رواية ابنتي ولكن الفصل الفصل الاول 1 بقلم ياسمين علي

رواية ابنتي ولكن الفصل الفصل الاول 1 بقلم ياسمين علي

 

البارت الاول

 

فاطمة: ازيك ياوعد ياحبيبتي
وعد: الحمدالله ياابلة فاطمة … حضرتك عاملة ايه وعمر وسندوسة فينهم
فاطمة: كويسة ياحبيبتي .. عمر نزل شغله وسندوس لسه مصحتش نوم الظالم عبادة
وعد بضحك: ليه بس كدا دي عسولة اوي والله
فاطمة: انتي الي عسل والله ياحبيبتي.. انتي نازلة بدري كدا راحة الكلية !

وعد: لا انا خدت اجازة اسبوع .. هروح عند خالتو عائشة وحشتني اووي وعاوزة اشوفها
فاطمة: طب وصللها سلامي ونبي علشان هي وحشااني انا كمان والله الست عائشة دي بركة عمارتنا من غيرها العمارة زي مانتي شايفة كدا مضلمة
وعد: حاضر ياابلة فاطمة هسلملك عليها
فاطمة: توصلي بالسلامة ياحبيبتي
وعد: الله يسلمك

*وصلت وعد فيلا الهلالي *
وعد: ايوة ع جنب هنا لو سمحت … شكررا
سلامةة: الست وعد يااهلا وسهلااا .. دي الست عائشة هتفرح اووووي
وعد: ازيك ياعمو سلامة وازاي الاولاد
سلامة: الحمد الله كلهمم بخيير .. وانتي ايه اخبارك يابنتي
وعد: الحمدالله ياعمو اهو كويسة … هي خالتو عائشة صحيت
سلامة: الست عائشة صحيت من ساعة وزمانها في المطبخ بتحضر الفطار
وعد: شكرا جدا ياعمو
سلامة: العفو يابنتي

*في المطبخ*
عائشة واقفة بتجهز الفطار ووعد داخلة ببطء ومن غير صوت وحضنت عائشة من ضهرها
عائشة بفظع: بسم الله الرحمن الرحيم .. ميين وعد يااحبيبتيي يابنتي وحشششتينييي اوووي وخدتها في حضنها
وعد بتبادلها الحضن: وانتي كمان ياخالتو والله وحشتينييي اوووي
عائشة: مقولتليش ليه انك جاية كنت بعت سلامة يجيبك من محطة القطر
وعد: مالهوش لزوم بقا انا قولت اعملك مفاجأة.

عائشة: واحلي مفاجأة في الدنيا وبتبوس وعد
صوت من بعيد: ياعائشة … انتي ياللي اسمك عائشة
عائشة: حاضر ياست هانم جاية …
وعد ياحبيبتي افطري وانا هروح اشوفي الست هانم واصحي سيفي وفرح واجيلك
وعد: لا استني بس انا فطرت روحي انتي للست هانم وانا هروح لسيفي .. ااقصد هصحي سيفي وفرح متقلقيش
عائشة: ماشي متتأخريش بس

وصلت وعد اوضة سيفي فرحانة انها هتشوفوا بتفتح الباب، سيفي نايم ع السرير باهمال بهدوم الخروج وبالجزمة وفاتح زارير القميص.. اتنهدت

وعد: سيفي .. سيفي اصحي الفطار جهز
سيفي: سبيني انام انا راجع الصبح وملحقتش انام …وشد الغطا عليه
وعد شالت الغطا من عليه:… ع الاقل قوم غير هدومك دي وكمل نوم
سيفي فتح عينه شافها قام بعصبية: وانتتي مااالك … انتي دخلتي هنا ليه اصلا !
وعد بتوتر وخوفي: خالتو عائشة هي اللي قالتلي اصحيك تفطر
سيفي: شكرا ياستيي … قولتلك عاوز انام اتفضلي اخرجي وطفي النور
وعد: حاضر
خرجت وهي مضايقة

نهلة: سااعة بناادي عليكي… كنتي فيين !
عائشة: معلش ياست هانم وعد جت وكنت …
نهلة: خلاص خلاص مش لسه هتحكي … المهم كمال خرج امتي
عائشة:من نص ساعة ياهانم
نهلة: والولاد لسه مصحوش
عائشة: وعد طلعت تصحيهم ياهانم..

نهلة: وهي وعد جاية زيارة يوم ولا هتقعد
عائشة: هتقعد اسبوع ياهانم بعد اذن حضرتك
نهلة: بعد اذني فين ماهي جت خلاص
عائشة بزعل: تحبي تأمريني بحاجة
نهلة: لا روحي شوفي شغلك
عائشة: حاضر ياهانم .. ومشيت
نهلة ببرطمة: قال جاية تقعد اسبوع قال فاكرة نفسها في بيت اهلها

*في شركة كمال الهلالي*
كمال: انا معرفتش انام طول الليل ونزلت الشغل اول لما صحيت .. انا مش عارفي اعمل ايه في الورطة دي ياسعيد اتصرفي .. شوفلي حل
المحامي سعيد: اهدأ ياكمال بيه كل حاجة وليها حل
كمال: اهدا ازاي وكل حاجة بتضيع من ايدي !
المحامي: مافيش غير حل واحد للموضوع داا
كمال: ايه هوو .. اتكلم

عائشة دخلت المطبخ وهي متضايقة ووعد كمان كانت في المطبخ متضايقة
عائشة: وعد صحيتيهم
وعد: اه ياخالتو فرح صحيت
عائشة: وسيفي !
وعد: مصحاش .. انتي فيكي حاجة ياخالتو مالك اوعي تكون العقربة ضايقتك !

عائشة: اتعودت يابنتي خلاص
وعد:يبقا ضايقتك .. انا هعرفها ازاي تضايقك
عائشة مسكت ايدها: وعد انا مش عاوزة مشااكل مع حد مش عاوزة حد يكرهك ياحبيبتي
وعد: انتي تاعبة نفسك ليه ياخالتو ايه يخليكي تستحملي الاهانة …معاش جدو يعيشنا وان كان علي مصاريفي كليتي انا انزل اشتغل
عائشة: انتي عارفة رأي في الموضوع دا كويس ياوعد مافيش شغل قبل ماتخلصي دراسة … وبلاش كلام كتييير ودي الاكل ع السفرة معايا يلا
وعد بتنهيدة: حاضر ياخالتو

فرح: جود مورنينج يامامي
نهلة: جود مورنينج يا حبيبتي .. سيفي صحا ؟
فرح: معرفش.. بس تقريبا لا
نهلة: كان سهران لوش الصبح طبعا مع الجرابيع صحابه زي كل يوم
فرح بتأكل ولا ع بالها كلام امها
نهلة بعصبية: انتي يابنت انا مش بكلمك.

فرح: عادي يامامي مايسهر هو وراه حاجة
نهلة بغيظ: لا مش عادي المفروض ينزل الشغل مع ابوه يشوفي حالنا ومالنا ويجي يقولي بدل ماابوكي مبيحكليش اي حاجة خالص
فرح: مامي انا خارجة مع اصحابي … يلا سلاامم
نهلة بعصبية: انا هتتشلل من البيت دا مافيهوش حد حاسس بياااا

*موبايل سيفي بيرن*
سيفي بنوم: ايوة .. ايه ياخالد
خالد:ايه ياعم انت فينك شكلك لسه مصحتش
سيفي: لا لسه .. هي الساعة كام
خالد: الساعة 8 ياعم .. انجز بقا كدا علشان عاوزين ننزل .. اما انا محضرلك حتة سهرة
سيفي: لا مش قادر اخرج انهاردة
خالد: طيب انا هجيب احمد ونجيلك
سيفي: ماشي مستنيكم .. سلام
قفل و كمل نومه تاني

*وعد بتفتح الباب*
خالد: ايه القمر داا
وعد: نعم!
احمد زغدوا: هو سيفي مصحاش
وعد: مش عارفة اتفضلوا وهشوفوا
خالد: ماشي ياقمر
-وعد بصتله بقرفي ومشيت
احمد: ماتهدا ياعم مالكش دعوة بحد هنا .. عيب دانت في بيت صاحبك
خالد: ماهو لو صاحبي بجد مكنش خبي عليا القمر دا
احمد: طب اسكت ونبي اسكت

نهلة:مين اللي جه
وعد: دول صحاب سيفي هطلع اصحيه ينزلهم
نهلة: لا خليكي انا هشوفوا
وعد: حاضر

*في اوضة سيف*
نهلة: يعني انت جايب صحابك وحضرتك نايم
سيفي: هما جم من امتا
نهلة: لسه جايين ومستنينك تحت ممكن تصحا بقا
سيفي: حاضر ياست الكل من غير متتعصبي انا صحيت اهو
نهلة: وانتو يفرق معاكم عصبيتي اذا كنت انت ولا ابوك ولا اختك..

سيفي بصوت واطي: اااه المرشح هيبدأ
نهلة:بتقول حاجةة !
سيفي: بقول ان مينفعش القمر دا يتعصب وباسها من خدها
نهلة: ماشي يابكاش خلص وانزل علشان صحابك
سيفي: حاضر ياروحي

*سيفي نزل لصحابه*
خالد: انا مش قايلك ياعم ان احنا جايين مصحتش ليه
سيفي: مش عارفي القيها منك ولا من امي ياعم سلم وانت ساكت
خالد: ماشي ياعم .. كنت عاوز اسألك ع حاجة كدا شوفتها و…
احمد: خالد !
سيفي: في ايه مالكم
خالد: لا خلاص يلا نلعب بلاستيشن

*في المطبخ *
وعد: بتعملي ايه ياجميلل
عائشة: خضتينيي .. بعمل عصير لسيفي واصحابه
وعد ببرطمة: قال صحاب قال دا انسان مش محترم
عائشة: بتقولي حاجة ياوعد
وعد: لا ياخالتو مبقولش
عائشة: طيب انا هاخدلهم العصير و… عائشة داخت ووعد سندتها.

وعد: خالتو ماللك ! تعالي تعالي استريحي .. وجبتلها كوباية ماية
وعد: خدي ياخالتو اشربي .. انتي كويسة
عائشة: متقلقيش يابنتي شوية دوخة بس وهيروحو لحالهم
وعد: لا ياخالتو .. خليكي انا هودي العصير متتحركيش عقبال مااجيلك

-طلعت بالعصير بتقدملهم وخالد مشالش عينه من عليها
عطيت العصير لاحمد
وعد: اتفضل
احمد: شكرا.
بتدي العصير لسيفي وعلي وشها ابتسامة
وعد: اتفضل ياسيف
سيفي: مش شايفاني بلعب حطي وانتي ساكتة..

اتضايقت وبصيت لخالد لقيته متنحلها سابت العصير قدامه وبصيتله بقرفي ومشيت
خالد:فيه ايه ياعم انت مابراحة ع الجنس الاخر
سيفي: خليك في حالك ونبي وركز في اللعب
خالد: لعب ايه بس … انا مركز في حاجة تانية خالص

*في المطبخ*
عائشة: طلعتي العصير ياوعد
وعد: اه ياخالتو .. انتي بقيتي كويسة
عائشة: اه بقيت كويسة ياحبيبتي… انتي فيكي حاجة !
وعد: لا ياخالتو .. انا هطلع اشم هوا بس في الجنينة
عائشة: ماشي ياحبيبتي

*وعد بتكلم نفسها*
– هتفضلي تحبيه حد مبيحبكيش لحد امتي !
=اكيد هيحس بيا في مرة ويحبني اكيد انا اتحب انا مش وحشة
– انتي مش وحشة .. وكل الناس تتمناكي بس هو مش بيحبك شيلي من دماغك
= مش عارفة اشيله حاولت كتير مش عارفة.. انا بحبه هو وبس رغم عيوبه رغم معاملته ليا انا بحبه .. يارب متعلقش قلبي بحد مش ليا يارب
*ورجعت الفيلا تاني *

خالد: مقولتلناش بقا ياعم … مين القمر اللي عندكم دي
سيفي باستغراب: قمرر !
خالد: قمر شوية عليها والله
احمد: ماتهدأ ياعم خالد
سيفي: قول حاجةونبي دا شكله شارب
خالد: لا دانا فايق اوي .. ومركز انك احرجت البت قدامنا
احمد: خالد عنده حق ياسيفي .. مكنش المفروض تكلمها كدا ع الاقل مش قدامنا هي اتحرجت اكيد .. دا غير ان حاسس انها بتحبك
سيفي: انت هتهرتل ولا ايه مين دي اللي تحبني .. دي تبقا اتجننت رسمي لو فكرت كدا هي هتنسا نفسها .. دي مجرد خدامة عندنا … خدامة وبس ومش هتكون غير كدا

وعد وقفت مصدومة من الكلام اللي سمعتوا

*موبايل نهلة بيرن*
نهلةة: ايوة ياكمال انت فين و…
كمال: اسمعيني كويس فاللي هقولو ومش عاوز حد يعرفي حاجة ولا حتي الولاد
نهلة: خير ياكمال قلقتني

وعد واقفة مصدومة والدموع كانت هتنزل من عينها … مسمحتش لنفسها تعيط واستجمعت نفسها وراحت لهم
وعد: انت اززاي تتكلم عني بالطريقة دي !
سيفي: انتي بتتصنتي علينا .. حلو علشان لو في حاجة من نحيتك تنسيها..

وعد: ايه الثقة اللي بتتكلم بيها دي مين قالك اني بحبك اصلا ولا ممكن ابص لشخص متكبر زيك وانت ازاي تقول عليا خدامة اصلا
سيفي: اه خدامة اللي تطلع تصحيني تبقا خدامة اللي تجبلي العصير لحد عندي تبقا خدامة
وعد بغيظ مسكت العصير وحدفتوا في وشه
وعد: واللي تقلبوا عليك تبقا ايه !

سيفي: انتي اتجننتي … وشدها من ايدها جامد
احمد: اهدا ياسيفي وسيبها
سيفي زقه وشد وعد وهي بتحاول تبعده عنها
سيفي: اخرررسي واطلعي برا
وعد: سيبني يامتخلف

كمال: سامحيني يانهلة ومتخليش الولاد يزعلوا مني
*نهلة في عالم تاني وفاقت ع صوت زعيق نزلت تجري*
كمال: نهلة .. نهلة !
المحامي: في حاجة ياكمال بيه
كمال: لا مافيش .. يلا بينا

نهلة نازلة ع السلم وعائشة جاية تجري من المطبخ لقيت سيفي ماسك ايد وعد بيطردها طلعت تجري شدت وعد منه
عائشة: انت بتعمل ايه سيبها
سيفي: دادة عائشة انتي علي عيني وعلي رأسي انما دي مش هتقعد في البيت ثانية واحدة
عائشة: انتي عملتي ايه ياوعد انطقي
سيفي: عملت ايه ؟ قولي معملتش ايه الهانم بتتصنت عليا وبتبجح وقلبت العصير عليا
عائشة: انتي عملتي كدا ياوعد !

وعد: هو اللي قال…
عائشة بعصبية: ردي ع قد السؤال انتي اللي قلبتي عليه العصيرر
وعد: ااه علشان ..
*عائشة ضربتها بالقلم*
وعد بعياط: انتي بتضربيني ياخالتو علشان واحد مغرور زي دااا
عائشة: مسمعش صوتك قدامي نلم حاجتنا ونمشي
وعد بصت لسيفي باستحقار وهو علي وشه الفرحة والانتصار
* نهلة وقفة تتفرج ومافيش اي رد فعل منها *

*وعد وعائشة رجعوا اسكندرية ووعد ساكتة وعائشة زعلانة علشان ضربيتها*

*في فيلا كمال الهلالي*
الباب بيخبط ..سيفي بيفتح
الظابط: دي فيلا كمال الهلالي
سيفي: ايوة
الظابط: انت كمال الهلالي
سيفي: لا انا سيفي الدين الهلالي ابن كمال الهلالي
الظابط: ادخلوا فتشوا الفيلا
فرح نازلة تجري ع السلم: في ايه ياسيف
سيفي: اهدي يافرح … حضرتك يافتشوا الفيلا ليه هو في ايه
الظابط: معانا امر بالقبض ع كمال الهلالي
سيفي وفرح: بااابااااا !

ياتري كمال الهلالي عمل ايه .. وايه المكالمة اللي كانت بينه وبين نهلة مراته … هنعرفي في الفصول الجاية .. اتمني تكون عجبتكم .. متنسوش تقولوا رايكم

 

• لقراءة باقي فصول الرواية اضغط على (رواية ابنتي ولكن الفصل)