رواية أحببت وأنا على ذمة رجل اخر الفصل الأول 1 بقلم نوسة حمد

رواية أحببت وأنا على ذمة رجل اخر الفصل الأول 1 بقلم نوسة حمد

 

 

البارت الأول

 

الو سلام عليكم
اهلين وعليكم السلام
كيف اخبارك
تمام الحمد لله منو معاي
انتي زوجه طارق
اي منو انتي
معليش انا م ح اوريك انا منو بس انا عاوزه مصلحتك
مصلحه شنو ؟؟؟
قبل اتكلم ممكن توعديني ؟
اوعدك بشنو وانتي منو
قالت لي ح تعرفي بس م هسي انا فاعله خير
انا :فاعله خير فشنو
هي : عايزه اقول ليك انو زوجك طارق اتزوج فيك
انا: انتي بتهظري ولا فهمك شنو
هي :دي م حاجه بهظرو فيها انا بس جيت اقول ليك انو زوجك خاين وبتاع كلو وعاوزك انتي تكوني ملاك
انا :طارق مستحيل يكون خاين وبعدين انا لو كنت ملاك م عشان طارق عشان انا واعيه جدا
هي :هههههههههههه خليك واعيه كده وابدي احسبي المصايب الح تهل عليك يلا سلام
تيت تيت تيت
انا شغاله الو الو الو الو وماف رد الخط فصل ودموعي خلاص عاوزه تنزل طارق جا داخل وانا م شفتو وماسكه التلفون وبتصل في الرقم وبترد لي البت بتقول لي عفواً هذا المشترك خارج نطاق الخدمه حاليا طارق قال لي نوسه مالك حاولت اتمالك نفسي وأجمع انفاسي وارد عليهو قلت ليهو لا ماف حاجه انا ماشه اجيب نور الترحيل اتصل علي مسكني من يدي وقال لي نوسه بسم الله انتي بترجفي مالك قلت ليهو لا ماف حاجه بس انا عندي حمه قال لي طيب ارقدي انا بمشي اجيب نور م تتعبي تمشي الشارع الشمس حاره بي نهره قلت ليهو لا وطلعت ودموعي خانتني وبقيت م قادره احبسهم وبتصل في الرقم ولسه مغلق

 

وبقيت اتكلم مع نفسي معقوله طارق يتزوج فيني معقوله طارق عاين لي غيري وكيف يعني بخوني انا الامنتو حياتي انا الوقفت معاهو انا البعتا دهبي ليهو انا الوقفت قصاد اخواني ف المحاكم عشان اشيل نصيبي واديهو ليهو معقوله دا جزاتي بس انا استاهل لكن احتمال الكلام دا يكون م حقيقه من غير م اشعر رجعت قلت لازم اواجهو وكنت برجف وببكي قال لي نوسه المات منو ولا الفي شنو م تجنيني قلت ليهو طارق انت اتزوجت فيني بقا مخلوع وبتمتم وبحاول في كلامو يشاكلني ودي اكتر حاجه حسستني انو هو متزوج قال لي زواج شنو ي نوسه انتي جبتي الكلام دا من وين قلت ليهو بهمك الكلام جبتو من وين وما بهمك انك اتزوجت فيني قال لي انتي م نصيحه انا زاتي طالع اخلي ليك البيت دا لمن توعي لي نفسك لانو الكلام دا كتر علي شديد قلت ليهو ياتو كلام طارق انا كلامي ما عاجبك عشان حبيتك عشان ما اتمنيت غيرك قال لي ياخ م تحبيبني لو بي حبك ح تخنقيني كده ابتسمتا ودموعي في عيني قلت ليهو اخنقك قال لي اي ياخ كل مره جاي من وين وماشي وين واتاخرت مالك انا م سمعت كلام امي وما عرستا كنت مرتاح ولا دا كلو خليهو الليله جابت ليها كلامات واتهامات قلت ليهو كان تسمع كلام امك وما تتزوج فعلا الزواج خنقه للخاين زيك طاخ اداني كف قال لي انتي كترتيهو وطلع تلفونو اتصل علي اخوي انا بقيت مصدومه شغال اقول لي اخوي اختك دي قليله ادب وما متربيه صاح كلامها كتير ونقتا كتيره يا تعرفو تربوها يا اربيها ليكم انا بي طريقتي واخوي صوتو كان عالي شغال ليهو يا ابو نور استهدا بالله وفي شنو اختي قلت ادبها فشنو لو غلطانه تتربا بس النقاشات والمشاكل ماف داعي ليها الستره سمحه قال ليهو اختك دي مجنونه ما نصيحه وانا والله بطني طمت منها يا تتكلمو معاها يا شنطتها وتمش اهلا انا بقيت ابكي وهو قفل الخط قلت ليهو هسي اخوي ذنبو شنو تدخلو في نقاشاتنا ليه قال لي لانك م متربيه ع الاقل يعرف يربيك قلت ليهو نسيت اخوي دا انا وقفت معاهو ف المحكمه عشان اشيل حقي واديك ليهو تعمل بيهو شغل وعربات وتتفسح فيني مره تعرس ومره تخوني ودا كلو وانا شايلاك في راسي بس اقول ليك حاجه انا قبلانه طلقني بس قبل تطلقني ترجع لي قروشي وبالفوائد قال لي قروشك قروشك اكلتيهن زمان في كرشك دي قلت ليهو في كرشي اكلت مليارات تفتح شركات معقوله واكلي دا واجبك انت م محسوب علي وبعدين رغم كل شي انا شغاله وما حصل يوم احتجت ليك في قروش مريحاك شديد دا جزاتي انك تعرس فيني قال لي انتي مجنونه عرس شنو انتي شكلك غاويه نكد بتي جات من بعيد مخلوعه ونحنا صوتنا كان عالي شديد بقت تقول لي ماما مالك وكانت مخلوعه شديد حاولت اسكت طارق بس هو م صدق لقا ليهو سبب يكورك ويحوط وطلع واداني الباب في وشي نور قالت لي ماما انتي زعلتي بابا ليه قلت ليها م زعلتو ماف شي ي نور
نور بتحب ابوها شديد بس عمرو م حسسني انو بحبها شديد تلفوني اتصل لقيتو أخوي رديت قال لي فشنو قليتي ادبك فشنو قلت ليهو معاذ انا م قليت ادبي نقاشي مع زوجي عادي انت م تدخل فيهو قال لي ادخل هو انا ادخلتا راجلك مصحيني من النوم شاكيك لي قلت ليهو سمعتو انا كنت جنبو قال لي طيب فشنو قلت ليهو م تشغل بالك قال لي كيف م اشغل بالي الراجل دا كان طلقك قلت ليهو ومالو الطلاق اصلو م عيب قال لي لا عيب تقعدي وين وتفوتي وين اتزكرت اني بيت اهلي نصيبي الفيهو بعتو لي اخوي واخوي مرتو كعبه اكعب من طارق النوع الفي حالها ما عايزه ليها اي زول ولا بتجامل زول ما دايراك يعني م دايراك يعني ماف لي حلل غير طارق بس انا قلبي مقطوع انا مشكلتي بحبو شديد خلاني اتعلق بيهو واحبو وادمنو من اتزوجتو وولدت القرش جرا في يدو افترا علي وبقا شايفني نكديه بقيت اتصل في الرقم م بدخل معاي وخلاص راسي ح يطق بت ادتني معلومه وقفلت وهي منو وغرضها شنو من انو تكلمني معناتا ف قصص تانيه انا لازم اعرفها راجلي دخلني في حرب في غنا عنها دخلت نور واكلتها ونومتها ورسلت ليهو في الواتساب قلت ليهو انت وين م ردا علي اليوم كلو م جا راجع بليل بعد العشاء نور قالت لي ارح ناس حبوبه ابوي بكون هناك قلت ليها لا ابوك بجي قعدت للساعه ١٢طارق ما جا شيلت بتي ومشيت ناس نسيبتي سلمت عليها ردت علي بي برود طارق ود امو اكيد بكون حكا ليها وامو م النوع الحكيم بتحاول تهدي الوضع لا لا امو م بتصدق تلقاها فرصه عشان تكرهو فيني وبتنبسط شديد م عارفه قصتها شنو رغم انها م شافت مني الا الخير وما حصل جا يوم وزعلتها رغم انها بتجرحني قلت ليها طارق وين قالت لي دخل نام جوه قال بكره عندو شغل بدري قلت ليها نام كيف وليه يخلينا برانا ع الاقل كان تقولي ليهو امش نوم في بيتك مرتك وبتك براهم حتي لو زعلان من مرتك قالت لي ينوم كيف وانتي حامياهو النوم والراحه وخانقاهو قلت ليها ايوا يعني انتي واقفه في صفو قالت لي ليه م بقيف في صفو ولدي هو ولا انتي قلت ليها ولدك هو بس لمن اكون غلطان م تقيفي في صفو قالت لي ولدي م بغلط انتي الغلطانه ومنكده عليهو عيشتو قلت ليها انا مستحيل انكد عليهو عيشتو بس ولدك اي كلمه تطلع مني بعتبرها نكد واحسن اسكت بس وخليك مني الغلط ما تعدلي بالكلام وتخلي ينوم هنا وانا براي قالت لي يعني مشيت جبتو قلت ليهو تعال نوم معاي ما طفشان منك ومن نقتك ويختي ما تجادليني في الكلام انا مره قدر امك هداك راجلك جوه ادخلي علي صحي وقولي ليهو كلامك دا بس اوعكم تعلو صوتكم في بيتي م خليتا تابعت كلامها دخلت وفتحت النور لقيت الغرفه فاضيه قلت ليها وينو طارق المكآن فاضي قالت لي ما بعرفو والله دخل جوه وقال ح ينوم ما رديت عليها ورجعتا البيت وقلبي مقسوم النص طارق ماف في الغرفه وشكلو كلام البت صاح وكسب كلامي فرصه عشان يثبت اني نكديه بس انا اعرف كيف والحق راجلي كيف والحق حقي العندو كيف واطفي النار الجواي كيف………يتبع

 

• لقراءة باقي فصول الرواية أضغط على (رواية أحببت وأنا على ذمة رجل اخر)