رواية بائعة الخضار – جميع الفصول في مكان واحد | بقلم محمد طه

رواية بائعة الخضار – جميع الفصول في مكان واحد | بقلم محمد طه

رواية بائعة الخضار هي واحدة من الروايات الحديثة التي حققت رواجًا كبيرًا على مواقع التواصل الإجتماعي مما دفعنا لأن نُقدمها لكم اليوم للقراءة المُباشرة على موقعنا في صفحة واحدة للاستمتاع بتفاصيلها الرائعة.

رواية بائعة الخضار الفصل الأول

_(أيوه الطازه أيوه الصابح.. قرب يا باشا قربي يا هانم الخضار الطازه..أرزقنا يا كريم ولا تحوجنا للئيم..لم علينا عبيدك يا رب)
_أنا أسمي الهام عندي 30 سنه.. أبويا وأمي الله يرحمهم سابولي ستر ربنا وفرشه الخضار وأخويا
_أخويا مازن عنده 20 سنه ومعاق ذهنيا
_(نسيت أوصفلكم جمالي الرباني.. ولا لأ أحسن مازن يزعل أصله بيغير عليا من نسمه الهوا واللي بيقرب مني بيبقى عايز ياكله بإسنانه وربنا هو سندي في الدنيا دي)_
_(بيتنا عباره عن أوضه فوق سطوح بيت بسيط
من داخلها الحمام.. والسرير عباره عن كنبه.. بس إحنا راضيين ومبسوطين.. المشكله الوحيده اللي بتقابلنا
لما المطره بتنزل في الشتاء.. الأوضه بتبقى عباره عن حمام سباحه.. يعني الناس كلها بتصيف في الصيف وأنا وأخويا بنصيف في الشتاء)_
(صوت خبط على الباب)
_أستنوا خليكم معايا هشوف مين على الباب وارجع
_ألحقي يا خالتي الهام
_الهام.. فيه إيه يلا.. أنطق
_مازن أخوكي أتعور في الشارع وبينز،ف د،م
_الهام بصدمه..يا لهوي.. وسع.. مين اللي عور أخويا
_(وبسرعه روحت لقيت أخويا مرمي على الأرض وإزازه داخله في رجله وعمال يعيط وعشان إحنا غلابه مفيش حد سأل فيه.. شيلت أخويا وجريت بيه على الدكتور)_
الله يباركلهم نضفوا لأخويا الجرح وعملوله اللازم
_الدكتور.. الحساب 700 جنيه وتجيبوا العلاج ده وتغيريله على الجرح كل يومين وبعد 10 أيام
تجيبيه عشان نفكله الغرز..(ويلاحظ الدكتور إنها سرحت) إنتي سرحتي فين انتي سامعاني
_الهام بصدمه.. حضرتك أنا مسمعتش غير 700 جنيه.. ليه 700 جنيه.. عملت ايه ب 700 جنيه
_الدكتور.. عملت 7 غرز ونضفت لأخوكي الجرح
هوا إنتي فاكره إيه..هقولك 7 جنيه
_الهام بإنكسار.. بس أنا مش معايا المبلغ ده كله
ومعنديش حاجه أبيعها غير الكنبه وحتى الكنبه لو بعتها مش هتجيب 200 جنيه
الدكتور بسفاله.. كنبه (ويبص على جسمها من فوق لتحت) علي فكره إنتي عندك حاجات كتير غير الكنبه بس انتي اللي مش واخده بالك (ولسه هيحط إيده على كتفها)
_الهام برفع حاجه وصوت عالي.. لأ الكلام ده عند أمك واتلم بدل ما ألمك خد بالك أنا لساني أوسخ من ميه المجاري.. 10 دقايق وهروح أجيبلك حسابك على الجزمه القديمه
_(وسابت الهام أخوها عند الدكتور وخرجت)
_الدكتور.. قوم يلا أتلقح بره لما أختك تاجي
(ويقول للممرضه) خلي بالك من الواد ده لما أخته تاجي.. حسابها 700 جنيه تدفعهم وتاخده
_(الهام راحت الأوضه وكان باب الأوضه مفتوح وأفتكرت إنها لما أتخضت على أخوها نسيت تقفل الباب وسابته مفتوح جريت بسرعه على كيس الفلوس ما لقيتوش)_
_الهام بدموع تكلم نفسها.. دا إيه اليوم ده.. حتى كيس الفلوس أتسرق.. هجيب أنا إزاى الخضار اللي هبيعه بكره.. خضار إيه بس يا الهام اللي بتفكري فيه..
هاتي أخوكي الأول..وأخويا هجيبه إزاي وهجيب 700 جنيه منين (وبعد تفكير) أنا هروح أجيب أخويا واللي يحصل يحصل ولما ياجي معايا فلوس هبقى أوديهم على دفعات.. الدكتور اللي ما عندوش نظر ولا دم ولا متربي ده
بقلم…محمد طه
_عند الدكتور
_الهام.. أخويا فين
_الممرضه بخوف وتردد.. أخوكي مشي ما أعرفش راح فين
_الهام بصدمه وصوت عالي.. يعني إيه مشي وما تعرفيش راح فين.. أخويا فين.. وديتو أخويا فين
دا أنا هعملكم مصيبه هنا.. أنطقي أخويا فين
_الدكتور يخرج.. إيه الدوشه دي.. إنتي صوتك عالي ليه.. جبتي ال 700 جنيه
_الهام بشر.. 700 جنيه.. دا أنا هرتكب جنايه النهارده وديتو أخويا فين..أخويا فين
_الممرضه بخوف وتردد.. والله يا دكتور أنا دخلت الحمام وخرجت لقيته مشي وما أعرفش راح فين
_الهام بصدمه.. يا نهار أسود..دا علي نياته وما يعرفش حاجه.. ضيعتو أخويا..حسبي الله ونعم الوكيل فيكم
_(وجريت الهام تدور على أخوها زي المجنونه في الشوارع اللي حوالين عياده الدكتور فضلت حوالي ساعتين تدور عليه لحد ما وصلت ليه وكان قاعد جنب حيطه بيعيط.. تجري عليه وتاخده في حضنها)
_الهام بدموع.. ما تخافش.. أختك جنبك ما تخافش يلا قوم علشان أشيلك وأروحك البيت
_(وشيلت أخويا على ضهري.. لأ مش عيب دا أخويا وحته مني كنت أشيله شويه وأقعد استريح شويه لحد ما وصلنا بيتنا قصدي الأوضه..ونيمته على الكنبه وبقيت محتاره أجيبله العلاج منين)_
_الهام.. قولي يا قلب أختك..رجلك بتوجعك
_مازن بدموع..بتوجعني أوي
_(مازن بيتكلم بس مستحيل حد يفهم كلامه
بس أنا الوحيده اللي بفهم كلامه وبعرف هوا بيقول إيه وعايز إيه)_
بقلم…محمد طه
الهام تمسح دموع أخوها..معلش يا حبيبي هتخف هجيبلك العلاج وهتخف
_(وتدخل علينا نسمه جارتنا بنت عسوله وأموره أوي وعنيها خضراء وعندها 15 سنه وسبحان الله بتحب مازن أكنه إنسان عادي وطبيعي تقولش البنت عاميه ومش شايفه إنه معاق ذهنيا وهوا ف دنيا تانيه غير دنيتنا)_
_نسمه تجري عليه بلهفه.. يا نهار أسود..مازن ماله
إيه اللي حصل.. ومين اللي عوره كده
مين اللي عورك كده
_مازن بدموع ويحط إيده على رجله المتعوره.. بتوجعني بتوجعني بتوجعني
نسمه ودموعها بدأت تنزل..معلش أستحمل أول ما مفعول العلاج يشتغل هتخف
_(نسيت أقولكم إن نسمه كمان بتفهم وبترجم كلام مازن وده من كتر ما بتقعد معاه)_
_مازن بوجع.. مفيش علاج مفيش علاج
_نسمه.. يعني إيه مفيش علاج.. فين العلاج يا الهام إن كان مش عايز ياخده أنا هديهوله..
هوا هياخده مني
_الهام بانكسار.. لأ ما هوا العلاج ما جاش أصلا
أنا رجعت لقيت الأوضه أتسرقت..
أولاد الحرام بقى الله يجازيهم
_نسمه بإستعجال.. فين الرشته.. أنا محوشه فلوس في الحصاله هجيب منها العلاج.. وإنتي أعمليله حاجه ياكلها لما آجي
(وبعد ما خرجت نسمه)
_الهام.. إيه البت الجدعه دي.. لأ جدعه إيه..
دي واقعه لشوشتها (وتبص لمازن بإبتسامه)
إبسط يا عم مازن.. المزه هتكسر الحصاله عشان خاطر عيونك
_مازن.. نسمه تحب مازن ومازن يحب الهام
نسمه تحب مازن ومازن يحب الهام
_الهام في سرها.. يا ترى لما تعرف الحقيقه هتسامحني وتفضل تحبني ولا هتكرهني………..
ويتبع…………..

رواية بائعة الخضار الفصل الثاني

_الهام في سرها.. يا ترى لما تعرف الحقيقه هتسامحني وتفضل تحبني ولا هتكرهني..
بس أنا متأكدة إنك هتعذرني وهتسامحني
وفجأه يدخل ولد عنده حوالي 10 سنين
إبن صاحب البيت
_الولد.. أبويا بيقولك عايزين إيجار الأوضه..
النهارده 4 ف الشهر وانتم لسه ما دفعتوش الايجار
_الهام.. حاضر يا حبيبي.. قول لأبوك خالتي الهام هتعدي عليك
_الولد يضحك باستهزاء.. هههههههه على آخر الزمن بتاعة الخضار بقت خالتي
_مازن بغضب.. أبوك إبن ك.ل.ب.. ابوك إبن ك.ل.ب
_الهام تهدئه.. أهدى يا مازن.. غور يلا من هنا
_(فيلا الصباغ)_
_رضوان الصباغ.. ها يا ابن رضوان الصباغ.. مش ناوي بقى تزود في سلسله أسامينا إسم
_نهاد.. هو ده كل اللي شاغلك يا حاج إنك تزود سلسله أسامينا إسم
_رضوان.. يا إبني أنا عايز أشوف حفيدي وأشبع منه قبل ما أمو،ت
_نهاد.. بعد الشر عليك يا حاج.. حاضر أوعدك إني هفكر في الموضوع بس المهم قولي أخدت العلاج
_رضوان.. أنا علاجي حفيدي.. ساعه ما هشوفه هيرجعني شباب
_ويقوم نهاد يجيب العلاج ويعطيه لأبوه_
_نهاد.. حاضر يا حاج إن شاءالله في خلال شهر هتلاقيني بقولك أنا لقيت العروسه وعايز أتجوز
خد بقى علاجك بانتظام عشان حفيدك لما ياجي يلاقي جدو لسه شباب مش عجوز يا راجل يا عجوز
_رضوان.. أضحك عليا زي كل مره.. تقدر تقولي هتتجوز إزاي وأنته كل ليله بتنام مع واحده شكل
_نهاد بابتسامه.. يا راجل يا عجوز اللي خلف ما ما،تش وهوا يعني أنا جايبه من بره..هذا الشبل من ذاك الاسد
يلا سلام أنا رايح الشركه عشان البضاعه جايه الليله والمعلمين اللي هيستلموا البضاعه عاملين مشاكل وشكل الليله مش هتعدي على خير
_(يخرج نهاد وتدخل مرات أبوه)_
_ميرفت بغضب.. بدل ما أنته شاغل بالك بجواز إبنك الأولي إنك تشغل بالك وتدور على إبني ولا هوا مش إبنك أنته كمان
_رضوان بهدوء.. يا ميرفت إبنك ما،ت.. إبنك ما،ت
إنتي ليه مش عايزه تصدقي إن ابنك نزل من بطنك م،ي،ت
_ميرفت بدموع.. إبني لو لا قدر الله ما،ت..
كنت حسيت بيه.. إنما أنا حاسه إن إبني عايش
إبني عايش يا رضوان ما ما،تش ابني عايش وقلبي حاسس بيه
_رضوان بغضب ونفاد صبر..بطلي جنان يا ميرفت
إنتي بقالك سنين بتقولي إبنك عايش وأنا سايبك تصبري نفسك بأي كلام.. إنما الحقيقه اللي لازم تعرفيها وتصدقيها هيا إن إبنك ما،ت
بقلم…محمد طه عبد المجيد
_ميرفت بدموع وحرقه على فراق إبنها.. والله إبني عايش يا رضوان.. أنته اللي عشان شايف نهاد إبنك قدامك فمش حاسس بإبني ولا أكن كان ليك إبن تاني غير نهاد
_(وتسيبه وتطلع على أوضتها وهيا بتبكي)_
_رضوان في سره.. الله يسامحك يا ميرفت أنا مش حاسس بيه.. دا أنا قلبي محروق عليه أكتر منك
_ويطلع تليفونه ويتصل بنهاد_
_رضوان.. أيوه يا نهاد.. ما تسلمش البضاعه للتجار
أنا اللي هاجي أسلمهالهم بنفسي عشان عايزهم في موضوع مهم
_(عند الهام)_
_نسمه جابت العلاج لمازن وهيا جايه في الطريق أفتكرت إن أكيد مش هيكون فيه أكل عندهم في الأوضه فراحت بيتهم جابت أكل وراحتلهم وبدأت نسمه تأكل مازن وبعدين بدأت تديله العلاج
والهام قاعده تبص على نسمه وجدعنتها معاهم
_الهام بحب.. تسلم إيدك يا نسمه..
والله إنتي إسم على مسمى
_نسمه لمازن.. نام بقى وإن شاءالله هتصحى تبقى تمام وزي الفل.. وما تنساش وانت نايم تحلم بيا
_مازن بابتسامه.. شكرا يا نسمه
_ونسمه تلاحظ سرحان الهام_
_نسمه.. مالك يا الهام
_الهام بقله حيله.. حلينا مشكله العلاج.. هنجيب فلوس الدكتور منين.. وهنجيب إيجار الأوضه منين والخضار اللي هجيبه بكره هجيبه إزاي..
أنا مش عارفه أنا هتصرف إزاي دلوقتي
_نسمه.. ما تشغليش بالك أنا هتصرف
_الهام بجديه.. يعني إيه إنتي هتتصرفي.. أسمعي يا نسمه أنا سبتك تجيبي العلاج عشان ما كانش فيه حل تاني..وكان ضروري العلاج ييجي دلوقتي..
(وتسكت شويه وبعدين تكمل)
إنتي كل المطلوب منك دلوقتي إنك تبقي تاجي تقعدي مع مازن وتخلي بالك منه لحد ما أنا أشوف بقى هنزل أشحت ولا هتصرف إزاي
(وتسكت شويه وبعدين تكمل)
واعملي حسابك الفلوس اللي جبتي بيها العلاج
هدهوملك وبزياده كمان
_نسمه بزعل.. طيب هقوم أمشي بقى قبل ما تطرديني (وقبل ما تخرج تقولها)
أنا هاجي الصبح وهجيب فطار ليا أنا ومازن ومش هعمل حسابك معانا (وتسيبها وتخرج)
بقلم…محمد طه عبد المجيد
_الهام بتأنيب ضمير.. ليه بس كده يا الهام
بقي دا جزائها إنها عايزه تساعدك.. لأ ما ينفعش أسيبها تساعدني.. دي عيله صغيره وممكن تاخد فلوس من ورا أبوها وأمها وده أنا مستحيل أقبله وبعدين هيا كده كده مش هتزعل..
يا رب دبر لي أمري فإني لا أحسن التدبير
_بعد منتصف الليل باب الأوضه يخبط وتقوم الهام تفتح وكان صاحب البيت_
_الهام بقلق واستغراب.. خير يا حاج
_صاحب البيت كان راجل كبير في السن عنده حوالي 60 سنه ولما الهام فتحت الباب ما كانتش حاطه حاجه على شعرها وفضل متنح قصاد جمالها وجمال شعرها الأسمر الناعم وبسرعه الهام دخلت جابت طرحه حطتها على شعرها وكررت سؤالها
_الهام..خير يا حاج
_الحاج يبلع ريقه وعينيه على جسمها.. قدامك حل من اتنين يا أتجوزك عرفي ومصاريفك إنتي وأخوكي عليا.. يا إما النهار يطلع تاخدي أخوكي وتمشي من هنا
_ما كانش في عندي رد غير إني أقفل الباب في وشه وفضلت طول الليل سهرانه أفكر أعمل إيه وأتصرف إزاي لحد ما قررت إني آخد أخويا وأمشي..
ويا ريتني ما مشيت
_في صباح اليوم التالي تحت كوبري في مكان مقطوع
_الهام بنعس.. بقولك إيه يا مازن.. أنا ما نمتش طول الليل..أنا هنام شويه ولما تسمع أذان الظهر يبقى صحيني
_وصحيت على أذان الظهر وما لقيتش مازن جنبي
_الهام بفزع وصوت عالي..مازن..مازن..مااااااااازن
وفضلت طول النهار أدور على مازن.. فص ملح وداب
_وتاه مازن الغلبان ف مفرمه الدنيا………..
_ويتبع………….

رواية بائعة الخضار الفصل الثالث

الهام بدموع وتوسل لربنا.. يا رب عطرني في أخويا دا على نياته وما يعرفش حاجه ومفيش حد هيفهم كلامه.. يا ريتني ما كنت أخدته ومشيت..
دا أنته أول مره تبعد عني يا مازن.. يا ترى روحت فين (وبعد تفكير) ممكن يروح الأوضه..
اه وربنا ممكن يرجع على هناك.. دا أنا ممكن أروح الأوضه الاقيه هناك
_ورجعت علي الأوضه زي المجنونه علي أمل إن
ألاقي أخويا هناك.. لكن للأسف ما رجعش..
وقررت إني أفضل قريبه من الأوضه على أمل إنه يرجع في أي وقت
_نسمه بعتاب.. فين مازن يا الهام.. أنا جبت فطار وجيت الصبح لقيت باب الأوضه مفتوح ومفيش حد هوا أنتو رحتو فين.. وديتي مازن فين
_الهام بدموع.. مازن تاه وما أعرفش هوا راح فين
_نسمه بعدم استيعاب.. إنتي بتهزري صح..
ودموعك دي تمثيل.. بطلي هزار يا الهام..
وقوليلي مازن فين
_الهام تنشف دموعها.. أسمعي يا نسمه.. خلي عينك في الشارع وأنا هلف أدور عليه..ولو رجع وأنا مش موجوده أوعي تسيبيه يروح هنا ولا هنا
_نسمه بدموع.. وتاه منك إزاي وفين.. دا ما بيغيبش عن عينك لحظه
_الهام بتوسل لربنا.. إن شاء الله هيرجع وهنلاقيه
_نسمه بدموع.. المصيبه إن مفيش حد هيفهم كلامه ويعرف هوا عايز إيه.. أو شويه عيال يتلموا عليه ويضايقوه
_الهام بدموع.. أبوس إيدك أنا مش ناقصه..
إن شاء الله ربنا هيسخرله اللي ياخد باله منو
لحد ما نوصله
(ومشيت الهام تدور على مازن)
_نسمه بدموع.. الله يسامحك يا الهام.. والله لو مازن حصل ليه حاجه والله ما هسامحك والله ما هسامحك يا الهام.. يا رب خليك معاه وما تخليش حد يأذيه
فيلا الصباغ
نهاد بغضب.. بضاعه ب 100 الف جنيه توزعها على التجار بالمجان.. طب ليه.. ومين جابر الطيب اللي عايز التجار يدورولك عليه ده..
(ويقرب من أبوه وبكل غضب)
أنا الوحيد اللي ما ينفعش تخبي عليه حاجه
مين جابر الطيب ده وعمل معاك إيه.. ويستاهل إنك ترمي 100 الف جنيه عشان تلاقيه
بقلم…محمد طه عبد المجيد
_رضوان يو،لع سيجاره وبكل هدوء.. شوف البضاعه دي مكسبها كان هيبقى كام وأضربه في أتنين واعتبروا أتحول لحسابك في البنك
نهاد بهدوء بعد ما أطمن على زياده حسابه في البنك
_نهاد..يا حاج مش مسأله فلوس.. أنا عايز أعرف مين جابر ده عشان أقدر أساعدك وأجيبهولك من تحت سابع أرض
_رضوان بهدوء.. لما أحتاج منك مساعده هبقى اطلبها.. انت كل اللي مطلوب منك إنك تخلي عندك شويه د،م وتتجوز وتفرحني بحفيدي قبل ما أمو،ت
_نهاد..حاضر يا حاج إن كان ده اللي هيفرحك أنا هعملهولك (ويتكلم في سره) وحكايه جابر الطيب ده أنا هعرفها من طأطأ لسلام عليكم.. الغريبه إن عمري ما سمعت الأسم ده قبل كده.. بس شكلي كده هسمعه كتير الفتره اللي جايه.. لأن شكل جابر ده عامل مصيبه.. دا أنا أول مره أشوف رضوان الصباغ مهتم بحد كده.. يا خبر النهارده بفلوس بكره هيبقى ببلاش (ويقطع تفكيره وسرحانه صوت أبوه )
_رضوان.. سرحت ف إيه يا إبن رضوان
_نهاد بابتسامه خفيفه.. لأ مفيش يل حاج ..
بحسب مكسب البضاعه اللي حضرتك قولت عليه..
ولا حضرتك رجعت ف كلامك
عند الهام
_الهام بتلف في الشوارع على مازن ومش لاقياه..
وكل اللي تقابله تسأله على مازن وتبدأ توصفهوله لكن مفيش حد شافه.. لحد ما قابلت واحد وقال ليها إنه شافه.. وحست الهام إن روحها رجعتلها من تاني_
_الهام بلهفه وفرحه.. حضرتك متأكد إنك شوفته
_آه متأكد وهوا نفس المواصفات اللي قولتي عليها تعالي بس معايا هوديك عنده.. أنا شوفته دخل في بيت قريب من هنا
_وبدأ الشخص ده يسحب الهام معاه على بيت مهجور.. والهام راحت معاه على أمل إنها تلاقي أخوها وما تعرفش إيه اللي مستنيها على إيدين المريض اللي رايحه معاه
_عند مازن (وقت صلاه الفجر)
الحاج مسعود..إيه يا حاج طاهر.. مالك وقفت ليه عايزين نروح نفتح المسجد عشان نأذن لصلاه الفجر
الحاج طاهر وهو باصص على مازن.. الواد اللي قاعد جنب الحيطه هناك ده
الحاج مسعود.. ده شكله غريب ومش من بلدنا
الحاج طاهر.. أنا شايفه قاعد مكانه كده من صلاه المغرب.. ولسه قاعد مكانه لحد دلوقتي
الحاج مسعود.. ملناش دعوه يا حاج طاهر.. يلا بينا عشان نلحق الصلاه
(وبعد ما خلصوا صلاه الفجر وقفلوا المسجد وهما راجعين)
الحاج مسعود.. فيه إيه تاني يا حاج طاهر وقفت ليه
بقلم…محمد طه عبد المجيد
الحاج طاهر.. أنا هروح أشوف الواد ده مين وحكايته إيه..ولو كان ملوش أهل.. آخده يسليني ويونسني.. أنا كده كده قاعد لوحدي.. ورزقي ورزقه على الله
الحاج مسعود بتحذير.. يسليك إيه يا حاج طاهر..
هوا لعبه.. دا بني آدم..يعني مسؤوليه.. والواد شكله عبيط وباينه هربان من مستشفى المجانين..
ملناش دعوه يا حاج طاهر.. وما تجيبش لنفسك المشاكل
الحاج طاهر بإصرار..ملكش أنته دعوه يا حاج مسعود وأقصد كريم على بيتك
(وراح الحاج طاهر عند مازن ولاقاه بيعيط)
_الحاج طاهر.. أنته مين يا إبني..وبتعيط ليه
_مازن يحط إيده على رجله المتعوره.. بتوجعني بتوجعني.. الهام فين.. وديني عند الهام.. أنا جعان عايز أكل
_الحاج طاهر بعدم فهم..أنته بتتكلم ليه كده أنا مش فاهم منك حاجه خالص.. هيا رجلك بتوجعك
_مازن.. الهام فين.. يا الهام تعالي خدي مازن
_الحاج طاهر..والله يا إبني أنا ما فاهم منك حاجه خالص.. قوم تعالا معايا.. ولما الصيدليه تفتح..
هجيبلك مسكن
_وأخدوا الحاج طاهر معاه البيت وجابله أكل وأكله ولما الصيدليه فتحت أخدو وراح غيرله على الجرح وجاب له علاج وبدأ الحاج طاهر يهتم بمازن رغم إنه مش فاهم ولا كلمه من كلام مازن.. وكل وقت من أوقات الصلاه ياخده معاه المسجد يصلوا ويرجعوا
بقلم…محمد طه عبد المجيد
_وعدي يوم ورا يوم لحد ما في يوم مازن دخل كالعاده يصحي الحاج طاهر لصلاه الفجر..
لكن الحاج طاهر كان فارق الحياه وما،ت
_والحاج طاهر كان عاطي نسخه من مفتاح البيت للحاج مسعود لأن الحاج طاهر قبل ما يقابل مازن كان قاعد لوحده.. فكان عاطي نسخه من المفتاح للحاج مسعود عشان يبقي ياجي يطمن عليه لو أتأخر عن أي وقت من الصلاه
_ولما الحاج طاهر أتأخر عن صلاه الفجر.. راح الحاج مسعود عشان يطمن عليه.. وفتح الباب ودخل أوضه النوم لقي مازن بيخبط على صدر الحاج طاهر..
وبيصرخ..والحاج مسعود شاف المنظر ولقي الحاج طاهر م،ي،ت.. فخرج من البيت بسرعه وبدأ ينادي على أهل البلد ويقولهم..
الواد المجنون قت،ل الحاج طاهر..
وأتهمو مازن بقت،ل الحاج طاهر………….
_ويتبع………….

رواية بائعة الخضار الفصل الرابع

البارت 4
#بائعة_الخضار
_وأتهمو مازن بق،تل الحاج طاهر واتصلوا بالحكومه وجات الحكومه وقبضوا على مازن والاسعاف أخدت ج،ثه الحاج طاهر على المشر،حه للتشر،يح
_في القسم (مكتب الظابط)
_الظابط مش فاهم ولا كلمه من مازن ومش عارف يعرف منو إيه اللي حصل وقلعوه هدومه عشان يشوفوا على جسمه إن كان مكتوب إسمه أو عنوان أو رقم تليفون لكن ما لقيوش أي حاجه مكتوبه على جسمه.. لحد ما دخل أمين الشرطه ومعاه تقرير الطب الشرعي
_الأمين.. أتفضل يا فندم تقرير الطب الشرعي
(وياخد الظابط التقرير ويقرأه)
_الأمين.. خير يا فندم في إيه التقرير
_الظابط.. مي،ت مو،ته طبيعيه ومفيش أي إشتباه في القت،ل
_الأمين.. طيب الواد ده هنعمل فيه إيه
_الظابط.. هنقفل المحضر وهنعمله جواب تحويل على مستشفى الأمراض العقليه.. وبلغ كبير البلد ياجي يستلم ج،ثه المتوفي
_فيلا الصباغ
_نهاد بعد ما خرج من عند أبوه راح عند مرات أبوه
_ميرفت.. أهلا يا نهاد.. مش ناوي بقى تفرحنا بيك
_نهاد بخبث..أنا مستعد أتجوز الليله بس بشرط
_ميرفت باستغراب.. شرط.. وماله.. قول اللي أنته عايزه لأبوك وهوا هينفذلك اللي أنته عايزه
_نهاد يقرب منها.. تعرفي واحد أسمه جابر الطيب
_ميرفت أول ما سمعت إسم جابر الطيب أكنها أتكهربت ووشها جاب الوان وما بقتش عارفه ترد عليه تقوله إيه
بقلم…محمد طه عبد المجيد
_نهاد.. مالك يا مرات أبويا هوا إنتي تعرفيه
_ميرفت بلخبطه.. أنته بتسأل عليه ليه
_نهاد.. مش أنا اللي بسأل عليه..الحاج رضوان اللي بيسأل عليه.. وعامل مكافأه كبيره للي يدل عليه
وأنا محتاج المكافأه دي عشان تحضيرات الجواز
_ميرفت بلخبطه.. أنا ما أعرفش حد بالاسم ده وأوعدك لو عرفت حاجه هقولك
_نهاد بخبث.. ماشي يا مرات أبويا(ويسيبها ويخرج)
_وميرفت بسرعه تروح تجيب دفتر الشيكات الخاص بيها وتمضي على شيك على بياض وتاخده وتروح لرضوان
_رضوان باستغراب.. مالك يا ميرفت في إيه وإيه اللي في إيدك ده
_ميرفت بأنفاس سريعه..دا شيك علي بياض..اسحب رصيدي كله من البنك واعتبره المكافأه
_رضوان بعدم فهم.. رصيد إيه ومكافأه إيه أنا مش فاهم حاجه.. إنتي باين عليكي إتجننتي يا ميرفت
_ميرفت بأنفاس سريعه..أنا عرفت إنك بتدور على جابر الطيب.. وإنك عامل مكافأه للي يوصلك ليه ومدام بدأت تدور على جابر يبقى أنا كده أتأكدت إن إبني عايش
_رضوان بغضب.. إنتي عرفت منين.. ومين اللي قالك الكلام ده
_ميرفت بأنفاس سريعه.. مش مهم عرفت منين ومين اللي قالي.. المهم نلاقي جابر دا بأي تمن..لأن لو وصلنا لجابر يبقى وصلنا لإبننا
_رضوان.. أنا بدور على جابر عشان أكدلك وأثبتلك إن إبننا ما،ت عشان أقفل القصه دي بقى خالص
_ميرفت تبلع ريقها وبكل ثقه.. إبنك عايش يا رضوان
_في الوقت ده كان نهاد واقف ورا الباب بيسمعهم لأنه بكل خبث عمل خطه وهيا إنه يروح لمرات أبوه ويقول قدامها إسم جابر الطيب.. وحاجه من الأتنين يا هتقوله اللي تعرفه يا إما هتروح لأبوه وتتكلم معاه وبالفعل نجح في خطته
وبدأ يتكلم في سره بعد ما عرف كل حاجه
_نهاد ف سره وف صدمه.. إبنكم.. وإبنكم يعني أخويا وأبويا بيقول إنه ما،ت.. ومرات أبويا بتقول انه عايش.. وأنا رأيي من رأي أبويا..الواد ده لازم يبقى مي،ت.. وجابر الطيب ده مش لازم يتعرف مكانه
أنا إزاي السنين دي كلها ما أعرفش حاجه عن الموضوع ده.. وفجأه كده يظهرلي أخ ويقاسمني في الملايين دي كلها.. الواد ده مش لازم يظهر.. الولد ده لازم يبقى مي،ت.. ولو كان عايش يبقى لازم يمو،ت وتمو،ت حكايته معاه
بقلم…محمد طه عبد المجيد
_ويبدأ نهاد يتصل بجميع التجار ويبلغهم إنهم لو وصلوا لأي معلومه عن جابر الطيب يبلغوه بيها وأغراهم بإن اللي هيجيبله معلومه مؤكده عن جابر الطيب ليه مكافأه كبيره.. وبعدين أتصل بأمين شرطه يعرفوا وخلاه يدور على جابر الطيب في سجلات الحكومه
_عند الهام
_الهام في الأيام اللي فاتت نسمه اتصرفتلها في فلوس وجابت خضار وفرشت في الشارع اللي فيه الأوضه على أمل إن مازن يرجع.. وكانت بتبيع الخضار بالنهار وبالليل تدور على مازن في الشوارع والأقسام والمستشفيات
_نسمه.. ها يا الهام مفيش أخبار عن مازن
_الهام والدموع بدأت تتجمع في عنيها.. مفيش ليه أي أثر..أنا طول الليل بلف عليه في الشوارع والأقسام والمستشفيات مالوش أي أثر..
(وتحط إيدها على خدها وكانت متعوره)
_نسمه.. لسه برضه مش عايزه تقوليلي من إيه اللي
ف وشك ده
_الهام بدموع.. واحد إبن حرام ضحك عليا وقالي إنه شاف مازن داخل بيت وأخدني على بيت مهجور وكان عايز يغت،صب،ني.. بس الحمد لله ربنا بعتلي اللي ينقذني
_نسمه بدموع.. هيا الدنيا ما بتجيش إلا على الغلبان
_الهام.. الدنيا أخدت مني اللي كان بيحميني.. يا ترى أنته فين يا مازن
_نسمه تنشف دموعها.. أنا جه في دماغي مكان ما دورناش فيه
_الهام بلهفه.. قولي بسرعه
_نسمه بتردد.. بس والنبي ما تزعلي مني.. عشان أنا والله ما أقصد حاجه وحشه
_الهام باستعجال.. أبوس إيدك أنطقي
_نسمه.. إحنا المفروض ندور في مستشفيات المجانين
_الهام بلهفه وبسرعه تقوم تغطي فرشه الخضار
_نسمه.. إنتي بتعملي إيه
_الهام.. إنتي عندك حق.. أنا هلف على المستشفيات دي كلها النهارده
_نسمه.. وأنا هاجي معاكي.. وإن شاء الله هنلاقيه
_وبدأوا يدوروا في مستشفيات الأمراض العقليه لحد ما وصلوا للمستشفى اللي فيها مازن
_وبدأت الهام توصف مازن للبواب
_البواب.. أيوه تمام.. آخر حاله وصلت المستشفى هيا نفس المواصفات دي
_الهام ونسمه في نفس واحد.. الحمد لله الحمد لله
_الهام باستعجال.. ده يبقى إسمه مازن..ويبقي أخويا وأنا عايزه أستلمه
_البواب.. هاتي الأوراق اللي تثبت إنو أخوكي..
وأدخلي للإداره وإستلميه
_الهام بصدمه وأتغير لون وشها.. أوراق………..
_ويتبع……………..
_بقلم…محمد طه

رواية بائعة الخضار الفصل الخامس

البارت 5
#بائعة_الخضار
_الهام بصدمه وأتغير لون وشها.. أوراق..هوا لازم موضوع الأوراق ده.. أنا بقولك أنا أخته ووصفتهولك وهوا أول ما هيشوفني هيعرفني
_البواب.. الكلام ده تدخلي تقوليه للإداره جوه.. بس نصيحه مني ليكي.. قبل ما تدخلي للإداره يبقى معاكي أوراق تثبت إنو أخوكي..وإلا هيوجهولك تهمه سرقه مريض من المستشفى
_نسمه بعصبيه.. يا عمو بنقولك أخوها..هوا فيه حد هيسرق أخوه..وبعدين هوا تاه منها وأولاد الحلال جابهولكم هنا.. لما جابهولكم بقي..طلبتوا منهم أوراق والتحكمات دي
_البوابه.. إهدي يا شاطره..تايه إيه وإولاد حلال إيه اللي جابوه.. المريض ده جاي عن طريق الحكومه لأنه كان متهم في جريمه قت،ل
_الهام ونسمه بصدمه وف نفس واحد.. جريمه قت،ل
_الهام بدموع.. أخويا مش مؤذي..ومستحيل يأذي حد.. دا علي نياته
_نسمه تهدئها.. إهدي يا الهام.. أكيد فيه حاجه غلط وإحتمال ما يكونش مازن (وتبص للبواب) بعد إذنك يا عمو.. إحنا عايزين نشوفه عشان نتأكد إن هوا اللي بندور عليه
_البواب.. ميعاد الزياره بكره من الساعه 3:00 مساء
_الهام بدموع.. وأنا مش هتحرك من هنا غير لما أشوف أخويا وأطمن عليه وآخده معايا
_البواب بغضب وتحذير.. لو مامشيتوش من هنا هطلبلكم الحكومه
_نسمه.. يلا يا الهام وهنبقى ناجي بكره.. الحمد لله إن إحنا عرفنا مكانه
_فيلا الصباغ(غرفه نهاد)
_نهاد كان بيكلم بنت في التليفون وتدخل عليه مرات أبوه وتقفل الباب وراها ونهاد ينهي المكالمه
_نهاد.. خير يا مرات أبويا
_بقلم…محمد طه عبد المجيد
_ميرفت بغضب.. أنا أخدت بالي منك وأنته واقف بتتصنت عليا أنا وأبوك وإحنا بنتكلم
_نهاد بإبتسامه..وكنتوا بتتكلموا ف إيه يا مرات أبويا
_ميرفت بغضب وصوت عالي.. نهاااااااااد.. أنا مرات أبوك علي الورق.. إنما ف الحقيقه أنا اللي تعبت وسهرت وربيت وكبرتك
_نهاد ببرود.. والمطلوب
_ميرفت.. ترد الجميل وتساعد أبوك ف إنه يلاقي
جابر الطيب
_نهاد بغضب.. قصدك أساعده ف إنه يلاقي إبنك
أو بمعنى أوضح أساعده ف إنه يلاقي أخويا
عايزاني أساعده بإنه يلاقي اللي هييجي يقاسمني في العز دا كله
_ميرفت بغضب.. أسمع يا نهاد الكلام اللي هقولهولك ده وحطه حلقه في ودنك.. وكل شويه ذاكروا كويس دا شيك على بياض يضمنلك نصيب أخوك ونصيبي ولو عايز تسحب رصيدي اللي في البنك حلال عليك إنما إنك تفكر إنك تلمس شعرا من أخوك مش هسمحلك.. وفيه حاجه كمان عايزاك تعرفها.. أنته وأخوك بالنسبالي ولادي.. بس فيه إختلاف بينكم بسيط..وهوا إن أنته شالتك إيديا.. وعنيا شبعت منك إنما أخوك شالته بطني.. وعيني أتحرمت من شوفته ف أنا لو أتخيرت بينك وبين أخوك..هختار إبن بطني ومش هسمي عليك.. وقبل ما همشي من قدامك هفكرك بإسمي اللي شكلك نسيته.. أنا أسمي ميرفت الجزار يا إبن رضوان الصباغ.. ميرفت الجزار اللي ما فيش دبيحه تستعصى عليها (وتسيبه وتخرج)
_نهاد بخوف وف سره..جزار ودبيحه ..فاكره نفسها عايشه في سلخانه
_عند المستشفى
_الحاج مسعود.. السلام عليكم
_البواب.. وعليكم السلام
_الحاج مسعود.. كنت عايز أقابل مدير المستشفى
_البواب.. هوا مش موجود دلوقتي.. تعالا بكره
هتلاقيه موجود
_بقلم…محمد طه عبد المجيد
_الحاج مسعود.. طيب كنت عايز اسأل عن ولد.. اللهم أحفظنا مجنون والحكومه جابته ليكم هنا..ف كنت عايز أعرف إيه الأوراق المطلوبه عشان آخده
_البواب.. وحضرتك بقي يا حاج.. الولد ده يقربلك إيه
_الحاج مسعود.. لأ هوا ما يقربليش.. بس هوا كان عايش عند واحد صاحبي.. وصاحبي دا أتوفي وكان موصيني عليه
_البواب.. طيب ما تتعبش نفسك يا حاج.. أخته كانت لسه هنا وهتيجي تستلموا بكره
_عند الهام
_نسمه باستفسار.. الهام هوا إنتي ليه وشك أتغير لما عمو البواب سألك علي الأوراق اللي تثبت إن مازن أخوكي
_الهام ما ردتش عليها لأنها ماشيه سرحانه وبتفكر إزاي هتخرج أخوها من المستشفى
_نسمه بصوت عالي.. الهام أنا بكلمك.. ولا بتفكري تكدبي عليا
_الهام تنتبه لكلام نسمه..هكدب عليكي ف إيه يا نسمه.. هوا إنتي قولتي إيه أصلا أنا ما سمعتكش
_نسمه.. إنتي ليه وشك أتغير لما عمو البواب سألك علي الأوراق اللي تثبت إن مازن أخوكي
_الهام.. أنا لا وشي أتغير ولا حاجه يا نسمه.. وبعدين أنا فعلا مش معايا أوراق تثبت إن مازن أخويا..بس معايا ناس عايشه ف وسطيهم أنا وأخويا بقالي 10 سنين
_نسمه.. بس المستشفى عايزين ورق مش عايزين ناس
_الهام.. مازن شهاده الميلاد بتاعته ضاعت.. وما فكرتش إني أطلعله بطاقه.. دا أنا أصلا ما طلعتش بطاقه لنفسي
_نسمه.. إنتي بتهزري يا الهام.. إنتي عندك ياجي 30 سنه وما طلعتيش بطاقه
_الهام بتنهيده..يا نسمه أنا بتاعه خضار وأخويا على نياته مين بس اللي هيسألنا على بطايق
_نسمه.. على العموم ما تشغليش بالك أنا هساعدك في الموضوع ده.. أنا أمي صاحبتها بتشتغل في السجل المدني.. هخليها تساعدك في شهاده الميلاد والبطايق
الهام بإستعجال وخوف.. لأ……………
ويتبع…………
بقلم…محمد طه

رواية بائعة الخضار الفصل السادس

البارت 6
#بائعة_الخضار
_الهام بإستعجال وخوف..لأ..قصدي يعني المهم دلوقتي نطلع مازن من المستشفى.. وبعدين نبقى نشوف موضوع البطايق ده.. لأنه هياخد وقت
_نسمه في سرها.. لتاني مره وشك يتغير يا الهام.. لتاني مره أحس إنك مخبيه حاجه وبتداري عليها (وتعلي صوتها) عندك حق.. المهم دلوقتي نطلع مازن من المستشفى ونطمن عليه.. بس أعملي حسابك إنتي هتيجي تباتي معايا الليله.. عشان فيه حاجه جايباها وعايزه أديهالك
_الهام بإستفسار.. حاجه إيه دي يا نسمه
_نسمه.. كلابش بلاستيك.. عشان بعد كده لما تنامي تكلبشي مازن ف إيدك عشان ما يبعدش عنك ويضيع منك تاني
_الهام بإبتسامه خفيفه.. تصدقي فكره حلوه أوي يا بت يا نسمه.. الله ينور عليكي..إنتي مع إنك لسه صغيره بس عقلك سابق سنك
_وبدأت أقلق من نسمه وأحرص منها خصوصا إن نظراتها ليا بتأكد إنها شاكه فيا وإني مخبيه عليها حاجه بس أنا مضطره أجاريها لحد ما أطلع أخويا من المستشفى وبعدين آخده ونروح مكان ما حدش يعرفنا فيه.. سامحيني يا نسمه أنا عارفه إنك وقفتي معايا وساعدتيني كتير بس خلاص دورك معانا خلص
_نسمه.. بقولك إيه يا الهام.. هوا إنتي ما أتجوزتيش ليه لحد دلوقتي
بقلم…محمد طه عبد المجيد
_الهام بتنهيده.. أنا خلاص أتجوزت أخويا وراضيه ومبسوطه.. وبعدين مين اللي هيرضى يتجوزني ويشيل حمل أخويا
_نسمه.. وهوا مازن الملاك دا حمل..دا يا ريت الناس كلها تبقى زي مازن.. ولا إنتي هتتحججي بمازن
_الهام.. على فكره أنا أتقدملي عواجيز كتير بس أنا اللي كنت برفض
_نسمه بهزار.. وترفضي ليه يا خايبه..دا كان زمانك دلوقتي مليونيره.. هتتجوزيه عجوز.. هيا سنه وهيفلسع(يموت)وتورثي وهتشوفي غيره وهكذا
_الهام بتريقه.. تصدقي فكره إقتصاديه ومشروع ناجح مليون في الميه(وتتكلم بجديه) أسكتي يا نسمه عشان إنتي لسه صغيره ومش فاهمه حاجه.. اللي زي دول مستحيل تعرفي تطلعي من وراهم بجنيه.. دول بيبقوا عايزين يكتبوا ورقتين عرفي وشهر أو أتنين يستمتعوا وياخدوا مزاجهم وبعدين يقطعوا الورقتين ويرموكي في الشارع.. وبعدين يشوفوا غيرك ويعملوا معاها نفس الحوار وهكذا.. أنا بقي عايزاكي تسيبك من الكلام ده كله وتفكري معايا هنطلع مازن بكره إزاي من المستشفى.. وإحنا لا معانا لا ورق ولا بطاقه.. دا أنا حتى مش معايا تليفون كان يبقى عليه صوره ليا أنا وهوا نوريهالهم
_نسمه.. طيب ما إنتي حليتيها أهو..أنا تليفوني ما فيش عليه أي حاجه غير صور ليا أنا ومازن.. وبكره إن شاءالله وإحنا رايحين هناخد معانا أتنين تلاته شباب جدعان يشهدوا إن مازن أخوكي وإن شاء الله مش هنرجع إلا وهوا معانا
_فيلا الصباغ
(رضوان بيحضر شنطته عشان مسافر)
_ميرفت بإستغراب.. هوا أنته بتعمل إيه..هوا أنته مسافر
_رضوان.. أيوه مسافر
_ميرفت.. وجابر
_رضوان بغضب.. ماله زفت.. أسيب شغلي ومصالحي وأنزل الف عليه في الشوارع.. أنا كلفت ناس يدوروا عليه ولما حد يوصل لحاجه هيبلغوني (ويقرب منها ويحذرها) موضوع جابر ده.. أنا مش عايزك تتكلمي فيه تاني.. لأني بدور عليه وأنا متأكد إنه مش هيفيدنا بحاجه
_ميرفت وعنيها تلمع بالدموع.. أنا فيه سؤال عندي عايزاك تجاوبني عليه
_رضوان.. سؤال إيه
بقلم…محمد طه عبد المجيد
_ميرفت.. أنته ليه مش عايز تصدق إن إبني عايش وليه لما جابر أختفى فجأه ما حاولتش إنك تدور عليه أو تعرف حتى سبب اختفائه
(رضوان يقعد ويطلع سيجاره ويولعها ويتكلم بهدوء)
_رضوان..مش عايز أصدق إنه عايش عشان عيني شافته وهو مي،ت.. وإيديا شالته ودفنته.. إبني ما،ت وأنا متأكد إنه ما،ت.. أما بالنسبه لجابر الطيب فأنا اللي أمرته إنه يختفي.. (وياخد آخر نفس من السيجاره ويطفيها) ها فيه عندك أي اسئله تاني
_ميرفت بدموع وحرقه.. ليه أمرته يختفي
_رضوان وهوا بياخد شنطه السفر وخارج.. عشان كنت ناوي أقت،له
_ميرفت بدموع بعد ما رضوان خرج.. يا ريتك كنت قت،لته.. إنما أنته سبته يمشي وقت،لتني أنا..أنا اللي بمو،ت كل يوم من حرقه قلبي على إبني..بس ورب الكعبه كل اللي اتسبب في حرماني من إبني ليدفع التمن.. وأنته يا جابر لو ف سابع أرض هجيبك
(وتفتح تليفونها وتتصل بأخوها)
_ميرفت.. أيوه يا منذر.. تعالالي الفيلا حالا عشان عايزاك في مسأله حياه أو مو،ت
_عند الهام
_نسمه.. إيه يا الهام اللي مصحيكي بدري كده
_الهام.. أنا أصلا ما نمتش.. وما صدقت إن النهار يطلع عشان أروح لمازن
_نسمه.. ميعاد الزياره الساعه 3:00 العصر.. وبعدين إنتي ناسيه إن فيه ناس هناخدهم معانا عشان يشهدوا إن مازن أخوكي..عايزه نقعدهم قدام المستشفى من دلوقتي لحد العصر.. إحنا هنفطر وبعدين هعمل لمازن البطاطس المهروسه اللي بيحبها عشان ناخدهاله معانا.. وبعدين ننزل الشارع نشوف مين اللي هييجي معانا
_الهام.. والله يا نسمه مع إنك لسه صغيره.. بس إنتي أجدع حد أنا قابلته ف حياتي
_نسمه تتصنع الزعل.. بس ما تقوليش صغيره
بقلم…محمد طه عبد المجيد
_الهام بابتسامه.. حاضر.. إنتي أجدع طفله قابلتها ف حياتي
_في المستشفى (مكتب المدير)
_المدير.. عم جميل البواب حكالي اللي حصل إمبارح وقالي إنك أخت حاله موجوده عندنا
_الهام تاخد تليفون نسمه وتطلع صوره مازن وتوريها للمدير والمدير يأكدلها إن هوا فعلا اللي موجود عندهم
_الهام.. حضرتك دا يبقى إسمه مازن.. وأنا أخته وعايزه أستلمه
_المدير..إسم حضرتك إيه
_الهام..إسمي الهام
_المدير..الهام إيه
_الهام بتردد وقلق..الهام جابر عبد الحميد الطيب…….
_ويتبع………..
_بقلم…محمد طه

رواية بائعة الخضار الفصل السابع

البارت 7
#بائعة_الخضار
_الهام بتردد وخوف..الهام جابر عبد الحميد الطيب
_المدير..ممكن بطاقتك
_الهام..حضرتك أنا لسه ما طلعتش بطاقه.. بس هروح أعملها..ودول أربع شباب جيراني.. عايشه في وسطيهم بقالي 10 سنين أنا وأخويا..وجايين معايا يشهدوا إن مازن أخويا
_المدير ينادي على التمرجي..هات آخر حاله جات المستشفى
_وأول ما مازن يدخل يجري على الهام ويترمي في حضنها
_مازن بعياط.. طاهر نام ما،ت.. طاهر نام ما،ت..
مازن خايف ينام يمو،ت
_الهام تهدئه.. طيب أهدي يا مازن وما تعيطش..
(وتبص للتمرجي) فيه هنا حد إسمه طاهر وما،ت قدامه
_التمرجي..مفيش حد هنا إسمه طاهر..وهوا من ساعه ما الحكومه جابته وهوا عمال يعيط ومش فاهمين من كلامه حاجه خالص.. ومش راضي لا ياكل ولا يشرب
_نسمه.. مازن أنا جبتلك الأكل اللي بتحبه.. أنا نسمه أوعى يكون مازن نسي نسمه (وبدأت نسمه تأكله)
_المدير.. يا ريت واحد من الشباب يجيب بطاقته وياجي يمضي على قرار الإستلام
_بعد ما خرجوا من المستشفى
_الهام..أحكيلي يا قلب أختك..إيه اللي حصلك ورجلك خفت ولا لسه بتوجعك
_مازن.. مازن زعلان من الهام..عشان الهام سابت مازن في الشارع يعيط
_الهام.. يا مازن أنته اللي سبتني نايمه ومشيت وبعدين خلاص اللي حصل دا مش هيتكرر تاني
هات إيدك
_وطلعت الهام الكلابش البلاستيك ومازن أول ما شافه خاف منه وفضل يعيط
_نسمه تهدئه.. ما تخافش يا مازن.. الكلابش ده عشان تفضل جنب الهام وما تبعدش عنها تاني
_الهام.. ما تخافش يا مازن.. أنا مش هحطه ف إيدك غير وأنا نايمه عشان أبقى مطمنه عليك
_مازن بعياط.. الهام مش تحب مازن.. طاهر كان يحب مازن
_الهام.. مين طاهر دا يا مازن
_مازن بعياط.. طاهر نام ما،ت..مازن خايف ينام يمو،ت
بقلم…محمد طه عبد المجيد
_نسمه تداعبه.. ما تخافش يا زونا.. مازن هيعيش لحد ما يبقى راجل عجوز
_الهام بجديه.. مازن أنا عايزاك تحكيلي على كل اللي حصل معاك.. وتقولي مين طاهر ده
(وتعلي صوتها) وبطل عياط
_فيلا الصباغ
_منذر بقلق وأنفاس سريعه.. خير يا بنت أبويا.. قلقتيني طمنيني عليكي..إنتي كويسه.. فيه حد مزعلك.. فيه حد داسلك على طرف.. ما تنطقي يا بنت أبويا..ساكته ليه
_ميرفت.. ساكته لما تخلص وتسكت عشان أعرف أتكلم ..وبعدين هوا فيه إيه..نهاد يقولي يا مرات أبويا وأنته تقولي يا بنت أبويا
_منذر.. طيب ما إنتي بنت أبويا..وبنت أمي..وأختي وأخت أخويا
_ميرفت تقاطعه بتريقه..وأخت أختك..
(وتعلي صوتها) أسكت.. أنا مش جيباك هنا عشان تتكلم
_منذر بوجه شراني.. أنا عارف أنتي جايباني ليه شاوريلي بس على العج،ل اللي مزعلك.. وهتلاقي راسه تحت رجليكي
_ميرفت بهدوء.. فوضت أمري ليك يا رب.. أطلع بره يا منذر.. أطلع بره يا إبن أبويا..أنا غلطانه إني قولت أعتمد عليك.. اعتمادي عليك يا رب
_منذر.. خلاص مش هتكلم.. السكي،نه والسا،طور هما اللي هيتكلموا
_ميرفت بهدوء.. منذر يا حبيبي.. لو عايز تساعدني أنسي إنك جزار.. أركن تعاملك مع الحيو،انات على جنب.. عشان أنا العج،ل اللي عيزاه قصدي البني آدم اللي عايزاه.. عايزاه فيه الروح
_منذر.. سامعك وف خدمتك يا بنت أبويا..قوليلي إسمه إيه..ومنذر هيلاقيه..وتحت رجليكي هرميه
_ميرفت.. من 20 سنه.. كان شغال عندنا بواب إسمه جابر الطيب
_عند الهام
_الهام بعد ما أخدت مازن وخرجت من المستشفى
مفيش ساعه والحاج مسعود راح المستشفى يسأل على مازن ولما مدير المستشفى اتأكد إن نيه الحاج مسعود خير عطاه عنوان الشاب اللي مضى على قرار إستلام مازن وراح الحاج مسعود على العنوان وفضل يسأل لحد ما وصل ل الهام ومازن
بقلم…محمد طه عبد المجيد
_ومازن أول ما شافه يشاور عليه ويقول..مسعود يكره مازن ومازن يكره مسعود
_الهام بغضب.. أنته بقى مسعود اللي اتهموا بقت،ل طاهر.. جاي وراه ليه وعايز منو إيه
_نسمه بغضب.. قسما بالله إن ما مشيت من هنا لنصوت ونلم عليك أمة لا اله الا الله
_الحاج مسعود بهدوء.. يا جماعه أهدو أنا جاي أعمل خير.. ولا هوا خير تعمل شر تلقي
_الهام بغضب.. وإحنا مش شحاتين.. ومش لازمنا الخير اللي ياجي منك
_مازن.. مسعود يكره مازن.. ومازن يكره مسعود
_الحاج مسعود باستغراب واستفسار.. هوا إنتي عرفتي إسمي إزاي..ومين اللي قالك إني اتهمته بقت،ل الحاج طاهر
_الهام بغضب.. مازن حكالي كل حاجه
_الحاج مسعود بتفكير.. بلدنا كلها ما فيهاش حد إسمه مازن
_نسمه تشاور على مازن.. مازن اللي واقف قدامك ده
_الحاج مسعود بإندهاش.. الواد المجنون ده
_نسمه بغضب.. بس ما تقولش مجنون.. والله لولا إنك راجل كبير أنا كنت هزقتك
_مازن.. مسعود يكره مازن.. ومازن يكره مسعود
_الحاج مسعود باستفسار.. هوا بيقول إيه
_الهام.. بيقول إن أنته بتكرهه.. وهوا كمان بيكرهك وأتفضل أمشي بقى عشان إحنا ما صدقنا إنه سكت وبطل عياط
_الحاج مسعود بابتسامه.. من اللحظه دي ما حدش هيكره التاني.. يلا تعالوا معايا
_الهام.. هنروح معاك فين إن شاء الله
_الحاج مسعود.. هننفذ وصيه الحاج طاهر………….
_ويتبع…………….

رواية بائعة الخضار الفصل الثامن

_الحاج مسعود..هننفذ وصيه الحاج طاهر
_الهام.. أولا الحاج طاهر يُشكر على اللي عمله مع مازن.. ثانيا إحنا مش هنتحرك من هنا غير لما نعرف إيه هيا وصيه الحاج طاهر وهنروح معاك فين
_الحاج مسعود.. طيب إحنا هنتكلم في الشارع كده
_الهام.. والله حاليا الشارع دا هوا بيتنا.. وفرشه الخضار دي هيا مصدر رزقنا
(وتبص لمازن) مازن روح القهوه هات كرسي لعمك مسعود
_مازن وهوا ماشي.. مسعود مش عم مازن.. ومازن يكره مسعود
_الحاج مسعود.. شوفي ياااااا..هوا إنتي إسمك إيه
_الهام.. إسمي الهام
_الحاج مسعود.. شوفي يا الهام.. الحاج طاهر كان وحيد.. ومراته أتوفت.. ومكنش بيخلف.. وقبل ما يمو،ت وصاني على محمد..وقالي بعد ما أمو،ت البيت يبقى لمحمد
_الهام بعدم فهم وتبص لنسمه.. أنا مش فاهمه حاجه خالص.. إنتي فاهمه حاجه يا نسمه
_نسمه.. بقولك إيه يا حاج.. هوا إزاي الحاج طاهر ما بيخلفش.. وإزاي وصاك على محمد.. ولا محمد ده يقربله إيه أصلا..ولا أنته عايزنا نيجي معاك عشان ناخد بالنا معاك على محمد
(في اللحظه دي كان مازن جاب الكرسي وقعد هوا عليه)
_الحاج مسعود يشاور على مازن.. محمد..يبقي الواد المجنون ده
_نسمه بعصبيه.. دا هيقول مجنون تاني.. والله شكلي كده أنا اللي هتجنن عليك
_الحاج مسعود.. والله يا بنتي ما أقصد.. بس إحنا ما كناش فاهمين كلامه.. ف الحاج طاهر سماه محمد
_مازن.. طاهر يقول محمد صاحبي.. ومازن يحب طاهر صاحبه ومسعود يكره مازن ومازن يكره مسعود
_الحاج مسعود بعدم فهم..هوا بيقول إيه
(ولسه نسمه هتترجم للحاج مسعود تقاطعها الهام)
_الهام بإستفهام.. سيبك من اللي بيقوله.. يعني دلوقتي الحاج طاهر وصاك إن البيت يبقى لمازن
_الحاج مسعود يؤكد.. البيت لمازن..ومازن ما يخرجش من البيت
_الهام بفرحه.. الحمد لله.. هيبقى لينا بيت يا مازن أخيرا هيبقى لينا بيت.. يا ما أنت كريم يا رب
_بقلم…محمد طه عبد المجيد
الروايه حصري فقط على صفحه محمد الشاعر
_نسمه بفرحه.. عسى أن تكرهوا شيئا وهو خير لكم شوفتي يا الهام ضياع مازن كان وراه خير قد إيه
_الحاج مسعود يفاجئهم.. بس قبل ما أسلمكم مفتاح البيت أنا ليا شرط
_الهام بصدمه وف سرها.. عارفاه أنا الشرط ده الورقتين العرفي (وتعلي صوتها وبكل عصبيه) وأنا مش موافقه.. ماله الشارع.. وربنا ما فيه أحلى من قعده الشارع.. والنومه في الشارع
_الحاج مسعود باستغراب.. يا بنتي مش موافقه إيه وشارع إيه..مش تسمعي شرطي الأول
(الهام بنفاد صبر ونسمه تشاورلها تهدى)
_نسمه.. أتفضل قول إيه هوا شرطك يا حاج
_الحاج مسعود.. خلي مازن يقول إنه بيحبني
_الهام بتأنيب ضمير لسوء الفهم.. سامحني يا حاج مسعود أنا فهمت حاجه تاني خالص.. لأ عيني حاضر هخليه يقول إنه بيحبك (وتبص لمازن)ولا قول إنك بتحب عمك مسعود
_مازن.. مازن يكره مسعود..ومسعود وحش..مازن يكره مسعود.. ومسعود وحش
_الهام تترجم غلط… أهو بيقول إنه بيحبك.. وبيقول كمان إنك بقيت صاحبه
_مازن.. الهام كدابه هتروح النار.. مازن يكره مسعود الهام كدابه هتروح النار..مازن يكره مسعود
_نسمه بابتسامه لمازن.. وربنا أنته ملاك عايش معانا على الأرض
_فيلا الصباغ (غرفه نهاد)
_نهاد يكلم نفسه قدام المرايه.. هتعمل إيه يا نهاد.. معاك شيك على بياض تحط فيه الرقم اللي يرضيك ومرات أبوك كده كده بيك أو من غيرك هتوصل للي أسمه جابر الطيب ده(ويرن تليفونه وكانت بنت من بنات الليل اللي بيسهر معاهم ويكنسل عليها) مش وقتك خالص دلوقتي.. ها يا نهاد هتساعد مرات أبوك في الوصول لإبنها ولا تساعدها في عدم الوصول.. ها يا نهاد هتعمل إيه..وبعدين أنته كده كده سواء ساعدتها أو ما ساعدتهاش فأنت ف جيبك شيك على بياض (ويرن تليفون نهاد تاني والمرادي كان أمين الشرطه ونهاد يفتح بسرعه)
_نهاد.. الو
_الأمين.. وصلتلك لمعلومه مؤكده عن جابر الطيب
_نهاد بابتسامه.. قول يا وش الخير
_الأمين.. إسمه جابر عبد الحميد الطيب.. متوفي من 11 سنه
_نهاد.. أنته متأكد إنه ما،ت
_بقلم…محمد طه عبد المجيد
_الأمين.. هبعتلك صوره شهاده وفاته
(وبعد ما يقفل مع الأمين يكلم نفسه)
_نهاد.. كده أنته بشهاده الوفاه دي.. ضربت عصفورين بحجر واحد.. ساعدت مرات أبوك في الوصول لجابر وف نفس الوقت ما ساعدتهاش في الوصول لإبنها
(وبعد ما الأمين يبعتله صوره شهاده الوفاه يروح لمراه أبوه)
_نهاد..أنا وصلت لجابر
_ميرفت بتنهيده حنين لإبنها ولهفه.. 10 دقائق هجهز عشان نروحله.. أنا مش هقدر أصبر لحد ما أبوك يرجع من السفر
_نهاد بابتسامه.. معلش يا مرات أبويا إنتي عايزه تروحي روحي لوحدك.. إنما أنا مش هينفع أروح معاكي.. أنا لسه شباب والعمر قدامي طويل
_ميرفت..أنا مش عارفه أنته طالع خواف وجبان لمين
_نهاد.. آه أنا خواف وجبان.. وحضرتك إنتي كمان لما هتعرفي عنوانه هتخافي ومش هتروحي
_ميرفت بغضب..نهاااااااااد..هات العنوان وروح شوفلك بنت أترمي ف حضنها.. عشان هوا دا آخرك
يا خساره تربيتي فيك
(وتفتح تليفونها وتتصل بمنذر أخوها عشان ياجي يروح معاها)
_عند الهام
_الحاج مسعود..أخد الهام ومازن ووصلهم لبيت الحاج طاهر وعطاهم المفتاح وسابهم ومشي على بيته
_الهام بفرحه وعدم تصديق..أنا أكيد بحلم..بقي لينا بيت يا مازن.. وبدل الأوضه بقي فيه أتنين وتلاته وحمام ومطبخ.. وبدل الكنبه بقي فيه سرير واتنين
لأ وكمان فيه دكانه نفرش فيها خضار
_وأخدت الهام مازن ودخلت أوضه النوم وكلبشت مازن في إيدها واترمت على السرير وراحت في سابع نومه أكنها ما نامتش من سنيييين
_وأول ما صحيت وفتحت عنيها أتصدمت لما شافت مازن أخوها بقي إنسان طبيعي أكنه عريس في يوم فرحه وبيتكلم طبيعي
_وبيقولها..فين مفتاح الكلابش دا يا مجنونه……..
_ويتبع………………..

رواية بائعة الخضار الفصل التاسع

_مازن.. فين مفتاح الكلابش دا يا مجنونه
_والهام من الصدمه والمفاجأه مش قادره تنطق ومش مصدقه اللي شايفاه بعنيها.. لحد ما فيه حد على الباب بدأ يخبط جامد على باب البيت.. أكن القيامه قامت بره.. في اللحظه دي الهام صحيت من النوم على صوت خبط الباب وأول ما فتحت عنيها بصت على مازن لقيته نايم جنبها بس صاحي وزي ما هوا متغيرش وإنه كان حلم
_الهام تبلع ريقها.. الحمد لله إن البيت مكنش حلم وإنه حقيقه (وتنتبه لصوت الخبط اللي على الباب) هوا مين اللي بيخبط على الباب جامد كده..(وبصوت عالي)حاضر يا اللي على الباب جايه أهو
(وكان على الباب سيده في أوائل الاربعينات)
_الهام.. نعم
(تزقها الست وتدخل)
_الهام.. هوا حضرتك مين وعايزه إيه
_الست تبصلها من فوق لتحت.. حضرتي اللي عايزه تعرف إنتي مين وبتعملي إيه هنا.. هوا أخويا أتجنن على كبر ولا إيه..بس الشهاده لله زوقه حلو
_الهام بقلق وتوتر.. أنا مش فاهمه حاجه
_الست.. مش مهم تفهمي.. المهم دلوقتي تدخلي تجيبي الورقه العرفي وتقطعيها.. وتاخديلك قرشين وترجعي للشارع اللي إنتي جايه منو
_الهام وعنيها بدأت تلمع بالدموع.. ورقه عرفي إيه وقرشين إيه..أنا مش متجوزه لا عرفي ولا رسمي
_الست.. لا عرفي ولا رسمي (وتعلي صوتها) أومال إنتي قاعده هنا ف بيت أخويا بصفتك إيه يا روح أمك
_الهام بدموع.. حضرتك أنا هقولك على كل حاجه
_الست.. وحضرتي مش عايزه تعرف أكتر من اللي عرفته.. يلا يا بت خدي الواد العبيط دا واطلعي بره
_مازن بغضب.. مازن مش عبيط.. مازن مش عبيط
_وأخدت الهام مازن وخرجت من البيت وكانت بتكلم نفسها وتنعي حظها بصوت مسموع وكله وجع
>الهام بدموع..يا فرحه ما تمت.. الظاهر يا مازن إن الشارع صعبان عليه إن إحنا نسيبه ونترقى ونعيش زي ال بني آدمين
_مازن.. مازن هيجيب بيت كبير ل الهام.. عشان الهام مش تعيط
(وهما ماشيين كان الحاج مسعود خارج من المسجد وشافهم ونادي عليهم)
_الحاج مسعود.. إيه رايحين فين.. وإنتي بتعيطي ليه.. إيه اللي حصل
_الهام.. أخت الحاج طاهر جات وطردتنا من البيت
_الحاج مسعود.. طيب بس ما تعيطيش وتعالوا معايا
(وأخدهم الحاج مسعود ورجعوا على بيت الحاج طاهر)
_الحاج مسعود.. السلام عليكم
_أخت الحاج طاهر.. وعليكم السلام (وتبص ل الهام بقرف) إنتي رجعتي تاني ليه
_الحاج مسعود.. راجعه عشان الحاج طاهر الله يرحمه قبل ما يمو،ت كان موصي إنهم يقعدوا في البيت
_أخت الحاجه طاهر.. ومين بقي حضرتك
_الحاج مسعود.. الحاج مسعود صديق الحاج طاهر
_أخت الحاج طاهر ببرود.. طيب يا حاج مسعود يا صديق الحاج طاهر.. أنا مش مصدقاك..وحتى لو كنت صادق.. على جثتي إن الكلام ده يتنفذ.. بعد إذنك
(ولسه هتقفل الباب في وشهم الحاج مسعود يمد إيده على الباب قبل ما يتقفل)
بقلم…محمد طه عبد المجيد
الروايه حصري فقط على صفحه محمد الشاعر
الحاج مسعود بغضب.. لأ حضرتك بقي اللي بعد إذنك أتفضلي أخرجي من البيت
_أخت الحاج طاهر بضحكه سخريه.. أنته مين بقي عشان تخرجني من بيت أخويا
_الهام.. خلاص يا حاج مسعود إحنا مش عايزين حاجه
_أخت الحاج طاهر بغضب.. وإنتي ليكي إيه أصلا عشان تعوزي ولا ما تعوزيش
_الحاج مسعود بغضب.. لا ليها ولا ليكي.. البيت ده بيتي والحاج طاهر قبل ما يمو.ت باعلي البيت
_أخت الحاج طاهر بغضب.. أنته بتقول إيه يا راجل يا مجنون أنته
_الحاج مسعود بغضب.. بقول اتفضلي أخرجي من بيتي.. وعندك الحكومه روحي أعملي اللي تقدري عليه
_أخت الحاج طاهر بغضب وهي خارجه من البيت.. أنته فاكر إني هسكت.. أنا مش هسكت.. وبيت أخويا مش هسيبه
(بعد ما أخت الحاج طاهر خرجت من البيت ومشيت)
_الحاج مسعود.. بقولك إيه يا الهام.. بكره الصبح هاجيلك عشان نروح الشهر العقاري.. ونسجل البيت بإسمك
_الهام.. أنا مش عايزه مشاكل يا حاج مسعود.. دي باين عليا شرانيه.. ومهما كان برضوا البيت بيت أخوها
_الحاج مسعود.. متخافيش.. هيا مش هتقدر تعمل حاجه..إحنا ورقنا سليم وقانوني.. وهيا أكيد يعني مش قاعده في الشارع وعندها بيت..
أسمعي يا الهام.. البيت ده من حق الواد الغلبان ده ودي وصيه مي،ت ووصيه المي،ت واجبه النفاذ.. هعدي عليكي بكره الصبح عشان نروح الشهر العقاري
_الهام.. طيب ممكن نأجل مشوار الشهر العقاري ده دلوقتي.. عشان أنا مش معايا بطاقه ولسه هطلع بطاقه
_بقلم…محمد طه عبد المجيد
الروايه حصري فقط على صفحه محمد الشاعر
_الحاج مسعود.. يبقى بكره الصبح هعدي عليكي عشان نروح السجل المدني.. أنا مش هسيبك غير لما أخلصلك كل حاجه
(ويسيبهم ويمشي وقبل ما يخرج مازن يقوله برضوا مازن يكره مسعود)
_الحاج مسعود بعدم فهم.. هوا مازن بيقول إيه
_الهام بتنهيده.. بيقولك شكرا يا حاج مسعود
_فيلا الصباغ
_نهاد.. ما تتعبيش نفسك يا مرات أبويا وتتصلي بحد ياجي يروح معاكي.. عشان اللي هيروح مش هيرجع (ويديلها التليفون عشان تشوف شهاده الوفاه)
_ميرفت بدموع.. جابر ما،ت.. يعني إيه
_نهاد ياخد من إيدها التليفون.. يعني أنا كده عملت اللي عليا.. والشيك اللي معايا دلوقتي هكتب فيه الرقم اللي أنا عايزه..
(ويسيبها ويخرج وقبل ما يخرج ميرفت تنادي عليه وتوقفه)
_ميرفت.. أستنى يا نهاد.. لو جابر ما،ت.. ف لسه فيه مراته واولاده
_نهاد.. لأ..أنا كان إتفاقي معاكي ندور على جابر
_ميرفت بغضب.. لأ يا نهاد.. أنا أتفاقي إني أوصل لأبني وعن طريق أي حد مش شرط يكون جابر الشيك اللي معاك بملايين وأنته عارف إني أقدر أوقف صرف الشيك في أي وقت
_نهاد باستسلام.. مراته واولاده أساميهم إيه
_ميرفت بتفكير.. مراته كان إسمها تهاني
_نهاد.. تهاني إيه
_ميرفت.. ما أعرفش
_نهاد.. طيب ولاده أساميهم إيه
_ميرفت.. بنته كان إسمها الهام.. والولد (وتسرح وتفتكر اللي حصل زمان………
_ويتبع………….

رواية بائعة الخضار الفصل العاشر

البارت 10
#بائعة_الخضار
_ميرفت..بنته كان إسمها الهام.. والولد..( وتسرح وتفتكر اللي حصل زمان)
_نهاد يلاحظ سرحانها.. سرحتي ف إيه يا مرات أبويا
_ميرفت.. مفيش يا نهاد.. يلا شوف أنته رايح فين.. ولو وصلت لحاجه بلغني
_نهاد.. لو عايزاني أوصل لحاجه وبسرعه.. قوليلي حكايه جابر الطيب دا إيه.. عشان أقدر أساعدك وأشوف أنا هبدأ منين
(ميرفت تقرر تحكيله)
_ميرفت..من حوالي 20 سنه.. كان عندك 10 سنين أبوك قرر إنك تروح تدرس بره وأنته لسه صغير
وبعد ما أنته سافرت مفيش شهرين والبواب اللي كان عندنا حصلت عنده ظروف ومشي.. وجا جابر مكانه هوا ومراته وبنته.. المهم عدت سنه في التانيه ومراته حملت.. ويشاء القدر إن أنا كمان أحمل في نفس التوقيت.. وعدت التسع شهور ومرات جابر خلاص هتولد.. أبوك طلبلها الإسعاف وكانت هتروح تولد في مستشفى حكومي.. ولحظه ما الإسعاف وصلت الفيلا.. يشاء القدر للمره التانيه إن الطلق أنا كمان يجيني.. وما كانش ينفع نستني عربيه إسعاف تانيه لما تاجي.. ركبت أنا ومرات جابر البواب عربيه إسعاف واحده.. وطلعنا على أكبر مستشفى خاصه ودخلنا غرفه عمليات واحده.. وولدنا على إيد دكتور واحد.. ويشاء القدر إنه يتدخل للمره التالته.. لكن المره دي القدر ضحك لجابر البواب ومراته..الدكتور قال للبواب ومراته الف مبروك ويتربى في عزكم ويقولي أنا وأبوك البقاء لله شدوا حيلكم
(وتسكت ميرفت والدموع نازله من عينيها)
_نهاد.. سكتي ليه يا مرات أبويا ما تكملي.. فين الأكشن فين الإثاره.. جابر البواب ومراته عملولك إيه..ذنبهم إيه في اللي إنتي حكيتيه ده.. دي حاجه بإيد ربنا.. إن إبنهم يعيش وإبنك يمو،ت.. يبقى إنتي دلوقتي عايزه جابر ليه أو عايزه أولاده ليه
_بقلم…محمد طه عبد المجيد
الروايه حصري فقط على صفحه محمد الشاعر
_ميرفت تنشف دموعها وتهرب من إجابه السؤال..
الملايين اللي هتاخدها مني.. أنا سألتك أنته هتعمل بيها إيه
_نهاد بمكر.. الحكايه لسه ناقصه.. واللي ناقص أهم جزء فيها
_ميرفت بتحذير.. أسمع يا نهاد..ما تحاولش تعرف حاجه أنا مش عايزاك تعرفها.. وفيه حاجه كمان عايزه أقولك عليها.. اللي بيعرف حاجات زياده عن اللزوم بيتعب
_نهاد باستفزاز.. وماله يا مرات أبويا..إحنا هنتعب لأعز منك.. وبعدين تعبك راحه.. وفيه حاجه كمان أنا عايز أقولك عليها.. أنا بعشق الحكايات الغامضه.. والجزء الغامض ف الحدوته دي أنا هعرفه.. سلام يا مرات أبويا(ويسيبها ويخرج ويروح غرفته ويتصل بأمين الشرطه)
_نهاد.. أيوه يا وش الخير.. ما تنساش تعدي عليا في الشركه النهارده
_أمين الشرطه..هخلص شغلي واعدي عليك
_عند الهام
_الهام.. أنا عايزه أعرف بقي دلوقتي.. ليه مازن بيكره مسعود
_مازن.. مازن يكره مسعود.. مازن يكره مسعود
_الهام.. أيوه أنا عايزه أعرف بقي ليه مازن يكره مسعود.. الراجل كتر خيره بينفذ وصيه صاحبه..
لو واحد غيره كان أخد البيت لنفسه.. والبيت كده كده متسجل بإسمه..إنما الحاج مسعود دور علينا وعطانا البيت.. وواقف جنبنا قصاد الست الشرانيه دي.. دا بدل ما نقول كتر خيره
_مازن.. مش خير.. مش خير.. ومازن يكره مسعود
_الهام بقلق وتوتر.. ليه بتقول مش خير يا مازن
_مازن.. مسعود مش بيعمل خير.. مسعود بيعمل شر لإلهام.. ومازن يكره مسعود.. مازن يكره مسعود
_الهام بخوف.. هوا أنته شايف حاجه أنا مش شايفاها دا أنته عمرك ما كرهت حد يا مازن
_مازن.. اللي يأذي الهام مازن يكرهه.. ومازن يكره مسعود
_بقلم…محمد طه عبد المجيد
الروايه حصري فقط على صفحه محمد الشاعر
_الهام ف سرها.. يكونش مازن فاهم الموضوع بالعكس.. اللي عايز يساعدني يكون مفكره هيأذيني واللي هيأذيني يكون مفكره بيساعدني (وتعلي صوتها) بقولك إيه يا مازن.. إحنا ما صدقنا إن بقي لينا بيت والراجل أنا لحد دلوقتي ما شوفتش منه حاجه وحشه
_مازن.. مازن مش عايز بيت.. مازن عايز الهام
_الهام.. ما أنا جنبك أهو يا مازن.. ولا أنته عجباك الأوضه اللي كنا قاعدين فيها.. ولا يكونش عشان خاطر المزه بتاعتك.. أطمن يا سيدي كل يوم هنلاقيها فوق دماغنا.. يلا قوم بقي عشان أشطفك أنته تلاقيك بقالك كتير ما أتشطفتش
_فيلا الصباغ
(ميرفت تتصل بمنذر)
_ميرفت..أسمع يا منذر اللي هقوللك عليه ده ويتنفذ بالحرف.. ومش عايزاك تشغل دماغك وتزود حاجه من دماغك
_منذر..أمرك يا بنت أبويا
_ميرفت.. موضوع جابر الطيب ده إنساه خالص لأني أتأكدت إنه خلاص ما،ت
_منذر.. الله يرحمه
_ميرفت..أنا عايزاك من اللحظه دي تراقب نهاد ال 24 ساعه.. وما يغيبش عن عنيك لحظه.. وعايزاك ترمي في طريقه بنت شمال تدلعه لحد ما يطمنلها.. وبعدين هبقى أقولك تعمل إيه
_منذر..أمرك يا بنت أبويا
_ميرفت بتحذير..أسمع يا منذر.. نهاد يبقى إبني اللي أنا مربياه..يعني لو اتأذي أنا مش هرحمك
(وتقفل السكه)
_ميرفت ف سرها.. متخافش يا نهاد..أنا بس هقرصلك ودنك قرصه صغيره.. عشان ما تحاولش تعرف حاجات أنا مش عايزاك تعرفها
_عند الهام
_الهام.. أنته مش هتنام
_مازن.. مازن مش هينام.. مازن هيحرس الهام
_الهام.. على فكره إحنا مش نايمين في الشارع عشان تحرسني
_مازن.. مازن مش هينام.. مازن هيحرس الهام
_الهام.. أنته حر ما تنامش.. أعمل اللي أنته عايزه.. بس تعالي أطلع على السرير عشان أكلبشك في السرير عشان أبقى مطمنه عليك
_وبعد منتصف الليل الباب يخبط ومازن كان صاحي ويصحي الهام عشان تشوف مين اللي بيخبط وتروح الهام تفتح وكانت أخت الحاج طاهر وكان معاها أتنين شباب.. ورشت على وش الهام…………
_ويتبع……………..

رواية بائعة الخضار الفصل الحادي عشر

الفصل الحادي عشر من الرواية لا يزال قيد الكتابة، إذا أردت أن يصلك أشعار بمجرد نشره أنضم لقناتنا على تليجرام وأترك تعليق على هذه الصفحة.