رواية اسير عيوني الفصل التاسع 9 بقلم آية عيد

رواية اسير عيوني الفصل التاسع 9 بقلم آية عيد

 

البارت التاسع

 

#اسير_عيوني
جاسر بهدوء :انا نازل اهو.
اومأ له حمزة ونزل.
دخل جاسر، ولقي حور واقعة علي الارض بتتا*لم من رجلها.
قرب منها وشالها علي السرير :انتي مبتتهد*يش كدا خالص.
حور : ك كنت عايزة اشوف في ايه؟
جاسر مردش عليها وقام مسك التلفون واتصل بالدكتورة.

 

جاسر : عشر دقايق وتكوني هنا.
الدكتورة :حاضر.
وقفل معاها وبس لحور.
جاسر بهدوء:هبعتلك نغم تقعد معاكي شوية.
واتجه للحمام غير هدومه عشان ينزل تحت.
@@@@@@@@@@@@@@@@@@@@@@
تحت في القصر
كل العيلة متجمعة تحت ومستغربية مجموعة الضباط الموجدين.
نزل جاسر بكل هيبة وبص لنغم :اطلعي اقعدي مع حور
نغم بسرعة:حاضر
وطلعت فوق
وجاسر راح ووقف قدام الضابط بجمود:اتفضل.
الظابط :جالنا بلا*غ بأن حضرتك، خط*فت حامد رضوان وابنه!
جاسر قعد علي الكنبة بكل هبية ووقار : وهو انا اعرفهم اصلا؟!
الظابط:ال عرفناه انك اتجوزت بنت اخوه امبارح.
جاسر بهدوء:اه، قصدك عم مراتي… ايوا اتجوزتها امبارح فيها حاجة دي؟!
الظابط : زوجة حامد اتصلت بينا، وقالت انك خط*فت جوزها وابنها.
جاسر برفعة حاجب: انا! وانا هعمل ليه كدا يعني؟!
الظابط: بتقول عشان ابنها كان هيتجوز بنت عمه، بس انت جيت واتجوزتها قبله.
جاسر بهدوء: مظبوط…. بس دا كان سو*ء تفاهم، وحليناه مع بعض
الظابط :ازاي؟ دي بتته*مك انت.
جاسر بجمود : اصلا كان فيه معازيم، تقدر تسألهم.
الظابط بصيق:سألناهم، ومحدش رضي يتكلم.
جاسر ببرود :يبقي انت في المكان الغلط، انت المفروض دلوقتي تروح تدور عليهم.
الظابط اتنهد :تمام…. بس اعرف اني ممكن اجي تاني.
وخرج الضباط
ابراهيم بص لجاسر :انت عملت كدا بجد.
جاسر بهدوء:انت تعرف عني كدا؟!
ابراهيم بشك:واعرف اكتر من كدا.
جاسر قام وقف بضيق.
فجاة دخلت الدكتورة، جاسر بصلها وطلع فوق وهي طلعت وراه

 

@@@@@@@@@@@@@@@@@@@@@
فوق عند حور
نغم حطت قدامها صينية الفطار
نغم : هو انتي بجد يعني، اتجوزتي جاسر.
حور باستغراب:اه، ليه؟!
نغم :اصل بصراحة اتصدمت، يعني دا جاسر دا معروف عنه ان مفيش بنت بتعجبه بسهولة…. كنا بنقول انه مش هيتجوز اصلا.
حور : طب وليه ميتجوزش.
نغم اخدت نفس : دي حكايته هو بقي، انا مليش علا*قة.
بعدين نغم بصت علي حور وعلي ال لابساه
نغم بغم*زة : بس ايه التيشرت الحلو دا!
حور اتكسفت واتوترت :ا اصل ل لسة مجبتش هدوم ليا.
نغم بضحك :متقلقيش دا جاسر موصي ليكي علي شوية فساتين ودريسات انما ايه!
حور نزلت عيونها بخجل.
فجاة الباب اتفتح ودخل جاسر، ووراه الدكتورة
نغم بعدت والدكتورة قعدت جمب حور علي طرف السرير…. وجاسر واقف وايده في جيبه.
والدكتورة بقت تفحص رجل حور، وبدأت تعمل شغلها ولفت شاش في الاخر.
الدكتورة وهي ماسكة ورقة وقلم : هي كويسة الحمد لله، بس محتاجة يومين راحة علي الاقل.
ومدت الورقة لجاسر: وتجبلها الادوية دي والح*قن عشان التو*رم يخف اسرع.
جاسر اخد منها الورقة :تمام.
قامت الدكتورة وبصت لحور بابتسامة :الف مبروك يا عروسة.
حور نزلت عينها بخجل.
نغم بضحك:الله يبارك فيكي يا دكتورة.
خرجت الدكتورة، ووراها نغم.
وجاسر اخرج تلفونه وكان بيشوف حاج بخصوص الشغل.. وحور فضلت باصة عليه.
فجاة جاسر حرك عيونه ناحيتها بجمود، حور اتحرجت :ولفت وشها الناحية التانية بسرعة.
جاسر بعد تلفونه وبصلها :انا خارج.
وطلع من الاوضة، وهي فضلت قاعدة وخدوها حمرا.
@@@@@@@@@@@@@@@@@@@@@@

 

في غرفة حمدية
كانت قاعدة في الاوضة وبتفكر هتعمل ايه مع حور
فجاة الباب اتفتح ودخلت ايمان
حمدية :عايزة ايه؟!
ايمان :هو ممكن اخرج شوية.
حمدية وقفت بعصبية:انتي عبي*طة يا بت، عايز تخرجي بعد المص*يبة ال عملتيها.
ايمان بضيق:انتو كل شوية بتفكروني ب ال عملته، وخلاص ما انتوا حلتوها وهنتجوز انا وفارس بعد يومين.
حمدية بعصبية:احمدي ربنا انه وافق بعد ال عملتيه، ولا ال في بطنك دا.
ايمان بدموع : ما خلاص بقي، انا تعبت.
فجاة الباب اتفتح ودخلت فريدة وهي بتبتسم بخبث.
حمدية اتخضت هي وايمان وبتوتر:ف فريدة ع عايزة ايه؟!
فريدة قربت من ايمان:في ايه يا خالتي، جيت اطمتن علي اختي حبيبتي.
ايمان بتوتر: ش شكرا يا فريدة…. ط طب انا طالعة بقي.
وكانت هتمشي بس وقفت بصدمة لما سمعت فريدة بتقول بدلع : طب خلي بالك من البيبي احسن يوقع.
وضحكت ضحكة مستف*زة.
حمدية بصتلها بتوتر:ب ايه بيبي ال بتجولي عليها دي.
فريدة بصتلها بابتسامة خبيثة:ما انا سمعت كل حاجة خلاص يا خالتي.
ايمان بخوف:ا انتي سمعتي غلط، ا اكيد اتوهمتي.
فريدة بكبر*ياء :انا مش بتوهم يا بنت حمدية.
حمدية بصتلها بضيق :عايزة ايه يافريدة.
فريدة بضحك :ايوا كدا بدأتي تفهميني.
حمدية بعصبية :انطقي؟
فريدة بخبث : جاسر، يكون جوزي خلال يومين بس.
حمدية بعصبية:انتي هب*لة يا بت، ودي اعملها ازاي دي؟
فريدة بعصبية: زي ما عشمتيني طول عمري، اني هبقي مراته ومبقتش اهو…. وعمالة تقولي هفكر وهخطط وانتي ولا بتهب*ببي حاجة، بس كفاية لحد كدا هما يومين لو جاسر مبقاش جوزي وطلق ال اسمها حور دي في خلال يومين بس…. يبقي متز*عليش مني، لما اكشف سر بنتك.
حمدية بصت لايمان بضيق وتوتر.
حمدية بضيق :هحاو..
قاطعتها فريدة بش*ر : هتنفذي، م هتحاولي…. انا مش فاضية لدلعك دا.
حمدية بصتلها بعصبية : طيب، هشوف هعمل ايه.
فريدة ابتسمت :برافوا يا خا…. يوه قصدي ياحماتي هههه.
وجت تخرج بصت علي ايمان بدلع : خلي بالك من النونو، ومن فارس….هه

 

وخرجت
وايمان بصت لامها بخوف، وحمدية قعدت علي السرير وهي ماسكة رأسها بضيق.
ايمان بحزن:هتعملي ايه؟!
حمدية بضيق :هقول لابوكي، وهو يحاول بقي يقنع جاسر يطلق حور.
ايمان :بس جاسر مش هيرضي، ما انتي عارفاه.
حمدية وقفت بعصبية:اومال اعمل ايه؟! اسيبها تفض*حنا بسببك.
ايمان بكت وخرجت من الاوضة بسرعة.
وحمدية قعدت تفكر تتط*فش حور ازاي!
@@@@@@@@@@@@@@@@@@@@@@
عند فارس وشروق
فارس اتصل بيها واترجاها كتير انها تقابله، وراحت قابلته بعد ما خلصت الجامعة
وقابلته في كافيه.
شروق ببرود وعيونها بعيد عنه :نعم؟! اتفضل قول عايز ايه!
فارس بحب :وحشتيني.
شروق بصتله بضيق : لو سمحت متقولش الكلام دا تاني، مبقاش ينفع.
فارس بحزن:انا عارف انك ز*علانة مني بسبب ال حصل.
شروق بصتله بذهول :ز*علانة، انت فاكر ان بعد ال حصل انا زعلت بس…. انت مش عارفة انا بحس بأيه ل يوم و….
قاطعها فارس بسرعة:تتجوزيني.
فريدة اتصدمت واتكلمت بعصبية :انت مجنون بقي، مرة عندي ومرة عند ايمان ومرة تاني عندي….. دا ايه العب*ط دا!
فارس :ولله انا بحبك وعايزك انتي.
شروق قامت وقفت بضيق : للاسف ال اتك*سر مش بيرجع زي الاول…. وغير كدا كمان، مش هقبل ان ايمان تتظ*لم زيي حتي لو كانت هي السبب في كل ال حصل.
ومشيت من قدامه بسرعة قبل ما تعيط قدامه.
فارس قام وقف بغضب، وخلاص قرر انه مش هييتحمل وهيقول الحقيقة لجاسر، ويرفض طلب ابراهيم…. قلبه بقي عليه ثقل مش قادر يتحمله اكتر…. مبقاش عارف ينام من كتر التفكير…. حياته وحبه اتد*مروا، بسبب موافقته ل ابراهيم وحمدية.
قام واتجه لعربيته.
@@@@@@@@@@@@@@@@@@@@@@
عند حور
قامت وقفت بتعب وصعو*بة وقررت تتمشي شوية في الاوضة عشان زه*قت من القعدة
وقفت وسندت علي الحيطة، وبقت تتحرك ببطيء ناحية شاشة التلفزيون الكبيرة
وقربت وبقت تحاول تتدور علي الريموت ومش لاقياه شافت الرف ال فوق عليه الريموت حاولت تجيبه ومش عارفة.
فجاة الباب اتفتح ودخل جاسر وهو ماسك كيس صغير في ايده وفي الايد التانية اكياس كتيرة، بص علي السرير واستغرب لما ملاقهاش…. بص حواليه وشافها وهي بتحاول تجيب الريموت ومدياه ضهرها، ولابسة تيشرته الاسود ال واصل لحد ركبتها.
حط الاكياس الكتيرة علي السرير وقرب منها بهدوء وجاب هو الريموت، وهي اتخضت ولفت بسرعة وخوف.
حور بخوف:خضتني.
جاسر بصلها بهدوء:ايه ال قومك من السرير؟!
حور بتوتر: ز زه*قت من القعدة، فا قولت اتحرك شوية.
جاسر :الدكتورة قالت لازم ترتاحي.

 

حور سكتت بضيق طفولي.
جاسر قعد قدامها علي الكنبة، واخرج بعض الادوية من الكيس وحطها علي التربيزة.
حور باستغراب :هو ايه دا كله؟!
جاسر مردش عليها واخرج ابر*ة من الكيس وحور اتصدمت.
جاسر وهو بيعبي الحق*نة من المادة وبهدوء:تعالي.
حور بخوف :ا اجي فين، ه هو انا ه هاخد البتاعة دي؟!
جاسر رفع عينه عليها :بتاعة؟ اممم طب تعالي طيب.
حور بخوف :ل لا م مستحيل اخدها، ا انا بخاف منهم ولله.
جاسر اتنهد و قام وقف وقرب منها :انا مش عايز دلع.
حور والدموع بتتجمع في عينها : و ولله مش بدلع انا بخاف منها بجد.
جاسر اتنهد وبهدوء : هخفف ايدي شوية،متخافيش.
حور بدات تهدا شوية وبتوتر : ب بس دي هاخدها فين؟!
جاسر بصلها وظهر التردد في ملامحه :احم، دي لازم عضل.
حور بصدمة :ايه؟!
جاسر بهدوء :الدكتورة ال قالت كدا.
حور بتوتر: ط طب نادي نغم تديني هي.
جاسر باحراج :نغم مش بتعرف، وممكن يجيلك حسا*سية لو اخدتيها غلط.
حور بتوتر : وانت يعني ال بتعرف؟!
جاسر :اممم.
حور وهي بترجع لورا :ل لا ططب ا انا هستني الدكتورة لما تيجي طيب.
جاسر قرب منها بحده : بلاش حجج، دا ميعاد اول حق*نة.
حور بصدمة :اول حق*نة، هو لسة في تاني.
جاسر كان عايز يضحك علي منظرها ورعشتها بس تمالك نفسه.
حور بخوف :ط طب ممكن تتأجل لوقت تاني، ا او ا انا هاخدها بنفسي.
جاسر بحده خفيفة : بس يابابا.
حور خافت و بقت ترجع لللخلف ببطيء وهي بتعر*ج وكانت هتقع بس جاسر لحقها وحاوطها من خص*رها وشدها لعنده
جاسر : هي شكة بسيطة مش هتحسي بيها.
حور خافت اكتر وبقت تاخد نفسها بسرعة، وحاولت تبعد عنه لكن هو شدها اكتر لحضنه…. وهو بيجهز الإ*برة، واصلا هو فاهم كويس في الحاجات دي لانه اتعلمها لما كان في سن الجيش.
وخلاص رفع التيشرت ال هي لابساه حاجة بسيطة، وهي اتر*عبت ورفعت نفسها وحاوطت رق*بته بخوف ودفنت وشها في ر*قبته… وهي واقفة علي اطراق اصابعها.
جاسر عطاها الحق*نة وهي لسة في حضنه واول ما حست بشكة صرخت وعيطت.
جاسر خلص اصلا وهي لسة عمالة تعيط،وبقي يمسح علي ضهرها بهدوء :خلاص خلصت، اهدي.
حور برضوا مش موقفة عياط ومنهارة.
جاسر ابتسم ابتسامة جانبية بسخرية: كل دا من ا*برة، امال لما تاخدي الباقين هتعملي ايه؟!
حور بعدت عنه بدموع وضيق: اوعي كدا، طب ولله انت و*حش…. ومش هخليك تعمل كدا تاني.
جاسر بهدوء:لسا*نك.
حور بعدت عنه وهي حاطة ايدها مكان الابر*ة بأ*لم، ورجعت للخلف.
حور ودموعها لسة علي خدها : اتفضل امشي بقي.
جاسر وهو حاطط ايده في جيبه و برفعة حاجب :دي اوضتي واقعد فيها براحتي.
حور بصتله بغي*ظ وسكتت.
جاسر بهدوء : في شوية هدوم ليكي علي السرير، روحي غيري….. والباقي هيوصل بليل.
واتجه للبلكونة ومسك تلفونه.
وهي وقفت بكي، وسندت علي الحيطة وراحت للسرير، وشافت انه جايب لها دريسات وطرح وبيجامات كتيرة حلوة وعجبوها جدا …… اخدت منهم بيجامة وراحت علي الحمام، وخدوها حمرا بعد ما استوعبت ال حصل،بصت عليه وبعدين دخلت جوا.
@@@@@@@@@@@@@@@@@@@@@@
تحت في الاسفل
الكل متجمع والدنيا تمام، بس ابراهيم مش موجود
وحمزة واقف بيكلم نغم في حاجة.
وحمدية قاعدة بتخيط حاجة.
نزلت ايمان وقعدت مع امها.
يارا شافتها وبتلقاءية: هو النونو هيجي امتا ياعمتو؟!
ايمان ااصدمت وخافت، وحمدية بصت ليارا بخوف….. وحمزة ونغم ركزا في كلام يارا.
حمزة قرب من بنته باستغراب:نونو تاني! هو في ايه بقي.
يارا وهي بتشاور علي بطن ايمان :ايوا، عموا فارس قال ان في نونو حر*ام في بطنها.
حمزة اتصدم وبص ليمان، ال الخوف كان واضح عليها.

 

حمدية بتوتر وعصبية:لم بنتك يا حمزة، ا ايه اله*بل ال بتقوله دا.
فارس دخل من الباب بجمود : دا مش هب*ل دي الحقيقة.
حمزة بصدمة :انت بقول ايه يافارس؟!
فارس :انا عايز اكلم جاسر ناديه.
ايمان اتر*عبت ورجعت لورا ببطء.
حمدية بعصبية: فارس، اخر*ص خالص…. اياك تتكلم.
فارس بغضب:لا هتكلم، انا مبقتش قادر اكمل……. يا جاااااسر.
ايمان قربت من فارس ومسكت ايده بخوف ودموع :ل لا والنبي يا فارس، والنبي ما تقوله….. ا انا ال هتأذي، وحياة اغلي حاجة عندك ما تقوله.
حمزة بغضب:انتي بتكلميه ليه كدا، وبتترجيه ليه اصلا….. هو في ايه؟!
فجاة جاسر نزل من علي السلم :في ايه؟!
ايمان اتخضت من صوته، ووقفت ورا فارس وهي ماسكة دراعه بخوف ودموع.
فارس بصلها، وصعبت عليه بس افتكر شروق ومقدرش يخبي.
جاسر بحده :ما تتكلم، في ايه؟!
يارا بعفوية وبراءة: عمتوا ايمان حامل في نونو في الهرام.
جاسر بص ليارا بذهول وبعدين بص لايمان ال منكمشة ورا فارس.
جاسر بص لايمان بغضب جحي*مي ومستنيها تتكلم او تن*كر الكلام دا ، بس هي سكتت
وحمدية اتر*عبت ووقفت بخوف علي بنتها ووووووووووو
@@@@@@@@@@@@@@@@@@@@@@
استووووووب

 

 

• لقراءة باقي فصول الرواية أضغط على (رواية اسير عيوني)