رواية أحببت وأنا على ذمة رجل اخر الفصل السابع 7 بقلم نوسة حمد

رواية أحببت وأنا على ذمة رجل اخر الفصل السابع 7 بقلم نوسة حمد

 

 

البارت السابع

 

#احببت_وانا_علي_ذمه_اخر7
#نوسه_حمد
طارق اتناقش معاي وقال لي انا م عندي كلام اقولو بس انا غلطت في حقك كتير اولها يوم ما فكرت ارتبط بي صاحبتك وفعلا يا نوسه كنا بنستغفلك حاولت كتير اتجاوزها بس هي فرضت علي اي شي وفي حاجات كتيره ي نوسه م ح اقدر احكيهاا بس فعلا انا خاين وبقول ليك كلامي دا عشان انتي تسامحيني من حقك م تسامحيني وانتي تسامحيني في شنو ولا شنو انا غلطت في حقك كتير م عايز اقول ليك انا معمول لي عمل والحنك دا لا انا واعي وواعي شديد اخترت انسانه ما مفترض اختارها من اساسو لانها قريبه ليك شديد ارتكبت في حقك جرايم من يوم كنت بلاقيها من وراك ومن يوم اتزوجتك عشان مصلحه قلت ليهو شنو شنو قال لي دقيقه ي نوسه خليني اكمل واطلع كل الفي قلبي زي م انتي اتكلمتي وطلعتي الفي قلبك وقلتي انك ختيتي في قلبك غيري وانتي في عصمتي صدقيني الدنيا دي ملانه خيانه بس انا متاكد ماف واحده ح تتجرا تعترف بي غلطتها وتحكي لزوجها ع فكره انتي ما ريحتي قلبك وبس انتي صحيتيني من غفله نوسه انا خاين وانا زول كعب وانا واحد اناني انتي م تستاهلي واحد زيي اصلا انت قلبك ابيض وانا قلبي اسود زي السكن نوسه انا ح اقول اي حاجه وتاني من حقك تختاري طريقك وبعد تختاري طريقك انا بترجاك انك م تطلبي الطلاق لاني محتاج ليك طبعا انا بقيت مخلوعه وبعاين لي طارق بي خلعه وحيلي ما شايلني ولمن برجف ونور كانت نايمه في يدي رقدتها وبقيت اسمع في طارق قال لي نوسه انا حبيت عبله قبل احبك قعدت اضحك ودموعي في عيوني قلت ليهو طارق بتهظر قال لي ليك حق تقولي بهظر لانو الكلام دا صعب يتصدق بس المهم انا عاوز اتخلص من الهم نوسه انا حبيت عبله قبل احبك وبعدت عنها لمن عرفتك انتي

 

حبيتك لاسباب كتيره وكنت اناني في حبي ليك انتي كنتي اصيله وبت خلقه واخلاق حبيتك عشان لقيت معاك الامان والحنيه العند حبوباتنا بس ما لقيت معاك الحياه عارفك ح تقولي كيف مالقيت الحياه نوسه انتي بطبعك هاديه ومحترمه وفي علاقتك معاي بتخجلي مني اي نعم انتي حبيتيني واي شي بس بحس معاك بقيوود لانك خجوله وفي طبعك بحسك زي ناس زمان او بمعني اصح انتي زوله ماشه بكلام ربنا بس ي نوسه ربنا م قال ليك تخجلي مني وتضعي حدود لي علاقتي بيك قلت ليهو طارق انت جاي تقول كلامك دا لي هسي ولا اعتبرو تبرير قال لي اعتبري زي م تعتبري بس الانا اكتشفتو معاك صعب تغير طبع زول قلت ليهو لا انت غلطان انا الوحيده الكنت ح اكسر ليك القاعده دي لو صرحت لي وكان بقيت زي م انت عاوز بس انت كذاب انت اخترت انو الحاجه الما لقيتا فيني تشوفها بره م اخترت انك تغيرني وتوريني البعجبك والما بعجبك تتزكر انا يوم اترجيتك عشان ترجع لي زي زمان انت ضميرك ما صحا لمن انا بقيت اشحد فيك في الاحاسيس صدقني ما ح يصحا هسي قال لي نوسه قولي البتقولي وخليني اتابع قلت ليهو لا صدقني م عايزه اسمع اكتر العاوزه اسمعو انت حبيت عبله متين قال لي اول م دخلت الجامعه حبيت عبله بس اكتشفت انو عندها علاقات متعدده وخلينا بعض لقيتك انتي حبيتك لانك عينك ملانه ومحترمه وكنت في بدايه حياتي وحابي شغل السوق بس م عندي البشغلو وبقيت محتار هل اتزوج ولا اشتغل لغايه م عبله هي الورتني انو انتو ناس عز وابوك الله يرحمو عندو القروش ومن ضمن كلاما لي قالت لي م تشوفها مبهدله كده بس عندهم بيت رهيب وعندهم ورثه خلاها ليهم ابوهم مبالغه الزمن داك كنت بحبك وحبك مسيطر علي وعبله اعتبرتها زي زميلتي وكده لغايه م اتزوجتك وبعد زواجي منك بسنه اتزوجت عبله قلت ليهو كيف قال لي كيف دي خليها بس م عارف اقول شنو ومن اتزوجتها بقت تقنع فيني عشان اخليك تبيعي نصيبك وانا والله رفضت هي قالت لي خلي الموضوع دا علي وانتي اقتنعتي بي كلاما وبعتي. نصيبك واديتيني ليهو حتي م فكرتي تدقي خاتم دهب ليك وفي نفس الوقت عبله ضغطتني وخلتني اشتري ليها دهب من القروش وصراحه ي نوسه الفرق بينك وبين عبله عبله قادره ما زيك انتي عشان مسكينه اول زول لعبت بيك انا واهلي عشان سكتي ليهم بقا مافارق معاهم بقو يسمعوك اي كلام وانا م كنت بقيف في صفك وانتي عمرك ما شكيتي ولا بكيتي بتزكر عبله اول ليها موقف مع امي سمعتها كلام اقسم بالله امي قربت تصدم بس من لحظتها امي بقت تعمل ليها الف حساب قلت ليهو طارق اهلك مشو معاك للعرس قال لي طبعا واتكتمو علي الخبر وانتي

 

 

عشان شغلك م حسيتي بشي قلت ليهو تف عليك وعليهم وامك دي م بتخاف ربها انا م مسكينه انا بت متربيه احترمتها لانها في مقام امي مفتكرني الكلام الكعب ما بعرف ارد بيهو بس كنت بعمل الف حساب عشان هي في مقام والدتي بس م تستاهل ولا انت تستاهل استر حالي معاك قال لي من حقك والله الليله لو شيلتي صوت وجلدتيني اقيف ليك بس خليني اكمل قلت ليهو كمل قال لي بقيت ي نوسه ماقادر اعاين في عيونك لانو قلبي بوجعني وبكره نفسي عشان كده بتهرب منك وكل م اتهرب منك امي بتنبسط وعبله بتنبسط بس انا عمري م كنت مبسوط لاني معاك كنت في راحه ما يعلم بيها الا ربنا لا امي عارفاها ولاعبله عارفاها بس رفست النعمه واتخزلت عبله بقت تلعب ضدي وهي عارفاني اني مستحيل اطلقك اتصلت وحرشتك وما كده كمان تتجرا انها تخطف بتي قلت ليهو ممكن سؤال بعد عرفت الحقيقه شعورك كان شنو قال لي متوقع حاجات كتيره من عبله وكويس انها جات علي كده قلت ليهو اتصلت عليها قال لي لا لكن بكره ماشي ليها وح اطلقها قلت ليهو لا م تتهور يا طارق انا بعد السمعتو دا مستحيل اقعد في عصمتك دقيقه لاسباب لاني اول سبب بقيت اكرهك وما طايقه اشوفك وتاني حاجه مستحيل اديك الامان حتي لو اعترفت لي عارف ليه لانك ما شاء الله طلعت منافق بطريقه العقل البشري ما بستوعبها قال لي المنافق بتوب قلت ليهو توبه لي ربنا ما عشاني لاني انا خلاص من لحظه قلت لي امك ح تخليني معلقه عشان تأدبني بدون سبب اعتبرت نفسي مطلقه باقي اشيل ورقتي وتاني م ح تشوف وشي وبتي م بقدر اخليها ليك واطمنك يا طارق انا مستحيل اتزوج قال لي والحبيتي قلت ليهو انا عندي نور كلها م ببدلها بي زول انت كنت قسمتي والحمد لله عليها وربنا يسعدك مع الفضلتها علي وعشان اريحك انا عافيه ليك اي شي عملتو وازيدك من الشعر بيتين انت م براك البتعرف تلعب وراي حقي كلو رجع لي قال لي كيف قلت ليهو القروش الدفعتهن عشان ترجع بتك الان في حسابي قال لي شنو قلت ليهو انا الخططت لي خطف بتي عشان ارجع حقي وابعد منك قال لي لعبتو علي الاتنين واتفقتن علي ……………يتبع

• لقراءة باقي فصول الرواية أضغط على (رواية أحببت وأنا على ذمة رجل اخر)