رواية بنت الصعيد الفصل الخامس 5 بقلم نادي أحمد

رواية بنت الصعيد الفصل الخامس 5 بقلم نادي أحمد

البارت الخامس

 

البارت الخامس
ملك ضحكت …اااااه دي حركة صح زي فيلم مهمة ف تل أبيب تخطفوني وتشوفوني هاستحمل ولا لا و هاعترف ولا لا فهمتوكو أنا …لا ياباشا متقلقش لو قطعوا رقبتي مش هتكلم
عدنان أو أران …بصلها بصدمة …وبرق لها عينيه عشان تكتم
ملك…ايه بتبصلي ليه مش انتوا تبع حازم باشا😁
وبعدين ملك بدأت تفهم وقالت ف نفسها….يخرب بيت التسرع (التسرع برضو يا ملك🤣)دا شكلهم بجد شكلي كده عكيت الدنيا وانا والواد عدنان هنتنفخ..ربنا يستر
عدنان كان هيشل من الغباء بس اتصرف بسرعة اخد ورقة الجريدة من أيدها وكان بيبصلها وعنيه عايزة تنط تضربها كفين ملك البعيدة بدأت تفهم أنه الموقف حقيقي مش اختبار وفجأة أران يضربها بحتة كف يوقعها ع الأرض وأنفها ينزف دم
احد الضباط….أران لما فعلت هذا ماذا قالت هذه الفتاة

 

أران بص وعنيه بطق شرار …أنها تسخر منا سيدي لقد قالت إننا ندعي أن بلدنا بلد ديموقراطي ولكنها منذ أن وصلت وجدت تفرقة عنصرية فقد جاءت بحثا عن حبيبها وها أنتم تحتجزونها
الضابط اضايق….لكنك اثبت صدق كلامها أران لقد تصرفت بطريقة خاطئة لم يكن ضروري أن تضربها الان وما هذه الورقة
مسك الظابط الورقة وبص لقي صورة ديفيد في الجريدة وكلام مكتوب تحتها
الظابط بيكلم ظابط تاني ….أنه البطل القومي ديڤيد عذرا
وبعدين قال ل آران …اقرأ اران ماذا كتب أسفل الصورة
أران ….أنهم كتبوا أنه تم اكتشاف جاسوس اسرا….ئيلي واستطاع الفرار
ضحك الظابط ضحكة مستفزة جدا….هذا ما باستطاعتهم أن يفعلوه …اتصل ب ديفيد لنري ماذا تخبئ هذه الفتاة
كله دا وملك اخيرا أدركت الموقف ومش فاهمة هما بيقولوا ايه ولا عارفة إذا كان الشاب دا عدنان ولا آران وهو معها ولا معاهم بس عمالة تعيط وجسمها كله بيرتعش
أتصل الظابط ب ديفيد وقاله أنه يحضر حالا من غير ما يقوله تفاصيل وبعد مرور نص ساعة وصل ديفيد شاب طويل بملامح وسيمة عنده ٣٢ سنة ابيض وعنيه ملونة عنده قدرة غريبة أنه يخدع الناس بأنه هادي ووديع وطيب ومش بيخريش ويرسم ع وشه البرأة
دخل ديفيد المكتب وبص لقي ملك وأنفها لسة بينزف اتصدم تفكيره اتشل مش عارف يتوقع هي ازاي وصلت هنا دا هو خلاص حط خطة وكان هيخطفها معقول سمعت صوت صراخ قلبه وجات لغاية عنده بس لحظة هي عرفت منين أنه ديفيد طب وجات ازاي يمكن المخابرات بعتتها وحتي لو بعتتها هخليها ملكي ومش هرجعها تاني …كل الافكار دي بتدور في دماغ ديفيد ف أقل من دقيقة .
بعدها بدأ يقرب ديفيد ببطء لملك وهي بتبصله بملامح جامدة مصدومة لما شافت شريف بلبس ظابط اسرا…ئيلي
مافيش غير دموعها بتنزل من عيونها وجسمها بيرتعش
قرب ديفيد ولمس وشها البرئ اللي كان واحشه جدا وبعدين شدها لحضنه وشد من حضنه ليها بطريقة خنقتها فضلت تزق فيه وبعدها بعد عنها وبصلها تاني ملك طبعا نسيت كل الحوار اللي المفروض تقوله لما تشوف ديفيد واتصرفت من دماغها (وما أدراك ما دماغها🤣)
بصت في عيونه وراحت ضربته حتة كف وقع هيبته ف الأرض ظابط من الموجودين وجه المسدس علي رأس ملك
ديڤيد اتعصب واتحرج قدام الناس بس هو عارف هي ضربته ليه .ف قال للظابط …ابعد السلاح من فضلك .
ملك وهي ب تبكي قالت ل ديڤيد أنا بكرهك أنا جيت انتقم منك
ديڤيد اتصدم ….وفجأة ملك ضغطها ينزل ويغمي عليها بين ايدين ديڤيد ..وآران تقريبا جاله شلل رباعي لأنه عارف أنه ملك ما نفذتش ولا حاجة من اللي اتفقوا عليها
ديڤيد شال ملك …وقال…أنها مسؤوليتي الان أنا سأتولي أمرها
الظابط …أجل سيدي نحن نثق بك

 

وبعد مرور وقت
ملك نايمة علي سرير ديڤيد وهو جمبها فرحان وقلقان ودماغه فيها ميت سؤال عايز يعرف ازاي وصلت عنده بس بدأ يستنتج من لبسها اللي هو لبس ممرضة أنها ممكن تكون جاية ضمن قافلة طبية بس ازاي عرفت أنه ديڤيد
بدأت ملك تفوق وفتحت عينيها وقالت بضعف…ش شريف
قام ديڤيد بلهفة وقال …ملك انتي كويسة
ملك ….بصتله وقالت ….ليه عملت فيا كده ليه هربت يوم فرحنا ليه خليت الناس تتكلم عني وخسرت سمعتي بسببك أنا مش هقدر اسامحك وف نفس الوقت ماليش غيرك ومش قادرة اكرهك (طلعتي معلمة يا ملك واحنا مش عارفين ثبتيه🤣)
ديڤيد….ملك انتي وصلتي هنا ازاي
ملك …بدأت اخيرا تحكي لديفيد الكلام اللي حفظه لها حازم
ملك…بعد ما انت هربت وكل الناس عرفت ..كنت ف يوم في المستشفي لقيت واحدة صاحبتي جايبة لي جريدة وفيها صورتك ومكتوب انك جاسوس اسرا….ئيلي ساعتها حسيت اني هتجنن مش مصدقة حاولت اكرهك بس ما قدرتش وبعدها بدأت المخابرات المصرية تجمع عنك معلومات عرفوا انك كنت خطيبي واخدوني وبهدلوني أسئلة وخلو واحد …سكتت بعدها وكملت بخجل ..واحد كان عايز يغتصبني عشان اعترف بعدها حسيت بالوحدة واني ماليش غيرك والكل بقا بيكرهني وبيشك فيا لأنهم كانوا فاكرين اني بشتغل معاك وفجأة لقيت نفسي باقدم ضمن الممرضين المتطوعين اللي ببسافروا فلسطين وكنت ناوية لازم اوصلك والباقي انت عارفه من لما ركبت عربية الظباط لغاية ما وصلت هنا
ديڤيد عارف اد ايه ملك برئية ومش بتعرف تكدب…فرح جدا وقال لها …اهلا بيكي ف بلدك التاني انتي مش عارفة اد ايه انتي كنتي وحشاني يا ملك انا اصلا كنت بفكر اني هاجيبك هنا بأي تمن ماكنتش عارف أن قوة حبي ليكي تخليكي تيجي لغاية عندي ولسة هيحضنها تاني
ملك….بس انا لسة ماسمحتكش انت ف نظري لسة شريف مش ديڤيد ولازم تستحمل عقابي انت فاهم ..وبعدين لاحظ انك اتجرأت اوي يا استاذ شريف من لما وصلت عندك انت زمان كنت بتخاف تمسك ايدي دلوقتي بقا عايز كل شوية تحضن عشان في بيتك يعني لااااا لو قربت مني تاني هشقك نصين
ضحك ديڤيد …لسة زي مانتي يا ملك ما قابلتش لسة حد شبهك ..وفق وحط أيديه في جيوبه وقال ….ولو أنه هايبقي صعب عليا اشوفك ف بيتي وامنع نفسي اني احضنك بس ما تقلقيش قريب اوي هايبقي من حقي اني احضنك بالقانون تمام اسيبك ترتاحي شوية يلا شالوم ..خرج ديڤيد وعمل شوية اتصالات عشان يتأكد من كلام ملك هو اه بيحبها بس مش مغفل البعيد
اما ملك بمجرد ما خرج ديڤيد اتنهدت بصوت عالي وقالت ….يا لهوووييييي ياما اومال لما اول يوم كده باقي الايام هتبقي عاملة ازاي ..وبعدين فكرت شوية بس نامت من كتر التعب
&&&&&&&&&&&&&&
في حتة تانية
عدنان قاعد بيتكلم في الفون
عدنان …مش ممكن لك انتوا شو سويته يا سيف هاي مانها طبيعية بنوب أنا كنت هتشل اللي ١٢سنة هون ماحدا اكتشف هويتي الحقيقية وهاي بلحظة كانت تهد كل شي لك انتوا كتير غلطانين يا اخي
سيف….جوزيف (جوزيف هو اسم أران الحقيقي هنعرف تفاصيل بعدين) ارجوك خليك معاها لحظة بلحظة اوعي تسيبها أنا عارف انها عفوية عشان كده خايف عليها
جوزيف….خايف علي شو يا حبيبي عليها خاف علينا احنا الاول هاي هبلة وغبية بدون شك
سيف اتعصبت ….جوزيف نفذ اللي بقولك عليه من غير ما تغلط لازم تبقي زي خيالها ..أنا عارف انها مهمة ساهلة عليك يلا سلام..وقفل سيف
&&&&&&&&&&&&&&
عند ملك
……..
قامت ملك اخدت شاور ولبست بيجامة ديڤيد الواسعة جداااا وكانت جعانة جدا نزلت تدور علي اكل
ملك …شريف شريف انت فين دا مش موجود طب استغل الموقف وادور يمكن الاقي حاجة كده ولا كده توصلني للحاجة اللي سرقها وهرب بيها وبعدين سمعت صوت من وراها
……..بلاش تفكري بصوت عالي تاني مرة
ملك الدم وقف في عروقها وقالت ف سرها..اشهد ان لا اله الا الله وان محمد رسول الله …ولفت لقت آران
ملك بصت بغل وقالت….عدنان مش تكح يا جدع دانت كنت هتموتني من الرعب …أنا عارفة اخر المهمة أنا هاتشل أو اتقتل
آران بسرعة قرب عليها وكتم بقها وقال …لك أي غباء يلي فيكي إذا بتقولي عدنان مرة تانية أنا يلي راح قوصك واخلص منك يا كتلة الغباء انتي ..اسمي آران فهمتي ولا شو
ملك….شالت أيده بالعافية من علي بقها….اه فهمت فهمت انت قموص اوي كده ليه…وبعدين تعالي هنا انت جن مسخر ولا عفريت العلبة فهمني لحسن أنا مش قادرة افهم انت بتطلعلي منين
آران ….مش قادرة تفهمي هههههههه ضحكتيني .. لك انتي حبيبتي يلي متلك ما بيفهم بنوب فلا بقا تتعبي نفسك ف التفكير
ملك بغيظ….ماتحترم نفسك يا شبح هو انت بتقطم فيا كده ليه ولا عشان كمني وحيدة هنا وماليش حد😥

 

آران بجدية ….ملك هاي المهمة كتير صعبة ليش انتي مستهترة ها القد أنا بعمري ما داخلت مهمة وفشلت فلو سمحتي كوني مسؤولة شوي
ملك….والله أنا نفسي بجد ابقي زي نادية الجندي في فيلم مهمة ف تل أبيب بس مش عارفة هي مهما كان ممثلة محترفة
آران …أنتي هتشليني بالله لك شو نادية الجندي ونبيلة عبيد انتي ب تهزري ..اسمعي في غرفة هون بالبيت لازم تحاولي تدخليها بأي طريقة من غير ديڤيد ما يشك بس الغرفة دي مقفلولة فوق جوه أوضته شوفي انتي كيف راح تتصرفي ..لو غلطتي غلطة راح اقولك بأرضك من غير شفقة
ملك عنيها دمعت…علي فكرة انت بتخوفني اكتر من ديڤيد
آران…ديڤيد إذا بيعرف شي ب يدفن….وقبل ما يكمل كلامه سمع صوت الباب انفتح ما كانش فيه وقت يهرب من المكان اللي جي منه عشان كده استخبي ورا ستارة
ملك….في نفسها(يالهوووييييي ايه كمية الرعب دي أنا خلاااص اعصابي مش قادرة استحمل )وراحت ناحية الباب لقيت ديڤيد وصل وشكله سكران بص لقاها عاملة زي الهبلة وهي لابسة بيجامته
ديڤيد …ابتسم وبدأ يقرب لها وهو مش واعي لنفسه وملك ترجع لورا
ديڤيد….ابتسم….انتي لابسة بجامتي ليه
ملك….أنا أنا ما مالقيتش غيرها وفجأة ملك وهي بترجع تخبط في الحيطة وهو يحاوطها بإيديه وبيقرب منها جامد
وهي بترتعش
ملك….صرخت ولسه هتستنجد بآران…عد وسكتت
ديڤيد حط أيده علي شفايفها ..وقال…انتي صدقتي اني ممكن ابعد عنك واسيبك ف حالك انتي طيبة اوي يا ملوكة
قامت مسكت أيده اللي بتلمس شفايفها عضتها شال هو أيده وهي جريت
آران متكتف مش عارف يعمل ايه هو عايز يساعدها بس كده كل حاجة هتتدمر..
ملك جريت وديڤيد وراها قام مسكها و رماها ع الكنبة
ملك صرخت وهي بترتعش ….كفاااااااية كفاية أنا كنت حاسة أنه نهايتي هتبقا اغتصاب بس عمري ما اتخيلت انك تكون علي إيدك انت …وبدأت تعيط وديڤيد بدأ يدرك اللي بيعمله وندم
ملك وهي بتعيط أنا مش ممكن اقعد معاك لحظة أنا بكرة هامشي من هنا انت عايز تغتصبني
ديڤيد قوم ملك وعدل لها البيجامة وقال…ملك انتي لسة عندك فوبيا من موضوع الاغتصاب …أنا اسف يا ملك ماكنتش ف وعيي…اوعدك مش هتتكرر تاني ملك انتي مش هتمشي …وبدأ يرسم البرأة والطيبة علي وشه…أوعي تغيري فكرتك عني أنا مش وحش ولا حيوان فاهمة تعالي فوق
ملك….لا أنا هاطلع وحدي
ديڤيد….زي ما تحبي
آران…من ورا الستارة …غبيةةة ليش ما خلتيه يوصلك مشان كنت أنا هربت…بس منيح أنه هي عرفت تتصرف ..وشكله هاد ديڤيد كتير واقع ف حب هاي الغبية…وبعدها قعد آران ساعة ورا الستارة لغاية ما ديڤيد قرر يطلع اوضته
&&&&&&&&&&&&&&
في الصبح ف حتة تانية
نزل من العربية شاب طويل ولابس لبس غريب جدااا شعره اصفر شكله يدل أنه اجنبي ..و العربية دي كانت شاحنة فيها خمور وقفت قدام نادي ليلي
خرجت واحدة من النادي دا وقربت علي الشاب وحضنته ..البنت دي ملامحها قوية جدا عندها ٣٠سنة بس ملامحها قاصية ويبان عليها الإجرام…هي صاحبة النادي الليلي وهي يهو….دية من اصول عربية
البنت ….أوه جاك لقد اشتقت اليك كثيرا
جاك(سيف) (صبغ شعره يا بنات اصفر )….الم تكفي عن قول هذا لقد أحضرت لكي طلبية الخمور من اجود الخمور في العالم
أديرا …..اعلم ذلك فأنت من أكفأ من تعاملت معهم ..
سيف…..اريد أن اتارح قليلا هناك حفلة كبيرة هنا الليلة اليس كذلك سنتسلي
أديرا …ضحكة بخبث ….نعم هناك حفلة واعلم نواياك ..هذا مفتاح غرفتي اذهب وسأتبعك
سيف….الم تيأسي أديرا
أديرا ….يا لك من متحجر القلب جاك
جاك(سيف)…ويا لكي من طموحة …نحن ندفع لكي الكثير
أديرا …وانا مستعدة بأن اقبل الأقل إذا كنت أنت لي
سيف…..كفي عن قول هذا ايتها القوية سأنام في أي مكان آخر….وسبها ومشي (جدع يا سيف 🤣)
&&&&&&&&&&&&&&&&
عند ملك
صحيت ملك مرهقة من النوم وفجأة …..اعاااااااااا انت مين وايه اللي دخلك هنا وانا قافلة الباب بالمفتاح
ديڤيد…..استنيت لغاية ما تصحي عشان اعتذرلك ..أنا اسف يا ملك اوعي تكرهيني ..أنا حضرت الفطار تحت انزلي افطري وانا خارج رايح الشغل
ملك…..بصتله وما رديتش وهو ابتسم وسابها ونزل ..
وبعدين فجأة يلاقي واحد مستنيه تحت
الراجل …بغضب …صباح الخير ديڤيد
ديڤيد…..صباح الخير سيدي ..تفضل
الراجل …..هل ما سمعته صحيح انت تخبئ فتاة مصرية في منزلك الم ننهك عن فعل هذا من قبل هذا خطأ كبير ديڤيد وستخسر كثيرا
ديڤيد ….سيدي أنها الفتاة التي احببتها وكنا علي وشك الزواج ولكنكم اختطفتموني يوم زفافنا وها أنا استرجعها الان وانتظر موافقتكم علي زواجنا
الراجل ….ولكنك تعلم أن الونا ابنة الرئيس تحبك وتريد ان تتزوجك ..هذا لم يكن في صالحك ابدا ديڤيد فكر جيدا
ديڤيد ….سأحل المشكلة بطريقتي واطلب الصفح من الرئيس
وأثناء ما بيتكلموا ملك كانت واقفة تتصنت ماهي دراسة عبري بقا🤣

 

ملك..في نفسها وهي خلاص حرمت تفكر بصوت عالي …يا ختااااااااي مش فاهمة ولا كلمة من اللي بيقولوا هما بيسرعوا ليه كده ف الكلام حد بيجري وراهم وهما بيتكلموا طب اعمل ايه يا ربي دا والواد آران لو عرف أنه حد جي هنا وانا ما عرفتش افهم منه حاجة هيوقصني اه اكيد هيوقصني زي ما قال
وبعد تفكير طويل
خلاص انا اروح اجيب الموبايل واسجلهم
الراجل ل ديڤيد…..سأسدي لك نصيحة أخيرة قبل أن اغادر بامكانك أن تتسلي بها كيفما تشاء وبعدها اقتلها و خلص من هذا الحب الذي يجلب الذل
ديڤيد اتعصب….انت تعرف أن هذا لن يحدث وتعرف أيضا أن الورق مازال معي ..وافقوا علي زواجي من الفتاة وسأعطي لكم ما تريدون
الراجل بص بعصبية وخرج وبعدها ديڤيد اتعصب وخرج وراه
ملك .للموبايل….اووووف اخيرا لقيتك انت كنت مستخبي ف اي حتة ..يا مسهلللل يا رب أعني ف مهمتي
نزلت ملك تاني
ملك…يا وقعة سودة هما ميشيوا ولا ايه ليه الاستعجال دا ..كده آران هيقوصني
وفجأة باب البيت ينفتح وتدخل بنت
الونا…..ديڤيد ….اين انت حبيبي
بصت الونا لقيت ملك وقالت بغضب
من أنتي وكيف لكي أن تدخلي هنا
ملك …..انتي مين يا بطة وازاي تدخلي هنا من غير احم حتي
الونا منعنعة اوي بت الرئيس ….يا الهي فتاة عربية وخافت وطلعت تجري
&&&&&&&&&&&&&&&&
في المساء
رجع ديڤيد ومعاه هدوم لملك وفستان سهرة جميل ومحتشم هو عارف ذوقها
ديڤيد ….ملك انتي لسة زعلانة مني قلبك ابيض بقا زي ما بتقولوا ف مصر مانا معذور برضه ازاي اشوف ملاكي قدامي واكون هادي
ملك………
ديڤيد……برضو مش عايزة تكلميني طب يلا هنخرج في مشوار مهم لازم نروحه هنقابل شخصية مهمة رجل دين هيساعدنا عشان القيادة توافق أننا نتجوز عايزك عاقلة وشطورة فاهمة
ملك….اترعبت من فكرة الجواز بس حاولت ما تبينش
وفعلا ملك لبست وخرجوا
&&&&&&&&&&&&&&&&
وصلوا النادي الليلي بتاع أديرا
دخلوا وقعدوا علي ترابيزة مع الرجل اللي قال ايه مهم😏
وفجأة سيف يلمح ملك قاعدة معاهم هو ماكانش مخطط أنه ملك هتيجي وجري علي أديرا وقال
لقد تغيرت الخطة أديرا لا تضعي حبوب الهلوسة في المشروب
أديرا …..لماذا جاك
سيف….هذا ليس من شأنك
سيف وهو راجع ملك بقيت تبرق وتقول في نفسها ….فعلا يخلق م الشبه اربعين الواد الملزق دا شبه سيف …سيف واحشني أوي
سيف اتجاهل نظراتها رغم أنه كان هيتجنن ويكلمها ويطمن عليها
بس جاتله فكرة وخرج برا ورجع بعد شوية وراح لاديرا واداها جباية تحطها ف مشروب ملك
عند ملك… ديڤيد عمال يعطف ويلطف ويشكر ف ملك قدام الراجل وفجأة يوصل المشروب
ملك مسكت مشروبها وحطته كله علي بقها نزلته فاضي من التوتر
سيف كان مراقبتها وقال في نفسه ….يخرب بيت غباءك يا ملك كنتي شربتي شفطة وخلاص
ملك بدأت تحس احساس غريب وبطنها بتوجعها وقالت ل ديڤيد …شريف …أنا حاسة اني… اني عايزة وفجأة فضلت ترجع علي رجل الراجل المهم اللي قرف واشمأذ منها
ديڤيد أنصدم ومش عارف يعمل ايه
الراجل برق بعنيه وقال……….يتبع

 

 

 

• لقراءة باقي فصول الرواية أضغط على (رواية بنت الصعيد)