رواية فاتورة حب الفصل السادس 6 بقلم جنى أحمد
رواية فاتورة حب الفصل السادس 6 بقلم جنى أحمد
البارت السادس
كان في شخص متسلسل على هيئة دكتور بيمشي في المستشفى متجه لغرفة الشوفير العساكر ممنعهوش لانهم فكروه دكتور
كان الشوفير فاق وبياخد نفسه بصعوبة واهله طلعوا برا ظناً منهم ان الشخص دة هيديله دواه
طلع حقنة من جيبه وفتح الكانيولا ودخل الحقنة ولسة هيحطها
العسكري : يونس البيه الدكتور منبه محدش يدخل دلوقتي
يونس وهو بيقلع النضارة : مش هاخد من وقته كتير ومش هدايق الدكتور في حاجة
ودخل يونس وادهم والشخص اول ما شافهم طلع الحقنة من الكانيولا وحطها في جيبه برعب وايد مرتعشة ووشه جاب عرق
ادهم استغرب خوفه الشديد ورعشة ايده اول ما شافهم ،
ويونس لاحظ ان مش دة الدكتور اصلا اللي ماسك حالته
ادهم وهو بيستدرجه في الكلام : هو مش دة شغل الممرضين بردوا ولا ايه وحضرتك معطتلهوش الحقنة ليه
الشخص بخوف وتهتهة : هااا …. عا..دي يعني هد..يهاله دلوقتي
يونس حس ان دة مش الدكتور لان مش شكله خالص وكمان اول ما شافهم اترعب وخاف وايده اترعشت وحط الابرة بسرعة في جيبه فكمل كلامه عادي عشان ميشكش في حاجة
يونس بنفي : متديهوش الحقنة دلوقتي يا دكتور عايزينه في كلمتين
الشخص بخوف ليعترف الشوفير : بس لازم ياخد الحقنة دي في معادها دلوقتي
يونس بنظرة ثقة : احنا مش هناخد من وقتكم كتير هما دقيقتين وبعدين تقدر تديله كل ادويته
ويونس كان لسة هيبدأ كلام مع الشوفير دخل ساعتها الدكتور الحقيقي للشوفير واللي ماسك حالته
الدكتور بإستغراب للشخص : انت مين اول مرة اشوفك هنا ؟ ،
انا اللي ماسك الحالة دي مين عطاك الحق انك تدخله
ادهم بتساؤل : هو كان بيديله حقنة بس مخدهاش احنا قاطعناه
الدكتور بصدمة : مافيش دكاترة بتدي حقن ومين اللي اذنلك بنوع حقنة تديها لمريضي! ، لازم اشوف نوع الحقنة دي.
وشاف الحقنة وعينه اتسعت بصدمة وقال : دي حقنة سـ،،ـم!!
(طبعاً كل دة والشوفير مش بيتكلم لان الحر،،وق مأثرة على الأحبال الصوتية)
فجأة الشخص دة طلع يجري وجريوا ادهم ويونس وراه وادهم كان سابق يونس بشوية لحد ما طلعوا برا المستشفى وقدر يمسكه ،
لكن الشخص دة ضر،،به بمطـ،،ـوة في دراعه ،
اتأوه ادهم بألم وفك قبضات ايده من عليه وجري الشخص لكن وهو بيبص وراه اتكعبل في طوبة ، وقع الشخص على الارض وهو ماسك رجله وبيتأوه بألم ،
طلع يونس الكلبـ،،ـشات من جيبه وحطها في ايد الشخص : مفكر نفسك هتقدر تهرب مننا ولا ايه؟..
وعربية الشرطة في ساعتها قبضت عليه
يونس لأدهم بقلق : انت كويس؟!
ادهم بألم و وشه عرقان : عايز ادخل المستشفى حالاً ويخيطولي الجر،،ح
يونس اومأ له وسنده لحد ما دخلوا المستشفى وخد بنج وخيطوا الجر،،ح
استغفر الله العلي العظيم واتوب اليه🦋
♕♕♕♕♕♕♕♕♕
بقلمي جنى احمد🤍
بعد مرور ساعتين من الوقت
كان ادهم قاعد على السرير لكن مش نايم وفارد ضهره لا قاعد بس
ادهم بغموض : الواد دة وراه حكاية كون اللي هو عايز يقـ،،ـتل الشوفير يبقى اكيد تبع المجـ،،ـرم وهو اللي خلاه يقـ،،ـتله عشان الشوفير ميتكلمش او يقول حاجة كدة ولا كدة
يونس بهدوء : انا اصلا اول ما شوفته مرتحتلهوش من ساعة توتره ورعشة ايده والحقنة كل دة مدخلش دماغي بس خليته يجيب اخره
ادهم وهو بيقوم بتعب : لازم نروح نحقق معاه دلوقتي عشان دة اللي هيوصلنا للمجـ،،ـرم
يونس برفعة حاجب : ايه بس حيلك حيلك انت ناوي تيجي معايا ولا ايه
ادهم بعدم فهم : اومال هروح الساحل يعني! هاجي معاك طبعاً
يونس بصدمة : نعم ياخويا دراعك لسة متخيط من شوية وجر،،حك لسة طري وتقول هاجي معاك
ادهم بضيق : يونس انسى وشيل من دماغك اني مجيش انا هاجي وهحقق ومش خد،،ش يعني اللي يقصر فيا.
يونس بنفي : ادهم عشان خاطري روّح دلوقتي ريّح حتى انهاردة ولو في اي تطورات هكلمك متخافش
ادهم بعناد : لا هاجي ولازم اروح معاك…
يونس بعصبية : والله ما انت جاي وهتروح بيتك وبكرة تيجي
ادهم بعصبية زيه : طب حلفان على حلفانك لاجي هااا
يونس وهو بيشد شعره بخفة : لا إله إلا الله تعالى جتك الهم انا عارف ان كل الكلام دة مش هيحوق معاك وهتعاند وتيجي
ابتسم ادهم له وقال : خلاص يبقى نروح بعربيتي وانت اللي تسوق عارف ان عربيتك ادشملت
بصله يونس بضحك وكمل بجدية : انا بردوا نبهت عليهم ميدخلوش اي حد غير الدكتور ويكون معاه كرنيه او اثبات
ادهم بإبتسامة : كويس اوي ، يلا بقى نروح ونبطل رغي.
لا إله إلا الله وحده لا شريك له🦋
♕♕♕♕♕♕♕♕
بقلمي جنى احمد🤍
وركبوا العربية ويونس اللي كان بيسوق ووصلوا للقسم ويونس دخل مكتبه وكان بيتفق مع ادهم على شوية حاجات وخطط تتعمل واتجهوا لغرفة التحقيق
كانت غرفة معتمة مافيهاش غير لمبة منورة نور بسيط لكن واضح وترابيزة وكرسيين وكاميرة مراقبة كانت الغرفة متحاوطة بإزاز شفاف بحيث اللي برا يقدر يشوف ويراقب
دخل يونس بهيبته المعتادة وقعد وكان بيبصله بنظرات قوية لكن دبت الرعب في قلبه
يونس بصوت هاديء لكن مرعب : خلاص انت اتكشفت وملكش مفر تاني يا تعترف يا ،
انت عارف بقى الباقي مش محتاج اعرفهولك
الشخص بخوف لكن اسطنع الثقة : انا معنديش كلام اقوله ولو في كنت قولت من بدري
يونس بهدوء منافي براكين الغضب اللي جواه : لا في وفي كلام كتير كمان اصل محدش هيعوز يقـ،،ـتل واحد بحقنة سـ،،ـم كدة من غير سبب اكيد حد وزه
الشخص وهو بيغمض عينه يقلل توتره واتكلم بثقة مزيفة : مش هعترف بحاجة ومش هقول حاجة
بصله يونس نظرة مطولة وبعدين ضرب على الترابيزة بشدة واتكلم بصوت عالي وعصبية : لا هتعترف وتقول ورجلك فوق رقبتك ورحمة امي ما هسيبك غير لما اعرف وراك ايه
ادهم في مسجل الصوت المتوصل في الغرفة : يونس اهدى كدة
يونس شرب مية وغمض عينه واتكلم بهدوء : عشان تبقى عارف الموضوع دة فيه تعدي على ظابط وليه عقوبة وفي قتـ،،ـل لما كنت هتقـ،،ـتله بالسـ،،ـم وفي الشروع في قتـ،،ـل لما كنت بتساعدهم على قتـ،،ـله ،
وسجن ومرمطة وممكن مؤبد والله اعلم تكون فيها اعد،،ام
انا بعرفك بس عشان متداريش على اللي ممشيك
الشخص خاف جداً وحس ان هو هيروح في دا،،هية وخلاص مافيش كذب وكل حاجة انكشفت
الشخص بخوف : انا لو اعترفت البيه هيقـ،،ـتلني ويقـ،،ـتل اهلي كمان
يونس قام وفضل يلف حواليه : مافيش كلام من دة احنا مش عايشين في غابة احنا عايشين في دولة القانون بيحكمها صدقني لو اعترفت هتجيب حق واحدة ملهاش ذنب اينعم غلطت بس مش جزاتها القتـ،،ـل لكن لو معترفتش مش هيفيدك بحاجة غير السجن طب و ليه..!
هااا قدامك خيارين يا تعترف وتريح نفسك وتطلع من هنا بس هتتعاقب طبعاً انت شاركت معاهم ولسة هيكمل
الشخص بخوف : انا ماشركتش والله انا كنت بداري عليهم وكنت هموت الراجل دة بس مماتش
يونس وهو بيرجع لكرسيه : بس كان ممكن يمو،،ت ودي كانت نيتك وكمان بتخفي آدلة ممكن توصلنا للمجـ،،ـرم
الشخص بخوف شديد : خلاص انا هعترف بس بالله عليكوا احموني واحموا عيلتي.
يونس بثقة وهو مركز : اوعدك اننا هنعمل قصارى جهدنا عشان نحميك انت وعيلتك بس تعترف
الشخص بخوف : الواحد دة قَتـ،،ـل واحدة عشان حملت منه بطريقة غير قانونية وفضلت تهدده يا يتجوزها يا تفضحه وتقول للناس وهو خاف طبعاً على سمعته وهو راجل مشهور فراحلها البيت بليل معرفها انه هيقعد معاها وكدة وحصل اللي حصل
يونس بهدوء : كل دة كنت متوقعه وعارفه كمان…! ، كمل..
الشخص شرب مية وكمل كلامه : ولما عرف ان جنابك ظابط شاطر وماسك القضية خاف وقال يقتـ،،ـلك ويخلص منك وبوظ فرامل عربيتك وحصلت هجوم بين الرجالة والشوفير بتاعك اللي كانوا مفكرينوا انت.
ولما عرف ان الشوفير اتصاب بس لكن لسة عايش قرر انه يبعتني عشان اخلص عليه وبكدة يكون خفى كل الآدلة اللي عليه
يونس بغموض : وطبعاً انت عارف الشخص دة مكانه فين بالظبط حضرتك زي الشطور هتقولنا مكانه فين
الشخص بخوف : هو قاعد في حارة شعبية مؤقتاً لحد ما ناس يخلصوله اجراءات السفر برا
يونس وهو بيقوم : بكرة اول ما النهار يطلع تكون موديني المكان اللي هو فيه دة
الشخص بخوف : حاضر يا حضرة الظابط
يونس كان لسة هيمشي لكن وقف ورجع بصله تاني : قسماً بربي اللي خلقني وخلقك لو عرفت انك بتكذب عليا ولا لعبت بديلك كدة ولا كدة ،
لأنا بقى اللي اوريك المُر بأنواعه … وطلع
سبحان الله وبحمده سبحان الله العظيم🦋
♕♕♕♕♕♕♕♕
بقلمي جنى احمد🤍
كانت سلسبيل وضحى ونهاد وصلوا الحارة وطلعوا غيروا هدومهم واستحموا ورجعوا حاجتهم وهدومهم تاني مكانهم وناموا بعمق وتعب ليستعدوا ليوم جديد
تاني يوم الصبح
هلّ الصباح واشرقت الشمس لتعلن يوماً جديداً
صحيت سلسبيل اتوضت وصليت وقامت جهزت الفطار وصحيت الباقي وقاموا اتجمعوا على ترابيزة الاكل
نهاد بإبتسامة : صباح الخير يا بنات
ضحى وسلسبيل في نفس الوقت : صباح النور يا ماما
سلسبيل بهدوء : اما انا هاكل وانزل ادي لعم محمد فلوس الايجار بتاعته
نهاد : طب استني انا كمان هاكل واجي معاكي
سلسبيل بنفي : لا انا هروح لوحدي الموضوع مش محتاج يعني دة تحت وبالمرة افتح المحل بس انتي اللي هتنزلي تقعدي لاني عندي مذاكرة
نهاد بإبتسامة : طيب يا سلسبيل بس متعليش صوتك واحترمي نفسك انا عارفة انه مستفز بس اهدي كدة
سلسبيل بثقة وضحك : متخافيش عليا بتك ميتخافش عليها
نهاد بضحك : لا ياختي انا خايفة عليه هو مش عليكي
ابتسمت سلسبيل وقامت غسلت ايدها ولبست ونزلت
سلسبيل بهدوء : سلام عليكم يا عم محمد
محمد برفعة حاجب : عليكم السلام ورحمة الله وبركاته
سلسبيل بغيظ : لا ياخويا افرد وشك كدة متتلويش عليا
خد دي فلوس الايجار
محمد بفرحة وهو بيعد الفلوس : بجدد فلوس الايجار جت قبل الاسبوع
سلسبيل بتنهيدة : شوف ازاي اهم جولك قبل معاد المهلة
ومشيت سلسبيل من قدام القهوة وكان متابعها احمد ودخلت سلسبيل المحل بتاعها اللي قدام القهوة
كانت في عربية داخلة الشارع وتليها عربية اخرى واللي كان قاعد يونس في مقدمة العربية وبيسوق وجمبه ادهم ووراه الشخص وكانت الكلبـ،،ـشات في ايده يونس ركن العربية ومسك الفون وخلى الشخص يرن عليه
الشخص بخوف وهو بيبص ليونس : الووو ازيك يا بيه انا محتاجك ضروري وانا تحت البيت دلوقتي
مجهول بعصبية : جاي ليه يا زفت دلوقتي وبعدين مش تقول انك جاي ومش هينفع انزلك انا بقول يا حيطة داريني
الشخص بتوتر: معلش يا بيه انا مش هينفع اطلع عشان محدش يشوفني ويشكوا انزل جنابك دقيقة وهقولك على حاجة مهمة
مجهول بتذمر : والحاجة المهمة دي مينفعش تتقال في التليفون
الشخص وهو بيسمع كلام يونس بصوت واطي : لا مينفعش الله واعلم يمكن التليفونات متراقبة
زفر المجهول بملل وقفل ونزل وهنا ساعتها كان يونس بيطلع من العربية وادهم مجهز الكلبـ،،ـشات
هنا سلسبيل بصيت على العربيات ودققت في الشكل
سلسبيل بصدمة : ايه دة ، دة يونس اخو عائشة ودة جاي يعمل ايه هنا وايه العربيات دي كلها
سلسبيل بصوت عالي وهي بتجري على يونس : حضرة يوونس حضررة الظااابط يووونس
هنا سمع المجهول الصوت وبص للظابط بخوف كان هيهرب بس لقى المكان محاصر طلع من جيبه مسـ،،ـدس وداس على الزناد و…
يتبع…..
*أمسح ذنوبگ*
*قال رسول الله ﷺ { من قال حين يأوي الى فراشه : لا اله الا الله وحده لا شريڪ له له الملڪ وله الحمد وهو على ڪل شيئ قدير لا حول ولا قوۃِ إلا بالله العلي العظيم ، سبحان الله والحمد لله ولا إله إلا الله والله اڪبر ، اللهم أجعل همي الاخره*
*غفرت ذنوبه وخطاياه وإن ڪانت مثل زبد البحر*💗
البارت دة هدية تعويضاً عن البارت اللي فات لانه كان صغير عشان كنت تعبانة🥹♥
تفاعل حلو على البارت دة عشان التفاعل على البارت اللي فات قليل اوي ودة زعلني جامد🥹
كومنت لطيف زيكوا يا حلوين وتفاعل جامد.
ياريت تقبل يا ادمن لوسمحت.
- لقراءة باقي فصول الرواية أضغط على (رواية فاتورة حب)