رواية انيس قلبي الفصل الأول 1 بقلم إيمان شلبي

رواية انيس قلبي الفصل الأول 1 بقلم إيمان شلبي

 

 

البارت الأول

 

-انتِ يا استاذه ياللي بتغني كفاية صداع مش عارف انام
قالها “تيم ” جوزي وهو بيقتحم البلكونه بغضب فصرخت بفزع وانا بلف وشي
-حرام عليك يابني آدم انت خضتني
برق اول ما شافني واقفة بشعري فبلعت ريقي بخوف
ـ هو انا كان مرة قولتلك متخرجيش البلكونة بشعرك!
قالها وهو بيشدني من دراعي وبيضغط عليه جامد لدرجه حسيته هيتكسر
غمضت عيوني بوجع ورديت بنبره مبحوحة:
-سيب ايدي
شدني علي جوا وهو بيزعق وعروق رقبته بارزة:
-قسماً بالله يافلك تاني مره لو شوفتك واقفة بشعرك هقصهولك …ومتقفيش تغني تاني في الزفت البلكونة احنا هنا في منطقه شعبية مش في التجمع يعني دابة النملة بتتسمع مش ناقص أنا كل تلت دقائق حد يجي يقولي مراتك بتزعجنا بصوتها وياريته صوت حلو ويتسمع!
برقت عيوني بصدمه :
-نعمممممم انا صوتي وحش

 

 

-الحقيقة يقرف!
نفضت دراعي ورديت بغضب :
-انت مش بتفهم أصلاً ده انا اسمي في الشلة خليفة اصاله …ده انا كنت هقدم في برنامج The voice لكن لولا الظروف اللي حصلت لبابا واللي خلتني اضطر اعيش معاك انت والناس اللوكل ديه
-معلش أن شاء الله لما يعملوا موسم The voice animal ابقي قدمي فيه
قالها وهو بيضحك و بيرجع برأسه لورا فصرخت بصوت مكتوم وانا بهبد في الأرض وعيوني بتلمع بالدموع
-اطلع برااااا
قعد علي طرف السرير ورد ببرود :
-لا هنام هنا النهارده
-نعممممم لا طبعاً استحالة انام جنبك علي سرير واحد
فرد جسمه علي السرير وهو بيهز أكتافه بلا مبالاة:
-خلاص نامي علي الأرض
جزيت فوق اسناني وسحبت المخدة من تحت رأسه وبطانيه وكنت هخرج انام برا بس هو مسك ايدي
-رايحة فين
-هنام برا
-نعم أنتِ مجنونة تنامي برا ازاي
هزيت اكتافي ببرود:
-علي الكنبه!
-والله وبالنسبة لمُحسن اخويا اللي رايح جاي علي الصالة
-محسن زي اخويا
-بس مش اخوكي يا هانم
رفعت حاجبي بسخرية:
-انت بتغير من اخوك؟!
جز فوق اسنانه ورد بغيظ:
-انا عايز أنام!
-طب ما تتخمد هو انا ماسكة فيك!
هبد فوق السرير بغضب وعصبيه فرجعت خطوه لورا بخوف وانا ببلع ريقي :
-احترمي نفسك يافلك وبلاش تستفزيني واطلعي اتخمدي خلي اليوم يعدي علي خير
-انا مش هنام جنبك و……
قطع كلامي لما شدني جنبه فشهقت بصدمه وذهول وكنت لسه هبعد قرب وشه من وشي وقال بهمس ونظره تحذيرية:
-نامي
هزيت راسي وانا ببلع ريقي بتوتر :
-ط طب ممكن تبعد شوية لو سمحت
اخدني في حُضنه وغمض عيونه وقال ببرود :
-لا أنا مرتاح كدة

 

-ب بس بس انا مش مرتاحة
-ليه ده انا حتي زي جوزك
رديت بنبره اوشكت علي العياط :
-لو سمحت ابعد
بعد وهو بيتنهد وبيرفع صباعه في وشي بتحذير:
-لو اتحركتي من مكانك هتزعلي مني تمام؟
-م مش هتحرك
-جدعه يالا تصبحي علي خير ياقمر
رديت بهمس:
-ازاي واول حاجه هشوفها وشك
-بتقولي حاجه ياقمري؟
-هه ب بقول وانت من اهل الخير
*********************************
تاني يوم صحيت من النوم علي صوت دوشة في الأوضة
فتحت عيوني ببطئ لاقيته واقف وبيخرج هدومي كلها من الدولاب وبيرميها علي الارض!
صرخت بخضه وانا بتنفض من السرير
-ايه اللي انت بتعمله ده انت مجنون؟؟
مردش عليا ولا حتي لف وشه لكنه استمر في اللي بيعمله
قربت منه ومسكت أيده بعصبية :
-انت يابني آدم رد عليا بترمي هدومي بالشكل ده ليه انت عارف الهدوم دي بكام دي اغلي من البيت المعفن بتاعك ده و…….
شدني من دراعي وهو بيجز فوق اسنانه وبيبصلي بعيون حمراء لدرجه اترعبت واتمنيت لو الأرض تنشق وتبلعني!
-مخبياهم فين؟
حاولت ابعد ايدي ورديت بوجع:
-اااه سيب ايدي حرام عليك هتتكسر
زعق في وشي وعروق جبينه بارزه:
-بقولك مخبياهم فييييين
رديت بوجع وخوف:
-هُما ايييه
-التحاليل اللي بتثبت انك حامل ياهانم
يتبع

 

 

• لقراءة باقي فصول الرواية أضغط على (رواية انيس قلبي)