رواية احببت متمردة الفصل الثامن والثلاثون 38 بقلم أسماء السيد

البارت الثامن والثلاثون

#احببت_متمرده part 38
سيف بذهول:رعد الدمنهوري بتعمل اييه هنا
رعد حط ايده في جيبه وبرفعه حاجب:انت تعرفني
سيف :عز المعرفه انا متعاقد مع ابراهيم الدمنهوري والحاج سالم بستورد منهم موارد ومرضوش يوردولي غير بإذن منك
رعد بحده:ااه واه الي جابك الاوضه دي
سيف بضيق:انت الي بتعمل اييه هنا وواقف كدا لييه
رعد بصله بغضب:وانت مالك بقولك انت عاوز اييه ومين
سيف بغضب:مش دي اوضه ملاك النجار
رعد ببرود مخيف:تعرفها منين وياريت اسمها ميجيش علي لسانك
سيف بكذب:احنا اصدقاء علي فكره

رعد بحده وهدوء مخيف:صديق مين ياروح امك صديق مراتي انت بتستعبط يالا
سيف بصدمه:مراتك انت جوزها
رعد بصله بقرف وبصوت رجولي خشن ولكن مخيف:اياك اشوفك هنا تاني او تفكر تقرب منها بس هعرفك جبروت رعد الدمنهوري
ودخل وقفل الباب في وشه وهو جز. علي سنانه واتوعد ليه ومشي وهو علي اخره
سيف لنفسه وبغل:والله ماههنيك عليها يا ابن الدمنهوري وهاخدها وانت بقا كبرتها في دماغي
……….. في غرفه ملاك
طلعت من الحمام وهيا لابسه البرنص وقافله بإحكام ولافه فوطه علي شعرها وكانت مغر”يه جدا وجميله
ورعد كان واقف في البلكونه الي في دور عالي وبتطل علي البحر مباشراً وساند علي السور الزجاجي وبينفث دخان سيجارته وعار*ي الصد”ر
ملاك بهدوء من الداخل:رعد
رعد لف وبصلها من فوق لتحت وهيا اتجهت ووقفت قدام التسريحه وهو ابتسم بخبث ورما سيجارته وحط ايده في جيبه ودخل وقعد علي حرف السرير
رعد بخبث:شكلك حلو اوي
ملاك:بجد
رعد وقف وقرب منها وحضنها من الخلف ودفن وجهه في عنقها وبصوت هاديء:بجدد
ملاك بتوتر:ممكن تبعد
رعد بهيام:تؤتؤ عمري ماهبعد ولا هسيبك تبعدي
ملاك اتنهدت وهو بعد ولفها ليه وحاوط خدها بإيده:تيجي نخرج
ملاك بإبتسامه:هنروح فيين
رعد بتفكير:سبيها عليا اصل النهارده يوم مميز علي فكره
ملاك بستغراب:يوم اييه
رعد بحب: ملكيش فييه بليل هقولك وهعملك خروجه تحفه للصبح
ملاك ابتسمت وحضنته ورعد قرب منها ووووووو……
(استغفر الله العظيم😑)
@@@@@@@@@@@@@@@@@@@@@@
في قصر النجار…. وتحديدا علي الفطار
كان متجمع الجميع معادا يونس الي رجع شقته
قاسم :صباح الخير
الجميع:صباح النور
اياد بسعاده:عاوز اقولك حاجه وخبرين احسن من بعض
بصله الجميع بستغراب
حسين:قول
اياد بفرحه:اول خبر اني هكون اب كمان 7شهور لان ندي حامل في شهرين
نيره بصتلها شويه وندي اتكسفت واتوترت ومسكت ايد اياد بخوف
نيره ابتسمت فجأه:مبروك يا ندي بصي يمكن انا مكنتش متقبله الجوازه دي بس ربنا يبارك لكم
ندي ابتسمت:شكرا
حسين بطيبه:الف مبروك ياولاد
اياد:الله يبارك فيك يابابا
نرمين بطيبه:انا اسفه يا ندي يابنتي لو دايقتك اول ماجيتي
بصلها الجميع بذهول معقول نرمين بتعتذر
ندي بحب وطيبه:متتأسفيش يا طنط انتي زي امي
ابتسمتلها نرمين بطيبه بس حزينه ومايا بصتلها بشك
قاسم بضحك:يا ابن الكلب يا اياد كبرتيني ياواد وخلتني يبقا عندي احفاد احفادي اتجوز انا ازاي دلوقتي يا جزمه
يضحك الجميع معادا مايا الي ببتبصلهم بقرف
محمود بإبتسامه:مبروك ياولاد
مايا بغرور:اولا انا مش متقابلكي في عيلتنا لسا
اياد ببرود وحده:والله محدش طلب رايك
قاسم:تب والخبر التاني ياولا
اياد بإبتسامه:الخبر التاني والاحلي ان ملاك فاقت
نرمين بلهفه:بجدد
بصلها الجميع بستغراب ومايا الي ذهلت واتعصبت
اياد :ااه فاقت امبارح وهربت
الجميع بذهول:هربت!!!
اياد بضحك:ااه هربت بس رعد راح وراها فورا فين الله اعلم وتليفونتهم اتقفلت
نرمين بإبتسامه:انا كنت متأكده انها هتفوق بس متوقعتش
بسرعه دي
قاسم:مكنتيش عاوزها تفوق ولا اييه
نرمين بسرعه:لاء والله ابدا بقول علي حاجه تانيه
قاسم بإبتسامه:اتغيرتي يانرمين
نرمين ابتسمتله ومايا بصتلهم بكره واتوعدت ليهم ولملاك بلكثيير وطلعت برا القصر
@@@@@@@@@@@@@@@@@@@@@@
في شركه الدمنهوري… وتحديدا في مكتب مروان
كان قاعد بيشتغل وبيشرب قهوته وكان هاديء ولكن يفكر بل كثير
قاطع تفكيره دخول مرام
مرام بتوتر:انت مجتش امبارح لييه
مروان ببرود:عادي محبتش اجي واحنا مشهنقضيها كل يوم عندك كدا انا راجل وانتي بنت ومينفعش
مرام بصتله بتوتر:بس بس انا كنت خايفه يا مروان
مروان بحده:اسمي مروان بييه انتي نسيتي نفسك ولا اييه
يا انسه مرام فوقي
مرام ذهلت من كلام هذا المروان الغاضب :مش انت الي قولتلي قوليلي مروان
مروان ببرود قاتم:عادي غيرت رأي وانا حرر تفهميها بقا زي ماتفهميها ويلا علي شغلك
مرام بصتله بخذلان:تمام يامروان بييه عن اذنك
وخرجت وهيا كاتمه دموعها وهو بص علي اثرها بنظره غريبه وهو رفع سماعه التليفون وطلب السكرتيره
مروان بحده:شريين دقيقه والقيكي عل مكتبي… وقفل
@@@@@@@@@@@@@@@@@@@@@@
في شقه يونس…. كان قاعد وبيتغدا وبيتفرج علي التلفزيون بعد ماكلم ملاك واتطمن انها بخير
فجأه الباب خبط وقام يفتح واستغرب كان راجل كبير
يونس بستغراب:مين حضرتك
الرجل:انا علاء ابو اسلام صاحبك
يونس ببرود:ااه اتفضل
دخل علاء ووراه يونس الي قفل الباب وعلاء قعد علي الكنبه
يونس:خيير
علاء بغضب:ليه بلغت عن ابني
يونس بغضب:انا مبلغتش عن ابنك انا ببلغت عنهم كلهم
علاء بحده:ومجتش قولتلي لييه
يونس بغضب اكبر:بقولك اييه يا عم انت عاوز اييه اكيد جاي لهدف لخص عشان مبحبش الحوارات
علاء. بخبث :اناهجبلك من الاخر ياتروح تنفي شهادتك وتقول ان الفيديو متفرك يا إما هق”تلك وهخلص منك بطريقتي يا ابن النجار
قرب منه يونس وبص في وشه بحده وتحدي:اعلي مافخيلك اركبه انت وعيلتك كلها واحد واحد انت والي يتشددلك فاهم يا راجل يا هذيء
علاء وقف وبصله بغضب:هيا كدا ماشي هوريك
واتجه للباب وخرج بغضب ويونس قام قفل الباب وشغل التلفزيون تاني وبدأ يكمل اكل وكأن شيئا لم يكن
يونس ببرود:داهيه تسد نفسك راجل معف”ن
@@@@@@@@@@@@@@@@@@@@@@
عند ملاك…. وتحديدا في غرفتها
كانت قاعده وبتلعب في الموبايل ورعد خرج من الصبح
ملاك بضيق:راح فيين دا هو دا الي هفسحك رجاله اخر زمن ااه والله
قاطعها خبط الباب فقامت وقربت وفتحت الباب وكان الهاوس كبينج
ملاك بستغراب:في حاجه
الرجل وهو حاطط وشه في الارض ومدلها شنطه من براند عالمي :اتفضلي حضرتك رعد بيه باعتلك دي وبيقول لحضرتك اجهزي عشان هيبعتلك عربيه تاخدك كمان دقايق
ملاك اخدت منه الشنطه وهو مشي فورا وقفلت الباب وبصت للشنطه بستغراب ومدت ايدها وطلعت فستان لونه نبيتي قاتم بأكمام ونازل من علي الأكتاف وطويل وفيه كمان علبه فيها عقد الماس رقيق جدا وشوز لونها نبيتي وكعبها رفيع ومتوسط الطول كان9سم وكمان وفي ورده لونها احمر وورقه
ملاك وهيا بتقرأ:ملاكي اجهزي يا عمري وهبعتلك عربيه تاخدك والبسي الحاجات دي ودبلتك فاهمه دبلتك تمام
مستنيكي ياملاك قلبي..
ملاك ضحكت:مجنون…. واتجهت للحمام
بعد مده بتطلع وبتكون لبست وسابت شعرها وعملته ويڤي

وكان شكلها يجنن وكانت جميله جدا ولبست العقد وشالت السلسله بتاعت يونس وحطتها في علبه ولبست الدبله
وحطت لمسات خفيفه جدا من الميكب ووقفت قدام المرايه وهيا بتبتسم برضا عن نفسها
قاطعها خبط الباب واخدت موبايلها واتجهت للباب
ولقت اربع رجال بودي جارد
احد االرجال وهو باصص للارض بإحتر:اتفضلي معانا يا هانم رعد بيه الي باعتنا
ملاك مشيت قدامهم وهما وراها واتجهت لتحت وهما حاطين وشهم في الارض بإحترام وخوف انهم لا يستجرءون خوفاً من ذاك الرعد
واكملت ملاك طريقها وهما وراها وانبهر الجميع من جمالها
كانو بيبصلها بإنبهار وهيا اتجهت للخارج وركبت السياره الفخمه بشكل انوثي وراقي وانطلقو
@@@@@@@@@@@@@@@@@@@@@@
في مكتب مروان…
دخلت شرين وقفلت الباب
شرين بتوتر:اتفضل يا مستر مروان حضرتك طلبتني
مروان وقف وتني اكمام قميصه وحرر ازرار قميص الثلاث
وقرب منها
وشرين بصتله بإعجاب وفكرت انه وقع في حبها وبصتله بدلع:في حاجه
مروان قرب منها وبصلها من فوق لتحت بقرف:ااه في حاجات ياشرين
شرين قربت منه اكثر ومكنش بينهم غير بضع سنتيمترات
شرين بدلع وتمثيل الخجل:اييه الحاجات يا مروان بييه
مروان بصلها وقرب وحط ايده علي خدها بهدوء وهيا غمضت عينها وفتحتها بسرعه وبصتله وبتبتسم بدلع
بس اتصدمت لما فجأه صفعها مروان بقوه لدرجه انها وقعت علي الارض
شرين بصدمه:انت بتمد ايدك عليا لييه
مروان نزل لمستواها ومسك شعرها بقوه:هيا حصلت انك تبعتي واحد يقتلها
شرين بتوتر:انت عرفت ازاي قصدي محصلش واقتل ميين
مروان بغضب :بت انتي هتسطعبتي بروح امك
شرين بغل وعفويه :ايووا انا الي بعت واحد يراقبها ويقتلها
وعرفت انها في شقتك الي في مدينتي هيا حصلت تسكنها في شقتك مش انت عينك كانت مني
مروان بحده وغضب:انا هبصلك انتي ياعرره دا انتي شم*ال يابت اوعي تفكريني عبيط دا انا عرفت تاريخك كله من اول شارع الهرم لحد جامعه الدول العربيه يا بت
شرين ذهلت واتوترت:بس انا بحبك اتجوزني انا مش هيا
مروان بغضب وعفويه:عشان بحبها ارتاحتي ااه بحبها وياريت تبعد والا بالله هنهيكي واوعك تفكري اني عبيط انا طيب ااه بس مش عبيط ولا مغفل وعارف انك بقالك
3سنين بتسرقي من الشركه ومعايا الي يوديكي في ستين داهيه ف ابعدي بزوق
شرين بخوف ورعب :انااسفه يابيه والله ماهعمل كدا تاني
مروان بحده:انتي مرفوده يا شرين برااا وديني وما عبد لو لمحتك لهيكون اخر يوم في عمررك فاهمه
شرين بصتله بخوف ..وخرجت برا بسرعه حتي برا الشركه
ومرام شافتها وفهمت انه بيحبها ودموعها نزلت وهيا مقرره تبعد وتسيب كل حاجه
@@@@@@@@@@@@@@@@@@@@@@
عند ملاك….وتحديدا علي البحر والجوو بقا ليل
بتوصل العربيه وبيفتحولها الباب وبينزلوها علي اول الشط
وهيا بتنزل وبتلاقي بوابه من الورد الابيض والاصفر في وشها والارض مفروشه ورد احمر وحواليها ومن ناحيتها اليمين واليسار في انوار وبلالين علي شكل قلب
واخر الممر عند البحر واقف رعد وهو لابس بنطلون جينز رمادي اوفر سايز ابيض وتاني اكمامه ومحرر اول ثلث ازرار ولابس كوتش ابيض وساعته السوده المرصعه بلألماس وكان وسيم جدا وشايل في ايده بوكيه ورد احمر
ومحاط بغلاف اسود
ملاك كانت ماشيه ومبهوره بلمكان والاجوء واتصدمت اكتر لما قربت وشافت رعد واقف مبتسم اوي وهو مبهور من جمالها وانثوتها
ملاك قربت منه:اييه دا
رعد مدلها الورد وباس راسها:كل سنه وانتي طيبه ياملاكي
ملاك بستغراب:بمناسبه اييه
رعد بحب وحط ايده علي خدها:بمناسبه عيد ميلاد احلي ملاك في الكون
ملاك بصدمه:عيد ميلادي!!؟…..وبدأت تتوتر جامد
رعد بهدوء:اهدي انا معاكي..ومسك ايدها وهيا حيت انها هديت شويه ورعد اخدها واتجه لمكان علي البحر مباشراً
زي خيمه كدا بس مفتوحه من الاربع جهات وفي طربيزه
وكرسيين وعليها تورته وقرب وشدلها الكرسي وقعدها عليه
ولف وقعد قصادها والبحر امامهم
ملاك بسعاده:دا عشاني انا
رعد بهيام:ااه ياعمري عشانك انتي يلا قطعي الكيك الساعه بقت 59:11 يلا بسرعه
ملاك مسكت السكينه بس وقفت وابتسمت بدموع:ممكن تقطعها معايا
وقف رعد وقرب منها ومسك ايدها قومها ورجع الكرسي لورا ووقفها قدامه وحاوطها من ورا ومسك ايدها وفجأه ساعته رنت
رعد بحب:الساعه بقت12الوقت واليله الي اتولدت فيه احلي بنوته مراتي الي بعشقها وبلمناسبه دي انا بحبك اوي ياملاك اوي بقيت بدمنك وبعشقك
ملاك كانت بتعيط في صمت ومبتسمه وعد وملاك قطعو التورته الي كان عليها صوره ملاك
وملاك حضنته بحب وهوا حضنها بقوه واشتغلت اغنيه رومانسيه ورعد مسك ايدها ومسحلها دموعها وبدأ يرقص معاها وهيا سندت راسها علي صدره و هو دفن وشه في رقبتها وكانو مبسطوين جدا والإضائه بقت خفيفه
@@@@@@@@@@@@@@@@@@@@@@
استوووووب…. بارت طويل اهووو وسوري علي التأخير بس لسا صاحيه راحه محارب بقا😁😅
تفتكرو اييه الي جاي وملاك هتنتقم ولا لاء وهل هتفضل مع رعد ولا هيتفرقو 🙂🙈
اقولكم علي حاجه متثقوش في اي حد في الروايه لان كلهم غداريين.. دمتم سالميين 💋💃
بحبك يا بت انتي وهيا احنا بقينا اسره في بعضينا

لقراءة باقي فصول الرواية أضغط على (رواية احببت متمردة)

____

لو عاوز تقرأ الفصول الجديدة من الرواية دي بشكل حصري قبل صدورها

أنضم لقناتنا على تليجرام (من هنا)

البارت الثامن والثلاثون

اترك تعليقاً إلغاء الرد