رواية احببت متمردة الفصل الثاني 2 بقلم أسماء السيد

رواية احببت متمردة الفصل الثاني 2 بقلم أسماء السيد

البارت الثاني

 

#احببت_متمردهpart2
رعد بغضب:نعمم
العسكري:بخوف والله زي ما بقولك كدا يا باشا
رعد اتجه للخارج بغضب جحيمي ووراه حسام وزياد
وصل رعد عند العربيه وبالفعل كانت عربيه . Jeep. سوده والازاز مكسور والكابوت متبهدل والكاوتش كله نايم والعربيه كانت متدمره
حسام وزياد اتصدمو ورعد غضب جدا
زياد بصدمه:يانهاري مين الي عمل كدا
حسام:دا هيكون امه داعيه عليه
رعد بغضب:والله ماهرحمه مهما كان ميين
بص حسام وزياد علي حاجه و اتصدمو
حسام بتوتر :رعد بص كدا
رعد بعصبيه:حسام مش وقتك
حسام:تب بص كدا بسس
لف رعد وبص لاقا ملاك قاعده علي عربيتها السوده المرسيدس وهيا نفسها الي خبطوها الصبح وقاعده علي الكابوت وماسكه مضرب حديد
زياد بتوتر:تفتكرو هيا الي عملتها
رعد بعصبيه وتوعد:وديني لو هيا ماهرحمها
واتجه ليها ووراه زياد وحسام وهيا شايفه جاي عليها ولا اتهزت
رعد بغضب:انتي الي عملتي كدا في عربيتي
ملاك بصتله ومردتش ورعد اتعصب اكتر
رعد:بقولك انتي الي عملتي كدا ماتنطقي
ملاك ببرود:ااه
رعد بغضب مكتوم:لييه
ملاك ببرود:عادي عجبتني فقولت العبلك فيها شويه
زياد بصدمه:انتي كدا لعبتي فيها دا انتي دشملتيها
حسام:رعد دي هيا هيا العربيه بتاعت الصبح
ملاك وهيا بتنزل من علي العربيه وبتقلع نضارتها :علييك نور انتا خبطتني وانا رديتهالك
رعد وهوا بيجز علي سنانه :انتي عارفه العربيه دي بكاام
ملاك ببرود:معلش ابقا خلي بابي يشتريلك غيرها
رعد بغضب:بت انتي احترمي نفسك عشان ممكن مخليش فيكي حته سليمه دلوقتي وانسا انك بنت
ملاك بستفزاز:هات اخرك يا رجوله وانا اهو قدامك والي عاوزه اعمله وانا بنت اه بس مش اي بنت انا رتبتي وكفائتي متقلش عنك حاجه يبقا تحترم نفسك كدا وتقعد علي جمب
رعد بعصبيه:وانتي تيجي في سوق البنات حاجه دا انتي شبه عم عبدو العسكري الي علي البوابه
ملاك ببرود:ممكن اكون مش شبه البنات الميصه بس لو فكيت شعري ولبست فستان هرجع بنت عادي انما انتا الرجوله الي مش عندك دي لو اتقلبت قرد مش هتعرف تبقا راجل يا سوسن
حسام وزياد اتصدمو ورعد قبض ايده بغضب
رعد بغضب جحيمي:اوريكي اذا كنت راجل او لاء
ملاك بتحدي:هات الي عندك
حسام بصدمه:انتي ايه مبترحميش اسكتي شويه
ملاك ببرود وملل:بقولك ايه منك ليه انا مش فاضيلكم انتا وهوا ورايا حاجات اهم … ولبست نضارتها واتجهت للعربيه
رعد بتوعد:خدي بالك انا مش هحلك وهردهالك الضعف
ملاك لفتله وبصتله بتحدي :اعلي ما فخيلك اركبه هستناك هاا
ولفت وركبت العربيه بتحدي وهوا كان هينفجر من الغضب
ملاك زمرتله عشان يوسع وفجأه طلعت راسها من الشباك
ملاك:ونبي ياسطا تعدي كدا يمين ولا شمال
حسام بعد هوا وزياد ورعد بصلها بغضب وكان نفسه يكسر عليها العربيه بس مسك نفسه وبعد وهيا مشيت بسرعه عاليه
زياد بصدمه:البت دي مش عاديه انا اول مره اشوف بنت كدا بجد
حسام:عندك حق دي ما انكرتش حتي واعترفت بسرعه
رعد بغضب:اخرسو بقا
@@@@@@@@@@@@@@@@@@@@@@
في شقه في مكان راقي جدا
وصلت ملاك وقعدت ترن الجرس وتخبط فتره
فجأه الباب اتفتح وظهر شاب لابس بنطلون اسود وتيشرت ابيض وجسمه رياضي وباين عليه النوم
ملاك زقته ودخلت:ساعه عشان تفتح يازفت
يونس بنوم:وفي حد يجي لحد بدري كدا هوا كل يوم وبعدين مش معاكي مفتاح
(يونس النجار ابن عم ملاك وصاحبها الوحيد واعز حد في حياتها وهوا بيحبها زي اخته وصاحبه بظبط واعز حد عنده برضو واكتر يبلغ من العمر 30سنه وسايب قصر العيله بقاله سنتين مرح جدا وماسك شركات النجار وزير نساء رقم واحد)
ملاك قلعت الجاكت والنضاره ورمتهم علي الكنبه :احنا داخلين علي الضهر وبعدين انا نسيت المفتاح هنا امبارح
يونس بملل وعقد زراعيه:جاي ليه بقا النهارده
ملاك وهيا متجه للمطبخ المفتوح علي الريسبشن
……..
ملاك ببرود:طبيعي يا يونس زي كل يوم جعانه وجايه افطر..
يونس:يابنتي انتي شايفه شقتي مطعم
ملاك وهيا بتشوحله خياره:خد دي عشان تعرف اني جدعه بس
يونس شقطها منها وبدأ يأكل فيها وهيا مسكت وحده وبدأت تاكل فيها
ملاك:اعملك معايا ولا ايه
يونس:اومال هتطفحي لوحدك
ملاك :طفح لما ياخدك يا زفت
فجأه لقت واحده طالعه من الاوضه ولابسه أقل مايقال عنه قمي*ص نوم وماسكه شنطه
ملاك صفرت ولفت وهيا بتاكل في الخياره
البنت بدلع:عاوز حاجه يابيبي
يونس وهوا بيداري وشه خوفاً من ملاك :احم لاء شكرا
البنت بضحك: شكراً هيهيهي
ملاك برفعه حاجب وهيا بتاكل الخياره ببرود
……..
ملاك وهيا بتلف حواليها : تاني يازفت مش قولتلك تبطل الصنف الرخي*ص دا وتنقي واحده عدله
البنت بعصبيه :نعم يا بت ماتتلمي كدا ماالك اتظبطي كدا
يونس برعب:يالهوي دا انتي امك دعيالك
ملاك ببرود وطلعت سلاحها من جمبها ووجهته عليها:كنتي بتقولي ايه بقا يا روح امك انطقيي
البنت برعب:ها لا والله ماقولتش
ملاك بقرف :ماتجبيش سيرته .ربنا. علي لسانك الوسخ يلا برا وماشوفكش هنا تاني فاهمه
البنت برعشه:حاضر حاضر…. وجريت
ملاك قربت من يونس الي كان بيرجع بخوف
يونس بخوف من نظرتها:اهدي ياوحش حقك عليا
فجأه ملاك مسكته من تيشرته وبصتله بشر
ملاك بغضب:مش انا قولتلك تبطل وسا*خه بقا يا زف”ت
يونس بتوتر:حصل خير بقا مجتش من مره
ملاك بعصبيه :لاء جت ودي مش اول مره انتا كل يوم مش كدا يا يونس ولا انا غلطانه
يونس بمرح:خلاص بقا ياملاك حصل خير هوا انتي مش هتفطرينا النهارده ولا ايه
ملاك ببرود وسابته:لاء مفيش طفح ويلا عشان مسافرين
يونس:علي فين
ملاك:طالعين شرم الشيخ
يونس بفرحه:دي هتبقا مد*بحه يازميلي هناك مزز اكيد
فجأته ملاك ببوكس في وشه لدرجه انه وقع علي الكنبه

 

يونس بألم:ااه اي يابنت ال………
ملاك بتوعد:ها مزز صح
يونس بوجع :خلاص عديني اما البس … وقام فعلا وهيا راحت تعمل فطار عشان عارفه انه جعان
………. بعد مده خلص يونس وطلع وهوا لابس بنطلون اسود جينز وتيشرت بنص كم ابيض وفي الوان عشوائية بالأسود
واتصدم لما لاقا الاكل علي السفره وغرام قاعده بتفطر
راح قعد علي الكرسي الي قصادها
يونس بجوع :مش قولتي مش هتعملي
ملاك بكذب:اصل لقيت نفسي جعانه فقولت اكل اومال همشي علي لحم بطني
يونس بحنيه:انا اسف ممكن اخر مره
ملاك برفعه حاجب:اخر مره
يونس بصدق:والله اخر مره
ملاك:يونس انتا حلفت بالله
يونس صدقيني:معتش هعمل كدا تاني
ملاك بضحك:اذا كان كدا ماشي
يونس :ايوا كدا خليكي ملاك الي انا عارفها
ملاك:بص بقا احنا طالعيين اسبوع كدا شرم فسحه وكدا فقولت مش هطلع لوحدي وهاخدك معايا وخلاص لله
يونس بخبث:لله ولا عشان انتي بتحبي تخرجي معايا
ملاك بإبتسامه:يعني
يونس:اشطا عليكي
…….. بعد شويه كانو فطرو وبعدين نزلو اتحركو للتحت وملاك ركبت عربيه يونس
@@@@@@@@@@@@@@@@@@@@@@
عند رعد
كان قاعد في مكتبه بيستشيط من الغضب من ملاك
فجأه دخل عليه حسام وزياد
زياد :مالك
رعد بصلهم بغضب وسكت
حسام بضحكه مكتومه:بس اقولك حاجه البت جامده

 

زياد بضحكه مكتومه خوفاً من رعد:فعلا والله دي دشملت العربيه
وبصو لبعض وفجأه انفجرو في الضحك
رعد بغضب :اخرسو مسمعش صوتكم
حسام:عموماً انا جيت اقولك ان انا وزياد ومراون عنده شغل وبكرا هيلحقنا مسافرين ها هتيجي احنا قدمنا علي اجازه قبل المهمه ها جاي
رعد بعصبيه:مش متزفت رايح في حته
زياد بخبث:حتي لو قلنا لك اننا رايحين شرم الشيخ
رعد بصله بصه مش مفهومه وفجأه ملامحه اتحولت لزعل
حسام بحزن:معلش ياصاحبي انسي بقا كفايه كدا ماشي
رعد بحزن:مش قادر كل شويه بسأل نفسي لييه حصل كدا
زياد:رعد متزعلش نفسك وانسي الي فات مكنش من نصيبك ويلا بقا هاجاي معانا ولا ايه
رعد بشبح ابتسامة:جاي معاكم
حسام بمرح:اوكي اجدع رعد في مصرر
@@@@@@@@@@@@@@@@@@@@@@
في القصر
كان قاعد سالم ومعاه جميله وريم ويارا
سالم:بقولك ايه ياريم يا حبيبتي
ريم:نعم ياجدو يا حبيبي
سالم:كنت عاوزك في حاجه كدا
ريم:اتفضل انا سمعاك
سالم:كان في واحد شافك في اخر حفله في القصر وطلب ايدك قولتي ايه
ريم بتوتر:لاء انا مش موافقه يا جدو
جميله بحب:ياريم يا بنتي لو حلو وافقي عليه انا نفسي افرح بيكي
يارا:وافقي وخلاص ياريم وريحي دماغك
ريم بعصبيه:ملكيش فيه يا يارا انا حره ودا مستقبلي وانا مش هتجوز اي حد والسلام انا هتجوز الي مختاره قلبي
سالم بخبث:انتي بتحبي حد
ريم بصتله بصدمه وتوتر:انا . انا بقول يعني قدام لما احب يعني
سالم بضحكه خبيثه:قولتيلي خدي اقولك قربي
قربت ريم قعدت جمبه
وقرب سالم من ودنها وهمسلها
سالم بهمس:اي رايك في حسام
بعدت ريم وخدودها احمرت واتكسفت جامد
ريم بخجل:عن اذنك يا جدو افتكرت حاجه كدا لازم اعملها حالا… وجريت علي فوق وقلبها بيدق جامد
سالم بضحك:خلاص تعالي خدي يابت هههه
جميله:انتا قولتلها ايه يابابا
سالم:مفيش دا حاجه كدا يعني
يارا بحقد:هوا مافيش غير ريم الي علي الحجر
سالم:ااه لو تصفي نيتك دي يايارا بس هقولك ايه ربنا يهديكي
يارا:تقصد ايه ياجدو ها
سالم:لاولا حاجه عن اذنكم انا خارج رايح الشركه
@@@@@@@@@@@@@@@@@@@@@@
عند ملاك ويونس
في المساء كانو قربو يوصلو الفندق الي هيقعدو فيه
يونس بزهق:والله ياملاك انا مش عارف دماغك البطيخه دي هتودينا فين
ملاك بغيظ:قصدك ايه ها انطق
يونس:يعني احنا عندنا بدل الفيلا اتنين هنا وهنقعد في فندق يا ملاك
ملاك ضربته علي دماغه بهزار:اسكت ياحمار انا كان عاوزه اجرب حاجه جديده يعني كل ما بنيجي هنا بننزل الفيلا انما المرادي لاء
يونس بإبتسامه:الي يريحك يا ملاك
وبعد وقت وصلو الفندق ودخلو وكل واحد عرف غرفته فين واوضتهم كانت قصاد بعض
يونس بهزار:يادي الحظ اوضتك قدامي علطول لييه
ملاك بتحذير:يونس انتا حلفت
يونس:خلاص انتي الي دماغك بتروح بعييد
ملاك:اسيبك انا بقا اصلي عاوزه انام بكرا وانا يوم طويل
ودخلت وقفلت الباب فوشه

 

يونس بضحك:والله مجنونه ههههه
ودخل اوضته هوا كمان
@@@@@@@@@@@@@@@@@@@@@@
عند الشباب كان رعد راكب مع حسام وزياد مع بعض ومتجهين لشرم الشيخ
زياد بمرح:عدو الجمايل بقا
رعد بضيق:اخرس يالا
حسام:انتا هتذلنا انتا كمان
زياد:بقولكم ايه البت الي اسمها ملاك دي مش سهلة
حسام بنبهار:دي حقيقه والله هيا البت جابت صحه منين تدغدغ العربيه كدا وكمان تضرب ولا تبالي
رعد بغضب:اسكتو وماتجبوش سيرة البت دي تاني فاهمين
زياد:هيا بجد هتفضل معانا كام شهر انا مش مصدق
حسام:اه والله الي يشوفها يقول دي قطه مغمضه انما افعالها مش طبيعيه
رعد بتحذير:مش قولت متجيبوش سيرتها تاني
زياد:بس متنكرش انها علمت عليك
وبص لحسام وانفجرو في الضحك
رعد بعصبيه:عارفين لو ضحكتو تاني انا هربطكم فاهممين
سكتو بخوف لانهم عارفينه قادر ويعملها وهوا بص علي الطريق بغضب وهوا بيتوعد لملاك في سره
رعد في نفسه :بقا انا رعد الدمنهوري حتت بت مفعوصه زي دي تعمل فيا كدا والله ما هسيبها ماشي ياملاك قابلي الي جاي انتي عاديتي الرعد الي مبيرحمش….
بعد شويه وصلو الفندق ولسوء الحظ كان نفس الفندق الي فيه ملاك ويونس ونفس الدور كمان
(دي هتبقا معر*كه يالهوووووي 😂)
@@@@@@@@@@@@@@@@@@@@@@
استووووب

 

 

• لقراءة باقي فصول الرواية أضغط على (رواية احببت متمردة)