رواية أحببت وأنا على ذمة رجل اخر الفصل الثالث 3 بقلم نوسة حمد

رواية أحببت وأنا على ذمة رجل اخر الفصل الثالث 3 بقلم نوسة حمد

 

 

البارت الثالث

 

#احببت_وانا_علي_ذمه_اخر3
‏#نوسه_حمد
ام طارق قالت ليهو م عافيه ليك لو م طلقتها وطارق بقا يعاين لي وساكت وانا قلبي مقطوع قلت ليهو طلقني يا طارق م عشان امك عشان انا م لقيت نفسي معاك وعشان انا م لقيت حقوقي انا م عملت لي امك شي وهي شايله شوفها وخاتاهو فيني الحمد لله ع القسمه قالت لي تعملي شنو اكتر من تشردي ولدي من بيتو بي نقتك الكتيره دي قلت ليها دي حياتنا نحنا حرين فيها ننق ولا نسكت طارق قال لي اسكتي م تفتحي خشمك دا وقال لي امو م ح اطلقها عشان نور بس ح أخلّيها معلقه كده لمن تتادب قلت ليهو للاسف يا طارق وخساره حياتي معاك وخساره وقفتي معاك وحبي المخلص ليك الغيرك مني ما عافيه ليهو وحسبي الله ونعم الوكيل فيهو لو اهلك ولا مرتك الجديده انا م عافيه ليهم زي ما خلوك تكرهني وتشوفني نكديه ونقاقه حقي يخلص واحسن تطلقني قال لي م بطلقك تعيشي في بيتك دا وتربي بتك دي وخلاص دا اخر كلام عندي ادخل ولا اطلع دي م شغلتك انتي في حالك وانا. في حالي وامي في حالها ما عاوز نقاش كتير امو عاوزه تتكلم سكتها وقال ليها الزمي حدك في بيتك وما عندك فيها شغله وهي تلزم حدها واختي بأجر ليها قلت ليهو لا اختك خليها ان شالله تسعد طبعا اختو مسكينه م زي امها قالت لي لا لا دا بيتك وانا والله م كنت جايه بس امي اصرت علي طبعا امو النوع المتسيطر جابت البت من بيتها عشان تسكن في بيتي ما عرفت قصدها غايتو الحمد لله دخلت الغرفه وقفلتها علي اختو طقت لي الباب قالت لي معليش عاوزه اشيل حاجاتي امها جات لاحقاها قالت ليها م تطلعي اقعدي ماشه وين ف الليل دا قالت ليها ماشه البيت معاك قالت ليها بري والله ما بتبريني شفعك نبيحهم كتير وانا زوله عندي السكري ما بحب الازعاج قلت ليها سبحان الله عليك وقت م بتحبي الازعاج بت متلتلاها من بيتا مالك قالت لي بتكلم مع بتي اوعك تتحشري بتها قالت ليها انا دقيقه م بقعد ببيت معاك وبمش بيتي بكره وكانت زعلانه شديد من امها وهي برضو غلطانه امك تقول ليك تعالي تطاوعيها في النهايه دا بيت مرا احتمال ف اي لحظه تجي بس نقول شنو في عدم الفهم وعدم الخصوصيه
البت ساقت شفعها وفاتت وبقينا انا ونور وطارق وخشمو م فتحو معاي وانا زاتي م فتحتو ولا اتكلمت معاهو وكنت مجبوره اني اقعد افوت وين مرت اخوي طردتني لازم اصبر

نزلت شغل تاني يوم مالقيت المدير سالت منو قالو لي ماخد اجازه رسلت ليهو في الواتساب قلت ليهو عافيه ان شالله قال لي عافيه بس عندي شويه مشاكل في البيت قلت ليهو ي ساتر خير مالك احكي قال لي بحكي ليك بعدين بعد ترجعي من الدوام قلت ليهو تمام بعد رجعت البيت رسلت ليهو قال لي حباب الغاليه قلت ليهو كيفك يا خالد ومالك ي ساتر فشنو قال لي فاضيه اتكلم معاك قلت ليهو اي جدا ولاول مره في حياتي اقرر اتكلم مع ولد اتصل علي قال لي والله عندي مشاكل مع مرتي واهلي وبقيت م قادر لا اقيف مع مرتي لا مع اهلي ومرتي كانت حامل وحصل ليها ولاده مبكره من امس نحنا ف المستشفى اليوم المولود اتوفي ورجعنا البيت بس مرتي عامله لي مشاكل قالت نحنا سبب في اي شي حاصل ليها وم اكذب عليك مرتي صعبه شديد صعبه بمعني الكلمه قلت ليهو م بقدر احكم علي كلامك لانو مأخوذ من جانب واحد احتماال هي عندها اسباب خلتها صعبه قال لي دا اعتبرو انصاف ليها عشان انتي مره زيها ولا شنو قلت ليهو اعتبرو زي م تعتبرو بس انا واقعه في نفس المشكله ومن ناحيه زوجي شايفني نقاقه ونكديه ولو قال لي اي زول كده ح يصدقو بس انا نقيت في حاجات من حقي قال لي خير ان شالله قلت ليهو لا لا خير نحنا شبه انفصلنا بس انا عايشه معاهو قال لي لا ياخ م تقولي كده انتي م تستاهلي زوجك ما بعرف بس انتي مره بالف راجل قلت ليهو لخير وربنا يصلح حالك انت كمان حاول شوف مرتك البرضيها شنو واعملو ليها ما تخسرها نصيحتي ليك قال لي فوق راسي نصيحتك بس جد انا تعبت ومفكر اتزوج قلت ليهو تتزوج تزيد النار عليك قال لي بالعكس كل م ازهج منها امش لمرتي الجديده قلبي وجعني قلت معقوله طارق اكون زي خالد دا بس انا عمري م كنت صعبه معاهو والله الرجال ديل غريبين شديد قال لي نتلاقه في الشغل بكره قلت ليهو تمام وقفلت الخط وبقيت آفكر معقولة نحنا النسوان ديل فعلا صعبات ونقاقات ولا عشان الشرع حلل ليهم اربعه بفتشو لي عيوبنا والواحد م بعاين لي عيبو بس نقول شنو الحمد لله ع كل حال
مرت الايام وطارق نهاي م بتكلم معاي بخت لي المصروف في الطربيزه حسيتو مرتاح مني وانا ريحتو للنهايه حسستو ليك انو م فارق معاي مرات بحسو مضايق من الحاجه دي وبطاعني بالكلام بس نهاي م قاعده ارد عليهو مرات اتاخر للساعه ٢ ومرات ابيت بره ف الاول كنت مضايقة بس تاني قويت قلبي وبقيت م مركزه معاهو
الحاجه البقيت خايفه منها علاقتي بقت قويه مع خالد حسيت انو مرتاح لي شديد وانا ارتحت ليهو خالد م زي طارق حسسني اني عظيمه ومهتم بي ادق تفاصيل حياتي وبقا عارف عني اي شي وبعاملني بي اسلوب حلو شديد من غير قصد وقعت في حبو وهو كمان صرح لي بي حبو في الاول قلت ليهو كده حرام والكلام دا م صاح مننا نحنا متزوجين قال لي متزوجين بس مظلومين نعمل شنو ربنا عالم بينا
بقيت بتكلم معاهو بشكل يومي وكل ما اقرب منو اكتر بتعب شديد لانو م نفسي اصل للحاجه دي وبقا يقنع فيني اطلق ويعرسني بس قلت معقوله اطلق من ظالم واقع في واحد يظلمني حتي لو بحبني طالما ما متزوج ح يظلمني ومرتو ح تعمل لي مشاكل كتيره وهو وعدني انو لو اتزوجني مرتو ما تعرف قلت ليهو مستحيل يا خالد اعفيني انا م بقدر اتزوجك ولا بقدر اطلق انا مجبوره علي الحياه دي عشان بتي وح استحمل اي شي عشانها قال لي تظلمي نفسك وبتك ما واعيه يعني م ح تزعل لو اتزوجتي من ناحيه نفسي اعيش معاهو ومن ناحيه لا والشي المخليني اتراجع انو طارق كان في بدايه حياتنا زيو كده كان متعلق بي شديد ما اتوقعت اجي يوم ونصل للوصلنا ليهو دا طارق بقا محتار فيني انا مالي اتغيرت كده يوم جا داخل وجاب لي معاهو هديه قلت ليهو شكرا قال لي انتي اتغيرتي مالك فشنو قلت ليهو م اتغيرت اتغيرت فشنو قال لي حاسي احساس غريب ما ياها نوسه الزمان البتحبني قعدت اضحك قلت ليهو يعني انت طارق الزمان وانت البديت التغيير وانا م كان نفسي نصل ليهو بس انا الان مرتاحه وواصل يا طارق لانو حسيت بيك مرتاح مني ومن نقتي وهو زاتو انا تاني انق في شنو بعد مشاعري الماتتت دي قال لي مشاعرك ماتت معقوله الحب بالسهوله دي يموت قلت ليهو ما بالسهوله دي انا لي زمن بنبح ليك عشان م اصل للمرحله دي وانت كنت مبهور بي حياتك الجديده وخاتيني انا ف الركن لغايه ما اي شي جميل بيني وبينك انتهي وهسي جاي تسألني معقولة يا طارق تلف وتنبسط وتعيش حياتك وعاوز تجي راجع تلقاني زي ما انا احب اقول ليك انا بقيت اكرهك اقسم بالله لدرجه لمن اشوفك بطني بتطم بقرب استفرغ وانت استقليت ضعفي وهجرتني بدون سبب انا حقي ح يخلص ولو مفكر اني ح ارجع ليك تبقا بتحلم مالا الجديده معاك ما كانت مخلياك م بتشوف الجدا شنو جيت تفتش لي مشاعري قال لي يا ريتني م فتحت معاك خشمي زاتو قلت ليهو يا ريتك ودخلت غرفتي جوه بكيت قدرتي لانو الحال العلي ببكي حبي لي خالد مجهول المصير بقيت الوم في نفسي واتصلت عليهو وكنت ببكي وخالد حنين شديد رده فعلو لي لمن اكون مضايقه قاعده احبها اكتر من لمن اكون مبسوطه بحتويني وبخليني انسا كل حزن في ثواني اتمنيت الاحساس دا يكون عند طارق ونكون مع بعض حلوين زي زمان خالد قال لي نوسه عليك الله خليها علي الله ما تحسسني انا والله حبيتك غصبا عني اعمل شنو وما افتكرت نصل للمرحله دي وانا والله الدنيا مسخانه علي ونفسي اتزوجك اليوم قبل بكره واطمن قلبك بس انتي رافضه وعشان ما تزعلي شديد رايك شنو بكره اعزمك فطور بعد نخلص شغل قبل نور م تجي من المدرسه قلت ليهو طيب وبقيت اتونس معاهو لغايه م نومتا نومه م وعيت بي اي شي الا بتلفون منو بصحي فيني للشغل صحيت لبست نور ومشيت الشغل من الشغل مشينا مكان راقي ناكل فيهو انا وخالد ولمن وصلنا هناك طلبنا اكل واكلنا خالد كان بتغزل فيني وكنت مبسوطه معاهو بس حصلت حاجه م متوقعه من بعيد شفت طارق ومعاهو منو معاهو صديقه عمري الانا وهي كنا م بنفترق ومعاهم بت وولد وكانو بقولو لي طارق بابا بابا طارق شايل البت وماسك الولد من يدو انا بقيت اشوف طشاش طشاش والدنيا مسخت لي بقيت افكر انا امشي ليهم واكشفهم ولا انسحب ……يتبع

 

• لقراءة باقي فصول الرواية أضغط على (رواية أحببت وأنا على ذمة رجل اخر)