رواية عانيت لأحبك الفصل الثالث والعشرون 23 بقلم فاطمة محمود

رواية عانيت لأحبك الفصل الثالث والعشرون 23 بقلم فاطمة محمود

البارت الثالث والعشرون

” رواية عانيت لأحُبك ”
” البارت الثالث وعشرون ”
” الكاتبة فاطمه محمود ”
تُزهِر أيّامِي حُباً بِـ رفقتَك 💗🦋
بعد مرور شهر علي أبطالنا
البنات اللي كانوا بيذاكرو ومطنشين الشباب طول
الوقت والشباب بيحاول يكلمهم ومفيش فايده
سيف دخل مكتب يوسف
سيف : يوسف انا ماشي
يوسف : علي فين
سيف : هروح اشوف آيه

يوسف : هتروح الكليه يعني
سيف : ايوا هروح اشوفها هناك هي مش معبرني اصلا
يوسف بضحك : انت كمان
سيف : هي سلمي مش بتكلمك
يوسف : لاا
سيف : دول عاملين عصابه بقا
يوسف بضحك : شكلها كدا .. فارس كلمني وقالي شوف
اختك دي اللي مش بترد عليا
سيف : كمان نور
يوسف : باين من كلامه اه
سيف : لما اروح همسك اختك دي واعلقها
يوسف بضحك : وتعلق نور ليه
سيف بضحك : ما هما متفقين سوا
يوسف : ماشي
سيف خرج ويوسف مسك الفون ورن علي سلمي ومرديتش فتح الواتساب وبعتلها فويس
يوسف : سلمي حرام عليكي برن عليكي مبترديش ليه
اكيد مش بتذاكري ليل نهار يعني عبريني برساله حتي
بعتلها الفويس وقفل الفون ورجع كمل شغله
…………………………………
سيف كان خرج وركب عربيته وبعد وقت كان وصل قدام الكليه ونزل وكان هيدخل من بوابه الكليه وقفه الأمن
راجل الأمن : علي فين يا استاذ
سيف : داخل الكليه
راجل الأمن : هي وكله من غير بواب
سيف : انت عارف بتكلم مين
راجل الأمن : هيكون مين يعني وريني البطاقه بتاعتك
سيف طلع بطاقته وشافها راجل الأمن وإدهاله بسرعه : اتفضل يا باشا
سيف دخل وقال بضحك : تعجبني شغلاتني اللي بتدخلني
اي مكان عاوزه
………………………………..
في الكليه آيه كانت مع صحبتها ريهام

ريهام : الواحد بجد تعب
آيه بضحك : تعبتي ايه بس يا ريمو دا احنا لسه مبداناش امتحانات دي كانت محاضره مراجعه بس
ريهام : والله انا كل ما حد بيجيب سيره الامتحانات
قدامي برتعب
آيه بضحك : لاا جمدي قلبك مش كدا
ريهام : ربنا يستر
آيه : متقلقيش كل حاجه هتبقا كويسه
ريهام : طيب همشي انا
آيه : ماشي يا حبيبتي سلام
ريهام مشيت وآيه كانت خارجه من الكليه بس وقفت
لما شاب نده عليها
زياد : آيه
آيه بصتله : زياد ازيك
زياد بابتسامة : الحمدلله انتي عامله ايه
آيه : بخير الحمدلله
زياد : ايه مبقناش نشوفك يعني
آيه : زي ما انت عارف المذاكره بقا واخده كل وقتي
زياد بابتسامة : عارف طبعا بس متقلقيش انتي كدا كدا شاطره وقدها
آيه : شكرا يا زياد .. عن ازنك
زياد : ممكن نشرب قهوه مع بعض لو مفيش مانع
آيه بابتسامة : اسفه يا زياد والله بس مش هينفع
زياد بابتسامة : ولا يهمك .. طيب اشوفك مره تانيه
آيه : أن شاء الله
سيف كان ماشي وفجاه وقف لما شاف آيه واقفه مع زياد اتعصب جامد وضغط علي ايدو لما شافها واقفه معاه

زياد بابتسامة : مع السلامه
آيه : سلام
آيه كانت لسه هتمشي لقيت سيف في وشها اتخضيت وعرفت أنه يوم مش هيعدي علي خير
آيه : سيف
سيف بابتسامة : اه .. مش تعرفينا
آيه : زياد زميلي سيف خطيبي
زياد باستغراب : خطيبك
سيف : اه خطيبها حضرتك متعرفش
زياد : لاا معرفش والله
سيف : طيب واهو عرفت
زياد مد ايده : تشرفت بيك
سيف سلم عليه وضغط علي ايد زياد : الشرف ليا
زياد بصله وشد ايدو اللي كانت وجعته
سيف بص لـ آيه ومسكها من دراعها بغضب : يلاا

زياد : انت كدا بتوجعها
سيف ساب ايد آيه ورجع بص علي زياد : وهي اشتكتلك
زياد : مش قصدي حاجه بس ايديها هتوجعها
سيف ضرب زياد بالبوكس في وشه وزياد من قوه
الضربه وقع
آيه : سيف انت اتجننت ايه اللي انت عملته دا
سيف بغضب : انتي تسكتي خالص عشان متعصبش عليكي
آيه قربت من زياد ومدت ايديها لي : انا اسفه يا زياد
زياد : ولا يهمك انتي معملتيش حاجه
سيف قرب من آيه ومسكها من ايديها : انت ازاي تمدي ايديكي لي
آيه : انت اللي غلطان وبتقولي ازاي بمد أيدي لي
سيف اتعصب أنها بدافع عنه وزقها بايدو وآيه وقعت واتخبطت في دماغها واتعورت
زياد : انت اتجننت ازاي تعمل فيها كدا
سيف مردش علي زياد وقرب من آيه بخوف وقومها :
آيه انتي كويسه يا حبيبتي
آيه قامت مع سيف وبعدين بعدت ايد سيف عنها
آيه : اسفه يا زياد علي اللي حصل
زياد : انتي كويسه طيب
آيه : متقلقش كويسه
زياد : مقلقش ازاي انتي مش شايفه جرحك انتي لازم
تروحي المستشفى
آيه مرديتش علي زياد
سيف : طيب تعالي يلاا نروح المستشفى اطمن عليكي
آيه مشيت مع سيف ومعترضيتش وهي ساكته عشان الطلاب اللي واقفين
سيف كان ماسك آيه لحد ما خرجوا من الكليه وآيه سابت
ايد سيف وركبت العربية سيف ركب وساق
آيه : وصلني علي البيت

سيف بصلها : لاا نروح المستشفي الاول اطمن عليكي
آيه : ونا مش عاوزه اروح المستشفى
سيف : ونا قولت هنروح
آيه : انت مش عاوز تفهم ليه قولتلك عاوزه اروح
سيف : بصي كدا انتي هتعملي اللي اقوالك عليه تمام
آيه بعصبية : لاا مش تمام
سيف : انتي بتعلي صوتك
آيه : لو انت سامع بقا
سيف : طيب اسكتي ودا احسن ليكي
آيه : هتعمل ايه اكتر من اللي عملته
سيف وقف العربيه وبصلها بعصبية : ولما الاقي حضرتك
واقفه معاه عاوزاني اعمل ايه اجاي بهزر معاكم
آيه : لاا تيجي وتضرب في زياد وتتعصب عليا وتلم
كل اللي في الكليه علينا
سيف بعصبية : آيه انتي اللي غلطانه
آيه بدموع : انت هتفضل علطول كدا يا سيف عمرك
ما هتفهمني
سيف مسك دراع آيه بغضب : ومين اللي هيفهمك زياد
مش كدا
آيه : سيف سيب دراعي
سيف : لاا متتهربيش من السوال ردي عليا
آيه : ارد علي ايه انت واحد مريض بتقول اي كلام وخلاص
سيف بعصبية : آيه احترمي نفسك ومتعصبنيش اكتر من كدا
آيه بدموع : سيب ايدي لو سمحت
سيف ساب ايد آيه وساق العربيه بغضب بعد وقت وصل

قدام المستشفى سيف نزل وآيه فضلت في العربيه
سيف بصله : يلاا انزلي
آيه : لاا مش نازله
سيف : لو حابه اني اتعصب عليكي وامسكك من ايدك وادخلك غصب عنك وشكلك يبقا وحش قدام الناس
معنديش مشكله
آيه نزلت من العربيه وبصتله بغيظ : انسان مستفز وبارد
سيف بضحك : ماشي يا ستي
سيف مسك ايد آيه وآيه حاولت تشيل أيدها بس سيف مسكها جامد
سيف : خلاص بطلي بقا
بعدين دخلوا ولقيو مالك واقف وماسك ملف
سيف : مالك
مالك رفع وشه من الملف وشاف سيف وآيه اللي
متعورها في دماغها
مالك باستغراب : سيف
سيف : ايه ياعم المقابله دي
مالك بابتسامة : لاا بس متفأج بوجودك هنا
سيف بابتسامة : اه نستني البت ياعم شوف الجرح وطمني عليها
مالك بص علي آيه اللي شكلها مدايق واستغرب أنها منطقتش كلمه لانها مش دي طبيعتها
مالك بلهفه : ايه اللي حصل يا آيه
آيه : مفيش وقعت بس

مالك : هو ايه اللي وقعت انتي مش شايفه الجرح
سيف كان بيتكلم بس آيه قاطعته : زي ما بقولك كدا يا مالك
مالك : طيب تعالي معايا
آيه مشيت مع مالك علي مكتبه وسيف قعد ومالك قعد
قصاد آيه وبدأ يشوف الجرح
مالك : هو الجرح محتاج غرزتين
سيف : طيب خيطلها الجرح
آيه بخوف : يخيط ايه لاا انت عقمهولي واكتبلي علاج
مالك بابتسامة : يابنتي والله محتاج خياطه متقلقيش
مش هتحسي بحاجه
آيه بصيت لسيف وقالت بصوت واطي : منك لله انت السبب
سيف شاف حركاتها شفايفها وفهم هي قالت ايه وابتسم
مالك جاب حقنه بنج وحقنها
آيه اتوجعت : اه
مالك بلهفه : انتي كويسه
آيه : اتوجعت شويه
مالك : انا اسف خلاص دلوقتي مش هتحسي بحاجه انا بنجت مكان الجرح
مالك كمل وبدأ يخيط براحه وسيف كان باصص عليهم وشايف خوف ولهفه مالك علي آيه ادايق شويه بس حاول يبقا هادي
بعد وقت مالك كان خلص : انتي كويسه دلوقتي
آيه : احسن شويه
مالك : لازم تيجي كل يومين عشان نغير علي الجرح وبعد اسبوع يبقا نشيل الغرز
آيه : حاضر
مالك بابتسامة : الف سلامه عليكي
آيه : الله يسلمك يا مالك
سيف : طيب يلا بينا
ايه خرجت من المكتب وسيف ومالك خرجوا وراها
سيف : يلا مع السلامه
مالك : سلام .. خد بالك منها

سيف تنح شويه : تمام
آيه وسيف مشيو ومالك فضل واقف لما ما اختفو وعمر
جيه وقف جمبه
عمر : ايه وصلت لحد فين
مالك بصله : هاا
عمر : هو دا صاحبك والبنت اللي انت بتحبها
مالك : عرفت ازاي
عمر : انت مش شايف نظرتك ليها
مالك بابتسامة : هو انا باين عليا اوي كدا
عمر بضحك : واكتر من كدا والله
مالك بضحك : سيبك مني اخبارك ايه انت والدكتوره مريم
عمر بضحك : مجنناني والله
مالك بضحك : من اول ما شوفتها ونا قولت عليها مجنونه
عمر بضحك : بس ياعم لتسمعك دي بتيجي علي السيره
مريم : هي مين دي يا استاذ عمر
عمر بابتسامة : حبيبه قلبي بدور عليكي
مالك بضحك : بنت حلال لسه كنا في سيرتك والله
مريم : بتقول عني ايه بقا
مالك بص لعمر بضحك : بيحكيلي قد ايه بيحبك
مريم بابتسامة : والله يعني مش بيشتكيلك مني
مالك : لاا انتي كدا بتظلم الواد
عمر : انتي تعرفي عني كدا بس يمريومتي
مريم بابتسامة : لاا يا عمورتي
مالك بضحك : طيب اسيبكم في المحن دا ورايا شغل
عمر : ماشي
مالك مشي وعمر ومريم فضلو واقفين مع بعض
عمر : وحشتيني
مريم بكسوف : يووه يا عمر
عمر : ما انتي كنتي حلوه من شويه يا عمورتي

مريم : روح يا حبيبي علي شغلك
عمر : ماشي يا قلبي
مريم ضحكت عليه وعمر مشي
……………………………………..
في العربيه سيف كان بيسوق وآيه باصه لطريق وساكته
سيف بصلها : ساكته ليه
آيه : مفيش حاجه اقولها
سيف : ليه مقولتيش اللي حصل لما مالك سالك
آيه بصتله بدموع : اقوله الشخص اللي هيبقا جوزي هو السبب في جرحي اللي المفروض يبقا سندي وكل حاجه
في الدنيا ليا هو السبب في وجعي
سيف : دايما الكلام الحلو بتقوليه في المواقف الغلط
آيه بصتله ومرديتش عليه
سيف وقف العربية وقرب من آيه ومسح دموعها :
انا اسف حقك عليا
آيه زاد عياطها : انا مش عاوزه اتكلم معاك يا سيف
سيف : ونا مقدرش يا قلب سيف
سيف قرب من آيه وحضنها آيه عيطت في حضن سيف
وبعدين بعدته عنها
سيف : عارف انك مدايقه مني بس دا مش معناه انك تبعديني عنك بالشكل دا
آيه : ونا مش عاوزه قربك
سيف : ماشي يا آيه
سيف ساق العربيه وبعد وقت وصل قدام العماره آيه نزلت
من غير ما تنطق اي كلمه سيف فضل باصص عليها وبعدين
مشي
آيه طلعت شقته وفتحتها سلمي واتصدمت لما شافت
شكل آيه
سلمي بخوف : توتا ايه اللي حصلك

آيه : سبيني دلوقتي يا سلمي عاوزه انام
سلمي : قوليلي الأول ايه حصل
آيه : وقعت يا سلمي هيكون ايه غير كدا
سلمي : انتي بتضحكي عليا بكلمتين هو انا صغيره
آيه بدموع في عيونها : سلمي انا بجد تعبانه ومش قادره اتكلم بجد بعدين هقولك
سلمي : اتخانقتي مع سيف صح
آيه : انا متخانقتش هو اللي عمل مشكله
سلمي : ايه اللي حصل طيب
ايه : بعدين يا سلمي .. محدش موجود ولا ايه
سلمي : ماما وبابا في اوضتهم وفارس لسه في الشركه
آيه : كويس خالص عشان مش قادره ارد علي اي اسئله
انا هدخل انام شويه لو ماما سألت عليا قوليها تعبانه بلاش
حد يدخل اوضتي
سلمي : انت بتقلقيني كدا ليه
آيه : عاوزه ابقا لوحدي يا سلمي
سلمي : طيب يا حبيبتي
آيه دخلت اوضتها وسلمي مسكت تليفونها ورنيت علي يوسف ورد عليها بعد شويه
يوسف : ياااه اخيرا رديتي دا انا فقدت الامل منك
سلمي : هو ايه اللي صاحبك عمله دا
يوسف باستغراب : صاحبي مين
سلمي : هيكون مين غير سيف
يوسف : ليه عمل ايه
سلمي : ونا لو عارفه هرن عليك وهسالك يا زكي
يوسف : يعني جايه تقوليلي ونتي مش عارفه حاجه
سلمي : انا لقيت البت داخله عليا بدماغها وعليها لصقه كبيره

يوسف : ونتي جايه تقوليلي اعمل ايه طيب
سلمي : ما انت صاحبه
يوسف : الله يحرقك انتي وهو يعني يوم ما ربنا يهديكي
يا مجنونه جيالي بمشكله
سلمي بضحك : ونا مالي يا لمبي دا صاحبك السبب
يوسف بضحك : لمبي انا كدا اطمنت علي اولادي
سلمي بضحك : عيب عليك انت تلاقي زي فين بس
يوسف : ماشي انا عاوز افهم دلوقتي حاجه بس
ايه ام الجنان اللي بتعمله دا
سلمي بضحك : هو انا عملت حاجه
يوسف : لاا انا اللي بعمل
سلمي : طيب انت فين دلوقتي
يوسف : في العربيه مروح
سلمي : طيب يلا سلام
يوسف : ماشي هتروحي مني فين ام اشوفك بس
سلمي بضحك : دا انا حبيبتك يا جو
يوسف بضحك : جو ايه والله ما هعدهالك المرادي
سلمي بضحك : طيب سلام بقا ورايا مذاكره
يوسف بضحك : خليها تنفعك
سلمي بضحك : هو ايه اللي هينفعني غيرها
يوسف بضحك : انك تهتمي بجوزك كدا كدا اخرك المطبخ
بعدين يا حبيبي
سلمي بضحك : لاا اقنعتني والله
يوسف بضحك : شوفتي بقا
سلمي بضحك : طيب هذاكر بقا
يوسف بضحك : مذاكره ايه انتي مش لسه مقتنعه
سلمي بضحك : باخدك علي قد عقلك يا حبيبي
يوسف بضحك : بقا انا يتقالي باخدك علي قد عقلك
سلمي بضحك : اه يلا سلام
يوسف بضحك : ماشي سلام
يوسف قفل مع سلمي وضحك على جنانها
……………………………………..
فارس كان خلص شغله وخرج من الشركه وركب عربيته
وبعد وقت وقف قدام عماره يوسف وكان عاوز يشوف
نور
فارس : يعني يا غبي انت هتلاقيها واقفه مستنياك مثلا
فضل شويه وبعدين كان هيمشي بس لمح نور خارجه من باب العماره
فارس بابتسامة : مكنتش اعرف اني حظي حلو كدا
دي اكيد دعوات زوزا
نور خرجت ومشيت شويه وبعدين دخلت سوبر ماركت
واشتريت حاجات وبعدين وقفت عند الكاشير وكان في
ناس كتير
نور : ياربي كل دا امتي همشي انا

نور فضلت واقفه وفجاه لقيت حد بياخد منها الاكياس
نور : حرا..
فارس حط ايدو علي بوقها : حرامي ايه الله يخرب بيتك
دا انا
نور : ما انت اللي بتاخد من غير ما تتكلم حتي
فارس : اتكلم دا انا هشوحك لما نخرج من هنا
نور كاتمت ضحكتها
فارس اخد الاكياس وقف في صف الرجاله وكان في راجل
واحد قدامه وبعدين حاسب عليهم وخرج هو ونور
فارس : خدي
نور اخدت الاكياس من فارس
مشيو شويه وبعدين وقفو قدام العماره
فارس : اديني شرح بس عن اللي بتعمليه معايا دا
نور بضحكه : انا هشرحلك اهو
فارس : سامعك قولي
نور : بذاكر
فارس : لاا والله دا انتي لو احمد زويل مش هتذاكر كدا
نور بضحك : انت كدا متعرفنيش يا بيسو
فارس باستغراب : بيسو
نور بضحك : اه ايه رايك دلعك الجديد حلو صح
فارس : نور انتي معصباني بطريقه لاا وكل دا
وجايه تقوليلي يا بيسو جاتك نيله يا شيخه
نور فضلت تضحك وسيف وصل بعربيته ونزل منها
وحاول ميبينش انه مدايق
سيف بضحك : فارس باشا مشرفنا بنفسه هنا
فارس بابتسامة : اعمل ايه فيها هي السبب
سيف بضحك : صدقني انا كنت هعلقها في الباب عشان
اللي بتعمله فيك
نور بضحك : لاا والله
سيف بضحك : نطلع بس وهتشوفي
نور بضحك : اكيد بيسو حبيبي يزعلك لو عملت كدا
سيف بضحك : انت بقيت بيسو يا فارس
فارس : الله يفضحك يا شيخه
سيف بضحك : بس تصدق حلو لاا والله حلو
فارس بضحك : فرج علينا العماره بضحك دا بقا
سيف بضحك : حبيبي انتو كدا كدا مفضوحين والله
فارس بص لنور : عاجبك كدا جبتيلنا الكلام
نور بضحك : كدا يا بيسو
فارس : برضو بيسو
سيف بضحك : طيب يلا يا بيسو اطلع معانا فوق
فارس بضحك : لاا ياعم انا مروح
نور : تعال نتغدا سوا
فارس : لاا مره تانيه
سيف : يابني دي نونا لو عرفت انك مشيت هتزعل
فارس : اعتذرلها بنيابه عني وهجيلها مره تانيه
سيف : ماشي
فارس ركب عربيته وسيف ونور كانوا واقفين
سيف بضحك : سلام يا بيسو
فارس بضحك : سلام
نور ضحكت وشاورت بايدها لفارس وبعدين دخلو العماره
هي وسيف
نور : خد امسك الاكياس بدل ما ايديك فاضيه
سيف بضحك : ماشي يا بيسو
نور بضحك : والله لقول لـ آيه وهي تتصرف معاك
سيف ضحكته اختفيت وسكت نور بصتله
نور : ايه يابني مالك
سيف : لاا مفيش
نور : الوش الخشب دا ومفيش
سيف حكي لنور اللي حصل
نور بزعل : تصرفك غلط يا سيف مكنتش عملت معاها
كدا كان المفروض تفهمها غلطها ما بينك وبينها دا انت

شوف مقالتش لمالك لما سألها اللي هو اخوك بس محبتش
تقول لانكم المفروض في خصوصيات ما بينكم
سيف : اللي حصل بقا
نور : سيبها شويه تهدي وبعدين يبقا صالحها
سيف : أن شاء الله
………………………………………
مراد كان واقف بالعربيه قدام الكليه بتاعت ملك
نزل وقف قدام العربيه بعد وقت شافها خارجه من
بوابه الكليه وبعدين راحت لمراد اللي قرب منها
وكان هيحضنها بس ملك بعدت بسرعه
ملك : مراد
مراد : ملك انتي مراتي
ملك : عارفه اني مراتك بس مش في الشارع
مراد : دا علي اساس انك بتخليني اقرب منك حتي
لو في البيت
ملك ديقت عيونها : ولما حضرتك عارف بتقرب ليه
مراد بضحك : بحطك تحت الأمر الواقع
ملك : طيب وسع كدا
ملك ركبت ومراد ركب وبصله : يتقفل علينا باب بس
وهرد كل اللي بتعمله فيا دا
ملك : هتعمل ايه يعني
مراد بغمزه : هتشوفي بنفسك
ملك بضحك : ماشي
مراد اتحرك بالعربية وبعد وقت
ملك : احنا رايحين على فين دا مش طريق بيت خالو
مراد : ماما صممت عليا انهارده انك لازم تتغدي عندها
ملك بابتسامة : بجد مامتك ست طيبه اوي يا مراد
مراد بابتسامة : وبتحبك اوي كمان
ملك : ونا كمان والله .. ربنا يخليكم لبعض يا مراد
مراد : ويخليكي ليا يا قلب مراد
وصلو قدام العماره ملك نزلت ومراد نزل وقرب من ملك
ومسك ايديها وطلعوا وفتحت ليهم شهد
شهد : ملوكه وحشاني
ملك حضنتها : انتي اكتر يا شوشو
شهد :ادخلي نوجا مبطلتش اساله عليكي من الصبح
ملك مجاتش ليه اتاخرت ليه
مراد : ونا ايه محدش سأل عليا
شهد : لاا محدش عاوزك صح يا ملك
ملك بابتسامة : اهه
مراد : بقا كدا ماشي
شهد : بس يا بابا متصدعناش .. تعالي يا ملك
شهد مسكت ايد ملك ودخلو ونجلاء طلعت من المطبخ
نجلاء : ملك
ملك بابتسامة : عامله ايه حضرتك
نجلاء : زعلانه منك
ملك : ليه بس
نجلاء : احنا مش قولنا قولي ماما
ملك بابتسامة : حاضر يا ماما
نجلاء : طيب يا حبيبتي اقعد انتي ونا وشهد هنحضر السفره
ملك : لاا والله انا هساعكم
نجلاء : لاا يا حبيبتي اقعدي
مراد : اقعدي يا ملك
نجلاء دخلت المطبخ
شهد بغمزه : ايوا ايوا
مراد بضحك : روحي يا شهد الله يهديكي
شهد بضحك : ماشي
مراد مسك ايد ملك واخدها اوضته وقفل الباب
ملك : مراد انت بتعمل ايه وقفلت الباب ليه
مراد بيقرب علي ملك : كدا
ملك : مراد انا عاوزه أخرج
مراد : تو تو
ملك : مراد ونبي هيقولو علينا ايه دلوقتي
مراد : هيقولو ايه واحد ومراته
ملك : مراد عشان خاطري
مراد : هاتي بوسه ويبقا تطلعي
ملك : لاا طبعا
مراد : والله هاخدها يعني هاخدها
ملك قربت من مراد ولايته من خده مراد حضنها بايده
ملك : ختها اهو افتح بقا
مراد قرب من وسهل اوي : بس انا عاوز كدا
قرب من شفايفها وباسها وبعدين بعد عنها
ملك بصتله بكسوف : ايه اللي انت عملته دا
مراد بضحك : تعالي اقوالك عملت ايه
ملك وقته بايدها : ابعد
فتحت الباب وخرجت
نجلاء : كنتي فين يا حبيبتي
ملك : كنت في الحمام يا ماما
نجلاء : طيب غسلي يا حبيبتي ويلا عشان تأكلي
ملك : حاضر
نجلاء : شهد قولي لمراد وباباكي يلاا
شهد : حاضر
بعدين كلهم اتجمعوا وبدأ ياكلو
احمد : عامله ايه يا ملك

ملك : الحمدلله يا عمو
نجلاء : ايه يا حبيبتي الاكل عجبك
ملك : تسلم ايديك بجد تحفه
نجلاء : بالهنا يا حبيبتي
ملك : تسلميلي
بعدين ملك قامت
نجلاء : رايحه فين انتي ما اكلتيش حاجه
ملك : اكلت والله
مراد : هو أكلها كدا يا ماما
نجلاء : طيب استني يا حبيبتي اعمله حاجه تشربيها
ملك : معلش يا نوجا مره تانيه
نجلاء : ماشي يا حبيبتي
شهد : يبقا تعالي تاني
ملك بابتسامة : أن شاء الله
مراد وملك خرجوا ونزلو وركبوا العربيه وملك فضلت
ساكته وبعدين وقفو
قدام العماره
مراد : ملك مدايقه ليه
ملك : مين قال كدا انا تمام اهو قدامك
مراد : انا عارفك كويس مالك
ملك : مفيش بجد يا مراد
مراد : وحشتك
ملك : هي مين
مراد : مش عارفه مين
ملك بحزن : بجد يا مراد وحشتني مكنتش اعرف أنها
هتتخل عني عشان نفسها بس في الاخر تبقا مامتي انت عارف اني برن عليها بس مبتردش
مراد : انا اسف علي كل اللي حصل دا
ملك : اسف ليه
مراد : لانك مدايقه وزعلانه
ملك : بجد يا مراد انت احلا حاجه حصلتلي مسبتنيش
ابدا الفتره اللي فاتت دي انت بجد احسن حاجه عملتها
في حياتي
مراد : بحبك
ملك : ونا كمان بحبك .. يلا سلام بقا
مراد : سلام
مراد مشي وملك طلعت ورنيت جرس الباب
زينب : اتفضلي يا حبيبتي
ملك : عامله ايه يا زوزا
زينب : الحمدلله يا حبيبتي
ملك : طيب انا هدخل انام شويه
زينب : طيب يا حبيبتي
………………………………………
في شقه يوسف كانو كلهم متجمعين
يوسف : انت عملت ايه يا سيف
سيف : مش فاهم
يوسف : ايه حصل انهارده
سيف : روحتلها الكليه ولقيتها واقفه مع شاب
يوسف : اتخانقت معاه طبعا
سيف : استني احكيلك طيب
يوسف : أتكلم
سيف حكي كل اللي حصل
هناء : انت بجد عملت كدا يا سيف
سيف : يا جماعه انا مشوفتش قدامي لما شوفتها واقفه
مع الشاب دا

يوسف : تقوم تضرب البت كمان
سيف : يوسف انا مكنتش اقصد
مالك : انت بجد مش مكسوف من نفسك تعمل فيها كل دا وفي الاخر جاي تقول مشوفتش قدامي وانتي حضرتك هتشوف لما تخلص عليها
سيف : مالك انت مالكش دعوه اصلا
مالك قام : عن ازنكم يا جماعه
يوسف : اقعد يابني انت كمان
مالك : ورايا شغل تصبحو علي خير
هناء : يا حبيبي اقعد مش كدا
مالك : معلش يا نونا
مالك خرج
نور : ايه اللي قولته دا يا سيف
سيف : هو كله مطلعين انا غلطان
يوسف : عشان انت بجد غلطان
سيف قام وخرج
هناء : سيف .. ينفع كدا
يوسف : متقلقيش هيبقو كويسين
هناء : كويسين ازاي وهما خارجين كدا
يوسف : اطمني
……………………………………..
محمد : آيه فين
زينب : في اوضتها
محمد : كل دا في اوضتها
سلمي : هي رجعت من الكليه وكانت تعبانه شويه يا بابا
فارس : طيب روحي اطمني عليها
سلمي : حاضر
سلمي راحت اوضته آيه ولقيتها قاعده علي السرير
سلمي : توتا بابا بيسال عليكي
آيه : طيب انا طالعه
سلمي : هتقولي ايه لو حد سالك طيب
آيه : متقلقيش انا هتصرف
سلمي وآيه خرجو من الأوضه وراحو الريسبشن
والكل اتفجا بشكل آيه
زينب قامت راحت لـ آيه
زينب : ايه اللي عمل فيكي كدا
محمد : ايه اللي حصل معاكي يا حبيبتي
فارس : انطقي يا بنتي متقلقينش
ملك : حبيبتي انتي كويسه
آيه : انا كويسه يا جماعه .. وسبب دا وقعت ونا خارجه
من الكليه
محمد : آيه انتي بتكدبي
آيه : لاا يا بابا
فارس : وايه اللي حصل بالظبط
آيه : مفيش كنت ماشيه وخبط في حاجه و وقعت
سلمي : لاا دي مش وقعت دا سيف السبب
الكل اتصدمو من كلام سلمي

• لقراءة باقي فصول الرواية أضغط على (رواية عانيت لأحبك)