رواية رغبة في الإنتقام الفصل الثاني 2 بقلم نوسة حمد

رواية رغبة في الإنتقام الفصل الثاني 2 بقلم نوسة حمد

 

 

البارت الثاني

 

 

#رغبة_في_الانتقام2
#نوسه حمد
امي كانت حالتها تصعب علي الكافر لو شافا الا ابوي ما صعبت عليهو وشايفها بتستهبل قام علي حيلو وبقا يكورك فيني قال لي مالك م جبتي الدايه وانا بقيت م مركزه معاهو مع امي الحا تموت وفعلا الولاده موووت امي ولدت في يدي قالت لي اجري الدكان جيبي موس جريت جري جبت الموس امي قطعت الحبل السري وشالت البت وحضنتها عليها وكانت بتبكي والبت بتبكي وامي ترجف من الالم ودمها مغرق المكان وهي شايله البت حسيتا دايخه وغمضت عيونا وقبل تغمض كانت بتتكلم معاي قالت لي نسيبه اخوانك امانه في رقبتك ونادر اخوك م مجنون الدكتور قال بتعالج ما اوصيك عليهو الله بديك اجر والاجر تلاقيط وانا عافيه منكم واعفو لي وغمضت عيونا بكل هدوء قلت ليها يمه امانه شنو وعفو شنو يمه مالك انتي ما كنتي كويسه يمه ردي علي ابوي بقا يقول ليها اميمه مالك فشنو قومي بتك تبكي قومي رضعيها وامي كانها ما هنا وخلاص حسيت انها ماتتت وبقيت اكورك والناس اتلمو فينا واسعفو امي وابوي واقف لي قال لي جيبي القروش النودي امك الدكتور موقف مخجل شديد الرجال قالو ليهو قروش شنو ارح نحنا عندنا و عشان انت زوجها وبي حالتها دي ماف زول بيسعفها لانها حاله ولاده وانتو كيف تخلوها تلد براها ف البيت الرجال بقو يكوركو في ابوي وابوي ولا هاميهو لو م دخل لبس واتريح م طلع

 

 

زي العندو نقص الناس ماشين بي حال صعبه ابوي المفترض اكون مخلوع علي امي دخل لبس واتريح وكان داير استحما لكن الناس كوركو فيهو وانا ابكي واخواني يبكو والبت المولوده تبكي وانا غالبني اعمل ليها شنو والبسها من وين قلت الا امش مع امي الرجال مسكوني قالو لي تمشي وين تفوتي اخوانك ديل اقعدي احرسي اخوانك انتي م صغيره وبنكلم ليك نسوان والدات من الحله يجيبو ليك ملابس وفاتو وانا لا قادره اضم البت علي لا قادره امسك نادر اخوي العيان عشان م يطلع ولا قادره علي اخواني الببكو فيني ديل نسوان الحله جو اتلمو فيني والدايه الاسمها حواء جات وتعتزر قالت لي راجلي م كلمني وامك ما بتخلي طبعا بتموت بي الالم م بتتكلم بتكون تتوجع من بدري بس كاتماهو ودي م المره الاولي ولا التانيه انا في كل ولده بحزرها وشالت مني البت وقعدت تلبس فيها وناس الحله كلهم جابو ليها ملابس وبشاكير وانا شغاله ابكي ومنظر امي ح يكتلني بالمغسه ونادر اخوي م داير يقعد ف السرير من اول لحظات حسيت بي فرقه امي انها نهاي ما بتنسد ونسوان الحله متأثرات لي شديد عيون الناس كلها كانت بتقول لي انو امك ح تموت وانا م قادره اتخيل انو امي ح تموت شيلت تلفونا اتصلت علي خيلاني الكل واحد في همو وكانهم كانو بعاقبو امي علي زواجها من ابوي وخالي اول كلمه قالا لي هسي دا راجل يلدو منو امك دي ما بتسمع الكلام قلت ليهو خالي امي محتاجه دعواتكم ما محتاجه منكم تتكلمو فيها خلاص البقا بقا وامي عرست ابوي عشان في قسمه جايه انا واخواني واختي الجديده دي قال لي اها استفادت شنو ماتت بسببكم ونحنا جايين عليكم ف الطريق قلت ليهو امي ما ماتت ي خالي وغلطانه انا الكلمتكم ما تميت كلامي سمح ابوي جا شايل امي جنازه انا ماسكه اختي ومصدومه حسيت انو دا حلم جريت جري وفتحت وش امي وامي كانت عباره عن ملاك ما ياها امي البعرفها بقيت اكورك واقول ليها يمه قومي انا البسندني منو يمه انتي مشيتي ليه نحنا محتاجين ليك يمه م تصدقي كلام خالي نحنا ما موتناك يمه قومي انا عايزه اقرا واتخرج واوديك الحج انا كنت ببكي والحله بي رجالها يبكو معاي مسكوني وقالو لي الدوام لله امك ماتت شهيده خلاص قومي اخلفي ليها وامسكي اخوانك وربنا يلزمك الصبر وزحوني منها ودخلوها الغرفه وقفلوها عليها وانا دخلت في صدمه قلت ليهم نهاي امي م ماتت الرجال قالو لي ابوي يكفن امي ابوي قال ليهم نهاي ما بلمسها بتها كبيره تكفنها وجاني اكورك فيني قال لي قومي علي امك دي وخلي البكا دا في اللحظه دي كان نفسي اتف ليهو في وشو كرهتو اكتر مما كرهاناهو دا اليوم المحتاجه ليك فيهو امي بس انت قلبك قاسي وحجر
في مره كبيره دنقرت فيني قالت لي قومي ي بتي وختي الرحمن في قلبك دي امك ادخلي غسليها ولو م بتعرفي انا معاك والبكا غير يعذبها ما بعمل شي قومي اتوضي وتعالي كفنيها واقري ليها قران وودعيها بتكون سامعاك قومي ي بتي مسكتني من يدي وانا اتوضا وابكي لمن دخلت اكفن امي قلبي قوا شديد وكفنتها وقريت ليها قران ولاخر مره حضنتها ودموعي جاريه وحسيت انها شالت اي شي حلو معاها قلت ليها يمه ربنا يرحمك ماقصرتي مننا واعفي لينا وحقك علينا نحنا واطمئني يمه انا ح اسد مكانتك وربنا يقدرني واربي اخواني واعفي لينا ونحنا عافين ليك اشهد الله م قصرتي في حقنا مع السلامه يمه كنت كاتمه البكيه جواي لغايه ما الرجال جو شالو امي وخيلاني جو في النهايه بعد م خلاص امي شايلنها وبكو واتجرسو وجرسو الناس كلهم ماف زول دمعتو ما سالت الا ابوي كانو قلبو دا صخره امي ربنا بريدها راحت لي عندو من عذاب ابوي المعذبو ليها انا غلبني اسكت وحالتي صعبه ضامه اختي علي وابكي وخالاتي جو ووقفن الحله علي كراع واحده كانت اصعب لحظات عيشتها في حياتي الله اعلم اعيش تاني اصعب منها فراق الام م حاجه سأهله 😭😭😭😭😭😭😭😭😭💔💔💔💔💔💔

 

 

عندي خالتي كانت والده جديد مسكت اختي رضعتها وانا ماسكه نادر لانو مستحيل يقعد ساي زمان امي الله يرحمها بتربطو في توبها وكانت بتفهم ليهو وهي البتديهو العلاج وهي المراعياهو حمل كبير خلتو لي ونادر كلمه امي م طلعت من خشمو وابكي اللليل كلو امي كانت بتضمو عليها وبتنوم بتخاف عليهو من ابوي لانو ابوي من دون سبب بيضربو انا هسي اضم اخوي الهسي لو كان واعي كان شال امي جنازه وشيلنا الحمل سوا ولا اضم اختي المحتاجه لحنان امها وما لقتو
الناس قعدو معانا ايام وكل واحد فات لحالو خالاتي رجعو بيوتهم وخيلاني كذالك اتكلمو مع ابوي انهم عايزين يسوقوني ابوي رفض قال ليهم اولادي اتربو هنا قدام عيني كأنو بفهم لينا شي انا بقيت بين نارين ما ح اقدر اقعد بدون امي وابوي قال البمش بكسر رقبتو وقال لي لو ماشه سوقي اختك الصغيره دي وامشي معاهم خوفت اخلي اخواني مع ابوي لانو اخر وصايا امي انو اخواني امانه في رقبتي ما قالت لي ابوي لانها عارفه ابوي هو شنو انجبرت قعدت مع اخواني ونسوان الحله م قصرن مني كل يومين بجن يفقدني وورني كيف اعتني بي اختي وجابو لي ليها حليب وبزه وبقيت أطعما منو ونادر علي من جهه واخواني الاكعب من نادر بجهه ولا ابوي القال لي قومي شوفي شغله امك دي اشتغليها اخوانك ديل البيأكلهم منو انصدمتا من رده فعل ابوي دا كلو ما حسا بالذنب ولا حسا بالمسؤوليه قلت ليهو ابوي اختي صغيره واخوي عيان انا م بقدر اشتغل انا بجهز ليك الحاجات واقعد انت بكل غرور قال لي منو البشتغل يابت انتي اخر الزمن دايره تعلميني شغل الحاجات ديل قلت ليهو مالو شغل الحاجات ديل شغل حلال ربانا وسترنا قال لي دي شغله نسوان تختي البت الصغيره دي لي اختك وتمشي تشتغلي واخوك بجيب ليهو جنزير بنربطو في السرير قلت ليهو ابوي نادر ما مجنون وانت عارف انو ماري بحاله نفسيه وبتعالج قال لي اها اودي ليك وين قلت ليهو احرسو انت وانا مستعده اشتغل ليل نهار بس اطمئن علي اخوي قال لي انا لو جاني اجتماع طاريء حسسني ليك انو مدير 🧑‍💼 الاجتماع دا يقصد بيهو الرزيله الهو بعملها ابوي نرجسي من الدرجه الاولي ما عارفه الثقه دي جابا من وين بقت اتحاجج معاهو قلت ليهو انت شايف الوضع براك انا مستعده امسك اختي واشتغل بس عايزه زول كبير امسكو اخوي لانو صعب اسوقو الشارع قال لي خلاص انا بمسكو مده تشتغلي بس م تتاخري قلت ليهو سمح مشيت اشتريت إلحاجات ووزعتهن ف الاكياس وعملت الاسكريم ودخلتو التلاجه ونوم م جاني الهم العلي يكتل دوله كامله والبت تبكي ما بتنوم نهاي والليل كلو مساهره معاها صحيت بي صوت اخواني قامو عايزين الشاي عملتو ليهم ابوي قال لي قومي جيبي لينا حق الفطور وانا طالع وفي جيبي ماف ولا جنيه قومي جيبي لي قروش قومتا وكلي غضب المصبراني كلمه امي لمن قالت لي عيب دا ابوكم في النهايه قلت ليهو حاضر مشيت بي يد شيلت البت واليد التانيه شيلتا بيها الحاجات واخواتي الصغار شايلين معاي الحاجات والناس علي حس اني خلاص شيلت المسؤوليه الما داير اشتري بشتري والشمس بقت ف راسي وحاره قلت لي اخواني ارجعو البيت افطرو وارقدو م تطلعو وقعدت النهار دا كلو البت تبكي علي كملت حاجاتي ورجعت البيت لقيت ابوي مولع سجارتو اول ما شافني جا علي مفتكراهو عايز ينزل الحاجات من راسي

 

 

بس جا شال المطبقه بالقروش الفيها كلهن واخواني يلعبو بالطين ونادر اخوي ماف قلت ليهو ابوي نادر وينو قال لي طلع خليهو يلف الناس بتحن عليهو وبغنينا سريع شغل الشحده دا سمح وقالو بغني عديل انا انخلعت قلت ليهو ابوي حرام عليك عايز تتسؤل بي اخوي واخوي عندو اكتئاب م مجنون وسوقتا اخواني في يدي ولافه افتش لي اخوي وما خليت مكان ما فتشتها فيهو وبقيت ابكي اخوي امانه وانا ضيعت الامانه ياربي ح القاهو ولا ح افقدو زي م فقدت امي …….. يتبع

 

 

 

• لقراءة باقي فصول الرواية أضغط على (رواية رغبة في الإنتقام)