رواية أسيل ورماح – عروس الصعيد الفصل الأول 1 بقلم حنان محمد

لو عاوز تقرأ الفصول الجديدة من الرواية دي بشكل حصري قبل صدورها

أنضم لقناتنا على تليجرام (من هنا)

البارت الأول

ـ بابا انت مستوعب انت بتطلب مني ايه؟ انت عاوز تجوزني لواحد صعيدي تخليص حق!

رد الأب بأنكسار وقال:

ـ ده دين قديم يا أسيل وللأسف لازم يتسدد

بصيت لبابا بغضب وقولتله:

ـ دين ايه اللي حصرتك بتقول عليه ده! هو انت ليه بتعاملني على إني سلعة

وقف الأب وقال:

ـ أنا قولت إللى عندي .. وجهزي نفسك بكره هنروح لخطيبك (رماح) سوهاج

رديت بذهول:

ـ رماح!! انا هتجوز واحد صعيدي بعمة وجلبية واسمه رماح!!

الأب تجاهل كلامها وقام دخل اوضته وساب اسيل لتفكيرها طول الليل

والساعة 6 الصبح كان بيخبط على باب أوضتها وبيقولها:

ـ أسيل نص ساعة وتكوني جاهزه عشان منتأخرش

وبالفعل بعد اقل من نص ساعة خرجت من أوضتي وأول ما بابا شافني حضني وقالي:

ـ حقك عليا اسيل .. انا ماليش غيرك .. بس ده حكم القوي

رديت عليه بمواساة وقولتله:

– أنا عشانك أعمل أي حاجه يا بابا

***

بعد ساعات وصلت أسيل وباباها سوهاج وكانوا قاعدين في عربيتهم منتظرين رماح

لحد ما أسيل قررت تخرج من العربية تفك جسمها وهي لابسه فستان احمر مخليها شبه الملاك

فلمحها واحد من بعيد فقرب نحيتها وقال:

– وه هو من امتى الحريم بتخرج للشارع بقمصان النوم كده

بابا اسيل خرج من عربيته واسيل بتبص للراجل اللي بيعاكسها بعدم فهم

وبعدين بصيتله بغضب وقالتله:

– ده فستان يا متخلف

الراجل اتعصب اوي من الشتيمة وكان بيقرب عليها وهو بيبصلها بغضب

وفي اللحظة دي جت عربية نص نقل في رجالة كتير راكبين فيها من ورا

ونزل منها شخص أسمر سنه تلاتيني وماسك شومه كبيرة وواقف وراه رجالة كتير ماسكين سلاح

قرب للراجل اللي كان بيعاكسني ووجه العصايه نحيته وقال:

– هو أنت تجرأت واتكلمت مع واحدة من حريم رماح؟

أنا اتخضيت هو ده رماح!! طيب ايه حريم رماح دي كمان!! هو متجوز اصلًا!

وايه السلاح ده كله!

بصيتله باستهزاء وقولتله:

– ايه حريم رماح دي يا بتاع انت؟ انا مش حريم حد

بصلي بابتسامة ساخرة وقرب نحيتي وووو

يتبع ..

رواية عروس الصعيد (أسيل ورماح)

لو عجبتكوا قولولي اكملها

0 0 votes

Article Rating

____

لو عاوز تقرأ الفصول الجديدة من الرواية دي بشكل حصري قبل صدورها

أنضم لقناتنا على تليجرام (من هنا)