رواية حازم ورغد الفصل الثاني 2 بقلم سارة رجب حلمى

رواية حازم ورغد الفصل الثاني 2 بقلم سارة رجب حلمى

 

البارت الثاني

 

 

رغد بعد كل هذا التعلق
ذهب الى عمله وقدم استقالته الى مدير الشركة
فسأله عن سبب ذلك واخبره انه يريد العودة الى بلده
ولا يستطيع البقاء هنا فاخبره المدير انه من الاحسن
تقديم طلب نقل وليس استقالة فهم يمتلكون فرع
للشركة فى محافظة كفر الشيخ تفاجأ حازم وفرح انه
لن يعود بدون عمل مرة اخرى وبالفعل قدم طلب
للنقل وسافر بلده وتسلم عمله هناك ولكن قلبه
وعقله مازالوا معلقين فى احدى منازل القاهرة…
نعود مرة اخرى لرغد تلك الفتاة التى كانت مفعمة
بالحيوية والنشاط والتى اصبحت حزينة تدارى اغلب
الوقت حزنها عن والديها فهى تحبهم بشدة ولا تريد ان
يعرفوا ماتشعر به خصوصآ والدتها التى تعلم جيدآ
انها رفضت زواجها من حازم لانها تحبها ولا تستطيع
مفارقتها وتتذكر جيدآ عندما كانت تحاول اقناعها
بالزواج لدرجة انها احيانآ كانت تعتقد ان والدتها تريد
ان تتخلص منها بالزواج وفى اعتقادها انها اتقنت
دور الفتاة التى لا تهتم بما حدث ولكن والديها يشعران
جيدآ بتغيرها فهم لا يملكون فى الدنيا سواها هى
واخيها الذى تركهم ولا يأتى لزيارتهم سوى أسبوع كل
عامان او ثلاثة.

 

 

 

 

يوسف عاجبك حال رغد
حورية مش عاجبنى ودخلت كلمتها مثلت عليا ان
مفيش حاجة خالص وانها نسيت الموضوع.
يوسف وانتى عملتى مصدقة عشان تريحى ضميرك.
حورية اريح ضميرى من ايه هو انا اجرمت عشان
مش عايزة بنتى تبعد عنى!!
يوسف ايوا انتى اجرمتى لإنك مفكرتيش غير فى
نفسك ومعملتيش اعتبار ليها ولا لإرادتها وانها عايزاه
وشافت فيه فارس أحلامها.
حورية وليه احنا ال نضحى مايضحى هو ويعيش هنا.
يوسف هو ظروفه كده كفاية بقى تحكمات
تضمنى منين ان اللى هيتجوزها ويكون من القاهرة انه
ماياخدهاش ويسافر بعد الجواز هتقدرى تمنعيه
ساعتها ولا هيبقالك رأى اصلا
ولا انتى مش واخدة بالك ان ابنك فؤاد اتجوز رنا
وعاش معاها فى مصر سنة كاملة ولما قرر يهاجر بيها
عمل كده ومخدش رأى اهلها فى حاجة .
حورية يعنى خلاص يا اما اوافق يا اما اتقطم بالكلام
ده ليل ونهار
يوسف انتى اللى عايزة بنتك جنبك ومصممة ومش
مهم خالص تبقى جنبك تعيسة ومکسورة وحياتها
تبقى ضايعة من بعد ماكانت بتسعد اى حد تقعد
معاهبتفكرى فى نفسك وبس مع اننا من يوم
مابنخلفهم بنضحى بكل حاجة عشان راحتهم
وسعادتهم.
حورية يعنى اربى واكبر وادوق المر معاهم عشان
يكبروا ويبعدوا وماطولهمش !!!
يوسفافهمممممى هى مش هتهاجر زى فؤاد وقت
ماهتحتاجيها هتجيلك وتروحيلها عادى الموضوع مش
صعب كده.
حورية خلاص كلمه وخليه يجى يتفق على ميعاد
الخطوبة.
يوسفبسعادة بتتكلمى بجد!!
حورية مش
عايزة اتكلم كتير عشان والله هرجع فى
كلامى.
يوسف لا خلاص المهم تفرحى رغد دلوقتى.
حورية لا خليها مفاجئة لما يجى .
شعر حازم بأن الحياة عادت له مرة اخرى وأن سعادته
فاقت كل شئ فى الوجود
من يراه فى طريقه وهو عائد الى المنزل أصبح يبتسم
لجميع الناس ويلقى عليهم التحية ولا يلقى بالآ
لتعجب الناس من حوله نعم هم لا يعرفونه ولكنه
يحبهم فقد قابلوه فى أسعد يوم فى حياته واخيرآ
وافقت والدة رغد وستصبح فاتنته ملكآ له فقد حدد
ميعاد مع والدها ليذهب هو وعائلته ليلبسها خاتم
الخطوبة يشعر حازم انه فى حلم ولكنه حلم رائع لا يريد
ان يفيق منه أبدآ وها قد وصل الى منزله ودخل وهو
يجرى وينادى والدته بصوت مرتفع.
احلام ايه ياحازم فى ايه جيت من شغلك بدرى ليه
كده
حازم وافقوا يا ماما وااااافقوا خلاص رغد هتبقى
مراتى.
احلامالف
مبروك يابنى ربنا يسعدك ياحبيبى
ويتمملك بخير لازم بقى تقول لاخواتك.
حازمايوا لازم اقولهم لان الزيارة الجاية فيها تلبيس
دبل ولازم يكونوا موجودين معايا.
احلام ربنا يسعدك كمان وكمان يا احلى حازم فالدنيا.
حازم ماكنتش هعرف اعمل حاجة لولا موافقتك
ورضاكى عليا.
احلام يلا اطلع قول لاخواتك ينزلوا وماتحكيش حاجة
غير لما نتجمع كلنا.
حازمحضرتك ماحكتيش لحد فيهم حاجة
احلام
ولا جبت سيرة إيه لازمته اتكلم فى موضوع كان
اتقفل.
حازميقبل رأسها حالآ هطلع اناديلهم ونكون عندك.
صعد حازم الى اخوته واخبرهم انه يريدهم فى موضوع
مهم وعليهم ان ينزلوا الى شقة والدتهم حازم له
شقيقين وهما محمود وهو متزوج من وفاء ومصطفى
متزوج من نرجس.
مصطفى خير فى ايه ياماما
احلام اخوكم حازم هيخطب ان شاء الله.
محمود بجد! الف الف مبروك يازومة ياحبيبى.
نرجس ومين دى بقى حد نعرفه
حازم لا دى بنت من القاهرة.
نرجس نعععم ! قاهرة ليه يعنى خلصت البنات اللى
هنا ولا ايه
مصطفى استنى يانرجس ازاى من القاهرة ياحازم
انت بقالك كتير ناقل شغلك هنا وماسافرتش هناك
خالص
حازم قبل مانقل شغلى يا مصطفى اتقدمتلها وهما
موافقوش عشان مكان السكن ولسه جايلى الرد
منهم النهاردة بالموافقة.
مصطفىبعصبية ايه اللى انا بسمعه ده ! يعنى ايه
اتقدمت قبل ماتنقل شغلك وازاى تتقدم من غير
ماترجعلى فى حاجة زى كده انا مش اخوك الكبير
وفى مقام ابوك بتتصرف من دماغك ازاى كده.
حازمپغضب انا مش صغير عشان اجى استأذنك فى
حاجة تخصنى زى كده وانا اتقدمتلها وكنت ناوى اول
مايدونى الرد اعرفكم وده ال انا عملته.
مصطفى ده ال مالوش كبير بيشتريله كبير وانت
رايح لوحدك وبتتصرف من دماغك.
وفاءخلاص ياجماعة حصل خير المفروض نفرح
دلوقتى مش نتخانق ولا ايه يامحمود
محمود كفاية يامصطفى ماتكسرش فرحته بكلامك
واللى حصل حصل.
نرجس لا بس المفروض كان يقول الاول وبعدين هى
كفر الشيخ مافيهاش بنات!!
كان حازم وصل لأعلى مراحل الڠضب ولا يطيق سماع
كلمة أخرى خصوصآ من نرجس المتطفلة ذات الطباع
السيئة وهى على عكس وفاء زوجة محمود تمامآ حتى
محمود عكس مصطفى الذى يريد التحكم فى كل شئ
من حوله ودائمآ يحول كل المواقف لمشاكل لانه اكبر
اخواته وذلك جعله يعتقد ان من حقه التحكم بهم وبكل
شئ يخصهم.
حازم لو سمحتى ماتتدخليش انتى هنا عشان مرات
اخويا بس وده مايدكيش الحق تتكلمى كده معايا.
مصطفى كمان هتزعق لمراتى عشان خاېفة على
مصلحتك.
حازم لا بجد !! هى فين مصلحتى اللى هى خاېفة عليها
دى انا كل اللى شايفه كلام مالوش لازمة يضايق
وبس.
مصطفىخلاص لو كلامنا تقيل على قلبك كده نطلع.
احلام ماشاء الله عليكم ماحدش فيكم عاملى اعتبار
كده خالص !!
مصطفىانتى مش شايفة عمل ايه ياماما !!
احلام حازم معملش كده لوحده انا كنت معاه.
مصطفىكمان !! ومقولتليش.
احلام مصطفى إلزم حدودك وكفاية كده مش
هسمحلك بأكتر من انك تبارك وبس ولو مش عايز
اتفضل خد مراتك واطلع شقتك.
مصطفى مش هبارك حاجة اتعملت من غير اذنىولا
هحضر فرح حتى يلا يانرجس.
نرجس يلا ياابو عبدالرحمن انا كنت طالعة من غير
طرد أصلا.
خرج مصطفى ونرجس
محمود هو مين اللى طردها دى انتى خيرتيهم يا اما
يباركوا يا اما يطلعوا.
احلام متشغلوش بالكم بيها هى لو مقومتش الدنيا
تتعب.
وفاء ماتزعلش ياحازم والف مبروك ربنا يتمملك بخير.
وفاء شكرآ ياوفاء انا مزعلتش انا عارف طريقة اخويا
مبقتش جديدة المهم جهزوا نفسكم للخطوبة لو
هتيجوا معايا.
محمودطبعا هنيجى ده احلى يوم بالنسبالى لما
اشوفك عريس.
دخلت حورية واخبرت رغد ان اقاربهم سوف ياتوا
اليوم لزيارتهم وطلبت منها ان تستعد لذلك فوافقت
رغد وبدأت فى تجهيز نفسها لزيارتهم وهى لا نشعر
بطعم اى شئ تقوم بفعله ولا تعرف كيف ستقابلهم
فهى لا تريد ان تقابل اى شخص ولا تتحدث مع احد
وتتلقى الاسئلة السخيفة ومن المفترض ايضآ ان ترد
عليها بإبتسامة فكانت تستطيع ان تفعل ذلك من
قبل اما الآن فهى منهكة تمامآ غير مستعدة لأى جدال من اى نوع وفى أثناء تفكير رغد سمعت صوت جرس
الباب فنادت عليها حورية وطلبت منها ان تفتح لانها ويوسف مشغولون وتوجهت رغد ناحية الباب وعندما فتحت وجدت…
الحلقة السادسة
دخلت حورية وأخبرت رغد أن أقاربهم سوف يأتوا
اليوم لزيارتهم وطلبت منها تن تستعد لذلك فوافقت
رغد وبدأت فى تجهيز نفسها لزيارتهم وهى لا تشعر
بطعم اى شئ تقوم بفعله ولا تعرف كيف ستقابلهم
فهى لا تريد
أن تقابل أى شخص ولا تتحدث مع أحد
وتتلقى الأسئلة السخيفة ومن المفترض أيضآ أن ترد
عليها بإبتسامة فكانت تستطيع أن تفعل ذلك من
قبل أما الآن فهى منهكة تمامآ غير مستعدة لأى جدال
من أى نوع وفى أثناء تفكير رغد سمعت صوت جرس
الباب فنادت عليها حورية وطلبت منها أن تفتح لإنها
ويوسف مشغولون وتوجهت رغد ناحية الباب وعندما
فتحت وجدت حازم أمامها ممسكآ بعلبة أنيقة بداخلها
خاتم ذو زوق مميز ومن خلفه أشخاص لا تعرفهم
ووالدته وبيدها بوكيه ورد وتنظر لها بإبتسامة جميلة
ثم
قالت مش هتاخدى الورد ده ياعروسة غير لما
تلبسي الخاتم .
نظرت لهم رغد پصدمة ثم ألقت نظرة إلى الخلف
ووجدت والديها واقفين ومبتسمين.
رغد أنا مش فاهمة حاجة.
حازمموافقة تتجوزينى
نظرت رغد مرة اخرى خلفها وكإنها تترك إجابة سؤاله
لوالدتها حورية.
حوريةبإبتسامةردى عليه يارغد الناس مش
هيفضلوا واقفين عالباب كده.
رغد أااه صح ..إتفضلوا أنا أسفة .
ثم إلتفت لتدخل وتفسح لهم الطريق فجذبها حازم
من ذراعها.
حازم بقولك تتجوزينى
رغدبخجل ملون بالسعادة أشارت بنعم
حازم لأ.. عايز أسمعها.
رغدتضحك وقد شعرت انها فى موقف لا تحسد
عليه أيوا أيوا ممكن تخليهم يدخلوا بقى أكيد
تعبانين من الطريق.
فإبتسم حازم وأشار لهم بالدخول وجذب يد رغد
ببطئ وهو ينظر فى عينيها بسعادة ووضع فى يدها
خاتمه فهلل جميع الجالسين بسعادة وفرح وشعرت
رغد أنها لم تكن تعيش من قبل وجوده فى حياتها
شعرت أن كل مبادئها واحلامها لا تساوى شيئآ أمام
لحظة تقضيها فى وجوده وأن سعادة العالم كله شئ
وسعادة الإقتراب منه شيئآ أخر.
يوسفإيه رأيك فى المفاجئة اللى عملتهالك ماما دى
يارغد.
حورية وكإنها كانت تنتظر قرب رغد لكى تخرج كل
مابداخلها من مشاعر حزن لبعد رغد القادم عنها.
احلام مټخافيش هتشوفيها وقت ماتحبى الموضوع
سهل خالص.
هدأت حورية وبدأت فى الترحيب بهم.
احلام ده إبنى محمود ومراته وفاء وبنتهم ندى ان شاء
الله كل عيلتنا وقرايبنا هيتعرفوا عليكم فالفرح.
يوسف أهلا وسهلا نورتونا والله.
احلام دى هتبقى سلفتك يا رغد وأشهدلها بالطيبة
والاخلاق والاصل الطيب وانتى هتحبيها لوحدك لما
تتعاملى معاها.
وفاءبابتسامة أنا حبيت رغد من قبل ماتكلم معاها
شكلنا كده هنبقى أصحاب فعلا.
رغد يشرفنى صحبتك بعد الكلام الحلو اللى سمعته
عنك ده.
حورية انتى معندكيش غير حازم ومحمود بس.
احلام وفى مصطفى كمان ابنى الكبير معلش إنه
مجاش معانا بس مشغول شوية.
يوسف ربنا يعينه ويشرفنا فى اى وقت.
حازم كنت حابب أفاتح حضرتك فى موضوع الفرح.
يوسف إتفضل ياحازم قول اللى إنت عايزه واللى
يناسبك يتعمل.
حازم أنا كنت حابب إن فترة الخطوبة ماتبقاش طويلة
يعنى نبدأ فى التجهيزات على طول واول مانخلص
نحدد اقرب وقت للفرح.
حوريةليه الإستعجال ده
حازم طب وليه نطول طالما الحمدلله كلنا متفقين
خصوصآ إن فترة الخطوبة لما بتطول بتجيب مشاكل
وبتبقى بايخة.
يوسف إنت هتفضل تقنعنى برأيك لحد إمتى عندك
حق فعلا مالوش لازمة التطويل أول ماتخلص
شقتك وتبقى جاهز نتفق على ميعاد على طول.
ثم قرأوا الفاتحة وألبست رغد حازم دبلته فى وسط
أجواء من الفرح.
وانتهى اليوم سعيدآ على جميع الحاضرين وخصوصآ
العروسان رغد وحازم حيث تم الإتفاق أن يكون عقد
القران بعد غد بناء على طلب حازم.
تنظر رغد للمرآة لتتأكد من أناقتها فقد كانت ترتدى
فستانآ بلون الفيروز وحجاب مصنوع من قماش هادئ
ورقيق بلون الفيروز ايضآ وهو يشبه لون عينيها
ووضعت فى
حجابها تاج رقيق إيه رأيك فى فستانى
يا ماما
قامت حورية وأمسكت بيد رغد ووجهتها لها كلك زى
القمر مش فستانك بس وفرحتك بتفكرنى بنفسي
يوم كتب كتابى على باباكى احنا كتبنا الكتاب برضو
قبل الفرح بفترة وكنا أسعد إتنين فى الدنيا وتانى
سعادة يوم فرحنا وتالت واكبر سعادة يوم ماولدت
اخوكى فؤاد وحسيت ان بقت بتربطنى علاقة قوية
بيوسف أكبر من الحب اللى كان بينى وبينه عايزاكى
تفرحى ومن قلبك متخليش أى أفكار مهما كانت تقلل
فرحتك بكل لحظة هتعيشيها مع حازم.
رغد انتى مش زعلانة يا ماما
حورية أهى دى أول الافكار اللى متحطيهاش فى
دماغك خالص فكرى إزاى تكونى سعيدة وتسعديه
وتنجحى حياتك معاه وبس.
رغد معنى كلامك انك زعلانة.
حورية مفيش أم فى الدنيا بتفرح لجواز بنتها 100
دايمآ فرحتها بتبقى ناقصة عشان عارفة ان بنتها
بتتجوز وخلاص بقالها بيت تعيش فيه بعيد عن
عيون اللى كانت بتحميها وپتخاف عليها من
الهوامابتبقاش مصدقة إن النونو الصغننة بقت زوجة
وشوية هتبقى أم.
بكت رغد تأثرآ بكلام والدتها.
حورية لا متعيطيش عشان عينك مايبانش عليها
تعالى نفرح النهاردة ونعيط بعد مالضيوف تمشى.
ماما وصعب عليا فراقك والله بس أنا لاقيت نفسي
كده كده هتجوز فقولت اتجوز واحد قلبى مال ليه وهو
بيحبنى ومتمسك بيا أحسن من اللى بيجوا يتقدموا
دول ومبيبقاش فى اى شعور بيننا.
حورية ماتقوليش مبررات انا عارفة كويس إنك من
حقك تختارى شريك حياتك أنا صعب عليا بعدك
إنتى كمان من بعد فؤاد بس ربنا يسعدكم فاللى
اختارتوه لنفسكم واهم حاجة ان حياتكم باختياركم.
ثم خرجت والدة رغد تستقبل الضيوف والعريس حازم
الذى كان يشعر وكأنه يحلم وقلبه متشوق كثيرآ لرؤية
حبيبته التى ستصبح زوجته بعد دقائق وبالفعل قام
المأذون بعقد قرانهم وانطلقت الزغاريد من أفواه
الحاضرات تنبئ ببشرى زواجآ سعيدآ
تم بين رجل
وإمرأة لم يكونوا ليعرفوا بعضهم أبدآ من قبل ولكن
الحب دق قلوبهم من النظرة الأولى وحتى فكرة الحب
من النظرة الأولى لم يكونوا مقتنعين بها أبدآ ولا
يصدقوها حتى فى روايات العاشقين.
كان حازم جالسآ بجانب رغد وقلبه ېحترق شوقآ
للجلوس معها والتحدث إليها وسماع صوتها الرقيق
والنظر فى عينيها الذى أصر حازم على تسميتهما
بالساحرتان وكأن والد رغد قرأ جميع مايفكر به فهو
رجل قريب للقلبمتفهم واعى ذو عقلية كبيرة
بحق وحازم يحبه مثل والده.
يوسف تعالى ياحازم عايزك فى كلمة.
قام حازم ومشى معه بعيدآ عن الحاضرين.
حازم خير يا استاذ يوسف.
يوسف ايه استاذ دى ياحازم انا كنت متعشم فى
كلمة بابا منك لو ده مش هيضايقك.
حازم ياخبر! يضايقنى ايه انا خۏفت ان حضرتك اللى
تضايق ده انا يشرفنى انى اقول لحضرتك يا بابا ده
انا بعز حضرتك جدآ فى معزة والدى.
يوسف ولسه هتعزنى أكتر لما تعرف انى حجزتلك
ترابيزة فالمكان ده تقعد فيها انت ورغد عشان ملاحظ
انكم ماخدتوش راحتكم خالص فى الكلام.
واعطاه يوسف ورقة بها العنوان فأخذها حازم بسعادة
وامتنان.
حازم انا بجد مش عارف اقول لحضرتك ايه انا كنت
هطلب كده فعلا بس اتكسفت.
يوسفهههههههه أنا بقرأ أفكارك يلا ماتضيعش
وقت وضيوفك كلهم هيقعدوا معانا لحد مانت تيجى
بالسلامة.
حازم لا هقولهم يروحوا وهبات النهاردة عند كريم
صاحبى هو موجود هنا هروح اتفق معاه الاول.
يوسف خلاص ياحبيبى اعمل اللى يريحك.
تحدث حازم مع كريم بصوت خفيض وطلب منه
المبيت عنده هذه الليلة فرحب كريم بذلك واخبر حازم
والدته واخوه محمود انه سيخرج مع رغد ووقتما ينوا
الرحيل فلا ينتظروهفوافقت والدته وخرج حازم ورغد
لأول مرة معآ وهما متزوجان.
حازم تعرفى عندى كلام كتير أقوله ومش عارف
أقول حاجة خالص.
ابتسمت رغد واخفضت رأسها إزاى
حازم أولآ عايزك تبصيلى مش هينفع تبقى قاعدة
معايا وبتبصي فى الأرض كده.
نظرت له رغد وقالت طب وثانيآ
حازم وقد ذاب من نظرتها إنتى خليتى فيها ثانيآ
رغد.
رغد نعم.
حازم انتى ازاى جميلة كده ومؤدبة ومتربية ومن عيلة
محترمة ومتعلمة ومثقفة وتفكيرك يشبه تفكيرى
وتخطفى القلب من اول نظرة.
ابتسمت رغد ولم ترد.
حازم تعرفى ان باباكى ادانى رقم تليفونك يوم قراية
الفاتحة وكنت ھموت واتصل بيكى وقاومت نفسي
بالعافية.
رغد ليه
حازم عشان كنت عارف انك هتبقى مكسوفة تتكلمى
اغلب الوقت خۏفت تضيع اول محادثة بيننا وانتى
ساكتة وانا مش شايفك حتى لو مش هتتكلمى
دلوقتى كفاية عليا انى شايفك قدامى وشايف
ابتسامتك الرقيقة دى مرسومة على وشك كفاية
عليا انك فرحانة زيي انك بقيتى مراتى وهتبقى ام
اولادى ان شاء الله اوعدك يارغد هتعيشى معايا
أجمل أيام فى العمر وهعيش عشان بس اشوف
ابتسامتك الحلوة دى واشوفك مبسوطة يوم
ماهتدخلى بيتى هتدخليه ملكة وهتفضلى ملكة لحد
أخر يوم فى عمرى عمرى ماهزعلك أبدآ ولو زعلتى
هعمل المستحيل عشان أرضيكى من النهاردة
اعتبرينى صديقك واخوكى وابنك وحبيبك..
إحساسك بيا واصلنى بس اقصى أحلامى دلوقتى إنى
اسمع منك كلمة تفضل ترن فى قلبى لحد ماشوفك
تانى.
رغد بتوتر أنا كمان …… أنا كمان فرحانة اننا اتجوزنا..
. وأوعدك انى هعيش عشان أسعدك.
حازم انتى مش محتاجة تعملى حاجة عشان
تسعدينى… كفاية انى ابص فى عينيكى وانا هبقى
اسعد انسان فى الدنيا.
ثم وضع حازم يده على يد رغد وسحبها تجاهه بهدوء
هحاول أخلص كل حاجة فى اسرع وقت عشان
تبقى فى بيتى ومعايا بسرعة .
انتهت خروجة حازم ورغد وأوصلها لمنزلها ووعدها انه
سيأتى المرة القادمة ومعه صور لغرف نوم واطفال
لتختار منها الافضل لبيتها.
وصل حازم منزله فى عصر اليوم
التالى وتفاجأ باخوه
مصطفى وهو يصعد سلم البيت فوقف حازم.
مصطفى مبروك ياعريس.. كتب كتابك كان امبارح
من غير أخوك.
حازم قولنالك تيجى ساعة قراية الفاتحة وماجيتش
وبرضو قدرناك وقولنالك تيجى معانا فى كتب الكتاب
وبرضو ماجيتش.. كنت عايزنى أعمل إيه الغى كل
حاجة وانا مدى كلمة للناس!
مصطفى وانت تديهم كلمة ليه أصلا من غير اخوك !
من غير كبيرك.
حازم مصطفى !! كفاية كده انا كبيرى ربنا ومن بعده
ابويا الله يرحمه كفاية فى كل حاجة تعمل مشاكل
وتقلبها نكد وتعمل مواضيع مالهاش لازمة لو انت
كبيرى صحيح ياخويا هتفرحلى وهتخاف على فرحتى
من اى زعل مش هتيجى عايز تنكد عليا بكلامك بس
ماتحلمش انك تكسر فرحتى لإنى خلاص بقيت
فاهمك ومتوقع اللى بتعمله مش بتفاجئ بعد اذنك.
تركه حازم ودخل منزله بعد ان اشعل الڼار فى قلب
مصطفى بكلماته التى القاها فى وجهه.
دخل مصطفى منزله فوجد زوجته نرجس جالسة فى
انتظاره.
نرجس انت ازاى تسيبه يكلمك كده كان المفروض
تديله قلم يفوقه.
مصطفى وانتى مش هتبطلى تتصنتى بقى.
نرجس وانا هتصنت ليه ياخويا انا كنت طالعة احط
الژبالة قدام الباب وسمعتكم.
مصطفى وهو يصعد على سريره ويضع علي نفسه
الغطاء مش شايفة انك كل مرة بتبقى خارجة تحطى
الژبالة وكل مرة مابشوفش ژبالة وانا داخل جددى بقى
الحجة عشان ريحة الكدبة دى وحشة اوى.
نرجس انت هتنام ولا ايه
مصطفىسبينى اتخمد تعبان.
نرجس مش هتاخد حقك من اخوك اللى بهدلك.
مصطفى حاضر سيبينى انام بس وانا هصحى
اقتلهولك.
نرجس اهو انت كده دايمآ مضيع حقك وحقى.
خرجت نرجس من المنزل وتوجهت لمنزل صديقتها.
نرجسعاملة ايه يابت يافردوس
فردوس انتى اللى اخبارك عاملة ايه
نرجس معرفش حاجة منه لله مصطفى اټخانق
معاهم
وخلانى ماروحش فى المرتين اللى راحوا فيهم
وفاء بنت الللل تروح القاهرة مرتين وتتفسح وتتبسط
وانا اتحبس حبسة الكلاب.
فردوس مرتين ايه يابت انتى قولتيلى راحوا مرة ساعة
قراية الفاتحة هما راحوا تانى ليه
نرجس ماهو أصلللل
فردوس اتكلمى ماهو اصل ايه
نرجساصل حازم راح امبارح كتب كتابه.
فردوس يانهارك اسود وقاعدة تتكلمى فى كلام
فاضى من ساعة مادخلتى يعنى حازم خلاص ضاع
منى .
نرجس انتى هتمثلى ياختى هو كان وعدك بحاجة
مانتى متلقحة قدامه بقالك سنين لو فكر فيكى كنا
عرفنا ولا حسينا حتىهو انتى يابت كل ده وكان لسه
عندك أمل يعبرك
فردوس ايوا كان عندى امل وكنت فرحانة انه رجع
يشتغل هنا تانى بعد ماغاب عن البلد كام شهر وكنت
هتجنن فيهم وحاسة ان روحى رايحة منى معقول لما
يرجع تانى يرجع وفى قلبه واحدة لا ويكتب عليها كمان.
نرجس خلاص بقى يا دوسة وحدى الله مالكمش
نصيب فى بعض وبعدين مانتى عارفة انه فى يوم من
الايام كان هيتجوز وانا قولتلك انى سألته كتير على
الجواز والبنات لاقيته ضارب فى العالى أوى بأحلامه
وانتى متزعليش منى يعنى على قدك ولا تعليم ولا
ثقافة وحلوة بس مش لدرجة تلفتى انتباهه ليكى
عشان كده ھموت واشوف بنت الذين دى اللى راح
فضلها على بنات البلد كلهم وهيجيبهالنا هنا بس
ادينى مستنية اصل بيقولوا هيتجوز فى خلال شهر .
فردوس يامصيبتى كمان!! وانتى اييييه مفيش
احساس بيا خالص همك على نفسك وعلى غيرتك
من سلفتك وبس.
نرجس انا اغير من سلفة يابت!! انا بس عايزة اعرف
شكلها اللى فضلها عليكى دى .
فردوس المصېبة انه مش مديلى فرصة ابوظ الجوازة
من اى ناحية راح ياخد واحدة من اخر الدنيا لو كانت
من هنا كنت عرفت اقول عليها اى كلام واجيب شهود
مثلآ انما دى اعمل فيها ايه وحتى مش مدينى وقت
افكر.
نرجس يعنى هو اللى خلقه مخلقش غيره!! سيبك منه
بكرة يجيلك سيد سيده.
فردوسبس انا عايزاه هو ومش عايزة غيره.
نرجس معلش يافردوس نصيبك كده وخلاص اللى
حصل حصل معلش ياختى أنا هروح بقى قبل
مامصطفى يصحى مايلاقنيش ولو عرفت حاجة هاجى
أحكيلك يلا استأذنك.
مرت الأيام جميلة ضاحكة لرغد وحازم واصبح يومهم
كله يشغلوه فى التحدث إلى بعضهم أما عبر الهاتف أو
الإنترنت أو حازم فى منزل رغد يختاروا سويآ أثاث
منزلهم ويحددوا الألوان واستأذن حازم من والد رغد
أن يخرجوا معآ ووافق يوسف على طلبه وهما الأن
يتمشيان وأيديهما متشابكة.
حازم أنا خاېف أكون بحلم وأصحى مالقكيش حقيقة.
رغد مش للدرجة دى.
حازم مش عارفة قيمة نفسك خالص.
رغد طب مش خاېف انى أتغر من كلامك ده.
حازم يابنتى حقك تتغرى اللى تملك قلبى بالشكل ده
لاااااازم تتغر.
رغد هههههههههه ده انت اللى مغرور بقى.
حازم مش بقول كده عشان أنا مغرور انا بقول كده
عشان عارف اللى كنت راسمها فى خيالى كانت صعبة
قد إيه ألاقى زيها مهما دورت فلما الاقيكى زى اللى
حلمت بيها واكتر يبقى لازم تعرفى ان من حقك الغرور.
رغد وانت كمان.
حازم وانا كمان ايه
رغد إنت كمان أكتر ماللى حلمت بيه بكتير وكنت زيك
فاكرة اللى بحلم بيه مابقاش موجود أبدآ بس ادينى
معاك أهو.
حازم أنا فعلا قدرت قيمة نفسي لما إرتبطت بيكى
عارفة ليه
رغدتضحك عشان إنت مغروووور.
حازم ههههههههه لا والله عشان عارف إنك
تستاهلى كل حاجة حلوة فلما ابقى انا زوجك
المستقبلى ابقى انا ايه إفهميها بقى ههههههههه.
رغد ههههههه لا حلوة اللفة دى بجد.
حازم يبقى مفهمتنيش.
رغد لا والله فهمتك فهمتك.
ترك حازم يدها ونظر فى عينيها بعمق بحبك يارغد.
نظرت رغد إلى الأرض دون أن تنطق .
حازم أنا محتاج اسمعها منك اوى وانا باصص فى
عينيكى عايز أصدق إن قلبك بجد بقى بيدق ليا أنا
رغد مازالت تنظر إلى الارض بحبك.
حازم مش هينفع عايزك تبصى فى عيني وتقوليها.
رغد رفعت رأسها ببطئ ونظرت له ولعينيه التى
تسحرهها اكثر من سحر عيناها له بحببك.
حازم عايز أصرخ والعالم كله يسمعنى يا أحلى حاجة
حصلت فى حياتى عايز أضمك وماتطلعيش من
والحاجة تخلص وتوصل الشقة ونحدد الفرح خلاص
مابقتش مستحمل بعدك إنتى بقيتى الهوا اللى
عايش بيه.
رغد
ياخبررر!!
حازم ايه فى ايه .
الحلقة السابعة
رغد ياخبررر!!
حازم ايه فى ايه
رغد الساعة بقت 12 إحنا إتأخرنا اوى
حازممعقول!! الوقت معاكى عدا بسرعة اوى ليه كده
مش مصدق ان بقالنا 4 ساعات مع بعض بنتكلم
وبنتمشى.
رغد انا اللى مش مصدقة ان بقالى 4 ساعات ماشية
على رجلى بس فعلآ محستش خالص يلا نروح
عشان بابا وماما مايضايقوش.
حازم وانا كمان المفروض الحق أروح بقى ورايا شغل
بكرة وبعد الشغل هروح اشوف أخبار العفش وصل
لحد فين.
مرت الأيام سريعة وانتهى حازم من تجهيز منزل
الزوجية وحدد موعد حفل الزفاف مع والد رغد.
واليوم هو اليوم الذى انتظرته عائلة رغد وعائلة حازم
طويلآ فقد كانت عائلة حازم وتحديدآ والدته احلام
تتمنى اليوم الذى ترى فيه حازم مرتديآ بذلته السوداء
وممسكآ بيد عروسه ولم تكن تعلم ان هذا اليوم
سيأتى ويكون حازم بهذا الكم الكبير من الفرحة
والسعادة فمهما بلغ تخيلها لسعادته لم تكن لتصل
إلى هذا الحدوتتعجب كيف استطاعت رغد أن تحتل
قلبه بهذا القدر.
فى قاعة الزفاف.
ينتظر ضيوف الحفل إطلالة حازم ورغد يفتح باب
القاعة
وهو يبتعد عن بعضه ببطئ يظهر من خلفه
حازم ممسكآ بعروسه رغد الجميلة التى ما أن أطلت
حتى أبهرت جميع الحاضرين وأشعلت نيران الغيرة
فى قلب إحداهن بجمالها الساحر دخل حازم ورغد
على أنغام موسيقى هادئة ثم وقفوا فى منتصف
القاعة للرقص معآ فنظر حازم فى عيني رغد بعمق
وكان الخجل يتمكن منها ووصل لأعلاه ثم وضع يده
فى وسط رغد وكان يحرك يده بهدوء مستمتعآ بتلك
حازم وسط تصفيق الحاضرين وفرحتهم بعروسان تشع
سعادتهم من عينيهم.
إنتهى حفل الزفاف الرائع الذى توج زواج العاشقان
وتوجهوا لمنزلهم فأدخل حازم رغد وأغلق الباب.
حازم أول مرة لوحدنا وباب مقفول علينا.
رغد أه
حازم مش عايزك تكونى مكسوفة ولا خاېفة دى
شقتك وانا جوزك.
رغد أه
حازمههههه هتفضلى تقولى أه كده كتير.
رغد أه
ثم نظرت له وضحكوا هما الأثنان.
حازم أيوا كده عايزك تفكى وتحاولى تنسي الخجل
خالص عشان نستمتع بأول يوم لينا فى بيتنا مع
بعض.
رغد طب ممكن أدخل أغير الفستان تقيل اوى
وتعبت منه.
حازم هههههههه ربنا يكون فى عونك بصراحة كل ده
ديييييل.
رغد جميل صح
حازم جمالك انتى غطى على كل حاجة وكل الناس
اللى حضروا أول عروسة اشوفها بالجمال ده فى
حياتى مش مصدق ان الحلو ده هتصبح بوشه كل
يوم زمان الناس بتحسدنى.
رغد هههههه مبالغ أوى.
حازم انتى اصلا عارفة انى بقول الحقيقة بس بتحبى
تعملى مش واخدة بالك.
رغد طب ممكن ادخل اغير الفستان.
حازم لا مش ممكن تعالى أقعدى وانتى هترتاحى من
تقله شوية وهتكلم معاكى
كلمتين ممكن
رغد ممكن.
جلس حازم ورغد.
حازم كنت حابب أسمع منك أى شروط عايزة تقوليها
وتمشيها من اول يوم دخلتى فيه البيت وانا اقولك
رأيي فيها.
رغد انا معنديش اى شروط لو انت عملت باللى
بتقولهولى دايمآ ولو عاملتنى بحبك ليا فأنا واثقة
انى هعيش أسعد إنسانة فى الدنيا.
حازم وانا اوعدك انى هعاملك بحبى دايمآ واللى انا
كمان واثق انى لو عاملتك بيه هتعيشى ملكة لإنك
فعلآ من النهاردة ملكة .
رغد انت عندك شروط
حازم انا معنديش شروط انا عندى رجاء صغير.
رغد اتفضل.
حازم انا عارف الحياة فى بيوت العيلة شكلها ازاى من
خلال اللى بسمعه من الناس واللى بشوفه من اخواتى
احنا عندنا نوعين من الستات فى البيت ده نوع
طيب وفى حاله ودى وفاء ونوع مش سهل
ومابيحبش الخير لحد ودى نرجس وانتى لسه
مشوفتيهاش وبصراحة اتمنى متشوفيهاش ولا
تختلطى بيها لإنها زى ماقولتلك ومش حابب يبقالك
علاقة بيها تجنيآ للمشاكل خصوصآ إن اخويا مصطفى
بيسمعلها شوية وهو من غير حاجة اصلا بيتلكك
للمشاكل.
رغد انت خوفتنى ليه مقولتش قبل كده
حازم لا خالص مش قصدى اخوفك ابدآ مش ده اللى
عايز اقوله اصلا عايز اقولك انك لو مش عايزة يبقالك
علاقة بوفاء كمان برغم انها كويسة فانتى براحتك
خالص ومحدش هيقولك بتعملى إيه بس ماما بتحبك
اوى بجد وهى ست طيبة وزى ماقولتلك ده رجاء
مش شرط عايزك بس تعامليها بحب ومتتعامليش
معاها بأى افكار مخزناها عن الحما ومرات الإبن.
رغد ماتقلقش من كده خالص انا حبيتها اوى وعارفة
انها ست طيبة وبان ده اوى فى تعاملها معايا من أول
لحظة شوفتها فيها ربنا يخليهالنا.
حازمبحب ربنا يخليكى انتى ليا وميحرمنيش منك
ابدآ دلوقتى بقى عندى شرط مش رجاء.
رغدبابتسامةربنا يستر ايه هو
حازمانا اللى هفكلك الفستان.
رغد كان عندى حق لما قولت ربنا يستر لاااااا طبعآ
مستحيل.
حازم ده شرط على فكرة.
رغد طب انا من حقى شرط قصاده صح ولا ايه
حازم أه طبعا قولى.
رغد انا موافقة تفكلى الفستان. قاطعها حازم بجد!
طب يلا يلا.
رغد استنى لما اقول الشرط الاول.
حازم قولى ياستى.
رغد تفكلى الفستان وألبس لبس خروج وتودينى عند
ماما وبابا.
حازم ايه تفكلى الفستان اللى انتى قولتيها دى انا
مش عايز افك لحد حاجة انتى فاكرانى مفك يلا
يابنتى ادخلى غيرى لنفسك ربنا يهديكى.
رغد ههههههههههه أيوا كده إعقل.
دخلت رغد غرفة نومها وتأملت كل ركن بها بسعادة
فمن اليوم ستسجل هذه الغرفة أسعد لحظاتها بين
الأبيض فبدت كالملاك الرقيق وتوضأت وارتدت
إسدال الصلاة إستعدادآ لصلاتها مع زوجها فدخل
حازم الغرفة بعد أن توضأ وبدأوا يصليان معآ وبعد أن
إنتهوا من صلاتهم إقترب منها حازم وأمسك بيدها
وبدأ فى التسبيح على أصابعها . ثم وضع يده على
رأسها وألقى عليها الأدعية التى يطلب من الله فيها
فاقت رغد على صوت جرس الباب.
رغد حازم إصحى الباب بيخبط.
حازم ايه ده هو بجد
رغد هو ايه اللى بجد
حازم انتى بجد يعنى ماكنتش بحلم.
رغد ههههههه خضتنى قوم يلا بقولك الباب بيخببط.
حازم سيبك منهم تعالى هقولك حاجة.
رغد حاااااازم وبعدين قوم شوف مين بقى.
حازموهو يقوم طيب حاضر
فتح حازم الباب.
مصطفى مبروك ياعريس.
حازم معقول جاى تتخانق معايا فى صباحيتى.
مصطفى ليه يابنى حد قالك عنى شرير اوى كده.
حازم لا محدش قال حاجة اتفضل.
مصطفى متقفلش الباب نرجس طالعة.
حازم ياسيدى هبقى افتحلها.
مصطفى ليه كل ماباركلك ماتردش.
حازم الله يبارك فيك يامصطفى.
مصطفى هان عليك تفرح من غير اخوك الكبير
مايكون جنبك.
حازم يعنى انا ماكنتش غلطان لما قولت انك جاى
تتخانق.
مصطفى ياعم ونتخانق على ايه
انا بس بسأل.
حازم أه يامصطفى هان عليا عادى لإنك اتعزمت
فى كل مرة كنت باخد خطوة فيها وانت اللى ماكنتش
بتيجى نفسي أعرف بتلوم عليا فى ايه
مصطفى انت مبسوط وانت بتقولى اتعزمت! انا
بتعزم بدل ماعزم الناس .
حازم مانت اللى خلعت ايدك من الموضوع كله يا
اما كنت تروح انت تتقدم للناس يا اما الدنيا تخرب
وتقطع علاقتك بكل حاجة تتم.
مصطفى طب قوم افتح لنرجس طلعت اهيه.
حازم اتفضلى يا ام عبدالرحمن.
نرجس ماشاء الله ايه الشقة الحلوة دى عملت كل
ده من غير ماتوقفنى معاك فى حاجة وكنت بشوف
وفاء نازلة طالعة بس يلا مش مهم.
حازمفى سره صبرنى يارب.
نرجس امال فين العروسة تقلانة علينا ليه
حازم هى متعرفش مين جه ثوانى هندهلها.
دخل حازم لرغد واخبرها بحضور اخوه الكبير وزوجته
والتى ستراهم لأول مرة.
رغد اهلا وسهلا منورين.
مصطفى اهلا بيكى الف مبروك.
صعقټ نرجس من جمال رغد الطاغى والصدمة
لجمت لسانها اصبحت لا تعرف ماذا تقول لها.
نرجس الف مبروك ياحبيبتى.
رغد الله يبارك فيكى شكرآ.
نرجس هو انتى نايمة من امبارح بالعدسات والمكياج.
حازم لا دى عينيها ومش حاطة مكياج ايه يا ام
عبدالرحمن مش مصدقة ليه ان فى حد بالجمال ده
نرجس وانا مش هصدق ليه بحسبها عدسات اللى
طالعين فيها اليومين دول مبروك مرة تانية بعد
اذنكم.
مصطفى انا جاى معاكى يانرجس.
ما ان خرجوا حتى دخل والدى رغد ومعهم والدة حازم
وجلسوا يتحدثوا معآ ثم إستأذنوا بالرحيل واخبراها
والداها انهم سيعودوا للقاهرة اليوم.
جرت نرجس على منزل صديقتها فردوس والڼار تنهش
قلبها.
نرجس شوفتى اللى انا شوفته.
فرودس شوفت.
نرجس انتى عارفة انا بتكلم على ايه
فردوس ايوا عارفة مانا حضرت الفرح.
نرجس يالهوى حضرتى ده انتى زمانك مانمتيش
الليلة دى.
فردوس ولا دوقت طعم النوم.
نرجس مكنتش متخيلة ان يبقى شكلها كده ابدآ وقع
عليها فين دى بس.
فردوس ليه حق ولا يعبر حد ويتمسك بيها زى
ماحكتيلى يترفض ويصمم عليها برضو.
نرجس سيبيهم عليا انا خلاص حطتها فى دماغى
وطالما حطتها فى دماغى يبقى بعون الله مش هتعمر.
فردوس مين دى اللى مش هتعمر !! اصلك
ماشوفتيش اللى كان بيعملوا معاها فالفرح وقدام
الناس ومش هامه حد امال فى بيتهم هيعمل ايه هو
هيتمسك بيها اكتر ماهى متمسكة بيه متحلميش انه
ممكن يسيبها عشان ملعوب عبيط بتفكرى تعمليه.
نرجس يعنى ايه هتفضل قاعدة فى وشى زى العمل
الرضى كده ده انا كنت انا اللى اسيبلهم البيت مش
عشان حلوة هى اصلا كلها مكياج بس عشان حسيتها
داخلة بترسم على تقيل وعايزة تمثل الطيبة والأدب
علينا.
فردوس بطلى حوارات بقى البت حلوة اوى فعلا
وانتى غيراااانة والغيرة على طول بتبان عليكى
وتنكريها اذا كنت انا اللى بحبه بقولك حلوة.
نرجس سيبك مالرغى الفاضى ده عندك حل
للمشكلة اللى احنا فيها دى
فردوس قصدك المشكلة اللى انتى فيها انا
معنديش مشاكل هو خلاص اتجوز واللى كان كان
ومتأكدة ان عمره ماهيفرط فيها لأى سبب.
نرجسانتى هتيأسى على طول كده
فردوس انا مش عارفة انتى عايزانى اعمل ايه !
واحد اتجوز وبيحب مراته واول يوم ليه النهاردة مش
بقاله سنة عشان يبقى زهق ونبدأ نخططلهم انا مش
هوجع قلبى بالتفكير فى حاجة كفاية قلبى المقهور
على جوازه ماكنتش طايلاه وهو قلبه خالى هطوله
دلوقتى وهو متجوز وبيحبها بالشكل ده!!.
نرجس انتى حرة انا قلبى عليكى.
فردوسفى سرها انتى قلبك على نفسك وبس لولا
غيرتك منها ماكنتش شوفتك هنا النهاردة ده لو انا
اللى كنت اتجوزته كان زمانك بتخططيلى برضو زى
مابتخططيلها دلوقتى ومن قبلها كنتى بتخططى لوفاء.
نرجس انا بكلمك انتى روحتى فين.
فردوس هه معاكى اهو.
نرجس انتى مش معايا خالص شكل عقلك معاه انا عرضت عليكى المساعدة ورفضتى متبقيش ترجعى
تعيطيلى يلا انا مروحة بس برضو مش هطلعها من دماغى.
الحلقة الثامنة
حازم ايه رأيك فى ماما ومحمود
رغد طيبين جدآ ويتحبوا طمنونى انى هعيش فى
وسط ناس حلوة كده.
حازم الحمدلله وفاء كمان هتحبيها.
رغد انا خلاص حبيتها فعلآ بس نرجس دى اللى مش
مرتاحلها.
حازم مش انا قولتلك.
رغد انا مستغرباها اوى حتى لو شيفانى حاطة ميك
اب المفروض متحرجنيش.
حازمهى عارفة انك مش حاطة بس بتضايقك
وخلاص.
رغد طب ليه بقى
حازم غيرة.
رغد طب وهتغير منى ليه انا سلفتها مش ضرتها
يعنى.
حازم بيتهيئلى اللى زى نرجس دى تغير من سلايفها
اكتر من ضرتها.
رغد هههههههه للدرجة دى
حازم وأكتر دى كانت مكرهة وفاء فى عيشتها
ومعيشانا فى حرب وتتهم وفاء بحاجات معملتهاش
وللأسف كنا ساعات بنصدقها لإننا كنا لسه معرفناش
وفاء كويس بس لما عرفنا الاتنين على حقيقتهم
وبدأنا ناخد حذرنا من كل كلمة نرجس بتقولها بطلت
تقول وبطلت تحور وبدأت تسحب ناعم مع وفاء تانى.
رغد طب وفاء سامحتها
حازم لا طبعآ بس بتتعامل معاها عادى عشان
مبتحبش
المشاكل.
رغد ربنا يستر منها بجد انا بدأت اشيل همها دى
حړقت دمى بكلمتين رمتهم من اول قعدة بينى وبينها
امال بعد كده هتعمل ايه
حازم ماتديهاش فرصة لحاجة وطول ما غلها باين
اطمنى خافى لما تديكى ريق حلو يبقى بتخطط
لحاجة وبعدين احنا
هنفضل نتكلم عن نرجس كده
كتير مش ورانا حاجات تانية نعملها ولا إيه
رغد اه طبعآ ورانا نخرج بقى.
حازم نععععم ! نخرج بقى إيه مفيش خروج مش
هينفع نضيع النهاردة بالذات
فى الخروج انا نازل
شغلى بكرة والمفروض اشبع منك قد ماقدر.
رغد طب توعدنى بكرة بعد شغلك تخرجنى
وحشتينى.
مرت الأيام مابين عمل حازم فى الصباح والعودة فى
إليها واللعب معها أو أن يأخذها ويخرجا سويآ ويعرفها
على أماكن لم تكن لتعرفها فى محافظة كفر الشيخ
وكانت أيامهم سعيدة مليئة بالحب والحيوية والنشاط.
وفى يوم كان حازم فى عمله ودق باب رغد.
رغد مين
نرجس انا نرجس يعنى ماشوفتيش من عين الباب !
فتحت رغد أهلا

 

 

• لقراءة باقي فصول الرواية اضغط على (رواية حازم ورغد)