رواية احببت متمردة الفصل الخامس والثلاثون 35 بقلم أسماء السيد

الدكتوره برعب:الحق يارعد بييه قلبها وقففف

الجميع اتصدم ورعد حس انه اتشل وروحه طلعت وبصلها بذهول وجري علي جوا ولاقا الممرضين حاولو بصاعق

ومفيش استجابه ودخل وراه يونس والممرضين مرضوش يدخلو حد تاني

رعد بجنون ورعب:مستحيييل ملاك مش هتسبني

وقرب واخد الجهاز من الممرضه بجنون وهما خافو منه وبعدو وهو بدأ ينعش قلبها وهيا كانت بتترفع من علي السرير وتنزل وهو بيحاول

رعد بوجع وعدم استيعاب:لاء ونبي لاء ملاك استحلفتك بالله الي انتي عرفتيني طريقه لتقومي مش انتي قولتيلي ادعي وربنا هيديك الي بتتمناه يارب يارب خليها تقوم يارب لاء مش هقدرر

ورما الجهاز وقرب وبدأ ينعش قلبها بإيده كذا مره وهو بيترعش ومنهار لاول مره

يونس بجنون ووجع :لاء اوعا كدا ملاك …..وانهار علي الارض من الحزن والصدمه ورعد مستسلمش وبقا يحاول ينعش قلبها لدرجه ان الممرضين والدكتوره عيطو من منظره الي يوجع القلب

فجأه جهاز القلب بيجيب نبض تاني

الدكتوره بفرحه:رعد بيه قلبه نبض تاني

رعد بصلها وبص للجهاز بعدم تصديق وحط ايده علي قلعا تاني ولاقه بينبض ويونس جري عليها ولاقا الجهاز نبض

رعد بوجع ومسح دموعه ولكن بإبتسامه:كنت متأكد انك مش هتسبيني

الدكتوره قربت وفحصتها وظبطت الاجهزه عليها تاني كويس ويونس خرج وبلغ العيله الي كانت لسا تحت الصدمه ورعد خرج برا الغرفه ومكلمش حد وبرا المستشفي

كلها

قاسم بفرحه:بجدد يعني نبضها رجع تاني

نيره بسعاده:الحمدلله يارب

جميله ابتسمت بحب:اللهم لك الحمد يارب

خرجت الدكتوره وهما قربو منها

محمود:هيا كويسه دلوقتي يادكتوره

الدكتوره بإبتسامه:الفضل يرجع لربنا ثم رعد بيه هو الي مستسلمش وانعش قلبها علي اخر لحظه ودي معجزه اول مره اشوفها في 20سنه طب

ابتسم الجميع معادا هنا الي كانت بتغلي وخرجت برا المستشفي كلها

@@@@@@@@@@@@@@@@@@@@@@

عند رعد ..كان ماشي علي رجله وما اخدش عربيته حتي

وكان زي التايه لاول مرره

رعد بغصه وجع:اول مره تبقا ضعيف كدا بس متنكرش انك غلطان اشكي لميين انا بعدك

ابتسم فجأه وافتكر حاجه:انا عارف انا هروح لمين يسمعني

وفضل ماشي لحد مالاقا مسجد دخل رعد لاول مره في حياته وقلع جزمته برا ودخل وحس برتياح اول ماحط رجله داخل المسجد ولاقا راجل مسن قاعد بيقرأ قرأن علي جمب فقرب منه

رعد بهدوء:لو سمحت يا حاج ممكن اعرف اتوضي منين

الرجل رفع بصره وبصله بإبتسامه هاديه وطيبه:من هنا يا ابني يمين

بص رعد مكان ماشاور واكتفي انه يبتسمله واتجه للمكان

واتوضي وطلع واستقام وبدأ يصلي لاول مره في حياته في مسجد

قال وهو ساجد ودموعه نزلت:ياررب انا جيت اتأسفلك يارب انت عطتني نعم كتيير اوي ونجتني من حاجات وحشه كتير وانا كنت بردلك دا بلمعاصي فيارب اللهم اني اعلنت التوبه من جميع المعاصي الي انا عملتها شكرا يارب شكرا علي كل الخير والنعم الي في حياتي واكبر نعمه وهيا ملاك انا عارف اني غلطت يارب تسامحني يارب قومهالي بسلامه يارب انك غفوراً رحيم..

وبعد مده بيخلص صلاه وبيحس انه مرتاح وكأنه طاير

وفضل قاعد يستغفر ويدعي زي ماملاك علمته وماقامش علطول بس فجأه لقا الراجل الكبير والي كان امام الجامع قعد جمبه بهدوء

الامام بإبتسامه بشوشه:حرماً

رعد بصله بستغراب ومكنش عارف يرد

الامام بضحكه هاديه:لما حد يقولك حرماً تقوله جمعاً يا ابني شكلك جديد في الاسلام

رعدبإحراج:لاء انا مسلم بس زي ماتقول كدا مكنتش اعرف حاجه عن الاسلام واادين خالص بس الحمدلله ظهر في حياتي ملاك من السما وبدأ يعلمني

الامام ضحك بخفه وهدوء:مالك يا ابني حاسك شايل هم مايتلم علي دماغك مش كدا

رعد اتنهد بوجع:الصراحه ااه انا غلطت غلطه كبيره وبسببي مراتي في العنايه المركزه ومش عارف اعمل ايه

الامام حط ايده علي كتفه الصلب المعضل:واضح ان جسمك قوي جدا وانك ذكي جدا كمان بس ناقصك حاجه واحده بس

رعد بصله بستغراب: تقصد ايه

الامام بهدوء:ناقصك إيمان يا ابني لازم تكون مؤمن بربنا الواحد الاحد ومن اركان الايمان الصدقه فتصدق لوجه الله

وشوف عجائب قوته بعدها وابشر يا ولدي

رعد ابتسم وشكره وباس راسه بهدوء وامتنان وخرج بسرعه

@@@@@@@@@@@@@@@@@@@@@@

بعد مرور اسبوع ….

كانت ملاك لسا مافاقتش وكل يوم رعد عندها وبينام في المستشفي جمبها ويونس كل يوم بيروحلها واياد ساعات كتيير بيروح يتطمن عليها وحسام كل يوم بيروح يتطمن عليها وعلاقته اتطورت هو وريم ومايا كانت مقهوره ان الي هيا بتخططله باظ وعاصم ساب مصر خالص وساب قلبه مع ملاك ومشي عشان تكون سعيده بس والعيله كلها اتغيرت مع مايا حتي نرمين الي بقت دايما سرحانه وساكته وهنا الي اختفت من اسبوع ومظهرتش وواضح انها بتخطط لحاجه

%%%%%%%%%%%%%%%%%%%%%%%

في قصر النجار ……..وتحديدا علي الغداء

بيكون متجمع الجميع معادا يونس

قاسم:عملت ايه في المستشفي يااياد

اياد بحزن:لسا علي نفس وضعها ورعد ياحبيبي كل يوم عندها وبايت معاها

قاسم بستغراب:هو اييه سبب ان هيا يجرالها كدا

محمود بتنهيده حزينه:جالها نوبه هلع وخوف من الضلمه ف انهارت

بص الجميع لبعض وسكتو ومحمود حط وشه في الارض

مايا بلامبالاه:متقلبوش هتقوم هيجرلها ايه يعني

نرمين بإنفعال وحده لاول مره :انتي معندكش قلب

اتصدم الجميع وبصو لبعضهم بذهول حتي مايا ذهلت ونرمين بصتلها بضيق وخرجت من القصر

حسين بذهول:هيا هيا دي ومكن

قاسم بدهشه:ااه والله ما انا مصدق

@@@@@@@@@@@@@@@@@@@@@@

في المستشفي…وتحديدا في غرفه ملاك

كانت لسا نايمه زي ماهيا ملامحها حزينه ورعد كان في الشركه زي كل يوم وبيرجع ينام جمبها بليل

فجأه الباب بيتفتح والصدمه لما بتدخل نرمين الي اول مره تزورها او تحس بمشاعر الامومه نحيتها

قربت وقعدت علي الكرسي بجانبها ومسكت ايدها لاول مره ومشت ايدها علي شعرها الناعم لاول مره في حياتها

وكانت بتبكي في صمت

نرمين بدموع وصدق:سامحيني انا عارفه انك زعلانه مني وان وجعك مني في كفه ووجعك من كل الناس والعيله في كفه صدقيني انا مكنتش بكرهك بس كنت بحس منك بنفور والله ما اعرف لييه انا عارفه اني غلطت في حقك كتير ياقلب امك يمكن اول مره اقولهالك بس والله العظيم انا اتغيرت اوي وبقيت بحبك جدا ابوس ايدك فوقي وزعقي واتعصبي واعملي الي انتي عاوزه… وباست ايدها

مرات متعدده

نرمين وهيا اول مره تدقق في ملامح ملاك البريئه:انتي طلعتي جميله اوي ياملاك انا كنت غبيه اوي اني ضيعت مني ومنك ايام كتيير لإهتمامي بمايا بس صدقيني انا اتغيرت والله فوقي ارجوكي ياملاك..

.ولاحظت ان دموع ملاك بتنزل من غير اي تعبير وكأنها سامعه كل حاجه وكل كلمه اتقالت

نرمين ابتسمت من بين دموعها:انتي سمعاني ملاك يا بنتي ارجوكي فوقي انا امك ياعمري صدقيني مكنش ليا عين اجيلك والله الفتره الي فاتت كان الندم بيقطع فيا ياملاك انا اسفه لو سمعاني حقك علي قلبي ياملاك اصحي وانا والله مستعده لاي عتاب لاي حاجه انا عارفه وقلبي حاسس انك كنت مستنياني انا الي اجيلك انا اول مره هطلب منك طلب ارجوكي فوقي ياملاك انا برجوكي ياعمري

وقربت باست ايدها وراسه وهمست في ودنها بحاجه وخرجت ..

@@@@@@

في المساء….

بيدخل رعد ومعاه ورد. زي كل يوم وبيفتح الباب بهدوء

رعد بحب:جبتلك ورد احمر من الي بتحبيه زي كل يوم ياملاكي

بس جحظت عيونه و كانت الصدمه لما لاقا سريرها فاضي ووووووو…..

@@@@@@@@@@@@@@@@@@@@@@

استووووب…….. الشاحن قل ادبه وخلص

سوري علي القفله المجرمه دددي

استنوني في بارت بكراا يا بطابيط

ووالي هتقولي كمان بارت اليله هجري وراها بشبشب انا بحذركم فاهمه منك لييها

وخفو علي رعودي شوييه عشان الواد دا يخصني