رواية أحببت وأنا على ذمة رجل اخر الفصل الثالث عشر 13 بقلم نوسة حمد

رواية أحببت وأنا على ذمة رجل اخر الفصل الثالث عشر 13 بقلم نوسة حمد

 

 

البارت الثالث عشر

 

 

#احببت_وانا_علي_ذمه_اخر13
#نوسه_حمد
عبله بقت تضرب في الباب وانا غالبني اتصرف وماسكاهو بكل قوتي وبكورك لي نور ونور نومها تقيل بس سبحان الله سمعتني وجات مخلوعه قلت ليها ناوليني الحديده بتاعت الباب سريع ناولتني ليها وقفلت الباب وبقيت واثقه انو عبله م ح تقدر تصل لي قالت لي نوسه اديني اولادي ولو م اديتيني ليهم حسابك بكون معاي قلت ليها اولادك الجدعتيهم ومن جدعتيهم ما سالتي منهم عشان بقو امانه في رقبتي عاوزه تجي تشيليهم وتعملي لي مشاكل انتي قصتك معاي شنو يا عبله وبقيت اسجل في الكلام وارسل لي طارق من غير م تحس اني كلمتو طارق برد لي بي الرسايل بقول لي نوسه مالكم خير ما فاهم شي من التسجيل عملت التلفون صامت خوفتو يتصل وشغاله اسجل قلت ليها تعالي شيلي اولادك من ابوهم بعد يكون قاعد لكن انا هسي م ح اخليك تشيليهم حتي لو كسرتي الباب قالت لي لا ح اشيلهم ي نوسه ولو مافتحتي الباب انا معاي البكسر الباب قلت ليها انتي بتتكلمي بي ثقه وعارفه انو طارق مافي في البيت الوصل ليك الكلام منو اكيد نسيبتي لانو ماف زول اصلا عارف انو طارق بايت في المستشفى معناتا انتو كل البتعملو فيهو دا قصدكم انا وسبحان الله انا الاتنين ما شفتو مني غير الخير قالت لي خير شنو يا استاذه انتي خاينه وقليله ادب طارق ماقدر عليك ولا كتبتي عند ياتو شيخ قلت ليهو لو قليله ادب انتي اكتر واحده بتعرفيني اكتر من طارق الاتزوجني قالت لي ياخي يختي انتي م بتشوفي امشي شوفي صورك ماليه الفيس عندك تاني وش تقابلي بيهو الناس ياخ م تدعي المثاليه وح تنفضحي قريب قلت ليها تمام قالت لي ح تفتحي ولا اتصرف قلت ليها اتصرفي طارق لقيتو مرسل لي قال لي جايكم انا ماتفتحي الباب حسيت حركه عبله اختفت شويه كده وسامعاها بتتكلم مع واحد وشكلو خايف شديد بس قالت ليهو ما عليك اكسر الباب طارق مافي اكسرو قبل تتصل عليهو وتكلمو وفي كلامن داك سمعت صوت طارق وانا ونور الخوف عاوز يقتلنا طارق مسك عبله بقا يضرب فيها بي كل قوتو والناس كلها جو داخلين بحجزو في طارق منها وانا قفلت الباب علي الاولاد جوه وطلعت بقيت احنس فيهو يفكها لكن كان مغبون شديد طلع فيها غضب الدنيا كلها وامو جات تكورك وتنبز في طارق وفكتو منها وقبلت علي قالت لي كل منك خربتي بيتو مايعرس فيك لو معرس مالك كان كنتي ماسكه بيتك ما كان عرس فيك انتي فايقه من الهمله والانطلاقه ومبارات الاولاد طارق بقا يقول ليها يمه اسكتي بي اعلي صوت وهي شغاله تكورك وتكورك وبقت تقول ليهو ماعافيه ليك انتي عصيتني وماسمعت كلامي وانا غضبانه عليك لي يوم الدين والولد المع عبله من شاف المشكله دورت زاغ براحه وخلي عبله
وطارق خلا دمها يكب وبقت تمثل وتكورك وتعلي في صوتها يعني عشان جيت اشيل اولادي تضربني كده الله انتقم منك وحقي يخلص
طارق طردها وقال ليها لو عتبتي عتبه الباب دا بكسر ليك كراعك وما عندك عندي اولاد وطردهم كلهم بي امو وكان زعلان لمن برجف مشيت جبت ليهو مويه يشربها قال لي انتي قلتي لي منو انا بره البيت قلت ليهو كيف يعني قال لي قلتي للولد البهكر انو انا ماف قلت ليهو طارق دقيقه هاك تلفوني من غير ما افتحو وامليك الرمز ادخل الدردشه بتاعتي مع رامي اخر مره اتكلمت معاهو فيها لمن قال لي الكلام القلتو ليك وانت منعتني اني اتكلم معاهو واقول اي شي واخلي الكلام علي الفضيحه الحصلت وهسي عبله بتهدد فيني واكون لي معلوميتك يا طارق لو م انا برئت نفسي ح اكون في نظر الناس خاينه وبجري ورا الاولاد وماف زول عارف الحقيقه غيرنا انا م عملت علاقه الا لمن انت خلاص قنعت مني وهجرتني وبقيت شبه مطلقه وعلاقتي ما بالصوره الانتشر بيها الكلام وهسي عبله بتقول لي صورك ماليه الفيس وانا لو م شيلت حقي ابقا م نسيبه طارق انا اخوي بسبب الحصل قطع علاقتو بي ومرتو بتطاعن فيني وامك هسي بتطاعن فيني وعايزني اسكت انا الحمد لله وعيت شديد واكتفيت بيك وانت يوم ماقصرت فيني ولا في مرتك التانيه وشايلك مسؤوليتك وعايشين مستقرين الا الكابوس الاسمو عبله وامك المتفقه معاها دي قال لي امي قلت ليهو اي امك يا طارق وماف زول كلم عبله غير امك قال لي مستحيل يانوسه امي تكلم عبله وامي مصلحتها في دا شنو وبعدين مافي ام ما عايزه مصلحه ولدها قلت ليهو دا الطبيعي بس امك عاوزه عبله وبتكرهني وهي الكلمتها انا احلف ليك قسم وبعدين امك لو عاوزه مصلحتك قدام الناس بتقول لي مباريه الاولاد خلاص وروها المنشور وشالتو بالمقلوب اولاد شنو البباريهم انا انت عارفني كويس عمري لا فتاه لا متزوجاك ما عندي شغله في الاولاد لمن اباريهم انا في نظر الناس بعد المنشور كده لو كسرت رقبتي انا كده حسبي الله ونعم الوكيل فيهو وفي مرتو وفي عبله وفي امك وكنت ببكي شديد حسيت انو انا دمرت نفسي بي يدي لو بررت للناس الغلط غلط من اساسو ما كان ادخل خالد في حياتي والشي الداير يجنني خالد كيف يدي مرتو التلفون والدردشه النسخها منو وخالد الانا عرفتو طيب ومغلوب علي امرو ومرتو قادره وهي لي روحها قليله ادب وعالميه كمان بس ما لقت البفضحها وانا عشان م رضيت لي الفضيحه ما برضاها ليها بس ياربي انت عالم بي انظلمت اليوم داك انا ما نومتا للصباح وكلام عبله بتردد. جواي والشي المطمني البوست اتحذف بس بعد شنو اكيد الناس بكونو كبشروهو عولمه غطتست حجرنا طارق صحا الصبح وصحاني قال لي انا جبت ليك اللبن اعملي الشاي النشيلو وامش المستشفي عيوني كانن مورمات من البكا قال لي نوسه انتي كنتي تبكي ولا شنو قلت ليهو الحمد لله يا طارق قال لي نوسه الله يرضا عليك انسي اي شي وخليك معاي ومع حياتنا وبتك الناس التانيه يولعو بي جاز وعبله م عندها مشكله معاك كلامها معاي انا اولادي م بخليها تشيلهم لو كسرت رقبتها قلت ليهو عبله خاتاني في راسها من يوم اتزوجتك دي الخوه الكانت واهماني بيها وانت جاي تقول لي م عندها مشكله معاك طارق عبله لو ما عندها مشكله معاي ما اتزوجتك وما تقول لي كنت بحبها قبليك حبك ليها قبليني دا شي وزواجك مني صديقه عمرها واختها شي تاني كيف تتزوجك انت عاين لي الحاجات الحاصله دي ودخلت لي الكتبت المنشور عشان تتفق معاها ويفضحوني دا كلو عشان شنو وبعدين هي لو عاوزاك انت انا بعدت عنك كان تقعد معاك موش تجدع ليك اولادها وهسي من عرفت انو انت مأمني اولادك جات عشان تشيلهم من وراك وانت تشاكلني بس سبحان الله ربنا ستر وفكرت وقدرت اتصديتها بكل قوتي والحمد لله انك اتزوجت واني من الاول م مسكتهم كان عملت فيني اي مصيبه وشالتهم مني وربنا ادي مرتك العافيه وتجي لي بيتا قال لي دا بيتك قبل يكون بيتها قلت ليهو م عندي مشكله بس م بقدر اتحمل المسؤولية بالذات بعد عرفت عبله خاتاني في راسها قال لي م تخافي عبله بعد الدقها الاخدتها دي والنفسي ادقها ليها من زمان تاني م بتجي هنا وهسي كدي اعملي الشاي وتعالي نشربو بمزاج وعشاني انا ما تشيلي في بالك وانسي اي شي ممكن قلت ليهو طيب مشيت عملت الشاي سيرمس ختيتا ليهو في كيس معاها كبابي وكيكه عملتها سريع وجيت شربت الشاي مع طارق لمن نور صحت واولادو صحو وكانو متعلقين بي نور شديد وهي زاتا متعلقه بيهم شديد طارق قال لي ما اظن نتاخر بننتظر الدكتور يخرجها وبنجي قلت ليهو طيب بنتظركم بالفطور قال لي تمام طارق طلع وانا لبست نور وعملت الاكل ونظفت المكان الساعه ١٠خرجوهم وجو فطرنا سوا واطمنت علي صحتها وودعتها وطارق قال لي يلا اوديك اتصلي علي المشرفه تجيب نور هناك لمن جيت طالعه اعتزرت لي قالت لي معليش ي نوسه حقك علي انا انتي ما تستاهلي قلت ليها لا لا عادي ربنا كريم وخلي بالك انتي من الفي بطنك واولاد وانا بجيك زيارات ان شاءالله قالت لي م تنقطعي اشهد الله عندك معزه خاصه جواي قلت ليها وانتي كمان ما حاسه انك مرت طارق حاسه انك اختي والله ودعتها ومشيت طارق وصلني وقال لي ماشي الشغل لو احتجتي حاجه اتصلي علي مشا
انا كنت متغاظه شديد من عبله رجعت لي رامي ردا علي قلت ليهو يا رامي ما وريتك الحصل شنو وبقيت احكي ليهو قال لي دي يا نوسه زي ماقلتي شكلها بس عايزه معاك مشاكل انتي اتجنبيها ي نوسه قلت ليهو الحمد لله بس م ح اخليها وبقت تطاعن فيني وقالت لي صورك ماليه الفيس ونسيبتي زاتها طاعنتني قال لي انا قلت ليك اكتبي منشور وانفي الكلام والمهزله الحاصله دي قلت ليهو طيب وريني اعمل شنو قال لي الدردشه معاك من الاول صاح قلت ليهو اي قال لي يلا من الاول اعملي اسكرنات من كلامك انتي انا متاكد ما بالساهل خالد قدر يتونس معاك قلت ليهو اكيد قال لي م عليك ركزي انك تنصفي نفسك وانا بكتب الكلام وما كده وبس عشان تلقينها درس وتاني م تقدر تكتب فيك او تجيب سيرتك برسل ليك صورتها ومعاها فنان مشهور عامله ليهو هي عيد ميلاد بقروش الراجل الغلبان دا قلت ليهو لا يا رامي م بقدر قال لي اسمعيني انتي اعملي لي اسكرنات وتاني م عليك ومسكنتك دي هي الح تضيعك وهي الح تخلي الناس يتكلمو فيك انا باخد ليك حقك كامل ومكمل وح اكتب المنشور ع اساس انك كاتباهو انتي وانا الح انزل صورتها لو ما جاتك راكعه تفي لي في وشي وبالنسبه لي الاسمها عبله دي انتي ما عارفاها البت دي شكلها بتكرهك ومغلوله عليك من جوه انا م عارفك كنتي مصادقاها كيف قلت ليهو غلطت كنّا بننوم في سرير واحد اكلي اكلها بس الحمد لله ما راعت العشره قال لي ح اوقعها ليك اصبري والله اخليها تندم زاتو انها حقدت عليك قلت ليهو ح تعمل شنو قال لي البعملو خلي وهسي اختصري اعملي الاسكرن وانا هسي بعمل المنشور قلت ليهو تمام بقيت انسخ ليهو في كلام راجلها عنها وانو هو مغلوب علي امرو وكان بترجاني اتكلم معاهو عشان نخفف هموم بعض المهم عملت ليهو اسكرنات ورسلتن ليهو ودقايق م عديتن ورامي اظنو نزل المنشور والتعاليق مولعه نار والناس بقو ينبزو فيها هي رامي صاغ المنشور بطريقه نصفتني ووقعتها هي وانها هي بتاعت العلاقات وبي قروش راجلها وووووووو جاني اتصال من رقم رديت عليهو شكلها دي مرت خالد قالت لي احذفي المنشور وانتي جبتي الصوره دي من وين حرام عليك دمرتي سمعتي وفضحتيني قلت ليها وانتي عملتي شنو نزلتي لي منشور شكر ما نبزتيني وبشعتي بي حاره صاح خليتي الناس كلها تتكلم فيني قالت لي بعتزر الشيطان شاطر امسحيها لي في وشي قلت ليها مفتكراني مسكينه وحقرتي بي وكنتي مطمنه انك ما ح تنكشفي وانك ما خاينه سبحان الله الخيانه ما الا تنكشف انتي خاينه بشهاده ولي معلوميتك انا عارفه علاقتك مع المشهور فلان وفلان وفلان وما كده العندي بدمرك وبدمرهم طبعا بقت مخلوعه وتترجا فيني وبتقول لي استريني واستريهم قلت ليها لمن نبزتيني ليه م سترتيني ومسكتي راجلك عليك عامله فيها حريفه نبزتيني واسم راجلك م جبتيهو وانا جبت ليك اي شي قالت لي انا مستعده انزل منشور واقول فيهو انا كذابه وانا اتبليت عليك وانتي شريفه بس ع شرط تحذفي المنشور قلت ليها تمام قفلت مني دخل علي رقم قال لي انا مدير أعمال الفنان فلان ممكن تحذفي الصوره دي ……..يتبع
اخاف منهم واقنع رامي يحذف المنشور ولا اخليها تنكشف هي علي المشاهير المعاها

 

• لقراءة باقي فصول الرواية أضغط على (رواية أحببت وأنا على ذمة رجل اخر)