رواية هنا الحب الفصل الثاني 2 بقلم فريال أحمد

رواية هنا الحب الفصل الثاني 2 بقلم فريال أحمد

البارت الثاني

الفصل التاني
سيف قلبه وجعه علي هنا و منظرها ، لما هديت من عياطها سألها : ما تكلمي أهلك اللي في الصعيد دول و لو كده أنا هوصلك ليهم !
هناء بدموع : محتاجة أدخل شقتنا علشان أجيب أرقامهم ، بابا كان مسجلها في أجندة عنده
سيف : خلاص تعالي نروحك و نجيب المفتاح من البواب
الدكتور كتبلها علي خروج و سيف خدها و رجعوا العمارة .. خدوا من البواب المفتاح الاحتياطي لشقتها
دخلت و جابت الرقم بتاع عمها أحمد اللي في الصعيد و أتصلت عليه
أحمد : أيوة مين ؟؟
هنا : أنا هنا يا عمي
أحمد : هنا مين .. منعرفوش حد بالأسم ديه !
عمها قفل التلفون في وشها ، اتصلت بعمها التاني مدحت : أيوة مين ؟
هنا : أنا هنا يا عمي
مدحت : هنا مين .. منعرفوش حد بالأسم ديه
نفس الرد جالها من الاتنين قعدت علي السرير مصدومة : أنا هعمل ايه بس يا ربي في الورطة دي !
سيف : تعالي هوديكي عندك عمامك اول ما هطبي عليهم هيعرفوكي أكيد
هنا : عمري ما شوفتهم اصلا
سيف : تعالي نجرب مش هنخسر حاجة
سيف خدها في عربيته و طلع بيها علي الصعيد ، و في نص الطريق جابلها حلويات كتيرة اتبسطت بيهم اوي
وصلو عند عمامها اللي أول ما شوفها أنكروها : احنا منعرفهاش الشابة ديه
هنا سيف غضب اووي و اتغاظ منهم ، خلاها طلعت بطاقتها و وراهالهم
سيف بغضب : دي بنت أخوكم .. و لو مش هتاخدوها في كنفكم جوزوهالي و انا هعرف أحميها و احافظ عليها !
عمها أحمد : لو البنتة موافقة علي الجواز .. اتكل علي الله هات المأذون !
سيف اتصدم من رد عمامها بس قرر أنه هيتجوزها و يحميها من الغم ده لأنها مبقالهاش حد في الدنيا دي خلاص
هنا مبطلتش عياط من البيع و الشرا اللي بيعملوه فيها .. و فعلا جابو المأذون و سيف كتب كتابه عليها اودام عمامها و خدها و مشي
في الطريق و هما مروحين حاول يسعدها و يجبلها حجات بس هي أكتئبت و قعدت تعيط
سيف بضيق : و بعدين بقي في العياط ده .. خلاص اللي حصل حصل و اتجوزتك
هنا بحزن : بس انا معرفكش و لا اعرف عنك حاجه .. عمامي رموني أنت مش هتيجي في يوم و تزهق و ترميني
سيف وقف العربية و بصلها بحنية : عمر ما ده يحصل لأني متجوزك بمزاجي و علشان احميكي منهم .. و مع الوقت هناخد علي بعض و اياكي اسمع الكلام العبيط ده تاني !
هنا : انتي اتجوزتني علشان انا حلوة ؟
سيف بصلها و تاه في جمالها بنت بشعر مموج لونه برتقالي و عيون فتاكه لونها اخضر و شفايف صغيره جميلة
سيف بحب : ايوة طبعا اتجوزتك علشان انت اجمل واحدة في البنات كلهم
هنا بفرح : بجد ؟؟ شكرا اوي
سيف اضايق و قالها : اول قاعدة بينا مفيش لا شكرا و لا ميرسي ، انتي مراتي و متشكرنيش علي حاجة بعد كده
هنا نفخت بغيظ : انت هتمشينا بقواعد و لا ايه !
سيف بخبث : ايوة و القاعدة اللي مش هتمشي عليها هتتعاقبي عليها
هنا : عقاب ايه ؟ .. هتعاقبني بايه ؟
سيف : هقولك لما يجي وقت العقاب .. يلا انزلي !
هنا نزلت اودام بيت كبييير ده فيلا مش بيت ، سيف مسك ايديها و دخل الفيلا
استقبلته مرات عمه و صرخت بفزع
مرات عمه : يالهوي يا سيف مين دي انت خاطفها ؟
سيف : اقدملك مراتي هنا يا مرات عمي
مرات عمه بصدمة : اتجوزت من ورانا يا سيف ؟
سيف : و ايه يعني هو انا صغير و لا ايه
ناريمان جت و بصتله بصدمة : انت اتجوزت بجد يا سيف ؟ .. و أنا ايه ده انا بحبك !
سيف ببرود : كان زمان و خلص .. دلوقتي هنا حرمي و مراتي و كرامتها من كرامتي و اي حد هيجي عليها مش هرحمه
سحب هنا من ايديها و طلع علي جناحه ، دخلت فاتفاجئت بجناح كبيييير اوي مليان أوض ، أوضة نوم كبيييرة و حمام كبيرر اوضة تلفزيون و انتريه !
هنا بزهول : كل دي اوضتك لوحدك !
سيف بحب : بقت بتاعتنا احنا الاتنين خلاص
بصتله و باسته علي خده بسرعة بامتنان يعني ، سيف بصلها بخبث
سيف : مش هي دي البوسة اللي انا عايزها
هنا : امال انت عايز ايه ؟
سيف : انا عايز بوسة مشبك زي دي
باسها من بقها بكل حب ، داس في بوسته و هي حست انها هتقع من طولها فمسكت فيه .. بعد عنها فبصتله بحرج و كسوف و جريت علي الحمام
سيف ضحك : لسه الايام بنا كتير يا قطة و بكره ما تهربيش
◇◇◇◇◇◇◇◇◇◇◇◇◇◇◇◇
الخدامة طلعت لهم الاكل ، هنا كانت جعانة بس معدتها مقلوبة مش عارفة تاكل .. سيف لاحظ و سالها : انتي كويسة ؟
هنا : مش قادرة اكل بطني وجعاني
سيف بقلق : اجيب دكتور ؟
هنا : لا متقلقش انا كويسة
سيف : طب خدي اشربي كوباية اللبن دي !
هنا بقرف : ييييع لبن !! .. لا أنا مبحبوش
سيف بحزم : مفيش حاجة اسمها يع و هتشربيه من النهاردة كل يوم ، انتي مش شايفة نفسك رفيعه ازاي ياما …
هنا : ياما ايه ؟
سيف : هكلم الدكتور و هخليه يكتبلك حقن
هنا بزعر : لا خلاص هشربها هشربها
سيف بحزم : تعالي هنا
هنا قربت منه ، مسكها و قعدها علي رجله و قالها بحب : من النهارده ده مكانك علي رجلي و بس
هنا حضنته بكسوف ، اداها كوباية اللبن و قالها : اشربيها كلها
هنا : يييييع بجد
شربته مضطرة ، و بعد ما خلصت سيف قرب عليها و باسها من شفافيها بوسة طوييلة و لحس شفايفها بعد ما خلص
سيف بمكر : كان فيه لبن علي شفايفك !!
هنا اتكسفت و غطت وشها فيه و سيف ضمها و ضحك بسعادة علي خجلها و رقتها دي ❤️❤️❤️
◇◇◇◇◇◇◇◇◇◇◇◇◇◇◇◇◇◇◇
نهاية الفصل

• لقراءة باقي فصول الرواية أضغط على (رواية هنا الحب)