رواية تزوجت ملتزمه الفصل الثامن 8 بقلم آمنة الصادق
رواية تزوجت ملتزمه الفصل الثامن 8 بقلم آمنة الصادق
البارت الثامن
#تزوجت ملتزمه ✨💗 {8}
#للكاتبه آمنه الصادق {ميمشكة ❤️ }
#وياريت لو م عملت كدا جاني جوااا و قال لي
محمد :- ح تلبسي عشاني ح تلبسي عشان منو يعني كيف م عندي دخل 😏🙄
طبعا اتفاجئت منو و سيد المحل و يقين كمان و شويتين بقو يضحكو علينا و انا خجلت شديد و هو بعد انتبه خجل و ضحك و طلع خلانا في المحل
يقين :- قلت ليك شيلي هسه كدا كويس 😅😂😂
ضحي :- م دخلك انتي 😏
يقين :- كيف م دخلي و انتي ح تلبسي لي 😅😂😂
ضحي :- اههه 😏 ظريفه
يقين :- اصلا من يومي 😅😂😂
يلااا بعد تعب رجعنا البيت و بعدين شكلتو على اللي عملو قال لي براك غفلتي الشبكه و انا بتكلم معاك اعمل شنو و بعديها اتونسنا كدااا
🍁🍁🍁🍁🍁🍁🍁
#يقين :- بعد تعب طويل رجعنا و الصباح ان شاء الله ح نمشي نودي الشنطه و حاجات الحبسه كلها و انا هنا مشغولة ب عرس اخوي و هناك حبيبي مضغوط شديد كان نفسي اكون جنبو بس الظروف و طوالى قمت اتصلت عليه
يأمن :- ي هلا ب حلووو كيف امسيتي
يقين :- كويسه وانت كيف
يأمن:- الحمدلله نقول ..جسديا كويس الحمدلله اما نفسيا نقول الله يكون في العون
يقين :- ان شاء الله بتهون عليك … لسه مشكلتك م اتحلت
يأمن:- لا والله و الزبونه المرة دي غريبة و عجيبه م بعجبها العجب و صعب التعامل معاها ياااخ كل مخطط بخططو بتقول م زي اللى عايزهو م عارف اعمل شنو التعامل مع النسوان دا صعب خلاص في مشاريع زي دي
يقين :- عايزة شنو هي بالتحديد
يأمن:- م عارف و تقريبا هي زاتها م عارفه عايزة شنو قالت عايزة حاجه مختلفة من الغير يعني م يكون في زيها حاجه فريدة من نوعها
يقين :- طيب حالها المادي كيف يعني بقبل اي فكرة حتي ولو كانت غاليه
يأمن:- قالت م عندها مشكلة في القروش بس تكون حاجه مختلفه
يقين :- طيب اغفل و اتصل فيديو اوريك
يأمن:- تمام
اهااا طيب قولي
يقين :-طيب عاين انا م بعرف كيف ممكن تعملها بس بقول ليك كيف ممكن تكون و انت خططها تمام
يأمن:- تمام قولي
يقين :- يلااا اول شي ممكن تعملو في الارضيه غرفتين ضيوف و غرفه جلسه مغربيه يعني في الارض و غرفه تلفزيون و كمان المطبخ يكون ايطالي يعني مافيهو باب فهمتني صاااح و حوض غسيل لليد و الحمام يكون ليه دخلة عشان الريحه و كدا في الطابق الفوق علي حسب الغرف الاضافيه اللي هي عايزها يعني علي حسب افراد العايله المهم في غرفت النوم تكون فيها مكان للصلاة شكل غير و الوان غير لازم الونها تكون بتفتح النفس و الكلام دا يكون في كل غرفه ل افراد العايله و الحديقه برا تكون من الاسفلت اي بتاع الظلط دا بس تجيب لون اسود عشان يبقي لونو اسود شديد عشان الاشجار لونها يظهر و تعمل قعدة بالاسمنت اهااا كيف و كيف
يأمن:- فكرة حلوة بس غريبه و مجنونه لكن نجرب نشوف ان شاء الله توافق + دقيقه انتي ليه م بقيتي مهندسه
يقين:- لانو انا دكتورة 😎😅
يأمن:- و احلي دكتورة علي قلبي 🙂…. يلاااا خلاص اغفلي امشي اعمل علي فكرتك المجنونه دي
يقين :- خلاص اخدت اللي عايزو و عايز تمش يغسي عليك 😏م كنت قايلك كدا 😞
يأمن:- ي قلبي عشان م انسها معقولة انا اخليك 😘
يقين :- ااا 🥴🥴 م تعمل لي حركاتك دي و اقطع وشك يلااا 😏
وغفلنا علي كدا
🍁🍁🍁🍁🍁🍁🍁
#في الصباح التالي :-💞
في بيت ضحي 🍃🍃
ضحي :- واااي ي بت م مصدقه انو دا كلو حصل وانو م عرست المتخلف داك اااااخ الحمدلله 🙂
يقين :- اصلا بشبهكم الفرح ي قلبي تتهنو ي رب و تسعدو
ضحي :- طيب ي ستي انتي خبرة في العرس وريني اللي بحصل شنو عشان اكون مستعدة يعني قدمي نصايح
يقين :- سجم خشمك لو منتظرة مني نصيحه ي بت انا للان بسمع في النصايح كلها شهر و كم اسبوع من عرست عايزة مني نصيحه 😅😂
ضحي :- ياخ علي قدر البسيط اللي عرفتي و اهم اليوم داك 🙄🙄
يقين :- اذا كدا طيب اسمعي
يلااا انتو عارفين م في داعي احكي عنو 🙄🙄
ضحي :- خوفتني ي بت ح اعيد النظر
يقين :- نظر شنو اللي بتعيدي انتي ادبستي خلاص ي ستي 😏
ضحي :- حليلي انا …. اهاااا انتي من ياتو طرف هسه
يقين :- انا زاتي م قادرة احدد موقفي .. انتي زاتك م لقيتي واحد غير اخوي هسه خطيتني بين نارين
ضحي :- بحبك اعمل شنو لازم اكون جنبك 🙄😅
يقين :- بتحبني 😏 ولا بتحبي يختي
ضحي :- حيوانه ساي انتي تاني م بكون لطيفه معاك و ح اكون مرت اخوك الكبير احترميني 😏
يقين :- و ح اكون الحماة الشريرة يومي نتشاكل 😏
ضحي :- اصلا عارفك منتظرة الفرصه دي من زمان 🙄😏
يقين :- ووقعتي يختي و م سميتي 😏🙄
ضحي :- 😅😂😂😂واااي الدور دا م جاي معانا يختي
يقين :- خالص خالص 😅😂😂
بعد ونسة طويل و جميله رجعنا البيت و كان يوم لا يوصف اتصلت ل يأمن
يقين :- فقدناك ياااا
يأمن:- فقدتوني ولا فقدتني 😉
يقين :- واحد 🙂
يأمن:- لا م واحد 😉
يقين :- اوووف استسلمت
يأمن:- اي لازم 😉
يقين :- الحصل شنو في موضوع المشروع
يأمن:- وافقت و اخيرا عجبتها فكرتك المجنونه 😅😂
يقين :- ي بني النسون بتفهم بعضيها 😅
يأمن:- يلااا شفتي ابني دي م عجبتني 🙄
يقين :- لا هسه خليت الكلام دا كلو و ركزت لي في ابني دي 🙄😏
يأمن:- ياااخ انا اشتقت ليك خلاص تعالي
يقين :- لا طبعا كيف اجي انا بجهز في حاجات العرس انت عارف
يأمن:- تمام طيب انا بجيك😉
يقين :- تمام تعال 😏
يأمن:- جاي عليك
يقين :- كويس منتظراك 🙄
م كنت قايله جادي غفلت منو و جهزت سريري و مشيت المطبخ عملت لي حاجه اكلها لانو جعت لما جيت راجعه لقيت اتصال منو
يأمن:- افتحي الباب انا برا
يقين:- بطل هظار هسه ياااخ وانا عايزة اكل
يأمن:- م بهظر معاك واقف برا انا ح تفتحي ولا انط بالحيطه
يقين :- تنط شنو ي مجنون دقيقه جايه عليك
لفحت توبي و اتسحبت براحه و مشيت فتحت ليه الباب و جريتو سريع و غفلت الباب و بقيت اتسحب تحلفو تقولو بقابل في حبيبي م راجلي سقتو الغرفه واول م غفلت الباب حضني حضن طويل
يأمن:- اشتقت ليك شديد والله 🫂
يقين :- وانا كمان ☺️🫣
و فضلنا كدا ربع ساعه بعدين قال لي انا جعان للان م اكلت تصدقي
يقين :- من قسمتك هسه عملتو عشان اكل ارح اكل معاي + ليه م اكلت للان
يأمن:- اشتقت ل اكلك
يقين :- عارفني مافي اكل اي شي هسه لو مرضت او كان تجي هنا تاكل
يأمن:- هسه جيتك ارح ناكل
اكلنا و مشيت عملت شاي شرب و جيت رقدت جنبو و نمنا علي كدا { عايزين شنو انتو عارفكم منتظرين شنو كنتو ي قليلين ادب بس نحن محترمين 🤭😅😅 م حصلت حاجه نومنا بس مع بعض او الاصح جنب بعض 😅 }
🍁🍁🍁🍁🍁🍁🍁
#يقين :- 💞💞💞💞
الليله الحبسه بتاعت ضحي و مشيت ليها بقيت متقسمه بينهم الاتنين مرة هنا و مرة هناك {🙄اااا منتظرين تعرفو حصل شنو الصباح بعد نام معاي يأمن صااااح 👀 طيب حصل ك الاتي م عرفنا نقول شنو و بعديها استسلمنا للامر الواقع و قلنا التمطر حصو ولما طلعنا من الغرفه عرفت انو هم متجمعين في غرفت التلفزيون بشربو في الشاي و كدا طوالي قلت ليه اطلع و اعمل نفسك جيت هسه وهو م صدق اتسحب براحه و مشي دقه الباب و انا عملت نازلة ياداب و محمد مشي فتح الباب و ياهو عدينا اليوم و مافي زول عرفنا 😉لقيتوني كيف 😅😂خلاص نرجع للقصه }
ضحي :- ي بت واااي الدخان دا حار عيوني باظو خلاص
يقين :- اتحملي شويه تاني بتتعودي
ضحي :- لما اعمي لكن
يقين :- بلاااي عليك شفتي ليك وحدة عِمت من الدخان 😏
ضحي :- م عارفه 🙄 بس انا ح اعمي بعد شويه
يقين :- غايتووو 😏😏بطلي كلام كتير و اقعدي ساي
ضحي :- ننن 🥴 🥴
المهم حبسناها حبسه حلوة و بقت حاجه تانيه ح نعمل ليها حفله طبعا لانو ناس البيت م متشددين زي م الناس بقولو بس براي حبيت النقاب {اوووف م تقولو نسيتو اني منقبه 🙄 }{صراحه بيني و بينكم انا زاتي نسيت انو هي منقبه 🙄 😅😂نرجع للقصه خلاص}
🍁🍁🍁🍁🍁🍁🍁
#يأمن:- طبعا استلمت المشروع داك و بقيت شغال عليه ب رجلي و يدي و م شفت مرتي الحلوة من اليوم داك و ياهو بكرة العرس بحاول اخلص عشان امش احضرو … بقيت اتكلم مع مرتي بتلفون مرة وحدة في اليوم و دقايق بس 🥹 في المدة دي اشتقت ليها شديد والله يلاا بكرة بشوفها 😊
🍁🍁🍁🍁🍁🍁🍁
يوم العرس 💞💞💞
ضحي :- ي بت انا متوترة شديد والله
يقين :- عادي ي بت هسه لما يجي التوتر دا بروح
ضحي :- ان شاء الله ان شاء الله بس خايفه
يقين :- ااهاااا🙄 ي بت اهدي شويه و رقي كدا
🍁🍁🍁🍁🍁🍁🍁
#محمد:- ي مان م عارف انا خايف ليه رغم انو هي بقت مرتي من زمان
يأمن:- ي زول عادي عادي م تخاف
محمد :- حسيت بنفس الشعور وقت عرسك
يأمن:- سكت مسافه عارفين انا م كنت عايز العرس اصلا و م حسيت ب شي الوقت داك رغم كدا جاوبت ليه ب اي دا احساس عادي بعدين بتكون سعيد صدقني
محمد :- ان شاء الله إن شاء الله خايف ي مان م اقدم ليها السعادة اللي بتستحقها
يأمن:- لا ح تقدم و اكتر + يا مان لما الوحدة بتكون بتحبك صدقني بالبسيط بتسعدها النسوان ديل حاجه حلوة ياااخ و بسيطين شديد بس محتاجين راجل بالجد يفهم الحاجه دي و من حاجه بسيطه يقدم ليها سعادة كبيرة و ابسط الاشياء انك م تعاين ل غيرها و هي تحت جناحك و تسندها و صدقني ح تقدم ليك حياتها من غير تردد عادي
محمد :- اووووو يااااا خبرة قلت لي رغم انو ممكن نقول انك يادب عريس كلها شهرين و حاجه
يأمن:- ايوااا الفترة بسيطه بس اتعملت فيها حاجات كتيرة غيرت لي نظرتي في الحياة دي
محمد :- اممم باخد ب نصحيتك دي ان شاء الله
يأمن:- اي لازم عشان تكون سعيد في حياتك الزوجيه 😊
🍁🍁🍁🍁🍁🍁🍁
#يأمن :- 💞💞💞💞
م كنت عارف انو ممكن يطلع مني كلام زي دا بالجد غيرتني شديد البت دي ااااخ منها و اتفاجئت متين بقيت زول واعي كدا و متين عقلت خلاص 😅لكن بيني و بينكم هي بتخلي الشيطان يبقي زي ملاك بتصرفاتو زولة واعيه و مجنونه و حلوة كمان 😅مرتي انتو مالكم بتغزل فيها م عندكم غيرنا 😏😅 نرجع للقصه خلاص
🍁🍁🍁🍁🍁🍁🍁
#محمد:- بعدين طلعنا علي الكوافير و كانت احلي عروسه شفتها في العالم بوستها و حصنتها و حضنتها علي و طلعنا علي الحفله
#ضحي :- لبست فستاني وكنت لابسه حجاب طبعا و انتظرتو و كنت متوترة شديد بعديها حضني و بقي يقرا لي و طلعنا في زغاريت و ابشر ي عريس كانت لحظه حلوة و بعديها اتجهنا ل الحفله …..
#يأمن :- بعد وصلنا الكوافير شفت اميرتي ايوااا لابسه عبايتها و نقابها بس كنت شايفها اجمل وحدة في المكان و طوالي سقتها و منعت زول يركب معانا في العربيه و مشينا ورا العرسان و وقفت في الشارع
يقين :- واقف مالك هنا
يأمن :- اشتقت ليك 🥹كدي النشوف عملتي شنو في العرس دا
يقين :- بطل يااااخي ورح نمشي الحفلة
يأمن:- من متين ي نفسيه بتحضري الحفلات 😏😅
يقين :- نفيسه دي منو 😒😒
يأمن :- لاااااا🤦♂️🤦♂️🤦♂️…
{وقعت و م سميت والله ي يأمن حنيت عليك ياااااخ 🤭😅😅😅}
💞_—-{#دربتني الحياة أن لا أتخلى عن كوني
صامدًة وقويًة، مهما بذلت الخيبات
جهدها في أن تُسقطني}—_💞.
- لقراءة باقي فصول الرواية أضغط على (رواية تزوجت ملتزمه)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)