي في البنات ايصلو الفجر جماعة
فاتن: صباح الخير ياغالي نهارك مبروك
الحاج سعد: نهارك مبروك بنيتي تعالن نصلوا جماعة
صلو الفجر جماعة ودعن لأمهن بالرحمة والمغفرة
فاطمة وعائشة ردن رقدن وفاتن اطلعت ع البقر اتحلب فيه
الحاج سعد: خوذي معاك سطل الطعامات ياباتي
فاتن: حاضر خليك متريح انحلب لبقرة ونجي نطيبلم حليب
الحاج سعد: الله ايربحك دنيا واخرة
فاتن خذت سطل الطعامات كباته للبقر
وبدت تحلب فيه ، كملت الحلب وخشت طيبتلهم حليب ودارت فطور وتخرف معا باتها في هذك لدويرة والكانون في زاوية الدار امدفيهم
الحاج سعد: نكان علي نا نبي نتريح عليكن اليوم قبل بكرا لكن انتن مش راضيات
فاتن: انا واخذة عهد علي اني مستحيل انسيبك ياباتي
الحاج سعد: لا والله انا يوم الهنا عندي اليوم اللي انحقك انتِ وخياتك متبيتات ومعا رجالتكن
فاتن: خليها في وقتها ياباتي
الحاج سعد: ونكان علي لبهيمات ساع انديرلهن راعي
فاتن: بعد حافظ السوداني معش نلقو راعي كويس ياباتي
الحاج سعد: حافظ كلمني وقالي كلها شهرين وانروح
فاتن: باهي الحمدلله ع الأقل ايهنيني من حاجة واثنين
الحاج سعد: حتى قرايتك بطلتيها عشاني
فاتن: معش تحكي هك ياباتي كان نحصل نعطيك كبدي
الحاج سعد: الله ايربحك دنيا واخرة
عائشة: كيف صار نحن مش محسوبين في الفطور
فاتن تضحك: تعالي الحليب مزال ساخن
الحاج سعد: روبتي حليب؟
فاتن: اها شوي ونولع عليها المخاضة
فاطمة: صباح الخيييير
الحاج سعد: أهي جت الهرجة
فاتن: تعالن افطرن بيش تبدن في حوسة الحوش
الحاج سعد طلع يدهور في المزرعة جو سمح وشمس
وفاتن ولعت المخاضة تدير في لبن
فاطمة: عماتك معش رنن صح
عائشة: ملا فكه منهن
فاتن: عيب صبايا اكبار
فاطمة: معقولة مايبرمن علينا بكل من اول ماتوفت امي ونحن في حالة مايعلم بيها الا ربي وفاتن شايله مسؤولية اكبر من عمرها عدن شوفن البنات برا عليك عيشه عايشاتها
فاتن: سكري فمك يسمعك باتي اتحز في نفسه
فاطمة: وجعتني مافش حد يبرم علينا بنات وحدنا مع باتي
عائشة: قاعد اسماعيل ههههههه كل شوي يبرم علي فتاة المراعي
فاتن: بطلي سماطة ياعويشة
فاطمة: تخيلي كان فاتن تزوج نقعدو عرم نا وياك
فاتن: قاعدة علي قلوبكن ماتخافنش
فهد: يراجل اللي صار معاي امس اقسم بالله تقول حلم
أنور: ازززف شوقتني نمشي نشوفها
فهد: عيب عليك انا نحكيلك في الموضوع لأني منصدم ومستغرب
أنور: وانا ماقلت شي لقاني نبي نمشي نشوف الحاج
فهد: اها الحاج صار
أنور: والله كيف مانحكيلك شوقتني نتعرف عليه ونشوف المزرعة
فهد: حتى نا ماشفتها كويس ظلام ومطر وجيتهم حايسين مساكين
انور: الغريب في الموضوع كيف بنات برواحهن معا باتهن
فهد: الله أعلم بظروفهم عااد
أنور: عندي لك راي ، مش عندك فضول تمشي تشوف المزرعة في النهار
فهد: عندنا قصدك ????
أنور يضحك: ايوه ، والشايب مش قالك تعال خوذ لبن
فهد: صح
أنور: خلاص خلينا نمشو نديرو اللبن الطازج سبلة ونهدرزو ع الحاج فضولي بيقتلني بنعرف قصتهم
فهد: تي انت غير حكيتلك وقتلك الفضول مالا اللي صار معاي كان صار معاك راك من الفجور غادي
أنور: لقاااني فضولي ياصاحبي ف هيا توكل علي الله وخلينا نطلعو
البنات كملن حوستهن وطلعن ايلقطن في خضرة بيديرن محشي من خضرة المزرعة
والحاج سعد حط كرسي تحت الشمس وجوا فوق الريح
فاتن: الله بنة التراب ماطرة عليه
فاطمة: الله عليك بنة اتهبل
عائشة: المزارع راحة نفسيه لكن مشكلتهن في التعب والبعد
فاطمة: تحسيهن مفروض للأجازة مش سكنه
عائشة: خاصة مدرستنه بعيد انا وياك نصلو الفجر ونطلعو قبل الشحاته وبنتها
فاطمة: بس والله فيها جو الطريق الطويلة هههههه
فاتن: وانا نمشي معاكن تقول حارس شخصي
عائشة: باتي ياحنه قال ماتقعديش بروحك
فاطمة: فاتن مصدقة روحها تحساب روحها راجل جديات راكي بنت وسمحة
فاتن: باهي باهي خير خطني كذا
فهد وأنور وصلوا للمزرعة
أنور: الله ايبارك الله ايبارك
فهد: ماشاء الله والله مانحسابها هكي
البنات يضاحكن بصوت عالي
فهد بيب عشان ياخذن حذرهن
فاتن اتبحت في السيارة زييييين
فهد عيونه قلوب

رواية بنات البادية الفصل الثاني

بنات البادية
رواية ليبية حقيقية 100%
الحلقة الثانية ( 2 )
فهد وأنور وصلوا للمزرعة
أنور: الله ايبارك الله ايبارك
فهد: ماشاء الله والله مانحسابها هكي
البنات يضاحكن بصوت عالي
فهد بيب عشان ياخذن حذرهن
فاتن اتبحت في السيارة زييييين
فهد عيونه قلوب
أنور: نزل عيونك يافرخ كان ايشوفك الحاج اتبلحق في بناته يبرك عليك
فهد: يراجل مختلفه ازح شوف عيونها مانزلتهنش
أنور: رفعة الحاجب اتخوف هههههههه
فهد: نبي ننزل راجيني هنا توا نجي
أنور امسكه من يده: تي عيب يافهوود كيف صار
فهد: غير اقعد هنا بس مش امطول
فطومة وعويشة خافن ومستغربات
وفاتن قربت من البواية ومصبيا تستنى فيه ايقرب
فطومة: فاتن راجل براني منجدك تعالي هنا انكلموا بابا
فاتن: خوذي أختك وعدي
فهد: احم ، السلام عليكم
فاتن برفعة حاجب وصوت رجولي ????: أنعم
فهد: ردي السلام ولكِ ثلاثين حسنه ياراجله
فاتن: تفضل شن تبي امس ساعدناك اليوم شن عندك؟
فهد: باتك امواعدني بلبن وزبدة جاي بناخذهن منا مش منك يعني اطلقي بيني وبين باتك
فاتن: تم
فهد بصوت عالي:أوييييي
فاتن ابرمت: شن في مش قلت تبي باتي أهو ماشيه انكلم فيه
فهد: مافش معاك بصارة بكل ياحاج
فاتن رفعة صبعها وتهدد: اذا كنت تحسابنا عيلة منفتحه ونعطو وجه لكل من هب ودب تبقى غلطان ودير بالك دير بالك تعاود تجي لمزرعتنه مرة ثانية
فهد: شن تديري؟
فاتن: مانحكيش نفعل
عدت فاتن للمزرعة وراقيلها من فهد حست كأن مش تمام خاصة لما عرف ان الحاج ماعندش غير بنات والمزرعة في خلا ، حقاتها تخاف وتاخذ الحذر وقت شين وأي حد يسمع بشايب كبير معا بنات بس يطمع فيهن
فطومة: شن صار معاك كنك طولتي ماقدرتشش نقول
لبابا في حد برا حسيتك قلتيلنا عدن
فاتن: هضا نفسه الشاب اللي امس
عويشة بأستغراب: كنه شن يبي والا عجباته المزرعة
فطومة تضحك
فاتن: بطلن تفاها الراجل مش متريحتله وفوق منها جايب معاه راجل اخرى ، شن يبي فينا
فطومة: كلمي بابا
فاتن: باتي في راجل برا يبيك
الحاج سعد: زعما من جايني توا
فاتن: أعتقد نفس الشخص اللي ساعدته امس
الحاج سعد: يييييه ذكرك بالخير طلعيلي قلوني لبن وزبدة امس قتله تعال خوذ لبن وزبدة
فاتن: باتي نحن نلقوهن لرواحنا
الحاج سعد: الراجل صبا علي يابنيتي وطلب مني تريديني نقوله لأ
فاتن: حاشاك ياغالي وحاضر من عيوني توا انوتيهن لك ، غير أنت اطلعله من بدري ايراجي
فاتن جهزت اللبن والزبدة وتستنى في باتها ياخذهن
الحاج سعد: مرحب مرحب عويلتي تفضلوا كنكم في السيارة
فهد: مرحبا ياعمي كيف حالك طيب وكيف حال صحتك
الحاج سعد: الحمدلله ياوليدي
أنور: خير ياحاج نا صاحبه
فهد ماسك ضحكته من حركات أنور
الحاج سعد: ومرحبتين بيكم تفضلوا تفضلوا
فهد: بارك فيك ، الحق اللي جابني اللبن عندي أمي تحبه قلت والله انجي لعمي اللي ساعدني أمس ناخذ لبن
انور مش قادر يمسك ضحكته برم وقعد داير روحه ايتفرج ع المزرعة ومنسحن ضحك
الحاج سعد: لبن وزبدة واتيات قلت لبنيتي من الصبح تدير حسبتك
فهد: نبي نخش نتفرج ع المزرعة كان مافش مانع ياعمي
الحاج سعد: عمك سعد هي لولى وخشو تفضلو تفرجو ولقطو خضرة
أنور: اوووو كله الخضرة لنقني ماني متحشم فيها نبي نلقط خضرة محشي ياعمي سعد
فهد بصوت واطي: الله لا ايسامحك يابوبطن
الحاج سعد: تفضلوا هي
فهد: خوذلنا طريق
الحاج سعد: لا خشو العيلة لما يعرفو معاي حد معش يطلعو
الكاتبة جمان الزياني
انور: تبارك الرحمن ماشاء الله ، ربي ايباركلك فيها ياحاج والله راحة نفسيه
فهد: تسمحلنا نزردو فيها ????
الحاج سعد: بعد يقعدو معاك هلك مرحبا بيك وبيهم
أنور: اكيد ماحتى جينا شباب وحدنا
الحاج سعد يضحك: اضحك الله سنك ياوليدي
فهد: ماشاء الله مافش عمال؟
الحاج سعد: لا في ، لكن بنيتي الكبيرة مهنيتني الحق غالي عليها الزراعة واهتام بالمزارع والبهايم اكرمكم الله
أنور: الله ايبارك ربي يحفظك لهم
فهد: بس كيف ياعمي مكان حسبت خالي مافيه حد
الحاج سعد ايتمشى معا فهد وأنور وايهدزلهم علي قصة المزرعة وكيف ايجنا فب عروض في المناطق ويرفض فيهن بسبب حبه للحياة الريفية
أنور: بس تعب عليك وعلي صحتك انت توا محتاج راحة
الحاج سعد: علي كل حال انا الحق مانتعبش معا بنياتي الله ايربحهن
فهد: وهلك وين
الحاج سعد: زوجتي متوفيه ، وهلي كل واحد في حاله الحق يبرمو لكن نا مانتريح الا هنا في هالخلا
وزوجتي الله يرحمها كيف طبعي عليم الله ميتتها خلفت في ومرضت بعدها كانت سندي مش ايقولوا الراجل سند حتى الولية سند لراجل كانت تطلع بعد الفجر طول اتحمي التنور وتزرق ع لبهيمات اتحلب البقر وتروب حليبها وتديرلي هذك لخبيزة الساخنه وتطيبلي حليب وتجيني لعند مرقدي اتفطرني وتعطيني دواي وتسقدني للمزرعة
وين ما انا نمشي انريد انحش الخضرة بعد شوي نلقاها لاحقتني بالعدالة وتحطها قدامي وتقعد تخرفلي مانحس بالتعب بكل لكن ياوليدي هضا حال الدنيا الله غالب
انور وفهد تأثروا بككل والحاج سعد نزلت دمعته ومسحها
الحاج سعد: هي ماشي نجيبلك اللبن
فهد: الله يرحمها
انور: نسأل الله ان يرزقنه بولية كيفها
فهد: أنضني البنت ام عيون اسماح هذكي طالعه لأمها
انور: كان طالعه لأمها مايزفها واحد غيري
فهد: غير ريحنا ياتوماس شيلبي
أنور: بديت اتغار من توا وسع بالك يراجل غير خليها تعطيك وجه ، نشوف قريب ضرباتك امبدري
فهد ضحك: بلا حقارة وريحنا يررااا
الحاج سعد خش خذا اللبن والزبدة وعطاهن للشباب
فهد: نعطيك رقمي ياعمي سعد وسألتك بالله ماتدير برانية راني كيف اولدك وعليم الله أنك خشيت خاطري
الحاج سعد: كبر مقدارك ياوليدي خوذ نقالي واكتبلي رقمك وسجل قدامه أسمك ورن علي روحك
أنور: مافش مانع ياعمي كان خذيت رقمك حتى انا
الحاج سعد: بالجودة بيكم
فهد سجل رقمه وكتب عليه اسمه
أنور: طبعا ياعمي سعد انا انور و وجه الجرو هضا فهد
الحاج سعد يضحك عليهم: خطرتو علي رفقتنا زمان
فهد يضحك: ربي يحفظك ياغالي سجلت ارقامنا في نقالك وتوا اسمحلنا نتوكلوا علي الله ورانا طريق طويلة
طلعوا فهد وأنور وطول الطريق يحكو ع الحاج سعد وع الزرعة وعلي حياتهم اللي اعتبروها غريبة شوي لكن مريحة
الحاج سعد: أنعم كتبلي رقمه وقالي في اي وقت تبي حاجة رن علي
فاتن متعقدة: ان شاء الله مانستحقوله
الحاج سعد: ايش قلتي ياباتي
فاتن: قتلك باهي بارك الله فيه
فطومة: شوفي وجه فاتن راقيلها بكل
عويشة: اختك حاله نفسيه تبي روحها راجل بالغصب الأنوثه تبكي ف زاوية
فطومة: يانعلي نا تقبيعة السراويل شور ايش بس
عويشة: تقهر بصراحة سمحة ومخربة علي روحها بشخصيتها
فاتن: قارنات روسكن معناتها تقرمن في
فطومة تضحك: لا ماقلنا شي
فاتن: أها صدقتك
في الليل مولعين كانون وكلهم ملتمين عليه الحاج سعد كان ع الكانون وطلع
خش للحوش حط يدة علي قلبه وتعب عليهن فجأة
البنات ايتعايطن وايتباكن وفاتن اتبخ في امياه وايديها يرجفن
فاتن: باتي باتي لا ياباتي الله ايربحك ماتسيبنش ساد أمي الله ايربحك من عندنا غيرك
فطومة تندب
تلفون الحاج سعد رن
عويشة ودت علي طول: باتي باتي طاح علينا ندخيلتك تعال للزرعة ندخيلتك باتي توا ايريح منا
فهد: هي هي جاي بسرعة
فاتن تبرم وتبكي مش عارفة شن تدير سيارة مايعرفن ايسوقن والمزرعة في مكان خالي يعني ايعيطن لعند بكرا مافش حد فاطنلهن
فاتن:رني علي عمي عبدالدايم بسرعة
فطومة كل مرة ترن نين حصلت صاحب باتها
فطومة بصوت بكاء : عمي عبدالدايم تعال باتي طاح علينا الله ايربحك ياعمي بسرعه
عبدالدايم ايعيط: ماتخافنش جاي جاي توا
شوي وسمعن صوت تبييب وضي
فاتن اتلبس في باتها البرنوص وووو

رواية بنات البادية الفصل الثالث

الحلقة طويلة وتي كباية كاكاو وانسجمي ????????
فاتن:رني علي عمي عبدالدايم بسرعة
فطومة كل مرة ترن نين حصلت صاحب باتها
فطومة بصوت بكاء : عمي عبدالدايم تعال باتي طاح علينا الله ايربحك ياعمي بسرعه
عبدالدايم ايعيط: ماتخافنش جاي جاي توا
شوي وسمعن صوت تبييب وضي
فاتن اتلبس في باتها البرنوص
فهد ايعيط: نقدر نخش ياهوووه ياهوووه نقدر انخش انشيل الحاج
فاتن تبكي: تعال ساعدني ماقدرتش نشيله بروحي
فهد مستغرب ضعف فاتن لأنها تبان قوية بككل ومش بالساهل تزعزع
فهد شال الحاج سعد حطه في السيارة وركبن معاه البنات الثلاثة من لاورا
فهد: عليكن أمان الله وحدة منكن تركب من قدام
فاتن: بارك الله فيك متريحين غير أجري بس لو سمحت باتي ايريح منا ماعندنا حد غيره في هالدنيا
فهد: استهدن بالله وأدعنله اكيد ضربة برد شفت كانون في الحوش بالك اختنق عادي ديما اتسير
فاتن: يارب يارب يارب كل شي الا باتي خوذ رزقنا وكل شي في حياتنا لكن باتي لا ياربي باتي لا
فطومة وعويشة ايتباكن بصوت عالي
فهد يجري بسرعة فائقه بيوصل في المستشفى مزرعتهن بعيد عن المناطق
فهد وصل للمستشفى ونادى ع الإسعاف وصلوا بالباريله وحطو الحاج سعد وخشو بيه
البنات لابسات محارم علي لبس الحوش ومش فاطنات لرواحهن وفهد راقيله بكل ويبرم خاصة المرافقين برا والممرضين لعيون عليهن
فهد: خوذي خواتك وخشي للغرفة هذي استأذنت من الموظف
فاتن; كيف انخشو ونسيبو باتي بروحه طبيعي أنت؟
فهد: مش وقت تسكير راس ليل ولعيون كلهن عليكن ماتجيش حتى في حقي واضح أنكن معاي يعني شوري
فطومة: فاتن هيا انخشو جوا
عويشة: بابا شن صار معاه عدي اسأل شن تراجي
طلع الممرض وقاللهم ان الحاج سعد ناض واستفرغ صارله اختناق من الكانون لولا ستر الله كان تعرض لجلطة
فاتن اسجدت سجدة شكر بعفوية
وفطومة وعويشة اضبطن بعضهن وايتباكن وفرحانات في نفس الوقت
فعد: باهي الحمدلله علي سلامته
ابناس اللي مصابي في الممر كلهم ايبحتو فيهم زين وفيه اللي جاهم وحمدلهم علي سلامة الحاج سعد
فاتن: نبي نخش نشوفه ضروري بيش نطمن
الدكتور: في العناية ممنوع الدخول استني لين يطلع للقسم وتقدري تخشي تشوفيه وتطمني عليه
فهد: تمام بارك الله فيك دكتور
الدكتور عدا
فاتن: شنو تمام نبي نشوف باتي انا مانقدرش انراجي عند يطلع للقسم نبي نشوفه ضروري مانقدرش مانقدرش نتحمل ضروري نطمن
فهد: غير وسعيلي بالك بس راهو وترتيني معاك بعنادك
فطومة: فاتن خلاص وسعي بالك
فهد: خلاص يافاتن نعرف ناس هنا توا نديرلك راي تخشي تشوفيه
فاتن: تمام نستنى فيك هي
فهد راقيله من تصرفات فاتن
فطومة: خلاص هي نخشو للغرفة لعند ايجي فهد
فهد طلع بيكلم الناس اللي يعرفهم عشان البنات ايشوفن باتهن
فاتن: ماشاء الله حلك حفظتي الأسم
فطومة: ماهو باتي قالها قدامنا قبل مرضته بشوي وقال ان سجل رقمه
عويشة: بنات والله مش وقت كلامكن خلنا نطمنو في بابا بعدها تناقشن وتعاركن وديرن اللي تبنا
فاتن اتخشش في شعرها من الوشاح
فهد دق ع الباب
فاتن حلت بسرعه: هااا شن صار معاك
فهد: تمام تعالن معاي
فطومة فرحت: حتى نحن نقدروا انخشو؟
فهد ضحك: اها هيا كلكن تقدرن تخشن تشوفن عمي سعد
عويشة فرحانه بكل وطلعت ورا فهد
خطمن مجموعة بنات قعدن ايتهزن علي مناظرهن
فاتن ماسكه روحها وتمشي والبنات قعدن ايديرن في طروح وحركات قدام فهد ويعزقن في كلام
فهد رقاله لكن حس ان مايقدرش يدخل
فطومة وعويشة وجعهن اتهزيهن علي منظرهن
وحدة منهن: هههههه شوفي الزغد من فوق لعند لوطه
فاتن: لاااااااااا معش نقدر نتحمل وزقبت ع البنت ريشتها
فهد يضحك وايكر في فاتن
البنت: ريحتكن زبل يامحشنات
فاتن: اطلقني عنشكلك وربي نربيها الليله هذي
فطومة وعويشة تباعدن عارفات اختهن اتحمل اتحمل وكان انفجرت معش يقدر حد يمسكها
فاتن: ع الأقل متربيات مش كيفكن مطلوقات طولكن طول شعركن
البنت: عدي يامحشنه تفو
فاتن مسكتها من شعرها وايخش الأمن
فطومة: فاتن حرام عليك بنشوفو بابا
فاتن: تقعد عار عليا كان خليتها تحكي علينا هك وسكتلها ومتأكدة باتي تعجبه مني لأن عارفني ماندافع علي روحي الا ع الحق
فهد يضحك ومش قادر يمسك روحه البنت منظرها تقول دجاجه امريشه
وفاتن ماشية بكل ثقه والأمن ايعارك
فاتن: أسكت بس أنت رد بالك ترفع صوتك علي من انت نين ترفع صوتك مش داير روحك شرطي خلاص خليها بيني وبين القانون
فهد ساكت
الشرطي برم وجه وقعد ايبحت في فاتن زييين
البنت: خزي جلاطه
الشرطي هزبها ???????????????? : اسكتي ولا حرف
وصلوا للمكتب وفطومة وعويشة خايفات وايتراجفن عكس فاتن امصبيه بكل ثقه وتحكي واتدافع عن نفسها
رجل الأمن حذرهن وقاللهن مرة ثانية تمنعن من الدخول للمستشفى
فهد: خلاص استهدي بالله مشكلة وانحلت وانا ماحبيتش ندخل خفتك اتهدي علي
فاتن بنظرة جنوبية: خير ماعملت
فطومة: خلاص يافاتن هيا نشوفو باتي ماصدقناه قعد اكويس فكينا من المشاكل
فاتن: تم هي
فهد وراهن ويسمع في كلامهن وساكت
الحاج سعد: لا تخافن لا تخافن وحياة بيكن اكويس راني هاه شوفن انتحرك وصحتي اتقوليش
فاتن تبكي بشهقه: رعشتني عليك ياغالي نحساب روحي نخسرك بعدك ماننفعو بككل نحن الله لا ايغيبك علينا ياسندنا
فطومة: باتي الحمدلله علي سلامتك ياحبيبي بعيد السو عليك
عويشة حاضنه باتها وتبكي بدون صوت
الحاج سعد: لا اتخافن قاعد معاكن نا ومانتريح نين نفرح بيكن
والكلمة هذي بذات طنت في وذن فهد
الحاج سعد: قالوا انت اللي سعفتني ياوليدي بارك الله فيك جعلها الله في ميزان حسناتك
فهد: معقولة ياباتي والله كيف اولدك انا في أي وقت رن علي وبعيد السو عليك وان شاء الله هضا حد السو ياحويج
فاتن ساكته وتمسح في دموعها
فهد: لكن ياعمي كان تبي الحق مفروض تقرب من المنطقة قعدتك في المزرعة بروحك في الخلا ح اتعبك واتعب واشونك انت توا محتاج رعاية ومراجعات بعد كل فترة
فاتن: الموضوع هضا خليه بيني وبينا توا نحكو فيه برواحنا
الحاج سعد: صدقت ياوليدي لكن انا المزرعة فيها ذكرياتي وراحتي مانقدرش نقعد بلاها
فهد: كل فترة ناخذك تدهور فيها وتطمن عليها ياعمي
فطومة: تبينا نسكنو بالإيجار يعني
فاتن فنصت فيها
فهد: م اتفكرش لا في ايجار لا شي ياعمي عندنا شقق نعطيك شقة مؤقته نين اتنظم امورك
فاتن: من قالك مستحقيلك نحن ، مش شورك موضوع هضا أطلع منا
الحاج سعد: عيب يابنيه الراجل ايقدم في مساعدة وبارك الله فيه
فاتن: تمام بارك الله فيك ، نقدرو اندبرو ارواحنا نحن روح وتريح وسامحنا ع التعب
فهد: انا قاعد مع عمي سعد مش امعاك
فطومة: فاتن كنك خلينا نطمنو علي بابا بس
الكاتبة جمان الزياني
الحاج سعد قعد يوم كامل في المستشفي وجا صاحبه عبدالدايم طلق فهد وشكره علي اهتمامه بالحاج سعد
روحو للمزرعة وعبد الدايم ايعارك في الحاج سعد علي قعدته في المزرعة وقاله ان ضروري اتقرب ع الأقل اتحصل مواصلات
الحاج سعد: انت اللي تحكي هك ياعبدالدايم وانت عارف قصتي كلها
عبدالدايم: لأني عارفك كويس هضا ليش نصحتك انت راك خوي مش صاحبي يا أسعيد نبيلك الحاجة السمحة أنت وبنياتك
يوم كامل والحاج سعد ايفكر في كلام فهد وعبدالدايم
فطومة وعويشة يبنها السكنه في المدينة
لكن فاتن رافضه رفض تام متعلقه باالمزرعة واتحب الزراعة والحيوانات
فطومة: فاتن مستحيل اتقدم
عويشة: قصدي عادي كل حد عنده شي ايحبه في الدنيا وهي اتحب الريف والزرع والأجواء هذين
فطومة: عويشة نحن عند امتى هك مطموسين عدي أطلعي شوفي الناس تقدمت تي نحن كل سنة نمشو للمدرسة ننصدمو بأشكال البنات ولبسهن وكل مرة نسمعو مسطلحات جديدة ونحن مزلنا لاورا لعند امتى ونحن هك من حقنا نتعلمو ونسكنو قريب من المحلات سألتك بالله انتِ كارهتها إن نسكنو في شارع مليان ناس وحركة سيارات وجيران ومعارف
عويشة: مش كارهتها أكيد بس نحن وين مايتريح بابا انتريحو معاه
فطومة: اول شي اصلا علي مصلحة باتي بعيد السو تخيلي يمرض علينا ومافش تغطية نقولوا يامن
نحن معندنش في الدنيا سند غيره ضروري انحافظو عليه
عويشة: ان شاء الله ايوافق يارب
فاتن تبرم ع البقر والسعي اتعلف فيهن وتحلب وعالقه المخاضه تمخض في لبن ومنسجمه
الحاج سعد: تخطري عليا بأمك الله يرحمها غالي عليها اتحوس ماتقعمز بكل ديما تبرم
فاتن: هههههه أهو عد طالعه لأمي الله يرحمها
الحاج سعد: أمك أنسانه عظيمة ان شاء الله تطلعيلها في كل حاجة
فاتن: باهي أنت توا صحتك تمام؟
الحاج سعد فهم انها تغير في الموضوع ماتبيش يزعل خايفه عليه
فاتن: نمشي انلقط خضرة ابراك جا خاطري فيه
طلعت فاتن تدهور في المزرعة واتفكر في مرضة باتها ومدرسة خواتها وشايله هم كبيييير
بينما فهد قاعد ايخطط لشي أكبر وقرر أن ايتقدم لخطبة فاتن لأنها عجباته
ام فهد حنان: طيب فينا اللي حصلت وحدة عجباتك نحن قريب انفصلوها لك تفصيل
فهد: هي شخصيتها غريبة نوعا ما ، لكن عجبتني
حنان: مش متكلم معاها من قبل يعني
فهد: ههههههه لالا
حنان: وعليش تضحك الستر ياربي
فهد: مش متاعت كلام هذي ديكا قارنة الحواجب ومش عاجبها شي في الدنيا غير باتها
حنان: وايش اتريد فيها محاشن قالبه وجها اتنكد عليك عيشتك
فهد: ماهو هذي اللي عجبتني فيها ي أمي نوعية البنت هذي نادرة ومعش في منها
حنان: والله نا قايلتها لك سوا انت سوا خوتك انتو حطو ديكم ع الوليه ونا نمشي نخطب
فهد: عارفك ماتقصري ياغاليه علياا
أنور: يراجل ماتستعجلش البنت أول امس غير عرفتها قصدي الدرايق ايخوفن راه مايغركش شخصيتها وقوتها مرات من ابسط حاجة تبكي
فهد: تي والله حتى الليل معد رقدته وانا انفكر فيها خشت خاطري وشهادة في ديني انها هي البنت اللي ميت عليها واندور فيها من زمان عارف روحي تسرعت لكن لقاني ياصاحبي مانبي نخسرها خايفها اتريح من يدي البنت كانهي في المدينة راهي لها زماو بعيالها لكن قعدتها في الخلا مش مخليه حد ايشوفها شخصيتها تاخذ العقل
أنور: هو الحق خذت عقلي حتى انا
فهد ضربة: بدينا عااااد هنيني الله يرحم والديك لي زمان مفضيلك الطريق
فاتن دارت كانون حطت عليه طنجرة لبراك وقعدت اتخرف مع باتها وخياتها لين رن تلفون الحاج سعد
الحاج سعد: الووووو من معاي
فطومة وعويشة يضاحكن
فاتن فنصت فيهن
فهد: انا فهد ياعمي سعد
الحاج سعد: مرحبا اوليدي ايش حالك وحال ةشناتك كلهن
فهد: طيبين والله الحمدلله انت طمني عليك كيف الصحة ان شاء الله كويسة
الحاح سعد: لاااا الحمدلله في نعمة من الله
فهد: قلت نطمن عليك ، حاجة بسيطة هي غير معش اتقرب من الكانون
الحاج سعد: والله الكانون توا غير طفيناه كنا دايرين عليه طنجرة براك
فهد: اوووووه ابراك ع الكانون فيها حق ياعمي سعد مفرةض كلمتني
الحاج سعد: تفضل والله مايغلا عليك نديرولك اللي تبيه
فهد: بارك فيك ياحاج ، الحق انا بنقولك بكرا كان فاضي جاي انا وهلي انسلموا عليه ونحمدولك علي سلامتك ، وايتعرفو عليكم
الحاج سعد: ومرحبا ياباتي تفضلوا الحوش حوشكم في اي وقت
فهد: الله ايسلمك وايطول في عمرك خلاص بكرا العصر بإذن الله انطبو عليكم منها دهويرة في المزرعة امي حكيتلها عليكم وقالت نبي نتعرف
الحاج سعد: مرحبتين وعشر مراحب
فهد: بارك الله فيك ياحويج وان شاء الله نتلاقو ع الخير
ثاني يوم فهد طلب من أمه انها ماتحكي شي قدام البنت وتخليها علي اساس زيارة تعرف ودهورة في مزرعة
فهد وانور وأمه توكلوا علي الله وطبعاً الموضوع مافش حد يعرفه غير فهد وانور وأم فهد
فاتن والبنات بخرن الحوش وكنسن قدام المزرعة وفاتمن مش مطمنه لحركات فهد وطروحه زارقه عليه غير باتها مريض ماتبيش اتعكرله جوا
بعد اشوي خش فهد للمزرعة وطلع الحاج سعد استقبلهم ورحب بيهم
فاتن: اهلا اهلا انستي
وسلمن علي حنان وخشت جوا

رواية بنات البادية الفصل الرابع

فهد وانور خشو للمربوعة اللي برا وقعدو ايهدرزو وضحكهم واصل لعند جوا والحاج سعد مش امقصر يحكيلهم علي ايام زمان ويذكر في ايام الشباب والطيش وانور وفهد ميتين ضحك ع المواقف
حنان: اوليدي سهفني علي جوكم وماشاء الله الحق عليك جو ايهبل
فاتن: شوي اخرى وتوا نفرجك ع المزرعة كلها
حنان: ربي يحفظكن ويرحم مينتكن ان شاء الله فهد حكالي عليكم ربي ايصبركم
فطومة: كم عندك بنت ياعمتي
حنان: عندي ثلاث بنات متزوجات
وعندي 6 عويل متزوجين كلهم الا فهودي مصماص الكرشة هههههههه
عويسة: ربي يحفظك لهم ان شاء الله
فطومة: ماشاء الله
فاتن ساكته ولا حرف
حنان عجبتها فاتن ك شكل جميلة بكل
أنور ايبز في أباري لفهد يبيه يحكي مداما الحاج جوا سمح ويضحك
فهد فهم عليه وفتح الموضوع مع الحاج سعد
شوي وسمعو صوت عياط طلعو يجارو
حنان: نعلي عليك فجعة
فاتن ماسكه ضحكتها
فهد يجري لامه كنك يام شن في شن صارلك
فطومة منفجعه حتى هي وأنور هايم فيها ????
حنان: عقرب ياباتي عقرب قبل لدغتني
فاتن: ماتخافي ي عمتي اهو قتلتها لك وسحنتها سحن
فهد: ????????????
الحاج سعد: تاخذ سوك الفجعة هذين المزارع لفاعي وعقارب ماغايبه علينا ولا دبيبة
حنان: لفاعي؟ لااااا نقنا انروحو هههههههه
فهد: هي شوي تبي عمي سعد في موضوع
أنور لفطومة: تعوقتي؟
فطومة بإستغراب: لاه
أنور: بعيد السو عليكم
فهد كر أنور فهم عليه أن طاح في فطومة البنت صغيرة ماعنده مايطرز بيها
فهد: تي هيا يراجل نحكو موضوعنا الجماعة ايراجو فينا
أنور: أي جماعة خلينا شوي
فهد احم أحم: تعال بس
الحاج سعد: الدبيب مابا ايخطانا بخينا وحرقنا اقمم مزال يطلع
فهد: الخوف علي بناتك بس ياحاج خاصة ديما ايحشن في الزرع ويسقن
الحاج سعد: الحافظ الله ياوليدي الله عالب
فهد: المهم الحق ياعمي سعد انا جايك في موضوع وعشمي فيك ماتردني خايب
الحاج سعد: والله ماترد خايب وطلبك اعتبرة تم
أنور: ثلبك هدر وين تكدر
فهد: الحق أنا ايشرفني وايعلي من قدري انك تكون نسيبي ونطلب يد بنتك علي سنة الله ورسولة
الحاج سعد: والله كان علي نا نقولك اقرا فاتحتها توا وخوذها بدبشها لأنك شاب كويس وخلوق وطيب لكن خليني نسأل هل الحوش وساع نعطيك الرد
فهد: ماتنسش ياعمي سعد انا ولد فلان الفلاني وأسأل علينا وعلي باتي وخوتي وانا تحت امرك في اي شي من أ لل ي لي زمان اندور في راجل اكويس اناسبه انا الحق ماندور في البنت واجد اندور في الراجل اللي اناسبه وانت هو الراجل اللي لي زمان اندور عليه
أنور: هبك هبك
الحاج سعد: بارك الله فيك ياوليدي وبإذن الله انرد عليك الرد اللي ايسر قلبك وخاطرك
أنور: ان شاء الله ربي ايتمم علي خير وألف مبروك مقدما
فهد قاهرة أنور وفتريشة ????????‍♀️
فهد: وتوا أسمحلي كلمولي أمي نتوكلوا علي الله بدري
روحو فهد وأنور ومعاهم ام فهد
أنور: تي انقلب شيخ ياخالتي اولدك هضا ماتعرفيه بكل انريد اناسبك ما اناسبك وانت راجل ما راجل
وهو كذاب ميت في البنت الا باتها ماامدورة بكل
حنان: هههههههههههههه العقبه عندك يالهبل
فهد: تي كشف بيا يا أمي معقولة ايقول للراجل ثلبك هدر وين تكدر وايقول مبارك ان شاء الله ربي ايتمم علي خير والراجل مزال حتى م حكا للبنت
حنان: أنور جاية الدور ههههههههه افضحه حتى انت
فهد: تي وربي انوريك عليها يابورفيق
الحاج سعد: كلميلي فاتن وأطلعن نبيها بروحها
فطومة وعويشة معش فهمن باتهن كنا وعليش يبي فاتن بروحها
فاتن: نعم ياباتي كلمتني ان شاء الله خير؟
الحاج سعد: الحق يابنيتي انا خلاص حاس روحي مريض ومعش ننفع وحالغايتي نبي نطمن عليك انتي وخياتك
فاتن: ماتحكيش هك ياغالي بعيد السو عليك ان شاء الله بعد عمر طويل
الحاج سعد: والله يابنيتي هذا الواقع وهضا حال الدنيا وعليم الله يابنيتي في واحد تقدملك ولقاني من وسط خاطري موافق عليه كان يهديك الله واتبعيني ماتندمي بكل الراجل كويس ونا نعرف الراجل من كلمته وتصبايته
فاتن ساكته وتسمع
الحاج سعد: هضا اول راجل ايتقدملك ونا خاطري انك توافقي عليه من وسط خاطري يابنيتي
فاتن ولأول مرة تضعف وتنزل دمعتها
وقالتله:

رواية بنات البادية الفصل الخامس

بنات البادية
رواية ليبية حقيقية 100%
الحلقة الخامسة ( 5 )
الحاج سعد: والله يابنيتي هذا الواقع وهضا حال الدنيا وعليم الله يابنيتي في واحد تقدملك ولقاني من وسط خاطري موافق عليه كان يهديك الله واتبعيني ماتندمي بكل الراجل كويس ونا نعرف الراجل من كلمته وتصبايته
فاتن ساكته وتسمع
الحاج سعد: هضا اول راجل ايتقدملك ونا خاطري انك توافقي عليه من وسط خاطري يابنيتي
فاتن ولأول مرة تضعف وتنزل دمعتها
قالتله: طالما انت موافق وخش خاطرك حتى انا موافقه ياغالي وربي ايقدم اللي فيه الخير
الحاج سعد: وبإذن الله م تندمي بكل عارفة باتك وراياته والشاب هضا ريت فيه الراحه والهناء لك
فاتن: انا اللي خلاني انوافق كلامك عليه ، انت عارفني الموضوع هضا امسكرته من زمان
الخاج سعد: توكلي علي الله يابنيتي فيش اتراجي العمر يجري وانتِ سادك ظلم قرايتك ماكملتيها وقاعدة اتعاني فينا هنا من لفجور تنوضي اتحلبي وتعلفي في السعي سادك خلاص اشقي بروحك وكوني مستقبل مع زوج كويس وديري صغار
فاتن: مش هاينه علي انسيبك ياباتي
الحاج سعد: غير انتريح عليك ساع نقربو من المنطقة نا وخياتك والمزرعة نقعد نبرم عليها كل فترة والعمال مايقصروش
فاتن: يعني خلاص ذكرياتي كلهن انتهن هنا
الحاج سعد: المزرعة لك وفي أي وقت تقدري اتخشي وتدهوري فيها لكن يابنيتي خلاص جا وقت اتشوفي لروحك وتشقي بعمرك انا كانت انتريح عليك انتِ خلاص نطمن
فاتن: ان شاء الله خير ياغالي وربي ايطولي في عمرك
الحاج سعد: انا يومين هك وانرد ع الراجل نقوله تفضلوا في اي وقت
فاتن منحرجة: تمام ، نمشي انديرلكم عشاء
الحاج سعد: خاطري في امقطع عليه حليب
فاتن: من العين هذ قبل العين هذ
فطومة: سألتك بالله شن يبي فيك وكنك متوترة ومتشتته
عويشة: فاتن هيااا بلا سماطه كنك احكي
فطومة: خليها قاعدة تعجن عقبال ماتعجن عربها في بعضهم
عويشة: عليك فال خزيي
فاتن: فهد جا طلبني من باتي
فطومة: شنوووووو تدوي جديات
عويشة: بلا كذب ????
فطومة: قصدك الشخصية اللي تقتل هضك طلبك من باتي جديات
فاتن: وكني ياحنه انا شن ناقصني
عويشة: لا م ناقصك شي غير شخصيتك تقول راجل
فاتن: كلبه انتِ وياها توا تشوفن معش امكمله الكلام
فطومة: والله اتكملي نبصرو معاك ، ايصحله وحدة في جمالك وعقلك ورزانتك
فاتن: خلاص باتي قالي عجباته تربيتي لكن وقال ايشرفني اني انتقدم لبنتك واناسبك وباتي عاجبه ونصحني اني نوافق عليه وقالي عندة نظرة للراجل وحسيته راجل امصوقر وايخاف الله
عويشة: بس أمه تحسيها تشخلع زعمت كبدي لما شافت العقرب تقول شايفه هامه اتنطر
فطومة: ها شن تبيها اتديرلك ولية جايتك من مدينة وعرب متطورة مسكينه طلعت من هنا زرقلها العقرب
عويشة: منظرها لما عيطت ????????????????????
فطومة: ههههههههه فهد جا يجري مسكين كنك يا امي كنك يا امي وهي تقوله خلاص انروحو ????
عويشة: لا وانتِ الصادقة باتي جا يبي ايكحلها عماها قاللها ماغايبه علينا ولا دبيبة مرة لفعة مرة عقرب
فاتن: هههههههههههههه حتى نا ضحكتني هذي
فطومة: وحي حي ع الراجل اللي معا فهد قالت صاحبه عليك الطرف
عويشة: شفته قالك كلمه لكن ماسمعتهش شن قالك
فطومة: قالي انتِ كويسة؟ فجعني سؤاله قتله كويسة ياريتني قتله كويسة يانور عيوني
فاتن: بطلي يابنت
عويشة: بس غريبة موافقتك عليه يافاتن
فطومة: أكيد في سبب مش غابية فيها
فاتن: مش هك لكن خلاص لعند امتى ونحن مطموسين هنا مانعرفو حد ولا حد يعرفنا ضروري انشدد عزمي وناخذ خطوة لقدام باتي مريض وقعدتنا هنا في الخلا وحدنا مايسيرش منها
فطومة: والله كنا نحكو فيها انا وعويشة قلتلها ضروري انقدمو والله حتى في المدرسة قعدنا ننحرجو مناظرنا بككل قدام البنات
عويشة: خلاص معش تذكريني مسمياتني بنت المزارع
فاتن: وكنهن المزارع صقع عليهن غير ايطولنهن
الكاتبة جمان الزياني
أنور: فرحي بعدك طول انا ، البنت عجبتني بكل عليك انوثه وهدوء وجمال خشت خاطري الفرخة
فهد: يرا غير ايسير مني انا قبل البنت امعصية الله يستر
أنور: سبحان الله غالي عليك لمعصية اللي راسها امسكر عليش اتجيب في الهم لك
فهد: يرا لقنها شخصية معش نلقى كيفها
أنور: ياسي ان شاء الله توافق بيش ناخذ أختها ونقعدو عدايل
فهد: انا م تلايمت معاك هك يبال نقعدو عدايل هضا وين اسقم حالك
أنور: طحتي وأشرط سروالك
فهد: ههههههههههه حيوان مش وقت سماطتك بكل
حنان تحكي لكناينها علي فاتن وهلها: عليك عرب ماشاء الله بنيات كويسات ومتربيات لي زمان ماريت بناويت هك وقت توا ماتلقي فيت الفانص كملنها متحشمات مني
سارة: باهي شن شكلها يا اعميمه
حنان: ههههههه سلفتكن عاد هبي عليكن تبن تعرفن شكلها
وجدان: فضول بس ي اعميمه مش اكثر
حنان: الحق البنت جميلة جميلة بكل لعيون اوساع وسود والسالف يضرب لعند الوطا ومبسمها سمح تقول غزال
سارة ماحتى عجبها الكلام
وجدان: ماشاء الله حتى فهد يستاهل الخير
حنان: عطب معيشتي باهي اللي حصل وحدة عجباته والعيل طايح بوجه فيها مع ان لا علاقة تلفون لا سو
سارة: بس ابوادي كيف تنسجم معانا نحن كلنا بنات ابلاد ومتطورين
حنان: لقانا ابوادي ومش مفتحين كيفنا تحسيه الحوش اثاث عادي ولبنيات لبسهن عادي
وجدان: بالك مش عارفات انك جايه تخطبي
حنان: لا والله يامينتي نحن علي اساس ماشيين دهورة وفهد قال يفتح الموضوع بينا وبين باتها
سارة: باهي يبي ايدير شي رسمي الفترة هذي والا مزال
حنان: والله ماني عارفة العيب يطاير وفرحان غير ايردو الموافقة بعدها ساهل
وجدان: ربي ايقدم اللي فيه خير ان شاء الله
بعد كم يوم ….
الحاج سعد: الو السلام عليكم كيف حالك اوليدي
فهد: الحمدلله تمام ياعمي كيف حالك انت وحال صحتك
الحاج سعد: طيب الحمدلله ، كيف حال هلك كلهم
فهد: بخير كلنا الحمدلله في نعمة من ربي
الحاج سعد: وباهي ان شاء الله ديما طيبين ، انا الحق رنين عليك انريد نقولك مرحبا بيكم تفضلوا في اي وقت
فهد صبا: اه شنو بارك الله فيك ياعمي بارك الله فيك وبإذن الله بكرا جايين شوركم وراه انا واتي حوشي واموري كلهم امنظمهم انراجي في بنت الحلال بس
الحاج سعد: تفضلوا مرحبا بيكم في اي وقت
فهد: خلاص علي موعدنا ان شاء الله
فهد كلم خوته واتفقو أن بكرا يمشو للمزرعة كلهم
أنور داير زفة ???????????????? كلم اصحابهم كلهم تقول جاردين ع العرب وجايب اسلاح وتنوير وألعاب نارية
فهد: يراجل نحن ماشيين نخطبو والا ماشيين لجبها
أنور: تي حتى هي فاتحة صاحبي ورفيقي ????
فهد: ههههههه انردوها لك في الأفراح ياثلب
أنور: ياعديلي قصدك
فهد: عليك قصة يا عديلي هي
أنور: تبي الحق والله ماتوقعتها اتوافق البنت تحسها شخصيتها غريبة وراسها امسكر
فهد: تي انا حاط يدي علي قلبي ، بذات حسيتها ناقمة عليا ومش متحملة كلمة مني
أنور: وتفنص اخرى هههههههه
فهد: ماعليك توا نخليها ديما مبتسمه
أنور: اووووووه صاحبي امكبد وطايح بوجه
فهد: يرااا خطاني ساد خوتي لابسيني لبسة شينة
أنور: شن قالولك ههههههه
فهد: قالولي نبو نشوفوها اللي خلاتك تمشي واتخرف في روحك
أنور: انا لاحظت حتى في السجود رايح اتطول شكلك تدعي انها توافق مش حركات رجالة هذين
فهد اضربة علي كتفه: خطوني ازح
أنور: والله مادارت فيك شوي هالفاتن
فخد: نسمع اسمها قلبي ايدق بسرعة مش عارفة خوف والا غاوي ????
أنور: مايقعد الا خوف
عند البنات في المزرعة حايسات والحاج سعد ايكلم في اعربه
فاتن: علي كيفهن أنت كلمهن المهم مايحطن الحق عليك
الحاج سعد: لا كلمتهم كلهم سوا خواتي والا عربنا اللي غادي
فطومة: فاتن تعالي شوفي العجينة
فاتن: انكمل المثرودة وتوا نديرلك منها شوي
الخاج سعد: سلم ايديك ي بنيتي
عويشة: باهي قصدك قهوة وحلويات وعصير وشكلاطه بعدها مثرودة ولبن
فاتن: وشاهي وكعك ????
فطومة: كنك
عويشة: حسيت في حاجة ناقصة
فاتن: مافش شي ناقص ريحينا هذين عاداتنا وتقاليدنا وانا مش مستعدة انغير شي منهن
فطومة: فاتن غريبة صح ماحكيتيش معاه بكل فهد
عويشة: صح قاعدة اتوتي كأنك تعرفيه وانتِ حتى وجه مانك حافظتيه
فطومة: فاتن اتخطر علي في صبايا زمان قطوس في شكارة
فاتن: هضا كله قطوس ف شكارة ماهو حا اكثر من مرة هنا وتلاقيت معاه ونسيتي طحنة المستشفى
فطومة: يعني امركزة هبي عليك
فاتن: خطيني ترا
عويشة: تنورك واتي راه
فاتن اطلعت ترمي في خبزة المثرودة والبنات ايجهزن في التمر
أنور: تي عقب حاجة لاورا ياراجل مزال وراك موال طويل تلبيسة وفرح
فهد: عارفني غاليه علي الحاجة السمحة وبعدين انا مش داير تلبيسة بعد الفاتحة انحدد الفرح طول
أنور: زيزتك هذي غريبة في نفس الشهر تخطب وتحدد الفرح ياخوفي اتدير عيل في نفس السنه
فهد: مش كارها ????
أنور: خذت عقلك بدري يابورفيق غير تنسانا بس
فهد: ماتستغرب شي وقت توا كل شي ايسير
انور: عدي يابياع خزي
فهد: يرا البوكسات ايتكسر واحد انكسرك كنك اتخبط هك
انور: مزال جايهن تخبيط السيارات ماشيين لعند المزارع هذكين
سارة: اعميمة مش كأن فهد تسرع في الخطبة سألتوا عليها البنت وعلي هلها؟
حنان: غابية في فهد سأل عليهم وجاب اخبارهم كلها ، لا ماتسرع بالعكس ماصدقته لقا اللي تعجبه واتواليه
سارة: بس مش ح تنسجم معانا سمعت حتى انها ترعى في البقر والسعي وتحلب وتمخض
حنان: وهذي عصارة مش عيب معش في كيفها
سارة: بس كلام قديم توا يبو المتعلمه المثقفة الواعية
حنان: مرات تلقيها واعية خير من بنات المفتحات
وجدان: صح مش شرط انها تربت في بيئة الريف معناتها امسكرة ماتفهم شي مرات تجي تعلمنا كلنا ههههههه
حنان: ماتقوليش حتى هي مرات فهد
سارة: اتعلم من نحن كلنا خريجات جامعات
وجدان: هي مش بالشهادة الموضوع كله كل حد وتفكيرة وكيف ايشغل دماغه
حنان: اييييوه
سارة: باهي يعطينا فرصة انجهزو ارواحنا بس ناخذو دبش للفرح لنا ولعويلتنا
وجدان: كيف صار قصدك قريب والا شنو
حنان: علي قولة يقرا الفاتحة وايحدد الفرح
سارة: واو مش قتلك عليك سرعة غريبة
وجدان: قعد خاطري نشوفها البنت اللي خلت فهد بالحالة هذي ههههههه
حنان: فهد ديما غالية عليه الحاجة النادرة والبنت جمالها نادر حتى لبسها وكلامها وقفتها فرس علي قولة فهد ههههههه
وجدان: هالله هالله عي التشبيه انتِ غزال وهو فرس لااا ضروري نشوفها
ثاني يوم المزرعة فيها ضنا عم الحاج سعد واصحابه
والبنات ايوتن معاهن بنات عمهن ويزغرتن
فاتن خشت بكت نين وسعت خاطرها تمنت امها معاها في اللحظة هذي
فطومة وعويشة ايهدرزن وايوتن في ارباعات المثرودة
شوي وسمعو صوت تبييب وسيارات واغاني ودنيا حايسه فهد جايب معاه اقاربه كلهم واصحابه ايمتعو وايفرغو ومشيلين الدنيا
أصحاب فهد امشلشين منهم المتزوج ومنهم العازب البنات ايتباوعن من الرواشن ومتسهفات علي جوهم
أنور راكب فوق الكوفني وماسك منظومه كبيرة في يدة ومنظرة طروووح بكل
فطومة فتحت الروشن وقعدت مركزة عليه وهو فطنلها ????????????????
أنور قعد يزاين اخرى لما فطن لفطومة اتفرج عليه
والشباب بدو اينزلوا في بوكسات حلو وعصير ومكسرات
البنات متهبلات علي بوكسات فهد وع التغليف والرقي
فاتن واخذة زاوية ومنحرجة
فطومة هايمه معا انور فطن للروشن قعد يبرم شوي وايبحت في الروشن ????
عويشة: فطومة تعالي شوفي البوكسات
فطومة: هي هي جاية
انور غمزلها وعدا
فطومة ماتتتت فيه وانحرجت سكرت الروشن وخشت تجري خايفه من فاتن تفطنلها
طيبن البنات القهوة عم فاتن الكبير هو اللي ايخش ياخذ في اصفر المد وايكلم في الجامعة ايشيلو
ماشاء الله عليك مطايبة عرب متحظرة وكويسة اسلوبهم في النقاش سمح كأنهم يعرفو بعضهم من زمان وفي منهم وحدين عارفين بعضهم
وأصحاب فهد عرفو أسم فاتن وسكنوله عليه وهو غمتله بكل من البداية يبي الشيخ ايوشوش الأسم وشوشة لأن كان اصحابه عرفوه معش ح اينادوله الا ب فاتن والا راجل فاتن ????????????????????
أنور بصوت عالي: الفاتنه أخذت عقلي
الجماعة: وووووه
انور: الفاتن فتنت قلبي
الجماعة: حي حي ????????????????????
ارباعات المثرودة جاهزات وماشاء الله علي مثرودة ولبن فاتن معروفات
خشن البنات جوا وبدو ياخذو في لرباعات
بعد شوي البنات يسمعن في كشك صوته عالي بكل عدن يجارن للرواشن

رواية بنات البادية الفصل السادس

بنات البادية
رواية ليبية حقيقية 100%
الحلقة السادسة ( 6 )
ارباعات المثرودة جاهزات وماشاء الله علي مثرودة ولبن فاتن معروفات
خشن البنات جوا وبدو ياخذو في لرباعات
بعد شوي البنات يسمعن في كشك صوته عالي بكل عدن يجارن للرواشن
أصحاب فهد دايرين صابيه وايكشكو والشياب كلهم اطلعو قعدو ايتفرجو عليهم ويضاحكو علي جوهم
ديما اجواء الشباب ايفوزن وصحبة الشباب في الغالب مش كيف صحبة البنات
عويشة: يانعلي شوفن اللي يرقص طيح اسعدة هههههههه
فطومة: الله عليك جو سهفوني زعما مايبوش حجالة
فاتن تضحك عليهن وعاجبها الجو
الشباب زايطين ضحك وكشك وشتاوة في جرتها شتاوة
فاتن: هي ياعيت حنه صبن المواعين دايرات طابور نبدو نغسلو بيش نقعدو متريحين
فطومة: باتي قالك فضي البوكسات راه يبو ياخذوهن معاهم مأجرينهن أجار
عويشة: الحق عليك جيب جابه وكل حاجة راقية ومن أحسن مايكون خبر عمري ماشفته
فاتن: تمام توا انفضيهن توا خلنا نغسلو وانلمو الحوسه بيش نقعمزو ونخرفو براحتنا
فطومة: بس بشرط اتديري قهوةوتحطيلنا من حلويات فهد
فاتن: ههههههه حاضر من عيوني غير ابدن هي
فطومة وعويشة ومعاهن بنات العيلة كل وحدة خذت مكان وبدت اتنفض وتكنس وتغسل
فاتن تغسل في لمواعين وتفكر حاسه روحها كأنها تحلم معقولة تنقرا فاتحتها في يوم وليله
وزعما فهد كويس صاح والا يظاهر ان كويس والخير كله لقدام
قاطعتها فطومة: فاتن انردهن في بكواتهن الفناجين
فاتن: اها مسحي وردي بيش ماتقعد في حوسة كرعينا طاحن اليوم من الفجر مصبيين
فهد : يرا بطل سماطة اززف
أنور: شن تراجو ياشباب وين الزيت المحروق
فهد: سألتك بالله لا يراجل نبي انسلم ع الوليه بس بعدها توا تزيطو فيا غادي
حسام: خلاص خليه ايحدد الفرح معا نسيبا كله الطريحة جايته جايته ايطير ينزل غاسلينا بالزيت والتورته
أنور: مانكش داير خير حتى انت يافهد تحمل مايجيك
فهد: خلاص أعفوني توا بس خلوني نعرف نحكي معا نسيبي ونحدد فرحي
أنور: العقبالي
فهد: ان شاء الله ياسي غير خطاني توا
الكاتبة جمان الزياني
فطومة كل شوي تفتح الروشن وتشوف ل أنور
أنور شخصيته جذابه طول وعضلات وضحكته سمحة
عويشة: كأني عرفت قصة سكنانك ع الروشن ????
فطومة: شخصيته اتهبل صح
عويشة: لكن شكله مغرور وشايف روحه
فطومة: بالعكس متواضع بكل
عويشة: وكيف عرفتيها
فطومة: حسيت بس بلا قصقصه
عويشة: تخيلي ايجي يخطبك هههههههههه
فطومة: حلم هضا
عويشة; كنك غير تسلمي سماحة وعلم وادب
فطومة: نجكلي عواشتي السمحة
فاتن: شن صار معاكن كملتن؟
فطومة: اها وحطيت لبنات عمي من كل حاجة قلتلهن اتكسدن عليهن بعدين
فاتن: باهي بارك الله فيهن ، حتى انا خلاص هانت مزال عندي لرباعات لكبار بس وانكمل حوستي الحمدلله
فطومة: هضا كله مغير فاتحه كان فرح شن نديرو
فاتن: من هنا لعند الفرح ساهل
عند الرجالة فهد وخوته يحكو للحاج سعد ع الفرح والحاج سعد فرحان بنسبتهم عرب كويسة وطيبين وكلامهم كله بما يرضي الله
صالح خو فهد الكبير: نحن نبو نتريحو عليه ونبوه ايخطا لدوري عقاب الليل ايدير عويلة ويلتهى فيهم
أنور: صالح خوك حي عليك بدا ايكب في اشوالتك ياكلا نتريحو عليه
حسام: تي دفوه علي جنب هضا شكله بيسبب خراب بيوت
فهد: يرااا غير خلوه امصدق روحه سخنته انا امبدري قبل مانطلع قتله انت في مكان باتي وانت شيخ قبيلتنه
أنور: ونا نقول الدخان قريب يطلع من ذانه
فهد: ههههههه يرا نوعيته بز اباري واطلقه
صالح: كله من العريس حوشه واتي بمجاميعه واسياقه هدية من أصحابه
أنور كان يشرب في شاهي شرق
فهد ميت بالضحك لأن عارف صالح دايرها بالعاني
أنور ايكح : بشويش شنو قال خوك لسياق شور من؟
حسام: لحظة ندير غسيل ذان ونجيك تقريبا قال لسياق فزعة من أصحابه
الحاج سعد: الله ايبارك خير الصحبه ، الصحبه الصالحة العقبه عند العزابي منهم
صالح: اييييوه يعني نحددو السنة الجاية
الحاج سعد فهم عليه: وخلاص سنة كاملة ناخذو فيها علي بعضنا
فهد: تي أي سنة ياصالح
صالح يضحك هو والشياب ????????????????????????
صالح: مغير بالعاني فيك يالهبل
الحاج سعد: انتو فصلو ونحن نلبسو
صالح: نتوكلوا علي الله نحددو بعد شهر كان ايناسبك ياعمي
الحاج سعد: علي بركة الله
الجماعة كلهم ايباركو وايهدرزو
فطومة: صوت الرجالة عالي ان شاء الله خير
عويشة: أها كانوا امهمدين بعدها مرة وحدة الصوت علااا
فاتن: اكيد يبو يطلعو معناتها
صالح هيا ياجماعة ورانا طريق طويلة
اطلعوا الرجالة روحو وركبو في السيارات واصحاب فهد مادارو شوي تمتيع وتفريغ وأغاني
حتى جماعة الحاج سعد اللي هضا بارك وروح لحوشه
فاتن اتطيب في قهوة خش عليها باتهاا
الحاج سعد: مبارك ان شاء الله
فاتن بإحراج: الله ايبارك فيك ياغالي
الحاج سعد: خلاص كملي تطييبة القهوة وتعالي في الدار جوا نريدك
فاتن: حاضر
فطومة: زعما كنا باتي شن يبي فيك
فاتن: اكيد يبي ينصحني ويحكيلي ع العرب
عويشة: قعدتي مخطوبة ياعوينك ☹️
فاتن: عليش ياعوينك ريتي هالحاجة الكبيرة
فطومة: في وحدة تاخذ واحد زي فهد وماتفرح
عويشة: وكنها فاتن ياحنه سماحة لون وعمل
فطومة: سماحة لون صح لكن العمل ماتمسكيهش عليا
فاتن: هههههههه تافها شن تشوفي فيا
فطومة: تي انبصر وربي مافي كيفيك كاملة والكمال لله خيتي السمحة
فاتن اتصب في القهوة
فطومة: انا توا انجهزلك الصفرة والحلويات
عويشة حطت الفاسوخ وخشن كلهن جنب باتهن حاط علي نشرة وايتفرج وايفكر
فاتن اول ماخشت طول حست ان باتها ايفكر في حاجة حطت الصفرة قدامه وسألاته
فاتن: باتي كنك فشن اتفكر جوك مش عاجبني
الحاج سعد: انفكر صح لكن جوي تقوليش الحمدلله تريحت عليك طحتي في عرب كويسين
فطومة: باهي فب شن تفكر
الحاج سعد يشرب في القهوة: العرب قروا الفاتحه وهضا مهرك يابنيتي ، وراهم حددو الفرك بعد شهر
فاتن بصدمة: شنووووووو
فطومة: ايييييييي عندنا فرح واخيرا نزرعتنا بنعلقو فيها اعقود وضوايا فرح وأخيرا
فاتن: فطوم اسكتي شوي خليني نفهم
الحاج سعد: مافيها ماتفهمي فرحك تحدد بعد شهر والحق ماقدرت نقوله عطيني وقت نين نسألك وانتِ ديما تقوليلي اللي تديرها أنت ياباتي تمشي علي
فاتن ازمطت وسكتت
عويشة: ماشاء الله الف مبروك علينا الحمدلله الفرح ايزور حوشنا
الحاج سعد: وقال حوشه كامل واسياقه واتي انتِ ساع تمشي للمنطقة اتلقطي ادبيشاتك وتنستري عند راجلك والعقبه لخياتك نفرح بيهن
فطومة بصوت واطي: يااارب
يشربو في القهوة وفاتن اتفكر ومش قادرة تقول لباتها لا خلاص عطا كلمة للعرب معش عنده كيف ايرد فيها
عند أهل فهد
فرحانين كلهم واخيرا اخر العنقود حدد فرحه
وايخططو شن ايديرو
وسارة زاقبة في كل كلمة وتقول انهم بوادي ومش ضروري انكلفو علي ارواحنا عشانهم
فهد مزال ماسمعها كان يسمعها يمسح بيها الوطا لأنها عالنه الحرب علي فاتن من قبل لا تشوفها
حنان: الله ايربحه اصلوحه قالي القاعه حجزنا فيها وكل شي واتي
فهد: ذهب العروس واتي من زمان
حنان: واخيرا جا اليوم اللي نطلع فيه ذهب مرات فهد الحمدلله ربي عيشني لعند هاليوم
فطومة: فاتن شن بتاخذي معاك نحن مانفهموش فيه البتات
فاتن: هو قال حوشه واتي يعني ناخذ دبش ومكياج وحاجات هكي
عويشة: قصدك ماتخاذيش صالون وفرشة
فاتن: هو قال حوشي واتي معناتها واتي
فطومة: فاتن كنك مش طايقيته عليش وافقتي ماتظلميش روحك مزلتي في البر
عويشة: صح كان ماتبيش قوليها مع ان صح تنحسب عليك اطلقتي لكن خير ماتزوجي
فاتن: من قال اني مش موافقه انا وافقت بكامل قواي العقلية هنني بس
فطومة: باهي خلاص من بكرا نبدو نمشو للسوق واخيرا نشوفو الناس ونتفرجو ع المحلات ????
عويشة: نعلي حتى نا نستنى في مشيتنه للسوق عشان نتنفس
فاتن: معقولة لهدرجة مخنوقات
فطومة: وربي مشتهيا نركب في سيارة ونتفرج من عند القزاز
عويشة: بعدك طريق طويلة
فاتن: خلاص توا نديرلكن ترمس قهوة بيش اتعيشن اللحظه بالمرة
فطومة: الله ???????????? ياريت
في الليل بكل كلهم مرقدين ماعدا فاتن تبرم بروحها في المزرعة واتفكر زعما الخطوة اللي خذتها صح وهل فعلاً زي م تخيلت ان باتها بعد زواجها اكيد ح ايسيب المزرعة وياخذ البنات للمنطقة يقرن من قريب والا باتها ايجيب عمال للمزرعة ويقعد فيها
شوي وتسمع صوت سيارة درست حطت طربوشها علي راسها وعدت تشوف شن في
فهد نازل لابس توته سودة اتجنن
فاتن هضا شن يبي جاي توا وباتي راقد
فهد فتح الترعة وخش بروحه
فاتن مصبيه مابتش تخش جوا وحاطه ايديها علي جنبها وتستنى في ايقرب
فهد: السلام عليكم
فاتن: وعليكم السلام شن في ان شاء الله خير
فهد: جيت بنسلم عليك ونباركلك حصلتي واحد كيفي أكيد سجدتي سجدة شكر بعد قرو الفاتحه
فاتن: الثقه الصح من الشخص الغلط
فهد: قالولي لما قرو الفاتحه قعدتي تقولي الحمدلله ياربي جاني راجل كيف فهد
فاتن تضحك من جدها
فهد: نعلي وربي ماني مصدق شفت ضحكتك وأخيرا اززح
فاتن: عندك العلم ان باتي راقد؟
فهد: باتك راقد والدنيا كلها واقدة معدا انا وياك ، وكنت متأكد انك مش راقدة وتفكري
فاتن: اهااااا ماشاء الله منجم
فهد: لا حاشاني لكن حتى انا حاولت نرقد مصار شي انفكر فيك ، قلت نسيت البوكسات ندير سبلتهن ونمشي نشوفها
فاتن: خطبتك السريعة وتحديدت فرحك مامشتش عليا ايكون في علمك
فهد: انا بروحي مش فاهم شي ف ياريت تخلينا نعيشو اللحظة
فاتن: انت لا سمعت شروطي ولا انا سمعت شروطك
فهد: انا ماعنديش شروط عارفك بنت ناس متربية وباتك راجل باهي ، وانتِ اشرطي وادللي
فاتن: شن عجبك فيا بس نبي نعرف شخصيتي غريبة مش مكملة قرايتي نحب الزراعة والإهتمام بالحيوانات بدوية مزغدة مسكرة مانفهم في شي غير حياة الريف والمزراع سيبت بنات المدينة مفتحات ودلوعات وزقبتلي انا
فهد: اللي قلتيه هضا كله هو اللي ميزك عليهن وايكون في علمك انك حلم كل شاب ، بس خلاص فعيونهم خذيتك انا
فاتن: أحم باه نمشي نقربلك البوكسات
فهد: لا خليهن نديرهن سبلة بكرا ونجي نشوفك اخرى
فاتن ضحكت و

رواية بنات البادية الفصل السابع

بنات البادية
رواية ليبية حقيقية 100%
الحلقة السابعة ( 7 )
فاتن: شن عجبك فيا بس نبي نعرف شخصيتي غريبة مش مكملة قرايتي نحب الزراعة والإهتمام بالحيوانات بدوية مزغدة مسكرة مانفهم في شي غير حياة الريف والمزراع سيبت بنات المدينة مفتحات ودلوعات وزقبتلي انا
فهد: اللي قلتيه هضا كله هو اللي ميزك عليهن وايكون في علمك انك حلم كل شاب ، بس خلاص فعيونهم خذيتك انا
فاتن: أحم باه نمشي نقربلك البوكسات
فهد: لا خليهن نديرهن سبلة بكرا ونجي نشوفك اخرى
فاتن ضحكت وقالتله مزلت مش مطمنتلك لكن مافش شي ايتخبى سيوري عارفة مصلحتك فيا
فهد: مصلحتي واضحه نبيك زوجتي وحلالي وتهيالي جيت طلبتك من الباب مش م الروشن واضح اني ناوي الحلال وانك عجبتيني بنعرف ليش امسكرة راسك اني نبي منك مصلحة
فاتن: لأن اسرع خطبة نشوفها في التاريخ وفوقها حددت الفرح بعد شهر دون علمي
فهد: واهو عندك علم ماتكسري فرحتك وحربكيلي روحك اخضر واحمر وحركات
فاتن: مغير بوج
فهد: هههههههههههههههههه والله تعاوديها
فاتن: ننننننننن مانش عدي روح خلاص
فهد: يرا وربي مامليت منك اقسم بالله يابنت الناس مادرتي في اشوي ازحح كلهن مرتين لي شفتك فيهن كبدت بالرسمي ازف حتى جماعتي دايريني خرافة ايشفطو علي
فاتن: تستاهلها
فهد: معلش انتحملك كلها شهر وتقعدي عندي توا انوريك طولة اللسان كيف
فاتن ضحكت ضحة هزوة: خوفتني
فهد: نعلي نااااا منها الضحكة الجنوبية هي اللي خذت قلبي وعقلي
فاتن: باهي تمام صدقتك خلاص قريب نبكي
فهد: عنك ماصدقتي المهم انا امصدق وعايش اللحظة وانتِ خليك يانكد وتيلي روحك وراه انحب بنة الحنة كثريها لي سلاااام
فاتن بصوت واطي: هالمريض هض وربي وراه موضوع يحسابني مهبعه ونصدق كلامه اللي داير روحه عسل
فطومة اتحك في عيونها: كنك مارقدتي
فاتن: انفكر
فطومة: ارقدي ماتفكري في شي بإذن الله يمشي العرس علي خير وتطلعي احلى عروس
فاتن: ان شاء الله ونفرح بيك انتِ وعويشة
فطومة: عرفتك اتفكري فينا نحن وفايته روحك ، نحن معانا باتي ماتنشغلي علينا خليك في روحك توا وعيشي احلى ايام حياتك
فاتن: ان شاء الله ، تصبحي علي خير
فهد ايسوق في السيارة وايفكر في فاتن اللي خذت عقله وندم أن مادارلها تلفون يقعد ايرن عليها ويسكنلها ????
ثاني يوم في السوق فاتن وخواتها ومعاهن باتهن وصاحبه في السيارة وهنا ينزلن ياخذن وينزل الحاج سعد ايخلص
فاتن: نعلي ياربي مش عارفة شن ياخذن العرايس
فطومة: العتب كله علي عماتك وخالاتك عارفات ان اصغيرات وعمرنا ماشفنا عروس شن تاخذ معاها مفروض وحدة اترن تقول انشيلكن لكن يالله حسبي الله ونعم الوكيل
فاتن: فوتيهن ناخذ حتى خيشة المهم مانصبيش عليهن ، كان مافهمنها برواحهن مانبوش انفهموها لهن
عويشة: باهي توا خوذي الحاجات اللي نعرفوهن والباقي ساهل توا تجيبيه قدام عند فهد هههههه
فاتن: مشكلة باتي عطاني مبلغ وقدره الحق وقالي خوذي تحشمت نقولة شن ناخذ
فطومة: باهي نحن قعدنا انخرفو وماخذينا شي
فاتن: انحس في الناس ايشوفو فينا زيين
عويشة: كان غيرنا جايين باكرين قبل الشحاته وبنتها
فطومة: هههههههه حيوانه
فاتن: شن نديرو وقت ضيق كان جينا عشية نقعدو عند الليل وباتي تعبان
عويشة: فاتن تعالي شوفي القفطان هضا
فطومة: اسمه فستان ياحافر
عويشة: باهي يامثقفه يابلبولة قطعتينا
فاتن: تبن اتكملنها مشاكل انتن ، خلني انركز
فطومة: بس حلووو حلووو الحق
فاتن: عريان واجد
عويشة: تبي تلبسيه قدام صبايا
فطومة: هذي شكلها تبي اتعبنه
فاتن: وسعن بالكن عليا كملت حياتي جلاليب خلني ناخذ بالتدريج بيش انتحمل الصدمة
فطومة: ههههههه حقاتك
عويشة: نذكر في فرح خالتي خذت فستان طويل وقصير وعباية ولبسات ومكياج وملابس داخلية
فطومة: نحن مفروض كتبنه كتيبه
فاتن: ساهله خلينا نبدو نفس ماقالت عويشة
فطومة: شوفي العباية هذي عرايسيه
عويشة: تبيلك عباية اخرى تطلعي بيها ومعاها شنطة وحذاء
صاحب المحل حس البنات مش من هنا وتايهات ف قرر ايساعدهن
صاحب المحل: عروس الأخت؟
فطومة: اها عروس
صاحب المحل: في العباية هذي ياخذهن فيها العرايس ولو تبي عباية عادية تقدري تاخذي هذي
بالنسبة لفساتين العرايس معش يفرقن واجد بينهن وبين فساتين المدامات تقدري تاخذي موديلين طويل ومفتوح وقصير وكم ولو تبي نظام قونه في تفرجي ماتحيري روحك والقالب غالب
فطومة: بارك الله فيك والله ساعدتنا اول عروس عندنا ومانفهمو في شي
صاحب المحل ضحك: لا عادي ديما ايجني عرايس ونساعد فيهن وتفضلن اي شي تبن تسألن عليه انا في الخدمة
فاتن خدت عبايتين وفساتين ولبستين قونة وتكت علي محل الأحذية وخذت احذية وشناطي وطبعا بمساعدة اصحاب المحلات ايساعدو فيهن
فاتن: اااه كرعي معش نقدر
فطومة: أهو باتي جاي
الحاج سعد: تعالن تغدن قبل بعدها كملن دبشكن مراله تعبتن
عويشة: مش غير يابابا مش قادرة
فطومة: انت كويس ياباتي
الحاج سعد: كويس ماعند حالي سو قاعدين نا وعمك عبدالدايم في السيارة انسهرو
فاتن: تمام هياا
فهد ايرن ع الحاج سعد قاله انهم في المدينة في السوق
فهد: خلاص تمشي لمطعم كذذا وصفه وقاله انا خمس دقايق بالضبط تلقاني عندك
فاتن منحرررررررجة وجها حمر وفي عقلها عليك نوطرة كان نحصلك نقرشك ????????????????
فطومة بصوت واطي: اووو بونسيب شكله يبي ايدلعنا
عويشة: بعدك جيعاااااانه
فاتن: عليك شر لي يسمعكن ايقول عمركن ماكليتن
فطومة: عمرنا ماكلينا من مطاعم فيكنا من الكذب
عويشة: هههههه اسكتي يامستغوله كشفتي بينا
فاتن: خزيي
فهد نزل ع المطعم العائلي حجز طاوله وخلص وطلع
الحاج سعد: بارك فيك ياباتي
فهد لابس نظارات وجاكة طويلة سودة سروال امريكي وكندرة سودة
عويشة: والله خسارة فيك هالصباح السمح يانعلي عليك شخصية
فطومة: حي كان تشوفي صاحبه يانعلي يوتكل بلا خبزة
عويشة: فاتن مش معانا بكل
فطومة: هايمه
فاتن: لا معاكن لكن مزلت مافهمته كويس
فطومة: غير قعمزي في وحدة تكره هالشخصية
الحاج سعد وصاحبه نزلوا البنات وخشو للمطعم والبنات منحرجااااااات
عويشة: نحس في روحي برا ليبيا
فطومة: الخبر هضا مانعرفوه الا في المسلسلات
فاتن: سكرن فساخيكن ????????????
الحاج سعد: ماشاء الله المكان سمح
عبدالدايم: ثةديما نقولك اطلع معاي ندهورك لكن انت شي ميت في هالمزرعة
الحاج سعد: خلاص هانت انتريح علي بنيتي وبعدها ساهل
عبدالدايم: عليش ناوي؟
الحاج سعد: ساهله توا خلينا نكملو دبش البنت وبعدها عاد انفكرو نا وياك
عبدالدايم: وباهي ان شاء الله خير
القرسون قعد اينزل في الغداء وجبة حوت بجميع انواعه ورز وسلاطات وعصير طبيعي ومشروب
فاتن: نعلي هضا كله ماحتى كليناه
فطومة: ناكلوه غير اسكتي
عويشة: نجلنا بونسيب امدلعنا
فاتن: شكله بعزاق
فطومة: اخخخخخ ياربي ع الزغد قولي تبذير ارجوك قهرتيني توا يقعدن ايتهزن عليك صباياكم بعدك لا وحدة لا اثنين عندك خمس سلفات
عويشة: تخيلي يقعدن شيطانات
فطومة: علي اساس فاتن ملائكة
فاتن: ههههههه حيوانة تفو
الحاج سعد: قدمن هيا اكيد جيعانات
عويشة: باتي يحسابنا علي ارباعه
فطومة تضحك: قدمي وانتِ ساكته
فاتن: عيب
الكاتبة جمان الزياني
كملوا وكالهم والحاج سعد صبا يبي ايخلص قالوله ان الفاتورة مدفوعه
عبدالدايم: بارك الله فيه ، نقانا عزم واجد مسكين قال تفضلوا معاي
الحاج سعد: حرجني والله
عبدالدايم: باهي ربي طيحك في نسيب كويس الحمدلله ربي ايتمم علي خير
فاتن تسمع وساكته
ركبو في السيارة تكو علي جامع صلوا الظهر و العصر ، وكملوا تسويق ونص المحلات امسكرات شوي وبعدها بدن يفتحن
مشكلة فاتن وخواتها مايفهمن في الدبش لا مكياج لا شي ياخذن وخلاص
عويشة: كان ماما عايشة راها توا معانا وتساعد فينا
فطومة: معقولة نحتاروا هك ، حتى ارواب والجو هضا مانفهمو فيه
فاتن: خلاص ماتزعلن ارواحكن انا خذيت واللي تجي تجي ماعندي ماندير
فطومة: انتِ ماتزعليش اكيدة توا ايجيبلك حاجات علي ذوقة بعدين
لقطت فاتن دبشها كله وروحو للمزرعة وفهد ايرن علي الحاج سعد اول بأول لعند اطمن انهم وصلوا بالسلامة
حنان: فهد خلاص ياوليدي تعذبت من اول مانضت وانت تجري تعال تعشى وتريح
فهد: نتعب توا ونتريح لقدام ياغالية
حنان: والله كليتها في روحك ياوليدي مزال عندك وقت
فهد: نبي انكمل الحجوزات واموري كلهن اسبوع اللي قبل الفرح كله نبيه راحة
صالح خو فهد ايعيطله
فهد: شن في
صالح: في طلبية جايه بأسمك
فهد توتر: اها اها اموصي علي دبش توصيل ، خذاه فهد وخلص الراجل وحطا في السيارة وسكر عليه
صالح: كيف صار سر والا شنو وريني شن شريت نعطيك رايي
فهد: ملابس داخليه تبي تشوفهن ????
صالح: كذاب في وجك هض
فهد يضحك: يرا خطاني را انحرش رجاء
صالح: تي ساكنتلي تبي دبش وحنه وصبغه تقول هي العروس
فهد: ههههه ماتكسرش خاطرها كنك جلدة انت تعلم من حاتم
صالح: يرا حاتم تقول قاعد علي بنك من اول ماحددت الفرح وهو في السوق
فهد: مايغركش راهو مكملها يشري وايرد في الدبش
صالح: عليم الله كله حاتم طيحته سودة في هالقردة عزيزة
فهد: يراجل اجعر
صالح: كذا قول والله ماقلت الا الصادقة
فهد: نقانك ماقلت الا الصادقة ????????????????
صالح: وخلك عاد من في الصبح ايسيق في الدروج مسكين ويمسح ماضني الا هو اللي ست البيت
فهد: خونا شكلة غاطس في طاجين بسبوسة لعدن ذانه
خش حاتم ايكركر في شكاير: شنجو شباب
صالح: انت اللي شنجوك نحن نشربو في قهوة وامورنا تمام حتى العريس دبشه دز عليه توصيل
فهد: عليك حقارة فيك ازح
حاتم: شن دزيت وريني
فهد: انت غير ارفع شكايرك فوق وربي ايعينك ياخيي
حاتم: جايكم احسبوني في القهوة
صالح: وين اعزوزة علي قولتك
حاتم: اعزوزة رقت فوق اتقيس الدبش كان في حاجة تبي رد انردها بدري
صالح وفهد ماتو من الضحك وحاتم مش فاهم شي
صالح يحكي لفهد: عيش اللحظه ورد بالك اتفكر في شي انا قاعد واي حاجة تبيها المدام وجدان قاعدة عطيها رقمها وخليها اتواصل معاها انا عارف انهن مايطلعنش واجد كان وحلت في حاجة وتبي تسأل قوللها وجدان ماتقصرش معاها وانت عارفها
فهد: يرا غير نا نحكي معاها بعدها ساهل
صالح: بلا كذب تبي تقنعني انك ماتشلطش معاها
فهد: اقسم بالله مانحكي معاها ولا عندها نقال اصلا
صالح: تي وين طايح فيها الطرحة هذي يراجل معش في بنات هك مستحيله
فهد: والله كيف مانحكيلك والبنت امعصية بكل حتى كلامها تحسب فيه قبل ماتحكيه
صالح: تدوي من جدك
فهد: والله كيف مانحكيلك ، وهضا اللي عجبني فيها
صالح: بلا كذب عجباتك لأنها طرف امك قالتها لوجدان
فهد: باهي تحشم مرات خوك عيب
صالح: مرات خوي وأختي اخرى لكن ماتنكرش انها سمحة
فهد: هي سمحة لكن انا اللي جذبني لها شخصيتها نادرة بكككل عمري ماشفت بنت زيها متحملة مسؤولية وشايله مزرعة علي راسها وتحلب وترعى في السعي وباتها قالي كان عندها خيل وفارسة
صالح: الله اكبر ربي ايباركلك فيها ويحفظكم من الشكابليه اللي هنا توا ايعيطو معاك
فهد: لا وين مياه مرقية وقران اربعة وعشرين ساعة عارفهم توا ايطيروها بالعين
صالح: لا قول خير ان شاء الله
فاتن: خلاص مزال نحجز في الكوفيرا بس
فطومة: بارك الله فيه فهد شال الفرح علي كتوفة راه
عويشة: اها والله بصراحة ايهبل عليك العسل والله خش خاطري انا
فاتن: عقبال خاطري انا
فطومة: باتي قالي القاعة مشتركة صبايا ورجالة
فاتن: اها وباتي مدله فلوس قاله جيبو انتو الحاجات
فطومة: احسن نحن مانفهمو فيهن الحاجات هذين
عويشة: نحن عندنا يوم لسياق يعني ننسترو فيه بعدها خلاص انتريحو
فاتن: معاكن بنات عمامي وبنات خوالي ماتفكرن في شي حتى نحن ديما نصبولهن هضا وقتهن
فطومة: لا الحق في عزاء امي صبن ايدينا بإيديهن
فاتن: اييوه لذلك ماتفكرن في شي وانا معاكن يوم لسياق يوم الفرح هو اللي نقعد في الكوفيرا من الصبح
عويشة: خلاص يعني يافاتن تزوجي وتسيبينا ذكرياتنه معاك وحياتنه وجواءنا من اتديرلنا تنور وتنوض من الفحر تحلب وتمخض واتفطرنا وتدعيلنا ننجحو وتصبي لعند مانمشو ولما انروحو من المدرسة نلقوها اتراجي فينا بالغداء
فطومة: وتدلع فينا كل عشية قهوة وباسطي وباتي مايحب ياكل الا منك
فاتن تبكي تبكي تبكي
عويشة: الحمدلله بتطلعي عروس وربي فرحانين نا وفطومة واخيرا عندنا اخت تزوج تجييلنا بيبي ونفرحو بجيتها لنا ونحن نقعدو نجوك ونغيرو ف جو عندك
فطومة: انتِ بروحك قدامك عرب واشون تديري جارات وتطلعي لمات وافراح والله تغيري جوك وحياتك اتغير للأفضل
فاتن تمسح في دموعها: ان شاء الله
عويشة: افرحي يافاتن نحن نفقدوك صح لكن بنطيرو من الفرحة انك تزوجي ومش اي راجل ، راجل كويس وايخاف الله ومن اول ماشافك كبد فيك هذي بروحها اتسد
فطومة: الحمدلله وعقبالي انا وصاحبه الطرف هضك
فاتن تمسح في دموعها وتضحك علي فطومة
عويشة: تخيلي حتى انتِ تزوجي نقول يامن انا
فطومة: يانعلي يارب يارب نزوج صاحب فهد الطرف
فاتن: تحشمي خلاص خزي ????
اليوم التالي
فهد جايب عمال نظافة اينظفو في الحوش ومعاه اصحابه المكان اللي ايتنظف ايفرشوه
وفهد جايب اثاث خيال وامفرش الحوش كله ماشاء الله
أنور ايعيط لفهد: عديلي وين عدييلييي
والشباب ميتين من الضحك علي حركاته ????????????
يتبع الحلقة الثامنه

رواية بنات البادية الفصل الثامن

بنات البادية
رواية ليبية حقيقية 100%
الحلقة الثامنة ( 8 )
اليوم التالي
فهد جايب عمال نظافة اينظفو في الحوش ومعاه اصحابه المكان اللي ايتنظف ايفرشوه
وفهد جايب اثاث خيال وامفرش الحوش كله ماشاء الله
أنور ايعيط لفهد: عديلي وين عدييلييي
والشباب ميتين من الضحك علي حركاته ????????????
فهد: ياجماعة مافش واحد ايتبرع ايدكله كواغط في فمه عششلي معش ركزت
حسام: عيب عديلك
أنور: ايوه فطنه قليل الخير يا احسومه
حسام: قبل نبي انصبي معاك لكن بعد احسومه دور من ايصبي معاك ياوجه الجرو
أنور: خلاص اطلع منها بيني وبين عديلي
فهد: ياجماعة ازح اللي يفهم في بديل لرخام ايجي للهايك هضا رقاها ليا
أنور: وين ياعديلي
فهد يضحك: ازح سكنت خطاني
فاتن تحكي للكوفيرا: هو مشترك الفرح يعني ياخذني باتي من هنا ايحطني في الصالة طول
الكوفيرا: قصدك القاعة صح؟
فاتن: كلهن واحد صالة والا قاعة والا حتى مربوعة
الكوفيرا تضحك: وسعي بالك ياعروس هههههه
فاتن: المهم هذين فلوسك
الكوفيرا: معقولة ماتبيش تحجزي في الفيلو والباقه وتشوفي شغلي في الميك اب
فاتن: تبي الحق ، والله مانفهم فيه الجو هضا نحساب روحي انخش علي مزين نحجز ونطلع وهيا شورها كل شي
الكوفيرا: انتِ اول عروس في العيلة؟
فاتن: أها والله
الكوفيرا: لو قلتيلي من البداية ، تعالي شوفي هذين الفيلوات لي عندي اختاري
فاتن: نقولك حاجة انتِ اختاريلي كل شي علي ذوقك
الكوفيرا: بأدن الله ح تطلعي أميرة الأميرات
فطومة: بجد بارك الله فيك امس مارقدتش تفكر عمرنا ماخشينا كوفيرا نحن
الكوفيرا: عادي حبيبتي والله باين عليكن البراءة لي زماااان ماخشت علي وحدة بريئة هك ، وعارفة ح تطلعي خيااال بكل لأن وجك برئ
فطومة: وماعمرها حطت حاجة علي وجها ههههه
الكوفيرا: والله باين عليها بجد ربي يحفظك خلاص انا ثبتت الحجز وخذيت العربون باقي لفلوس اتخلصيني يوم الحنة
فاتن: بارك الله فيك يعني نجيك يوم الحنه
الكوفيرا: لا بتجيني قبل لسياق بيوم نديرلك الفتلة والحواجب
فاتن: شعري مانبي نديرله شي راه
الكوفيرا: تمام براحتك ياعروس ، و حنعطيك رقمي خزنيه عندك وكلميني امتى ماتحبي
فاتن: معندش تلفون
الكوفيرا: والله؟ باهي مش مشكلة توا اتديريه قدام
فطومة: مكياج بناتي بكم معلش
فاتن فنصت فيها
الكوفيرا: سألتك بالله خليها حرام هضا اول فرح
فاتن: كان ايشوفها باتي يذب*حها
الكوفيرا منصدمة: معقولة عشان شوية ميك اب
فاتن: اها ماتعرفيش باتي انتِ ونحن ناس ابوادي الخبر هضا مانعرفوه بكل
فطومة منحرجة: خلاص يا ازغدة هيا
الكوفيرا ماسكه ضحكتها
طلعن البنات وركبن في السيارة وفطومة راقيلها
الكوفيرا تحكي للبنت الي معاها: غريبات صح
البنت: بككككل هههههه بس ماشاء الله عليهن
الكوفيرا: نين استكيت لي زمان ماشفت بنات هك توا مفتحات وماهناك حاجة مايعرفنها تشوفي فيهن لما ايجن هنا يقعدن يطلبن ويشخلعن
البنت: وفي النهاية يطلعن حول
الكوفيرا: هههههههه حقيرة مش هك تذمي في مكياجي ياغبية
البنت: لا مش مكياجك نيتهن في عيونهن ????????
عند أهل فهد
حنان: لالا مانبيش سريب مرطزة في الحوش كل شي حجزت فيه جاهز من برا عويلة صغار يطايحو في الزيت لالا مانديرها بكل
سارة: والله يااعميمة امكبرين الشطحة ههههه بنت بوادي
وجدان: شن دخلها هيا نحن انديرو للمعازيم مش لها
حنان: ماقصرش باتها مد مبلغ وقدره
سارة: حتى انتو ياما خذيتو سادك غير لسياق انغلفو فيه ونضحك قلت شن عرفهن بنات البادية للتغليف والورد
وجدان: ماتقوليش مرات تطلع خير منا نحن المتعلمات علي قولتك
حنان: سارة كنك ناقمة علي سلفتك من توا
وجدان: ماني عارفة هههههههه شكلها ناقرة منها
سارة: مش طبيعية انتِ ننقر من وحدة زي هذي؟ هههههههه
عزيزة: السلام عليكن هذي ترويحتي من السوق
حاتم: اعزوزة تعبتني نشرو وانردو في الدبش هههههه
حنان كبدها زاقه من ولدها ومراته
سارة ووجدان قريب يزقبن عليها ايريشنها
عزيزة: لعيال وين
حنان: هذيك الدويرة ياحنة
عزيزة خشت بتاخذ عيالها
حاتم بصوت عالي: قيسي عليهم كان في حاجة تبي رد انردها توا مدام مزال بدري
صالح اخبطه علي كتفه: عليم الله صارلك لياقه في كرعيك من كثر الزر في السوق
حاتم يمسح في عرق جبهته: ايش اندير نبيهم يفرحو
صالح: تبيهم يفرحو والا خايف اعزوزة تبرك عليك
حاتم: عيب عليك الكلام هضا مش للرجالة اللي كيفي
عزيزة تعيط من الدار: حااااااتم تعال ارفع العيل راقد
حاتم عدا يجري
صالح: لا صدقت والله
حنان: خاطى خوك ياصالح را خيرلك
صالح: ماقلت شي نا
وجدان تضحك: زارقين عليك كلنا
صالح: كنك ياجودي
حنان تضحك
وجدان: ههههههههه خطاهم ياصالح را يعشمو فيك
حنان: شن صار في فهد زعما كمل تفريش حسا شغلني ضاغط علي روحة واجد الفترة هذي
صالح: تي احسن ضغطه كنك ياامي تلقيه ايوتي وقلبة بدال الدق ايدربك
حنان: خسارة مانك الكبير العاقل اللي عابيين عليه
وجدان: مش منجدك ياعمتي عابية علي صالح
صالح: صبي صبي ديريلي قهوة وانتِ ماتصدقي كد ايقرمني قدامك يامغيلبت اعزوزة
فاتن: ياخيه الفتله والحواجب توا نديرهن بروحي ياكله انتعب باتي لعند هضك الوطن عشان فتلة وحواجب
فطومة: ولفلوس اللي دفعتيهن
فاتن: ريت هالمبلغ الخيالي الفتله والحواجب 20 جنيه
عويشة: هههههههه فطومة رايحة جلدة
فاتن: انتن في عالم وانا في عالم بجد توا نرايف ع الشواهي والبقر
فطومة: عليك زغغغغغد وووه في وحدة فرحها قريب اتفكر في الشواهي شن ايسير فيهن انتِ ح تفضحينا قدام العرب متأكدة أنا
عويشة: فاتن ارجوك الهي في روحك وعيشي اجواء انك عروس فكينا من حركات الطرشيق هذين
فاتن: بإذن الله ح نخليه ايديرلي مزرعة
فطومة: اسمله عليه ياما جايه من خير فهد
عويشة: عيشي حياتك ادهوري واطلعي وتنفسي
فطومة: عويشة قريب تقولك اطلعي تنفسي علينا نحن ههههههههه
فاتن: حيوانه خزي ، غير نتفاهم معاه بعدها ساهله
فطومة: ارخي روحك بس شخصيتك راه بكل تقول راجل رفعة حاجب وخزرة وحركات شباب فوتيهن يبو الأنوثه والرقي كان يبي واحد كيفه قاعد صاحبه الطرف
فاتن: يعني ضروري تجيبي سيرته ياباردة شن الخفه هذي اثقلي شوي
عويشة: خليها علي اساس تحكي قدام حد غريب نحن خياتها شن فيها ، فوتيها يافطومة وان شاء الله يقعد ابو العيال ????
فاتن: حي علي حي علي علمتيها هذي اللي انقول عليها بريئة
عويشة: ايامك ياحنة معد في حد برئ
فطومة: مع ان الكوفيرا امبدري مدحتنا نين قالت بس هههههه
فاتن; وهمية تكسب في زبائن تحسابها مشت عليا
فطومة: واااو كله انتِ تحسبي فيها حسبة غليظة
فاتن: باتي ديما ايقولي اضربي النقص تجي انتِ والحق سوا
عويشة: حتى أمثلتها متاعات رجالة
فطومة: فطنتيلها ????????????????
أنور: الثلاجة وعبيناها لك والحوش سيقناه وفرشناه توا خلينا نربحو نخدمو علي حالنا بيش نقعدو عدايل
فهد: ديما مقصد ياثلوبة والعقبالكم
حسام: يرااا أنت الفزاع الكبير كيف صار يارفيق
أنور يحكي لحسام: الشكاير هذكين مش مطمنلهن ضروري انفتشهن
حسام: يرا عيب يراجل مرات حاجة خاصة
أنور: معقولة؟ في حاجات خاصات بينا نحن
حسام يضحك: والله ماتربح
أنور لقط لشكارة ويبي ايفتش كرها منا فهد
فهد: يراجل بلا معيلة ازحح
انور: مانش داير غيبة جيب هنا نبي انفتشها
فهد: يراجل خصوصيات ازح وانتو مافي شي يندس عليكم
حسام: مش شوري انا هذين افكار صاحبك ????
فهد: ارواب نوم تريحت هكي؟
أنور بكل صحة وجه: اها تريحت
سارة: لا انا خذيت فستان وااو بكل وح نخليه مفاجأة
عزيزة: ياكلا مفاجأة ريت هالنانسي عجرم ههههههه
وجدان: باهي ورينا انتِ فستانك يا أليسا
عزيزة: مزال عند الخياط نعدل فيه
وجدان انا بنلبس فستاني في فرح أكرم مزال جديد وخذيته بهذك الحسبة حرام
سارة: معقولة تلبسي حاجة لابستها من قبل
عزيزة: ماتحرميش روحك هضا اخر عرس في العيلة خلنا نزيطو فيه
وجدان: لا والله مانيش طايحة علي راسي ناخذ فستان وانا عندي فستان سمح
سارة: باهي أمينة ومنيرة كنهن رايحات
عزيزة: قالوا في السوق
وجدان: كلا عزيزة وامينة ومنيرة خذن حقهن مو السوق في فرح فهد ههههههه
عزيزة: مش هك مش اي حاجة تعجبني ناخذ ونرد
وجدان: اسمله علي حاتم مسكين بهدلتيه
عزيزة: خليه يبو وحدة هك اصلا الطيبة ايمرطزوها
وجدان: نعلي ياحنه عليك تفكير
حسام يضحك بدموعه عليهم
بنات عم فاتن جايات ايهدرزن وقالنلها الحنه كلها شورهن ماتفكرش فيها
فاتن: نجكن لي والله ماكنتن اتعبن ارواحكن
بنت عمها: لا والله كان نقدر ناخذلك حاجة تستاهل انتِ الفزاعة الكبيرة
فهد طلع معطر عطر الحوش علق الشاشة ع القران وطلع ايدخن وايفكر في فاتن
صالح: شنو ياعريس كملت
فهد: الحمدلله هك تريحت
صالح: ربي ايتمم علي خير ياغالي
فهد: امين
صالح: يرا مش قتلك م تفكر في شي
فهد: البنت تقول ساحرتني خذت تفكيري وعقلي قبل ماتجي
صالح: لا هضا كله وحتى ع التلفون ماحكيتو كان هضا راك ذاهب بكل
فهد: الله يستر ياخيي ????
صالح: مافش سفرة هك والا هك
فهد: لالا نبيها اتعود عليا ونتعود عليها قبل حتى كان سافرنا نقعدو فرحانين مش تقول غربا
صالح: شهادة لله صدقت
بعد فترة كبيرة من الحوسة وتجهيزات جا اليوم اللي البنات يمشن ايرتبن دبش فاتن واينظمنا
الحاج سعد: خلاص سيارتين سادات مش زفة هي شوية هالدبيشات ايردعنهن وايروحن
مشن عويشة وفطومة وبنات عمهن لثنين وخالتهن
خشو لشارع حوش فهد عرم شباب قدام الحوش
حسام: هضوم كنهم لا ايبيبو لا افريتشات تقول جايين زردة
أنور: تي سكر فمك خليني امركز
حسام: ديرو لقطة حتي فريتشه ايمين ياجماعة
صالح: مرحبا مرحبا تفضلوا
الشباب نزلوا الدبش في الصور
والبنت منحرجات عرم شباب وايكحلو
صالح قعد ايعارك فيهم: وسعو الطريق للعرب ياشباب عيب
خشن البنات جوا وأنور لمح فطومة وهيا لمحاته وفرحت بككككككل
عويشة: انتِ يافانص يفطنولك شبابنا يسحنوك انتِ وياه
فطومة: عينك والله ماني ماشية بلاش المرة هذي
عويشة: ايييوه،ديريلنا كشفة عاااد
أنور داير روحه اينزل وايصاحب في الشباب وايساعد فيهم ع الدبش منظرة ايضحك وأصحابه زارقين عليه وايشفطو علي منظرة ????
عويشة: اللهم بارك شفتي الحوش
فطومة: وااااو خيال بصراحة
حنان: انستن بنياتي تفضلن تفضلن
سارة بتقزز: اهلا هلا
عويشة: أهلين بيك
وجدان: ايهبلن تحسيهن بريئات ههههههه
منيرة: صح لاحظتها حتى نا والله بنقولها لك
وجدان: كان فاتن زيهن معناتها مبرك عليه طيحة
منيرة: اكيدة ههههههه
فطومة حولت العباية ودايرة قرن طويييل كلهن ايتفرجن علي شعرها
سارة ناقمة بككل تسمع في المدح ع البنات انهن جميلات بكل وبريئات باين عليهن
امينة: هههههه شوفن نظرات سارة مش طبيعية
وجدان: حقودة بكل كلا هيا ربي يشفيها
أنور يدحنس ع الحوش
صالح: يرا فهمناك والله عدي حل ياراجل سكنت
انور: خطاني ياقطاع لرزاق
يتبع الحلقة التاسعة …….

رواية بنات البادية الفصل التاسع

بنات البادية
رواية ليبية حفيقية 100%
الحلقة التاسعة ( 9 )
وجدان: ايهبلن تحسيهن بريئات ههههههه
منيرة: صح لاحظتها حتى نا والله بنقولها لك
وجدان: كان فاتن زيهن معناتها مبرك عليه طيحة
منيرة: اكيدة ههههههه
فطومة حولت العباية ودايرة قرن طويييل كلهن ايتفرجن علي شعرها
عويشة لابسة سروال وبلوزة وترتب في دبش فاتن بشوي وتنظم في الدار خشت عليها سارة
سارة: ههههههه ماعندك ماتنظمي كلهن شنطتين كان خليتيهن جت العروس نظمتهن بروحها
عويشة: صح صدقتي بس عادات وتقاليد شن نديرو
سارة: زعميته فهد سيبلها شي فرش الحوش كله
عويشة: اها بارك الله فيه
سارة تحمقت وطلعت
خشت وجدان بسرعة: فوتيها ماتعدليش عليها ، الله محلاه الفستان
عويشة ????: سلمك
وجدان: نجكن لي شكلكن كلكن بريئات هكي
عويشة: اها سلمك ، عويشة في عقلها بريئات بذات فاتن ????????????????????
منيرة: سارة كنك تقول ضرتك العروش
سارة: ضرت من انا؟
امينة: مش فاطنة للروحك عليك حركات اتديري فيهن ، حرام عليك مكسدة عليهن لبنيات واضح عليهن القزن فاقدات مينتهن فوتيهن راه عشمهن ايكسرك
سارة: انتِ ف شن تحكي انا سارة بنت فلان الفلاني نكسد علي بنات المزارع حبيبتي انا حتى اختلاط بيهن نووو نبيش نختلط بيهن ناقصني انا خمج؟
منيرة: لا حول ولا قوة الا بالله
امينة: وكنهن ياحنة المزارع
سارة صبت: لا شي زغد وبوادي بس
وجدان: سارة عطبت معيشة البنات تلحق فيهن وتدوسلهن والله عيب بنيات ساكتات ولا كلمة
امينة: هابا عليك بخت بختنا قلنا اتجينا سلفة تعرف اترد وتمسح كبودنا شوفي خواتها انتِ
منيرة: المكتوب باين من عنوانه شكلها حتى هي طيبة وهبله وصغيرة
وجدان: حتى عمتي قالت باين عليها طيبة
منيرة: عليك بخت
وجدان: سارة دعاتها اتخاطى البنات خلاص شوي وايروحن عيب ماشور شي كلامها
امينة: كنها شم دارت اللفعه
وجدان: تعزق للبنت في كلام ان ماجابت شي معاها
منيرة: وعليش تجيب مافهد امفرش الحوش كله ، هي منقهرة عشان فهد من توا امدلع مراته
امينة: بالضبط ????????????????
وجدان: حرقة تحرقها
حنان: وين فطومة وعويشة تعالن بنياتي اشربن قهوتكن
عويشة: شكرا عميمة نشربوش فيها
حنان: معقولة ، باهي تعالن خوذن حلويات
فطومة تبخ في معطر
حنان: ماشاء الله ربي ايتمملنا علي خير يارب
فطومة: امين ، وايطول في عمرك
حنان: شن اخبار عروستنا ههههههه
عويشة: قاعدة خاشة في بعضها
حنان: نعلي حتى اليوم اللي جيتكم منحرجة بكل
فطومة: هك طبعنا مانعرفوش انتعاملوا واجد مع الناس
وجدان: ياخيه اتفكيتن شن درنا بيها المعاشرة
منيرة: كنك زاهدة في الدنيا تقول اتودعي ههههه
فطومة????: بعيد السو بعد عمر طويل
امينة: اهو حصلتي وحدة تدافع عليك
وجدان: مش مصدقة اكيد نحلم
حنان: تغلبك اعزوزة
منيرة بصوت واطي: كل شوي ايكلم فيها تقول عرسان اجدد
فطومة منحرجة وساكته
عويشة تصنت وتضحك ????????????
نظمن البنات الدبش وقالولهن هيا وصالح مصبي قدام الباب خايف انور يزقب ع البنت
انور: يرا حول هك شوي ازحح نبي نلمحها بس
صالح: انور فكنا من الجو البنت تبيها عدي اخطبها من باتها كيف فهد
انور: اطلق بيني وبينها بس
صالح: كان شي نطلق فيك هالشيشة ، يرا خطا البنت عيب عليك جيتنا في حوشنا تبي اتنابشها عدي لحوشهم
انور: تم تم ياصالح امنور بككل راك تنساها بس
فطومة بصوت واطي: معلش
صالح: تفضلي سامحينا غير في تماسيح هنا يبو ايدكو خشومهم جوا
فطومة بحتت في أنور وضحكت
أنور امتنح في فطومة وصالح يضحك عليه
صالح: اوووي عدت البنت
انور: شفت اللي شفته ياصلوحه
صالح: تي لم روايلك ياتافه وعدي
انور: تي ضحكتلي واقسم بالله بحتت في وضحكت لكن انت شفت الضحكة ملائكة تضحك
صالح: استغفر الله العظيم
بعد طلعن البنات خشن الصبايا كلهن ايتفرجن علي دبش فاتن
حنان: زعما مافيهش عيب يابتي نتفرجو علي دبشها
نجاة اخت فهد: يانعلي يمي ايش فيها خلينا نعرفو ذوق عروستنا شنو في اللبس
سارة: بنت ريف شن بيقعد ذوقها
نجاة: مدرعنا ماتقوليش مرات ذوقها خير منك
سارة: مش معقول ههههههههههه
وجدان: وااااااو شفتي الفستان ايجنننن متت فيه
منيرة: خطير بكل
نجاة: يبي جسم ياحنه
وجدان: لقنا يبي جسم ويبي حتى طول ههههههه نحن القصر متعبنا
سارة: احكي علي روحك
منيرة: علي اساس انتِ طويلة اسكتي كذا
نجاة: علي كيفه القصر عندنا اكعاب
حنان: لا هي الحق لبنيه طويلة وافية
نجاة: يعني نحن ناقصات؟
وجدان: هههههههههه هي هذ مالا شنو
نجاة: بس مش جايبة مكياج واجد شكلها ماتحبش
منيرة: صدقت ياخيه اهو انا امعرم عندي بلا فايدة
امينة: مهما كان العروس مفروض مكياجها متوفر من أ لل ي
سارة: صح غريبة مكياجها شوي
نجاة: اها حتى العطور شوي
وجدان عدت للزيانه وقعدت اتفرج وفعلا عطورها شوي ومكياجها شوي
امينة: تحسيها غريبة سلفتنه
حنان: لا غريية لا شي بالك تحب الحاجة الهادية عادي
نجاة: صح في وحدات ايديرن في كحل بس
سارة: ماتستغربيش كحل واسواك هههههههههه
الكاتبة جمان الزياني
فهد برا ايعيط : يااااووييييي
حنان: نعم ياباتي
فهد: فضولي الشقة نبي نقفلها
حنان فهمت عليه: حاضر ياعريس هي
نجاة: كنا فهد
حنان: هي البسن فهد قال فضو الشقة يبي ايسكر الباب وايعدي عنده اشغال
وجدان: هبي عليه يبي ايخش ايتفرج
نجاة: هااا مالا شنو اكيد متسهف ايشوف ذوق رفيقته
سارة: وووه ع الزغد عنجد رفيقته
نجاة: سارة ارحم والديك خطيني ، راك من هنااااك ماعندك عليش شايفتلي روحك
طلعن كلهن وفهد خش وسكر عليه الباب وفعلا علي طوووووول لدار النوم ايتفرج ع الدبش
وفاتن جايبه كم حاجة لكن كلهن واو وذوووق رغم انها ماتفهم في اللبس ابدا لكن اصحاب المحلات لاحظو توترها وفهمو انها مش من المدينة وقعدو كلهم ايساعدو فيها وطلعت بلبسات خياال بكل رغم انهن بسيطات مش اوفر
فهد ايتفرج وفرحان بذوق فاتن
جذبه فستان ابيض طويل فيه كرزات حمر عجبه بكل بكل
وبرم ع الزيانه وايشم في العطور
وجدان: صلوحه معاك فلوس؟
صالح: أنعم امعاي تبي حاجة
وجدان: نعطيها لك من الأخر العروس حسيتها مش جايبة عطور كويسة والله باين علي خياتها انهن قزونات واول مرة تطلع منهن عروس
صالح: تمام تمام فهمت عليك حاضر توا انتكي علي محلك متاع العطور اللي ديما تاخذي منا وخوذي اللي تبيها
نزلت وجدان علي محل عطور وخذت بوكس كامل لوشن وعطر ومعطر جسم بمبلغ وقدره
صالح: مش خسارة فيهم عادي توا نقوله ايغلف
وجدان: ايوه جيت بنقولها لك خليه ايغلفها بيش انشيلوها له توا
فهد هايم وايتفرج ع الدبش وايدق الباب انفجع وطلع
صالح: ههههههه كبسة
فهد: يرا فجعتني وانت تقول جثامه
صالح: قبل جايبلك هدية لكن خسارة فيك معش بنعطيها
فهد يضحك: والله شنو
صالح: هذي هدية بسيطة من وجدان لفاتن حطها ع الزيانه قالتلك ولما تجي العروس قوللها من سلفتها وجدان مش تدير روحك انت اللي جايبها
فهد: بارك الله فيكم ليش متعبين ارواحكم يراجل الماركة هذي نعرفها غالية بكل
صالح: مافش حاجة غالية علي مرات خوي
فهد: انعنكم ماتغيبو يالقرعة
صالح خبطه علي كتفه: ادلل خيي نتلاقو بعدين
وجدان: شن صار
صالح: لا تمام خذاها وياخذها غصبا عنه كلفتني خذك الحسبة
وجدان: ههههههههه عليك البخيل
صالح: يرا هضا كله وبخيل حرام عليك
وجدان: تكي علي هلي ناخذ لعيال
عويشة: ماشاء الله يافاتن عليك حوش خياااال برا سيراميك واحواض ورد وضوايا
فطومة: الأثاث ايجنن
عويشة: ياخيه نختصرلك زي حواشين الأتراك
فاتن: عليك مبالغة
فطومة: والله صح ايجنن بكل الحوش ومأثث كله حتى الممرات امفرشهن وحاط فيهن زرع وطاولات
عويشة: لكن عندك وحدة سلفاتك تررر بكل وثقيلة
فطومة اتفنص فيها
فاتن: خليها تحكي بلا طروح را نضربك
فطومة: سبحان الله ذكر مستحيل اتغير لا فرحها لا عزاها
عويشة: ههههههه تافها خزي
فاتن: احكي كنها
عويشة: لا شي غير تدلع وتشقلب في عيونها
فاتن: حليها تشقلبهن نين تبطل
فطومة: اقهريهن بلبسك ومكياجك
فاتن: ياكلا مكياجك ، المهم شوفي درت الفتله والحواجب
فطومة: ماشاء الله اتلقي لق قعدتي
فهد حط بوكس وجدان ع الزيانه وطفا ضوايا الحوش وطلع
عند فاتن امشنقه كرعيها وايحنن فيها بنات عمها
عويشة: يعععع قصدكنفي فرحي نحني عند فوق
فطومة: في فرحك صار
فاتن: خليها تحلم
فطومة: قصدك فرحي انا اكيدة
البنات يضاحكن
خشن عليهن عماتهن بصفر قهوة وحلويات والعجايز لكبار بدن ايغنن في علم وبدا الجو درابيك وتصفيق
( مبروك الحنة ف اقدامك والخير وراك وقدامك )
( الليله ليلة حنايات وبكرة عند عزيز اتبات )
وجو من الأخر وكلهن ايتفرجن علي فاتن وهيا منحرجة ????????????????
ثاني يوم البنات واعيات من الفجر معاهنفاتنايجهزن في فطور جماعة لسياق وفرحانات ضحك وهداريز معاهن خالاتهن وعماتهن وصبايا عمامهن وبناتهن
الحاج سعد يبرم وخايف تنقص شي حاجة
فتحية اخته: ريت ياسعد غير تريح والله كل حاجة قاعدة امعرمة وكل شي ساع ايجي كيف ماتبي واحسن راك مريض وصقع عدي خش بطاطينك
الحاج سعد: هي ماشي
فتحية اتعيط للبنات: ابرمن ع المربوعة يابناويت
فطومة: كملناها الحوش ياعمتي لمينا وسيقنا الحمامات وبخرنا فاسوخ
فتحية: حطي طاولة كبيرة عبيها كبابي امياه وحلاية شكلاطه والعصير ومثردين عبيهن حلويات
عويشة: يلقطوهن لعيال ياعميمه
فتحية: ماعليك توا انوصي عليه ونيس ايخافو منا
فطومة اتوتي في اصفر واتحط علي طاولة المربوعة
الصبايا في الكوجينة البرانية ايقشرن في الدحي ويبرمن في التمر وايهدرزن ويضاحكن
عويشة وتت المنظومة جايباتها بنات عمها منظومة كبييييرة وكلهن لابسات سروايل وبلوزات واسعات متحشمات من الشباب
فاتن: عويشة زيدي حطي كم فحمة وبخري
عويشة: خلاص صارلنا اختناق
فاتن: غير بخري بس عشان الرجالة ايخشو علي نظاف وبنة سمحة
فطومة: تمام كملت انا تبن حاجة
فتحية: فاتن رد بالك تقربي لمياه خلي حنتك تصبع
فطومة: ماشاء الله اتجنن حنتها الله اكبر من توا بادية تنسود
فاتن::انا قبل مانبيهش سودة
فتحية: لا بالعكس خليها كل ماتصبغ كل ما أحسن
كل شوي خاش واحد ينشد ع الفطور
عند فهد
جايبين تنادر معبيينهن لسياق وجماعة فهد كالعادة جايبين بساط واربعطاش ونص وخوت فهد ايعاركو
أكرم: فكونا من المعيله واخذين شياب اكبار اتخلعوهم
اصحاب فهد مشيكين ولابسين طرحات ونظارات
والمصور ايصور في لسياق والصبايا ايصفقن في الصور جوا
صالح بصوت عالي: هيا ي جامعة توكلوا علي الله مزال ورانا طريق طويلة
حاتم: فكونا من العويل لصغار
صالح: كله ضناي راكبين معاي
حاتم: حتى نا راكبين معاي
أنور: اسف ع التدخل بم انكم واخذين ضناكم ضنا من اللي يقعدو مافش حد الا ضنوتكم السودة
صالح: ???????????? يرا حل صبح را نقوللها معش تضحكلك
حاتم: من هذي
أنور: اتقولها انيكك بدماغ
صالح: خلاص خطا وجهي معناها
حاتم: والله تقول شنو
صالح: يرااا تباعد غادي وانت طالقة فيك عزيزة القصقصة
حاتم: توا نعرفها بروحي
صالح: مع انك مكبد في اعزوزة لكن ماتحمل طاري عيت حنه بكل خيييزي
حاتم: ومن ايتحملهن الجنس اللطيف
صالح: راجي انديرلك تسجيل وانت تقول فيها
حاتم عدا يجري
المصور اينظم في السيارات وايصور مسكين بهدلوه جماعة فهد ايمتعو
حسام شايل منظومة اكبر من السيارة وطالع من فتحة السيارة وامولعها
والسيارات اللي ايخطمن كلهن ايتفجرن ويضحكن
الشياب ايعاركو: شوو الدي ياعويلة هالخبر ايسما مزلنا ماخشينا ع العرب
خوات فهد جايبات مضيفات من يوم لسياق في الصبح ايسيقن في الحمامات وايقدمن مافش حد يخدم كلهن مقعمزات والمضيفات ايضيفن وحتى الحوسة ايلمن فيها أول بأول
مكملاتها لبس ومكاييج ويسابقن من احلى منظر
هل فاتن الصبايا زغاريت ودرابيك والمنظومة والعة والفاسوخ والبخاير
والبنات يجارن وحدات ايجيبن في اغسالات للشياب وحدات ايعطرن واينظمن في ارباعات الفطور
شوي وسمعو صوت تبييب وتفريغ
طلعن يجارن
فطومة دايرة شعرها ذيل حصان ولابسة بلوزة فوشي وسروال ابيض
فتحية: طيح سعدكن انسينا السمن
فطومة توا نمشي نجيبه ع السريع
فتحية: الله ايربحك السمن الوطني يبي نار هادية بسرعة عدي
فطومة طلعت تجري ولمحوها الشباب وعطبك علي خشمها منها لمحة مسكينه لعيون كلهن عليها وسيبو لسياق وقعدو يحكو
حسام: هالغزال المن ياربي
فادي: اسدسه مالها شي وصف م الزين نين تمشي ديدحه ????
أنور: والله عيب عليكم البنت خشت تجري واضح انها متوترة ومستعجلة
حسام: خمسين ناقة لمن ايجيبلي بنت من
انور بضغط: الغي الفكرة البنت شوري
حسام: سامحنا شفنا بضاعتك
انور رقاله و
يتبع الحلقة العاشرة …….

رواية بنات البادية الفصل العاشر

بنات البادية
رواية ليبية حقيقية 100%
الحلقة العاشرة ( 10 )
فطومة طلعت تجري ولمحوها الشباب وعطبك علي خشمها منها لمحة مسكينه لعيون كلهن عليها وسيبو لسياق وقعدو يحكو
حسام: هالغزال المن ياربي
فادي: اسدسه مالها شي وصف م الزين نين تمشي ديدحه ????
أنور: والله عيب عليكم البنت خشت تجري واضح انها متوترة ومستعجلة
حسام: خمسين ناقة لمن ايجيبلي بنت من
انور بضغط: الغي الفكرة البنت شوري
حسام: سامحنا شفنا بضاعتك
انور رقاله ودفه
حسام: كيف صار كنك صدقت روحك والا شنو من وين تعرفها البنت ، قصدي يصاحبي تبيعني عشان بنت مدرعنها توافق عليك والا تعزقك
أنور: انا دافعت عليها لأني حسبتها عرضي قبل كل شي وحتى لو مانبيهش م نحبش المعيلة هذين اعراض ناس
فادي: ماشاء الله بركاتك ياشيخ
حسام: تم بكل يا انور طلعت عيل
انور: يرا اطلع من راسي ازح البنت لي فترة انتحوحز عليها مابت تعطيتي وجه
فادي: مهزب اصلك
حسام: قصدي مدور شي خيي لكن ع الأقل كمت اتفهمني بشويش مش اتركب فيا
فادي: خزي مغولي
انور: اطلعو من راسي
صالح: شن في شباب تعالوا انزلوا الدبش
خالة فهد نوارة اتشفط علي سارة: حي عليك اصغر منك وسمحة قالوا توا تبدن في جو الغيرة عد
سارة: منجدك خويلة سارة تغار
منيرة: ماشاء الله واثقه الأخت هههههههه
نوارة: عالخبر ماتحق في حد سويرة
سارة: الحمدلله ماناقصني شي بيش نقارن وحدة بيا في القمة دائما
منيرة: سمعتي العلل ههههههههه
وجدان: تي وهميه فوتنها
امينة: لكن عليك دبش طايحه فيه يابتي علي ما برمنا في هلسواق مالقيتا
وجدان: تاخذ من مكانات معينة والا بخدمة توصيل من برا صدقيني
منيرة: امبدري طلعت فستان دزاته معا أكرم يابنات ياخذ العقل ايجنن
وجدان: شفته حلو لكن مش لدرجة المبالغه انتِ الثانية ، بعدين نحن شن ناقصنه مغير نسلمو
خشت عزيزة لابسة بدلة رسمية زرعية
وجدان: اهو جاكن الربيع
امينة: ههههههههههه اهو الدق علي اصله لا ماركات لا عطاب زقر
منيرة: لا اكيد اتبصر عزيزة صح كنها تقول تلعب في صبايا الستر ياربي
وجدان بدموعها
عزيزة: شن الجو ياسلفات العازة
امينة: مرحبتين اعزوزة وين هضا كله
عزيزة: نلبس وانمكيج ماعندنا مانديرو عمتي جايبة خدامات نحن علينا غير انتأنقو
منيرة ماسكة الضحكة
امينة: خدامات؟ اسمهن مضيفات يابتي كنك انتِ
عزيزة: طول عمري عارفتهن خدامات
وجدان: علي راحتك ياحنه تعالي قعمزي هنا شوي وايمدن القهوة نقعدو روسنا
عزيزة: لابسة ومتأنقه عشان انقعمز ؟وحياتك نمشي نرقص نين نقول بس
وجدان: تقهر فيا كلمة متأنقه
منيرة: كان انتِ تقهر فيك انا تسحن فيا سحن
وبدت عمتكن عزيزة ترقص تقول غسالة فاكة التأمينه مصبيه في مكان واحد وترعش
امينة: اااه معش نقدر انا
سارة: توا انصبي انا
لعيون كلهن علي سارة ترقص وتشخلع تحساب روحها ترقص لراجلها
امينة: ربي يعطيك الصحة
عزيزة تمسح في عرقها: الله ايسلمك شن رايك
امينة ماسكة ضحكتها: ايهبل
عزيزة: خشي أرقصي
امينة: تبصري صح مانعرف بكل هههههههه تبيهن يضاحكن عليا
عزيزة: لا صح صدقتي اصحاب العويل صباياهم برانيات ورافعات عيونهن لنا ربي يحفظنه من العين
فطومة: اعميمة وهذي مافيهش تمر
فتحية اتعارك: جرن جاي وانتن فالحات غير في لمباوعه كان ايحقوكن الرجالة ايقطعو رقابيكن نعن ثردة تقول ماعمركن ريتن رجالة كشفه لك وجوه
عويشة تضحك: بس طروف ياعميمة تعالي شوفي بروحك خبر ايخليك تسرحي ومافي نيتك
فطومة: عطك دا تعالي ساعديني ايدي تسنجن
البنات ايوتن في الرباعات وشباب العيلة كل شوي ايخشو
فطومة: مديلي وشاحك ياعميمة انتِ عادي بلا محرمة
فطومة لبست محرمة وبدن ايطلعن في ارباعات برا ايقربن فيهن للرجالة
عويشة: فطومة ارفعي راسك
فطومة رفعت راسها وجت عينها في عين أنور من بعيييييد لابس سروال امريكي وجاكة قهوية وكويش ابيض فيه خطوط قهوية وحاط ايديه في جيوبه وعينه في عين فطومة وضحك ضحكة خفيفه وحول عيونه خايف اصحابه يفطنوله ويزقبوله
عويشة: عليك السمح كله هو
فطومة: بككككل خذا عقلي الكلب
فاتن اترتب في لسياق في الدار واتنظم فيه ومعاها كم بنت اخرى
الشباب خشو ياخذو في لرباعات وفتحية تدعي المثرودة تقعد كويسة
التمو الرجالة كلهم ع المثرودة وضحك وبصارة
أنور: نقنها مثرودة من عين عينها الحق
حاتم: وسوايات اخرى يانعلي منهن وخلاص
صالح: شخصيتك تقوى لما تطلع من الحوش
حاتم: شن قصدك ياكلب
صالح: لا شي
أكرم: فوته يراجل خليه مصدق نفس علي روحة تزقبله انت
حاتم: حتى نا شاقي ناكل معاكم نمشي ناكل معا ابراهيم ومنصور
صالح: ابراهيم ومنصور كملوا صفرتهم وزقبو للعويل لصغار
أكرم: عليم الله انها طيبة الله ايبارك
صالح: عرب مزارع شورهم الحاجة السمحة
حاتم: ايتهى بيها فهد ان شاء الله
صالح: حتى هو مش مصدق روحة في حلم والا علم اول ماعرفها طول خطبها
اكرم????: ربي ايهنيه يراجل خطاه بس
الصبايا في الكوجينة البرانية ايراجن في لرباعات بيش يغسلن وايسلمن مهمة الغداء للسواية والغسالة
شوي وبدن ايجن لرباعات
أنور: لا والله مافيها شي انساعدكم
حسام: شوف أنور صاحب واجب ????????????
فادي: تي دحناس خيزي
انور بصوت عالي: هي شباب مدولي
حسام: غير قعمز بلا نوطرة كشفت بينا تقول عمرك ماشفت بنت
فادي: خسارة ما بنات الجامعة كانن شهدات عليك مافي شكل ولا عرفته
أنور: خزي قطاعين ارزاق خطوني خلوني نشتغل
فتحية: ماشاء الله،صحة واكلين وكلة سمحة الحمدلله
فطومة: سلم دياتك اعميمة واضح انها عجبتهم ههههههههه
عويشة: كله الرجالة يمسحو الكبد شوفي اصفر عيت حنه
فتحية: اي والله ربي يعطيهم الصحة ان شاء الله ماشاء الله
الكاتبة جمان الزياني
حنان: صبن ديرن جو كنكن متردعات تقول عسكرية
سارة: هههههه خلاص انا خذيت حقي خليني انعقب حاجة لليل
حنان: ربي يعطيك الصحة الصبايا يسألن عليك عينكن من ارواحكن واقرن المعوذات
سارة: ماتشوف في حد علي اساس انها السلفة لصغيرة السمحة
في الليل
فاتن لبست رداء وردي وذهب ومكيجتها بنت عمها مكياج ايجنن طالعة باربي
طلعنها البنات وعلن صوت الإذاعة والصبايا كلهن بعد شافنها قعدن ايصلن ع النبي
عويشة وفطومة وفاتن اذكرن امهن وقعدن يبكن وللأسف فاتن خربت مكياجها من كثر لبكاء وقعد الحوش كله يبكي معاهن والعجايز ايغنن في علم ع الفقد
صبت عجوز كبيرة قعدت تعارك : لا اله الا الله ياصبايا حرام عليكن هي انتِ يابنية طفي هالعطيب اللي ايعيط وتعالن انشتولها
فاتن مسحت دموعها وقعدت تضحك
والبنات كلهن يضاحكن وطفن الإذاعة
وصبن كلهن ودارن صابية سمحة
( تهنى ياراقد لقبور ،،، الليله حوشك فيه النور )
( ياراقد لقبور تهنى ،،،، زرعك صابا صاير منه )
وعطن فاتن حقها شتاوة في جرتها شتاوة الصابية طقت حتى في الرجالة من علو الصوت وقعدو يصنتو فيهن
والبنات صبن فاتن وقعدن ايرقصن فيها وهيا منحرجة بكككل
وبدن البنات في التطريفة
نسكافيه ونوعين حلويات
بعدها عصير طبيعي وشكلاطة
وشاهي خضر وحمر بالرغوة واربع انواع موالح والحوش معبي عرب بمات العيلة كلهن مصبيات علي كراع واحد ويجارن يبن كل حاجة تجي سمحة وفطومة وعويشة صاحبات المناسبة ماقعمزن بكل يجارن يجارن وايمدن وايلمن في الكواغط
وايسيقن في الحمامات
طبعا تعليمات فاتن قبل الفرح هههههههه
عند هل فهد
معش تعرفيها تطريفة للعريس والا عرض ازياء ????????????????????
عكس اهل فاتن تماماً
هل فاتن مش مدققات ع اللبس اكثر من انهن ينسترن في المناسبة وكل حاجة تجي سمحة ومنظمة
ونصهن لبسهن عادي جدا المهم عندهن اللمة والضحك والهدريزة السمحة
هل فهد كلهن عند كوفيرات وفساتين وحدة قصير وحدة طويل وحدة دراعة المهم كلهن عليك الباس ومكاييج اوفر وذهوب
ومضيفات هنا اللي ايقدمن وايغسلن
حنان ام فهد تفتح في القفة وتزغرت معاها نوارة اختها و وجدان ونجاة
امينة: مش قفة تهيالي عطار هههههه ماهناك حاجة مافيها
منيرة: ماشاء الله الحق كل حاجة سمحة
امينة: نية فهد كويس معاها كلها وضحاك وبصار
سارة: اكرم قالي فرحان فرحة
منيرة: كان تشوفي منصور قالي شاك فيه يعرفها من قبل البنت
امينة: زعما يابتي
سارة: نتوقعها لأن فرحته بمبالغ فيها
امينة: يانعلي كله انتن شن فيها بالك البنت سمحة لدرجة كبد
منيرة: مش كل حاجة سماحة ياخيه مرات حانطه مدرعنها المزقودة امتى تجي خاطري نشوفها
سارة بتكبر: خلاص هانت بكرة نشوفوها ان شاء الله غير تقعد حاجزة في فيلو ايناسب القاعة بس
القاعة من ارقى وافخم القاعات هنا
في الليل بكل عند الحاج سعد
الصبايا طلبن من البنات ايفرشن برا في المزرعة ويسحرن برا
وحدات خشن للحوش وحدات للسحور وفاتن اتساعد فيهن ع الحوش وبنات عمها ايعاركن فيها غير خشي للدار ماعليك فينا
ولمن البنات الحوسة كلها وشفطن وسيقن الممرات والحمامات وبخرن
وتن السحور من لسياق طبعا ????
تن وهريسة وزيتون وحلوة طحينية وجبنة
وخبزة ساخنه وشاهي وحليب
اشوي وخشن الصبايا لقن البنات لامات الحوش ومفرشات المراقد طاحن كل وحدة في فراشها وقعدن خراريفهن يربخن
فطومة: ااااه كرعي يابنات معش نقدر خلاااااص نبي نطيح نرقد
عويشة: خلاص كملنا مواعين ، شكرا يابنات ان شاء الله نصبولكن في الأفراح
فطومة: عويشة شن بتلبسي
عويشة: قفطان وردة بنت خالتي
فطومة: باهي تمام
عويشة: بكرة ماعندنا شي نحن صح متريحين
فطومة: اها الحمدلله فاتن تمشي للكوفيرا ونا وياك نقعدو هنا مرات في وحدات يلبسن عندنا
عويشة: خسارة قبل نبي المشية معا فاتن للكوفيرا
فطومة: شن نديرو الفرح لنا مانقدروش انسيبو الصبايا برواحهن يبن غداء وقهوة
عويشة: ماعلينا جايبات كوفيرا توا تديرلنا شعرنا ياحنه ونتوكلوا علي الله ونمشو للقاعة
فطومة: الحمدلله عمتي حنان قالت خلاص اتجو ع المغرب وتخشو للقاعة طول لا تعب لا شي
عويشة: خلاص خلينا نرقدو بيش نوعو مصحصات اليوم تعبنه بكككل
سارة لابسة بيجامة ضيقة وقصيرة
شافنها سلفاتها كلهن لبسن بيجامات
نجاة: شوفي صبايا خوتك عليك اطياح سعد
سلمى: ت هضا ايسما كنهن يحسابهن ارواحهن في حواشينهن عيب شنو هضا
نجاة: حتى العجايز ايعاركن امبدري نسمع فيهن ايوشوشن عليهن
سلمى: فيش ايقولن عليك اطياح سعد فينا
نجاة: قالن اكبار مش لهن الخبر هضا
سلمى: صدقن تخيلي ايخش واحد من العويل عيب مهما كان مافش خبر من السترة ماعندهن عليش يعرضن توا ليل خلاص والله توا طالعات جلاليب متاعات نوم كيوت بكل وحلوات ومستورات
نجاة: اسكتي كشفن بينا تقول عرايس مكاييج ولبس وعرض ، كان جايبين عاملات يعني خلاص مفروض ايصبن مرة مرة يبرمن ايديرن جو لرواحهن حتى قدام العرب البرانية بس
سلمى: حتى امي رقالها ، هابا عليك بخت ، بخت أمي ماطاحت في وحدة تمسح الكبد بكل
نجاة: ماعلينا خلاص بكرة اخر يوم بعدها يفتحلهن ربي
سلمى: اللي تقهر ان نحن نصبولهن في اجيابهن نشيلو في المناسبة علي روسنا خاطي دفع لفلوس وامي تحط اللي فوقها وتحتها
نجاة: شن نديرو نسترو في ارواحنا قبلهن
سلمى: هيا نلبسو استرتشات حتى نا وياك هههههههه
نجاة: لا والله معاي جلابية انفاسي وحياتك ماني لبستها الا هي كله ايخشو علي خوتي ونا متزرطة في سروال ومالية فوق الصرة لا والله ربي ماقالها
سلمى: هههههههههههه والله خبر شين ربي يهديهن
الأجواء والبساطة كلهن عند هل فاتن ????????????
ثاني يوم في الصبح
فتحية طابخة طنجرة كبييييرة دحي وسخان كبير حليب والبنات لابسات اتوت مستورات ????
وايوتن في الفطور للعرب
والنية نظيفة مافش حد ايزابي في حد كلهن يد وحدة اللي تقشر في الدحي واللي تقرض في طماطم للتن وايوتن في اصفو وتباسي ويضاحكن علي لقطات صارن يوم التطريفة
فاتن واخدة كيس فيه كعبها وحاجات بتاخدهن للكوفيرا وتفكر واجد وخايفه
عويشة: معش تفكري كنك انتِ خلاص بتمشي للكوفيرا وان شاء الله تطلعي كيف ماتبي
فاتن: لا عادي مانفكرش
فاتن: اها واضح بكل
فاتن: نجكلي ديرن بالكن علي باتي را ينسى دواه بأستمرار
عويشة: حسستيني بننقطعو علي بعضنا توا تقعدي تجينا ونمشولك
فاتن: شن ندير عاد متعودة عليكم معاي ????
البنات ايعلمن في فاتن كيف تخش للقاعة
ويضاحكن علي حركاتهن وكل وحدة تقوللها تدير حاجة وهي تضحك عليهن نين باتها قاللها هيا
وجدان: لا الكوفيرا جيتني لشقتي فوق انا
منيرة: نعلي نبيها اتمكيجني الله ايربحك اللي عابية عليها بلدتني
وجدان: تمام باهي تعالي معاي فوق
سارة: ركزيلي علي رسمة لعيون نبيك اتطلعيني عروسة
الكوفيرا: حاضر تبي عدسات ورموش؟
سارة: نقولك عروس تسألي فيا منحدك انتِ
الكوفيرا: عادي في عرايس مايحبنش لرموش والعدسات
سارة: لا نا نبيهن هذكين مايفهمن في الميك اب
فاتن: عنجد عدسات رد بالك حتى سلح مانعرف نسلحهن ولا عمري لبستهن ارجوك طلعيني طبيعية بكل ملامحي خليهن نفسهن لا تصغري لا تكبري عبارة عند حطيلي بودرة وروج وفضت
الكوفيرا تضحك عليها: حاضر فهمت عليك ، وصلت
فطومة: تمام هكي
عويشة: تهبلي يافطومة نجكلي????????????
فطومة: اول مرة نلبس وندير شعري هك ماعرفتش روحي هههه
الرجالة برا ايعاركو فيهن اطلعن وقت من المزرعة للمدينة
القاعة فاتحه وحنان ومعاها وجدان ونجاة يستقبلن في الناس
تقوول خليجيات فساتين فص ولمعة ومكاييج ودنيا حايسة
شوي وبدو ايخشو هل فاتن للقاعة وايسلمن
نجاة استقبلتهن وشالتهن لطاولاتهن
وايتفرجن ع القاعة واللبس ومنصدمات
عند فاتن
الكوفيرا هي شوفي روحك ع لمراية
فاتن برمت وجها ونصدمت

رواية بنات البادية الفصل الحادي عشر

بنات البادية
رواية ليبية حقيقية 100%
الحلقة الحادي عشر ( 11 )
شوي وبدو ايخشو هل فاتن للقاعة وايسلمن
نجاة استقبلتهن وشالتهن لطاولاتهن
وايتفرجن ع القاعة واللبس ومنصدمات
عند فاتن
الكوفيرا هي شوفي روحك ع لمراية
فاتن برمت وجها ونصدمت
طالعة اميرة من أميرات ديزني وقعدت تلمس في وجها منبهرة بالميك اب والشعر فلو وطالقته علي طولة وتاج والفيلو خيال خيااال بككل
لبست الكعب وبختلها الكوفيرا العطر وقعدت تستنى باتها
الحاج سعد: طلعلولي بنتي تمشي تجيب خيتها
صالح: نقوللهم من ياعمي سعد
الحاج سعد: قوللهم البنت الكبيرة
أنور: خلاص تريح ياحويج توا ايكلموهم لك
حسام: أنور يحساب روحه يخدم في عيادة
فادي: تي فوته دحناس يدحنس ع الشايب اشوي وايتلا بكف علي وجه
وجدان: باتك قال تعالي بيش تجيبي خيتك من الكوفيرا
فطومة: اها صح نسيت بكل وصتني قالتلي تعالي معا باتي خوذيني
وجدان: تمام حبيبتي راهو يستنى من بكري
عويشة: تهبل الولية هذي من جيبة الدبش اسلوبها لطيف بكل
فطومة تلبس في عبايتها: اها حتى انا لاحظتها وحتى فستانها بسيط مقارنة بالخليجيات لخرات هههههههه
عويشة: تي هنديات اوفر بكل حمر وخضر وازرق
فطومة طلعت بدون خمار لأن شبه مش دايرة مكياج اصلا عندهم عيب الشباب اتحني واتمكيج
الحاج سعد: هي خيتك مراله اتراجي من بدري
فطومة: حاضر هي
طبعا لعيون كلهن عليها وأنور مش عارف ايفنص في من والا من
في القاعة كلهن ع المسرح ايتراقصن ( يعرضن )
وسارة ترقص بالكعب وايخمسن عليها الصبايا
صبايا هل فاتن مستغربات الحركة وجعتهن وسكتن مايبنش مشاكل ايخربن فرحة فاتن
فطومة وصلت للكوفيرا وشافت فات وعلي طول دموووعها نزلن وتأثرت بكل
فاتن: اسكتي توا نبكي
الكوفيرا: لااا ارجوك ساد مالبستي عديات لا ارموش
فطومة: بس طالعة تجنن بكل
الكوفيرا: حتى هي الحق جميلة المكياج لونها بس ملامحكن حلوات ربي يحفظكن والف مبروك
فاتن: شكرا وسلم دياتك
الكوفيرا: سلمك ياعروس ، راك تنسي الفيلو دزيه ليا بيش انسلمك جواز السفر
فاتن: لا تمام مش ناسية
صوت التفريغ تعلى العريس وصل
استقبلوه جماعته بالتشتاي واسلاحات مادرو خير ????????????????????
شوي وتبييب سيارة العروس قلب الدنيا
وفاتن بدت ترررجف وخايفة
فطومة: اهدي كنك انتِ شن صارلك بسم الله
فاتن: تمام تمام نبي امياه بس
نزلت العروس وخشت لدار العرسان
حنان: الصلاتي ع النبي الله اكبر الله اكبر
نجاة: ماشاء الله توا غير عرفت ليش فهد استعجل بالجواز هههههه، اهلين ياعروسة انا اخت فهد الكبيرة نجاة ربي ايتمملكم علي خير يارب
فاتن: سلمك
صبايا العويل كلهن يجارن يبن ايشوفن فاتن ردتهن المشرفة قالتلهن خوات العريس وامه بس ايشوفنها الباقي كلكن لاورا هي
سارة: تي بعدي هك نحن اصحاب المناسبة
المشرفة: هذين تعليمات العريس ، عندك مانع ؟
سارة برفعة حاجب: تمام ريت هالحاجة الكبيرة
المشرفة: طالما مش حاجة كبيرة استني نين اتخش وتشوفيها ????
فاتن::لالا انخش بروحي بعدها هو توا ايخش مستحيل مانقدرش انخش امعاه
نجاة: ليش يافاتن توا ايديرن فيها العرايس
سلمى: صدقت خليها براحتها
فطومة: شربتي مياه
فاتن: تمام الحمدلله
حنان: المصورة تبي تصورك لكن ضروري معاك العريس ماتجيش تصورك بروحك
نجاة: التصوير لما يبو ايروحو المصورة تاخذهم للغرفة اتصورهم بعدها ايتوكلوا علي الله
حنان: انا زي مينتك اي شي تبيه قوليه ليا تاخذي عويناتي لثنين
فطومة عيونها دمعن سمحت دموعها طول ماتبيش فاتن اتأثر
سلمى: ونحن خياتك مش صبياتك ههههه اي حاجة قوليها لنا مزال اختي رحمة جايبة مالها شي وتعبانه توا بعد اتصح وانتِ طيبة اتعرفي عليها
فاتن: ان شاء الله لاباس عليها
المشرفة: وين العروس ، شن صار هديتي ياسمحة توا امورك تمام نقدرو نخشو؟
فاتن: اها تمام ان شاء الله قلبي ايدق بسرعة بس
المشرفة: عادي هذي رهبة العرايس ماتخافيش نبيك تخشي خشة سمحة في عرب واااجد جوا اتراجي فيك تبي تشوفك
نجاة فهمتها وقعدت تضحك
سلمى: فاتن خشي بثقه وارفعي راسك وأضحكي راهو خشتك هذي بيقعدو ايخرفو عليها سنة تامة اسأليني نا ههههههههه
فطومة خايفة اكثر من فاتن
حنان: يابي كنك انتِ بسم الله
فطومة: خايفة ومتوترة تقول نا العروس ????
سلمى: عطك الخير ضحكتيني
المشرفة: هيا ياعروس تعالي عند الباب
حطو أغنية هادية وانفتح الباب بشويييي وبانت العروس فاتن ????????????????????????
فاتن امصبيه كلها ثقة ومبتسمه ولعيون كللللللهن عليها خاصة سلفاتها وسارة تبي تاكلها بعيونها
فاتن بدت تمشي بشوي بشوي وراسها مرفوع ومبتسمه هلها كلهن يحكن كيف طالعة اتجنن
والقاعة بصفة عامة منبهرين بجمالها وطول شعرها وكل شي فيها خيال خيال خيال
سارة ازمطت لما شافتها ومش غير سارة كلهن ازمطن وانصدمن فيها هنا سمعن ان فاتن جميلة لكن جمال وكريزمة وحظور واجد عليهن هك
وجدان: سمحة
منيرة: اها كويسة
امينة: مش غير كويسة لقنها سمحة سمحة ماشاء الله ربي ايهنيهم
عزيزة دايرة تسريحة مطنشة وطالعات منها خصلات تقول نافورة
سارة اتبزيها ماتطلعش دم ????????????????????
رقت فاتن والمشرفة سقمتها ع الكرسي والفرقة خشت وبدت اتلعلع
عويشة رقت معا فطومة سلمت فاتن وضبطتها
عويشة: طالعة خياااااال بكل بياكلنك الصبايا
فاتن: نجكلي
فطومة: خلاص ننزلوا نحن واضحكي هذي ليلة العمر
فاتن: عينكن من باتي راكن تنسن الحبة متاعه قبل مايرقد وفطومة الله الله في السعي والورد
فطومة: اخخخخخ كان ماني قدام العرب راني ضربتك سعي شن دوته توا غير الهي في عمرك
عويشة تضحك: انزلي انزلي خير ماننجلط وايسموني المجلوطة في عرس اختها
رقن السلفات الخمسة ايسلمن علي فاتن
وفاتن عرفتهن طول سلفاتها من النظرات ودايرات طابور واحد
المشرفة من بعيد تضحك عليهن
وكل مرة وحدة ترقص قدام فاتن وتعرض وفاتن مئ معاهن بكل اتفكر وخايفه وكأنها في حلم مسكينة
شوي وقالوا العريس بيخش
هنا القاعة كلها هدت ولعيون كلهن ع باب القاعة يبن ايشوفن فهد
فهد طالع جنتل بمعنى الكلمة……
انفتح الباب وبدت ولعت اغنية يامية هلا رجعت لصدري الروح وكانت طلب من فهد والكل انصدم في الأغنية يحسابو فهد وفاتن علي علاقة
فهد خش ولعيون شور فاتن
فاتن مصبية ولابسة الطرحة وتررررجف ترررجف وماسكه روحها بالغصب
الكاتبة جمان الزياني
حنان معا فهد نين وصلاته للمسرح بعدها سيباته
فهد رقا وطول وهو امصبي قدامها عويشة وفطومة قلوبهن طاحن خافن كنا مابش يرفع الطرحة
فهد عيونه يلمعن رفع الطرحة وباسها من جبتها وهو يضحك وقاللها مبروك عليا انتِ ياجدي الريم ♥️
فاتن ضحكة: الله ايبارك فيك ومبروك عليك أنا
فهد ضحك بالقوة علي كلمتها وقريب اضبطها ????
الشبابات في القاعة لما فهد ضحك كلهن قعدن ايعيطين فهد قعد ايشيرلهن بيده ???? يعني ياما جايكن من خير
فاتن خافت معش عرفته شن بيدير
قعمزو وفهد كملها يضحك وايهدرز لفاتن وهي منحرجة بكككل
رقن عمات فهد وخالاته ايسلمن عليه
نوارة: الله ايبارك الله ايبارك عريس سمح وعروسة سمحة وحوش سمح وفرح سمح خميسة خميسة علي عويلتنا
فهد يحكي لفاتن: هذي خالتي نوارة لشورخ وتكبير المواضيع
فاتن تضحك
فطومة: زعما شن قاللها كنها تضحك هك
عويشة: اسكتي قريب نرقا نقوللها شن قالك هههههه
فطومة: ايهبلو ايهبلو تخافي عليهم من العين
فهد: شنو نرقصك؟
فاتن: ارجوك لا مانحبش الأجواء هذين
فهد: انسي المزرعة وخليك معاي عارفك اتفكري فيها
ومقدر حبك لها توا عيشي اللحظة وبعدين نديرلك مزرعة ونجيبلك حتى خيل
فاتن: ندوي جد
فهد قعد يضحك وعرف يلعب ع الوتر الحساس
خلاص فهد قال لأمه ان بيروح
حنان: تمام هيا لكن المصورة اتراجي فيكم في غرفة العرسان لوطة
فهد: تمام هي فاتن هاتي يدك
مسك فاتن من يدها وشاف دمعتها
فهد بصوت هادي: لا ماتفقنش علي هكي نحن صح ومسحلها دمعتها
والبنات: ووووووووه
فهد يضحك: فوتيهن لمطرشقات هذين وتوا فكيني من لبكاء را نسيبك
فاتن رفعت حاجبها
فهد: هههههههههه نبصر ماصدقت حصلتك
ونزلوا وقريبات فاتن ايشيرلنها باي باي
وهي تشيرلهن
فطومة وعويشة اختفن بكككل مايبنهش تشوفهن يبكن بالعبرة نين يشغلنك
نجاة تبكي: خلاص والله نزحتني معاكن معقولة تبكن علي خيتكن عروس بعيد السو عليها ليش الفال مش كويس لها
فطومة: هيا أمنا وكل شي
نجاة: عارفة لكن والله اطمنن عليها فهد حنون حنون نين تقولي بس ماشفتي كيف فرحان بيها قريب ياخذها وايطير بيها من كثر الفرحة
عويشة: الحمدلله المهم هيا متريحة
نجاة: أها وراها توا تقعد تجيكن وتجنها والله غليتن علينا بكل نا وامي واختي
فطومة: تسلمي مالكن الا قرعتكن حتى انتن خشيتن خاطرنا بذوقكن واخلاقكن
نجاة: نجكلي ياحبيبه خلاص هي تعالن انخشو للقاعة العرسان قاعدين ايصورو
المصورة: لا مش هكي امسك يد ويد لخرى حطها ع جنبها
فاتن: معلش لو سمحتي خوذي صورتين ذكرى وخلاص ليش التعب هضا كله
المصورة: الواضح ان العروس مستعجلة
فاتن بصدمة: ع شنو عطك حبة
فهد يضضضضحك: هي هي صوري اخر صورة نبي انروح
المصورة مقهورة وتصور وهي ساكته
فهد لبس فاتن برنوصها
فاتن: كلملي خواتي انسلم عليهن قبل مانطلع
فهد: لا فكيني تقعدن اتباكن وجو شين
فاتن: مش ماشية الا لما انسلم عليهن
سلمى: فاتن تبي اتسلم عليكن وماتبكنش باهي خلنها تمشي متريحة حرام تنشغل
لبسن عويشة وفطومة عباياتهن وطلعن سلمن علي فاتن وماسكات ارواحهن مايبنش يبكن
فطومة: عيشي اللحظة زي ماوصيتك
عويشة: ان شاء الله طريقك بيضه توا انجوك ماعندك وين تهربي منه
فاتن: نجكن لي سلملي علي باتي وراك تنسي دواه يافطومة
طلع فهد بعروسته وركبو في السيارة وقعدو برواحهم
فهد: وأخيرا قعدنا بروحنا ازحح شن الجمال هضا كله ياعروستي السمحة ، ربي ايباركلي فيك
فاتن: آمين
فهد برم لقا اصحابه كلهم في سياراتهم ويبو ايزفوه عند حوشهم
فهد: كان سمعتي تفريغ ماتخافيش هذيم اصحابي بيديرولي زفه بطريقتهم الخاصة
فاتن ضحكت وفهمت عليه
وفعلا بدو الجماعة تمتيع وتفريغ واينابشو فيه بالسيارة هك وهك وفهد يضحك عليهم نين وصلوا للحوش
فهد طلع من القزاز: خلاص بالك تروحو ياغوالي
أنور: تي أنا سيبت لكبيدة في القاعة عشان نزقبلك
حسام: نزلها ياحبي بالفيلو اتديرلنا قهوة
فهد نزل عليهم: يرا سألتكم بالله اتروحو
الجماعة كلهم مع بعضهن: وحياة خشمك مانا ماشيين نين نشربو قهوة من ايدين العروس
أنور: تي نقولك لكبيدة سيبتها عشان نعششلك تقولي روحو
فهد نزل فاتن بشويش وفتحلها الباب وقاللها سامحيني عارفها لقطه بايخه ماعليك توا نديرها انا القهوة علي اساس انتِ درتيها
فاتن: لا والله نديرها لهم حتى بالفيلو
فهد: نعلي نا ياربي
فاتن: جهزلي صفرة حطلي فيها فناجين
فهد: هي نفتحلهم بس ونخششهم للمربوعة
فاتن طلعت بكرج وقعدت اتدور في القهوة نين لقتها وتبرم بالفيلو مسكينه ومنظرها طروووح ????????????
فهد فتح للجماعة الباب خشو للمربوعة وقالوله علي من تضحك معش اتخش جوا نين الولية اتدق ع الباب
فهد: خزي زارقين علي كل حاجة
أنور::علي من ياحسن
فهد: ساهلة وربي انشعفك أنت بذات
أنور: كان خذيت اللي بالي بالك دير اللي تبيها بات حتى فوق التنك
فاتن لما فهز معش خش عرفت طول أنهم مسكوه جهزت الصفرة ودقت ع الباب وفهد خش خذا الصفرة منها
فهد: مش ح نطول عليك خليك بالفيلو بنشوفك بيه اكويس
فاتن قعدت مصبية وتدور في دار النوم لعند لقتها
وقعدت اتفرج عليها وفعلا نفس ماقالن عويشة وفطومة الحوش حلو بكل ومريح
أنور: تم ياعريس وسامحنا ليلتك سعيدة
فهد: سلمكم ياثلوبة عاودوها
حسام: تمام معناتها بكرا احسبنه في غداء
فهد: يرا انجامل فيكم وانتو ماتصدقو عدو مربوحة هي
طلعو الشباب كلهم فهد رفع الصفرة وحطها في المطبخ والباب دق
فهد: يرا شن في
أنور: جايبلك عشاكم ياقليل الخير
فهد: ههههههه امنور نونو
أنور: ح نمشيها لك لأنك عريس بس
فهد خذا العشاء حطا في الكوجينة وخش علي فاتن لقاها تحاول اتفك الفيلو
فهد: ماقتلك نبي نشوفك بيه
فاتن: ضايقني مش متعودة ع حاجات هك
فهد: نساعدك؟
فاتن: فكلي الربطة بس توا نكمل بروحي
فهد ضحك عليها وقرب فك الربطة وخذا سروال ومالية وطلع
فاتن غيرت ولبست بيجامة ناعمة وخلت شعرها بالتسريحة وطلعت تبي توضى وتصلي العشاء ….
يتبع الحلقة ال 12

رواية بنات البادية الفصل الثاني عشر

بنات البادية
رواية ليبية حقيقية 100%
الحلقة الثانية عشر ( 12 )
فاتن غيرت ولبست بيجامة ناعمة وخلت شعرها بالتسريحة وطلعت تبي توضى وتصلي العشاء
فهد: الحمام علي ايدك اليمين
فاتن توضت وغسلت مكياجها وطلعت
فهد: ماشاء الله تبارك الرحمن ع الزين
فاتن: نبي انصلي العشاء القبلة وين
فهد: تمام هكي القبلة ، صلي وتعالي تعشي انخليه في المطبخ والا نتعشو في دار المعيشة
فاتن: عادي اللي اتريحك
فهد جهز العشاء علي طاولة المطبخ وقعد يستنى فيها
بعد شوي خشت عليه فاتن
فهد: كنك متوترة وخايفة؟
فاتن: من قالها
فهد: واضح عليك ارخي روحك اليوم نبي نتعرف عليك اكثر ونبيك اتعرفي عليا ماتدوري شي
فاتن تغير في الموضوع: من جابه العشاء
فهد: اصحابي
فاتن: انحس في روحي نحلم في يوم وليلة نلقا روحي زوجة وحوش غريب عليا حتى انت غريب عليا
فهد: عنجد غريب انا زوجك يابنية
فاتن: قصدي مانعرفكش كويس
فهد: ساهله توا تعرفيني راهو هضا اول يوم لنا مع بعضنا مزال عندنا وقت طوييل انتعرفو علي بعضنا اكثر
فاتن: تصدق مش متعودة نبعد ع باتي بكل ديما معاه ونرقد معاه في دارة ونعطي فيه دواه ف وقته ونوعه الفجر عشان انفطرة لان امي الله يرحمها معودته يفطر ع الفجر ف نوعا بالغصب مرات خاصة في الصقع المهم مايقعدش واعي بروحه
فهد منسجم ويسمع
فاتن: وكنت لاغيتها بكل فكرة الزواج لما تقدمت انت نصحني وقالي خاطري نفرح بيك ، وغير هك انحس لو انا ازوجت ح ايفكر ان ينقل للمدينة افضل خاصة بعد مرضته قعدت نخاف يمرض علينا ونحن بروحنا ومافش تغطية
فاتن: حكيت واجد صح
فهد: تي منسجم انا كملي احكيلي نحب نسمعك ونعرف عليك كل شي
فاتن: خلاص انا حياتي كلها مزرعة نوعا الفجر انحلب وانفطر باتي ونبرم ونسقي الزرع مانحبش نمشي لحد ومانحبش كثرة الأختلاط بالناس
فهد: وهضا المطلوب ، حتي انا مانحبش الأختلاط واجد وعجبتيني شخصيتك غريبة ونادرة معش في منك يابنت
فاتن: غير وسع بالك
فهد يضحك: نحكي في الحق انا انتِ اللي متبش انتغزل فيك
فاتن وجها انحمر وصبت: نمشي انفك شعري ضايقني مساسيك التل
فهد: توا انفكهن لك انا عدي لاحقك انلم الحوسة بس
فاتن: هي نساعدك
فهد وفاتن ايلمو في حوسة العشاء ويغسلو في لمواعين وايهدرزو م كأنهمش عرسان بكل ????????????
انسجمو مع بعضهم كأنهم اصحاب
خشت فاتن للدار وفهد قعد ايفك في المساسيك
فهد: يراا تقول انفك في سحر ميتين الف مساكة عليش
فاتن: عشان الشعر مايصبيش في القاعة
فهد: الصلاتي ع النبي ع الشعر الله ايبارك
فاتن; كنا
فهد قعد ايشم في شعرها: شعرك سمح وريحته سمحه
فاتن: ماتحرجني راه انسكر علي روحي في الحمام
فهد: ههههههههههههه تهديد قوي توا نمشي انفك المفاتيح معناتها
فاتن تمشط في شعرها اها افهمها كيف م تفهمها
فهد: قصدي راك زوجتي وحلالي
فاتن: عارفة بس مش ع طول هكي
فهد: علي اساس انا زريت عليك مخليك براحتك
فاتن: ايوه
فهد: متخافيش مانش من النوعية اللي كل همه الشغل هضك انا اهم حاجة عندي توا تنسجمي وتريحيلي وتوا نبيك تحكيلي علي خواتك واجوائكم
فاتن: ليش اتذكر فيا بيهن توا ????
عويشة وفطومة كأنهن بنياتي مش خياتي متعلقة بيهن بكككل ورايفت عليهن توا انحس في روحي حايسة بلاهن يافهد معلش سامحني عارفة روحي نكدت عليك بس قدر اني متعلقة ب خواتي وباتي واجد بكل تخيل انت مانطلع بككل من الحوش ديما معاهم واخذة علي روتين معين وحياة معينة نبي وقت عشان انتعود ع الحياة الجديدة
فهد: باهي عيوني ليش لدموع توا انا نبيك تحكيلي واتريحيلي مانبيش انزل دمعتك
فاتن تمسح في دموعها وقعمزت: مش قادرة والله نبيهم
فهد: بكرا نمشو نا وياك ناخذو تلفون سمح وشفرة وتفتحي نت وتقعدي تحكي معاهن فيديو كأنك معاهم
فاتن: بس ماعندهنش تلفون فيه كاميرا
فهد: وناخذولهن تلفون كم عندي فاتن انا
فاتن: شن رايك انقعمزو في دار المعيشة
فهد: هيا وانا نمشي انسخن شاهي وحركات
فاتن تضحك: تمام هيا متفقين
الكاتبة جمان الزياني
لمت شعرها وصبت
فهد قرب منها وفكه: خليه هك معش اتلميه
فاتن انحرجت: تمام باهي
فهد خش للمطبخ ايجهز في حبشتكنات ايكسدو عليهن وفاتن ولعت التفزيون وقعدت تغير تبي حاجة سمحة
فهد: الشاشة عالقها ع النت عندك حاجة معينة اتفرجي عليها فيلم والا مسلسل
فاتن: اها حطلنا ليالي الصالحية
فهد طربق من الضحك عليها
فاتن: عارفتك تحسابني نقولك مسلسل تركي واتلصق وحركات لكن هذي بعيدة عليك
فهد يضحك علي فاتن امعصية بكل
لكن معقولة يافاتن في عروس يوم فرحها اتفرج علي ليالي الصالحية ????????????????????????????
عند هل فهد مافش حد رقد روحن من القاعة كلهن ماعندهن حكاية الا ع العروس وبنات العيلة كلهن يحكن عليها وعلي جمالها
وجدان: خياتها يشغلن كيف ايتباكن نين بكني معاهن
سارة: نوطرة نعرفها انا الوحدة مدامها وافقت تزوج معناتها خلاص
وجدان: كلا انتِ تقهري
سارة: والله جديات كان يبنها وتبيهن راها ماوافقت تزوج
منيرة: عليش انتِ ماتبيش هلك اللي ازوجتي
سارة: اها م نبيهمش
منيرة: خير الكلام ماقل ودل ههههههه
امينة: انا شاكه ان فهد واخذها علاقة عليك خبر دارا
وجدان: عيونه قلوب عليها وماسك فيها خايفها تهرب ههههه
امينة: هي حسيتها عادي وانحرجت لما خش لكن هو فرحان بكل قريب ايطير
نجاة: ياعيت حنة راهو اليوم مافيش عاملات صبن ساعدني ع السحور العرب كلها بايته الليله
سارة: كله انا بنمشي لشقتي أكرم مزال ماشافني كويس
سلمى: عدي ياحنه اهربي
سارة: أحسبيها كيف ماتبي تصبحن علي خير حبيباتي
وجدان: بعد هكي بععع
امينة: صحة وجه ياحنة
منيرة: صدق هضك الراجل اللي قال لما تدعي لحد بالصحة حدد مكانها لأنها كان جت في الوجه مشكلة
سلمى: علي اساس عليها اطعمة مرطازة ومرمادة هههههه
نجاة: بس مهما كان انا صبيت عليهن مفروض قالت انغير وننزل وقعدت في شقتها لكن تقولها هك في وجي عليك قلة ادب بصراحة
سلمى: عارفتيها لا اليوم لا امس ديما ماويا علي روحها
نجاة: ريت هالروح
وجدان: انسخن الخبزة
نجاة: اها ياجيجي الله ايربحك
وبدن ايوتن في السحور
نجاة: نحن أزمة يد عاملة بصراحة امي حرام عليك فلاويس دفعتهن للعاملات كان هضا ع الأقل استفادت منهن في حاجة اخرى
سلمى: الحمدلله هذي اخر مناسبة عندنا واللي دارت حاجة انردوها لها في اجيابها هضا مش حد الدنيا مزالن ايسيرن عندهن مناسبات ويبن من ايصبي معاهن
نجاة: ينسني كله انا والله معاد انصبي لوحدة لو كان ايش
سلمى: كملناها نجدو فيهن ايساعدنا هضا كله وراه امي ريحتهن
عويشة: بصراحة م أسمش حوش بلا فاتن قصاد توا اتدير كاكاو وتكلمنا برا نشربو ونهدرزو وبعدها نطلعو نبرمو في المزرعة
فطومة: ربي ايهنيها الحمدلله راجلها واضح أن فرحان بيها هك تريحت انا قبل كنت خايفه منه لأن لا يعرفها كويس لا تعرفه
عويشة: معش نعاودوها نحن اللي ايجيها واحد ايتقدملها تحكي معاه حرام فاتن قعدت منشغلة عليها
فطومة: صح مهما كان مفروض حتى مكالمة وحدة ع الأقل
عويشة: خلاص ارقدي بكرة ورانا يوم طويل
فطومة: ربي ايساعدنا نقانا نوضو بدري نغسلو ونكملو حوستنا كلها
فاتن منسجمة وتحكي ل فهد ع المسلسل وكيف في وقتها دار جضه كبيرة
فهد عقله في حاجات اخري وفاتن اتهدرزله ع مسلسلات السورية الشامية ????
فهد: عارفة انك جميلة بكل
فاتن: اها عارفة قول معلومة جديدة
فهد: نعلي منا انا المغرور
فاتن: مش غرور بس صح انا جميلة ، وجمالي واخذته من امي الله يرحمها
فهد: سلمها جيابة لك ياغزالتي
فاتن: فكني من الكلام هضا
فهد: من يوم وغادي معش في الا الكلام هضا
فاتن: باهي تمام تباعد كنك املصق
فهد يضحك: تمام تمام
ثاني يوم طبعا فاتن وفهد مارقدوش الا ساعتين بس
فهد: هلي كلمونا اليوم ع العشاء طبعا هضا سبرنا ضروري ثاني يوم العروس تجي اتعشى م العيلة واتعرف عليهم ، البسي لبسة مستورة لأن خوتي ايخشو ايسلمو وايتعرفو عليك حتى هما
فاتن: اها فهمت عليك تمام
فهد: توا نطلعو من هنا تاخذي نقال وبعدها نمشو لهلي
فاتن: تمام ، شوف الفستان هضا كويس؟
فهد: نعلي كان عليا انا خليك بالعباية كل حاجة تجي عليك سمحة
فاتن: قصدي مستور وطويل
فهد: انا وضحتلك الصورة عارفك بنت ناس وتفهمي في الحشمة بروحك
فاتن: ماتبش اثنين يحكو فيها
فهد: عارفة مش وقت مشية بكل اززح رنت علي امي قلتلها نقانك ي امي الغي الفكرة قالتلي ماتجيش ضروري تجي العروسة هضا سبرنا
فاتن: عادي مش مشكلة انا بروحي بنتعرف علي خواتك اكثر الحق امس صبن معاي لعند خشيت للقاعة ايهدن فيا شافني متوترة بكل
فهد: خواتي زي امي بالضبط حنونات وايحبن الصاحب
فاتن: ربي يحفظهن باين فيهن
فهد: مزالت رحمة الجو كله انا متأكد ح تقعدن صحبات انتِ وياها لأنها نسخة حركاتك
فاتن: اهاااا خلاص ضروري نشوفها ونحكي معاها رحمة انا
فهد يضحك: أطمني اكثر وحدة انعزها في خواتي لدرجة حتى ضناها م ايتحملوا فيا شي
حنان: شوي وايروحو العرسان
عزيزة: باهي نحن في الإنتظار
نجاة: امي قصدها نمشو نستقبلوهم
عزيزة: وباهي ياحنه هيا نستقبلوهم هههههههه
سلمى: مستفزة مرات خوك هذ
نجاة تضحك
سارة لابسة سروال امريكي ضيييق وبلوزا فوق الركبة
نجاة: سارة لبستك فصيحة راه
سارة: نعم؟
نجاة: قصدي ماتزعليش مني انتِ زي أختي لصغيرة لكن عيب اسلوفاك ايخشو ايشوفوك بسروال ضيق حرام حتى معا ربي
سارة: أكرم شكالك شي؟
نجاة: اخخخ ياراسي ننصح فيك انا ماقتلكش اكرم شكالي
سلمى: اكرم وحاتم لا اليوم لا امس لقرون
حوش هل فهد فيه العيلة بس واجواء حلوة عيال صغار ايطربقو في خطلوح والصبايا ايهدرزن في الصالة ويستنن في العرسان
فاتن لبسة فستان أحمر ستان طويل معاه وشاح واكسسورات وطلعت تبي فهد ايسكرها لسوارة
فهد ????????????????????????????
فاتن: م استحكمتش فيها لبسها ليا كذا
فهد حط يدة علي راسها
فاتن انفجعت
فهد قعد يقرا في المعوذات عليها
فاتن: شن في
فهد: خايف عليك من العين الله اكبر عليك حبيبي
فاتن انحرجت بكل وخشت تجري للدار
فهد: شني واتية ياعروسة
فاتن: اها نلبس عبايتي وخماري بس
فهد: نجيها ليا ياربي اللي فاهم بروحها
فاتن: ها عاد املبزا وجي ماتجيش نطلع هك
فهد: وربي امي داعيتلي ليلة قدر
فاتن: معش تحرجني حتى الرد في المواضع هذين مانعرف انرد
فهد يضحك: شيري بحواجبك عادي
فاتن: صح لقيت بوكس العطور هضا وريحته اتجنن بكل
فهد: والله نسيت هضا من سلفتك وجدان مرات صالح الكبير
فاتن: والله بجد ، باهي اللي قتلي نشكرها
لبست فاتن عبايتها وخمارها وطلعت
فهد درس علي محل تلفونات وخذالها تلفون وشفرة وركبها لها
فاتن: شكرا
فهد: تبي عيوني؟
فاتن:كيف
فهد: تبي عيوني نعطيهن لك
فاتن انحرجت وسكتت
عند هل فاتن
عويشة: كرعينا طاحن
فطومة: صدق اللي قال الفرح للعريس والعروس كله نحن ماطالعين بشي فيت قطع القلب
البنات كلهن يضاحكن علي فطومة راقيلها بكل من غسل الفرش
فطومة: ربي يعيطكن الصحة يابنات والله فزعتكن هذي ماننساها طول عمري
بنات عمها: معش تحكي هك نحن مالنا الا بعضنا وبعدها حتى انتن غاليان علينا وماعمركن قصرتن
عويشة: ان شاء الله انصبولكن في الأفراح ، والله لو ما انتن معانا ماكملنا الحوسة كلها في يوم واحد
فطومة: اها والله كان هضا راه قعدنا اسبوع ع الأقل
صالح خش للجراج يسأل ع العشاء لقا سارة مصبية وتحكي معا عمتها
صالح قعد ايعارك وطلع يجري
سارة: كنا هضا شن يحساب روحة مانيش مراته والا اخته انا
حنان: بس صدق ياسويرة شوفي لبستك يمي عيب مهما كان
سارة: ماعنده عليش ايخبط اهني مراته تعاته ايشوخ عليها
نجاة: من بدري قلتها لك ، انتِ مانك غابية في خوتي ديما ايخشو ومايقبلوش اللبس هضا الوحدة تحترم حرمة الحوش اللي قاعدة فيه بس
سارة: هذي انا وهذا لبسي اللي عاجبة باهي واللي مش عاجبة ايخبط راسة في الساس
وجدان: شن في كنكن
سارة: راجلك داير طحنة عشان شافني باللبسه هذي مالش علاقة بيا ياوجدان غير منبش مشكلة بينه وبين اكرم ، المرة هذي انمشيها لكن مرة اخري مانسكتش
وجدان: امسحيها في وجي مشي هاليوم علي خير
شوي وسمعو صوت تبييب فهد جاي ايبيب وخشش السيارة وطول وهو ايبيب والعويل لصغار كلهم التمو ع السيارة
نزلت فاتن والعويل لصغار ايسلمو عليها وهيا كل مرة اتسلم علي واحد وتضحك
خش فهد وماسك فاتن من كتفها وايهدرز معاها
الصبايا كلهن صبن استقبلنهن
وفاتن اتسلم ومنطلقة
فهد: عينكن منها راكن اتخربنها ليا
عزيزة: هههههههه ماعليك فيها في ايدي امينة
فهد: انتِ بذات لا الله يرحم والديك
فاتن تضحك عليهم
عزيزة: فوتيه يافاتن انا احسن سلفة في سلفاتك
فهد: فاتن عزيزة بذات لا
وجدان: حرام عليك يافهد عزيزة مشكلتها وحدة وانت عارفها شنو
فهد: فاتن عندك عزيزة مشكلتها تشري واترد مستحيل تشري حاجة وتقعد عندها
عزيزة: باهي باهي يافهد
منيرة: فهد وانا شنو بيض وجي قدام العروس
فهد: هذي منيرة حشيشتها كيكة الشاهي وعمرها ماسقمتها
منيرة:ههههههه ياريتني ماسألت
فهد: خلاص انا ماشي للجماعة مع ان مش هاين علي انسيبها بين ايديكن يا متوحشات
فاتن سلحت عبايتها وتهدرز عادي مش منحرجة زي ماتوقعتن ????
سارة اتفرج من بعيد وتبي تزمط بعدها قربت سلمت
سارة: انا سلفتك المحامية ههههه
فاتن: بالجودة
سارة: وانتِ مش شن متخرجة
فاتن: مش متخرجة
سارة: هه غريبة ، اها اقصدك مزلتي تقري
فاتن: حاجة زي هك
وجدان: فاتن من كوفيرتك طالعة خيال امس
فاتن: مع اني م نحبش الأوفر
منيرة: بالعكس طالعة تجنني ومش اوفر اصلا مكياجك
فاتن: قبل منبش بكل
سارة: كنتي درتي كحل وسواك هههه
فاتن:

رواية بنات البادية الفصل الثالث عشر

بنات البادية
رواية ليبية حقيقية 100%
الحلقة الثالثة عشر ( 13 )
وجدان: فاتن من كوفيرتك طالعة خيال امس
فاتن: مع اني م نحبش الأوفر
منيرة: بالعكس طالعة تجنني ومش اوفر اصلا مكياجك
فاتن: قبل منبش بكل
سارة: كنتي درتي كحل وسواك هههه
فاتن: ندير كحل بس نسكر ع الجميع ههههههه
سارة: حي ع الثقة
فاتن: ثقه في مكانها ، تخافي من الثقه اللي مش في مكانها
سارة تعقدت وصبت
وجدان: واخيرا وحدة تمسح ع الكبد
منيرة: اوببااا شكلها مش ساهله سلفتنا هذي الله يستر
امينة: احسن خليها واخيرا وحدة م تسكتلهش
منيرة: لكن حتى صاحبتنا مش من النوعيه اللي تسكت تلقيها توا تطبخ علي نار هادية
وجدان: انا خلاص اطمنت فاتن شكلها شخصيتها قوية
سلمى: هي تعالن انطيبو قهوة
عزيزة: كلا نا كرعي وجعاتني من الكعب امس
سارة: عارفتيني مانعرفش انطيب
فاتن: هيا ياحنه توا انطيبها لك انا معروفة قهوتي
نجاة: هيييي لا والله ماتجي ياخيه مزلتي عروسة ماحلكش خشيتي ع المطبخ
فاتن: سألتك بالله اتخليني انا بروحي مليت من القعدة هنا علي فكرة مش واخذة اني نقعمز ديما نجري في المزرعة
سارة: هههههههه عطك الخير ضحكتيني
فاتن: والله جديات مانحبش نقعد باركه وخلاص ضروري انتمشى ونخدم حتى الدم ايتحرك في جسمك
وجداو بصوت واطي لمنيرة: قصفتها هههههههه
سلمى تضحك مع فاتن: عطك الخير جلدتيها
فاتن: لا والله نحكي جديات الحركة بركة علي قولت حياة أمي
نجاة: رنيتي علي خياتك اليوم حرام اكيد منشغلات
فاتن: لا والله ماعندهنش تلفون
سلمى: بصراحة سلمه رباي الكن باتكن علي اخلاق وادب وراهي مش شكيرة في وجك والله كلنا نقولوا فيها
فاتن: حتى انتن غير تسلمن واكبر دليل اهو قاعدة معاكن في المطبخ
حنان: هيييييي يانعلي يانعلي العروس اتدير في القهوة وين باقي عيت حنه الستر
نجاة: ياحنة لخرات سمعني امس نقول الحمدلله اللي نحنهذي اخر مناسبه قيسها وجعتهن
سلمى: والله م كذبنش نحن قلنا الحق
حنان: لالا عيب عيب فكني من هالخبر ديما نقوللكن صاحب المناسبة يسكت وايحط يده علي فمه الكلمة اللي تنقال في المناسبة معاد تنتسى بكل
فاتن: اصفر المد وين ياسلمى
نجاة: لا عد كلا لصفر توا انوتيهن لك انا
فاتن: اسمعي فكيني من الجو راهو انا هضا جوي منديرلكش روحي كيوت وطروح
فهد خش عليهن: اوووو من توا حطيتنها في المطبخ فيها حق هذي
حنان: هههههههه الله ايربحها بروحها قالت ندير القهوة والله عليما حلفتلها مابت
فاتن منحرجة بكل
فهد: شنو فاتن متريحة امورك تمام؟
فاتن: اها الحمدلله
سلمى: كنك تحسابنا تماسيح والا شنو
نجاة: انا استغربت احراج فاتن لما خش فهد ههههههههه
فهد: قصدك كانت منطلقة
نجاة: تي بككل وجوها ايجنن وهدرازة
فهد: صار تعرفي معا من تنطلقي وتحكي
فاتن تضحك
فهد: سألتك بالله يا أمي مش قمر يضحك
حنان تضحك: عدي تحشم علي وجك ايش تبي خاش انت
فهد: قلبي كان حاس انكن تخدمن فيها
سلمى: اها نخدم فيها كان عندك مانع
فهد: اكيد عندي مانع غير خلنها اتطق اسبوع ع الأقل
فاتن: لا الحق انا اللي قلتلهن نطيب القهوة
فهد: خلاص بنشربها معاك هنا
فاتن: لا عدي مع الرجالة بندزولكم صفرة غادي
فهد فهم عليها انها انحرجت: خلاص غزالي نستنى
وتت فاتن القهوة وتخرف مع البنات وحنان طايرة من الفرحة بيها شوي وسمعن صوت نقاش عالي جوا
نجاة: شنو الصوت هضا حي علينا
حنان خشت تجري لحقتها نجاة
سلمى: تعالي تعالي نشوفو شن في
فاتن مابتش اتخش تحشمت حستها عركة قعمزت ع الكرسي متاع الكوجينة وقعدت تنظم في امثرد الحلويات
سارة: اسمعي فكينا من دكت خشمك في حياتي شن دخلك انتِ نلبس اللي نلبسها مداما راجلي معاي وايشوف فيا شن نلبس محد له علاقة بيا وراجلك وصليه له الكلام هضا قوليله قالتلك سارة غير شوخ ع اللي عندك
وجدان: ارعي العيب ياسارة انا ماقلت شي جاية ننصح فيك وعادتك زي أختي لكن انتِ مدرعنك كنك جوك شين وتحسبي فيها بنقص
حنان: عليك كشايف الصبايا يسمعن فيكن عيب شنو الكلام هضا
سارة: والله ياعمتي الشيخ صالح يبي ايتحكم في لبسي قايل لوجدان انصحي سارة لبسها فضيحة مادخلش بيا هو ايشوخ علي مراته والا حتى علي خواته انا لاني اخته ولا هو راجلي
وجدان: لا حول ولا قوة الا بالله العلي العظيم
نجاة: حتى انتِ ي وجدان مش وقته كلامك هضا
وجدان: ياخيه كنكن انتن انا والله جيتها بأسلوب هيا كأنها اتدور في الحس بسم الله نا بروحي فجعتني
سارة بصوت عالي: انا م فش حد له علاقة بيا نقعد حتى عريانه داما راجلي معاي وايشوف فيا كيف نطلع ولا واحد يدخل فيا وصلت؟
حنان: عيب عيب العروس تسمع فيكن صوتكن عالي
سارة: عروس شنو ترا فكيني ياعميمة بنت مزارع
سلمى: بنت مزارع بس متربية مرتين
سارة: اوووووه محامي الدفاع هههههههههههه
سلمى : طبعاً كلمة الحق ديما امحرقه فيكن
حنان قعدت تدف في سلمى برا
نجاة: خلاص يا سارة تمام توا سكرن ع الموضوع توا نتناقشو بعدين الصالة مليانه عماتي وخالاتي
سارة: لا نتناقش لا شي انا اللي عندي قلتها
منيرة: خزي عليك فضايح
امينة: مش عارفة بس حسيت صالح مادخلش بيها ايغض بصرة وايعدي معش ايخش هضا حوش مناسبة مزالت حنتنا في ايدينا ومزلنا نبو نلبسو
منيرة: ماتقنعيش روحك باهي الحنة فيها مافيها لكن اللبس متجيش تلبسي حاجة عورة وتطلعي بيها في الجراج
عزيزة: باهي لبستها قصيرة وفرح تمام لكن شن تبي ماشية للجراج وتبرم في المطبخ وهي عارفة انهم كل شوي ايخشو
امينة: تمام ماقلت شي انا ، لكن صالح زودها
وجدان جتهن
عزيزة: م تعدليش ساهله ديما ايسيرن النقاشات هذين
وجدان: كلها من صالح انا قتله ماندخلش كلمني برا وقالي تمشي توا وتقوليلها ترعى العيب وتعد ان في رجالة في الحوش
عزيزة: باهي
وجدان:قتله ماندخلش قالي معناتها توا نحكي ل أكرم وخفت ايديرو مشكلة والا حاجة قلت علي كيفها
خليها في وجي أنا
الكاتبة جمان الزياني
فاتن: انصب القهوة والا نستنو المسار هههههه
سلمى ماتت ضحك
نجاة تضحك: صبي صبي العتب علي صاحب العقل
فاتن سخنت القهوة وبدت تصب
خش صالح شاف فاتن طلع يجري
نجاة تعيطله: تعااااا ياصالح تي هذي رفيقة فهد
صالح: السلام عليكم كيف حالك مبروك عليكم
فاتن: اهلين الله ايبارك فيك
صالح: شنو القهوة واتية
سلمى: اها واتية هاك شيلها
فاتن وسلمى ايمدن في القهوة والحلويات وحنان مسكينه نفجعت قعدت مرة تخش للحوش ومرة تطلع للسوايات تبرم ع الطناجر
وجدان: ي خيه العروس اتمد ونحن مقعمزات عليك فضيحة
منيرة: خليهن مش قالن مفش وحدة صبت معانا
امينة: خليهن ايشيلن مناسبتهن معناتها
سلمى: تفضلن ي عرايس ههههههههه
عزيزة: مش خسارة فينا نتريحو والحاجة تجي لعندنا
فاتن تبحت فيهن زين ومستغربة تصرفاتهن
قعمزن فاتن وسلمى ايهدرزن ويشربن في القهوة
والعزايز كلهن طارن مع فاتن علي ولية امسقمه وراكحه وثابته
صالح: ثاريته معاك الحق اللي استعجلت بوخذتك لفاتن
فهد: شنووو
صالح: خشيت ناخذ في القهوة لقيتها معا البنات في المطبخ ونا عندي نظرة للولية وانت طيحتك ايتمناها اي راجل ماشاء الله حشمة وتواضع ربي ايهنيك بيها
فهد: يراجل كبدت انا عارف مش توا فاعد نهدرز مع الجماعة عقلي معاها م تقوليش عريس وعروس ومش عارف شنو الخبر تي وربي قاعد توا نحكي معاك وصورتها كيف واقفة في المطبخ معا امي قدام عيوني
صالح: اتهنى بيها تستاهل الخير غير دير بالك منها وحافظ عليها وخليها نفس ماهي
فهد: اصلا انا عجبتني هك
سارة حاطه كراع علي كراع ومكسدة علي نقالها
سلمى: صح والله اسمها فطومة نجكلي نجكلي ياريت نعرفوكن من قبل والله ما هلبناكن كلكن ههههه
فاتن: سلمك حبيبتي كله من ذوقك
سلمى: والله جد يافاتن فهد رضي ولدين اللي طاح فيك خليك ديما هك جوك سمح وعلي فكرة عجبتني فيك انك لما سمعتي الحوحاية ماخشيتيش وشفتي
فاتن: ياخية شن دخلني نا طالما الموضوع م فش أسمي ولا ليا علاقة بيه مستحيل ندخل ولا حتى نحب نسمع شن صاير وليش
سلمى: ربي ايكملك بعقلك
وجدان: العروس ماشاء الله عليها شكلها منطلقة وجوها سمح
عزيزة: زعميتا طقينا هدرزنا معاها كرنها نجاة وسلمى وعدن بيها للكوجينة
منيرة: لا هيا بروحها اللي صبت
نجاة امولعة الكوشة وتسخن في موالح جنها فاتن وسلمى قعدن ايساعدن فيها
بعد وقت مشاحنات والجو مش تمام بين وجدان وسارة بدن ايقدمن ارباعات العشاء
فهد خش وصى امه علي أرباعتين بم فيهن مشروب وفواكه وموالح
خذاهن فهد حطهن في السيارة وسكر عليهن
فاتن معاها سارة باردة لاقصه فيها
وسلمى ونجاة
بدن ايتعشن وسارة اتمقل في فاتن تهيالي فهد م ركزش فيها لهدرجة
سارة: صح هبة ماحظرتش الفرح شكلها الغية مزالت مأثرة فيها
فاتن تسمع وفايتتها
سلمى: اها ممكن
سارة: مش ممكن اكيدة حتى هي وفهد ياما دارو عشان بعضهم
فاتن عطتها نظرة جنوبية
سارة: يييه نسيت اسفة ي فاتن كل شي نصيب
فاتن ماحكتش بكل
نجاة اتفنص في سارة
سلمى: فستانك محلاه يافاتن
فاتن: تفضليه امتى ماتبي
سلمى: حتى نا ماني دايرة غيبة هههههه
سارة: سبحان الله فاتن تصدقي فيك لمحة من هبة
ياربي م قتلكش انا هبة هذي من
تقعد بنت خالة فهد وكان يبيها زمان وتبيه لكن م صارش نصيب
فاتن قعدت تضحك: اوكي تمام وصلت ان فهد كان يبي بنت خالته تعشي توا وخليك متريحة
سلمى ضحكت بصوت
سارة: فهمتيني غلط والله نحكي بعفوية
فاتن: تمام باهي حتى انا نحكيلك بعفوية
بعد العشاء شربو الشاهي وفهد قال يبي ايخش ياخذ فاتن
خس فهد لقاها لابسة عبايتها قعمز شوي معاهن وهدرز وخذاها وطلعو
حنان لحقاته وعطاته شيشة فيها امية زمزم
فهد: شنو هذي يام
حنان: الصلاتي ع النبي عليها ياوليدي الصبايا كلهن عيطن معاها تروحو للحوش اشربو منها وأغسلو
اوجوهكم
ركبو في السيارة وفهد علي طول مسك يدها وباسها
فهد: شن دايرة انتِ كنهم كلهم يمدحو فيك
فاتن: م درت شي شن في
فهد: هضا كله ويوم واحد بس كان تقعدي معاهم عمر شن تديري فيهم
فاتن: الحق اكويسين ونسمجمت معاهم بالأخص عمتي والبنات
فهد: صالح سلم عليك؟
فاتن: اها والله ماكنت نحسابه ايخش
فهد: عادي عيوني شن فيها هضا خةي الكبير وكيف خوك ، نحكيلك لأن يشكر فيك
فاتن: حتى هو غير يسلم
فهد: ونا شنو
فاتن: غير تسلم
فهد: بس يابخيلة ههههههههههه
حنان: ماشاء الله عليها ربي يحفظها مغير م قدرتش نحكي قدام المناجيه هذكين خفتهن يقلبنها علي
سلمى: اقسم بالله ياامي بعقلها البنت
نجاة: اها شفتي ردها علي سارة بعد كثرت عليها
سلمى: تمسح الكبد بهدوء وضحكة
حنان: شن دايرة من فالطه سارة
قعدن البنات يحكن لأمهن علي حركات سارة وكيف فاتن ردت عليها
فاتن: الطريق طولت والا تهيالي
فهد: مفاجأة لحبيبي السمح نبيك الليلة ترقدي وانتِ متريحة
فاتن: والله شن في وين ماشي
فهد: توا تعرفي بروحك شوي
يتبع الحلقة 14 …..

رواية بنات البادية الفصل الرابع عشر

بنات البادية
رواية ليبية حقيقية 100%
الحلقة الرابعة عشر ( 14 )
فاتن: الطريق طولت والا تهيالي
فهد: مفاجأة لحبيبي السمح نبيك الليلة ترقدي وانتِ متريحة
فاتن: والله شن في وين ماشي
فهد: توا تعرفي بروحك شوي
بعد شوي فاتن عرفتها طريق المزرعة وفرحت
فهد: شكلك عرفتي المفاجأة
فاتن بفرحة: المزرعة صح
فهد: صح بناخذك تشوفي البنات وعمي
سارة: انا قبل منبيش مشاكل بينك وبين صالح لكن موقفه امبدري حرجني وقعدت تبكي
أكرم: تي باهي فهميني بشويش وفكيني من لبكاء عارفتيني مانتحملش دموعك
سارة تمسح في دموعها: صالح مالش علاقة بلبسي ياكيمو
أكرم: اكيد لكن شن قال هو وحكا معاك والا دزلك وحدة من البنات
سارة: دزلي وجدان تخيل وهي جايتني بكل صحة وجه دايرة روحها تنصح فيا انت مش متخيل كمية الإحراج اللي قعدت فيها قدام العروس والصبايا
أكرم: معقولة أمي ماحكت شي
سارة: عمتي خايفه من الفضيحة هذي حدها ، وانا وريتها لك اللبسة قبل مانطلع وقتلي سمحة
اكرم: قتلك سمحة وقتلك راك تطلعي بيها يعني نبهتك مانش قرون نا نخلي خوتي ايشوفوك بالمنظر هضا
سارة منصدمة: معقولة حتى انت
أكرم: سارة صالح معليك فيه انا مش ح نسكت علي تصرفه معاك بس حتى انتِ ركزيلي علي لبسك حوش هلي كله رجالة وايخشو وايهدرزو معاكن دايرينكن خواتهم لذلك نبيك تنتبهي للبسك عند هلي ولما نقعدو في الشقة ألبسي اللي تبيها
سارة: حسستني نمشي عريانه
اكرم: حتى لو انتِ تشوفي في اللبسة عادية غيرك ايشوف فيها عيب وزي م قتلك صالح تو نحكي معاه بيش يعرف ان في وراك راجل بس
حنان: حي كان مايسببن مشاكل بيناتهم
نجاة: لا م تخافيش خوتي مستحيل ايخشن بينهم الصبايا عارفة طبعهم انتِ
سلمى: خيتي هابا نحن الصبايا مافينا ثقة
حنان: تاخذ سوهن فاتن هاللبسه المحتشمه والتصباية السمحة حتى مكياجها ماكيفهن
نجاة: مع انها عروس مفروض مخلطة
سلمى: تهيالي دايرة قلم لعيونها ومورد بس
نجاة: جميلة هي الحق مش محتاجة مكياج
حنان: يستر الله من صبايا خوتك ماحتى عاجباتني را يقعدن ايضايقن فيها لبنية قزونه وفي حالها
نجاة: نعنها بنيتك ماحكينالك كيف عطت سارة علي خشمها ههههههه
سلمى: نعلي مسحت كبدي سكتت سكتت بعدها قدتها بالرد
صالح: انا لا هزبتها ولا جيت شورها دزيتلها وجدان صبايا كيف بعضهن وجتها بشويش وتفهم فيها مراتك هي اللي قلبتها علينا وقعدت تعلي في صوتها وفي شهود علي كلامي هضا وبعدين نا خوك الكبير وكيف باتك مفروض كلام كيف ماتجي بكل تحكيه معاي ومفروض تقوللها صالح مايحكي الا ومعاه الحق
أكرم: خوي الكبير علي عيني وراسي لكن بالجو يصلوحه فوتها دارتلي طحنة هك كبرها ولبسها انا قاعد وانا نقوللها صح والا غلط
صالح: يرا درتولي قصة كان علي نا مانشوف فيها بكل الدوة علي باقي خوتك لصغار وشباب العيلة اللي ايخشو مرة مرة للحوش انا نصحتك ك عادات وتقاليد مزلت ماخشيتلك في امور الدين
أكرم: تمام امنور خليها شوري وخليك في هلك
صالح: تم تصبح علي خير
سارة: هذي اللي قدرت عليها يعني لا والله خذيتلي حقي مفروض انصفقلك واو عندي أسد ياخذ حقي
أكرم: شن تبيني ندير انا الكلام هضا ووجعني فيه تبيني اندير عركة معا خوي ونضربه
سارة: اخخخخ يربي ماعندي م نقول
اكرم: لا قولي تبيني نضربة وايصالحو بينا البرانية لا هذي بعيدة علي خشمك
وجدان: هات المصحف ياصالح نحلفلك والله والله جيتها بشويش وخليتها نين تخش ولحقتها علي اساس نبي حاجة من الدار لقيتها اتمكيج قلتلها سريوة نبيك في موضوع وحكيتلها بكل أدب واخلاق وبدون تهزي وحركات السلفات
صالح: وكنها كبرت الشطحه معناتها وصلت بيها تحكي لأكرم وتسبب مشاكل بيني وبين خوي
وجدان: يعني مش مصدقني؟
صالح: لا مش مصدقك
وجدان وجعتها بكككل وخذت نقالها وقعدت اترن
حنان: يانعلي نا ياربي شن هالفجايع وجدان ايش تبي رانه علي عقاب الليل
وجدان صوتها باين انها مقهورة وتبي تبكي: خير ي اعميمة سامحيني غير بنسألك علي موضوع سارة مبدري سألتك بالله ي عميمة بعد خشيتي علينا مالقيتيني انهدي فيها
حنان: صح يمينتي وقلتيلها انتِ كيف خيتي وننصح فيك نبيك ديما احسن وحدة
وجدان: تمام غير صالح بعد عرف بالقصة قالي شكلك دايرتلها جو مش تمام يعني طلعت نا ي عميمة اللي مش تمام ونبي نسبب مشاكل بين الخوت
قعدت وجدان تبكي
حنان: هي هي راقيتلكم توا ماترعشيش روحك والله نعطبها علب خشمه الكلب
صالح قعمز ومعش عرف كيف يصرف وايبحت في وجدان كيف تبكي وعيونه دمعن
حنان: هالخبر ايسما عرفتها نا فرح سمح وكل حاجة جت سمحة يعطوها لنا العرب
وجدان تبكي: والله ي اعميمة وجعتني بعد عشرة العمر هذي كلها نقوله مصدقني ايقولي مش مصدقك بالله عليك من اول ماجيتكم سمعتيني انقرم والا نقرن في الراس علي وحدة والله اكثر وحدة في حالي انا لكن الناس معش تبي حد نظيف
حنان: عيب عليك ي صالح والله كان تبرم الدنيا هذي كلها ماتلقى كيف وجدان ام عويلتك وساترتك ديما
صالح: مش قصدي يا أمي اعوذ بالله من الشيطان ساعة غضب رن علي اكرم ايتحزز وايهدد قلت هذي قيسها قايله للولية شي حاجة كبيرة
وجدان: صدقت اصلا هذين حركاتي انا خسارة العشرة اللي بينا بس
حنان: هيا تعالي انزلي معاي وخليه ايعاني عويلة
وجدان: لا لعيال رقدتهم من بدري وغطيتهم
حنان: والله خسارة فيك ولية امسقمه وحرة وسكاته
صالح: يمي كيف صار صبي معاي حتى شوي ازف
حنان: لا نصبي معاك لا تصبي معاي وهيا ياوجدان البنات مزالن وعيات ساع نديرو حليب وانخرفو اتوسعي خاطرك
صالح: وجدان كيف صار مش لهدرجة خليك
وجدان: ماشية مع عمتي انا
صالح قعد يبرم في الشقة ويمسح بيديه علي وجه وجوا خرب بكل ومعش عرف كيف ايصالح وجدان
نجاة: عليك حركات كله صالح سبحان الله ديما متسرع ويحسب فيها غلط غير كان وسع بالنا وجانا راهو حكيناله
سلمى: م تعدليش عادي مغير واجعته رنة اكرم عليه فش غله فيك
حنان: سلمك خرافة ياحنة
وجدان قعدت تضحك
سلمى: ايوه اضحكي بعدين انتِ عارفة صالح مايتحمل فيك شي وسعي بالك ديما ايسيرن المشاكل هذين
نجاة: انا في الفتانه هذك حلها خشت للحوش وكبتله اللي صار
سلمى: نضني حتى دبشها ماغيراته
حنان: عيب عيب سكتن المهم وجدان توا جوها كويس انا مانقبلهن بكل المشاكل حياة عمك كان كيف طبع صالح وغالي عليه ايكبر الشطحة ونقعد انعاني فيه نين ياحنه وين ماهضا خذيت عليه وعلي طبعة وهو خذا عليا وهلي طبعي ايييييه وحياة عمتك ايجيك يوم تقولي ياريته قاعد ويضرب في ليل نهار
نجاة عيونها دمعن: بعد عمر طويل ان شاء الله
حنان: اهااا يامينتي الراجل نعمة حتى لو كان فحمة تقول فيها حياة حني زمان نقعدو نضاحكو عليها ، وهي صح الراجل نعمة حتى لو كان عطيب ساد دايرلك هيبه بين الناس ومايقدر حد ايدق بابك
سلمى: شن دخل دقة الباب فهميني ياامي نحب ناخذ بنصايحك
حنان: توا يامينتي لما الولية تقعد اتعول علي ضناها وبروحها مطلقة مثلا والا ارملة يقعدن لعيون كلهن عليها واللي هضا يبي ايصبيلها ماغباكن في الرجالة لكن لما يقعد معاها راجلها مايقدر حد ايتنفس قدامها حتى من هل دارها غصبا عنهم يحترموها اكبر دليل اهو اكرم صبالها مع ان رنته علي خوه ماحتى عجبتني لكن سندها وصبا معاها
سلمى: ومتأكدة ان ماسكتلهش اكرم ونعرفه
نجاة: متبش فقيه هذي
وجدان: باهي ياعميمه وكان تمى الراجل خلوقه ديما ف خشمه ومش متحمل منك ومن ضناك شي
حنان: الرجالة توا وضعهم صعب من ناحية المعيشة والحياة معش زي زمان صعبة وماتسمع فيت اللي اتكدرك وتعب نفسيتك الرجالة ايتأثرو بيهن الحاجات هذين الأحسن لما نلقاه متغشش انخطاه مانجي شوره بكل واللي ايقولها نقوله حاضر حتى وكان الحاجة مانبيهش وين ما ياحنى هدا انصبي ندير فنيجين قهوة والا شاهي وانجيه بالضحكة السمحة ونقوله تفضل ياحويج ونضحك معاه وبعد م يشرب مثلا نقوله راه الحركة اللي درتها ليا وجعتني ونحكيله بشويش وبهدوء
نجاة: فعلاً والله ياجودي خوذي كلام أمي والله ماسقمت حياتي الا لما فهمتني ونصحتني نذكرها محمد كان دايرها في بكل وم عرفتش كيف انخش فيه نين جيت لأمي نبكي نذكرها قعدت تحكيلي لعند الصبح
وجدان: الله لا ايغيبك علينا يارب يااعميمة
حنان: سلمك يامينتي ماعندي فيها جميل كلكن بنياتي ونبيكن كلكن متريحات كان مش عشانكن انتن عشان عويلتكن العيل ايتأثر بمشاكل هله وتجيه حتى عقدة نفسية كان ماعندكن علم ، زمان نذكرها تعاركت معا الحاج والصوت علا بينا وقريب حتى ايمد يده ويضرب نبرم نلقى صلوحه في تركينه حاط ديه علي ذانه وايعيط خذيته وقعدت نبكي نبكي من يومها ونا حتى كي الحاج ايعلي صوته انا نقعد ساكته وخذيت عهد علي ان صوتي معش يعلى عليه والحمدلله استمرت حياتي معاه هادية وطبيعية لعند ربي خذا امانته الله يرحمه وايسامحه زينك رفيق
سلمى: الله يرحمك وايسامحك ياباتي
فهد هي أنزلي يامراتي السمحة
فاتن خشت تجري تدق
فطومة: بسم الله من جاينا في هالليل
عويشة: توا نصبي انحل انا
الحاج سعد: صبي صبي نسمعو ونسلمو
عويشة: فااااااااتن وووووه
فاتن تضبط فيها: عويشة نجكلي مرايفة عليك
فطومة: حي يابابا فاتن فاتن
الحاج سعد انفجع وصبا طلع يجري
فاتن: افطومة ???????????????????? مرايفة عليكن
الحاج سعد وجه أصفر: مرحبا مرحبا برفيقتي خير ومرحبا فهد ايش حالكم طيبين تفضلوا تفضلوا
فهد خش للمربوعة
الحاج سعد: تعال جوا ياباتي مهناك حد براني مغير نا وهلبنيات
فهد: كيف حالك يعمي
الحاج سعد: طيب الحمدلله كيف حالك انت وحال هلك كلهم
فهد: بخير كلهم الحمدلله وايسلمو عليك
الحاج سعد: كنكم ياباتي ان شاء الله خير متعاركين والا ايش
فاتن تضحك: عليش ياباتي هههههههه
الحاج سعد: فجعتوني يامينتي كان علي نا نبيكم تقعدو معاي متسيبوني بكل
فهد: لا متنشغلش ياعمي غير بنتك وجعت راسي بيكم ومرايفه عليكم قلت ناخذها تهدرز معاكم شوي وهضا عشاكم دزاته لكم أمي وتسلم عليكم
الحاج سعد: سلمك وسلمهم
فطومة: الله بعدك عشا فرحك ماذقتش قعدت منشغلة عليك
عويشة: عليك نحح كملت تبسيها وخشت علي تسبي متاعي تاكل وتمسح في دموعها
فهد يضحك عليهن
فطومة: هلي لقاقه ياريتني كليتك بالمرة وفتكيت من وجك لمكردم
عويشة: قالتها وجه الركبة
فاتن تضحك: تي هيا تعالن نسخنو العشاء
فطومة: أمنور بونسيب ان شاء الله نردوها لك في الأفراح
فهد: تي كلها ارباعة عشاء يافاطمة
فطومة: كل كلمة بنتحاسب عليها والا شنو
فهد: وين مراتي ساكته تقول عاجبها الكلام
فاتن: بينك بينها م شوري
فهد: تم تم يابياعة
الحاج سعد: نريد نسألك عليها لكن ماحلكم شي قعدتو مع بعضكم ، لكن اللي نريد نقوله لك فاتن هي عيوني لثنين اللي انحق بيهن وراها طيبة وفي حالها وصابحة صاحبها وحرة دامك ماجيتش شورها وانت في خير كان جيت شرها تاخذ علي راسك
فهد يضحك: تهديد هضا والا شنو
الحاج سعد يضحك: لا الله انت اوليدي وغلاوتك من غلاة فاتن ننصح فيك بس وراها حتى هي نصحتها ومدحتك الها
فهد: عارف كان هضا مستحيل اتوافق علي
الحاج سعد: لا والله غير تسلم
فطومة: هي احكيلنا علي اجواء عربك اليوم شن دارو وكيف استقبلوكم
فاتن: خلينا نحطولهم عشاهم ونحن ناخذو عشانا ناكلوا برا ونحكيلكن ع الأكشن
عويشة: حي حي من أول يوم
فاتن: هههههههه من اول يوم ياحنه هي الحقيني بصفرة المشروب
الحاج سعد: ماشاء الله سلمك جياب
فهد: سلمك مش حاجة كبيرة ياعمي
فاتن: انا والبنات بناكلوا برا تريحو انتو
فهد: صقع ديري بالك
فاتن نحرجت: حاضر
الحاج سعد اطمن وفرح
عويشة: هيا احكيلي شن الجو عندهم
فطومة: بالتفصيل اييييوه
وقعدت فاتن تحكي للبنات علي جو هل فهد ومنسجمة
كملن البنات عشاهن وغسلن هدرزن شوي وفهد قال لفاتن هيا اطلعت وهيا تبي القعدة معا خياتها
الحاج سعد: امشو بشواش طريقكم بيضا ان شاء الله وعينكم من بعضكم
فهد: ان شاء الله ياعمي واطمن عليها بنتك في عيوني
الحاج سعد: بارك الله فيك
فاتن حبت باتها علي راسه: مع السلامة ياغالي
توكلوا علي الله وطلعوا
فهد: شنو عجباتك المفاجأة
فاتن: مش عارفة كشف نشكرك والله كنت مفكر فيهن وفي حوسة الفرح ونفكر في باتي كيف داير لكن اطمنت لقيتهن مكملات حوستهن كلها
فهد: الحمدلله وباتك يسأل ع اسعار الأيجارات شكله حاط ف راسه ينقل
فاتن: والله بجد
فهد: والله كيف مانحكيلك
فاتن: ياريت والله تعب البنات انتسبن في المدرسة ع سبة الطريق يوم يمشن وعشرة لا
فهد: قبلوه انتسابهن
فاتن: اها حكالهم باتي علي ظروفنه
فهد: لا بإذن الله ح ينقل للمدينة وانا معاه عندي شقة نبي نعطيها له مؤقت نين انديرو راي وياخذ حوش ملك عشان خاطرك يافاتن اندير اي شي
فاتن منحرجة وساكته حست انها مقصرة معاه ماعشش جو العريس والإستقرار حتى لبسها كله بيجامات ومتحشمه
روحو فهد وفاتن
فهد: عيوني نا خاش للحمام حطي ع المسلسل وتيلنا جو انتفرجو
فاتن: نجيبلك دبش
فهد: اهو معاي
فاتن جهزت اجواء للسهرة وحطت علي ليالي الصالحية
اها ليالي الصالحية ربي يهديها ماعندي مانقول ????
وخشت للدار لبست لبسة عرايس مافش داعي انوصفلكن وطلقت شعرها حطت عطر وروج احمر
فهد طلع ايدور فيها وطلعتله فاتن من الدار
فهد انصدم بجمال فاتن اللي كانت داسته وقاللها
يتبع …. الحلقة 15

رواية بنات البادية الفصل الخامس عشر

بنات البادية
رواية ليبية حقيقية 100%
الحلقة الخامسة عشر ( 15 )
وخشت للدار لبست لبسة عرايس مافش داعي انوصفلكن وطلقت شعرها حطت عطر وروج احمر
فهد طلع ايدور فيها وطلعتله فاتن من الدار
فهد: ???????????????????? شنو الجمال هضا
فاتن بإحراج: شن رايك
فهد: نعلي نا عليك جمال ايش ايصبرني عليك
فاتن: المسلسل بدا تعال انتفرجو
فهد: تي تعالي هنا عنجد انتفرج ع المسلسل وانتِ قاعدة معاي بالشكل هضا
مش شورنا امور عرسان ????
ثاني يوم …..
فهد: فاتن وينك
فاتن من المطبخ: قاعدة هنا انا تعال افطر
فهد: مش مفروض انا نوعى قبل غزالي ونديرله فطور سمح ونجيبه له عند السرير
فاتن: لا ابدا انا انحب نوعى بدري وندير فطوري وفطورك
فهد: ربي مايحرمني منك ، نمشي نغير ونجيك
فاتن امشغله راديو ودايرة فطور سمح وسخنت الخبزة في الكوشة وحطتها في دار المعيشة
فهد: اووووه ع الأجواء السمحة
فاتن: حليت الروشن الجو برا شمس اتهبل
فهد: اها هلي ايجهزو لزردة كل سنة نديرو فيها
فاتن: الله انحبهن الأجواء هذين
فهد: نمشو معاهم كان تبي ماعندك مشكلة ، اصلا أمي كلمتني قلتلها خليها بالجو
فاتن: لا عليش خلينا نمشو معاهم
فهد: نجيها ياربي الإجتماعية تحب الناس
فاتن: افطر هيااا مش قتلي عندي شغل
فهد: بنمشي نطمن ع شقة عمي سعد ونرن عليه
فاتن: في السرعة هذي
فهد: الشقة مأثثه وأمورها مية مية
فاتن: ان شاء الله ايوافق
فهد: بإذن الله ايوافق وعارفة انتِ شن المفاجأة
فاتن: شنييي
فهد: الشقة قريب منك مش بعيد خمس دقايق يقعدو عندك
فاتن: بجد شكرا يافهد والله ماتوقعت هك
فهد: تي انتِ كنتِ أمنيتي مستعد اندير أي شي المهم فاتنتي فرحانه ومبسوطة
صالح خش عليهن في المطبخ
حنان: تعال ياباتي افطر
صالح: لا تمام فطرت وفطرو معاي العويل
وجدان ولا كأنها تسمع فيه
نجاة: وجدان تعالي افطري خليهن لماعين نغسلوهن حتى مع الغداء
وجدان: هي هي خلاص كملت
صالح: أحم شن اخباركم
سلمى تضحك: تمام تمام
صالح: وانتي ياوجدان شن جو رقدتك بلانا امس
حنان: يانويرتي مسكينة زعميتها رقدت كملت الليل علي راسها
صالح: عارفها ماتقدرش تقعد بلانا حتى لما نشيلها لهلها م تباتش تهدرز واتروح
حنان: اها حافظ عليها وعينك منها
صالح: اكيد الغالية هذي
وجدان ضحكت لكن ماتكلمتش
صالح: غدانا لوطه اليوم شكله
نجاة: أها نين ترضى عليك جودي
سلمى: سير عليها
صالح: عقلها كبير وجدان مش لهدرجة والا لا
وجدان: عميمة نضني نسينه نطلعو اللحم
حنان: لا طلعته يمي
صالح: شن صار في الزردة صاير منها
حنان: بإذن الله مغير انريدكم تلمو كلكم نحجزو في لبيوت
وجدان: الله عليك جو كل سنة نستنى فيها
سلمى: أنا مضنيش ايسير مني عادل اليوم بياخذني عمي امروح من العمرة يقعد جياي ماحتى سيبتهم
نجاة: حتى انا عيالي لي ايام مسيبتهم معا عماتهم نمشي انريحهن مسكينات
صالح: ورحمة مريضة ، كان هضا انأجلوها
نجاة: لا والله ما تأجلوها علي كل حال نحن كل وحدة لاهية في روحها وعربها عدو غيرو جو لكم فترة مضغطوين
وجدان: لنقانا تلزمها مشيه للخلا وبنة الحطب والشوايات
حنان: كان يمشو معانا العرسان
صالح: خلوهم براحتهم مزالوا اجدد حتى الولية مزالت ماخذت ع الجو
سلمى: هههههه فاتن تمشي عادي متقولش لا
حنان: مدرعنهم نا قلتها له وقتله حتى تجو ثاني يوم،والا ثالث يوم في الصبح تدهورو عادي براحتكم
صالح: حلاص معناتها انا نكلم الشباب كلهم ناخذ منهم اللم ونبدا نجهز
حنان: الله ايربحك هيييوه كل سنة متعبينك معانا
صالح: لا مافيها تعب نبيكم ديما ملتمين ومصفيين النية
حنان: ان شاء الله يارررب
فهد: شنو رايك ياعمي الشقة جاهزة بمجاميعها
الحاج سعد: خلاص ياباتي بارك الله فيك عندي أمور ننهيهن هنا قبل وبعدها نتوكلوا علي الله وننقلوا
فهد: بالنسبة للبنات ماعليك فيهن توا نمشو نا وفاتن ننهولهن موضوع المدرسة ونردوهن يقرن نظامي
الحاج سعد: بالك واجد عليك
فهد: لا ياعمي معش نبيك تقولها الكلمة هذي انا كيف اولدك بالضبط
الحاج سعد: عنك ماتغيب هيييوه
فهد: خلاص انهي امورك ورن علي نجي ناخذكم صاحبي سيارته تندرا تشيل دبش
الحاج سعد: وباهي
فاتن: نعلي مش مصدقة الحمدلله باتي والبنات يقعدن قريب مني
فهد: نسيت راه رنيت علي صالح ولميت في الزردة
فاتن: والله بجد أحسن مادرت
فهد: قبل نبيها المشية مشرق نا وياك برواحنا لكن انتِ خاطرك في زردة العيلة قلت والله مانحرمك منها
فاتن: انحب اجواء العيلة ربي يحفظكم
فهد: خلاص جهزي شنطتنه بنقعدو ثلاث ايام غادي
فاتن: ماعليك شوري
فهد: انا وياك نديرو خيمة بروحنا
فاتن تضحك: هضا اللي شاغلك
فهد: قلتها حتى لصالح
فاتن: هييييي عليك فضايح
فهد يضحك: قالي هذي بدون ماتقولي خيمة حمرة وعليها ورد لك انت والعروس
فاتن: حسيت روحي من العرب لوله
فهد: ههههههه نجيها لي ياربي
حنان: كله هو طاير من الفرحة بيها ربي ايتممله علي خير
نجاة: تعاته يمسك روحه العرب ماتريح حد الصبايا في القاعة كلهن ركزن عليه
وجدان: والله لدرجة يحسابوهم علاقة قالن مستحيل تقعد اروادة
نجاة: عليك اعياط يابتي كل حاجة مركزار عليها
صالح: وجدان تعالي شوي نبيك اتنزليلي الأوراق
وجدان بدون نية: هيا عدي لاحقتك
صالح: متطوليش نبيهن توا ضروري
وجدان رقت لشقتها وتطلع فس الأوراق مسكها صالح من يدها
صالح: سامحيني والله نادم اني عليت صوتي عليك
وجدان دموع نزلن علي طول
صالح: معش تبكي ازح نقولك والله نادم
وجدان: مرة اخرى افهم قبل ماتحكي ومعش تكذبني انت عارف اكثر حاجة تزعل فيا لما حد ايكذبني لأن الكذب مش خصلتي وانت عارف الشي هضا كويس
صالح: عارف حشاك ياعيوني من الكذب
وجدان: خلاص تمام سامحتك
صالح رفعها فوق
العويل: ايييييي بابا رفع ماما
وجدان تضرب فيه: نزلني نزلني العويل ايشوفو فينا
صالح: خليهم اشوفو باتهم كيف امكبد في أمهم
فاتن: احم فهد بنسألك علي حاجة عارفة مش وقتها لكن بنعرف بس بيش مرة ثانية نعرف كيف انرد
فهد: احكي حبيبي شن في شغلتيني
فاتن: لا موضوع عادي فضول بس
فهد: تمام اسألي ونا معاك هي
فاتن: انت عندك قديمة؟
فهد: كيف يعني مافهمت
فاتن: قصدي كنت تبي وحدة وهك
فهد: شن خطرة عليك السؤال هضا توا
فاتن: قتلك فضول بس انا لا نبي انكد عليك لا نبي انذكرك
فهد يضحك: عنجد انذكرك تي هي بنت خالتي ونحن صغار وتوا حتي شكلها ناسيه
فاتن: اها
فهد: عليش من قالها لك
فاتن: سمعت طرطيش كلام قلت نسالك بس بيش نقعد في الصورة
فهد: نقولك حاجة اطمني من ناحيتي لما نحب ونكبد علي وحدة كيفك مستحيل نخيب ضنها فيا وعلي كل حال مافش وحدة تاخذ مكانك حتي في خيالي مافش
فاتن: برضو فهمتني غلط انا بنعرف بس عادي اي انسان عنده ماضي
فهد: عليش انتِ عندك ماضي
فاتن: هضا وجه وحدة عندها ماضي ????
فهد: هضا وجه وحدة اللي ايشوفها وايتكلم معاها ايكبد فيها
فاتن: ترضاها انت
فهد: شن اللي نرضاها تي واحد يسمع صوتك والا ايشوفك نقتله ونقتلك
فاتن: وعليش تقتلني انا
فهد: نمسح كبدي
فاتن: ووووه عليك شر
فهد: تي انا حاجتي منحب حد ايشوفها ولا يسمعها
فاتن: علي فكرة حتي انا طبعي زيك
فهد: نعلي نا منا الغيور تعالي تعالي
الكاتبة جمان الزياني
بعد مرور ايام والاجواء ربيعية ممتعه وحلوة
صالح: تي كيف صار مش قلت جيبو القلالين انا
اكرم: يراجل حطيتهن في وحدة من السيارات لكن معش عرفتها اي سيارة توا اللي اينزل ادبشه يلقاهن
حنان: تعالن في الخيمة هذي وتوها الرجالة
سارة: وووه ياااي ياريتني جيت بكويش عالي
منيرة: ياااااي تلبزتي
سارة: لا بجد شوفي سروال ابيض قعد فضيحة
امينة: في واحد يلبس سروال ابيض في زردة حتي انتِ شاقيه
سارة: كان زردة يعني نلبس جلابية مثلا
منيرة: وكنهن الجلاليب
سارة: لا ابدا منحبش نلبسهن نحب نشوف روحي ديما بيرفكت وحلوة
عزيزة: حي عليكن ماضني الا جايبين شواهي يبو ايذبحوهن هنا
حنان: و ايش فيها يابتي جو الزردة كلها في الذبح
سارة: عميمة قصدك جو الزردة كله في التعب هههههه
وجدان: لا نضني صالح قالي ذبحنه في سلخانه
سارة: العرسان مش علي اساس جايين
حنان: اياه جايين اكيد شوي ويوصله طلعو متاخر
وجدان: اكيدة يفطرو وايجهزو دبشهم علي ما هلهم
عزيزة: اسملا علينا نحن من الفجر حاتم ايوعي فينا
وجدان: حتي نحن ههههههه ولعيال فرحانين
امينة: كله نا بناتي مارقدن بكل شوي وايقولن شن صار طلع الصبح والا مزال
حنان: ربي يحفظكم ان شاء الله ديما ملتمين
منيرة: هههههه سارة لابسة نظارات تحساب روحهت ع الشط
امينة: مش طبيعية سلفتك هذي لابسة سروال ابيض وكندرة فيها كعب
منيرة: شوفي نظرات حنان الها بس تقتلك من الضحك
امينة: حنان مش واحذة ع الجو هضا هههههههههه
سارة: حنان معاك واقي شمس؟
حنان: ايسما هضا زاد
سارة: واقي شمس نظام كريم انا نسيت متاعي كسني بنموت بشرتي ح تفسد ????
حنان: انتِ فيش تخرطي ياسريوة والله مافهمت حاجة
سارة: ياخيه كريم ينحط ع الوجه عشان مايتاثرش بالشمس
حنان: عليك نوطرة طول عمرنا نخدمو في الشمش ماعمرنا حطيناه هالخبر لي تحكي عليه
ابراهيم: يرا شد كويس ياحاتم هلكتني معاك ازح يراجل
حاتم: منشغل علي اعزوزة جت بالغصب مريضة
ابراهيم يضحك: يرا ساعدني بعدها عدي اطمن عليها
منصور: كنكم اتعازمو شن في
ابراهيم: تي باهي اللي جيت خوذ مكان حاتم منشغل علي اعزوزة معش ساعدني تقول يد ميت
حاتم: احسن امسك خليني نمشي نطمن عليهم
منصور: تي خطاه يراجل كنك لابسة ساد صالح ساكنله سكنه معفنه
ابراهيم: مدره كبدي حركاته مش حركات رجالة الراجل يشحط روحه شوي مع الولية
منصور: ها تمام هكي
ابراهيم: واخيرا ازحححح تمام ايوه
لعيال لصغار جايبين بشكليط وكورة ويجارو ويلعبو
سارة زي الاميرات ماصبتش بكل وتنفض في دبشها وكل شوي ماشية ل اكرم تهدرز معاه وتضحك ياشريني راني جوي سمح معا راجلي تتقهر ????
حاتم: اعزوزة نجيبلك بنادول؟
عزيزة: هيييي منجدك منقدرش ناخذة اول شهور
حاتم: عينك من روحك توا انولعو النار ونديرلك قهوة وماتشيلي حاجة ثقيلة
عزيزة: باهي حاضر
حنان: يانعلي يامينتي منضني الا عزيزة حامل
وجدان: تدوي جد ماشاء الله
حنان: وليدهم مزال اصغير يابتي حلهم رايفو ع لجياب وهي تجيب بالعملية
وجدان: ماتقدرش تحكي موضوع كيف هضا ايقولوا نحن احرار عارفتيهم انتِ
حنان: انا يامينتي تحسابيني عليه هو كان عليه هو نعنا مايرد لكن هيا يانويرتي كملت عمرها اجياب وتعب ماضاقت لعمرها اطعمة
منيرة: فيش تغسلن
وجدان: لا نمصمصو في لمواعين نبو انديرو الفطور
امينة: هي يامنيرة جيبي الطماطم نقرضو شرمولة التن انا وياك
سارة: تبن مساعدة
حنان: قرضيلي بصل انطبخ الغداء من توا بيش ندهورو ونخرفو في هالجو السمح
سارة: اوووو عميمة بليز اي شي الا البصل ريحتي تقعد بصل شوي وتوصل العروس
منيرة: وشن دخلنا بيها العروس ههههههههه
سارة: تبيها تقول سلفتي المحامية ريحتها بصل
امينة: لا صدقتي متجيش عدي عطري وارقدي سريوة
سارة: نجه ليا ياربي اللي فاهمني
صالح مد الكورة هنا ي اكرم
منصور: امسك امسك
حاتم: ضناي وين تعالوا نديرو فريق نحن
ابراهيم: حتي نا جيبولي بناتي معناتها
صالح: بناتك زايطات في البشكليط
حنان: هي وتن اصفر الفطور
عزيزة: يانعلي ياعمتي انتي اللي تطبخي في الغداء كنك ماكلمتيني ساعدتك يابتي معقولة
حنان: تريحي يمينتي ماعليك فيا
حنان: لا والله حتي كان حطت طنجرة ع النار ماتديرلي شي
شوي وسمعو صوت تبييب
فهد وفاتن وصلوا
وكلهم صبو ايسلموا عليهم
فهد: اوووووه احسن عصابة ضنا صالح
صالح: خطاهم يراجل توا غير جيت راك تنفس بس
ابراهيم: خير يافاتن انا ابراهيم
امينة: راجلي
منصور: وانا منصور انستي ومبروك عليكم
منيرة: راجلي
حاتم: انا حاتم وراجل اعزوزة هههههه
عزيزة: كنت خليتني نقول حتي راجلي
فاتن: بارك فيكم
فهد: وين وجدان اتقولك راجلي حتي هي
وجدان: كنك تنابش يافهد
صالح: خليه مزال فرحان غير ايجيه اول عيل بس نعطابها علي خشمة
فهد: تي كيف صار ماقتلك كان جاني عيل نسميه صالح
وجدان: اوووووووووه
صالح: علي اللمين كان جاك عيل سميته صالح اسبوعه شوري
فهد: شن رايك اهو وفرتلك اسبوع اول عيل لنا
فاتن منحرجة بككككل وخشت جوا
سارة: اهلين ياعروسة ماقدرتش نستقبلك برا شمس ومش جايبه معاي واقي شمس
فاتن: لا عادي ولا ايهمك ، المهم امورك بخير
سارة: بخير الحمدلله مع ان مش جوي زرادي البر
فاتن: اها ربي ايعينك ،
وطلعت وسيبتها بروحها ????
بدو يفطرو كلهم ويضاحكو وايشفطو علي فاتن وفهد كيف مزالوا متحشمين
صالح: مستحيل ننسى أبراهيم ايام فرحة لما ايخش ايدور في امينة
اكرم: تقول ايدور في قطوس
صالح: ايدير في روحة خاش يبي حاجة ويقعد ايدور فيها
اكرم: باهي ع الاقل متحشم مش كيفك تخش تقول عروستي وين
صالح: يراجل معذور انا اجوزت علي كبر
فهد: نبي نعرف من قاللكم نا متحشم بس
منصور: لا والله مانك متحشم ولانك اتحشم مسكينة هيا متحشمه
صالح: خلوها معا عزيزة بس كان مالقيتوها ماسكه الدربوكة تعالي اضربوني
حاتم: كنك معا اعزوزة ياصالح خطاها مريضة
صالح: لاااا عزيزة مريضة لا حول ولا قوة الا بالله
منصور: ههههههههه خطاهم يراجل
سارة: ااه ياربي كيف بنتحمل ثلاث ايام في الجو هضا
امينة: انتي متحسسه بس راك انطلقي وارخي روحك والبسي حاجة مريحة
سارة: مش قادرة مش قادرة
منيرة: فاتن شكله عجبك الجو
سارة: فاتن واخذة عليه الجو هضا اما انا لا
فاتن: مش قصة واخذة عليه شوفي اهو وجدان مثلا بنت ابلاد وحاطة الطنجرة ع النار الموضوع مش في واخذة عليه او لا القصة كلها تصفاي نية بس ????
وجدان ضحكت
سارة رقالها بكل ماعرفتش شن تحكي
منيرة: فعلا فيه اللي في اي مكان ينسجم
ع الغداء
فاتن معا عمتها
وجدان: فاتن تعالي نشربو قهوة
فاتن: الله وقتها وربي
فهد: فاتن صبيلي فنجان وتعالي اشربي معاي
صالح: لا يافاتن تمام تريحي اهو قاعد نطيب ع الكانون
اكرم: عليك زقبه
فهد: والله انوريك ياصالح
صالح: داير فيك خير نبيك تشرب معانا القهوة
منصور: عليش مش عارف ان القهوة مع الزوجة تعادل القهوة مع الاهل كلهم
فهد: نا اللي نقول عليك طيب وفي حالك
بعد شوي فاتن طلعت تدهور لقت لعيال لصغار يلعبو قعدت تلعب معاهم في كورة ويضاحكو وعجبهم جو فاتن
شافها فهد من بعيد جا يجري وقعد يلعب معاهم
العويل يجارو ودايرين فريقين لفهد وفاتن
كلهم صبو ايتفرجو عليهم
سارة: هههههههه عليك حركات اعيال
عزيزة: غير اسكتي كذا منظرهم ايهبل
وجدان مطلعه تلفونها وتصور فيهم
حنان: ربي يحفظهم ياخيتي
وجدان: شةفي ياعمتي صورتهم الله اكبر عليهم
حنان: الراعي والحافظ الله
صالح: خوك طايح بوجه
منصور: ربي يحفظهم ذكروني بايام زمان
صالح: مزال تقدر تعيشهن ????
منصور: نسيت ان شورك الكلام هضا
فهد خذا فاتن وقعد يدهور معاها لقط ورد وحطه لها في الوشاح ومسك يدها ويدهورو في الزرع مرة ايشيلها ومرة يحضنها نين وصلوا لسطبل خيل
فاتن: الله خيل ????????????????????
فهد: تعالي نفتحلك عليه نصورك معاه
فتح فهد لسطبل وفاتن اتلمس في الخيل
فهد: تعالي انساعدك نرقيك نصورك عليه
فاتن: تساعدني؟
ورقت فاتن بروحها وضربت الخيل علي جنبه وقعدت تمشي بيه
فهد: الله اكبر الله اكبر ماشاء الله فارسة اخري
فاتن: نسيت اني قايلتلك نحب الخيل
فهد: الله ايبارك عليك حبيبي ربي يحفظك بحفظه التام تعرفي اتميزي؟
فاتن: هي انوريك بسم الله
فهد: هي ونا وراك نصورك
كلهم مقعمزين وفاتن اتميز بالحصان
كلهم صبو وقعدو ايتفرجو
سارة:
يتبع ….. الحلقة 16

رواية بنات البادية الفصل السادس عشر

فاتن: نسيت اني قايلتلك نحب الخيل
فهد: الله ايبارك عليك حبيبي ربي يحفظك بحفظه التام تعرفي اتميزي؟
فاتن: هي انوريك بسم الله
فهد: هي ونا وراك نصورك
كلهم مقعمزين وفاتن اتميز بالحصان
كلهم صبو وقعدو ايتفرجو
سارة:عليك نوطرة وطروح اتميز قدام الرجالة شريني فارسة ونعرف انميز غير كان ريحت روحها منظرها عار قدام الرجالة
وجدان تصور فيها: بالعكس منظرها ايهبل وباين عليها محترفة
سارة: بنت مزارع اكيد محترفة حتى في حلب البقر هههههههههه
حنان: عيب عيب شنو الكلام هضا لبنية كويسة وفي حالها
منيرة: شوفن فهد كيف ايتأمل فيها
وجدان تغيض في سارة: كأن فخور بيها
سارة: عطك الخير ياكله فخور بيها ريت هالشهادات اللي واخذتهن ????
وجدان: انتِ الفخر والرقي عندك مقتبس من الشهادات
منيرة: ماملي بشهادته وتلقيه لا منطق لا أسلوب ولا ذوق
فاتن: دهشت لكن استمتعت لي زمااااان ماميزت
فهد: كيف صار كان عندك خيل
فاتن: اها كان عندنا خيل في المزرعة ضرباته سيارة ومن وقتها وانا معش فكرت نجيب خيل
فهد: تعالي عطيني بوسة يافارسة قلبي
فاتن: فهد حووول مش منجدك مرات ايكون في حد ايشوف فينا ونحن مش فاطنين
فهد: يرا تعالي زوجتي وعروستي السمحة اكيد ضروري منها مرة مرة
فاتن: في الحوش مش هنا ????
فهد: تبي تعبيني شكلك ، لكن مشكلة يالله
فاتن تضحك: هي نمشولهم
حنان: ماشاء الله عليك عين الله تحرسك يابنيتي
وجدان: الله اكبر ربي يعطيك الصحة والله تقول نتفرجو علي ملهاد هههههههه
صالح: كان غيرك م طايح بوجك طلعت فارسة
فهد: كل مرة تصدمني بحاجة والله
صالح: ربي يحفظكم ويرعاكم
أنور: الوووووو وين ياباشا مش علي اساس نمشو نجيبو انساباتك
فهد: أنا في زردة،معا العيلة مايسيرش منها اليوم
أنور: بكرة ايسير منها؟
فهد: كنك مستعجل انت انساباتك والا انساباتي
أنور: قريب يقعدو أنساباتي فكني من قطع لرزاق بس
فهد: يراجل ماضنيش ايوافقو علي واحد مطرشق كيفك
أنور: غير أطلع منها انت توا نمشيله ونهدرزله راجل لراجل
فهد: يرا انشفط ، مايلقو خير منك يانصي
أنور: كبر مقدارك ياوسخ
فهد يضحك: خلاص بكرة،نشوف الجو ونكلمك كان صار منها انرن عليك قبل مانطلع من هنا
سارة: ووووه وووووه يامامي عقرب عقرب
كلهم سمعو لعياط وجو يجارو
اكرم: وين العقرب
سارة: اهوو هنا عندك
فاتن تضحك: مش عقرب هضا بو عقربان
سارة: نفس الأسم وشكله هضا أخطر من العقرب
أكرم وطا عليه بكراعه
وكلهم يضاحكو عليها وفاتن ماسكة ضحكتها بالغصب
اشوي وسمعو صوت سيارة
سارة: الله اخويلة نوارة معاها البنات
حنان: اها كلمتني مبدري قلتلها زاردين سهفها الجو قلتلها تعالي تعشي معانا وغيري جو
سارة: اهلا اهلا خويلة وهبوو شن الجو مرايفة عليكن
وجدان: حلك رايفتي عليهن مالهن شي امروحات من فرح فهد
منيرة: قلبها ارهيف
فاتن سلمت عليهن وخشت
وجدان: فاتن تعالي ندهورو نين ايطيبن القهوة
هبة لابسة لبسة اتحشم ومطلعها نص شعرها ممكياج كامل
سارة: وين ع الطرحات ، لكن مايبنش جو هضا بس
هبة: نحسابه مزرعة وحوش نحاسبش ابيوت
سارة: لا عادي تعالي نشوفوهن ايديرن،في القهوة
منيرة: هبة خشي للبيت الرجالة كلهم معا عمتي راه
هبة: ضنا خالتي وزي خوتي
منيرة: براحتك حبيبتي لكن صالح ديما ايعارك ع البنات اللي ايداعكن في الرجالة
هبة: اها تمام خلاص توا نخش معناتها
سارة: كنك ي منيرة كأنك غرتي من هبة هههههه
منيرة: عليش نغار منها انا حكيت الحقيقة نسيتي شن دار لما شافك لابسة لبسة اتحشم؟
سارة رقالها وخشت لهبة
امينة: شن دخلك بيهن
منيرة: حيوانه اتفصع قدام رجالتنه بلبستها
امينة: علي اساس ايشوفو فيها سرافة
منيرة: حتى كان
امينة: هبي عليها دايرتها بالعاني
منيرة: قثدك عشان فهد؟
امينة: اها وتوا تقولي ماقلتها امينة
منيرة: واو مفش مقارنة بينها وبين فاتن بكل
امينة: عارفة ، بس الرجالة مافيهمش ثقة
منيرة: لا مستحيل
وجدان: الحق نبي ننصحك علي حاجة بروحنا
فاتن: شني ان شاء الله خير
وجدان: نجاة وسلمى حكنلي ع لقطة سارة ع العشاء وهي تبي توصلك ان فهد كان يبي بنت خالته هبة اللي جت توا ، نبيك تكوني علي ثقة ان فهد ناسيها من زمان ومايفكرش فيها بكل ولا حتى يقبلها هي وخواتها عشان لبسهن وتفصعهن لذلك مهما تدير من حركات اعرفيها تبي تغيضك
فاتن: بارك الله فيك ، لكن فاطنه وعارفة كل حاجة ماعليك
الكاتبة جمان الزياني
هبة: خويلة الله بتديرو شوايات
اكرم: بسم الله
هبة: كنك تقول شايف جن ههههههههه
اكرم: فجعتيني بس
حنان: اها بنديرو شوايات خشن جوا
نوارة: ماصدقنا حصلنا مكان انوسعو فيه خواطرنا ماعندهن عليش ايخشن جوا خليهن يدهورن
صالح: استغفر الله عليك مناظر ايكرهنك في الصبايا
فهد: شن في
صالح: خالتك نوارة جايبة معاها العبو متاعها ازح واللبس فضيحة
فهد علي طول جا في بالة كلام فاتن
صالح: انتو مروحين اليوم
فهد: بإذن الله
صالح: أحسن الجو بدا مش سمح بعد جيت خالتك واكيد ح تقطن كم يوم
فهد: مايهمنيش المهم عندي ناخذ عروستي وانروح بيها
صالح: خلاص را اتحمسني نمشي ناخذ وجدان ونخلي لعيال هنا
فهد: لا ازح خليكم انا بناخذها عشان خالتي زقبت واصل كلام لفاتن اني كنت نبي هبة
صالح: هالله هالله حلهن وصلنها لها
فهد: يرا حركات عيت حنه
صالح: سألتك بالله من وصلتها الها
فهد: سارة
صالح: سبحان الله والله عرفتها
فهد: مش مدورها نا اهم حاجة عندي فاتن تقعد في جو سمح مش جو متكرهب
صالح: لا خوذها وأطلعو بكرة غيرو جوكم
فهد: لا بكرة نمشي نجيب هلها نحطهم،في الشقة
صالح: خلاص وافق الحاج؟
فهد: اها لكن قالي نعطيك الأجار ما هضا دورلي مكان اخرى
صالح: خلاص انت كان هضا ديرله مبلغ بسيط ياراجل شايب كبير ومعندش جهد للخدمة
فهد: وهضا اللي درته حتى فلوس الأجار بناخذهن وندسهن منيش صارفهن
صالح: ياسي ربي ايهنيكم ببعضكم ، منها يقربو هلها وين م هضا تمشي تخرف اتوسع خاطرها
هبة: هي ياخويلة امتى تبو تبدو في شوايات
سارة: اهو أكرم ايتبل في الكباب
حنان: خشن جوا توا تقعد بنتكم عثاثين
سارة: شن عثاثين
وجدان: دخااان يعني دخان ????
فاتن: اوووو نجكلي ياوجدان بعدك وقتها القهوة
سارة: احسبينا حتى نا وهبة
وجدان: مدايرة بكرج كبير ايسدنا كلنا
فهد: فاتن تعالي ندهورو شوي قبل مانروحو
حنان: هييييي يابي يابي وين ماشيين مانكم جايبين دبشكم
فهد: طلعلي شغل ضروري بكرة
حنان: ان شاء الله خير ياباتي ايش في
فهد: هل فاتن بكرة ناقلين تبي تمشي اتساعد خواتها اتظم معاهن الدبش
وجدان: ماشاء الله باهي الحمدلله نجكلي اهو مبدري شوي قلتيلي مرايفة عليهن ربي جبر خاطرك
فاتن: سلمك حبيبتي
فهد: هيا فاتن ندهورو مش قلتيلي نحب الدهورة في الليل
منيرة: امسك امسك خوذو قهوتكم وكيكة كسدو عليها
فهد: امنووورة بكل منيرة
فاتن: شن في فهد ماقدرتش ندوي قدامهم انت م قتليش ان هلي بينقلوا بكرة
فهد: الجو سمط لما جت خالتي ف قلت انروحو منها انكلم انور ونمشو للمزرعة نجيبو عمي والبنات وتقعدي معاهن اتظمي الدبش ونجي انروح بيك
فاتن: نجكلي فرحتني بكل الحمدلله هلي بيقربو مني
فهد مسك ايديها: انا نبي منك حاجة وحدة بس ونقعد حققت كل امنياتي ولله الحمد
فاتن: شني مافهمت
فهد: قصدي كل شي كنت نتمناه لما نتزوج صارلي
كنت نحلم بحوش بتصميم تركي ومواصفات معينة في العروس لقيتهن كلهن فيك توا حاجة وحدة بس ونقعد فرحان عمري كله
فاتن: باهي تمام شو هيا وترتني راااك
فهد: نبي بنيه
فاتن: كيف
فهد: نبيك تحملي وتجيبيلي بنوته
فاتن ضحكت: باهي مرات ايجي عيل
فهد: مستعد ناخذك لدكتورة من بكرة تعطيك نظام تديرلك راي تخليك تجيبي بنوته لأن خاطري في بنية
فاتن: غريبة أغلبية الرجالة يبو عيال
فهد: انا العكس نبي بنية وتشبهلك
فاتن: باهي وانا نبي اوليد زيك
فهد: نعلييي نا وشن المشكلة نجيبو بنية واوليد والليله اخرى
فاتن: معش تحرجني عنشكلك شنو هضا هيا امشي وهات القهوة اكيد صقعت
فهد: كان صقعت نسخنها لك ادللي بس
فطومة: نعلي علي قد ماني فرحانه ان بننقلوا للمدينة والأجواء علي قد ما زعلانه بنسيبو المزرعة
عويشة: مش عارفة نحس فيها بااايخة لكن الله غالب عمرنا راح ع الفاضي لا قراية تنفع لا نعرفو حاجة كيف البنات
فطومة: باتي قالي فهد سجلكن نظامي وقال نعرف صاحب حافلة اوليد محترم ايسجلنا معاه
عويشة: الحمدلله فاتن جابلها ربي علي قصاد صبرها ونيتها الطيبة
فطومة: حتى نا فرحانه الحمدلله اطمنت عليها تحسيها طبعها مش اي حد يفهمه
عويشة: بس لو فهمها ايعيش متريح
فطومة: العقبالي نا وهضك السمح
عويشة: قتلك راك لك فترة ساكنتلي عليه نين قعد يطلعلي في الحلم ان شاء الله وتفكيني من هالليله السودة
فطومة: هههههههه تفو عليك ياكلبه هضا اللي يفتحلك قلبه ويشكيلك
عويشة: انتِ م تشكيش انتِ مكبدة فيه وهو ماجايب منك علم
فطومة: خزي مافش امل بكل
عويشة: لا امل لا وذن تعالي امسكي الشنطة قريب تنفجر م الدبش
أكرم: هبة زقبتيلي قريب تخشي في الكانون ازح
هبة: ع اللي ايساعد فيك اصلا
اكرم: لا ماعليك خشي بس اهو جا منصور ايساعدني
هبة: حتى نا خاشه اقعد فيها
حنان: عيب اكرومه
اكرم: يرا سكنتلي ازح ياامي من بدري زاقبتلي تقول عمرها ماحقت شوايات
منصور: كنك فاصل ههههههه
أكرم: يرا بنات خالتك زي عظم بوغصاص
منصور: قالك جماعتنا كلهم يطبخو
حنان: عيب تسمعكم خالتكم تزعل
سارة: أكرم كنك معا هبة خشت زعلانه
اكرم: اطلعي منها
سارة تعفلقت: تمام تمام
منصور: من امتى سارة وهبة صحبة
أكرم: ماني عارف خبر ايطرشق
فاتن: باهي لو بنوتة شن انسموها
فهد: خاطري في أسم قمر
فاتن: حلووووو
هبة: سارة هيا نتمشو شوي في الحديقة
عزيزة: حديقة ايش دعوتها يابتي
منيرة: هههههههه عطك الخير ياعزيزة
سارة: صح زي الحديقة ورد وجو حلو
امينة: باهي اللي نسجمتي ياسارة قبل جوك خارب بكل
سارة: اكيد معاي هبوش
عزيزة: ياكلا هبوش هذين من امتى ايتقابلن
امينة: مطرشقات كيف بعضهن
منيرة: هابا منها سارة ماحتى تطمنيلها بالحيل
عزيزة: مافي حد مطمنلها
امينة: ربي يهديها تخاطى فاتن بس الا نحن عارفين لي فيها
عزيزة: لا يعوينك فاتن واضح عليها بعقلها وتعرف امتى تحكي
امينة: صحة لها شخصيتها تهبل
منيرة: خسارة ماقعدنا معاها بكل ، مبدري قالتلي نديرو قهوة ونطلعو نحن السلفات ندهورو نبي نتعرف عليكن
عزيزة: خسارة جت خالتي نوارة خربت المخطط ههههههه
امينة: ماعلينا المهم نمشي نشوف شن صار في الشوايات
حاتم: كذا يا اكرم عطيني كبدة الله يرحم ولديك
اكرم: نقانك دسها ياحاتم ايشوفوك،ايجوني كلهم،
حاتم: مش ليا هذي لعزوزة
منصور: تمام خوذها وعدي
اكرم: يرا خوك ومراته مش طبيعين
منصور: تي حاتم متزرط في طاجين بسبوسة هك كبرة
اكرم: لا يرا حرام عليك يسمعوك ايصدقوها
منصور: مافش تفسير الا هك
هبة وسارة يبرمن ايدورن،في فاتن وفهد يبن اينكدن عليهم
فاتن شافتهن من بعيد حطت ايديها لثنين علي رقبة فهد وقعدت تدلع عليه
فهد استغرب الحركة وفرح ماصدقها بادرت في مشاعرها
هبة: شوفي كيف ملصقه فيه تشوفيها تقولي بدوية ولقاقه ماتفهمش في الجو
سارة منصدمة: ياما تحت السواهي دواهي شوفي شن يطلع منها المنافقة
هبة: هههههه لابسه ثوب الطيابة ثاريتها لفعة
سارة: تعرفي نصدمت ريتي الحركات لي تدير فيهن
هبة: هيا هيا خلينا نردو
سارة: ماتزعليش روحك مغير فرحان بيها مزالت عروس توا تشوفيه بعد فترة،يزهد فيها،
هبة: اصلا انا كنت ناسيته الموضوع انتِ اللي ذكرتيني بيه وياريتك ماذكرتيني
فهد: الوووو ها اكرم
اكرم: بالك تروحو في جماعة زرقو عليكم راه
فهد: والله نحن قاعدين في ظلام اللي ايقرب ماعندي مانديرله
اكرم: ههههههه تعالوا العشاء واتي في لرباعات
فهد: هي هي
فاتن: فهمتش شن في
فهد: شكله في حد شافنا من بعيد وماشي قايلها لهم
فاتن بعباطه: واو عليك احراج
فهد: عنهم مايردو ازح عرسان ومزلت فرحان بيك
تعشو كلهم الرجالة في بيت والصبايا في بيت
نوارة: هي يافاتن عولي علي اوليد والا بنية
فاتن: ان شاء الله ياخالتي
سارة: هييييي مزالوا عرسان حلهم
نوارة: مش كلهم كيفك ياحنه علي قولك تريدي تريحي سنتين والا ثلاثة تعيشي حياتك
سارة: نعلي يدهورو شوي ايتنفسو بعدها جايهم سريب البيبي والتعب ولعياط
حنان: لا والله ياحنة نا نبي نشوف عويلة ضناي مانتريح نين نشوفهم كلهم متريحين بضناهم
فاتن: ان شاء الله تشوفي ضنا ضناهم
نوارة: سلمها ياربي سلمك صاحبة عقل مش كيف سارة الهبلة
سارة: والله كل واحد وجوا انا واكرم متفقين هكي
امينة: متأكد اكرم عاجبة
سارة: مش مهم ، المهم عاجبني انا هههههه
وجدان: فاتن بنقولها لك من توا راهو ثاني يوم من جيت خواتك بنمشي نشرب معاهن قهوة علي قد ماغلن عليا
عزيزة: صح ايخشن الخاطر
فاتن: سلمكن وتفضلن في اي وقت نمشي نا وياكن وحتى هنا غالي عليهن الصاحيب
نوارة بصوت عالي تعيط لفهد: سلمك جياب يافهودة سلمك جياب سماحة لون وعمل وطبع ربي يحفظكم
هبة تغلي وسارة قريب تزقب عليها اتسكتها
فهد يضحك: هااا ياخالتي شن رايك في ذوقي
نوارة: نعنا ذوق عويلتي ياباتي عليك صباح وعليك عقل اتهنى بيها
فهد: راكم تقربعوها لي
نوارة: هههههههه لا بعيد السو عليكم ياباتي
منصور: كيف صار ياخالتي عليما اجوزنا وجبنا صبايا هالكلام ماعمرك قلتيه لنا
نوارة: لا والله كان م قلتها في وجوكم،نقول فيها وراكم طحتو في صبايا امسقمات
ابراهيم: توا عليش تحرج فيها انت حرام عليك
صالح: خليها محد قاللها تمدح وحدة وتسيب وجدان
اكرم: هههههههههههههههه
صبن يغسلن،في لمواعين وفاتن معاهن
حنان: فاتن يمينتي راجلك ايناديلك اسقدو بدري يمي طريق طويلة
فاتن عيونها دمعن وذكرت كلام امها
حنان: كنك يمي حسيتي بحاجة
فاتن: لالا غير دخت بس
حنان: ههههههه زعما في شي حاجة هك والا هك
فاتن ضحكت: مش ف هالسرعة ياعمتي
حنان: ماتقوليش نعرف وحدات شالن اسبوع الفرح
فاتن: ان شاء الله ي عميمة تصبحن،علي خير كلكن ان شاء الله ديما طيبين وملتمين
وجدان: خوذي التبسي هضا حسيتك ماكليتيش معانا سخنيه وكولي معا راجلك في الحوش
فاتن: نجكلي جودي بارك الله فيك
وجدان: فيك بارك الله خيتي لصغيرة انتِ اي شي تبيه تعالي عندي وامتى متكسدي تعالي نخرفو
فاتن: ان شاء الله وانتِ طيبة
فهد: شني هضا
فاتن: شوايات لأني م كليتش لقيت وجدان معقبتلي
فهد عيط لوجدان: امنورة ياجودي لقنك قدعة
وجدان بصوت عالي: صحة صحة
فهد فتح لفاتن الباب وركبت
صالح: يراجل ريحنا لعيون كلهن عليكم ساع ايديرن فينا ليلة سودة
فهد: انحرقو ياصلوحة انا أميرتي وخذيتها أقعدو فيها انتو
صالح: تم تم والله انوريك
هبة: ياريتني ماجيت بصراحة
سارة: عليش شوي اخرى وايديرو،كانون وشاهي وجو بلا نكد
عزيزة: حاتم حاتم تعال اشوي
حاتم: كنك انحسي في حاجة
عزيزة: لا غير جا خاطري في حاجة حامضة وتحشمت نطلب من الصبايا مصبيات ايعانن برواحهن
حاتم: غير كان كلمتي وجدان جابتلك
عزيزة: وجدان من بدري تعاني مسكينة ماقصرت
حاتم طلع ايدورلها في حاجة حامضة تقول اول بيبي ايجيه
فهد وفاتن ايهدرزو في السيارة
فاتن: توا دخت شوي عميمة،قالتلي راك تقعدي دايرة حاجة هههههه
فهد: شنوووو انتِ حامل قصدك احلفي احلفي
فاتن: انا ماقتلكش حامل كنك انت
فهد: امي تفهم في الحاجات هذين صدقيني عيوني شكلك حامل واو ياربي الحمدلله مش مصدق
فاتن: فهد كنك انت لحظة بس ليش فرحان هك مرات لا حامل لا شي
فهد: قولي خير بس ، توا نتكي علي عيادة نديرلك تحليل سريع
فاتن: خليها في النهار ليل توا وتعبانه
فهد: حولي يدك خليني نلمس بطنك،كان بنيتي جوا توا نحس بيها
فاتن تضحك عليه هبل انت هههههههه
وبووووووووووم
ياخسارة م كملتش فرحتهم تابعني للحلقة الجاية وقون قلوبكن نهاية حزينة .
يتبع … الحلقة 17

رواية بنات البادية الفصل السابع عشر

الفصل السابع عشر من رواية بنات البادية لا يزال قيد الكتابة، لو عايز تقراه كامل بمجرد نشره أنضم لقناتنا على تليجرام واكتب تعليق على الفصل ده.