رواية ستبقى حبيبي الفصل الرابع 4 بقلم راجية الجنة

رواية ستبقى حبيبي الفصل الرابع 4 بقلم راجية الجنة

البارت الرابع

الفصـــــل الــــــرآبــــــع

في صباح يوم جديد استيقظت سيسيل مبكرة كعادتها بالرغم من نومها متأخرة ..الا ان اليوم غير باقي الايام التي مضت فاليوم سفر حبيبها الي محل عمله في مرسي مطروح.. فكانت حزينة علي سفره وعدم روئيتها له ولكن ماذا تفعل فيجب ان يسافر فمرضاه ينتظرونه لانه اشهر جراح في هذه المشفي ..
دخلت الي المرحاض واغتسلت وازالت اثار النوم وبدلت ملابسها الي بنطال قصير باللون الابيض من خامة الجينز وبدي ضيق نص كم باللون الموف مرسوم عليه صورة باربي باللون اللامع وارتدت حذاء رياضي بمزيج من اللونين الابيض والموف ..ورفعت شعرها الي اعلي ووقفت في الشرفه تنتظرة رآته خارجا من البناية خرجت من الشرفه تركض ولكن اوقفها عن الركض صوت حنان

حنان : راحة فين يا سولا

سيسيل : هنزل اجيب حاجة

كانت حنان ستكمل حديثها ولكن سيسيل تركتها واكملت ركضها الي اسفل وجدته واقفا في اول الشارع ركضت نحوة مسرعه حتي وصلت اليه

سيسيل وهي تلهث من شدة الركض : صباح الخير يا ادم

ادم : صباح النور يا سولا ايه مالك بتنهجي ليه كده كنتي بتجري ولا ايه

سيسيل وهي تلقط انفاسها : اه كنت بجري ع السلم كده تسافر من غير ما تسلم علينا

ادم : معلش انتي عارفه يادوب الحق القطر وبعدين ما احنا كنا سوا امبارح بالليل

سيسيل : لازم اسلم عليك برضه

ادم : تسلمي ربنا يخليكي

سيسيل : خلي بالك من نفسك وتروح وترجع بالف سلامة

ادم : الله يسلمك

سيسيل وهي تنظر الي عينيه : هتيجي يوم الخميس

ادم : والله مش عارف لسه ع حسب الشغل انتي عارفه

سيسيل : ربنا يوفقك .. هستناك

ادم : ان شاء الله

سيسيل : لا اله الا الله

ادم : سيدنا محمد رسول الله

استقل ادم سيارة اجري وعادت سيسيل الي شقتها وهي حزينه ع فراق حبيبها سيتغيب عنها من جديد ولم تعد تراه الا اخر الاسبوع فهي تشعر بانه سيتغيب اربع سنوات ليس اربع ايام فاليوم في بعاده بسنه بل بعده سنوات عادت الي شقتها وكان الحزن يخيم علي وجهها دخلت الي الشقه بعد ان فتحت لها حنان

حنان : ايه يا سولا كنتي فين ومالك راجعه متضايقه كده

سيسيل : ولا حاجة يا خالتو بس كنت بسلم ع ادم قبل ما يسافر

حنان : ايه يا سولا هو احنا مش اتفقنا اننا منبقاش مع ادم لوحدينا

سيسيل : اعمل ايه بس يا خالتو بلاش اسلم عليه قبل ما يسافر ليه محدش قادر يفهم انا بحبه اد ايه كل اللي بعمله ده غصب عني

حنان وهي تضم ابنه اختها الي صدرها : ربنا يقرب البعيد يا بنتي ويجعله من نصيبك

سيسيل : امين يارب يا خالتو

حنان : طب يلا ادخلي بقي غيري كده وتعالي افطري معايا

سيسيل : حاضر يا خالتو

دخلت سيسيل الي غرفتها وبدلت ملابسها الي بنطال باللون الوردي وتوب نص كم قصير باللون الابيض في الوردي ودخلت الي خالتها المطبخ وحضرت معها الفطور وجلست بجوارها لتتناول افطارها ولكنها لم تتناول شئ فكان الحزن هو رفيقها مع غياب حبيبها

حنان : هتفضلي سرحانه ومسهمة كده كتير ماهو شويه وراجع

سيسيل : غصب عني يا خالتو والله كفايه استحملت سنين مشوفهوش بس تعبت من كتر البعد عنه وفرحت اوي اني هاجي اعيش في اسكندريه علشانه بس تقريبا الفراق من نصيبي حتي وانا معاه

حنان : نهايه الفراق اللقي يا حبيبتي وخلي املك في ربنا كبير وبعدين محدش عارف الخير فين اصبري وربنا يكتبلك الخير

سيسيل : يارب يا خالتو

كانت تمر الايام ببطئ شديد كانت سيسيل دائما وحيدة فالجميع منشغل عنها بالعمل كانت دائما تقف في الشرفه وتتخيله امامها كانت واقفه مبتسمة وتتخيله يضحك لها وخرجت رودينا الي الشرفه ووجدت سيسيل تبتسم وشاردة

رودينا : ايوة ياعم يا بخته

سيسيل بعد ان افاقت ع صوت رودينا : هو مين ده

رودينا وهي تغمز لها : اللي واخد عقلك

سيسيل : والله انتي فايقه ورايقه وحاولت ان تغير مجري الحديث وانتي مش باينه ليه كده

رودينا : انا اهو تحت النظر بس انتي اللي مبقتيش بتقفي في البلكونه كتير ولا بتسألي

سيسيل : انا اهو موجوده بس بشوف طلبات البيت مع خالتو

رودينا : طب ما تيجي نروح نقعد ع البحر ولا نعمل اي حاجة انا زهقت

سيسيل : طيب خليها بالليل لما ايات تيجي ننزل نتمشي شويه ع الكورنيش

رودينا : خلاص تمام يلا انا هدخل علشان ماما بتنده

سيسيل : اوك وسلميلي عليها كتير

رودينا : يوصل

دخلت رودينا ودخلت سيسيل ايضا وبدأت في تجهيز وجبه الغداء مع خالتها

سيسيل : خالتو هنزل انا وايات ورودي نتمشي شويه اخر النهار

حنان : ماشي يا حبيبتي

ظلت سيسيل وحنان يقوموا باعداد وجبه الغداء حتي جاءت ايات ويوسف من العمل وكانت ايات في شدة الارهاق والتعب وجلسوا جميعا حول الطاوله لتناول الغداء

يوسف وهو يشم رائحة الطعام : ياعيني ع ريحة الملوخيه اللي تجنن

حنان : اكل سولا ده

يوسف : ما تسيبك من الطب دده وخليكي في المطبخ وانتي بتطبخي حلو كده

سيسيل : هههههههههه مكدبش المثل اللي بيقول توصل لقلب الراجل عن طريق معدته

يوسف : وهو حد قالك انه كدب ده صح ميه في الميه وخاصه لما يبقي هفتان زي كده وعمال اجري ورا الحراميه ليل ونهار

سيسيل : هفتان فعلااااااااا ياعيني ايه ده انت مالك كده خاسس حتي ابقي روح اكشف

يوسف : ما انا هبقي اجي اكشف عندك بس يا خوفي تطلعي دكتورة اي كلام

سيسيل : اي كلام في عينك ال دكتور اي كلام ال

يوسف : بكرة نشوووووووووووف

وبدأو الاثنين في الضحك وكانت تشاركهم الضحك حنان وكانت تنظر لهم بالم وحسرة فكانت تتمني ان تأخذ سيسيل ليوسف ولكن ما باليد حيله فالحب اقوي واعظم من اي شئ

سيسيل : بت يا يويا بطلي حشر شويه هننزل كمان شويه انا وانتي ورودي

ايات : ليه رايحيين فين

سيسيل : هننزل نتمشي شويه انا زهقانه

ايات : مع نفسك انتي وهي انا مش فاضيالكم

سيسيل : بطلي رخامة بقي

يوسف : اجي انا

سيسيل : ليه ما انت كنت عاملي تحقيق علشان خرجت مع رودينا وادم ولا هو حلال ليك

يوسف : احم احم ايه الاحراج ده بقي .. انا كنت بهظر ع فكرة

سيسيل وهي تهز رأسها : عارفه ع فكرة

يوسف : رخمة ع فكرة

سيسيل : مش جديدة ع فكرة

وبدأو في الضحك من جديد فكانت سيسيل تحب يوسف حبا جما فهو اخوها الذي رباها فكانت عائله سيسيل تحيا بالاسكندريه حتي كانت سيسيل بالصف الثالث الثانوي ولكن حصلت ظروف عائليه اضطرتهم للتنقل الي القاهرة للعيش فيها وكانت قريبه من يوسف جدا ويعلم عنها كل شئ وتعلم عنه كل شئ ولكنه لا يعلم بحبها لآدم

سيسيل : ها قولتي ايه

ايات : امري الي الله هروح معاكم

يوسف : بس ما تتأخروش

سيسيل : حاضر والله مش هنتأخر

ايات : طب هدخل انام شويه علشان مفصلش منكم

سيسيل : ماشي بس 6 هصحيكي

ايات : ماشي يا قدري

سيسيل : قدر زي العسل

الجميع : ههههههههههههههههه

قاموا جميعا وقامت سيسيل برفع الاطباق ودخلت ايات الي غرفتها واستلقت ع فراشها وغطت في نوم عميق اما سيسيل فاحضرت القهوة الي يوسف وذهبت بها اليه في الشرفه

سيسيل : احلي قهوة لاحلي نقيب في المديريه كلها

يوسف : ياسلام كل ده علشان وافقت انك تخرجي

سيسيل : انت كنت تقدر تقولي لاء اصلا

يوسف : متكبرهاش في دماغي

سيسيل : بهزر يا رمضان ايه مبتهزرش

يوسف : هههههههههههه لاء بهزر يا اختي

الاثنين : ههههههههههههههههه

خرجت رودينا الي الشرفه عند سماع صوت ضحكاتهم

رودينا : ياعيني ع الضحك اللي جايب لاخر الشارع

سيسيل بدلع : الله بضحك انا وجو حبيبي عندك اعتراض

رودينا وهي تنظر لها بحده : لاء طبعا معنديش

سيسيل بضحك : بص بص بتبوصيلي ازاي هتاكولني بعنيها متخافيش اوي كده انا وجو اخوات بس يالهوي ع غيرة البنات

يوسف : ههههههههههههههههه

رودينا : اضحك اضحك لما نشوف اخرة الضحك

سيسيل : خير ان شاء الله

رودينا : طب يا اختي ادخلي البسي علشان نلحق نرجع

سيسيل : طيب هدخل اصحي القتيله اللي جوة دي ونلبس وننزل

رودينا : اوك

دخلت رودينا من الشرفه لترتدي ملابسها ودخلت ايضا سيسيل وقامت بايقاظ ايات وقاموا بتبديل ملابسهم وهبطوا جميعا الي الاسفل واتجهوا الي كورنيش البحر

سيسيل : ها هتودوني فين بقي

رودينا : في حته كافيه توحفه في وسط البحر انا وادم روحناه مرة

سيسيل عندما سمعت كلمة ادم فاهتزت من داخلها وشعرت برعشه تسير في جسدها وقالت بحب : اوك .. صحيح يا رودي ادم جاي بكرة

رودينا : هو كان بيقول انه هيجي بس اتصل بماما وقالها انه مش هيقدر يجي الاسبوع ده

شعرت سيسيل بالحزن لعدم روئيتها لحبيبها هذا الاسبوع فلقد مر هذا الاسبوع بطيئا ملئ بالملل بدونه فكيف ستستحمل اسبوعا اخر لا يكون موجودا فيه

سيسيل بحزن : يجي بالسلامة ان شاء الله

ذهبوا جميعا الي الكافيه وجلسوا وطلبوا عصير من الفواكه الطبيعيه

سيسيل : بس انتي مفضوحة يا رودي غيرتك بانت عليكي وانا مع يوسف

رودينا : انتي رخمة ع فكرة

سيسيل : ههههههههههههه بتتكثفي يا بيضه ما احنا عارفين اللي فيها بس اللي انا هموت واعرفه انتي مش موافقه ع الخطوبه ليه

رودينا وشردت بعيدا : انا لسه فاضيلي سنتين علي ما اخلص كليه يمكن دي حجة انا عملاها لنفسي بس هتصدقيني لو قولتلك خايفه خايفه اوي كمان

ايات : ليه انتي مش بتحبي يوسف

رودينا : بالعكس يا ايات انا عمري في حياتي ما حبيت حد اد ما حبيت يوسف

ايات : وليه خايفه

رودينا : خايفه اقرب منه يسيبني ويبعد هو

سيسيل بعدم فهم : مش فاهمة

رودينا : عمركم ما هتحسوا باللي جوايا علشان محدش جرب احساس البعد زي

سيسيل : طب وضحي

رودينا : انا خايفه اعيش مع يوسف ايام حلوة يوسف ظابط بيخرج من البيت وهو حاطط روحة ع ايده ربنا يديله طوله العمر يارب بس يوسف متهور واتعرض قبل كده لحوادث كتير جدا كان في كل حادثه بموت الف مرة خايفه اموت من غيره

سيسيل : ياعوز بالله ايه يابت النكد ده الله يخربيتك

رودينا : انا مش بتمني الشر يا سولا بس خايفه بجد

سيسيل : يا حبيبتي شيلي الاوهام دي من دماغك كله اجل ومكتوب

ايات : ماهو انتي هبله اصلا ازاي بتفكري كده انا معاكي انك تخافي بس كمان مش تفكري كده زي الهبله لازم تؤمني بقضاء ربنا وان كل واحد وليه يوم مكتوب في لحظة

رودينا : انا عارفه كل ده

سيسيل : لما انتي عارفه كل ده.. كتك خيبه الواحد بيبقي عايز يسرق لحظة حلوة من الدنيا وانتي كل حاجة حلوة قدامك وباوهامك عايشه في نكد البت دي غم

الجميع : هههههههههههههههههههههههه

رودينا : انا غم يا سولا

سيسيل : اه والله عيشي حياتك مع الانسان اللي بيحبك بدل ما ترجعي تندمي وتقولي ياريت

رودينا : عندك حق

سيسيل : يعني ابشر جو واقوله انك مستعده للخطوبه

رودينا : لاء طبعا مش دلوقتي بابا جاي اخر الشهر الجاي نهائي لما يجي

سيسيل بفرحة : بتهرجي عمو اسماعيل جاي وكمان نهائي

رودينا : اه والله

سيسيل : ياااااااااااااااه تعرفي انه واحشني جدااااااا

رودينا : وانتي كمان واحشاه اووووووووووي والله ودايما يسأل عنك

سيسيل : سلميلي عليه بقي وابقي قوليله ان احنا مستنينك

رودينا : من عنيا يلا بقي علشان منتأخرش علشان يوسف ميأفش

سيسيل : ابن خالتي طلع حمش يا ناس

الجميع : هههههههههههههههههههههههه

ذهب الجميع الي منازلهم وكان الحزن يخيم ع وجه سيسيل لان ادم لم يأتي هذا الاسبوع وظلت تفكر فيه حتي غلبها النوم ولكنها استيقظت قبل اذان الفجر بقليل اثر سماعها لفتح باب قامت لتري من في الخارج

سيسيل بنوم : ايه يا جو لابس كده ورايح فين

يوسف : عندي شغل يا سولا

سيسيل : دلوقتي

يوسف : اه يا حبيبتي عندي اجتماع مهم في الادارة بصي انا سايب ورقه لماما وانتي برضه ابقي طمنيها

سيسيل : حاضر هترجع امتي

يوسف : والله ما انا عارف يا سولا دعواتك بس يلا خلو بالكم من نفسكم

سيسيل : حاضر وانت كمان لا اله الا الله

يوسف : سيدنا محمد رسول الله

بعد خروج يوسف خرجت حنان من غرفتها لتري من الذي يتحدث

حنان : ايه يا سولا بتكلمي مين

سيسيل : ده جو يا خالتو عنده اجتماع مهم تقريبا فيه مهمه

حنان بقلق : ترجعلي بالف سلامة يارب يا ابني

سيسيل بخوف : ان شاء الله يا خالتو هيرجع بالسلامة وبصوت هامس ليكي حق يا رودينا تموتي من الخوف

حنان : بتقولي حاجة يا سولا

سيسيل : سلامتك يا خالتو انا هدخل اصلي الفجر وادعي لجو يرجع بالسلامة

حنان : ماشي يا حبيبتي

دخلت سيسيل توضأت وادت فريضه الفجر ورفعت يداها للسماء وبدأت تدعي ان يوسف يعود بالف سلامة وان ادم يكون من نصيبها وعادت الي فراشها وغطت في سبات عميق

• لقراءة باقي فصول الرواية أضغط على (رواية ستبقى حبيبي)