رواية أوجاع الماضي الفصل الثالث والثلاثون 33 بقلم سلوى عوض

رواية أوجاع الماضي الفصل الثالث والثلاثون 33 بقلم سلوى عوض

البارت الثالث والثلاثون

#سلوي_عوض
#اوجاع_الماضي
بارت 33
جميله: بس احبه ازاي؟ هو الحب حاجه سهله؟ ولا النسيان سهل؟ يوه بقا، انا احسن حاجه أخرج اشوف شغلي، هو اللي هيخليني مفكرش ف اي حاجه تانيه.
(لتهم جميله بالخروج من غرفتها لتجد شمس يفتح باب غرفته)
جميله: بكسوف أنا آسفه علي اللي حصل مني.
شمس: مخلاص عاد، هتعملي ايه دلوك؟
جميله: هشوف شغلي بقا.
شمس: تعالي نجعدو نفكرو كيف نوجعو العصابه ديه.
جميله: تعرف اني انا طول عمري بحب الاكشن؟
شمس: باين عليكي مشاغبه، بس اعملي حسابك ابوي جاي كد شويه كده، لازم تجهزي.
جميله: ده انا هفجاءك.
(ليسمع شمس رنين هاتفه)
شمس: ده ابوي.
جميله: افتح عليه.

(ليرد شمس علي والده)
شمس: ايوه يا ابوي.
جميله: بصراخ حرام عليك كفايه ضرب! وشي اتشوه، هعملك كل اللي انته عايزه بس كفايه ضرب، اه اه.
(ليضحك شمس ويكتم الضحكه)
عبدالرحيم: عافيه عليك، احسن، ربيها، بت عز ديتي، عشان تحرم تندلي الصعيد تاني.
شمس: ده انا كسرتلك عضمها.
عبدالرحيم: انا جاي ف الطريج، عروستي فين؟
شمس: ملك، ده هيا اللي ربطتها معايا ف الكرسي، وبجيت تضرب فيها معايا، كله لجل عيونك.
عبدالرحيم: بتحبني البت ديه؟ امال ايه، حد يطول عبدالرحيم المحمدي باشا، الصعيد كله.
شمس: اكيد يا ابوي.
عبدالرحيم: انا جاي ف الطريج اهو.
شمس: تاجي بالسلامه يا عريس.
(ليغلق شمس الهاتف مع والده ليتحدث إلى جميله)
شمس: ده انتي ممثله هايله.
جميله: مش بقولك هبهرك؟ ادخل انا جوه اظبط الدنيا.
شمس: خدي اللاب معاكي.
جميله: بت يا ملك، عريسك جاي.
(وكانت ملك تتحدث مع حامد)
حامد: سمعتي جميله بتقولك عريس؟ قصدها علي مين؟
ملك: عبدالرحيم.
حامد: انته بتنسي؟
ملك: بغيره؟ اوعي يا ملك تخليه.
ملك: عارفه من غير متقول.
جميله: تعالي يا ملك عشان تساعديني.
ملك: هقفل معاك دلوقتي، اشوف جميله.
حامد: اول ميمشي كلميني علي طول.
ملك: علم وينفذ يا افندم.
جميله: متخلصي يا بنتي.
ملك: اقفل بقا، سلام.
(لتغلق ملك الهاتف مع حامد وتخرج لجميله)
ملك: عاوزه ايه؟
جميله: ولا حاجه، كنت بغلس عليكي بس.
ملك: طيب انا هوريكي.
جميله: خلاص بجد، تعالي ساعديني اشلفط وشي.
ملك: وانتي طبعا الفرحه مش سيعاكي، العرسان علي بابك.
جميله: ملك، هزعل منك بجد.
شمس: خلصي ياله، علي ما اشوف حبل نكتفوكي بيه.
ملك: احسن، تستاهلي، أنا فرحانه فيكي عشان تبقي تغلسي كويس.
جميله: صبرك عليا، يمشي عبدالرحيم بس، وانا هنفخك.
شمس: متحلصونا.

جميله: تعالي معايا جوه يا عروسه عمي.
ملك: شايف يا شمس؟
شمس: يا بنتي ديه مجنونه، متاخديش عليها.
ملك: فعلا هيا مجنونه.
جميله: تحبو اوريكم المجنونه ديه هتعمل ايه؟
شمس: له خلاص، جلبك ابيض، جميله تعالي انتي كمان.
—
(أما في منزل الحج حامد نجد الجده جميله وصافية جالسين مع الشباب)
الجده: والله جميله وحشتني جوي، عشق.
صافية: وانا كمان.
الجده: بسمه ربنا يوفجها، هيا وشمش، يارب.
نزار: طاب وانا وانتي؟
الجده: نخلصو من المشاكل ديه ونعجدولكم علي طول.
ادهم: وانا.
الجده: وانته يا حبيبي؟
صافيه: انا جلبي متوغوش، خايفه عليهم من عبدالرحيم.
ادهم: متخافيش يا عمتو، انتي متعرفيش جميله ديه، مشكله من مشاكل الزمن.
صافيه: ربنا يحميهم يارب، ويرجعولنا بالسلامه.
الجده: عز فينه؟ مش باين.
ادهم: قاعد مع عمتو إكرام.
الجده: عز حنين جوي، ربنا يصبرك يا إكرام، عبدالكريم طلع واطي وطلجها بعد صبرها ده كله عليه.
صافيه: مجدر ومكتوب يا مرت عمي.
—
(أما في جناح عز نجد عز يجلس مع إكرام)
عز: صدجيني يا بت، ابوي عبدالكريم ميستاهلكيش، اوعاكي تزعلي عليه، واحمدي ربنا انك كشفتيه.
إكرام: كشفته بعد العمر ما عدي وولي، يا خيي.
عز: انا عاوز اقولك علي حاجه.
إكرام: جول.
عز: بصراحه، بسيوني بيحبك من زمان جوي، لكن اول مجرر يتجدملك كنتي اتخطبتي لعبدالكريم، بعدها هو ملجاش امل أنه يتجوزك، جام اتجوز وخلف، ومرته ماتت، وهو لسه رايدك وبيحبك.

إكرام: زي ما انته كده لساك بتحب صافيه ورايدها.
عز: له طبعا، صافيه ايه؟
إكرام: هتخبي علي؟ انا حاسه بيك يا اخوي، وعارفه انك كل متلجاها جاعده ف مكان، تجوم مهمل المكان علي طول، ووشك اللي بيحمر اول متشوفها.
عز: بس ديه محرمه عليا.
إكرام: طاب اجولك علي سر.
عز: سر ايه؟
إكرام: ابوك خلي عبدالرحيم يطلج صافيه.
عز: بفرحه بتجوللي ايه؟
إكرام: اه والله، بجاله ياجي شهرين مطلجها، وهيا نفسها متعرفش، ابوك وشمش وانا بس اللي عارفين، مكانش راضي ف الاول، بس ابوك اداله مبلغ كبير، ومن وجتها وهو مبيجعدش معاها لحالهم، فاهمني انته؟
عز: تفتكري ممكن؟
إكرام: اه ممكن، تتجوزها بس بعد منخلصو من اللي احنا فيه.
عز: طاب، وبسيوني؟
إكرام: يحلها ربنا.
—
(عز: اعتبر ديه موافجه منك يعني؟)
إكرام: جولتلك سببها لربنا.
عز: عاوز اطمن الراجل.
إكرام: جوله.
—
عز: اللي صبرك العمر ده كله، يصبرك شويه كمان.
عز: هو انتي كنتي عارفه ان بسيوني؟
إكرام: اه، عارفه، وكنت موافجه، بس اللي وجف ف طريجنا عبدالرحيم اخوك، عشان يعني بسيوني صاحبك، وعبدالرحيم خلي ابوك ميوافجش، وجاله كمان اني لو اتجوزت بسيوني هو مش هيتجوز صافيه، ويهملنا، نتفضحو ف البلد.
عز: بس بسيوني مجاليش أنه اتجدملك.
إكرام: تلجاه، مش عايزك تشيل من عبدالرحيم اكتر واكتر.
عز: وانتي كتي موافجه ازاي يعني؟
إكرام: هجولك، بعد انته ماهملت البلد ومشيت، روحت لبسيوني عشان يطمني عليك، هو طمني، وجاللي أنه رايد يتجوزني، جولتله لما نطمنو علي عز ف الاول، جاللي عز زين وأحواله تمام، ولما نتجوزو هااخدك مصر تشوفيه، انا فرحت، وجولتله تعالي اتجدملي، ولما روحت البيت حكيت لامي، وجعدت تدعيلك، لكن عبدالرحيم سمعنا وراح جال لابويا ان بسيوني السبب ف طفشانك من البلد، وأنه كمان عاوز يتجوزني، ابوي مرضيش، وحلف ميت يمين أن لو بسيوني اخر راجل ف الدنيا مش هيجوزهولي.
—
عز: يعني عبدالرحيم السبب ف كل ده.
إكرام: عبدالرحيم طول عمره محراك شر، ياما عذب صافيه، وياما ضربها، وهيا يا عيني صابره وساكته عشان عيالها، ولما كانت تجعد معايا كانت تجوللي في حاجه غلط.
عز: مش عفش عشان يهملني، عز طول عمره بيحبني ويخاف علي، ايه بس اللي جري؟
إكرام: وانا عشان وعدتك كت بسمعها، وانا جلبي بيتجطع عليكم انتو التنين.
عز: قلبتي عليا وجع الماضي يا إكرام، اقولك تعالي احسن ننزل نقعد معاهم.
إكرام: صافيه جاعده تحت.
عز: مش قولتي أطلقت خلاص؟ انا هكلم ابوي بعد العده يجوزهالي.
إكرام: ازاي بس؟ وعيالك وشمش؟
عز: ده حلال ربنا، وولادي عمرهم مهيزعلو، لاءن راحتي تهمهم، وشمش راجل وفاهم، تعالي بجا.

إكرام: مالك مسروع كده ليه؟
عز: عشان اول مره من بعد مجيت البلد، هقدر ابصلها واتكلم معاها من غير خوف اني اغضب ربنا.
إكرام: نفسي نفرحو كلنا والغمه ديه تنزاح بجا.
عز: ربنا كبير.
(أما في غرفة جميله، كانت قد أتقنت في وضع المكياج وخرجت علي شمس)
شمس: يخرب مطنك! كانك واخده علجه محترمه، شكلك ملخبط جوي! تعالي يا ملك نربطوها.
ملك: احسن، تستاهل عشان تغلس عليا كويس.
جميله: اصبري بس، بعد ميمشي هوريكي هعمل فيكي ايه.
(وهنا يسمعو صوت طرق علي الباب)
عبدالرحيم: افتح ياشمش، ابوك جاه.
ملك (بصوت عالي): انا اللي هفتح لحبيبي.
جميله (بصوت منخفض): والله لو حامد اخويا سمعك، هيقتلك.
(وبالفعل تفتح ملك الباب لعبدالرحيم)
ملك: نورت قلبي يا بودي.
عبدالرحيم: بودك طاب، مش جدام ولدي.
(ليري عبدالرحيم جميله، ليضحك بصوت عالي)
عبدالرحيم: براوه عليكم، ايوه كده.
جميله (بتمثيل الألم والبكاء): حرام عليكم، ارحموني، فكوني طيب.
ملك: اخرسي يابت، انتي حرمت عليكي عيشتك.
شمس: عارفه لو اتنفستي، هجطع من جسمك بالحته.
عبدالرحيم: استني اصورها وهيا كده، عشان اضحك عجور عليها.
شمس: لوش عاوزه التصوير يا أبا، احسن يوجع ف يد حد ونروحو ف داهيه.
ملك: تعالي يابودي، نقعد احنا ف الفرانده، اصلك وحشتني وعاوزه اتكلم معاك.
عبدالرحيم: ياله يا جلبي.
جميله (في سرها): داهيه تاخدك.
(وبالفعل يدخل عبدالرحيم الفرانده مع ملك)
ملك: انا هعملك بقا عصير فاكهه من اختراعي، عشان خاطر عيونك.
عبدالرحيم: حبيبتي انتي.
—
شمس: باين عليها مش سهله ملك ديه.
جميله: وطي صوتك، احسن يسمعك.
شمس: اه صح، انا مالي بجيت غبي كده ليه.
(لتخرج عليهم ملك بالعصير)
ملك: اتكلمو براحتكم، انا هشغله عنكم خالص.
جميله: قصدك ايه يعني؟
ملك: مقصديش حاجه، انا داخله لعريسي.
(لتدخل ملك)
ملك: احلي عصير عشانك.
عبدالرحيم: تشكري، ملك احكيلي بقا دماغك الألماظ ديه بتفكر ف ايه؟ واحكيلي كمان عن بطولاتك.
عبدالرحيم: اجولك ايه ولا احكيلك ايه؟
ملك: صحيح، هو فعلا عجور ده قريبك؟ طاب لما هو قريبك، ليه يعني والدك يسجن مراته ويقتلها؟
(ليضحك عبدالرحيم)
عبدالرحيم: ابوي مين؟ انا اللي عملت كل ديتي.
ملك: اوبا، انا بقول أن خطيبي سوبر مان.
عبدالرحيم: وديه حاجه حلوه يعني؟
ملك: يعني اشجع راجل ف الدنيا.
عبدالرحيم: طبعا، امال ايه.
ملك: طاب قوللي ازاي.
عبدالرحيم: هجولك كل حاجه عملتها، عشان تعرفي اني مان اللي بتجوللي عليه ديتي.

—
(ونتركهم ونذهب الي شمس وجميله)
شمس: جوليلي يا جميله، انتي دخلتي الصحافه بمذاجك ولا مجموع؟
جميله: بمذاجي طبعا، عشان بحب المغامرات.
شمس: طاب، علاجتك مع اكمل الله يرحمه كانت عامله كيف؟
جميله: احنا متربيين مع بعض وكبرنا سوا، وكان فيه مشاعر حلوه بينا، فا اتخطبنا.
شمس: يعني هو عمره يعني مجرب منيكي؟
جميله: لا طبعا، انا صعيديه يا بابا، وأكمل كمان كان محترم اوي، تعرف لو مكانش خطيبي كنت اتمنيته اخويا.
شمس: لسه بتحبيه؟
جميله: طاب، انته لسه بتحب روضه؟
شمس: اساءلك، تساءليني، هجولك انا… روضه اول حب ف حياتي وام ولدي ومربيها علي يدي، لكن الله يرحمها، والحياه لازم تستمر.
جميله: انا كمان، اكمل كان حبيبي، بس برده الحياة لازم تستمر، وهو طلب مني كده.
شمس: طلب ازاي؟
جميله: جاني ف المنام.
شمس: تحسي أن روضه وأكمل عاوزين يطمنو علينا؟ واكيد طلب منك تجربي مني زي ما روضه طلبت مني.
جميله: ده صحيح.
شمس: طاب وانتي بتفكري ف ايه؟
جميله: انا كل اللي بفكر فيه أني ربنا ينجي الاطفال دول علي خير، وكمان نخلص البلد من كل الاشرار اللي فيها.
شمس: جميله.
جميله: نعم؟
شمس: جصدي انك جميله جوي اسما، وفعلا جميله.
جميله: ميرسي جدا.
(جميله في صوت ماسدج جات علي الجهاز)
جميله: هقوم اشوفها ازاي وانا متكتفه كده؟
شمس: خليكي، هشوفهالك انا.
جميله: طاب بسرعه.
(ليفــتح شمس الموقع ليجد صور اطفال كثيره، ثم ينظر شمس الي الجهاز بدهشه)
شمس: مش معجول، مستحيل.
جميله: مالك؟
شمس: صور بنات الهام مع الاطفال، معروضين للبيع.
جميله: بتقول ايه؟! اكيد اتخطفو من امهم.
شمس: مش عارف، انا لازم اتصرف.
جميله: متخافش، الموقع كده متصل بالمباحث، وهنتحرك كلنا، بس ممكن تقرالي مكتوب ايه؟
شمس: مكتوب أن الاطفال دول للبيع، ومنتظرين الرد بالميعاد.
جميله: احنا هنتحرك اول ماتيجي رساله بالميعاد.
شمس: ميعاد ايه؟
جميله: التسليم والتسلم.
شمس: انا مش مصدج عنيا.
جميله: إنشاءالله هنقدر ننقذهم ونرجعهم لاءمهم.
شمس: ده إذا مكانتش امهم هيا اللي عاوزه تبيعهم.
جميله: مش معقول.
شمس: له معجول، واكتر كمان، الهام طول عمرها زي ابوها، معنديهاش عزيز، إذا كانت جتلت مرتي من غير شفجه.
جميله: ربنا يستر.
—
جميله: بس معقوله في ام تعمل كده ف ولادها؟
شمس: اصلك متعرفيش الهام، غلاويه وحجوده وجلبها اسود.
جميله: طاب هو جوزها فين؟
شمس: جوزها، العربيه ولعت بيه، وكان معاه واحده باينها مرته التانيه ولا ايه.
جميله: يعني الحمدلله مش الهام.
شمس: له، مش هيا، الطب الشرعي عاين، اللي بجي متيهم.
جميله: وانته عرفت منين؟
شمس: حد اتصل بيا، وجاللي عربيت جوز خيتك مولعه، بلغت الحكومه، وهما شافو شغلهم، بس مجولتش لحد، كفايه المرار اللي احنا عايشين فيه.
جميله: شيال حمول انته يا شمس.
شمس: الحمدلله، بس عارفه؟ نفسي ارتاح، وراحتي كت بلجاها مع روضه، من يوم ما راحت، وانا جلبي واجعني.
(لتشعر جميله ببعض الغيره)
جميله: نفس اللي حصلي بالظبط لما اكمل راح، عارف يعني ايه دمه بيجري ف عروقي؟
شمس (ببعض الغيره أيضا): تحبي اعورك بجد؟ عشان هبابه الدم اللي ادهملك يسيلو علي الارض ونخلصو.
(ويتركها شمس ويدخل غرفته، ليتحدث مع نفسه)
شمس: لسه أمه؟ ده انا ليه زعلت لما جابت سيره اكمل؟ ليه حسيت بخنجه؟ وكمان كت غيران عليها؟ معجوله الحب ياجي بسرعه كده؟ وليه بجيت عاوز اجعد معاها دائما؟ وبعدين معاك ياشمش؟ انته ف ايه وله ف ايه؟
—
(كل هذا وعبدالرحيم يحكي لملك عن بطولاته، وماهيا الا جراءم ارتكبها، وهو لا يعلم أن ملك تسجل وتصور كل شيء، والجهاز متصل بالوزير شخصيا)
ملك: كمل كمل، انته بطلي.
(ليضحك عبدالرحيم)
عبدالرحيم: امال لو عرفتي التجاره الكبيره جوي، هتجوللي ايه؟
ملك: تجاره ايه ديه؟
عبدالرحيم: تجاره عيال صغيره، عما نبيعوهم أعضاء، اللي عاوزله عين، ولا جلب، ولا كلوه، كله بتمنه.
ملك (باشمءزاز): ايه ده؟ تجاره أعضاء؟
عبدالرحيم: ومالك جرفتي كده ليه؟
ملك: طاب ممكن خطيبي حبيبي يدخلني معاه؟ انا قبل كده اشتغلت مدرسه ف حضانه، واقدر اجيبلك اطفال كتير اوي.
عبدالرحيم: خلاص، هكلم عجور، اصله شريكي، وهو اللي يعرف الناس اللي بيشترو العيال.
ملك: اكيد دول برا مصر؟
عبدالرحيم: له، ف مصر، مشتشفي كبيره ف…
ملك: فين ديه بقا؟
عبدالرحيم: بتساءلي ليه؟
ملك: عشان اطمن علي حبيب قلبي بودي.
عبدالرحيم: مش عارف، انتي الوحيده اللي جلبي حبك، اجولك؟ تخبري حته ف مصر، اسميها التجمع الخامس؟
ملك: اه، اعرفها، منطقه راقيه جدا.
عبدالرحيم: ما هو عشان كده، الدكتور عساف الدريني، صاحب المشتشفي، بيستلم منينا العيال هناك.
ملك: برافو عليك، بس اوعا تقول لحد، انا اخاف عليك.

عبدالرحيم: ميته، هنتجوزو، مجادرش انا.
ملك: ايه رءيك نتجوز اول الشهر؟
عبدالرحيم: باجي كام علي أول الشهر؟
ملك: مش كتير، وبعدين انا لازم أرتب حالي، وأجهز نفسي، وأبقا حلوه ف عيونك، عشان متبصش برا.
عبدالرحيم: هتصدجيني لو جولتلك انك مليتي عيني وجلبي؟
ملك: تعالي نخرج بقا عشان ابنك ميحسدناش.
عبدالرحيم: انا كمان عاوزه.
ملك: عاوزه ف ايه؟
عبدالرحيم: هخليه يتصل بجده، ويطلب عشره مليون علي البت اللي برا ديه.
ملك: عشره بس؟ اقل حاجه خمسين مليون، والاحسن يتصل باءبوها، عشان هيا غاليه عنده اوي.
عبدالرحيم: بس هيجولهم هو مين؟ انا بعمل العمليه ديه من ورا عجور.
ملك: اقولك؟ انا البت ديه، انا دورت وراها، وعرفت انها كانت عامله مشكله كبيره مع ناس جزارين، وعملت عنهم تحقيق صحفي، وقالت أنهم بيبعو اللحوم المجمده علي انها فريش، وبيدبحو برا السلخانه كمان.
(ليضحك عبدالرحيم)
عبدالرحيم: براوه عليكي، صح، العلام زين يا اولاد.
ملك: انا عنيا ليك، وهنشتري كام بدله كده، ونصبغ شعرنا، عشان بودي حبيبي.
عبدالرحيم (ببلاهه): باين عليكي هتنجريني يا بت.

• لقراءة باقي فصول الرواية أضغط على (رواية أوجاع الماضي)