رواية دموع السيف الفصل التاسع والثلاثون 39 بقلم هايدي الصعيدي

رواية دموع السيف الفصل التاسع والثلاثون 39 بقلم هايدي الصعيدي

البارت التاسع والثلاثون

 

رواية دموع السيف الاخيرة
: حسين في المستشفي بين الحياة و الموت و طالب يشوف ملك و دموع هتودي مراتك و لا لا
سيف بنرفزة : هو اية القرف ده علي المسا يا صباح ما يموت و لا يغور و انا ايه دخل مراتي انتي سامعه نفسك بتقولي ايه علي اساس اني لما اعرف ان روحة متشعلقة
بشوفة مراتي انا هوديها ليه وهو لما كان هيموتها مره واتنين محسش بالذنب ليه فكك من انه كان هيقت..لني
اقفلي يا صباح الله يصلح حالك بيموت قال و عايز يشوفها …
وقفل التليفون و رزعه علي الكمدين بغضب دموع قربة منه و مسكت كتفه بخوف : في ايه يا سيف و مين بيموت
سيف لف لها و عنية بطق شرار : خيرر بتسألي ليه متشغليش دماغك و رجعي نامي
دموع رمشة بصدمه : ايه ده

 

سيف مسح وشة وهو بيتنفس بعمق و بيحاول يهدي نفسه : طليقك في المستشفي بيموت و طالب يشوفك
دموع حطت أيدها علي بوقها من الخبر و عنيها دمعت بتأثر سيف شاف منظرها و تجنن قام وقف بعد ما لبس بنطلونه : ايه زعلتي عليه و لا حنيتي و عايزة تشوفية و تقوليلة مسمحاك
وخد السجاير وطلع برا وهو بيدب الارض بغضب دموع كانت مصدومة من رد فعلة
سيف وقف يدخن و هو بيفكر و فتكر صدمتها و كلامه و لف عشان يرضيها هي مالهاش ذنب و مش ذنبها ان قلبها
حنين ..شافها وقفه وراه
دموع بخفوت و نظرات عتاب : انت مفكر اني ممكن احن لراجل غيرك او افكر في غيرك انا نسيت كل
الماضي و مفيش غيرك يهمني بس دي كانت
دموع شفقة لا اكتر و لا اقل و انا مش عايزة
اشوف حد ان..
سيف جري عليها وخدها في حضنه و همس : حقك عليا انا غيرتي عليكي مش بقدر اتحكم فيها عشان خطري متزعليش نفسك انا واثق فيكي ومش محتاجه توصفي لي نفسك لو عايزة تروحي انا معنديش مانع انتي حرة
دموع هزت دماغها بالرفض : انا مقدرش اعمل حاجه ممكن تضايقك و ربنا يسامحه علي الي عمله بس
بلاش عصبيتك المفرطة دي تاني ..
وبعدت عنه بزعل سيف شد شعره بضيقة دلعتو و زعلاها فلازم يرضيها
دموع دخلت المطبخ فتحت التلاجة بعد كده رزعتها تاني و بصت لسيف بنرفزة : انااا جعانه
سيف بص له ببرود من صوتها العالي : ما تاكلي حد مسكك
دموع بسخرية : و الله الراجل التاني لسه مجاش و جاب طلباتي النقصة
سيف بغضب و قرب منها : دموووع
دموع شافت شكله و رجعت لوراه بخوف : ولا تكلمني و لا اكلمك انا بقولك اهو لحد ما تعرف تمسك لسانك
و جريت علي اوضتها سيف بغضب من وراه الباب : مااشي يا دموع انا ليكي راجل تااااني
دموع بستفزاز : لو مش عجبك طلقني
سيف اتجنن و ضرب الباب بكف ايده : انت ياااااا بت هرموناتك دي مش عليااا افتحييي الباب ده يا بت
دموع كتمت ضحكتها و بصوت كله محن : لاه و لو مش عجبك طلقني برضو
سيف زمجر بصوت عالي و ضرب الباب بكتفه دموع صوتت و جريت لوراه لما الباب اتفتح من ضربة و بقت وقفه قدامه و عنية بطق شر..ار
دموع بخوف : سيف اهدي كده انا حامل صح بناتك يا عيوني
سيف قرب منها و مسك شعرها و جزز علي اسنانة : هششش مش عايز اسمع صوتك
ملك بصت لصباح الي سيف قفل في وشها و ابتسمت غصب عنها من منظر خالتها : مش انا قولتلك متتعبيش نفسك
صباح بنرفزة : وانا يعني الي كنت طيقاه اووي بس هنعمل ايه ده طلب واحد روحه متشعلقه و عايز يطلب السماح
ملك حطت ايدها علي بطنها : وانا عمري ما هسمحوا عشان انا مأذتهوش في حاجه ده انا خنت نفسي
و صحبتي عشانه و في الاخر اتكتب عليا بسببه
اشيل عيل في الحرام حسبي الله فيه
: خلاص بقا الميت متجوزش عليه غير الرحمة
ملك ضحكت : انتي موتيه خلاص
: يلا بقا مهي كلها حلاوة روح عقبال مخلص منك انتي كمان جتك الهم بلاتيني علي اخر عمري فضلك كام شهر و تتنيلي
ملك بهم : ربنا كبير انا مش مطمنه
صباح حضنتها : متخفيش انا جمبك
ملك باست خدها و بصت لها بتوتر
صباح فهمتها : خير قوليهم انا مش مطمنالك من بدري
: ده ده نادر عايز يجي يخدني يكشف و يطمن عليا و كده يعني
: اه و نتعشا في مطعم علي النيل و نتمشي و نتمرقع و تيجي اخر الليل و انتي بطنك علي منخيرك
: يا خالي مفيش الكلام ده و بعدين اهو انتي قولتي بطني علي منخيري اتمشي فين بس و بعدين انتي مش
واثقة فيا يا خالتي
صباح ابتسمت لها : لااا
: ايه خالي ده بقا يا خالتي اله انا غلط و عرفت غلطي و دي نتيجة اني امشي علي عماية من غير ما افكر مرتين
مفيش حد غيري اتبهدل و عمري ماهدي الثقة تاني
لحد بسهولة
صباح بحركتها المعتادة : مسس خلاص يختي قلبتي علي حقوق الانسان مرة وحده كده ليه روحي يلا انجري و قبل العشا تكوني هنا و ابقي طمنيني
ملك قامت بفرحة نادر اكيد هيتبسط بقاله شوية يزن عليها عشان تخرج معاه ..
في نفس المكان بس في جناح خاص جدا بالمجانين ندي فتحت عنيها بتوهان بعد ما رجعت من الصعيد خدت دش و نامت رفعت الغطي و شافت فارس قدامها
ندي بخفوت : انت بتعمل ايه يا فارس
فارس بص لها و ضحك : بكلم ابني
ندي : اممم و كنت بتقوله ايه
فارس عض شفته : كنت بقوله ياخد جمب عشان داخل اسلم عليه

 

ندي اتعلقت في رقبته : و حشني يا فارس
فارس اتعدل : طب ماانتي كنتي وحشاني و سبتيني و نمتي يا بنت صبوحه العايقة
ندي اتعدلت بصدمة عشان سابها و قعد ياكل من طبق الفاكهة : انت بتردهالي يعني يا فااارس
فارس قرب منها بخفوت : طب وانا اقدر يا قلب كوكو
فارس قرب منها و همس قدام شفايفها و هو مبتسم : بس بتعشقيني
ندي بصت في عيونه و ضحكته الي غصب عنها بتعشقها و اومأت براحة : اووي
فارس ضحك : طب ايه عايز اسلم علي ابني
ندي حضنته بحب : طفل جاب طفل وربنا بس انتو عندي بالدنيا و ما فيها
يلا بقا بلاش تناحة مفيش قلة ادب فارس تاب😁
ملك لبست و طلعت و هي فرحانه و نادر كان واقف قدام العربية ولما صدق انها وافقت كان قدام فيلا سالم الالفي خلال نص ساعة و شافها بتقرب بهداوة و هي بتبتسم برقة و تاه في جمالها و جمال عيونها
مالك وقفت قدامه و بخجل : ازيك
نادر ابتسم : انا بقيت كويس يا توتة انتي صغننه اوي كده ليه و جميلة اوي كده ازاي عايز اخطفك بجد
ملك ضحكت
نادر ضحك من جمال ضحكتها : بسكوتة اوي انا عملت ايه حلوة عشان تكوني ليا انا مستني اليوم ده بفارغ الصبر هتجيبي الواد الشقي ده امته بقااا
ملك ضحكتها اختفت و حطت ايدها علي بطنها : خلاص هانت
نادر مسك خدها برقة : بلاش ضحكتك تطفي ده ابني خلاص و هكتفي انه ابنك صدقيني مش مضيقني
ملك اومأت براحة : ربنا يخليك لينا انت بجد احله حاجه حصلتلي في حياتي الكئيبة
نادر فتح لها باب العربية : طب يلا بقا عشان خالتك لو اتأخرنا ربعاية عن المعاد هتبهدلنى و نبقا نشوف الكلام الرايق ده بعدين يا كوكي
و خدها وراح بيها للدكتور الي حدد لها معاد الولادة و طمنها علي حجم الجنين و بعد كده خدها و طلع بيها
من العيادة راح مول كبير اشتري حاجة البيبي كلها
نادر و هو ماشي جمبها و ماسك شنط كتير : هاا بقا نفسك تاكلي ايه
ملك هزت دماغها : كفاية بجد مش مهم يلا نروح
نادر : بس يا بنت قولي حاضر و بعدين لسه شوية علي معاد صبوحة
و طلع بيها علي مطعم علي النيل و قعد في تربيزة الفيو بتاعها يخطف الانفاس
: هاا بقا مبسوطة قوليلي نفسك في ايه و انا هعملوا
: مش عايزة اي حاجه غير انك تكون جمبي تحبني و تقدرني و متبعدش عني ف يوم تكون الامان و السند
اغمض عنيا و انا مطمنه بوجودك معاية و بس
نادر ضحك : يالهوووي حتة بسكوته نواعم بتتكلم امته بس اقدر اطمنك علي اكمل وجه
ملك بجهل : انت قصدك ايه
: الله اكبر كماان لاا خليكي كده في الرايق لحد ما يجي وقتها ده انا احم المهم تاكلي اي يا كتكوتي
: مش عارفه اي حاجه بس يلا عشان نروح
نادر اومأ بهدوء و شاور للنادل وطلب عشا و و سط الهدوء و العيون بتحكي كتير وسط نكش نادر و خجل
ملك الوقت عادة بسرعة
: خالي بالك من نفسك و لو عوزتي اي حاجه كلميني و هروح و هكلمك
ملك اومأت : حاضر و يلا روح متتأخرش برا و سوق علي مهلك عشان خطري
نادر باس صوابع ايدها : عيوني يلا جري علي جواه عشان خالتك وقفه مشغله الردار هناك اهي في البلكونه
ملك ضحكت و دخلت و هي شيله اكياس البيبي و قلبها بيدق بفرحة …
قبلت فارس شايل صنية اكل وطالع بيها : يعني علي الحلو لما تبهدلو الايااام
فارس بص لملك بحدة : ريحي يا بت ده بمزاجي اصلي بطتي حامل و غير كده تعبانه من السفر ..و بتسم ببرائة اخر كلامه
ملك ضحكت : ايوووة يا سيدي علي الدلع
: كنتي فين كده
: كنت بكشف و جبت شوية حاجات للبيبي
: مقولتيش ليه كنت روحت معاكي انا وندي
ملك بكسوف : ما هو نادر راح معاية
: هالله هااااااااالله يا ست هانم و انا هنا ايه كيس فراولة
ندي من فوق : اشمعنا فراولة يعني
فارس بنرفزة : اسكتي انتي دلوقتي انا متعصب و بعدين بحبها اله
ملك و ندي ضحكوا : طب اطلع يا فارس الله يصلح حالك و بعدين ده في مقام خطيبها
فارس بنرفزة : ماانا كنت خطيبك يختي و امك كانت قعده لي زي قرد قطع
: زي مين يا ابن مهاا
فارس بص وراه عكس ندي : حيااااتي بحبك كده بحبك هاتي بوسة يا صبوحة
: باسك قرد اما ينططك انا قرد يا فااارس
: انتي ده انتي ملك جمال الكون يا صبوحة انتي هتسيبي البت دي توقع ماابنا
: سبتني سبت يا واد
: يا فااارس جعانه هتطلع و لا ايه انهاردة ..و غمزة له الي هو انقذتك اي خدمة
: ايوووةة جااي حاضر يسلااام ده احنا عنينا يا بنت صبوحة الغالية
مرت الايام و ملك ولدت و نادر كتب عليها بعقد تاريخة قديم و طبعا كله بيمشي بالفلوس و الوسطة وسجل الطفل بإسمة حسين مات في نفس اليوم الي دخل فيه
المستشفي البوليس و هو بيحقق في الي حصل و دخلو الشقة الي وقعوا منها كانت اخت حسين مي..تة في مكانها
هرمونات دموع مجننه سيف شوية رايقة و شوية اعصبها بركان تميم و ياسمين رجعوا من الصعيد
و قعدين في فيلا صغيرة جمب فيلا سالم الالفي
ندي و جنون فارس عليها و الحمل الله يعينها …
و النهاردة و بعد مرور شهرين من ولادة ملك كانت وقفه قدام المرآية و بتبص لنفسها بفرحة و هي لبسه فستان ابيض سوارية هادي و حوليها ياسمين و ندي و دموع
الي بطنها بدأت تكبر بعد ما دخلت شهرها الرابع و ندي في الخامس ..
دموع بتأثر : مبروك يا ملك مبروك يا قلبي
ملك بصت له : انا فرحانه اوي يا دموع بجد
دموع مسكت ايدها : حببتي ربنا يفرحك ديما يا كوكي
فارس خبط و دخل : طب ايه ده خوتني تحت مش كده انت لو عملاله سحر عند ام عباس علي لباس مش هيكون كده يا ست ده ماشي رايح جااي راايح
جااي علي بيضة حدالله يلا ياست انزليله
البنات ضحكوا علي كلام فارس الي سكت وبص لملك : ايه القمر ده ايه الكياااته دي ايه الرقة دي انطري حبت رقة علي بنت خالتك احسن انا حاسس اني عايش مع جلحف طول الليل بتشخر و طول النهار بتاكل لحد ما بقت ….قمر يااااناااااااس
و طبعا غير كلامه بعد ما شاف نظرات ندي القاتلة
سيف من برا : انت يا زفت بعتك تجيبهم و لا تتساهر معاهم يلااااا انجز
دموع طلعت علي صوته و اول ما شافه عقدت حواجبة اتفكت و ابتسمته اترسمت علي وشه : ايه المهلبية بالمانجا دي عاايزة تتاكلي بفستانك و بطنك الي كبرت
و بقيتي قمر اووي يا احله ماما ..
دموع حطت ايدها علي بطنها بفرحة و عنيها لمعت : بجد يا سيف
سيف بحنية : يا قلبو انتي لسه بتسألي انت غزاله في كل حالاتك يا عيوني و بعدين هو في ماما بتبقا قمر كده زيك
دموع كل ما بتسمع منه كلمة ماما جسمها بيقشعر من واقع الكلمه سنين من الحرمان و الاهانه عاشتها و هي
اكتر وحده كان نفسها في بيبي يملا قلبها فرحة
ربنا رزقها بتلاته من عوضها و حبيبها
دموع اتحمقت : انا بجد فرحانه اووي اني هكون ماما لعيالك يا سيف انا بجد فرحانه اووي و مش مصدقة هيبقا عندي تبت قططه ريحتهم من الجنة و صغننين سيييف انا بحبك اووي
و فرت منها دمعة سيف مسحها بسرعة بصوابعه : بس يا قلب سيف و روحه و كل دنيته دموووع دموووعي يا عيوني يا احله ماما اهدي يابابا عشاني
دموع اومأت بخفة و دفنت نفسها اكتر في حضن سيف و هي بتشم ريحته الجديدة بعمق بعد ما برفانها و برفان سيف المفضل كان بيعملها غثيان و غيرو عشانها
سيف ضحك : عجباكي ريحة التوت مرتاحه وانا شبه فواحة العربيات
دموع ضحكت برقة : حقك عليا
سيف مسك وشها بين كفوفه : انا عشانك اعمل المستحيل بس انتي تضحكي
: هييييئ ملككككك
سيف مسك ايدها : اهدي يا مجنونه و متشهقيش كده تاني هتبلعي لسانك في مرة
دموع ضحكت و سيف مسك ايدها و نزلها تحت شافت ملك قعدة جمب نادر الي بيضحك لها من قلبة و كل ثانيتين يبوس ايدها و ملك مكسوفة
نادر وقف اول ما ساف سيف : يلا هستأذن انا بقا
فارس : ما تهمد شوية يسطا الدنيا مطرتش ااااله
نادر بص له بغيظ : معلشي يسطا اصلي صاحي بدري كنت في الشركة من الصبح
: لا وعقل بقا بيروح شركة ابووه سبحااااانه
: الي هداك هداني يخووويه ماحنا دفنينة سوي
فارس غمز له : ما تيجي نرجع نعمل تنقيب
وحس بوجع في دراعه الي ندي قرصة عليه بضوفرها و هي متعلقه في ايده : سيب الواد في حاله يا شيطان
فارس ضحك على غيرتها : الواد برضو علي بابا يا بت
ندي بخفوت : ايه وحشتك المليطة مااشي ماشي يا فارس ده انت هطلع اعمل تنقيب في مصرينك بس
نخلص …
نادر ودعهم و صباح خدت البيبي الليلة دي و ملك هتعدي الصبح تاخده منها بعد ما صباح اقنعتها
و خد ملك و راح بيها فندق خمس نجوم و حجز لها جناح عرسان ..
نادر شالها قبل ما تدخل : استني يا كوكي
ملك اتعلقت في رقبته بسرعه : نزلني يا نادر لا
نادر ضمها ليه اكتر : لا ايه بس مفيش لا انهاردة يا عمري
ملك غمضت عنيها و دفنت وشها في رقبته بكسوف و دي حركة جننت نادر اكتر
حطها علي السرير و خلعها الشوز بتاعه و فضل قاعد قدامها : انا فرحان اووي اخيرا بقيتي معاية
ملك اتوترت و معرفتش ترد و قامت وقفت : ان انا هغير هدومي
نادر وقف قدامها و لزق فيها : انتي انهاردة مش هعملي حاجه انا بس الي هعمل سبي لي نفسك خالص
في مكان تاني كله دفه و حب : يا
: نعم يا قلبها

 

: هاتي فوطة
: عندك يا تميم الفوط في الرف
: مفيش يا جلبي يلا فضي
ياسمين خدت فوطه و قربت من الحمام : اهي يا تيمو
تميم بص له من وراه الباب و مسك ايدها : انا بقول تيجي تخدي معاي دش بالمرة مش لازم بالدور
ياسمين اتكسفت : بس يا تميم بطل جنان
: و ايه هي الحياة من جنان معاكي يا جلبي
و سحبها الحمام و دخل بيها تحت المرشو ياسمين بتقاومة : يا تميم استني بس يا تمييييم
تميم ضحك : استني ايه بس ده انتي كتي جمر انهاردة و مفيهاش اساءت ادب كت بوستك قدامهم زي المف..ضوح سيف الي كل ثانية الواحد يغض البصر بسببه
ياسمين ضحكت : عجبك كده اهو شعري باظ و
الميك اب ساح و الكحل هيبهدلني دلوقتي
تميم بحب : هو في كيف عيونك العسلي لما الكحلة تسيح عليهم يااااابوي فتنه
ياسمين ضحكت برقة : اه اضحك عليا بقا
فااتت الايام و فارس قام منفوضة علي منظر ندي و هي وقفه و فتحه رجليها و الماية نزله : عاااااااااااا الحقني يا فارس القرن طش قووووووم بسرعه
فارس وقف بسرعه : قرن ايه يا بنت كنا عند الدكتور امبارح مقولتيش لييييية
: انت لسه هتتكلم الحقنيييييي بولددددددددد
فارس جري علي برا : يا نهار اسووووح اعمل ايه اعمل ايه يا ماماااااا القرن طشششش يا ولية الحقيناا
و جري علي ندي شالها : بس بس خدي نفس اهدي انا الي جبته لنفسيي
ندي مسكت شعره : مين جاب لمين هااا انت السبب انت السبب و انا الي جبته لنفسي مش انت
: و انا كنت اغت…صبتك مهووو بمزاجك ياااختي اخرصي بقا احسن هعملها علي نفسي و ربنااااا قطعتي خلفي يا بنت الكل…ب
و فتح العربية وقعده جمبه و مها بتجري و راه بشنطة البيبي و معاها سالم الي كان اجازة
و طلع علي المستشفي و مها مسكه ايدها : بس يا حبيبتي خدي نفسك متخفيش هتعدي علي خير
دخلت ندي علي غرفة الولادة و فارس كان رايح جاي بقلق و مها اتصلت علي سيف و تميم و صباح و ملك جت هي و نادر و ابنها الي بقا عنده ست شهور
سيف وقف جمب فارس : انت كويس
: بحاول انا اتخضيت خضه جابت اجلي
سيف ضحك علي منظرة و فارس اتغاظ
فارس رفع ايديه : اشوف فيك يوم يتقطع خلفك زي يا سيف يا ابن مها
دموع كانت وقفه متوترة و صوت ندي الي واصل عندها مش مطمنها و كانت رايحه جايه و هي بتمشي بصعوبة من بطنها الكبيرة و ياسمين مش احسن منها و هي حطه ايدها علي بطنها الصغيرة
: سييييييف
سيف لف لها بسرعة و جري عليها من صوت صراخها: ايه في ايه مالك انتي كويسة
دموع بخوف و صوت عالي : انا في حاجه نزله مني
سيف مسك ايدها برعب : انتي بتقولي ايه لسه فاضل علي معادك شهر
: يا سيف بقولك ….و بصت تحتها لقت المية نزلت غرقتها
دموع صرخ..ت برع..ب : انا بووووووولد
سيف اتصلب مكانه و معرفش يعمل حاجه و حس قلبه نسي دقه من دقاته و فاق علي نظرات دموع و صراخها
دموع ببكي : الحقنييييييي
سيف بص حولية و شاف الممرضين جايين يجروا بعد ما صباح بلغتهم : انتو وخدنها فين لا هي كويسة هي بس خايفه دموووع لا متعيطيش عشان خطري
تميم مسك كتفه : اجمد يا سيف سيب الدكتور يشوف شغله
: لااااا مش هسيبها دموع جبانه مش هتقدر تستحمل مش هتعرف تتصرف اوووعه يا تميم سبنييي
و جري علي الباب : افتح الزفتتت ده دمووووع متخفيش يا بابا انا جمبك انا معااااكي افتحواااا
الباب ده بقوووول
و فضل يرزع في الباب بيديه و رجلية لحد ما دخل معاها بالعافية و اتعقم و لبس الزي و دخل مسك ايده
و كل ما تصوت يربت علي شعرها و يمسح عرق جبينها
مكان الممرضة
نزلت اول بنوته و دموع كانت بتنهار سيف مسك ايدها جامد : شدي حيلك عشان خطري بناتك محتاجين لك فايقة عشانهم يلا بابا انا جمبك متخفيش خدي نفس
يلا
دموع اومأت بصعوبة و خدت نفس و داست علي نفسها و طلعت تاني بنوته و الممرضة خدتها و جريت بيها جمب اختها
سيف ابتسم بغصه و دموع لمعت في عنيه لما سمع صوتهم الضعيف : سمعه صوتهم يا دموعي سمعه بناتنا
نوره الدنيا يا احله ماما يلا عشان خطري خلاص هانت
يلا يا ماما
دموع غمضت عنيها بتعب و هزت دماغها : سيف خلي بالك منهم عشان خطري
سيف حط ايده علي و شها : هششش بس متقوليش كده تاني هقتلك انتي هتقومي و تخلي بالك منهم يلاا هااا نفس جامد كمان و خلااص يا حبيبي
دموع نفزت التعليمات و نزل البيبي الاخير الممرضة : ولد زي القمر
سيف رفع راسه بصدمه : لا انا متفق معاكم علي تلت بنات جيه من فين ده
الدكتور ابتسم : مكنش باين في الاشعة كويس
دموع ابتسمت علي جنان سيف و غمضت عنيها و رمت راسها علي دراعه
سيف بص له بخوف : د دموع مالك دموووع ردي عليا
الدكتور بهدوء : متقلقش اهدي نامت من الارهاق شوية وهتفوق متخفش
: متاكد يا دكتور دي مش بترد عليا
: متخفش يا استاذ سيف يلا بقا اخرج عشان الممرضات تشوف شغلها و دقايق و هتخرج وراك
سيف خرج بعد تردد و طلع قعد علي الكراسي بهدت حيل و لا كأنه هو الي كان بيولد حط ايده علي وشه
و دموع نزلت بنهيار
مها جريت حضنته هي و صباح : بس يا ولاه يا سيف مالك مش اطمنت عليها هي و عيالك
سيف رفع راسه و خد نفسه بصعوبة : انا مش هعمل فيها كده تاني ابدا
مها ابتسمت بتأثر و صباح ضحكت و ضربته علي كتفه : يخيبك يا منيل ده انت طلعت كوكو اوي يا واد
سيف ضحك و حضنهم هما الاتنين : ندي عملت ايه
: ولدت اول ما دموع دخلت فارس و ملك عندها و احنا كنا مستنين نطمن علي دموع
ياسمين قربت من سيف : مبارك يا سيف بتربوا في عزك
: يبارك فيكي يا حببتي ربنا يقومك بسلامه
و خرجت دموع و معاها البنتين و الولد راح الحضانه
سيف جري وراها ودخل نقلها علي السري براحه و مها شالت طفلة و صباح طفلة و فارس كان قاعد شايل ابنه الي اداه لياسمين و قرب من دموع
بلع ريقة بغصة و مسح علي شعرها : ايه يا وزتي فتحي عنيكي يلاا صحبتك قردة اهي يلاا قومي حمدلله علي سلامتك يا دموع
سيف بعصبية : اوعه يا حيوان انت مش كنت لسه بتدعي عليها
فارس بصدمه : انا ادعي علي دموعي انا بدعي عليك انت و الدعوة رشقت فيك يا فقري و اهي وضحه علي عنيك
و قرب حضن سيف : يتربوا في عزك و صحة امهم يا برووو
سيف ضحك من قلبو : ابنك لو جيه نحيتهم هرفعك انت وهو
دموع بدأت تفوق : اممم سيف بناتي فين
سيف جري عليها : حبيبي حمدلله علي السلامة
: الله يسلمك بناتي فين ندي عملت ايه اه تعبانه
: سلامتك يا بابا بناتك اهم و هيطمنوا علي الولد و جاي دلوقتي ندي اهي
دموع رفعت راسها و بصت لندي الي شورة لها : انتي ورايه ورايه
دموع ضحكت و دموعها نزلت : اناي السبب يا حيوانة من خوفي عليكي ولدت بدري امممم اعدلني يا سيف
سيف رفعها من وسطها و سند ضهرها علي السرير : قلب سيف و حياته ربنا يخليكي ليا يا دموعي
دموع بحب : و يخليك ليا يا عمري كله و ابو عيالي
سيف ضحك و قرب منها البنات : هتسميهم ايه
: آدم ..ليان ..ليليان سيف القاضي
سيف ضحك
: يختييي هي سليمه تبوسها عيانه تبوسها ولدة تبوسها انت بتستغل الفرص ارحمنا يا بروووو
و قرب من ندي : هتسميه ايه يا روحي
ندي بضحكه : علاء
: تفففف عليكي و انا لي كنت قال محضرلك بوسة بعد الاسم
كلهم ضحكوا علي جنان فارس الي م هيعقل و خرجت دموع و ندي و تعمل لهم حفلة سبوع كبيرة
بعد مرور شهرين من المعانه مع تلت اطفال و سهر و رضعات و بمبرز و الغيارات
دخل سيف يتسحب و هو بيهمس : ناااموا
و قفل الباب براحة و لف و وقف مكانه من جمال الحرية بتاعته الي قعدة في نص السرير في احلة طله
: و حشتني يا سيف
: قلبو يا دموعي
*****
تمت بحمدلله

 

• لقراءة باقي فصول الرواية أضغط على (رواية دموع السيف)