رواية صرخة سهر الفصل الخامس 5 بقلم مصطفى جابر

رواية صرخة سهر الفصل الخامس 5 بقلم مصطفى جابر

 

 

البارت الخامس

 

 

الحقووو يا جماعه ام حسام بترميني برا عشان جاية اقولها ان لازم ابنك يصلح غلطته ويتجوزني لأني حامل في ابنه..
حسام وسهر بييجو بصدمه :
سهر بصدمة: ايههههه اي الكلام ده يا رهف؟
بصت ليهم رهف بخبث: زي ما سمعتي كده انا حامل من حسام وكاتبين ورقة عرفي بس هو خدها وقطعها لما عرف اني بقيت حامل.
حسام ببرود: واي كمان.
رهف بخبث: هو اي اللي اي … انت لازم تتجوزني رسمي يا حسام الحقووني يا خلللق الظابط المحترم مش راضي يعترف ب جوازنا ولا ابنه.
الناس خرجت من شققها بتتفرج..
سهر بتعب وارهاق: حسام طلعني شقتي انا مش قادره أشوف واحده رخيصه بالشكل ده
رهف بغضب: رخيصه ؟ يبت دا انتي كنتي ممسوكه في شقه مشبوهه .. ممسوكه اداب وحسام هو اللي لحقك وخرجك.
كف قوي بينزل علي وش رهف..
شمس مسكتها من شعرها: احترمي نفسك يا حقيرة الشارع كله عارف قرفك والاعيبك وانك رخيصة اوي غوري.
رهف قربت من شمس وبتضربها بالقلم …. حسام جري علي أمه بعدها عنها ورد لرهف القلم
رهف بغل: انت بتمد ايدك عليا يبتاع سهر … طب والله ما هسيبكم وهفضحكم واوديكم في ستين داهيه
: رهفففففف
رهف بصت علي الباب بتاع العمارة وبلعت ريقها بتوتر: ب بودي.

 

 

 

جه بغضب وضربها بالقلم :انتي اي القرف اللي عماله تقوليه ده
رهف بغضب وبجاحه: بدل منتا جاي تتشطر عليا كده هاتي حقي منهم … هاتلي حقي من اللي ضحك عليا وعشمني بالجواز ولما بقيت حامل سابني وهرب
حسام ببرود: طب اثبتي.
رهف بتوتر: اثبت اي ؟
حسام بتريقه: اثبتي انك حامل في ابني او اني اتجوزتك اصلا.
رهف وشها جاب الوان..
حسام ببرود: خطتك ارخص منك بكتير و الكل بقي مقروف منك اتعظي بدل وقسما بالله ما هرحمك.
سهر بدوخه: خلاص بقا سيبك منهم ويلا ندخل بدل الفضايح دي.
شمس سندتها: يلا يا حسام ابعد عن الحثالة دي.
بودي مسك رهف من شعرها جابها عالارض وفضل يجر فيها لحد ما سابها شقتهم من شعرها
حسام بقلق: سهر انتي كويسه قولت لك منخرجش دلوقتي انتي اللي صممتي.
سهر بتعب: مش بحب قاعدة المستشفيات يا حسام.
حسام بحب: ماشي يا حبيبتي انا كلمت المأذون وجاي في الطريق.
سهر بذهول: ليه
حسام بجدية: عشان هتجوزك دلوقتي حالا وتيجي تعيشي معانا.
سهر بصدمة: اي السرعه دي يا حسام
شمس بحنان: دا اللي كان المفروض يحصل من زمان يا سهر.
سهر بابتسامة: امممم ماشي يا ماما..
بليل.
( بارك لكما وبارك عليكما وجمع بينكما في خيرا)..
حسام بحب: الف مبروك يا حبيبتي.
سهر بكسوف: الله يبارك فيك يا حسام.
الباب خبط..
شمس راحت فتحت لاقت نعيمة..
نعيمه دخلت جري حضنت سهر: بنتي انتي كويسة يا حبيبتي.
سهر بحزن: عمتي انتي جاية لي.
نعيمة بصدمة: انتي مكنتيش عاوزاني اجاي يا سهر ولا اي.
سهر بحزن وخوف: امشي يا عمتي لو سمحتي انا مش عاوزة يكون لي اي علاقة بيكم من تاني سيبوني لو سمحتي في حالي.
نعيمة بدموع: بقي كدا يا سهر … لي يا بنتي دانا بقول انك حتة مني تقومي مش عاوزة تشوفيني دا انا نسيت عملتك وهروبك.
سهر باستغراب: هروبي و عملة اي.
نعيمة بحزن: هروبك مع حبيبك و سرقتك لينا.
سهر بصدمة: ايههه هربت مع مين وسرقت مين يا عمتي محصلش ده جوزك هو اللي ….
سكتت بحزن.
نعيمة باستغراب: هو اي يا سهر قولي يابنتي.
سهر بصت لحسام بخوف..
حسام بجمود: جوزك حاول يتحرش بيها و هيا هربت وعشان يداري علي عملته قالك كدا.
نعيمة بصدمة: اييي انتو بتقولوا اي انتو بتكدبوا.
طارق جه بغضب ودخل بكل همجيه: انا مش قولت لك متجيش هنا يانعيمه جاية ليييي ها.

 

 

نعيمة زقته بغضب: اجي في اي وقت انا عاوزاه دي بنت اخويا.
سهر بخوف مسكت في حسام اللي كان شاكك في الوضع.
طارق بص لسهر بمكر: اي يا سهر عاجبك بيت عمتك اللي هيتخرب بسببك.
سهر بخوف: ل لا ممكن تمشوا حسام مشيهم لو سمحت.
حسام بحنان: اهدي يا حبيبتي في اي مالك خايفه لي.
سهر والدموع اتملت في عنيها: مفيش عاوزة ارتاح.
حسام بغضب: لا في .. انطقي مالك مرعوبة كده لي.
طارق بتوتر: يلا يا نعيمة خلينا نمشي علشان منبوظش فرحتهم.
نعيمه بغضب: مش همشي انا عاوزة اعرف في اي حصل.
حسام بهدؤء ل سهر: متخفيش يا حبيبتي انا جنبك ومش هسيبك قولي اي اللي مخوفك لو بتحبيني بجد.
سهر بدموع وخوف: يوم الحادثه كان هو السبب .. هو اللي عمل فيا كده
فلااااااااااش باااااااااااااك.
بعد ما سيبتكم وطلعت شقتي لاقيت طارق قاعد وفي ايده سيجارة..
سهر بخضة: انت بتعمل اي هنا ودخلت ازاي ؟
طارق بخبث: اي يا حلوة مالك خايفه ليه اول ما عرفت انك رجعتي شقتك فرحت وجيت لك جري واهو عمتك مش موجوده عشان تعرف حاجه.
سهر كانت هتصرخ جري كتم بوقها: صوتك لو طلع هخلص عليكي متتعبنيش معاكي.
سهر دموعها نزلت وبتزقه عضته وصرخة بأعلي صوت … كانت هتجري لاقت المطوة في جنبها صرخت..
زقها وقعت علي الارض وهددها لو نطقت بحرف هيقتل عمتها وخد المطوة وهرب.
بااااااااااااااااااااااااااك…
طارق كان هيجري و نعيمه و شمس شهقوا بذهول.
مسكوا حسام بغضب: بقي انت يا حيوان والله العظيم ما هسيبك.
طارق بخوف: محصلش دي كدابة اوعوا تصدقوها ..اوعي شيل ايدك سيبني اوعااا.
حسام ضربه بالبوكس وقعه عالارض ونزل فيه ضرب لحد اما أغمي عليه …. اتصل عالشرطه ييجو ياخدوه
بعد شويه جه البوليس وخدوه..
نزل حسام البوكس ورماه بغضب: مش هوصيكم تعملوا معاه الواجب.
معتز زميله : اعتبره حصل يخويا
حكم من وراه: صدقت بقا اني برئ يا حسام بيه
حسام بسخرية: برئ من اي من محاولة قتلها ولا من تزوير عقود الشقه وانك طردتها منها ؟ عالعموم أنت متفرقش عنه كتير.
حسام بعلو الصوت: بس من النهارده سهر مراتي واللي هيمسها بسؤء انا مش هرحمه ولا هسيبه يتهنى يوم واحد حتى..
عند سهر..
نعيمة مصدوم من جوزها و راحت معا شمس..
حسام دخل وبص لسهر بغضب و دخل اوضته راحت وراه…
سهر بتوتر: انت زعلان مني.
حسام لارد..
سهر بحزن: كنت خايفه اقولك يا حسام مكنش هيسبني.
حسام لارد..
سهر بدموع: يا حسام انا مليش حد ومليش ضهر وهو مكنش هيسبني حاول تفهم خوفي.
حسام بجمود: وانا فين قوليلي كدا أثرت معاكي في اي انا يا سهر للدرجة دي معتبراني مليش قيمه … عملت اي عشان تعملي كده اي شايفه اني مش هقدر احميكي لييي … سكتييي لييي انطقي دا مجرم فاهمه يعني ايييي مجرم يعني لو كنتي حكتيلي كنت جبته ورميته في السجن وكان هياخد اعدام لانه شروع في قتل في كنتي خايفه ازاي ؟
سهر بعياط وانيهار : افهمني بقي افهمني أنا كنت خايفه علي عمتي .. هيا الوحيده اللي فاضله لي من ريحة أمه .. خوفت لو هو عرف اني اتكلمت يعمل فيها اي حاجه فا بمزاجي أو غصب عني كان لازم اسكت
حسام بحزن حد نفس عميق يكتم بيه غضبه : خلاص اقعدي تعالي واهدي … اه أنا لسه زعلان وزعلان اووي بس النهارده ليلة فرحنا وغير كده ميهونش عليا أشوف القمر ده حزين بس يوم مميز زي ده فا امسحي دموعك ونبدء صفحة جديده بدون خوف وبدون كدب وبدون اي حاجه تبعدنا عن بعض اتفقنا ؟
سهر بأبتسامه : اتفقنا
روايه صغنونه خفيفه يارب تكون عجبتك 🤎✨

 

 

• لقراءة باقي فصول الرواية أضغط على (رواية صرخة سهر)