رواية أحببت وأنا على ذمة رجل اخر الفصل الرابع 4 بقلم نوسة حمد

رواية أحببت وأنا على ذمة رجل اخر الفصل الرابع 4 بقلم نوسة حمد

 

البارت الرابع

 

#احببت_وانا_علي_ذمه_اخر4
‏#نوسه_حمد
في اثناء ما قاعدين في المطعم انا وخالد وبنتونس من بعيد شفت طارق ومعاهو منو معاهو عبله صاحبتي وصديقه عمري كنا م بنفترق في الجامعه عبله الوحيده العارفه انا قدر شنو بحب طارق وعارفه قدر شنو انا بغير عليهو واكتفيت بحياتي معاهو معقوله جاها قلب وتتزوجو خالد قال لي نوسه مالك وانا كنت مخلوعه ودموعي خلاص ح تنزل وهو حنين شديد بقا يقول لي نوسه اسف انا فشنو ما تزعلي مني قلت ليهو خالد انت تتأسف علي شنو قال لي انا اسف عشان أنتي مضايقه ناهيك عن المضايقك بس حقك علي قلت ليهو خالد م تتأسف انت م عندك ذنب في دموعي وعايزه اقول ليك من غير م تتلفت وراك طارق زوجي وراك خالد قال لي نوسه غطي وشك انا م عايز اسبب ليك مشكله ويلا نمشي قلت ليهو حاضر غطيت وشي وطلعنا من غير م يشوفونا وقبل اطلع في حاجز في النص وقفت جنبو وبقيت اعاين لي طارق وهو شايل اولادو وبلعب فيهم وبقيت اصوور فيهو فيديو من غير م يحسو بي خالد قال لي نوسه كفايه يلا عشان ما نعمل مشاكل طلعت معاهو وركبنا العربيه وبقيت فاتحه الفيديو وببكي بكا شديد ودموعي نازله سيل خالد غلبو يسكتني حسيت بيهو أتوتر عشان ما قادر يعمل لي حاجه قلت ليهو يلا وديني نور بتكون جات وصلني البيت وبقا يقول لي دسي الفيديو ي نوسه دا م وقت نقاشات وخليك هاديه خلينا نفكر نعمل شنو قلت ليهو انا قلبي مقطوع يا خالد معقوله عبله صحبتي تطعني في ضهري حسبي الله ونعم

 

الوكيل فيها قال لي نوسه م عندها ذنب احتمال قلت ليهو كيف م عندها ذنب مفترض لو غصبوها ما توافق علي طارق عشان عارفه قدر شنو تعبت مع طارق لغايه م عمل شغل قلت ليهو دقيقه دقيقه يا خالد وبقيت اتعوذ قال لي فشنو قلت ليهو انت عارف انا اتغدر بي طارق وعبله غدرو بي قال لي كيف قلت ليهو دقيقه احكي ليك عبله هي السبب في انها خلتني اقيف قصاد اخواني في المحاكم وطارق كان ممثل فيها انو م عايز مني شي وهي القدرت تقنعني اني ابيع نصيبي واسند راجلي وهي الدخلت لي موضوع الشراكه في راسي قالت لي انتي عويره بيت اهلك دايره بيهو شنو بيعي نصيبك وبدل البيت تشتري الف بيت انا عاوزه مصلحتك وانا الغبيه صدقت انها عاوزه مصلحتي ما اتوقعت انها تكون عاوزه مصلحتها وانها تكون متزوجه طارق لعبو علي وغدرو بي خالد بقا يتعوذ منهم قال لي معقوله في ناس بفكرو كده قلت ليهو م تثق في اي زول جد انا كنت بثق فيها شديد طاوعتها وخسرت اي شي وهي المستفيده وانا الهبله من يوم دخلت قروشي معاهو خاتم دهب ما دقاهو لي هم غدرو بي ومفتكرين اني م ح اكشفهم والدنيا كشفتهم لي انا م ح اسكت يا خالد عليك الله ساعدني قال لي نوسه اهدي وما تفكري انزلي هسي انتظري بتك واستلميها من الترحيل وروقي وارجعي لي وما تخافي انا معاك وحقك ح يرجع علاقتي بيك خليها في جهه وانا وعد م ح اخزلك وح اقيف جنبك لغايه م تشيلي حقك قلت ليهو واثقه فيك يا خالد قال لي اطمني ي نوسه نزلت منو والصداع داير يكسر راسي بقيت منتظره نور الترحيل جابا سوقتها ودخلت نومتها وبقيت افكر كيف اوقع عبله وقبل دا كلو كيف ارجع حقي من طارق لازم اسففو التراب واخلي يرجع لي كل قروشي بي الارباح صليت وبقيت ادعي ربنا يغفر لي لاني وقعت في حب خالد غصبا عني وبقيت اتحسبن علي طارق وعبله وامو خالد اتصل علي قال لي نوسه انتي كويسه قلت ليهو لو قلت ليك كويسه بتصدق قال لي حاسي بيك جد اليوم حسيت بالالم السببو ليك زوجك وما عارف اقول شنو اليوم انا عرفت نفسي غلطان وعايز اعتزر ليك نوسه انا اسف اني خليتك تحبيني انا دموعك اليوم علي زوجك قطعت قلبي ماكنت مفتكرك بتحبي للدرجه دي وصدقيني طارق خسر اطيب قلب في الدنيا ووعد يا نوسه لو بعد ميه سنه طارق طلقك انا مستعد ارتبط بيك وعايز اقول ليك حبك في قلبي وح اموت بيهو وما ح اصرح ليك بي اي حاجه تاني وح اقيف جنبك انتي م تستاهلي العملو فيك راجلك قلت ليهو خالد عارف انا والله حبيتك واتعلقت بيك وفي نفس الوقت اليوم كلو ضميري مأنبني لانو حرام احبك وانا في عصمه راجل تاني كان نفسي كل حبي اكون لزوجي ما نفسي اخلي فراغ في حياتي عشان املاهو بي غيرو وقعت في الغلط غصبا عني وهو السبب في خيانتي ليهو وما عندي مبرر اخليني احبك وانا متزوجه قال لي نوسه انتي زوله نظيفه والغلط وارد ما كعب البغلط واندم كعب البغلط وبتمادا في الغلط نوسه انا اخدت وعد اني م ح اسمح لنفسي بي اي كلام عاطفي معاك صدقني طعم الخيانه مر كفايه العليك انا ح اقيف جنبك وما ح ابعد منك بس انتي اهدي وكلو بتحلا قلت ليهو خالد بس انا جد حبيتك قال لي انا حبيتك اكتر منك وحبي ليك اكتر من حبي لمرتي ولو علي احبك طول عمري بس انا قلبي بتقطع كل م اتزكر احساس الذنب الانتي حاساهو قلت ليهو خليها علي الله وربنا عالم بحالي حسبي الله ونعم الوكيل فيهم دمروني قال لي معليش كدي انتي احكي لي عبله دي منو قلت ليهو عبله دي صديقتي ف الجامعه وما صديقتي ساي كنت شايفاها اكتر من اختي ياما اكلنا سوا ونومنا في سرير واحد سرها هو سري وسري هو سرها بس للاسف طعنتني في ضهري مرتين مره لمن اتزوجت راجلي والمره التانيه لمن غدرت بي وبيعتني نصيبي وخلتني ادي لي طارق وهي المستفيده انا تعبانه وشقيانه وللان شغاله قال لي نوسه اسمعيني انتي لازم تشيلي نصيبك ولازم نفكر كيف نخلي طارق يديك حقك من غير م يشعر قلت ليهو كيف صعبه يا خالد طارق حريص شديد مستحيل يديني قروش وانا اصلا م بطلب كتير كنت واثقه انو قرشو هو قرشي في النهايه م افتكرت اكون متزوج فيني وقرشو لي غيري وانا الهبله طلعت من المولد برا حمص قال لي روقي وبأذن الله نحلها قلت ليهو انا عاوزه اعرف منو الاتصلت علي وكلمتني بي

 

عرس طارق قال لي رسلي لي الرقم عندي زميلي شغال في شركه زين بجيب لينا خبرها قلت ليهو بس تمام اديتو الرقم قال لي اصبري يومين بديك الزيت واسمعيني الايام دي حاولي مثلي لي طارق انك عاديه اديهو الامان م تحسسي انك زعلانه منو لسه ع قدر م تقدري مثلي عليهو وجا الوقت اللازم تغدري بيهو زي م غدر بيك ولازم هو م يحس بي اي شي تمام قلت ليهو تمام قال لي يومين اديني وانا بفكر كيف ارجع ليك حقك قلت ليهو تمام وزي م وريتك دسي الفيديو وموتي بالشفتيهو لغايه ما تشيلي حقك قلت ليهو تمام بتكلم معاهو طارق جا داخل قال لي تتكلمي مع منو قلت ليهو هسي انا قاعده اقول ليك تتكلم مع منو موش قلت لي انتي في حالك وانا في حالي وما تساليني قال لي اي انا في حالي بس انتي طالما في عصمتي مافي حالك تتكلمي مع منو قلت ليهو م واثق فيني ولا شنو سكت م ردا علي قلت ليهو م واثق عارف ليه لانك غلطت في حقي وانا في عصمتك خايف انا اعمل زيك قلت ليهو انا عايزه اقول ليك كما تدين تدان قال لي شنو قلت ليهو السمعتو يا طارق قال لي نوسه انتي زوجتي وفي بيتي ح تخونيني قعدت اضحك قلت ليهو الخيانه لو م جات منك م بتجي مني وتاكد تماما لو جات منك ح تجي مني وقعت ليك ولا اعيدو ليك قال لي انتي مجنونه تخونيني انا قلت ليهو ليه اتحسست انا هسي قلت ليك قاعده اخون فيك ردك لي مبني علي تجربتك شكلك خونتني قال لي خيانه شنو قلت ليهو طيب انا زاتي خيانه شنو حاول يشيل مني التلفون بس ابيت اديهو ليهو قال لي حدي الان انا بتكلم بالهداوه لو قومتا كعب قلت ليهو قوم ساي بقت م فارقه مشيت منو ودخلت نومتا وبقيت اطبطب علي بتي الانحرمت من حنان ابوها وهو علي قيد الحياه مفتكر قعادها معاهو في بيت واحد حنان بس الحنان لو م حست بيهو بي افعالو ماف حنان البخليهو يحب اولاد عبله ومايحب بتي شنو رسلت لي خالد ووريتو انو طارق بقا يشك فيني قال لي احذفي اي شي م تخلي يثبت عليك حاجه عشان لو كشف حاجه ممكن عادي يعلقها شماعه وفي نظر الناس انتي الخاينه قلت ليهو تمام حتي ف الشغل نعمل حسابنا قلت ليهو تمام وفعلا مشيت بكلام خالد وقللنا مكالمات مع بعض وفي الشغل م بنتلاقه كتير بنتواصل رسايل وبنحذف يوم رسل لي قال لي عاوزك ضروري تتصرفي قلت ليهو تمام ان شاءالله الليله يبيت برا قال لي المهم بس عاوز اتكلم معاك واوريك خطه نوقع بيها طارق قلت ليهو جدا رجعت البيت وبتي كانت ممتحنه راجعت معاها لمن نامت وطارق م جا نهاي شكلو ح ينوم بره قفلت البيت كويس علي من جوه واتصلت لي خالد قال لي اول شي ي نوسه الخط بي اسم عبله يعني عبله بعد سيطرت ع طارق جات توريك عشان تخرب بيتك وانتي تنفصلي منو قصدها الفتنه بقيت اتحسبن عليها قال لي كلو لخير انا اتصلت عشان اديك فكره طارق اكيد نقطه ضعفو بتو قلت ليهو اكيد قال لي نحنا نعمل زي الافلام نخطفها انتي كوني مطمنه

 

انو هي بعافيه وما عليها عوجه انا بشوف لي اولاد اديهم قروش واكلمهم بالحقيقه عديل انو الزول دا اكل قروش مرتو وغدرو بيها ونحنا عايزين نرجعهن عشان لو لا قدر الله مسكهم ما يقولو ليهو الحقيقه وبعد يديهم القروش لو بلغ الشرطه ولا غيرو انتي بعد تستلمي طوالي تظهري ليهو ومعاك الفيديو وقروشك تكون في يدك وتاني انا بعرف اطلعك من القانون قلت ليهو دي مخاطره قال لي م مخاطره انتي بس اسمعي كلامي والله حقك برجع ليك رايك شنو قلت ليهو موافقه انا اي شي برجع لي حقي بعملو قال لي تمام اديني يومين بس انا بخطط وبنفذ بس عاوز منك لحظه تعرفي بتك خطفوها داير رده فعل قويه ومؤثره كانو حقيقيه تمام قلت ليهو تمام قال لي يلا انا بختفي منك الايام الجايه دي عشان نهاي م يشك من الحاصل بفعل فاعل قلت ليهو ولا ح يفكر انو دي انا قال لي بس دا العاوزو خليك في نظرو لسه هبله ومنتظره الشفقه منو والباقي خلي علي قلت ليهو تمام بعد كم يوم اتصلت علي بتاعت الترحيل نزلت عشان اجيب نور ونور في اثناء م جايه علي طلعو اتنين وخطفوها وانا بقيت اكورك بتاعت الترحيل جات راجعه والناس اتلمو فيني واتصلت لي طارق قلت ليهو طارق بتك اتخطفت وكنت ببكي وبكورك باعلي صوت …..،،،،،يتبع

 

• لقراءة باقي فصول الرواية أضغط على (رواية أحببت وأنا على ذمة رجل اخر)