رواية احببت متمردة الفصل التاسع عشر 19 بقلم أسماء السيد

رواية احببت متمردة الفصل التاسع عشر 19 بقلم أسماء السيد

 

البارت التاسع عشر

 

#احببت_متمرده part19
عند عاصم…. كان قاعد في مكتبه وبيشتغل وفجأه بص علي المكتب شاف صورته هو وملاك كانت في ثانوي وكانت بريئه جدا وهو كان في الجامعه ومبتسم وسرح فيها وفي ضحكتها
عاصم بدموع:وحشتيني اوي ياملاك انا عارف اني غلطت والله غصب عني انتي عارفه اني والله مظلوم انتي كنت ملاك في حياتي انا غبي. غبي
فجأة الباب خبط ومسح دموعه بسرعه
عاصم بحده:ادخل
اتفتح الباب ودخل المساعد رجب
رجب بتوتر:ملاك برا وعاوزه تقابلك
عاصم بذهول:اايه
رجب:والله واحده برا نفسها
عاصم بسرعه:دخلها
رجب:تمام…. وخرج ودخلت مايا
عاصم وقف بصدمه:مايا ازاي دا حصل
مايا بحب:وحشتني ياعاصم اوي وحشتني…. وجريت عليه وحضنته وهو مصدومه ومتحركش
استوعب عاصم وزقها بقوه:ايه الي جابك وانتي عايشه ازاي
مايا بسخريه:كنت فاكرني هموت في الحريقه ولا ايه انا نطيت من الشباك في البحر وهربت لبرا
عاصم بكره:ياريتك كنتي ميته انا بكرهك اطلعي برا
مايا كانت هتتكلم لمحت صورته مع ملاك فقربت ومسكتها
مايا بعصبيه وغل:ليه بتحبها هيا ليه مش انا دي واحده غبيه ومتخلفه لييه مش انا اتكلم ليه بتحب العبيطه دي
عاصم بغضب:احترمي نفسك ومتتكلميش عليها كدا فاهمه والا هقتلك وانتي واقفه ومش هسيبك غيرمتأكد انك موتي المرادي
مايا بغل:هفضل اكرهها ياعاصم وعمري ماهحبها لانك بتحبها هيا مش انا مع اني احلي منها بكتير واعقل ومش عبيطه زيها
عاصم بسخريه:يمكن تكونو نفس الشكل ونفس الدم بس الفرق بينكم السما والارض
مايا بكره لملاك:صدقني ياعاصم انا هقتلها والمرادي مش هتعرف تنقذها مني ولو هعمل اي حاجه هخلص عليها وانت هتكون ملكي وليا
عاصم مسكها من فكها بقوه:ابقي فكري بس مجرد تفكير مش تنفيذ وانا هدمرك وهخليكي تتمني المو*ت كل دقيقه
مايا بوجع:ابعد عني ياعاصم ابعد …. عاصم سابها وبصلها بش”ر
عاصم ببرود:اطلعي برا
مايا بغل:انا همشي بس الي عملته معايا زمان متنسهوش لانه هيتكرر تاني وانا ببشرك يا عاصم انت ليا فاهم
عاصم بقرف:مايا انتي عمرك ماحبتيني انتي قربتي مني زمان بس عشان شوفتيني مع ملاك واننا بنحب بعض بس عشان تعرفي انك بغل
مايا بخبث:اوكي ياعاصم سلام بقا اصلي راحا اخطط لملاك عقبال ما ترجع
عاصم بستغراب:ترجع منين
مايا ببرود:ميخصكش…. وخرجت
عاصم بصوت جوهري:رجببب
رجب بسرعه:ايوااا ياباشا
عاصم بش”ر:وراها وتعرفلي كل حاجه هيا بتخطط ليها وتإب وتغطس وتعرفلي ملاك النجار فيين
رجب:تحت امرك ياباشا…. وطلع جري وعاصم مسك الطف”ايه الي قدامه ورماها في الارض بقوه
عاصم بعشق مجنون:هرجعك لحضني مهما كان التمن ياملاك انتي ليا وهتفضلي ليا وحتي لو هضحي العمر كله انتي ليا وبس
@@@@@@@@@@@@@@@@@@@@@@
في اميركا…… وتحديدا في ياخت كبير جدا من اللون الابيض والذهبي وكانو وصلو وقاعديين علي الكراسي الي في الدور الي فوق وملاك سابتهم وراحت علي حته عاليه في اخر الياخت ومحاطه بسور صغير ووقفت ورفعت ايدها وكانت مبسوطه جدا
ملاك بتنهيده:ياااه الفيووو تحفه
فجأه لقت حد بيحضنها من ضهرها ومحاوط بطنها بإيده ودفن وشه في رقبتها وهيا اتخضت
رعد بهمس:شششش اهدي دا انا
ملاك ارتاحت انه هو:ايه الي جابك
رعد:لقيتك اختفيتي قولت اشوف روحتي فين
ملاك بغيظ:بس انا عاوزه استمتع ابعد شويه انت مالك بقيت ملزق كدا ليه يا واد انت
رعد بضحك:ملزق يامعفنه الحق عليا بدلعك
ملاك ابتسمت غصب عنها وضحكت وهو كان مبسوط
رعد بهيام:وحشتينييي
ملاك اتجمدت والكهرباء سارت في جسدها من الصدمه
رعد بحب:امم مرضتيش لييه
ملاك بتوتر بعدت عنه ولفت وبصتله بدهشه ومسكت وشه بين اديها الصغيرتان وهو مبسوط
ملاك بذهول:رعد انت كويس
رعد ابتسم :ااه كويس طول ما انتي قدامي
ملاك اتصدمت اكتر بس ضحكت بصوت عالي وهو اتعصب
رعد بغيره وحده:متضحكيش كدا تاني واحنا في مكان فيه حد فاهمه لما نكون في اوضتنا لوحدنا اتضحكي كدا
ملاك بصتله بذهول:انت سخن ياحبيبي ياقلب امك انت تعبان ولا حاجه
رعد بخبث وحب:قوليها كدا تاني
ملاك بغباء:اقول ايه
رعد:الي انتي كنتي لسا قايلها
ملاك: انت تعبان ولاحاجه
رعد:لاء الي قبلها
ملاك :ياقلب امك
رعد بإبتسامه:الي قبلها بقا
ملاك بعفويه: انت سخن ياحبيبي…. استوعبت واتكسفت
رعد بعدم تصديق:حبيبي الله الكلمه من بوقك سكر يخربيت حلاوتك
ملاك بتوتر:لاء يابابا روح شوفلك دكتور انت بقيت ملزق اويي بزياده هو ايه دا يا اخويا
رعد ضحك وهيا ضحكت وهو شدها في حضنه
……. بعيد عنهم في الاعلي كان شايفهم الجميع وحسام وزياد بيبصو لبعض بذهول
زياد بصدمه وهمس:هو دا رعد الدمنهوري
حسام بعدم تصديق:دا بقاله سنين مضحكش انا اول مره اشوفه بيضحك من يوم الحوار اياه
أنيتا بطيبه:شكلهم حلو اوي
ماكس بإبتسامه:بالفعل لايقين على بعض اوي
چون بغل:لاء علي فكره هو مش لايق عليها خالص
مارلي:لا ان روكي واوليفيا يعشقون بعضهم البعض
وفضلو يتكلمو لحد ماتصدمو
…… عند رعد وملاك
رعد:عاوز اعمل حاجه تسمحيلي
ملاك بستغراب:اممم هتعمل ايه
رعد قرب وباسها بحنيه وحب وهيا اتصدمت بس مامنعتوش وبعد شويه بيبعد رعد لما بيلاحظ انها محتاجه للهواء وحط جبينه علي جبينها وهيا خدودها احمرو من الكسوف
ملاك بهمس:انت غريب اوي النهارده مش عارفه مالك كدا
رعد ابتسم و بص للبحر وبصلها وشالها فجأه وهيا مصدومه ونط بيها في البحر وغطسو تحت وطلعو تاني وملاك شهقت ورعد كان حاضنها
ملاك ضربته في صدره:ياغبي كنت هموت
رعد ضحك بخفه:ايه رايك
ملاك بخوف مسكت في رقبته:رعد انا بعوم عوم كلابي اخري الشط
رعد بحده خفيفه وحب:انا معاكي وطول ما انا معاكي ولو في النار عاوزك تثقي فيا انا من النهارده هحميكي وبس وهفضل معاكي
ملاك دموعها نزلت لان عمر ماحد عاملها كدا ولا اهتم بيها
رعد بتوتر لاول مره في حياته:بحبك ياملاكي
ملاك اتصدمت وجحظت عيونها من الدهشه
ملاك بذهول:انت قولت ايه
رعد بحب وابتسامه سحرتها:قولت بحبك ياملاكي
ملاك اتوترت وقرب منها فجأه وباسها بخفه وبعد تاني
ملاك بتمثيل الحده :ممكن تطلعني ارجوك اياك تحبني انا فاهم انا لاء حب اي واحده انما انا مستحيل مش هينفع
رعد بغضب ودهشه:لييه اشمعنا دا انا عمري مافكرت اعترف لواحده بحبي غيرك ليه كدا
ملاك بوجع:عشان انا ممبعرفش احب انا قاسيه وحجر مبعرفش احب ولا اتعلق فهمت
رعد بغضب:انتي ليه بتحرمي نفسك وتحرميني ليه انا حبيتك وانا مبعرفش اكذب وبحب الدوغري ليه كدا انا غلطان اني فكرت احب واحده زيك معندهاش لامشاعر ولا بتعرف تحب بتكسر القلوب بس
ملاك بزعل وجمود:بظبط كدا ابعد عني احنا في مهمه ياحضرت الظابط وكلها اسبوع وهنرجع وهنتطلق فخلاص وياريت نفضل نتعامل برسميه زي ما كنا
رعد بصلها بغضب وبيلعن نفسه انه عمل كدا وقرب وحطها علي السلم وهيا كملت وطلعت فوق وهيا كاتمه دموعها ورفعت راسها شافتهم بيبصو عليهم مهتمتش ومشيت لجوا ودخلت الغرفه بتاعتهم ورعد طلع وقلع القميص وفضل عاري الصدر واتصدمو من قوه جسده وعضلاته الضخمه وعروق ايده ورقبته الي باينه وهو قعد وولع سيجاره بغضب وهو بيلعن نفسه انه فكر يحبها
……… عند ملاك دخلت الحمام الي في الغرفه وقفلت الباب وقعدت وراه وضمت نفسها وسمحت لدموعها بنزول وانهارت من البكاء وكانت بتشهق زي الاطفال
@@@@@@@@@@@@@@@@@@@@@@
في المساء…في قصر الدمنهوري….. وتحديدا في الجنينه
كان قاعد اياد وبيشرب سيج”اره وقاعد علي احد الكنب
صوت من وراه:ممكن اقعد معاك يا اياد
اياد من غير مايلف:تعالي ياندي
قربت ندي وفي ايدها كوبايتين فيهم ايس كوفي
ندي بإبتسامه:عملتلك معايا اهو عشان ماتخدش كوبايني زي كل يوم
اياد ضحك:تب هاتي ياستي
ندي:ممكن اعرف ايه الي مضايقك
اياد بضيق:مفيش
ندي بتذمر طفولي:مش احنا صحاب ولا ايه ياعم قول قول هات همك علي همي
فجأه اياد ضحك بقوه وندي ضحكت علي ضحكه
ندي بضحك:هحكيلك حاجه مره وانا صغيره…..
قاطعها صوت من وراهم:الله الله انتو بتعملو ايه
اتخضو وبصو وراهم لاقو مايا
اياد بضيق:عاوزه ايه يامايا
مايا بغرور:هيا حصلت تقعد مع الخدامه وتضحك
اياد بغضب:اولا انا مسمحلكش تقولي عليها خدامه
مايا ببرود:وبتدافع عنها كمان الله الله
ندي بتوتر:حضرتك انتي فاهمه غلط
مايا بتكبر:يا حبيبي الي زي دي تعمل معاها الي انت عاوزه وترميها فاهمم
اياد بحده: مايا الزمي حدودك انا مسمحلكش ندي اشرف من الشرف واياكي تقولي عليها كلمه ملهاش لزمه
مايا بعصبيه:انا اقول الي علي كيفي فاهم يا اياد ويلا يابت انتي روحي اعمليلي حاجه اكلها اصل اخواتك الخدم نايمين ومحدش صاحي غيرك
اياد وهو بيجز علي سنانه وبغضب :مايا هيا مش هتعملك حاجه انتي فاهمه وهيا صاحبتي وانسي انها تخدمك ومن النهارده هيا هتعمل طلباتي انا وبس ومش هتعمل لاي حد فيكو حاجه فاهمه
مايا بغل:دا في احلامك يا اياد يلا يابت انتي ورايا
ندي بتنهيده:اسمعي بقا اولا الي بيشتغل مش عبد عندكم وانا لحد هنا وساعات العمل بتاعتي خلصت من ساعه اصلا انا اخري 11بليل ممكن تروحي تصحي اي واحده تعملك انما انا مش هشتغل اضافي
مايا بصتلها بغل وغيظ واياد ابتسم
مايا بغيظ وغل:بكرا هوريكي الي عمرك ماشوفتيه ……
ومشيت
اياد بإبتسامه:ردك عجبني
ندي بخجل:شكرا يا اياد عشان دافعت عني
اياد:ولا يهمك بس خدي بالك مايا مش سهله
ندي بتفكير:متقلقش انا هتصرف
اياد ضحك:مماشي ياستي اقعد بقا قوليلي عملتي ايه وانتي صغيره
ندي ضضحكت وقعدت واياد قعد وبدأت تحكي واياد بيسمعها بتركيز ومايا شايفهم من البلكونه ومغلوله
@@@@@@@@@@@@@@@@@@@@@@
في اميركا…… وتحديدا في غرفه ملاك ورعد
بتطلع ملاك من الحمام وهيا لابسه بيجامه حرير لونها اسود وعامله شعرها ديل حصان وقربت نامت علي السرير وهيا بتفتكر ذكريات وحشه نا”رر وحري”ق وشبه كدا
ملاك بوجع:يارب خفف علي قلبي عشان انا خلاص معتش عندي طاقه الحمدلله انا راضيه…….. واتنهدت وحضنت المخده ونامت ودموعها نزلت في صمت لحد ما نامت
فجأه الباب اتفتح ودخل رعد ولاقها نايمه فتنهد واخد هدوم من الدولاب ودخل الحمام
……… بعد مده بيطلع وهو لابس بنطلون اسود رياضي وتيشرت اسود يبرز عضلاته وكان وسيم جدا وقرب وقعد جمبها علي السرير وحط ايده علي دماغها بحنان واتصدم لما لاقها بتعيط فمسح دموعها بإبهامه وعدلها واخدها في حضنه ونام ودي اول مره ينام جمبها كان بينام علي الكنبه
@@@@@@@@@@@@@@@@@@@@@@
في شقه مرام…. كان واقفه في المطبخ بتعمل اكل ليها
مرام:الله الله علي الريحه تسلم ايدي احلي صينيه مكرونه بالبشاميل وشويه بانيه ايه لووز
قاطعها رنه الجرس
مرام بتوتر:مين الي هيجيلي دلوقتي…. وقربت عند الباب
قالت بخوف:ميين
مروان:انا يامرام
مرام اتنهدت و فتحت الباب:في حاجه ولا ايه
مروان بإبتسامه:انتي كويسه
مرام بستغراب:ااه دا انا لسا سايباك من كام ساعه
مروان:ممكن ادخل
مرام بتوتر:هو يعني اتفضل
دخل مروان وشم الريحه:الله دي ريحه مكرونه بشاميل صح قولي صح
مرام بضحك:ااه لسا حاطه علي وشها الجبنه وحطتها في الفرن
مروان جري دخل المطبخ وهيا وراه وبتضحك
مرام:اهدا كلها خمس دقايق وهتطلع
مروان بفرحه:اوبا وبانيه كمان لاء الحمدلله اني جيت
مرام بقلق:معلش بس انت جيت لييه
مروان بتوتر:معرفش كنت معدي فقولت اطمن عليكي مش اكتر امشي لو مدايقه
مرام بإبتسامه:لاء خليك كل معايا بقا وامشي
مروان ابتسم وقعد بس فجأه الباب خبط بقوه
مروان:مين الي بيخبط كدا…. وراح يفتح ومرام خايفه
مروان بغضب:ميين ….وفتح الباب وكانت الصدمه،،،،……
@@@@@@@@@@@@@@@@@@@@@@
استووووب

 

 

• لقراءة باقي فصول الرواية أضغط على (رواية احببت متمردة)